லத்திகா படம் மூலம் தமிழ் சினிமாவில் அறிமுகமானவர் பவர் ஸ்டார் ஸ்ரீனிவாசன். என்னுடைய ஒரே போட்டி சூப்பர் ஸ்டார் ரஜனிதான் என்ற ஸ்டேட்மென்ட் மூலம் ரசிகர்களிடையே பிரமலமானார்.

அதன்பின் சந்தானம் தயாரித்த கண்ணா லட்டு தின்ன ஆசையா படத்தின் மூலம் கமெடி நடிகராக திகழ்ந்தார். அதனால் சும்மா நச்சுன்னு இருக்கு, சங்கரின் ஐ போன்ற பல படங்களில் நடிக்க ஒப்பந்தம் ஆனார். நடித்துக்கொண்டிருக்கும்போது மோசடி புகார் காரணமாக கைது செய்யப்பட்டு ஜெயிலில் அடைக்கப்பட்டார்.

தற்போது ஜாமீனில் வெளிவந்து படங்களில் நடித்துக்கொடுத்தார். வட போச்சே என்ற படத்தின் படப்பிடிப்பு பாண்டிச்சேரியில் நடைபெற்றது.
அதுகுறித்து அவர் கூறியதாவது:-

பாண்டிச்சேரியில் நடந்த படப்பின்போது ரசிகர்கள் என்மீது காட்டிய அன்பு என்னை நெகிழ வைத்தது. வட போச்சே முழு காமெடி படமாக இருக்கும். கண்ணா லட்டு திண்ண ஆசையா படத்தை காட்டிலும் காமெடி அதிகமாக இருக்கும். இந்த படத்தின் கதை கிராமத்தில் இருந்து நகரத்திற்கு வரும் இரண்டு இளைஞர்களின் எளிமையான கதையாகும்.

இந்தப்படத்தில் ஒரு பாடலை என் சொந்த குரலில் பாடியுள்ளேன். அந்தப் பாடலை ரசித்து பாடியுள்ளேன். மேலும் டி.ஆர். ஒரு பாடலுக்கு டான்ஸ் ஆடியுள்ள குத்துப்பாட்டு பார்ப்பதற்கு ரசனையாக இருக்கும். படத்தில் இடம்பெற்றுள்ள அனைத்து பாடல்களுக்கும் நான் நடனம் ஆடியுள்ளேன்.

இப்படத்தில் வரும் சூப்பர் ஸ்டார் யாரு பவர பாரு என்ற பாடல் எனக்கு மிகவும் பிடித்தவை ஆகும் என்று அவர் கூறினார்..

நயன்தாராவை காதலிக்க கதாநாயகர்கள் பலர் சுற்றுகின்றனர். ஆனால் அவர் யாரிடமும் சிக்கவில்லை. இரண்டுமுறை காதலில் தோற்றதால் எச்சரிக்கையுடன் இருப்பதாக நெருக்கமானவர்கள் தெரிவித்தனர்.

முதல் காதல் சிம்புவுடன் நடந்தது. இருவரும் ஆழமாக காதலித்தனர். திருமணத்துக்கும் தயாரானார்கள். திடீரென அது முறிந்தது. இருவரும் ஒருவர் மீது ஒருவர் குறைகளை அள்ளி வீசி விட்டு பிரிந்தார்கள்.

அதன் பிறகு நயன்தாராவும் சிம்புவும் நெருக்கமாக கட்டிப்பிடித்தபடி இருக்கும் படங்கள் இன்டர்நெட்டில் பரவி பரபரப்பை ஏற்படுத்தியது.
காதல் தோல்வியில் தவித்துப் போய் இருந்த நயன்தாரா வாழ்க்கையில் இரண்டாவதாக பிரபு தேவா வந்தார்.

அவரின் ஆறுதல் பேச்சில் மனதை இழந்தார். இருவரும் காதலித்தார்கள். பொது நிகழ்ச்சிகளுக்கும் ஜோடியாக வந்து நெருக்கத்தை பகிரங்கப்படுத்தினர். மனைவியை விவாகரத்து செய்து விட்டு நயன்தாராவை மணக்க பிரபுதேவா தயார்.

ஆனால் திருமண ஏற்பாடுகள் மும்முரமாக நடந்த நிலையில் இவர்களும் பிரிந்தார்கள். பிரிவுக்கான காரணத்தை இருவருமே இதுவரை சொல்ல வில்லை.

இதனால் விரக்தியின் உச்சிக்கு போன நயன்தாரா தற்போது மீண்டும் நடிக்க வந்துள்ளார். பழைய மார்க்கெட் சரியவில்லை. பெரும் தொகை சம்பளம் கொடுத்து தமிழ் தெலுங்கு படங்களில் நடிக்க வைக்கின்றனர்.

தற்போது ஆர்யாவுக்கு நயன்தாரா மேல் காதல் துளிர்த்துள்ளதாக கிசுகிசுக்கள் பரவியுள்ளன. வீட்டில் அழைத்து விருந்து கொடுத்தார் என்றும் கூறப்பட்டது. இது போல் இன்னாரு இரண்டெழுத்து ஹீரோவும் அவரை விரும்புகிறாராம்.

அத்துடன் பெரிய தொழில் அதிபர்கள் சிலரும் திருமணம் செய்து கொள்ள விரும்பி தூது விட்டுள்ளதாக தகவல் பரவியுள்ளது. ஆனால் யாருடைய காதலையும் நயன்தாரா ஏற்கவில்லை. எற்கனவே பட்ட அனுபவங்கள் மூலம் இனி என் வாழ்க்கையில் காதல் இல்லை என்று சொல்லி விலகி போகிறாராம்

டொலிவுட்டில் 1980களிலும், 1990 முற்பகுதியிலும் கமல் ஹாசனுக்கு மிகப்பெரிய வரவேற்பு இருந்தது. குறிப்பாக, சாகரா சங்கமம், ஸ்வாதி முத்யம் மற்றும் இந்துருடு சந்துருடு உள்ளிட்ட பல படங்கள் வெற்றிப்படங்களாக அமைந்தன.

நீண்ட இடைவெளிக்குப் பிறகு இப்போது தெலுங்கில் மீண்டும் களமிறங்க உள்ளார். இதற்காக, ஜெய் போல் தெலுங்கானா என்ற வெற்றிப் படத்தை இயக்கிய ஷங்கருக்கு வாய்ப்பு கொடுத்திருக்கிறார் கமல்.

ஷங்கர் தனது அடுத்த படத்தின் கதைக்கருவைவும், கதாபாத்திரத்தையும் கமலிடம் கூறியிருக்கிறார். இதில் திருப்தியடைந்த கமல் நடிக்க ஒப்புக் கொண்டதாக அவரது நெருங்கிய வட்டாரங்கள் தெரிவிக்கின்றன. எனவே, உலக நாயகன் மீண்டும் டோலிவுட்டில் மின்னப்போகிறார்.

இதேபோல் ஏராளமான தெலுங்கு ரசிகர்களை வசியப்படுத்தியுள்ள சூர்யா நேரடியாக தெலுங்குப் படத்தில் நடிக்க உள்ளார். பூரி ஜெகனாத்தின் பிசினஸ்மேன் பட வாய்ப்பை இழந்ததால் அதிருப்தியில் இருந்த சூர்யா விரைவில் அவருடன் கைகோர்க்க இருக்கிறார்.

இதற்கான பேச்சுவார்த்தையில் ஈடுபட்டிருப்பதாக கூறும் சூர்யா, படத்தைப்பற்றிய மேற்கொண்டு விவரங்களை தெரிவிக்கவில்லை. இவர்களின் கூட்டணியில் உருவாகும் படம் வெளியான பின்னர், சூர்யாவின் மார்க்கெட் உச்சத்திற்கு செல்லும் என எதிர்பார்க்கலாம்.

கோலிவுட் நட்சத்திர நாயகர்கள் தெலுங்கு சினிமாவின் பக்கம் பார்வையை செலுத்தும் அதேசமயம் தெலுங்கு திரையுலகின் முன்னணி ஹீரோவாக திகழும் கோபி சந்த் கோலிவுட்டுக்கு விஜயம் செய்துள்ளார். அவர் தற்போது நயன்தாராவுடன் இணைந்து நடித்து வருகிறார்.

கலைக்கும் பொழுதுபோக்கிற்கும் மொழி ஒரு தடையல்ல என்கிறார்கள் இந்த நட்சத்திரங்கள்.

சிவகார்த்திகேயன் நடிப்பில் உருவான வருத்தப்படாத வாலிபர் சங்கம் இந்த வாரம் வெளியாக இருக்கிறது. முதன்முதலாக இந்தப் படத்துக்காக பாடல் ஒன்றைப் பாடியிருக்கிறார் சிவகார்த்திகேயன்.

அழகான கிராமத்தில் நடக்கும் நகைச்சுவை கதை இது. நான் போஸ் பாண்டி, வருத்தப்படாத வாலிபர் சங்கத்தோட தலைவர். செயலாளர் கோடியா சூரி அண்ணன் நடிச்சிருக்கார்.

ஊரில் எந்த விசேஷம் நடந்தாலும் நாங்க தான் முதல்ல நிப்போம். பேனர், கொடின்னு ஏரியா முழுக்க எங்க ராஜ்யம்தான். அந்த ராஜ்யம் பிடிக்காம முஷ்டியை முறுக்கிட்டு நிக்குறார் சிவனாண்டி கேரக்டர்ல நடிக்குற சத்யராஜ். அதுக்கப்புறம் எங்க ரெண்டு டீமுக்கும் நடக்குற ஜாலி மோதல்கள்தான் படத்தோட கதை.

சத்யராஜ் சாரைப் பார்த்து முதல்ல கொஞ்சம் பயந்தேன். அவரே ரொம்ப சகஜமா பேசினார். ஒரு சீன்ல அவரைக் கலாய்க்கலாம்னு என்னம்மா கண்ணு சௌக்கியமான்னு அவர் ஸ்டைல்ல சொன்னதும் ரொம்பவே ரசிச்சார். தெனாவட்டா, கெத்தா திரியுற என் கேரக்டரும், எனக்கு எதிரா இருக்குற சத்யராஜ் சார் கேரக்டரும் ரொம்ப பெருசா பேசப்படும்.

இமான் அண்ணன், சும்மா ட்ரை பண்ணிப் பாருங்கன்னு பாடச் சொன்னார். அது நல்லா இருந்தா யூஸ் பண்ணப் போறாங்க. நல்லா இல்லைன்னா விட்டுடப் போறாங்கன்னு தைரியமா பாடினேன். அதுலயும் எஸ்.பி.பி. ரேஞ்சுக்கு மூச்சுவிடாம பாடுற மாதிரி 12 வரிகள் பாடச் சொல்லி பென்ட் எடுத்துட்டாங்க. அதனால பாட்டு அவ்ளோ அழகா வந்திருக்கு. ஏற்கெனவே யு டியூப்ல வெளியாகி எல்லாருக்கும் பிடிச்சிருக்கு.

சூரி அண்ணனோட எனக்கு இது மூணாவது படம். ஹீரோயினை விட சூரி அண்ணனோட கெமிஸ்ட்ரி தான் எனக்கு நல்லா வொர்க் அவுட் ஆகி இருக்குறது ஸ்க்ரீன்லயே தெரியும். இந்தப் படம் யாரையும் வருத்தப்பட வைக்காது. கேப் விடாம சிரிக்கவைக்கும் என்கிறார் சிவகார்த்திகேயன்.

மலையாளத்தில் குழந்தை நட்சத்திரமாக அறிமுகமாகி பின்னர் தொலைக்காட்சி நிகழ்ச்சிகளை தொகுத்தளித்து வந்தவர் நஸ்ரியா நசீம். நேரம் என்ற தமிழ்த் திரைப்படத்தின் மூலம் இவர் ஒரே இரவில் நட்சத்திர அந்தஸ்திற்கு உயர்ந்துவிட்டார்.

இப்போது, மலையாளத்திலும், தமிழிலும் குறிப்பிடத்தக்க அளவு படங்களை அதுவும் முன்னணி நடிகர்களுடன் இவர் கைவசம் வைத்துள்ளார்.

நேரம் திரைப்படம் அவரது வாழ்க்கையில் ஏற்படுத்தியுள்ள மாற்றங்களைக் குறித்து கேட்டபோது அதிகப் படங்களில் வாய்ப்புக் கிடைத்திருப்பதைத் தவிர தனக்குப் பெரிய மாற்றம் எதுவும் இல்லை என்று நஸ்ரியா தெரிவித்தார்.

குழந்தை நட்சத்திரமாக இருந்த தன்னை கதாநாயகியாக மக்கள் பார்க்க ஆரம்பித்துள்ளார்கள் இதனால் தனக்குப் பொறுப்புகள் கூடியுள்ளதாக அவர் கருதுவதாகக் கூறினார்.

தனக்குக் கிடைத்த பாராட்டுகள் மகிழ்ச்சியை அளித்ததாகக் குறிப்பிட்ட நஸ்ரியா இந்தப் பாராட்டுகள் மக்கள் தன்னை கதாநாயகியாக ஏற்றுக்கொண்டதைக் காட்டுகின்றது.

ஒரே படத்தின் மூலம் இவ்வளவு உயரத்திற்கு வந்திருப்பது தன்னால் மக்களின் எதிர்பார்ப்பைப் பூர்த்தி செய்யவேண்டும் என்ற அச்சத்தையும் தருகின்றது. ஆயினும் தன்னால் இயன்றவரை சிறப்பாக செய்வேன் என்றும் நஸ்ரியா தெரிவித்தார்.