சிவனொளிபாத மலைக்கு வழிபாடுக்கு சென்ற சிங்கப்பூா் பிரஜை ஒருவர் நேற்று (16.03) திங்கட்கிழமை இரவு திடீரென உயிரிழந்துள்ளதாக நல்லதண்ணி பொலிஸார் தெரிவித்தனர்.

55 வயதுடைய டொன் ஏன் என்ற நபரே இவ்வாறு உயிரிழந்துள்ளதாகவும், தற்போது அவருடைய சடலம் பிரேத பரிசோதனைக்காக மஸ்கெலியா வைத்தியசாலையில் வைக்கப்பட்டுள்ளதாகவும் நல்லதண்ணி பொலிஸ் நிலைய பொறுப்பதிகாரி தெரிவித்தார்.

சிங்கப்பபூர் நாட்டைச் சேர்ந்த சுற்றுலாப் பயணிகள் சிலர் சிவனொலிபாத மலைக்கு நேற்று மாலை 6 மணியளவில் விஜயம் செய்திருந்த நிலையில் இந்திகட்டுப்பான என்ற இடத்தில் வைத்து இந்த சம்பவம் இடம்பெற்றுள்ளது.

குறித்த நபா் மாரடைப்பினால் உயிரிழந்திருக்கலாம் என பொலிஸார் சந்தேகிக்கின்றனா். இந்த சம்பவம் தொடர்பான மேலதிக விசாரணைகளை நல்லதண்ணி பொலிஸார் மேற்கொண்டு வருகின்றனர்.

தனது ஆறு வயது மகளைப் பாலியல் வல்லுறவுக்கு உட்படுத்தியதாகக் கூறப்படும் தந்தை ஒருவரை (வயது29) சிலாபம் பொலிஸ் நிலைய சிறுவர் மற்றும் பெண்கள் பிரிவினர் கைது செய்துள்ளதாக சிலாபம் பொலிஸார் தெரிவித்தனர்.

தாக்கப்பள்ளி தெமட்டபிட்டிய எனும் பிரதேசத்தில் அமைந்துள்ள அவர்களது வீட்டில் வைத்தே இக்குற்றம் நிகழ்ந்துள்ளதாகவும் பொலிஸார் தெரிவித்தனர்.

இச்சம்பவம் தொடர்பில் சிலாபம் பொலிஸ் பிரிவின் சிரேஷ்ட பொலிஸ் அத்தியட்சகருக்குக் கிடைத்த தொலைபேசித் தகவல் ஒன்றினையடுத்து சந்தேக நபரான தந்தையைக் கைது செய்ததாக பொலிஸார் தெரிவித்தனர்.

இது தொடர்பில் மேற்கொள்ளப்பட்ட ஆரம்ப கட்ட பரிசோதனைகளின் மூலம் குற்றம் புரியப்பட்டிருந்தமை உறுதிப்படுத்தப்பட்டுள்ளதாக தெரிவித்த பொலிஸார், மேலதிக விசாரணைகளை மேற்கொண்டு வருகின்றனர்.

மன்னார் திருக்கேதீஸ்வரம் பகுதியில் காணப்பட்டிருந்த மனிதப் புதைகுழி தொடர்பான வழக்கு மன்னார் நீதிமன்றத்தில் திங்களன்று விசாரணைக்கு எடுத்துக்கொள்ளப்பட்டபோது, மனித எலும்புக் கூடுகள் கண்டெடுக்கப்பட்ட பிரதேசத்தில் அகழ்வுப் பணிகளை மேற்கொள்ளுமாறு நீதவான் உத்தரவிட்டுள்ளார்.

இந்தப் பகுதியில் 80க்கும் அதிகமான மனித எலும்புக் கூடுகள் கண்டெடுக்கப்பட்டதன் பின்னர் அகழ்வு பணிகள் இடைநிறுத்தப்பட்டு, கண்டெடுக்கப்பட்டிருந்த மனித எலும்புக் கூடுகள் தொடர்பான பரிசோதனை நடவடிக்கைகள் இடம்பெற்றிருந்தன.

இதனையடுத்து, இந்தப் பிரதேசத்தில் அகழ்வு வேலைகள் மீண்டும் ஆரம்பிக்கப்பட வேண்டும் என்று காணாமல் போனவர்கள் சார்பிலான சட்டத்தரணிகள் விடுத்த வேண்டுகோளை ஏற்று ஏப்ரல் மாதம் 6 ஆம் திகதி தொடக்கம் 10 ஆம் திகதி வரை அகழ்வு பணிகளை மேற்கொள்ளுமாறு நீதிமன்றம் பொலிஸாருக்கு உத்தரவிட்டிருப்பதாக நீதிமன்றத்தில் தோன்றி வாதிட்ட சட்டத்தரணிகளில் ஒருவராகிய விவேகானந்தன் புவிதரன் தெரிவித்தார்.

அதேவேளை, முன்னர் அகழ்வு வேலைகள் இடம்பெற்ற பகுதியில் காணப்பட்ட பாழடைந்த கிணறு ஒன்று முழுமையாக மூடப்பட்டுள்ளதாகவும், அந்தக் கிணற்றின் உள்ளேயும் மனித எலும்புக் கூடுகள் இருக்கலாம் என்ற சந்தேகம் தெரிவிக்கப்பட்டு, அந்தக் கிணறு இருக்கும் இடத்தைக் கண்டுபிடித்து, அதனையும் தோண்டுவதற்கு நடவடிக்கை எடுக்க வேண்டும் என்று காணாமல் போயுள்ளவர்களின் சார்பில் ஆஜராகியிருந்த சட்டத்தரணிகள் நீதிமன்றத்திடம் கோரியிருந்தனர்.

இதனையடுத்து அந்தக் கிணறு இருந்த இடத்தைக் கண்டறிந்து அறிக்கை சமர்ப்பிக்குமாறு நீதிமன்றம் பொலிஸாருக்கு உத்தரவிட்டிருந்தது, அத்துடன் இந்தக் கிணறு சம்பந்தமாக கோரிக்கை விடுத்திருந்த சட்டத்தரணிகளும் அந்த இடத்தைச் சென்று பார்வையிடுவதற்கும் நீதிமன்றம் அனுமதி வழங்கியிருந்தது.

இதனையடுத்து, அந்தப் பகுதிக்குச் சென்ற சட்டத்தரணிகளினால் அந்தக் கிணறு இருக்குமிடத்தைக் கண்டறிய முடியாதிருந்ததாகவும் அங்கு மழை வெள்ளம் தேங்கியிருந்ததனால், கோடை காலத்தில் அதனைக் கண்டு பிடிப்பதற்கு நடவடிக்கை எடுக்கப்படவுள்ளது என்றும் சட்டத்தரணி விவேகானந்தன் புவிதரன் தெரிவித்தார்.

இந்த வழக்கில் இலங்கை சட்டத்தரணிகள் சங்கத்தின் சார்பில் சட்டத்தரணி கே.எஸ்.ரட்ணவேல் உள்ளிட்ட சட்டத்தரணிகளும் நீதிமன்றத்தில் ஆஜராகியிருந்தனர்.

தமிழ் மக்­க­ளுக்கு நாங்கள் ஒரு­போதும் எதி­ரா­ன­வர்கள் அல்லர். பயங்­க­ர­வா­த­மா­னது எம் இரு சமுதா­யத்­தி­ன­ரையும் அழிவை நோக்கி இட்டுச் சென்­ற­தா­லேயே அதனை தோல்­வி­ய­டையச் செய்வ­தற்கு நாம் முயற்­சித்தோம். பௌத்த பிக்­குமார் என்ற வகையில் எம் மனதில் ஒரு காலமும் தமிழருக்­கெ­தி­ரான மனோ­நிலை இருந்­த­தில்லை, என்று ஜாதிக ஹெல உறுமயவின் இணைத் தலைவரும் பாராளு­மன்ற உறுப்­பினருமான அத்து­ர­லியே ரத்ன தேரர் தெரி­வித்தார்.

யாழ்.வீர­சிங்கம் மண்­ட­பத்தில் இடம்­பெற்ற சிங்­கள பௌத்த கலா­சார விழாவில் கலந்­து­கொண்டு உரை­யாற்­று­கை­யி­லேயே அவர் இவ்­வாறு கூறினார். அவர் தொடர்ந்து கூறு­கையில்..

வடக்கு யுத்­தத்தில் தமிழ் மக்கள் பெரு­ம­ளவு துய­ரத்­துக்­குள்­ளா­னார்கள். சிங்­கள மக்­களின் விகி­தா­சார அடிப்­ப­டையில் தமிழ் மக்­களின் இழப்பு அதிகம். தமிழ்ச் சமு­தாயம் கடந்த தசாப்­தத்தில் சிங்­க­ள­வர்­க­ளுக்கு எதி­ராக போர் புரி­வ­தா­கவே நினைத்­தது. தமிழ், சிங்­கள சமு­தா­யங்கள் மிகத் தெளி­வாகப் பார்க்­க­வில்லை. தமிழ், சிங்­கள அர­சி­யல்­வா­தி­களின் பிழை­யான அர­சியல் கொள்­கையே இந்த சமூகக் கிளர்ச்­சிக்கு அடிப்­ப­டை­யா­னது.

யாழ்ப்­பாண நூலகம் எரிக்­கப்­பட்­டமை அர­சி­யல்­வா­தி­களின் தனிப்­பட்ட நோக்­கத்தின் அடிப்­ப­டை யில் ஆகும். சிங்­க­ள­வர்­களின் எதிரி தமி­ழர்­களோ தமி­ழர்­களின் எதிரி சிங்­க­ள­வர்­களோ இல்லை. வடக்­கு, கிழக்கில் முன்­னெ­டுக்­கப்­பட்ட இந்த யுத்தம் இந்­த­ள­வுக்கு வீரி­ய­ம­டை­வ­தற்கு காரணம் வெளி­நாட்­ட­வர்­களின் தலை­யீ­டாகும்.

எமது அர­சியல் தலை­வர்கள் பிழை­யான வெளி­நாட்டுக் கொள்­கை­களை பின்­பற்­றினர். நாங்கள் அமெ­ரிக்­கர்­களில் தங்­கி­யி­ருந்த வேளை இந்­தியா சோவியத் தேசத்தின் பாதையில் சிந்­தித்­தது. சோவியத் தேசம் இன்று இல்­லா­த­தனால் உலகச் சந்தை தொடர்பில் இந்­தி­யா­வுக்கும் சீனா­வுக்கும் இடையில் போட்டி இடம்பெ­று­கின்­றது.

நாங்கள் பொம்­ம­லாட்­டக்­கா­ரர்­க­ளாக இருப்­பதால் விப­ரீ­த­மான பிரச்­சி­னை­க­ளுக்கு முகங்கொடுக்கவேண்­டிய நிலைமை ஏற்­பட்­டது. விவ­சாயப் பொருட்­களில் இர­சா­யன பாவ­னையால் ரஜ­ரட்ட பிரதேசத்தின் நீர் உவர்­நீ­ராக மாற்­ற­ம­டைந்து அங்கு சிறு­நீ­ரக நோய் பர­வி­யுள்­ளது.

ஒரு இலட்­சத்­துக்கும் அதி­க­மான மக்கள் மர­ணத்தை எதிர்­நோக்­கி­யுள்­ளனர். இவ்­வா­றான நிலையில் வட­மா­காண சபை இர­சா­ய­ன­மற்ற விவ­சாயக் கொள்­கை­யொன்றை அறிமுகப்படுத்தலாம்.

யாழ்ப்­பாணம் எதிர்­கா­லத்தில் கடல் ­நீ­ருக்குள் மூழ்கும் அபாயம் உள்­ளது. அதி­க­ப்ப­டி­யான காபனீரொட்­சைட்டு வாயு கார­ண­மாக கடல்­நீர்­மட்டம் அதி­க­ரிக்­கின்­றது. ஐக்­கிய நாடுகள் சபை இது தொடர்பில் எச்­ச­ரிக்கை விடுத்­துள்­ளது. இலங்கை சூழல் ரீதி­யாக அழி­வ­டை­யாத நாடு. அதனை பாது­காக்­க­வேண்டும்.

மது, போதைப்­பொருள் பாவனை, விப­சாரம் என்­பன தமிழ், சிங்­கள சமூ­கத்தில் அதி­க­ரித்­துள்­ளது. இவற்றிலிருந்து சமுதாயத்தை மீட்டெ டுக்கவேண்டும். எமது நாடு தற்போது பெரும் கலாசாரச் சீரழிவுகளை எதிர்நோக் கியுள்ளது. கொழும்பிலிருந்து போதைப் பொருள் பாவனை தற்போது வடக்குக்கும் பரவி வருகின்றது. வடக்கு, தெற்கு என்ற பாகுபாடின்றி எமது கலாசாரங்களை பாது காக்க குரல் கொடுக்கவேண்டும் என்றார்.