படுகொலை செய்யப்பட்ட மென்பொறியாளர் சுவாதி பயன்படுத்திய 14 சிம் கார்டுகள் மற்றும் மடிக்கணணி குறித்த தகவல்களை வெளியிட வேண்டும் என கைது செய்யப்பட்ட ராம்குமாரின் வழக்கறிஞர் ராமராஜ் வலியுறுத்தியுள்ளார்.

சென்னை நுங்கம்பாக்கம் ரயில் நிலையத்தில் மென்பொறியாளர் சுவாதி வெட்டி கொலை செய்யப்பட்ட சம்பவம் தொடர்பாக ராம்குமார் கைது செய்யப்பட்டார்.

இந்த நிலையில், ராம்குமாரின் வழக்கறிஞர் ராமராஜ் நேற்று சென்னையில் நிருபர்களுடன் பேசினார். அப்போது, சுவாதி கொலை வழக்கை விரைந்து முடிக்க நீதித் துறையையும் காவல்துறை துணைக்கு அழைப்பதாக ராமராஜ் குற்றம்சாட்டினார்.

மேலும் ராம்குமார் தரப்பு ஆதாரங்களை தாக்கல் செய்ய தான் தேவையான தகவல்களை திரட்டி வருவதாகவும் வழக்கறிஞர் ராமராஜ் தெரிவித்துள்ளார்.

இதனிடையே சுவாதியிடம் 14 சிம்கார்டுகள் இருந்ததாக ராம்குமாரின் வழக்கறிஞர் தெரிவித்திருப்பது பரபரப்பை ஏற்படுத்தியுள்ளது.

இந்தியாவில் உத்தரப்பிரேதசத்தில், கான்பூர் மாவட்டத்தில் 14 வயது சிறுமியை கடத்தி சென்று 3 பேர் பாலியல் பலாத்காரம் செய்துள்ளனர்.

படுகாயமடைந்த அச்சிறுமியை ஊருக்கு வெளியே ஒதுக்குப்புறமான இடத்தில் விட்டுவிட்டுச் சென்றுள்ளனர். தற்போது அச்சிறுமி அங்குள்ள ஒரு வைத்தியசாலையில் அனுமதிக்கப்பட்டுள்ளார். அங்கு அவருக்கு சிகிச்சை அளிக்கப்பட்டு வருகிறது. இருப்பினும் அவரது நிலை மிகவும் கவலைக்கிடமாக உள்ளது.

அவரது தந்தை பொலிஸ் நிலையத்தில் அளித்த முறைப்பாட்டில், ஜூலை 28 ஆம் திகதி மாலை தனது மகள் சைப்சு கிராமத்தில் உள்ள கோவிலுக்கு சென்று வீடு திரும்பும் போது கடத்தப்பட்டதாக கூறியுள்ளார். இருப்பினும் பொலிஸ் விசாரணைக்குப் பயந்து முறைப்பாடு அளிக்காமல் இரவு வரை காத்திருந்து, தனது மகள் வராமையால் தனது உறவினர்களுடன் தேட ஆரம்பித்ததாக கூறியிருந்தார்.

இந்நிலையில், இரண்டு நாட்கள் கழித்து, அசோக், விம்லே மிஸ்ரா மற்றும் ரோஹித் ஆகிய 3 இளைஞர்கள் தன் மகளை பக்கத்து கிராமத்திற்கு வெளியே விட்டுச் சென்ற தகவல் கிடைத்ததாகவும் அவர் கூறியுள்ளார்.

இதையடுத்து அந்த 3 பேர் மீதும் பொலிஸார் வழக்குப்பதிவு செய்து அவர்களை தேடி வருகின்றனர். பாதிக்கப்பட்ட சிறுமியை அருகில் உள்ள வைத்தியசாலையில் மருத்துவ பரிசோதனைக்காக அனுப்பியுள்ளதாக கான்பூர் பொலிஸார் தெரிவித்தனர்.

விழுப்புரம் மாவட்டத்தில் ஒருதலைக்காதல் விவகாரத்தால் மாணவி நவீனா பலியான சம்பவம் சோகத்தை ஏற்படுத்தியுள்ளது.

விழுப்புரம் அருகே உள்ள வா.பாளையம் பகுதியைச் சேர்ந்த அங்கமுத்து என்பவரது மகள் நவீனா(17). பிளஸ்-2 படித்து வந்த இவர் தினமும் பள்ளிக்கு மினி பஸ்சில் சென்று வந்தார்.

குறித்த பேருந்து ஓட்டுநரான செந்தில்(30) என்பவர், நவீனாவை ஒருதலையாக காதலித்தார். இவரது காதலை, அந்த மாணவி ஏற்க மறுத்ததுடன் தனது பெற்றோரிடமும் இதுகுறித்து தெரிவித்துள்ளார்.

பெற்றோரும் அவனை பலமுறை எச்சரித்தும், அந்நபர் திருந்தியபாடில்லை, உங்கள் மகளை எனக்கு திருமணம் செய்து கொடுங்கள் என்று தினந்தோறும் சண்டையிட்டுள்ளான்.

இந்நிலையில் சம்பவத்தன்று, மாணவியின் பெற்றோர் வேலைக்கு சென்றபின்னர், மாணவியின் வீட்டிற்கு பெட்ரோலுடன் சென்ற செந்தில், அங்கு கதவை பூட்டிவிட்டு, என்னை காதலிக்க மறுத்த நீ உயிரோடு இருக்ககூடாது என கூறிக்கொண்டு, தனது உடலில் பெட்ரோலை ஊற்றி தீயை வைத்துக்கொண்டார்.

இதனைப்பார்த்து அதிர்ச்சியடைந்த மாணவி சுதாரித்துக்கொண்டு, அங்கிருந்து தப்பிப்பதற்குள் செந்தில் மாணவியை கட்டிப்பிடித்துள்ளார், இதில் மாணவியின் உடலிலும் தீப்பிடித்ததில், அவரின் அலறல் சத்தம் கேட்டு அருகில் உள்ளவர்கள் விரைந்து வந்து இருவரையும் மீட்டு மருத்துவமனையில் அனுமதித்துள்ளனர்.

அங்கு தீவிர சிகிச்சை அளித்தும் பலனின்றி செந்தில் இறந்தார். மாணவியின் உடல்நிலை மிகவும் மோசமானதால் அவர் மேல்சிகிச்சைக்காக புதுச்சேரி மருத்துவமனைக்கு அனுப்பிவைக்கப்பட்டார்.

சிகிச்சைகள் நடந்து வந்த நிலையில் நான்கு நாட்கள் கழித்து நவீனா நேற்று பரிதாபமாக உயிரிழந்தார், ஒருதலைக்காதல் விவகாரத்தால் நவீனா உயிரிழந்த சம்பவம் பரபரப்பை ஏற்படுத்தியுள்ளது.