இந்தியாவில் கடந்த 24 மணி நேரத்தில் கடும் வெப்பதால் 85 பேர் உயிரிழந்துள்ளதாக இந்திய ஊடங்கள் தெரிவித்துள்ளன.

அந்தவகையில் ஒடிசா, பீகார், ஜார்க்கண்ட், இராஜஸ்தான் மற்றும் உத்தரப் பிரதேசம் ஆகிய மாநிலங்களில் மரணங்கள் பதிவாகியுள்ளதாக தெரிவிக்கப்பட்டுள்ளது.

இந்நிலையில், ஒடிசா மாநிலத்தில் அதிகளவான உயிரிழப்புகள் பதிவாகியுள்ளன. பீகார் மாநிலத்தின் பல பகுதிகளில் 44 டிகிரி செல்சியசை கடந்து வெப்பம் பதிவாகி வருகிறது.

வெப்பத்தின் தாக்கத்தால் மக்கள் வெளியே நடமாட முடியாத சூழல் நிலவி வருகிறமை குறிப்பிடத்தக்கது

முட்டைக்காக ஏற்பட்ட தகராறில் பெண் ஒருவர் வீட்டு மாடியில் இருந்து குதித்து தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. இந்தியாவில் இடம்பெற்ற இச்சம்பவம் தொடர்பில் மேலும் தெரியவருகையில்,

உத்தரபிரதேசத்தை சேர்ந்தவர் அனில் குமார் (வயது 35). இவரது மனைவி பூஜா. இந்த தம்பதி பெங்களூரு பகுதியில் வாடகை வீட்டில் தங்கி கூலி வேலை பார்த்து வந்தனர்.

அனில்குமார், பூஜா இடையே அடிக்கடி குடும்ப பிரச்சினை தொடர்பாக தகராறு ஏற்பட்டு வந்தது. இந்த நிலையில் நேற்று இரவு உணவு சாப்பிடும்போது அனில் குமார், தனக்கு கூடுதல் முட்டை வேண்டும் என்று கேட்டுள்ளார்.

அதற்கு பூஜா மறுத்ததாக தெரிகிறது. இதனால் ஏற்பட்ட தகராறில் பூஜாவை அனில் குமார் திட்டியதாக தெரிகிறது.

இதனால் மனமுடைந்த பூஜா, மாடியில் இருந்து குத்தித்த நிலையில் சம்பவ இடத்திலேயே உயிரிழந்தார். சம்பவம் இடத்திற்கு வந்த பொலிஸார் பூஜாவின் உடலை பிரேத பரிசோதனைக்காக அனுப்பி வைத்ததுடன் வழக்குப்பதிவு செய்து விசாரணை நடத்தி வருகின்றனர்.

ஆந்திரப் பிரதேசத்தில் காதலை ஏற்க மறுத்த பெண்ணை இளைஞர் கத்தியால் குத்திக் கொலை செய்தார். பின்னர் தானும் தற்கொலைக்கு முயன்ற சம்பவம் பெரும் பரபரப்பை ஏற்படுத்தியுள்ளது.

ஆந்திர மாநிலம், எலுரு நகரைச் சேர்ந்தவர் யேசுரத்னம். இவர் அதே பகுதியைச் சேர்ந்த ஜக்கு ரத்னா கிரேஸ் (22) என்ற பெண்ணை காதலித்து வந்துள்ளார். ஆனால் அந்தப் பெண் யேசுரத்னத்தை காதலிக்கவில்லை எனத் தெரிகிறது.

இந்நிலையில் நேற்று, எலுருவில் ஜக்கு ரத்னா கிரேஸின் வீட்டின் அருகே, யேசுரத்னம் அவரை வழிமறித்து தனது காதலை ஏற்றுக்கொள்ளுமாறு கூறியுள்ளார். ஆனால் ஜக்கு ரத்னா கிரேஸ் இதற்கு மறுப்பு தெரிவித்ததால் அவர்களிடையே வாக்குவாதம் ஏற்பட்டுள்ளது.

அப்போது ஆத்திரமடைந்த யேசுரத்னம் தான் மறைத்து வைத்திருந்த கத்தியால், ஜக்கு ரத்னா கிரேஸின் கழுத்து, முகம் உள்ளிட்ட இடங்களில் சரமாரியாக கத்தியால் குத்தினார்.

இதில் நிலைக்குலைந்த அவர் சம்பவ இடத்திலேயே உயிரிழந்தார். இந்நிலையில் யேசுரத்னம் தானும் கத்தியால் குத்திக்கொண்டு தற்கொலைக்கு முயன்றார். இதனால் அந்த இடம் முழுவதும் ரத்த வெள்ளமாக காட்சியளித்தது.

கண்ணிமைக்கும் நேரத்தில் நடந்த இந்த சம்பவத்தை கண்டு அதிர்ச்சியடைந்த அப்பகுதி மக்கள் இதுகுறித்து உள்ளூர் போலீஸாருக்கு தகவல் கொடுத்தனர்.

இதையடுத்து உடனடியாக சம்பவ இடத்துக்கு விரைந்து வந்த போலீஸார், யேசுரத்னத்தை மீட்டு எலுரு அரசு மருத்துவமனைக்கு அனுப்பி வைத்தனர். பின்னர் ஜக்கு ரத்னா கிரேஸின் சடலத்தை பிரேத பரிசோதனைக்கு அனுப்பினர்.

இதற்கிடையே மருத்துவமனையில் அனுமதிக்கப்பட்ட யேசுரத்தினம் ஆபத்தான நிலையில் உள்ளதாக போலீஸார் தரப்பில் தெரிவித்தனர். யேசு ரத்தினம், ஜக்கு ரத்தினத்தை கத்தியால் குத்தும் சம்பவம் தொடர்பான சிசிடிவி காட்சிகள் சமூக வலைதளத்தில் வெளியாகி பெரும் அதிர்ச்சியை ஏற்படுத்தியுள்ளது.

திரைப்படங்களில் மலக்குடல்களில் தங்கம், வைரம் கடத்தல் சீன்கள் காட்டப்படும். அவை எல்லாம் சினிமாவில் மட்டுமல்ல நிஜத்திலும் அப்படி நடப்பதால் தான் திரையிலும் காட்டப்படுகிறது என்பதை உணர்த்தும் வகையில் அடிக்கடி இந்த மாதிரியான சம்பவங்கள் நடைபெற்று வருகின்றன.

அந்த வகையில் ஓமன், மஸ்கட்டிலிருந்து, கேரளாவின் கண்ணூருக்கு செல்லும் விமானத்தில் தங்கம் கடத்தி வருவதாக வருவாய் புலனாய்வு இயக்குநரக அதிகாரிகளுக்கு தகவல் கிடைத்தது.

அதன்படி, சர்வதேச விமான நிலையத்தில் சோதனை மேற்கொண்டதில் விமான பணியாளரான கொல்கத்தாவைச் சேர்ந்த சுரபி கதுன் என்ற பெண், அவரின் மலக்குடலில் 960 கிராம் அளவிலான தங்கத்தை மறைத்து எடுத்து வந்திருந்தார்.

தொடர்ந்து, அந்த பெண்ணிடம் விசாரணை நடத்தப்பட்டது. அவரை 14 நாட்கள் சிறையில் அடைக்க நீதிமன்றத்தில் உத்தரவிடப்பட்டுள்ளது. இந்நிலையில், அந்தப் பெண் ஏற்கனவே பலமுறை இதுபோன்று தங்கத்தை மறைத்து வைத்துக் கடத்தியதும் உறுதி செய்யப்பட்டுள்ளதாகத் தெரிகிறது.

கொச்சி விமான நிலையத்தில் தோஹாவில் இருந்து வந்த பயணி ஒருவரிடம் நடத்தப்பட்ட பரிசோதனையில் அவரிடம் 560 கிராம் தங்கம் பறிமுதல் செய்யப்பட்டது குறிப்பிடத்தக்கது.

இளம்பெண் ஒருவரது வயிற்றில் இருந்து சுமார் 2.5 கிலோ முடியை மருத்துவர்கள் அகற்றியுள்ளனர். மத்திய பிரதேசம் மாநிலம் சித்ரகூடில் பகுதியில் 25 வயது இளம்பெண் ஒருவர் வசித்து வருகிறார். இந்த சூழலில் இவருக்கு திடீரென்று கடுமையாக வயிறு வலி ஏற்பட்டுள்ளது.

இதனால் அவர் தனியார் மருத்துவமனையை அணுகியுள்ளார். அங்கே அவருக்கு ஸ்கேன் பரிசோதனை மேற்கொள்ளப்பட்டது. அப்போது அவரது வயிற்றில் ஏதோ கட்டி போல் இருப்பது தெரியவந்தது.

இதையடுத்து அவருக்கு உடனடியாக அறுவை சிகிச்சை மேற்கொள்ளப்பட்டது. அப்போது அவரது வயிற்றில் இருந்து சுமார் 2.5 கிலோ அளவு முடி அகற்றப்பட்டது. இதைத்தொடர்ந்து பாதிக்கப்பட்ட பெண்ணிடம் மருத்துவர்கள் இதுகுறித்து விசாரித்தனர். அப்போது அந்த பெண் தனக்கு முடி சாப்பிடும் பழக்கம் உள்ளதாக தெரிவித்தார்.

அதாவது, இந்த பெண்ணுக்கு பல வருடங்களாக முடி சாப்பிடும் பழக்கம் இருந்துள்ளது. தனது முடியை தானே கடித்து தின்று வந்துள்ளார். அது நாளடைவில் அவரது வயிற்றில் தங்கி அவருக்கு பாதிப்பை ஏற்படுத்தியுள்ளது.

இதுபோன்ற முடி சாப்பிடுவது ஒரு disorder ஆகும். இந்த disorder உள்ளவர்களை Rapunzel Syndrome என்ற Trichophagia என்று சொல்லப்படும் மனநல பிரச்னை இருப்பவர்களாக கருதப்படுவர். இவர்கள் முடி, அழுக்கு உள்ளிட்ட உண்ணகூடாதவைகளை உண்ணுவர். இதன் விளைவு இவர்களது உயிர் போககூடிய அளவிற்கு இருக்கும் என்று சில ஆய்வுகள் தெரிவிக்கிறது.

இது போன்ற சம்பவம் உலகம் முழுவதும் பல்வேறு பகுதிகளில் நிகழ்ந்துள்ளது. சிறுவர்கள் முதல் பெரியவர்கள் வரை என அனைத்து வயதினருக்கும் இந்த disorder இருக்கும். இதற்கு முறையான சிகிச்சை எடுத்துக்கொள்வது நல்லது என்று பல மருத்துவர்கள் அறிவுறுத்தி வருகின்றனர்.

10-ம் வகுப்பு பொதுத் தேர்வில் 10 முறை தோல்வியுற்று, 11-வது முறை மாணவர் தேர்ச்சி பெற்ற மாணவனை ஊர்மக்கள் மேளதாளத்துடன் வரவேற்றனர்.

இந்திய மாநிலமான மஹாராஷ்டிரா, பீட் நகரைச் சேர்ந்த மாணவர் கிருஷ்ணா நாம்தேவ் முண்டே என்பவர் பார்லி தாலுகாவில் உள்ள ரத்னேஷ்வர் பள்ளியில் படித்து வந்துள்ளார்.

இவர், கடந்த 2018 -ம் ஆண்டு 10 -வகுப்பு பொதுத்தேர்வு எழுதி தோல்வி அடைந்துள்ளார். பின்னர், மனம் தளராமல் தொடர்ந்து தேர்வுகளை எழுத ஆரம்பித்துள்ளார்.

அதன்படி, கடந்த 5 ஆண்டுகளில் 10 முறை தேர்வு எழுதி தேர்ச்சிபெற முயற்சி செய்துள்ளார். இந்நிலையில், 11 -வது முறை தேர்வு எழுதி தேர்வு முடிவுக்காக காத்திருந்தார்.

இந்நிலையில், மகாராஷ்டிரா பொதுத் தேர்வு முடிவுகள் திங்கட்கிழமை வெளியாகியுள்ளது. ஆனால், இந்த முறை அனைத்து பாடங்களிலும் மாணவன் தேர்ச்சி பெற்றுள்ளார்.

இந்த செய்தியை கேட்ட பெற்றோர் மகிழ்ச்சியில், மேளதாளத்துடன் மகனை ஊர்வலமாக அழைத்துச் சென்றுள்ளனர். இதனை பார்த்த ஊர்மக்களும் மாணவனை தோளில் தூக்கிச் சென்றுள்ளனர். இச்சம்பவம் அப்பகுதியில் நெகிழ்ச்சியடைய வைத்துள்ளது.

மூக்கை கொண்டு வேகமாக தட்டச்சு செய்த இளைஞர் 3-வது முறையாக தனது சொந்த உலக சாதனையை முறியடித்துள்ளார்.

கடந்த 2023 -ம் ஆண்டு வினோத் குமார் சவுத்ரி (44) என்பவர் தனது மூக்கை கொண்டு 27.80 வினாடிகளில் ஆங்கில எழுத்துக்களை தட்டச்சு செய்து முதல் முறையாக சாதனை புரிந்தார்.

இதையடுத்து, அதே ஆண்டில் 2 -வது முறையாக 26.73 வினாடிகளில் தட்டச்சு செய்து தனது முதல் சாதனையை முறியடித்தார்.

இந்நிலையில், மீண்டும் தனது மூக்கை கொண்டு 25.66 வினாடிகளில் தட்டச்சு செய்து முதல் 2 சாதனையை முறியடித்துள்ளார். இது தொடர்பான வீடியோ சமூக வலைதளங்களில் வைரலாகி வருகிறது.

இது தொடர்பாக வினோத் குமார் சவுத்ரி பேசுகையில், “எனது தொழில் தட்டச்சு செய்வது தான். அதில் சாதனை புரிய வேண்டும் என்று நினைத்தேன். உங்களுடைய வாழ்க்கையில் எத்தனை பிரச்சனைகளை எதிர்கொண்டாலும் ஆர்வத்தை மட்டும் கடைசி வரை வைத்திருக்க வேண்டும்.

சில சமயம் மூக்கை வைத்து தட்டச்சு செய்யும் போது மயக்கத்தை ஏற்படுத்தும். ஆனால், பயிற்சியால் சாத்தியமாகும்” என்றார். இவர், “இந்தியாவின் தட்டச்சு மனிதர்” என்று அழைக்கப்படுகிறார் என்பது குறிப்பிடத்தக்கது.