உலகின் பணக்கார நாடுகளில் ஒன்றான சுவிட்சர்லாந்து நாட்டில், அனைவருக்கும் மாதந்தோறும் குறைந்த பட்ச ஊதியம் வழங்கும் புரட்சிகரமான திட்டம் துவக்கப்பட்டுள்ளது.

வேலையில்லாத் திண்டாட்டம், வறுமை போன்றவற்றை ஒழிப்பதற்கு உலக நாடுகள் போராடி வருகின்றன. இந்த பிரச்னையை சமாளிக்க மக்கள் அனைவருக்கும் மாதந்தோறும் குறிப்பிட்ட தொகையை ஊதியமாக வழங்க சுவிட்சர்லாந்து அரசு முடிவு செய்துள்ளது.

இந்த திட்டத்தின் படி ஒருவருக்கு 1.70 லட்ச ரூபாய் ஆண்டு ஊதியம் கிடைக்கும். சுவிஸ் நாட்டின் மக்கள் தொகை 8 கோடி. ஏழை, பணக்காரர், முதியவர், பெண்கள் என்ற பாகுபாடின்றி, அனைவருக்கும் மாதந்தோறும் குறைந்தபட்ச ஊதியம் வழங்கப்பட உள்ளது.

ஆனால், இந்த உதவித்தொகையை பெறுவதற்கு 21 வயது நிரம்பி இருக்க வேண்டும். குற்றப்பின்னணி ஏதும் இருக்கக்கூடாது. இந்த உதவி தொகையை 1.92 லட்சம் ரூபாயாக நிர்ணயிக்க வேண்டும், என, ஒரு தரப்பினர் வலியுறுத்தியுள்ளனர்.

குறைந்தபட்ச மாத வருமானம் கிடைத்தால் குழந்தைகளின் கல்வித்தரம் உயரும். நோயாளிகள் நல்ல மருத்துவ சிகிச்சையை பெற முடியும். அனைத்து நாடுகளிலும் இதுபோன்ற திட்டங்களை செயல்படுத்துவதன் மூலம், அந்நாட்டில் வறுமையையும், வேலையில்லாத் திண்டாட்டத்தையும் ஒழிக்க முடியும் என, நிபுணர்கள் கருதுகின்றனர்.

ஒருவருடைய வாழ்க்கைத் தரத்தை உயர்த்துவதற்காக அமல்படுத்தப்பட்டுள்ள இத்திட்டத்தை, பெரும்பாலான பொருளாதார வல்லுனர்கள் வரவேற்றுள்ளனர்.

இங்கிலாந்தில் உள்ள பர்மிங்காம் நகரில் உள்ள ஒரு குழந்தை பிறந்து ஏழு மாதமே ஆனநிலையில் லப்டப் கணணி, டிவி முதலியவற்றை தானே இயக்கி பெற்றோரையும், மற்றவர்களையும் அதிசயிக்க வைத்த சம்பவம் ஒன்று நடந்துள்ளது.

பர்மிங்காம் பகுதியில் வசிக்கும் ஜோனதன் என்ற ஏழு மாத குழந்தை 2 1/2 கிலோ எடையில் பிறந்தான். பின்னர் உடலில் மட்டுமின்றி அறிவுத்திறனிலும் அபார வளர்ச்சியடைந்தான். அவனுடைய வளர்ச்சியை பார்த்து பெற்றோர்கள் அதிசயித்தனர். ஏழு மாதங்களில் எழுந்து நின்று நடக்கத்தொடங்கியதோடு மம்மி, டாடி என்று பேசும் அளவுக்கு திறமை பெற்றுள்ளான்.

மேலும் தனது தாயாரின் லப்டப்பை இயக்கும் அளவுக்கு அவனுடைய அறிவுத்திறன் வளர்ந்துள்ளது. அதுமட்டுமின்றி டிவியை ரிமோட் கண்ட்ரோல் மூலம் ஒன் செய்து தனக்கு பிடித்தமான கார்ட்டூன் சனல்களை அவனே மாற்றி மாற்றி பார்க்கிறான். இந்த வயதிலேயே இசையில் நாட்டம் உள்ளவனாக உள்ளான். டிவியில் அவனுக்கு பிடித்த பாடல் ஒலிக்கும்போது எழுந்து நடனமாடி எல்லோரையும் அதிசயிக்க வைக்கிறான்.
ஜோனாதனின் முதல் பிறந்தநாளில் அவனுக்காகவே பிரத்யேகமாக செய்த மினி பியானோ ஒன்றை பரிசளிக்க அவனுடைய தந்தை முடிவு செய்துள்ளார். இதற்காகவே ஸ்பெஷலாக ஓடர் கொடுத்துள்ளார்.

இந்த குழந்தையின் பெற்றொர்கள் Heather Thorpe, மற்றும் Chelmsley Wood அவர்கள் நமது செய்தியாளர்களிடம் கூறும்போது இந்த வயதிலேயே எங்கள் குழந்தையின் அற்புத வளர்ச்சி எங்களை ஆச்சரியமடைய செய்துள்ளது. அவனுக்கு தேவையானதை பூர்த்தி செய்து அவனை உலகின் மிகச்சிறந்த ஒரு பிரஜையாக மாற்றுவதே இனி எங்களின் ஒரே கடமை என்று கூறினர்.

தென் அமெரிக்காவில் இருந்து ஐரோப்பாவின் பல நாடுகளுக்கு போதைமருந்து கடத்திய மிஸ். இத்தாலி பட்டம் வென்ற 32 அழகி நேற்று அதிரடியாக கைது செய்யப்பட்டார்.

சமந்தா ச்கார்லினோ என்ற32 வயது இளம்பெண் தற்போது மொடலாக பணிபுரிந்து வருகிறார். இவர் 1999ம் ஆண்டு மிஸ். இத்தாலி பட்டம் வென்றவர். இவர் நேற்று மிலன் நகரத்தில் உள்ள ஒரு ஹோட்டலில் 500 கிலோ கோகைன் என்ற போதைப்பொருள் கடத்துவதாக பொலிஸாருக்கு வந்த தகவலை அடுத்து, அந்த ஓட்டலில் அதிரடி ரெய்டு நடந்தது. இதில் அவர் கையும் களவுமாக போதைப்பொருளுடன் பிடிபட்டார்.

இவர் தென் அமெரிக்காவில் இருந்து பெல்ஜியம் ஹோலந்து, ஸ்பெயின் மற்றும் பிரான்ஸ் போன்ற ஐரோப்பிய நாடுகளுக்கு பலமுறை போதைப்பொருள் கடத்தியது விசாரணையில் தெரியவந்துள்ளது. இவருக்கு பெரு நாட்டில் உள்ள ஒரு பொதைக்கும்பல் தலைவனாக இருக்கிறான் என்பதும் தெரிய வந்துள்ளது.
இவருக்கு போதை மருந்து கடத்த உதவி புரிந்ததாக கூறப்படும் 60வயது கிண்க்பின் என்பவனை பொலிஸார் தேடி வருகின்றனர். மிஸ். இத்தாலி அழகி பட்டம் வென்றதால் இவர் அடிக்கடி பல நாடுகளுக்கு சுற்றுப்பயணம் செய்துள்ளார். எனவே இவரை பயன்படுத்தி மிக எளிதாக கடந்த 15 ஆண்டுகளாக போதைப்பொருளை ஒரு கும்பல் கடத்தி வந்துள்ளது. நேற்றுதான் அது முடிவுக்கு வந்துள்ளது.

இங்கிலாந்தின் யார்க்னஷர் நகர் அருகேயுள்ள லீட்ஸ் பிராட்போர்ட் விமான நிலையத்தில் இருந்து கடந்த செப்டம்பர் மாதம் 18ம் திகதி 145 பயணிகள் மற்றும் 11 விமான ஊழியர்களுடன் பாகிஸ்தானுக்கு சொந்தமான சர்வதேச விமானம் ஒன்று இஸ்லாமாபாத் நகருக்கு புறப்பட தயாராக இருந்தது.

அந்த விமானத்தை ஓட்ட இருந்த இர்பான் பய்ஸ் (55) என்ற விமானி நிற்க கூட நிதானம் இல்லாத போதையுடன் இருந்ததாக விமான நிலைய கட்டுப்பாட்டு அறைக்கு தகவல் வந்தது.

விரைந்து வந்த பாதுகாப்பு அதிகாரிகள் அவரை மருத்துவ பரிசோதனைக்கு உட்படுத்திய போது, அனுமதிக்கப்பட்ட அளவுக்கு மேலே 3 மடங்கு போதையில் அவர் இருப்பது தெரியவந்தது.

இதனையடுத்து அவரை கைது செய்த பொலிசார் அவர் மீது வழக்கு தொடர்ந்தனர். விமானத்தில் ஏறுவதற்கு 19 மணி நேரத்திற்கு முன்னதாக முக்கால் பாட்டில் விஸ்கி குடித்ததாகவும் பாகிஸ்தான் நாட்டு சட்டப்படி குடித்த 12 மணி நேரத்திற்கு பின்னர் விமானம் ஓட்டலாம் என்றும் இர்பான் பய்ஸ் சார்பில் ஆஜரான வக்கீல் வாதாடினார்.

இதனை ஏற்றுக்கொள்ள மறுத்த லீட்ஸ் கிரவுன் நீதிமன்ற நீதிபதி பீட்டர் கால்சன் பலமுறை சர்வதேச விமானத்தை ஓட்டியுள்ள ஒரு விமானி போதை தொடர்பான இங்கிலாந்து நாட்டின் சட்டங்களை பற்றி தனக்கு தெரியாது என்று கூறுவது வியப்பாக உள்ளது.

இது மிக தீவிரமான குற்றம். சாதாரணமாகவே விமானங்களில் பயணிக்கும் மக்கள் உயிர் பயத்துடன் தான் செல்கின்றனர். ஊழியர்கள் தடுத்திருக்காவிட்டால் அந்த விமானத்தை ஓட்டிச்சென்று 156 பேரின் உயிருக்கும் இவர் ஆபத்து விளைவித்திருப்பார்.

எனவே குற்றவாளிக்கு 9 மாத சிறை தண்டனை விதிக்கிறேன் என்று தீர்ப்பளித்தார்.

முன்பின் அறிமுகமற்ற புதிய நபர்களை கட்டியணைத்து அவர்களுக்க வாழ்வில் நம்பிக்கையை ஏற்படுத்துவதற்கென்றே ஃப்ரீ ஹக்ஸ் எனப்படும் கட்டிப்புடி இயக்கம் ஒன்று உதயமாகியுள்ளது.

இந்த இயக்கத்தின் உறுப்பினர்கள் தற்போது உலகம் முழுவம் பரவி வருகின்றனர். முக்கிய நகரங்களில் புதிய நபர்களை பார்க்கும்போது அவர்களின் அருகே சென்று மார்போடு ஆரத்தழுவி வாழ்த்துவது இவர்களின் வாடிக்கை.

இஸ்லாமிய மத சம்பிரதாயங்களுக்கும் பழமைவாதத்துக்கும் பெயர் போன சவூதி அரேபியாவை சேர்ந்த சிலரும் இந்த கட்டிப்புடி இயக்கத்தில் உறுப்பினர்களாகியுள்ளனர்.

இவர்களில் இரு வாலிபர்கள் ரியாத் நகரில் உள்ள தஹிலா தெருவில் ஃப்ரீ ஹக்ஸ் பேனர்களுடன் நின்றபடி அவ்வழியே சென்றவர்களுக்கு எல்லாம் இலவசமாக கட்டிப்புடி வைத்தியம் செய்துள்ளனர்.

இதுபற்றி தகவல் அறிந்து விரைந்து வந்த பொலிசார் அவர்களை கைது செய்தனர்.

இந்த செய்தி சவூதி மக்களிடையே தற்போது கருத்து போராட்டத்துக்கு வழி வகுத்துள்ளது. அவர்கள் இலவச அணைப்பு மட்டும் தானே கொடுத்தார்கள் போதை பொருளையா இலவசமாக தந்தார்கள் என்று ஒருபுறம் ஆதரவு குரல் எழுந்துள்ளது.

இன்றைக்கு கட்டிப்பிடிப்பர்கள் நாளை முத்தம் தருவார்கள். அடுத்த நாள் இலவசமாக உடலுறவுக்கு அழைப்பார்கள். இதற்கு எல்லாம் இடம் தரக்கூடாது என மற்றொரு புறம் எதிப்பு குரலும் கிளம்பியுள்ளது.

சீனாவின் ஹெனான் மாகாணம் ஷுவாங்ஜாங் கிராமத்தை சேர்ந்த ஒருவர் தனது குடும்பத்தில் உள்ள ஏழு பேரை சரமாரியாக குத்திக் கொன்றுள்ளார்.

குவோ என்றழைக்கப்படும் அவருக்கு குடும்பத்தாருக்கும் இடையே நேற்று தகராறு ஏற்பட்டது. சாதாரணமாக தொடங்கிய வாக்குவாதம் உச்சகட்டத்தை எட்டியதால் அவன் மிகுந்த ஆத்திரம் அடைந்தான்.

வீட்டில் இருந்த கத்தியை எடுத்து தந்தை, தாய், மனைவி, தங்கை, மகன், மகள் மற்றும் தங்கையின் மகன் ஆகிய ஏழுவரை சரமாரியாக குத்தினான். வெறித்தனமான இந்த தாக்குதலில் ஏழுபேரும் ஒரே வீட்டில் இரத்த வெள்ளத்தில் பிணமாக கிடந்த காட்சி பார்ப்போரை பதற வைத்தது.

இச்சம்பவம் பற்றிய தகவல் அறிந்து விரைந்து வந்த பொலிசார் குவோவை கைது செய்து விசாரணை நடத்தி வருகின்றனர்.

ஜப்பானில் கடலுக்கு நடுவில் எரிமலை வெடித்ததில் அப்பகுதியில் ஒரு புதிய தீவு உருவாகியுள்ளது.

ஜப்பான் தலைநகர் டோக்கியோவின் தெற்குப் பகுதியில் 1000 கி.மீ தூரத்தில் 30 தீவுகள் அமைந்துள்ளன. ஒரு தீவுக்கூட்டத்திற்கு அருகில் இரண்டு நாட்களுக்கு முன் நடு கடலில் எரிமலை ஒன்று வெடித்து வெண்புகையை உமிழ்ந்து கொண்டிருக்கிறது.

எரிமலையிலிருந்து வீசி எறியப்பட்ட பாறைகள் சாம்பல்கள் கடலில் குவிந்து 200 மீட்டர் சுற்றளவுக்கு தீவு உருவாகியுள்ளது.

எரிமலை வெடிக்கும்போது புதிய தீவுகள் உருவாவதும் சில சமயம் தோன்றிய தீவுகள் கடலுக்குள் மறைந்து விடுவதும் வழக்கமாக நடக்கிறது. இதனால் புதிய தீவுக்கு இன்னும் பெயர் வைக்கவில்லை என, எரிமலை ஆய்வாளர் இடோ ஹிரோஷி என்பவர் தெரிவித்துள்ளார்.