யாழ், புங்குடுதீவு மாணவி வித்தியா வன்புணர்விற்கு உட்படுத்தப்பட்டு கொலை செய்யப்பட்ட சம்பவத்தின் சந்தேகநபர்கள் 12 பேரையும் தொடர்ந்தும் விளக்கமறியலில் வைக்குமாறு ஊர்காவற்றுறை நீதிமன்றம் இன்று மீண்டும் உத்தரவிட்டுள்ளது.

இந்த வழக்கின் சந்தேகநபர்கள் 12 பேரும் ஊர்காவற்றுறை நீதவான் நீதிமன்றத்தில் இன்று ஆஜர்படுத்தப்பட்டதை அடுத்து, அவர்களை எதிர்வரும் 29ம் திகதி வரை தொடர்ந்தும் விளக்கமறியலில் வைக்குமாறு நீதவான் மொஹமட் ரியாழ் உத்தரவிட்டுள்ளார்.

கடந்த 18ம் திகதி இடம்பெற்ற வழக்கு விசாரணையின்போது மாணவி வித்தியா வன்புணர்விற்கு உட்படுத்தப்பட்டு படுகொலை செய்யப்பட்ட சம்பவத்தின் மரபணு பரிசோதனை அறிக்கை குற்றப்புலனாய்வுத் திணைக்களத்தினரால் நீதிமன்றத்தில் சமர்ப்பிக்கப்பட்டிருந்தமை குறிப்பிடத்தக்கது.

பகுதி நேர வகுப்பில் 16 வயதான மாணவியை பாலியல் வல்லுறவுக்கு உட்படுத்திய பாடசாலை ஆசிரியர் ஒருவர் எதிர்வரும் 23ம் திகதி வரை விளக்கமறியலில் வைக்கப்பட்டுள்ளார்.

குளியாப்பிட்டிய நீதவான் ஜயருவான் திஸாநாயக்க இந்த உத்தரவைப் பிறப்பித்துள்ளார்.

கிரிஹூல்ல பிரதேசத்தில் பாடசாலை ஒன்றின் ஆசிரியராக பணியாற்றி வந்த சந்தேக நபர் பன்னல பிரதேசத்தில் பகுதி நேர வகுப்பில் வைத்து மாணவியை துஷ்பிரயோகத்திற்கு உட்படுத்தியுள்ளார்.

வகுப்பில் இருந்த மாணவர்கள் இடையில் மாணவியை தெரிவு செய்த சந்தேக நபர் டொபி தருவதாக கூறி, அறைக்கு அழைத்துச் சென்று பாலியல் துஷ்பிரயோகத்திற்கு உட்படுத்தியுள்ளார்.

குறித்த இடத்தில் இப்படியான சம்பவம் நடைபெறக் கூடும் என அந்த இடத்தை ஆய்வு செய்ததன் மூலம் தெரியவந்துள்ளதாக பொலிஸார் நீதிமன்றத்தில் கூறியுள்ளனர்.

சந்தேக நபருக்கு எதிராக பீ. அறிக்கையை நீதிமன்றத்தில் தாக்கல் செய்த போதே பொலிஸார் இதனை கூறியுள்ளனர்.

மேலும், பன்னல பொலிஸார் குறித்த சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.

யாழ். இணுவில் பகுதியில் உள்ள வீட்டுக்குள் கடந்த திங்கட்கிழமை இரவு நுழைந்து திருட முற்பட்ட திருடனை அவனது கைத்தொலைபேசி காட்டிக் கொடுத்துள்ளது.

அதனையடுத்து, குறித்த சந்தேக நபரை நேற்று செவ்வாய்க்கிழமை கைது செய்துள்ளதாக சுன்னாகம் பொலிஸார் கூறினர். சம்பவம் தொடர்பில் தெரியவருவதாவது,

சந்தேகநபர் வீட்டின் ஜன்னல் வழியாக தனது கைத்தொலை பேசியில் இருந்த விளக்கின் (லைட்) ஊடாக வீட்டிலிருந்த பொருட்களை பார்த்துள்ளார்.

திடீரென ஏற்பட்ட வெளிச்சத்தால் வீட்டிலிருந்தவர்கள் கூச்சலிட கையில் வைத்திருந்த கைத்தொலைபேசியை தவறவிட்டு விட்டு திருடன் தப்பித்து ஓடியுள்ளான்.

கைத்தொலைபேசியை மீட்ட வீட்டு உரிமையாளர்கள், சுன்னாகம் பொலிஸ் நிலையத்தில் அதனை ஒப்படைத்துள்ளனர்.

அதனையடுத்து, கைத் தொலைபேசியை சோதனை செய்த பொலிஸார், கந்தரோடை விகாரையடி பகுதியைச் சேர்ந்த 32 வயதான சந்தேகநபரை கைது செய்துள்ளனர்.

கம்பஹாவில், செல்லிடப் பேசியில் பேசிக் கொண்டு ரயில் பாதையை கடந்த மாணவர் ஒருவர் ரயிலில் மோதுண்டு உயிரிழந்துள்ளார்.கம்பஹா பண்டாரநாயக்க மத்திய மஹா வித்தியாலயத்தில் உயர்தரத்தில் கல்வி பயிலும் 19 வயதான செனேத் ரொசான் என்ற மாணவரே இவ்வாறு நேற்று உயிரிழந்துள்ளார்.

கம்பஹா நகரில் அமைந்துள்ள ரயில் கடவை ஒன்றை மாணவர், செல்லிடப் பேசியில் உரையாடிக்கொண்டே கடந்துள்ளார்,இதன்போது கொழும்பு நோக்கிப் பயணித்துக் கொண்டிருந்த ரயிலில் மோதுண்டதாக சம்பவத்தை நேரில் கண்டவர்கள் தெரிவித்துள்ளனர்.

இந்த மாணவர் கொழும்பு கோட்டேயிலிருந்து கண்டி நோக்கிப் பயணிக்கும் ரயிலைப் பார்த்துக் கொண்டு பாதையை கடந்தபோது அவரது பின்னால் கொழும்பு நோக்கிப் பயணித்த ரயில் வருவதனை காணவில்லை.மாணவரின் சடலம் கம்பஹா ஆதார வைத்தியசாலையில் வைக்கப்பட்டுள்ளதுடன் பொலிஸார் விசாரணைகளை ஆரம்பித்துள்ளனர்.

தனது மகளை கொலை செய்த தாய்யொருவருக்கு விளக்கமறியல் நீடிக்கப்பட்டுள்ளது.இதன்படி குறித்த சந்தேக நபரை எதிர்வரும் 28ஆம் திகதி வரை விளக்கமறியலில் வைக்குமாறு கல்முனை நீதவான் நீதிமன்றம் உத்தரவிட்டுள்ளது.கடந்த மே மாதம் 31ஆம் திகதி அம்பாறை மத்திய முகாம் 11ஆம் கொலனி பிரதேசத்தில் தாய் ஒருவர் தனது மகளை கொலை செய்துள்ளார்.

தனது மகள் மதம் மாறியதன் காரணமாக ஏற்பட்ட வாய்தர்க்கத்தில் ஆத்திரமடைந்த தாய் கட்டில் பலகையால் தனது மகளை தாக்கியுள்ளார்.இதில் சம்பவ இடத்திலேயே உயிரிழந்த தனது மகளின் சடலத்தை வீட்டின் பின்புறத்தில் சந்தேக நபர் புதைத்துள்ளார்.

இந்நிலையில் குறித்த கொலை வழக்கு இன்று கல்முனை நீதவான் நீதிமன்றத்தில் விசாரணைக்கு எடுத்துகொள்ளப்பட்ட போதே இந்த விளக்கமறியல் உத்தரவு பிறப்பிக்கப்பட்டுள்ளது.இதேவேளை, இச்சம்பவத்தில் உயிரிழந்த 21 வயதான செல்வநாயகம் ஜனனி என்பவர் சந்தேக நபரின் வளர்ப்பு மகள் என்பது குறிப்பிடத்தக்கது.

தபால் ஊழியர்களின் தொழிற்சங்கப் போராட்டம் காரணமாக கல்விப் பொதுத் தராதர சாதாரண தரப் பரீட்சைக்கான விண்ணப்பங்கள் தாமதமாகினாலும் மாணவர்களுக்க அநீதி இழைக்கப்படாது என பரீட்சைகள் ஆணையாளர் நாயகம் டபிள்யூ.எம்.என்.ஜே.புஸ்பகுமார தெரிவித்துள்ளார்.தொழிற்சங்க போராட்டம் காரணமாக உரிய நேரத்தில் விண்ணப்பப் படிவங்கள் கிடைக்கா விட்டாலும் அதனால் மாணவர்களுக்கு எவ்வித பாதிப்பும் ஏற்படப் போவதில்லை அவர் ஊடகங்களுக்கு தெரிவித்துள்ளார்.

விண்ணப்பப் படிவங்கள் உரிய நேரத்தில் கிடைத்தால் பரீட்சை நடவடிக்கைகளை மேற்கொள்வதற்கு வசதியாக அமையும் என்ற போதிலும், இதனால் மாணவர்களுக்கு அநீதி இழைக்கப்படாது என அவர் குறிப்பிட்டுள்ளார்.விண்ணப்ப முடிவுத் திகதிக்கு முன்னதாக தபால் திணைக்களத்தின் திகதியிடப்பட்ட முத்திரையுடன் தபாலுக்கு அனுப்பி வைத்திருந்தால், அந்த அனைத்து விண்ணப்பங்களும் ஏற்றுக்கொள்ளப்படும் எனவும் அதில் எவ்வித பிரச்சினையும் கிடையாது எனவும் அவர் குறிப்பிட்டுள்ளார்.

இதேவேளை, தபால் திணைக்கள ஊழியர்கள் பாரியளவில் தொழிற்சங்கப் போராட்டமொன்றை முன்னெடுத்து வருகின்றனர். இதன் காரணமாக லட்சக் கணக்கான தபால்கள் தேங்கிக் கிடக்கின்றமை குறிப்பிடத்தக்கது.

இலங்கை, உலகளாவிய ரீதியில் பொருளாதார கண்டுபிடிப்புக்களில் 85வது இடத்தை பிடித்து முன்னேற்றம் அடைந்துள்ளதாகதெரிவிக்கப்பட்டுள்ளது. கடந்த வருடத்தில் 105வது இடத்தை பிடித்திருந்ததாகவும் தற்போது 20 நிலைகளில்முன்னோக்கி இருப்பதாகவும் தெரிவிக்கப்பட்டுள்ளது. உலகம் முழுவதும் புத்தாக்கம் அளவிடக்கூடிய முன்னோடியானகண்டுபிடிப்புக்களில் ஒன்றே உலகளாவிய பொருளாதார கண்டுபிடிப்பின்குறியீடு ஆகும்.

இலங்கை பல பொருளாதார துறைகளில் முன்னிலை பெற்றிருந்தாலும், இதனை முதலாம்இடத்திற்கு கொண்டு வருவதே எமது நோக்கமாக அமைய வேண்டும் என கைத்தொழில் மற்றும்வர்த்தக அமைச்சர் ரிஷாட்பதியுதீன் தெரிவித்துள்ளார். அறிவுசார் சொத்துக் கொள்கை மற்றும் தேசிய அளவிலான புத்தாக்கம் தொடர்பில்கொழும்பில் இடம் பெற்ற மாநாட்டில் கலந்துக் கொண்டு உரையாற்றிய போதே நேற்றுஇதனை அமைச்சர் தெரிவித்துள்ளார்.

சமூக-பொருளாதார நோக்கங்கள் மற்றும் சுற்றுச்சூழல் சவால்களை தேசிய அளவிலானபுத்தாக்க மற்றும் அறிவுசார் சொத்து கொள்கை மாநாடு மூலம் எதிர்கொள்ளமுடியும் எனவும் தெரிவித்துள்ளார். புதுமையான சிந்தனையின் மூலம் நாட்டின் வளர்ச்சியை திறம்பட செயற்படுத்துவதன்ஊடாக விஞ்ஞான காலாச்சாரத்தை எளிதில் உருவாக்க முடியும் என்றும் பதியுதீன்மேலும் கூறியுள்ளார்.

அனைத்து தபால் பணியாளர்களினது விடுமுறைகளும் இரத்து செய்யப்படுவதாக தபால்மாஅதிபர் ரோஹன அபேரத்ன தெரிவித்துள்ளார்.பல்வேறு பிரச்சினைகளை முன்வைத்து தபால் திணைக்கள பணியாளர்கள் பணி பகிஸ்கரிப்பொன்றை கடந்த 12ஆம் திகதி முதல் முன்னெடுத்து வருகின்றமை குறிப்பிடத்தக்கது.

மேலும் இவர்களின் விடுமுறைகள் இரத்து தொடர்பாக வெளியிடப்பட்டுள்ள சுற்றரிக்கைக்கு அமைவாக அனைத்து பணியாளர்களும் பணிக்கு திரும்ப வேண்டும் என குறிப்பிடப்பட்டுள்ளதாகவும் அவர் மேலும் குறிப்பிட்டுள்ளார்.

நேற்றைய தினம் இடம்பெற்ற ஊடக சந்திப்பில் இது குறித்து தெரிவித்த தபால்மா அதிபர் பணியாளர்கள் ஆரம்பித்துள்ள பணி பகிஸ்கரிப்பு தொடர்பில் இன்றைய தினம் தபாற் தொழிற்சங்கத்துடன் கலந்துரையாடலை மேற்கொள்ளவுள்ளதாகவும் தெரிவித்துள்ளமை குறிப்பிடத்தக்கது.

குடிவரவு மற்றும் குடியகல்வு திணைக்களம்,மோசடிகளை தடுக்கும் முகமாக அடுத்தஆண்டின் தொடக்கத்தில் மின்- கடவுச்சீட்டுக்களை வெளியிட நடவடிக்கைகள்முன்னெடுக்க வேண்டும் என வடமேல் அபிவிருத்தி மற்றும்கலாச்சார அலுவல்கள் அமைச்சர் எஸ்.பி நாவின்ன தெரிவித்துள்ளார்.

இணைய கடவுச்சீட்டு விண்ணப்ப படிவங்களை நிரப்புதல் மற்றும் விசாஸ்டிக்கர்களுக்கான அறிமுகப்படுத்தல் நிகழ்வின் போது இதனை நேற்றுதெரிவித்துள்ளார்.இந்த நிகழ்வானது குடிவரவு மற்றும் குடியகல்வு திணைக்கள கேட்போர் கூடத்தில்நேற்று இடம்பெற்றுள்ளதாக தெரிவிக்கப்பட்டுள்ளது.

ஜனாதிபதி மைத்திரிபால சிறிசேன மற்றும் பிரதமர் ரணில் விக்ரமசிங்கவின்மேற்பார்வையின் கீழ் இந்த புதிய தொழில்நுட்பங்கள் அறிமுகப்படுத்தல் நிகழ்வுநடத்தப்பட்டதாக நாவின்ன தெரிவித்துள்ளார்.இந்த திட்டத்தை நடைமுறைப்படுத்துவதற்காக குடிவரவு மற்றும் குடியகல்வுத்திணைக்கள கட்டிடம் தற்போது இருந்த இடத்தில் இருந்து இரண்டு மாதங்களில்மாற்றுவதற்கான திட்டங்கள் மேற்கொள்ளப்பட்டுவருவதாகவும் தெரிவித்தார்.

உள்கட்டமைப்பு மற்றும் தொழில்நுட்ப வசதிகள் காரணமாக 2015ம் ஆண்டுடன் ஒப்பிடுகையில்2016ல் ரூபா 15 ஆயிரம் மில்லியன் அளவில் எதிர்ப்பார்க்கப்படுவதாக அமைச்சர்கூறினார்.நவீன தொழிநுட்ப வசதிகளுடன் புதிதாக அறிமுகப்படுத்தப்பட்ட இயந்திரத்தில்,ரப்பர் முத்திரைகள் ஒட்டுதலுக்கு பதிலாக வாசிக்கும் வகையில் விசா ஏற்பாடுசெய்திருப்பதாகவும் குறிப்பிட்டுள்ளார்.

இதன் மூலம் விசா மாற்றம்,தேசிய பாதுகாப்பு அச்சுறுத்தல்கள்,விசா மோசடிகள்போன்றவற்றில் இருந்து பாதுகாத்துக் கொள்ளலாம் எனவும்,விண்ணப்பதாரர்கள்தங்களின் நேரங்களை சேகரித்துக் கொள்ளலாம் எனவும்கூறியுள்ளார்.இந் நிகழ்வில் உள்நாட்டு அலுவல்கள், வடமேல் அபிவிருத்தி மற்றும் கலாசாரஅலுவல்கள் அமைச்சின் செயலாளர் டி.சுவர்ணபால மற்றும் குடிவரவு மற்றும்குடியகல்வு கட்டுப்பாட்டாளர் நாயகம் நிஹால் ரணசிங்கஆகியோரும் கலந்து கொண்டமை குறிப்பிடத்தக்கது.