11வது சென்னை சர்வதேச திரைப்பட விழா கடந்த 12ம் திகதி தொடங்கி சென்னையில் நடைபெற்று வருகிறது. இந்த திரைப்பட விழாவில் உலகின் பல்வேறு மொழி திரைப்படங்கள் சென்னையில் குறிப்பிட்ட திரையரங்குகளில் பார்வையாளர்களுக்கு திரையிடப்பட்டு வருகிறது.

மறுபுறம் சென்னை சர்வதேச திரைப்பட விழாவில் பொதுமக்களுக்கு கொண்டு செல்லும் விதமாக சென்னையில் பல்வேறு இடங்களில் கலை நிகழ்ச்சிகள் நடத்தி வருகின்றன. அந்த வரிசையில் இன்று சென்னை பெசன்ட் நகர் கடற்கரையில் ஜூம்பா நடன கலை நிகழ்ச்சியை இவ்விழா குழுவினர் நடத்தினர்.

இதில் நடிகைகள் சுஹாசினி, அனிதா ரத்னம், பூர்ணிமா பாக்யராஜ், தொகுப்பாளினி ரம்யா, நடிகர்கள் சாந்தனு, ராகவ், அசோக் உள்ளிட்ட பிரபலங்கள் கலந்துக் கொண்டனர். இவர்கள் பொதுமக்கள் முன்பு நடனம் ஆடி அனைவரையும் கவர்ந்தனர். இந்த நிகழ்ச்சியை சென்னை தெற்கு மண்டல போக்குவரத்து துணை கமிஷ்னர் லட்சுமி தொடங்கி வைத்தார்.

ஆரம்பம் படத்திற்கு பிறகு அஜித் நடித்துள்ள படம் வீரம். இப்படத்தை சிறுத்தை சிவா இயக்கியுள்ளார். விஜயா புரொடக்ஷன்ஸ் சார்பில் பாரதி ரெட்டி, வெங்கட்ராம ரெட்டி ஆகியோர் இணைந்து தயாரித்துள்ளார்கள்.

இப்படத்தின் படப்பிடிப்பு சமீபத்தில் முடிவடைந்துள்ளது. இப்படத்தில் அஜித்துக்கு ஜோடியாக தமன்னா நடித்துள்ளார். மேலும், சந்தானம், விதார்த் உள்ளிட்ட பலர் நடித்துள்ளனர்.

பொங்கல் வெளியீடாக வரவுள்ள இப்படத்தின் இசையை வருகிற 20ம் திகதி வெளியிடவுள்ளனர். தேவிஸ்ரீ பிரசாத் இசையில் அமைந்துள்ள இப்படத்தின் பாடல்கள் விநியோக உரிமையை ஜுங்கிலி நிறுவனம் வாங்கியுள்ளது.

இப்படத்தில் அஜித் ரசிகர்களை கவரும் வண்ணம் மாஸ் பாடல்களை அமைத்துள்ளார் தேவிஸ்ரீ பிரசாத். அவரது இசைப்பயணத்தில் இந்த படம் ஒரு மைல் கல்லாக இருககும் என்று இயக்குனர் சிவா நம்பிக்கை தெரிவித்துள்ளார்.

ஜனவரி 10ம் திகதி உலகமெங்கும் வீரம் படம் வெளிவருகிறது. இப்படம் பாடல்களில் மட்டுமின்றி, கதை அமைப்பிலும், காட்சியமைப்பிலும் மிக பிரம்மாண்டமாக, ஜனரஞ்சமாக இருக்கும் என்று மேலும் அவர் கூறினார்.

தனியார் தொலைக்காட்சி நடத்திய கருத்து கணிப்பில் மிகச் சிறந்த மனிதர்களில் ஒருவராக தேர்ந்தெடுக்கப்பட்ட நடிகர் ரஜினிகாந்த் குறித்து கிரிக்கெட் வீரர் சச்சின் தெண்டுல்கர் கருத்து தெரிவித்துள்ளார்.

இது குறித்து அவர் அளித்த பேட்டியில், அவரை சந்தித்ததில் நான் பெரு மகிழ்ச்சி அடைகிறேன். அப்போது அவரது பணிவு மற்றும் தன்னடக்கத்தை பார்த்து வியப்படைந்தேன். அவரது நற்பண்புகளை உண்மையிலேயே பாராட்டுகிறேன்.

அவர் கிரிக்கெட் மீது ஆர்வம் மிக்க ரசிகர் என்பதை அறிந்து மகிழ்ச்சி அடைகிறேன். கிரிக்கெட் விளையாட்டை அவர் உற்று நோக்கி வருவது மகிழ்ச்சி அளிக்கிறது. பல்வேறு கிரிக்கெட் போட்டிகளை குறித்து விவாதித்தோம். குறிப்பாக இந்தியா – பாகிஸ்தான் அணிகளுக்கு இடையேயான போட்டிகள் குறித்து பேசினோம்.

கிரிக்கெட்டில் இருந்து நான் ஓய்வு பெற்றதை இன்னும் என்னால் நம்ப முடியவில்லை. அதே நேரத்தில் இந்தியாவுக்காக மீண்டும் நான் விளையாட மாட்டேன். ஓய்வு என்னை பாதிக்கவில்லை. தற்போது குடும்பத்தினருடன் பல மணி நேரம் பொழுதை கழிக்கிறேன்.

எனது மகன் அர்ஜூன் மற்றும் அவனது நண்பர்களுடன் கிரிக்கெட் விளையாடி மகிழ்கிறேன். கிரிக்கெட் போட்டி எங்கு நடந்தாலும் அந்த போட்டியின் நேரடி ஒளிபரப்பை நானும் எனது மகனும் பார்த்து வருகிறோம். கிரிக்கெட்டில் இருந்து என்னால் விலக முடியாது. ஓய்வு நேரத்தை எனது குடும்பத்தினருடன் கழிக்கிறேன் என்றார்.

பாலிவுட் உலகில் கொடிகட்டிப் பறக்கும் ரித்திக் ரோஷன் தன் காதல் மனைவியிடம் இருந்து பிரிகிறார். இது ரித்திக் மனைவி சுசன்னேவின் விருப்பமாம்.

நடிகர் சஞ்சய்கானின் மகள் சுசன்னே மீது காதல் பற்றிக் கொள்ளவே, கடந்த 2000ம் ஆண்டு டிசம்பர் மாதம் 20ல் திருமணம் செய்து கொண்டனர்.

இவர்களுக்கு இரு மகன்கள் உள்ளனர். இருவருக்கும் இடையே கருத்துவேறுபாடு ஏற்பட்டதை தொடர்ந்து பிரிந்து வாழ முடிவு செய்துள்ளனர்.

எங்களது 17 ஆண்டுகால உறவுமுறை முடிவுக்கு வந்துவிட்டது. என்னை விட்டுப் பிரிய அவர்(சுசன்னே) தீர்மானித்துவிட்டார், இது எனது குடும்பத்தினருக்கு வருத்தத்தை ஏற்படுத்தி உள்ளது.

இதனால் என் ரசிகர்கள் துவண்டுபோய் விடக் கூடாது. இதிலிருந்து நான் மீண்டுவர தொடர்ந்து பிரார்த்தனை செய்யுங்கள் என்று ரித்திக் தன் ரசிகர்களுக்கு வேண்டுகோள் விடுத்துள்ளார்.

சுசன்னேவின் தந்தை நடிகர் சஞ்சய்கான் இதை முடிவு என்று கருதுவது தவறு. அவர்கள் இருவரும் நிரந்தரமாகப் பிரியவில்லை என விளக்கம் அளித்துள்ளார்.

எதிர்நீச்சல், வருத்தப்படாத வாலிபர் சங்கம் படங்கள் சிவகார்த்திகேயனை மேன்மேலும் அதிக உயரத்துக்கு அழைத்துச் சென்றன. அதன் விளைவாகத்தான் மான் கராத்தே படத்தில் ஹன்சிகாவுடன் நடித்துக் கொண்டிருக்கிறார் சிவா.

இதற்கடுத்து, துரை.செந்தில்குமார் இயக்கும் புதிய படத்தில் அமலாபாலும், பொன்.ராம் இயக்கும் டாணாவில் தமன்னாவும் நடிக்கிறார்கள்.

ஹன்சிகா, அமலாபால், தமன்னா என்று சிவாவின் கிராஃப் ஏறிக்கொண்டே இருப்பதை கோடம்பாக்கத்தில் ஆச்சர்யத்தோடு பார்க்க ஆரம்பித்துவிட்டார்கள்.

எனக்குப் பிடித்த நடிகை நயன்தாரா என்று பேட்டிகளில் சொல்ல ஆரம்பித்த சிவா இப்போது நயன்தாராவுடன் நடித்தே தீருவது என்பதில் உறுதியாக இருக்கிறாராம்.