உயிர் வாழ வேண்டும் என்பதற்காகவும், கடும் பசியின் காரணமாகவும் சிரியா குழந்தைகள் விலங்குகளின் தீவனங்களை உண்டு வாழும் அவலநிலைக்கு தள்ளப்பட்டுள்ளனர்.

சிரியாவில் கடந்த 2011ம் ஆண்டு முதல் நடைபெற்று வரும் உள்நாட்டு போரால் மில்லியன்கணக்கான மக்கள் பாதிக்கப்பட்டுள்ளனர். பெண்கள், குழந்தைகள் உட்பட லட்சக்கணக்கான பேரும் அகதிகளாக மற்ற நாடுகளில் தஞ்சமடைந்தும் உள்ளனர்.

இந்நிலையில் சிரியாவில் நிலவிவரும் கடுமையான உணவு பஞ்சம் காரணமாக குழந்தைகள் ஆடு, மாடுகளின் கால்நடை தீவனத்தை உண்டு உயிர்வாழும் அவல நிலைக்கு தள்ளப்பட்டுள்ளனர்.

சிரியாவில் கடந்த மாதம் முதல் போர்நிறுத்தம் அமுலுக்கு வந்தாலும், வெகு தொலைவில் வாழும் மக்களுக்கு உணவுகள் கிடைப்பதில்லை.
போதிய மருத்துவ உதவிகள், சுத்தமான குடிநீர், ஆரோக்கியமான உணவு இல்லாமல் சுமார் 250,000 குழந்தைகள் தவித்துக் கொண்டிருக்கின்றனர்.

சரியான உணவு சாப்பிடாததால் கைக்குழந்தைகளுக்கு பாலூட்டும் சக்திகூட இல்லாமல் தாய்மார்கள் வேதனையில் துடிதுடித்துப் போகின்றனர்.

இந்நிலையில் பட்டினியால் குழந்தைகள் மடிவதை தடுப்பதற்காக பெரும்பாலானவர்கள் ஆடு, மாடுகளுக்கு வழங்கும் தீவனங்களை உண்டு வாழ்கின்றனர்.

இதுகுறித்து தந்தை ஒருவர் கூறுகையில், தினமும் தங்கள் குழந்தையின் எடை குறைந்து கொண்டே போவதாகவும், ஏமாற்றி குழந்தைகள் புற்களை உண்ண சொல்வதாகவும் மிகவும் மனவேதனையுடன் தெரிவித்துள்ளார்.

மேலும் போதிய மருத்துவ உதவிகள் இல்லாமல் பச்சிளம் குழந்தைகள் மடிந்து கொண்டிருப்பது கல்மனதையும் கரைய வைத்துவிடும்.

4பெண்கள் உரிமைகள்,வீடு வன்முறை,கருக்கலைப்பு சட்டத்திற்கு எதிராகவும்,பாலின சமத்துவம் மற்றும் மனித உரிமை பிரச்சினைகள் பல முன்னிலைப்படுத்தி கடந்த செவ்வாய்க்கிழமை சர்வதேச மகளிர் தினம் அன்று ஆயிரக்கணக்கான பெண்கள் தென் அமெரிக்கா முழுவதும் வீதிகளில் ஆர்ப்பாட்டத்தில் இறங்கினர்.

சர்வதேச மகளிர் தினம் உலகளாவில் கொண்டாடப்படும் தினம் என்பதால் பிரேசில், சிலி, அர்ஜென்டீனா, கோஸ்டா ரிகா, வெனிசுலா பிரதேசங்களில் தமது உரிமைகளைகோரி இவ்வார்ப்பாட்டம் நடத்தப்பட்டன.

இவ் ஆர்ப்பாட்டத்தில் பல பெண்கள் தங்கள் மார்பு மற்றும் வயிற்று பகுதியில் எழுதப்பட்ட சுலோகங்கள் பயன்படுத்தி கலந்துக்கொண்டனர்.

லத்தீன் அமெரிக்காவில் தற்போது பரவிவருகின்ற ஸீக்கா வைரஸ் தொற்றினை கட்டுப்படுத்துவதற்கு உதவ முடியாத அளவுக்கு அதற்கான தடுப்பு மருந்துகள் மிகவும் தாமதாகவே உருவாக்கப்படக்கூடும் என்று உலக சுகாதார நிறுவனம் எச்சரித்துள்ளது.

மிகவும் முன்னேற்றம் கண்டுள்ள பரீட்சார்த்த தடுப்புமருந்துகள் கூட, மனிதர்களிடத்தில் சோதனையிடப்படுவதற்கு இன்னும் பல மாதங்கள் தேவைப்படலாம் என்று உலக சுகாதார நிறுவனத்தின் துணை தலைமைச் செயலர் டாக்டர் மேரி போல் கேனி கூறினார்.

ஆனால், கர்ப்பிணி தாய்மார் மற்றும் குழந்தை பெற்றுக்கொள்ளும் வயதில் உள்ள பெண்களுக்கு பொருத்தமான தடுப்புமருந்துகளை கண்டுபிடிக்க வேண்டியது மிகவும் அவசியம் என்றும் அவர் தெரிவித்தார்.

குழந்தைகளின் மூளையில் மிகவும் அரிதான மூளை பாதிப்பை இந்த இந்த ஸீகா வைரஸ் தான் ஏற்படுத்துவதாக மிகவும் உறுதியாக சந்தேகிக்கப்படுகின்றது.