நீர்ப்பாசன மற்றும் நிர்வழங்கள் முகாமைத்துவ அமைச்சர் காமினி விஜித் விஜயமுனி சொய்ஷா அவர்களினால் திறந்து வைக்கப்பவுள்ள நீர் வழங்கள் சபையின் வடமத்திய மாகாண காரியாலயத்திற்கு இணைந்ததாக நவீன ஆய்வுகூடம் மற்றும் வடமாகாணக் காரியாலயம் திறப்பது சம்பந்தமான நிகழ்ச்சித்திட்டம், மற்றும் விவசாயிகளின் பிரச்சனைகள் தொடர்பான கலந்துரையாடல் அமைச்சர் காமினி விஜித் விஜயமுனி சொய்ஷா அவர்களினால் இன்று பிற்பகல் 2 மணிக்கு வவுனியா மாவட்ட செயலகத்தில் அரசாங்க அதிபர் ரோகண புஸ்பகுமார தலைமையில் இடம்பெற்றது.

இன் நிகழ்வில் வன்னி மாவட்ட நாடாளுமன்ற உறுப்பினர் கே.கே.மஸ்தான், வடமாகாண சுகாதார அமைச்சர் ப.சத்தியலிங்கம், பிரதேச செயலாளர் கா.உதயராசா, விவசாயத் திணைக்களத்தின் உத்தியோகத்தர்கள், அரச அதிகாரிகள், விவசாய அமைப்புக்கள், என பலரும் கலந்து கொண்டனர்.

 
வவுனியா குருமன்காட்டில் அமைந்துள்ள மீன் சந்தையின் கழிவுகளால் மக்கள் பெரிதும் அசௌகரியங்களுக்குள்ளாகின்றனர்.

வவுனியா குருமன்காட்டு சந்தியில் அமைந்துள்ள மீன் சந்தையிலிருந்து வெளியேரும் கழிவு நீர் முறையான வடிகாலமைப்பு இன்மையால் மீன்சந்தைக்கு அருகே காணப்படும் வர்த்தக நிலையங்களுக்கு முன்னால் செல்கின்றது.

இதனால் வர்த்தகர்கள், பொதுமக்கள் பெரிதும் அசௌகரியங்களுக்கு முகம்கொடுக்க வேண்டியுள்ளது. இது தொடர்பாக வர்த்தகர் ஒருவர் கருத்து தெரிவிக்கையில்..

வவுனியா குருமன்காட்டு சந்தியில் அமைந்துள்ள இந்த மீன் சந்தையின் கழிவு நீர் எமது வர்த்தக நிலையத்திற்கு முன்னால் செல்கின்றது. இந்த துர்நாற்றத்துடன் எம்மால் இருக்க முடியாத நிலை ஏற்ப்பட்டுள்ளது. எனவே உரிய அதிகாரிகள் கவனமெடுக்க வேண்டுமெனத் தெரிவித்தார்.
உரிய அதிகாரிகளே இது உங்களின் கவனத்திற்கு.

அகில இலங்கை தமிழ் மொழித்தின வலய மட்டப் போட்டிகள் வவுனியா தெற்கு கல்வி வலயமட்ட பாடசாலைகளுக்கிடையே நடைபெற்றது. பல பாடசாலைகள் பங்குபற்றியிருந்த இந்நிகழ்வுகள் கடந்த 30.04.2016 தொடக்கம் 15.05.2016 வரை நடைபெற்றது.

இவ் வலயமட்ட தமிழ்த்தின போட்டியில் 12 நிகழ்வுகள் முதலாம் இடங்களையும் 6 நிகழ்வுகள் இரண்டாம் இடங்களையும்,1 நிகழ்வு மூன்றாம் இடத்தினையும் பெற்றது.

முதல் இடங்களைப் பெற்ற 12 நிகழ்வுகள்; மாகாண மட்டப் போட்டியில் பங்குபற்ற உள்ளன. வவுனியா தெற்கு கல்வி வலயமட்டத்தில் நடைபெற்ற தமிழ்தின போட்டியில் வவுனியா தமிழ் மத்திய மகாவித்தியாலயம் அதி கூடிய இடங்களைப் பெற்றுக்கொண்டமை குறிப்பிடத்தக்கது.

வவுனியா மாவட்டத்தில் கடந்த சில தினங்களாக பெய்துவரும் கன மழை காரணமாக பாதிப்புக்குள்ளானவர்களின் விபரம் வவுனியா மாவட்ட அனர்த்த முகாமைத்துவப் பிரிவினால் வெளியிடப்பட்டுள்ளது.

வவுனியா மாவட்டத்தில் 425 குடும்பங்களைச் சேர்ந்த 1651 பேர் மழை வெள்ளத்தினால் பாதிக்கப்பட்டுள்ளதாகவும் 21 வீடுகள் பகுதியளவில் சேதமடைந்தள்ளதாகவும் ஒரு வீடு முற்றாக சேதமடைந்துள்ளதாகவும், வவுனியா தெற்கு பிரதேச செயலாளர் பிரிவில் 4 குடும்பங்களைச் சேர்ந்த 15 பேர் பாதிக்கப்பட்டுள்ளதாகவும் 4 வீடுகள் பகுதியளவில் சேதமடைந்துள்ளதாகவும், வவுனியா வடக்கு பிரதேச செயலாளர் பிரிவில் 309 குடும்பங்களைச் சேர்ந்த 1150 பேர் பாதிப்புக்குள்ளானதாகவும், 43 வீடுகள் பகுதியளவில் சேதமடைந்துள்ளதாகவும 21 வீடுகள் முற்றாக சேதமடைந்துள்ளதாகவும்,

வவுனியா வெங்கல செட்டிகுளம் பிரதேச செயலாளர் பிரிவில் 15 குடும்பங்களைச் சேர்ந்த் 56 பேர் பாதிப்புக்குள்ளாகியுள்ளதாகவும் 2 வீடுகள் பகுதியளவில் சேதமடைந்துள்ளதுடன் 3 வீடுகள் முற்றாக சேதமடைந்துள்ளதாகவும்,

மழை வெள்ளம் காரணமாக வவுனியா மரக்காரம்பளைப் பகுதியில் பொதுநோக்கு மண்டபத்தில் 9 குடும்பங்களைச் சேர்ந்த 43 பேர் தற்காலிகமாக தங்கியுள்ளதாகவும் அவர்களுக்கு சமைத்த உணவு வழங்கிவருவதாகவும், மழை வெள்ளத்தினால் பாதிக்கப்பட்ட மக்களுக்கு உலர் உணவு வழங்குவது தொடர்பாக ஆராய்ந்து வருவதாகவும் அதற்கான ஏற்பாடுளை மேற்கொள்ளப்பட்டு வருவதாகவும் வவுனியா மாவட்ட அனர்த்த முகாமைத்துவப்பரிவின் உதவிப் பணிப்பாளர் ரி.என்.சூரியராஜா மேலும் தெரிவித்துள்ளார்.

 
வவுனியாவில் தொடர்ச்சியாக பெய்த கடும் மழை காரணமாக வவுனியா வேப்பங்குளம் 6ம் ஒழுங்கையில் வசித்து வந்த 13 குடும்பங்களைச் சேர்ந்த 65 பேர் இடம்பெயர்ந்து வவுனியா வேப்பங்குளம் பொது நோக்கு மண்டபத்தில் தற்காலிகமாக வசித்து வருவதாக எமது பிராந்திய செய்தியாளர் தெரிவித்தார்.

இக் கிராமத்திற்கு வடிகாலமைப்பு வசதி இன்மையால் இவ் அனர்த்தம் ஏற்ப்பட்டுள்ளதாக பொதுமக்கள் விசனம் தெரிவிக்கின்றனர்.

சம்பவ இடத்திற்கு விரைந்த இலங்கை விமானப்படை அதிகாரிகள் இடம்பெயர்ந்த இம் மக்களின் குடியிருப்புக்களை பார்வையிட்டதுடன் அவர்களின் தேவைகள் பற்றியும் கேட்டறிந்தார்.

இப் பொதுநோக்கு மண்டபத்தில் கைக்குழந்தைகளுடன் தாயார் படும் துயரங்கள் , சின்னச் சிறுவர்கள் உணவுக்காக காத்திருக்கின்ற நிலை மனதை உருக்குவதாக எமது செய்தியாளர் தெரிவித்தார்.

 
வவுனியா வேப்பங்குளத்தில் வெள்ளத்தால் பாதிக்கப்பட்ட 13 குடும்பங்களுக்கு வவுனியா மாவட்ட பிரஜைகள் குழு உணவுப் பொதிகளை வழங்கியது.

வவுனியா கடந்த 3 நாட்களாக பெய்த கடும் மழை காரணமாக வேப்பங்குளம் 6ம் ஒழுங்கையில் வசித்து வந்த 13 குடும்பங்கள் இடம்பெயர்ந்து வேப்பங்குளம் பொதுநோக்கு மண்டபத்தில் வசித்து வருகின்றனர்.

இவர்களுக்கான மதிய உணவு, சிறுவர்களுக்கு பிஸ்கட், மைலோ, குடிநீர் போன்றவற்றை வவுனியா மாவட்ட பிரஜைகள் குழு வழங்கி வைத்தது.

தமிழ் விருட்சம் அமைப்பின் தலைவர் சந்திரகுமார், செயலாளர் மாணிக்கம் ஜெகன், வவுனியா மாவட்ட பிரஜைகள் குழுவின் தலைவர் தா.சலசலோசன் மற்றும் வவுனியா மாவட்ட பிரஜைகள் குழுவின் அங்கத்தவர்கள் இம் மக்களின் குறைகளை கேட்டறிந்தனர்.

பொதுமக்களினால் தற்போது தங்கியிருக்கும் பொதுநோக்கு மண்டபத்திற்கு மின்சார வசதியினை ஏற்படுத்தி தருமாறு மக்களால் கோரிக்கை விடுக்கப்பட்டது.

வவுனியா வேப்பங்குளம் பொது நோக்கு மண்டபத்திலிருந்து எமது பிராந்திய செய்தியாளர்.

 
வவுனியாவில் AMMU BEAUTY CARE & ACADEMY PVT LTD இனால் மணப்பெண் ஆடை அலங்காரமும் சான்றிதழ் வழங்கும் வைபவமும் நெல்லி ஸ்ரார் ஹோட்டலில் நடைபெற்றது.

இந் நிகழ்விற்கு சிறப்பு விருந்தினர்களாக வவுனியா பிரதேச சபைச் செயலாளரும் அழகுக்கலை நிபுணருமான திருமதி சுகந்தி கிசோர் அவர்களும் தையல் மற்றும் அழகுக்கலை ஒருங்கிணைப்பாளர் திருமதி D.J.குணரட்ணம் அவர்களும் கலந்து சிறப்பித்தார்கள்.

மேலும் இந்நிகழ்வில் அழகுக்கலைப் பயிற்சியை முடித்த இருபது மாணவிகளுக்கு சான்றிதழ்கள் வழங்கப்பட்டன.