கனகா உடல்நிலை குறித்து சமீபத்தில் பரபரப்பு செய்திகள் வெளியானது. இதையடுத்து பத்திரிகையாளர்களும், புகைப்படக்காரர்களும் ராஜா அண்ணாமலைபுரத்தில் உள்ள அவரது வீட்டில் திரண்டனர்.

திடீரென்று அவர்கள் முன் கனகா ஆஜராகி நான் இறந்து போனதாக யாரோ பொய் செய்தி பரப்பி உள்ளனர். உயிருடன் தான் இருக்கிறேன் என்றார். ஆலப்புழாவில் புற்றுநோய்க்கு சிகிச்சை எடுக்க போய் இருந்ததாக செய்தி பரப்பி உள்ளனர். நான் அங்கு போகவே இல்லை என்றார். ஏழை குழந்தைகளை தத்தெடுத்து வளர்க்க போவதாகவும் மீண்டும் சினிமாவில் நடிக்க திட்டமிட்டு உள்ளதாகவும் தெரிவித்தார்.

பிறகு அவரது தந்தை வீட்டுக்கு போய் சண்டையும் போட்டார். இந்த நிலையில் கனகாவின் தந்தை தேவதாஸ் பொலிஸ் கமிஷனர் அலுவலகத்துக்கு சென்று புகார் மனு அளித்தார்.

அதில் ‘கனகா என் பெயருக்கு களங்கம் ஏற்படுத்துவதுபோல் பேட்டி கொடுத்து வருகிறார். அவர் இறந்து போனதாக நான் வதந்தி பரப்பினேன் என்கிறார். அவரது சொத்துக்களை அபகரிக்க முயற்சிக்கிறேன் என்கிறார். எனக்கு பாதுகாப்பு அளிக்க வேண்டும் என்று புகார் மனுவில் குறிப்பிட்டு இருந்தார்.

இதையடுத்து தந்தை மீது கனகா மீண்டும் குற்றம் சாட்டியுள்ளார். இதுகுறித்து அவர் கூறும்போது என் அப்பா என்னிடம் பாசமாக இருந்ததே இல்லை. எனக்கும் அவருக்கும் பாசம் வருவதற்கு இனி வாய்ப்பே இல்லை. நான் போதைக்கு அடிமையாகி இருப்பதாக என்னைப் பற்றி இப்போதும் அவர் வதந்தி பரப்பி வருகிறார். அவரை நான் மதிப்பது கிடையாது. அதனால் என்னை பழிவாங்க துடிக்கிறார் என்றார்.

நடிகை ஸ்ரீதேவி நேற்று தனது 50வது பிறந்தநாளை கொண்டாடினார். நடிகைகள் உள்ளிட்ட திரையுலகினரிடம் இருந்து அவருக்கு வாழ்த்துகள் குவிந்தவண்ணம் உள்ளது.

தமிழகத்தில் உள்ள சிவகாசியில் பிறந்தார். நான்கு வயதில் முருகா என்ற படத்தில் குழந்தை நட்சத்திரமாக அறிமுகமானார். எம்.ஜி.ஆருடன் நம்நாடு, துணைவன், அகத்தியர், பாபு படங்களில் குழந்தை நட்சத்திரமாக நடித்தார்.

13 வயதில் பாலச்சந்தர் இயக்கிய மூன்று முடிச்சு படத்தில் கதாநாயகியானார். 1976ல் இப்படம் வந்தது. பின்னர் 16 வயதினிலே, சிவப்பு ரோஜாக்கள், மூன்றாம் பிறை, வறுமையின் நிறம் சிவப்பு, பிரியா, கல்யாண ராமன், குரு, மூன்றாம் பிறை என பரபரப்பாக பேசப்பட்ட ஹிட் படங்களில் நடித்தார்.

தெலுங்கு, மலையாள மொழிகளிலும் நிறைய படங்களில் நடித்தார். இந்திக்கு போய் முன்னணி கதாநாயகியானார். அங்கு இந்தி தயாரிப்பாளர் போனிகபூரை மணந்து மும்பையில் செட்டில் ஆனார். ஜானவி, குஷி என இரு மகள்கள் உள்ளனர்.

இந்தியில் அறிமுகமானபோது ஸ்ரீதேவிக்கு அந்த மொழி தெரியாது. நடிகை ரேகா டப்பிங் குரல் கொடுத்தார். சாந்தினி படத்தில் தான் முதன் முதலாக சொந்த குரலில் பேசினார். நீண்ட இடைவெளிக்கு பின் தற்போது இங்கிலீஸ் விங்கிலீஸ் படத்தில் நடித்தார். தமிழ், இந்தியில் இப்படம் வந்தது.

நடிகை ஹன்சிகா ஆபாசமாக இருப்பது போன்ற படம் இணையத்தில் பரவி உள்ளது. இதனால் அவர் அதிர்ச்சியாகியுள்ளார்.

மதுபான பார் ஒன்றில் சிம்புவை ஹன்சிகா அரைகுறை ஆடையில் இறுக்கமாக கட்டி அணைத்தபடி நிற்பது போன்று இப்படம் உள்ளது. இப்படங்களை இணையத்தில் பரவவிட்டது யார் என்று தெரியவில்லை.

நயன்தாராவுடன் சிம்பு தொடர்பில் இருந்தபோதும் இதுபோல் படங்கள் வந்தன. ஆபாச படம் பற்றி ஹன்சிகா கவனத்துக்கு கொண்டு செல்லப்பட்டதும் அதிர்ந்தார். அப்போது படத்தில் இருப்பது நான் இல்லை என்றார்.

இருவர் படங்களையும் கிரபிக்ஸ் செய்து ஒட்ட வைத்துள்ளதாக குற்றம் சாட்டினார். இதுகுறித்து பொலிசில் புகார் அளிக்க யோசித்து வருவதாகவும் தெரிவித்தார்.

ஹன்சிகா சமீபத்தில் தான் பிறந்தநாளை கொண்டினார். ஆதவரற்ற பெண் குழந்தையொன்றை தத்தெடுக்கவும் செய்தார். இந்த நிலையில் ஆபாச படம் வந்துள்ளதால் சங்கடத்தில் இருக்கிறார்.

அனகா என்ற பெயரில் சினிமாவில் அறிமுகமானேன். அந்த பெயரை வைத்து அழைக்க கஷ்டமாக உள்ளது என்றனர். அதன் பிறகு அமலாபால் என மாற்றினேன். அது ராசியாக அமைந்தது. நிறைய பட வாய்ப்புகள் வந்தன.

பள்ளியில் படித்தபோது ஒரு பையனை பிடித்தது. அது காதலா? என்று புரியவில்லை. அவனை அடிக்கடி பார்க்க வேண்டும், பேச வேண்டும் என்று ஆசைப்பட்டேன். கொஞ்ச நாள்தான் அந்த ஈர்ப்பு இருந்தது. கல்லூரிக்கு போனதும் இன்னொருவன் மேல் காதல் வந்தது. அறிவு முதிர்ச்சி இல்லாததால் அது காதலா? கவர்ச்சியா? என்று உணர முடியவில்லை. இப்போது அந்த காதலும் போய் விட்டது.

எனக்கு கணவராக வருபவர் எல்லோருக்கும் உதவுபவராக இருக்க வேண்டும். அடுத்தவர் கஷ்டங்களையும் புரிந்து கொள்ள வேண்டும்.

நான் படித்த குடும்பத்தில் இருந்து வந்தவள். நிறைய படிக்க வைக்க பெற்றோர் விரும்பினர். ஜொலியாக மொடலிங் பண்ணப் போய் மலையாள இயக்குனர் கண்ணில்பட்டு நடிகையாகி விட்டேன். நான் நடித்த முதல் மலையாள படத்தை பார்க்க தியேட்டருக்கு போனேன்.

என்னையும் சேர்த்து ஐந்து பேர்தான் இருந்தோம். கதையை தேர்வு செய்து நடிப்பது முக்கியம் என்று அப்போது புரிந்து கொண்டேன். மைனா படம் பெரிய திருப்பு முனை ஏற்படுத்தியது.

தமிழில் சர்ச்சைக்குரிய கதையம்சம் உள்ள படமொன்றில் நடித்தேன். அந்த படத்துக்காக என்னை ஆபாசமாக சித்தரித்து போஸ்டர் ஓட்டினர். அதை பார்த்து வருத்தப்பட்டேன். சினிமாவில் பணம்தான் முக்கியமாக உள்ளது என்று அமலாபால் கூறினார்.

ஈரோடு வ.உ.சி. பூங்காவில் நடந்த புத்தகத் திருவிழாவில் நேற்று மாலை நடந்த நிகழ்ச்சியில் நடிகர்கள் ராஜேஷ், நாசர் ஆகியோர் கலந்து கொண்டு பேசினர். நடிகர் நாசர் வாசகர்களின் கேள்விகளுக்கு பதிலளித்து பேசினார். அப்போது அவர் கூறியதாவது..

அமெரிக்காவில் பதிவு செய்யப்பட்ட நிறுவனம் தயாரிக்கும் படங்களுக்கு அமொக்கா அரசு கொடுக்கும் விருதுதான் ஒஸ்கர் விருது. வெளிநாட்டை சேர்ந்த சினிமா நடிகர்கள் யாராவது தனக்கு இந்திய நாட்டின் விருது கிடைக்கவில்லை என்று கூறுகிறார்களா? இல்லையே. பிறகு ஏன் நாம் ஒஸ்கார் விருதுக்கு ஆசைப்பட வேண்டும். கவலைப்பட வேண்டும்.

சினிமாவின் போக்கை மாற்றி அமைத்தவர் சிவாஜி கணேசன். அவருக்கே சிறந்த நடிகர் விருது கிடைக்கவில்லை. தற்போது நடிப்பு பற்றி 4 ஆண்டுகளாக ஒரு புத்தகம் எழுதி வருகிறேன். இது நாளைய சமுதாயம் பயன்பெறும் வகையில் இருக்கும்.

ஒருமுறை இயக்குனர் பாலசந்தர் என்னை அழைத்து நாசர் என்ற பெயர் மிக சிறியதாக இருக்கிறது. பெயரை மாற்றிவிடலாமா? என்று கேட்டார். ரஜினி போன்றோருக்கு பெயர் வைத்து வாழவைத்த சிகரம் பாலசந்தர். ஆனால் அவரிடம் நான் என் பெற்றோர் ஆசையுடன் வைத்த பெயரை மாற்ற விரும்பவில்லை என்று தாழ்மையுடன் கூறினேன் என்று அவர் கூறினார்.

தலைவா படத்தை உடனடியாக திரையிட வேண்டும், தாமதப்படுத்தினால் தியேட்டர்களுக்கு குண்டு வைப்பேன் என மிரட்டிய மர்ம நபரை பொலிசார் தீவிரமாகத் தேடி வருகின்றனர்.

இயக்குனர் விஜய் இயக்கத்தில், இளைய தளபதி விஜய் நடிப்பில் திரைக்கு வரத் தயாராக உள்ள திரைப்படம் தலைவா. கடந்த வெள்ளியன்றே திரைக்கு வரவேண்டிய தலைவா சில காரணங்களால் வெளியாகமல் உள்ளது.

முதலில் படத்தை திரையிட்டாக் தியேட்டரில் குண்டு வெடிக்கும் என வந்த மிரட்டல்களைத் தொடர்ந்து தற்போது படத்தை வெளியிட தாமதப்படுத்தினால் தியேட்டருக்கு குண்டு வைப்போம் என மிரட்டல் விடுத்துள்ளார் ஒரு மர்மநபர்.

சென்னை உதயம் தியேட்டருக்கு நேற்று முந்தினம் வந்த தொலைபேசி அழைப்பில் தலைவா படத்தை வெளியிட தாமதமானால் தியேட்டருக்கு குண்டு வைக்கப்போவதாக மிரட்டியுள்ளார் மர்ம நபர் ஒருவர். பிறகு மீண்டும் குறித்த நபரே பொலிசைத் தொடர்பு கொண்டு கோயம்பேட்டிலும் குண்டு வைத்துள்ளதாகக் அச்சுறுத்தியுள்ளான்.

சென்னை உதயம் தியேட்டரிலும், சென்னை கோயம்பேட்டிலும் குண்டு வைத்துள்ளதாக அடுத்தடுத்து வந்த மர்மப் போனைத் தொடர்ந்து பொலிசார் சம்பந்தப்பட்ட இடங்களில் தீவிர சோதனைகளில் ஈடுபட்டனர்.

ஆனால் வெடிகுண்டு எதுவும் சிக்கவில்லை. மர்மபோன் வந்த தொலைபேசி எண்ணை பொலிசார் ஆராய்ந்தபோது, அது மூன்று தினங்களுக்கு முன்னர் காணாமல் போன வடபழனியைச் சேர்ந்த ஒருவருடையது எனத் தெரிய வந்தது. மிரட்டல் விடுத்த மர்ம நபரைப் பொலிசார் தீவிரமாக தேடி வருகின்றனர்.

தொடர்ந்து வரும் மிரட்டல்களால் தியேட்டர் அதிபர்கள் அச்சத்திற்கு ஆளாகியுள்ளனர். ஒரு தரப்பினர் படத்தை வெளியிடக்கோரியும், மற்றொரு தரப்பினர் படத்தை வெளியிடக்கூடாது எனவும் மாறி, மாறி வரும் மிரட்டல்களால் குழப்பத்தில் உள்ளனர் தியேட்டர் முதலாளிகள்.