இங்கிலாந்தில் உள்ள லிவர்பூல் நகரில் நேற்று மலிவுவிலையில் மதுவிற்பனை செய்யப்பட்டது. மலிவு விலையில் கிடைத்ததால் அந்த பகுதியில் உள்ள பள்ளி,மற்றும் கல்லூரி மாணவ மாணவிகள் அளவுக்கதிமாக குடித்துவிட்டு, ஆடைகளை கழட்டி அட்டகாசம் செய்தனர்.

மாணவ, மாணவிகள் என்பதால் பொலிஸார் எச்சரித்துவிட்டு அவர்களை வீடுகளில் சேர்க்கும் பணியில் ஈடுபட்டனர். இதனால் அந்த பகுதியில் பெரும் பரபரப்பு ஏற்பட்டது.

இங்கிலாந்தில் உள்ள லிவர்பூல் பகுதியில் நேற்று ஒரு பவுண்டுக்கு மலிவு விலையில் மதுவிற்பனை செய்யப்பட்டது. இவ்வளவு குறைந்த விலையில் மது வகைகளும், வைன் வகைகளும் தாராளமாக கிடைத்ததால் ஏராளமான ஆண்களும் பெண்களும் போட்டி போட்டுக்கொண்டு வாங்கி அளவுக்கதிமாக குடித்துவிட்டு ரோட்டில் மயங்கிக்கிடந்தனர்.

இவர்களில் பலர் பள்ளி, கல்லூரி மாணவிகள். அரைகுறை ஆடையுடன் போதையில் அவர்கள் போட்ட ஆட்டம் அந்த பகுதியில் உள்ளவர்களை அதிர்ச்சியுற வைத்தது.

இந்த தகவல் பொலிசாருக்கு கிடைத்ததும் அவர்கள் விரைந்து வந்து போதையில் மயங்கிக்கிடந்த மாணவிகளை அப்புறப்படுத்தும் பணியில் ஈடுபட்டனர். அவர்களின் மொபைல்களில் இருந்த நம்பர்களின் மூலம் அவர்கள் பெற்றோர்களுக்கு தகவல் கொடுத்தனர். மலிவு விலையில் மதுவிற்பனை செய்த கடைகளை சீல் வைத்து அடைத்தன

சூரியன் மறைந்த பின்னும் ஆறு மணி நேரத்திற்கு மின்சாரம் உற்பத்தி செய்து அமெரிக்க சூரிய சக்தி மின் நிலையம் ஒன்று சாதனை படைத்து உள்ளது. இந்த தொழில்நுட்ப முன்னேற்றத்தின் வெற்றி சூரிய சக்தி ஆர்வலர்கள் இடையே பெரும் எதிர்பார்ப்பை ஏற்படுத்தி உள்ளது.

தற்போது சூரிய ஒளி, சூரிய வெப்பம் ஆகிய இரண்டு வேறுபட்ட தொழில்நுட்பங்கள் மூலம் சூரிய சக்தியில் இருந்து, மின்சாரம் உற்பத்தி செய்யப்பட்டு வருகிறது. இவற்றில்,சூரிய ஒளி தொழில்நுட்பம் பரவலாக உள்ளது.

ஆனால், இந்த தொழில்நுட்பம் மூலம், வெயில் உள்ள வேளைகளில் மட்டும் தான் மின்சாரம் உற்பத்தி செய்ய முடியும். வழக்கமாக, இரவு நேரங்களில் மின் தேவை அதிகரிக்கும். அப்போது,இந்த தொழில்நுட்பத்தால் கைகொடுக்க முடியாது.

இந்த குறைபாட்டை தீர்க்கும் விதத்தில் தற்போது சூரிய வெப்பம் மூலம் மின்சாரம் உற்பத்தி செய்யும் தொழில்நுட்பம் வளர்ந்து வருகிறது. அந்த வகையில் அமெரிக்காவின் அரிசோனா மாநிலத்தில் அமைந்து உள்ள சோலானா என்ற தனியார் மின் நிலையம் சாதனை படைத்து உள்ளது.

கடந்த 5,300 ஆண்டுகளுக்கு முன் வாழ்ந்த ஒருவரின் சந்ததியினர் 19 பேர், தற்போது, ஒஸ்ரியா நாட்டில் வாழ்வதாக ஆய்வாளர்கள் கண்டறிந்து உள்ளனர்.

கடந்த1991ல், இத்தாலி நாட்டின், டைரோல் மலைப் பகுதியில், பனியில் உறைந்த சடலம் ஒன்று கண்டெடுக்கப்பட்டது. ஆய்வில்,அது 5,300 ஆண்டுகளுக்கு முன்பு இறந்தவரின் உடல் என,தெரியவந்தது.

அதிலிருந்து அந்தக் காலத்தில் வாழ்ந்தவர்கள் குறித்து, தொன்மையான தகவல்கள் கிடைக்கும் என்பதால், அதன் மீது ஏகப்பட்ட ஆய்வுகள் நடத்தப்பட்டன. ஆய்வாளர்கள் அந்த மனிதருக்கு ´ஓட்சி பனிமனிதன்´ எனவும் பெயரிட்டனர்.

ஆய்வுகளின் ஒரு பகுதியாக, முழு மரபணு தகவலும் சேகரிக்கப்பட்டது. அந்த தகவல்கள் கடந்த ஆண்டு வெளியிடப்பட்டன. அதில் ஓட்சியின் மரபணுவில் ஒரு சடுதி மாற்றம் இருந்ததாக தெரியவந்தது.

இத்தகைய மாற்றங்கள்,சில குறிப்பிட்ட பகுதிகளில் உள்ள தட்பவெப்பம் உள்ளிட்ட சூழல்களால், அங்கு வசிப்பவர்களிடம் உருவாகின்றன. அதனால், அவை பண்டைய மக்களின் இடப்பெயற்சிகள் குறித்து ஆய்வு செய்வதற்கு பயன்படுகின்றன.

அதன் அடிப்படையில் ஒஸ்ரியா நாட்டின் டைரோல் பகுதியில், 3,700 பேரின் மரபணுக்கள் ஆய்வு செய்யப்பட்டன. அதில் 19 பேருக்கு ஓட்சியின் மரபணு சடுதி மாற்றம் இருந்ததாக தெரியவந்தது. ஆய்வாளர்களின் கணிப்பு படி, அவர்கள் ஓட்சியின் சந்ததியினர் அல்லது சொந்தக்காரர்களாக இருக்க வேண்டும்.

வானளாவிப் பரந்து விரிந்திருக்கும் இணையதளத் தொடர்புகளின் சேவை எல்லையை ஆழ்கடலின் அடியிலும் பயனளிக்கும் வகையில் விரிவுபடுத்த அமெரிக்க விஞ்ஞானிகள் முயற்சி செய்து கொண்டிருக்கின்றனர்.

சுனாமி அறிவிப்பு, மாசுபாடுகள் கண்டறிதல் மற்றும் நிகழ்வுகள் கண்காணிப்பு போன்றவற்றைக் கண்டறிவதற்கும் ஆழ்கடல் இணையதள இணைப்புகளை ஏற்படுத்தும் சோதனை முயற்சியில் அவர்கள் வெற்றி பெற்றுள்ளதாகத் தகவல்கள் தெரிவிக்கின்றன.

நிலம் சார்ந்த வயர்லெஸ் தொடர்புகள், செயற்கைக்கோள் மற்றும் அண்டெனா வழியாக வரும் தரவுப் பரிமாற்றத்திற்கு ரேடியோ அலைகளைச் சார்ந்திருந்தன.

ஆனால் தண்ணீருக்கடியில் இவற்றின் செயல்பாடு சக்தி வாய்ந்ததாக இருக்காது என்பதால் பொதுவாக ஒலி அலை சார்ந்த தொழில்நுட்பங்கள் பயன்படுத்தப்பட்டு வந்தன.

தற்போது இணையதளப் பயன்பாடுகள் மூலம் ஏற்படுத்தப்படும் வயர்லெஸ் இணைப்புகள் கடலுக்கடியில் இருந்து தரவுகளைச் சேகரிக்க முன்னெப்போதும் இல்லாத அளவிற்குத் திறமையாகச் செயல்படும் என்று இத்திட்டத்தின் முன்னணி ஆராய்ச்சியாளரும், பஃபெல்லோ பல்கலைக்கழகத்தின் மின்பொறியியல் இணை பேராசிரியருமான டொம்மாசோ மெலோடியா தெரிவிக்கின்றார்.

சுனாமி போன்ற பேரழிவு ஏற்படும் காலங்களில் ஒரு ஸ்மார்ட்போன் அல்லது கணினியில் யாருக்கும் கிடைக்கும் இந்தத் தகவலை வைத்து மக்களைக் காப்பாற்ற முடியும் என்று இவர் கூறுகின்றார்.

பல அமைப்புகள் உலகளவில் இந்த முறையைப் பயன்படுத்தினாலும் கட்டமைப்பு மாறுபாடு காரணத்தினால் அவற்றுள் செய்திகளைப் பகிர்ந்தளித்தல் என்பது இயலாத ஒன்றாக உள்ளது.

ஆனால், நீருக்கடியில் பயன்படுத்தப்படும் இந்த புதிய மேம்படுத்தப்பட்ட தொடர்புகளில் தகவல் பரிமாற்றங்கள் எளிதாக்கப்பட்டுள்ளதாகவும் அவர் கூறினார்.

சோதனை முயற்சியில் வெற்றி பெற்றுள்ள இந்தப் புதிய தொழில்முறை பேரழிவுக் காலங்களில் கடலோர மக்களை முன்கூட்டியே எச்சரித்துப் பாதுகாக்க உதவும் என்று விஞ்ஞானிகள் தரப்பில் தெரிவிக்கப்பட்டுள்ளது.

சிரியாவில் ஜனாதிபதி படைக்கும் போராளிகளிக்கும் இடையே நடந்துவரும் சண்டை உச்சக்கட்டத்தை எட்டியுள்ளது. இதில் சிரியா தலைநகர் டமாஸ்கஸ் அருகே உள்ள புறநகர் பகுதிகள் பெரும்பாலும் போராளிகளின் கட்டுப்பாட்டில் இருப்பதாக கூறப்படுகிறது.

அப்பகுதியில் தொடர்ந்து தீவிரமான குண்டு தாக்குதல் நடந்து வருவதால், மக்கள் வெளியே செல்ல முடியாமல் அங்கேயே பட்டினியால் வாடி வருகின்றனர்.

உணவு மருத்துவம் உள்ளிட்ட சர்வதேச உதவிகளூம் அப்பகுதிக்கு செல்லவில்லை.

முஸ்லிம்களின் முக்கிய பண்டிகையான பக்ரீத் திருநாளை மக்கள் விருந்துண்டு கொண்டாவது வழக்கம். இந்நிலையில் அவர்கள் எங்கும் செல்லமுடியாத நிலையில் இருப்பதால் அங்கு பட்டினி கிடங்கும் மக்களுக்கு அப்பகுதி மசூதிகளின் மதத்தலைவர்கள் புதிய உத்தரவு ஒன்றை புறப்பித்துள்ளனர்.

பட்டினி கிடக்கும் மக்கள் பூனை, நாய், கழுதைகளை சாப்பிட்டு பட்டினியை போக்கிக்கொள்ளலாம் என்று மதத்தலைவர்கள் கூறியுள்ளனர். இதையடுத்து, அவர்கள் தங்களை சுற்றியுள்ள விவசாய நிலங்களுக்கு சென்று, இஸ்லாத்தில் சொல்லப்படாத மனிதர்களுக்கு பொருந்தாத விலங்குகளான பூனை, நாய், கழுதைகளை சாப்பிட்டு பசியை போக்கிக்கொள்ள சாப்பிட ஆரம்பித்துள்ளதாக தெரிகிறது.

பட்டினியால் துடித்துக்கொண்டிருக்கும் மக்களுக்கும் இது ஒரு உதவியாக இருக்கும். இந்த மோசமான நிலை தொடருமானால், வாழ்ந்து கொண்டிருப்பவர்கள் இறந்ததை தின்னும் நிலை உருவாகும் என்றும் மதகுருமார்கள் எச்சரித்துள்ளனர்.

சிரியா முழுவதும் நடைபெற்று வரும் இந்த சண்டை காரணமாக இதுபோன்று உத்தரவுகள் சிரியாவின் மற்ற பகுதிகளில் முன்பு மதகுருமார்கள் பிறப்பித்துள்ளனர் என்றும் கூறப்படுகிறது.