காலி – ஜின் ஆற்றுப்பகுதியில் வக்வெல்ல பாலத்திற்கு அருகில் அடையாளம் தெரியாத நபரொருவரின் சடலம் மிதந்த நிலையில் கண்டெடுக்கப்பட்டுள்ளதாக பொலிஸார் தெரிவித்துள்ளனர்.
நேற்று மாலை (23.06.2026) பொது மக்கள் வழங்கிய தகவலுக்கமைய சடலம் பொலிஸ் அதிகாரிகள் மற்றும் உள்ளூர் மக்களால் மீட்கப்பட்டுள்ளது.
இதனையடுத்து முன்னெடுக்கப்பட்ட விசாரணையில், இறந்தவரின் முகம் சிதைக்கப்பட்டிருந்ததும், அவரது கைகள் பின்புறம் கட்டப்பட்டிருந்ததும் தெரியவந்துள்ளது.
மேலும், குறித்த நபரின் கால்கள் கொன்கிரீட் தூணுடன் ஒன்றாக இறுக கட்டப்பட்டிருந்ததும் விசாரணையில் தெரியவந்துள்ளது. நீரில் மூழ்கடித்து கொல்வதற்காக, அவரது கால்களில் பெரிய கொன்கிரீட் தூண்கள் கட்டப்பட்டிருக்கலாம் என பொலிஸார் சந்தேகிக்கின்றனர்.
நீர்மட்ட அதிகரிப்பினால் ஆற்றில் அடித்துச்செல்லப்பட்ட சடலம், பின்னர் பொத்தல பொலிஸ் பிரிவில் உள்ள வக்வெல்ல பாலத்திற்கு அருகில் சிக்கிய நிலையில் கண்டெடுக்கப்பட்டுள்ளது.
சடலம் இதுவரை அடையாளம் காணப்படாத நிலையில், 40-50 வயதுக்குட்பட்ட ஆணின் சடலமாக இருக்கலாம் என சந்தேகிக்கப்படுகின்றது. இதற்கமைய, பொலிஸார் மேலதிக விசாரணைகளை ஆரம்பித்துள்ளனர்.
இலங்கை வந்த கனேடிய யுவதி ஒருவர் கட்டுநாயக்க விமான நிலையத்தில் கைது செய்யப்பட்டுள்ளார். கட்டுநாயக்க சர்வதேச விமான நிலையத்தில் 35 கிலோ 264 கிராம் ஹஷீஷ் போதைப்பொருளுடன் சந்தேக நபரான யுவதி கைது செய்யப்பட்டுள்ளார்.
சுங்க போதைப்பொருள் கட்டுப்பாட்டுப் பிரிவின் அதிகாரிகளால் இந்த போதைப்பொருள் தொகுதி கைப்பற்றப்பட்டுள்ளது. இதன் பெறுமதி 35 கோடி ரூபாவிற்கும் அதிகம் என மதிப்பிடப்பட்டுள்ளது.
டுபாயில் இருந்து வருகை தந்த 18 வயதுடைய கனேடிய யுவதி ஹஷீஷ் போதைப்பொருள் தொகையை நாட்டிற்குள் கடத்தி வந்துள்ளார் என அதிகாரிகள் குறிப்பிட்டுள்ளனர். கைது செய்யப்பட்ட சந்தேக நபரிடம் மேலதிக விசாரணைகள் முன்னெடுக்கப்பட்டு வருவதாக அதிகாரிகள் குறிப்பிட்டுள்ளனர்.
கண்டி, தெல்தெனிய பகுதியில் காரில் சடலமாக மீட்கப்பட்ட பெண் வைத்தியரின் கொலை தொடர்பில் தேடப்பட்டு வந்த பிரதான சந்தேக நபர் யாழ்ப்பாணத்தில் வைத்து பொலிஸாரால் கைது செய்யப்பட்டுள்ளார்.
கடந்த ஒருவார காலமாக தலைமறைவாகி இருந்த நிலையில் நேற்றிரவு கைது செய்யப்பட்டுள்ளதாக பொலிஸார் தெரிவித்துள்ளனர். சந்தேகநபரும் அவரது மனைவியும் நேற்று வெள்ளவத்தையில் இருந்து யாழ்ப்பாணத்திற்கு பேருந்து மூலம் பயணிப்பதாக தகவல் கிடைத்தது.
அதன் அடிப்படையில், யாழ்ப்பாண குற்றப் புலனாய்வுப் பிரிவின் அதிகாரிகளால் யாழ்ப்பாணப் பகுதியில் வைத்து கைது செய்யப்பட்டுள்ளார் என நுவரெலியா பிரிவிற்குப் பொறுப்பான சிரேஷ்ட பிரதிப் பொலிஸ் மா அதிபர் தெரிவித்துள்ளார்.
கடந்த 17ஆம் திகதி பொலிஸாருக்கு கிடைத்த தகவலின் அடிப்படையில் காரொன்றில் பெண்ணின் சடலம் மீட்கப்பட்டுள்ளது.
இவ்வாறு உயிரிழந்தவர் வெலிகம, பலல்ல பகுதியைச் சேர்ந்தவர் என்றும், அவர் அம்பாறையிலுள்ள வைத்தியசாலையொன்றில் வைத்தியராக பணியாற்றியவர் எனவும் தெரியவந்துள்ளது.
பின்னர் அந்த பணியில் இருந்து விலகியிருந்தவர் எனவும் பொலிஸ் விசாரணைகளில் தெரியவந்துள்ளது.
இந்த பெண், தனது காதலன் எனக் கூறப்படும் சந்தேக நபருடன் கடந்த 16ஆம் திகதி நுவரெலியா பகுதியிலுள்ள தங்குமிடம் ஒன்றிற்கு வந்துள்ளார்.
அன்றைய தினமே இரவில் அந்தப் பெண் கொலை செய்யப்பட்டு சடலத்தை காரில் ஏற்றிய காதலன், மறுநாள் காலை தெல்தெனிய பகுதிக்கு கொண்டு வந்திருக்கலாம் என பொலிஸார் சந்தேகிக்கின்றனர்.
அதன் பின்னர், சந்தேக நபரான காதலனே தெல்தெனிய பொலிஸ் நிலையத்திற்கு தொலைபேசி மூலம் தொடர்பு கொண்டு இந்த மரணம் குறித்துத் தகவல் வழங்கியுள்ளார் என்பதும் ஆரம்பகட்ட விசாரணைகளில் தெரியவந்துள்ளது.
மூன்று பிள்ளைகளின் தந்தையான சந்தேக நபர் பல்வேறு குற்றச்செயல்களுடன் தொடர்புடையவர் என்றும், பலரை ஏமாற்றி பாரிய நிதி மோசடியில் ஈடுபட்டமையும் விசாரணைகளில் தெரிய வந்துள்ளமை குறிப்பிடத்தக்கது.
கொழும்பு – பம்பலப்பிட்டி தொடருந்து நிலையத்திற்கு அருகில் முச்சக்கர வண்டிக்கு தீவைத்து விட்டு தவறான முடிவெடுத்த இளைஞன் சிகிச்சை பலனின்றி உயிரிழந்துள்ளதாக தெரிவிக்கப்படுகின்றது.
இந்த சம்பவம் நேற்று (23.06.2026) காலை சுமார் 9.00 மணியளவில் இடம்பெற்றுள்ளதாக பொலிஸார் தெரிவித்துள்ளனர்.
திடீரென தனது முச்சக்கர வண்டியை வீதியில் நிறுத்தி தீ வைத்து கொளுத்திய நிலையில், மாத்தறையிலிருந்து மருதானை நோக்கிச்சென்று கொண்டிருந்த ருஹுணு குமாரி தொடருந்தின் முன் குதித்து தவறான முடிவெடுத்திருந்தார்.
இதன்போது படுகாயமடைந்த முச்சக்கர வண்டி சாரதி கொழும்பு தேசிய வைத்தியசாலைக்கு கொண்டு செல்லப்பட்டு அனுமதிக்கப்பட்ட பின்னர் உயிரிழந்துள்ளார். பதுரலிய, திக்கேனாவை சேர்ந்த 26 வயதான இளைஞரே இவ்வாறு உயிரிழந்துள்ளார்.
கொழும்பு மாநகர சபையை சேர்ந்த தீயணைப்பு வீரர்கள் சம்பவ இடத்திற்கு வந்து, தீப்பற்றி எரிந்த முச்சக்கர வண்டியில் ஏற்பட்ட தீயை அணைத்துள்ளனர்.
இதனையடுத்து முன்னெடுக்கப்பட்ட விசாரணையில் ஆவணங்களை ஆய்வு செய்ததில், இந்த முச்சக்கர வண்டி பதுரலியவை சேர்ந்த பெண் ஒருவருக்கு சொந்தமானது என்பதும் தெரியவந்துள்ளது.
இந்த நபர் முச்சக்கர வாகனத்திற்கு தீ வைத்து தற்கொலை செய்துகொண்டதற்கான காரணம் வெளியாகாத நிலையில், விசாரணை நடைபெற்று வருவதாக பொலிஸார் தெரிவித்துள்ளனர்.
பதுளை ஈட்டம்பிட்டிய பொலிஸ் பிரிவில் காணாமல் போனதாகப் பதிவாகியுள்ள 19 வயதுடைய யுவதி ஒருவரைக் கண்டுபிடிப்பதற்கு பொதுமக்கள் உதவி வழங்குமாறு பொலிஸார் கோரிக்கை விடுத்துள்ளனர்.
பொலிஸாரின் கூற்றுப்படி, ஹாலி எல பகுதியைச் சேர்ந்த அவரது தாயாரால் கடந்த மார்ச் மாதம் தனது மகள் காணாமல் போயுள்ளதாக முறைப்பாடு செய்யப்பட்டுள்ளது.
இதனையடுத்து ஈட்டம்பிட்டிய பொலிஸாரால் விசாரணைகள் ஆரம்பிக்கப்பட்டு, அது தொடர்பான விபரங்கள் வெலிமடை நீதவான் நீதிமன்றில் அறிக்கை செய்யப்பட்டுள்ளன.
காணாமல் போன இளம் பெண் சுமார் 5 அடி 6 அங்குலம் உயரமும், சாதாரண உடலமைப்பும், தோள் வரை வெட்டப்பட்ட தலைமுடியும் கொண்டவர் என விவரிக்கப்பட்டுள்ளது.
தகவல் தெரிந்தவர்கள் எவரும் இருப்பின் ஈட்டம்பிட்டிய பொலிஸ் நிலையப் பொறுப்பதிகாரியை (OIC) 071-8591528 என்ற இலக்கத்திலோ,அல்லது ஈட்டம்பிட்டிய பொலிஸ் நிலையத்தை 055-2294965 என்ற இலக்கத்திலோ தொடர்பு கொள்ளுமாறு பொலிஸார் கேட்டுக்கொண்டுள்ளனர்.
அம்பாறை டிப்போவுக்கு சொந்தமான இலங்கை போக்குவரத்துச் சபை பேருந்து ஒன்று வெல்லம்பிட்டி பகுதியில் விபத்துக்குள்ளாகியுள்ளது.
பேருந்து சாரதிக்கு ஏற்பட்ட திடீர் மாரடைப்பு காரணமாக பேருந்து கட்டுப்பாட்டை இழந்ததால், இன்று (24) அதிகாலை 5.30 மணியளவில் இந்த விபத்து நேர்ந்துள்ளது.
கொழும்பு கோட்டையிலிருந்து அம்பாறை நோக்கி பயணித்த இந்தப் பேருந்து, வெல்லம்பிட்டி அம்பகஹ சந்தி பகுதியில் வைத்தே விபத்துக்குள்ளாகியுள்ளது.
இந்த விபத்தினால் பேருந்துக்கு பலத்த சேதம் ஏற்பட்டுள்ளதுடன், பேருந்தின் சாரதி உடனடியாக வைத்தியசாலையில் அனுமதிக்கப்பட்டுள்ளார்.
எனினும், அவர் சிகிச்சை பலனின்றி உயிரிழந்துள்ளதாக வைத்தியசாலை வட்டாரங்கள் தெரிவிக்கின்றன. சம்பவம் தொடர்பாக வெல்லம்பிட்டிய பொலிஸார் மேலதிக விசாரணைகளை மேற்கொண்டு வருகின்றனர்.
வருங்கால கணவனை 400 அடி பள்ளத்தில் தள்ளி இளம்பெண் கொலை செய்துள்ள சம்பவம் அதிர்ச்சியை ஏற்படுத்தியுள்ளது. மகாராஷ்டிரா மாநிலம் புனே மாவட்டம், ககுஞ்சே பகுதியைச் சேர்ந்தவர் 26 வயதான கேத்தன் அகர்வால்(Keten Agarwal).
இவர் தனது குடும்பத்திற்குச் சொந்தமான ரியல் எஸ்டேட் நிறுவனத்தில் இயக்குநராக இருந்துள்ளார். இவருக்கு சியா கோயல்(Siya Goyal) (20) என்ற பெண்ணுடன் திருமணம் நிச்சயிக்கப்பட்டு, வரும் நவம்பர் மாதம் இவர்களின் திருமணம் திட்டமிடப்பட்டிருந்தது.
இவர்களின் திருமணத்திற்காக ராஜஸ்தான் மாநிலம் உதய்பூரில் ரூ.17 கோடி மதிப்பில் அரண்மனை முன்பதிவு செய்யப்பட்டிருந்தது. மேலும், விருந்தினர்களை அழைத்து வர 2 தனியார் விமானங்கள் ஏற்பாடு செய்யப்பட்டிருந்தது.
இந்நிலையில், கடந்த ஜூன் 18 ஆம் திகதி லோனாவாலா அருகே உள்ள லோகாகட் கோட்டைக்கு தனது வருங்கால மனைவி சியா கோயலின் பிறந்தநாளன்று அவருடன் மலையேற்றத்திற்குச் சென்றுள்ளார்.
அப்போது புகைப்படம் எடுத்துக்கொண்டிருக்கும் போது பலத்த காற்று வீசியதில் கேத்தன் அகர்வால், கால்தவறி .400 அடி பள்ளத்தாக்கில் விழுந்து உயிரிழந்துள்ளதாக அவரது வருங்கால மனைவி சியா கோயல் தெரிவித்துள்ளார்.
மேலும், என் பிறந்தநாளன்றே நீ என்னை விட்டுப் போய்விட்டாய் என்பது போல் கேத்தன் அகர்வாலின் மரணம் குறித்து சியா கோயல் உருக்கமாக இன்ஸ்டாகிராமில் ஸ்டோரி வெளியிட்டுள்ளார்.
ஆனால், கேத்தன் அகர்வால் மலையேற்றத்தில் அனுபவம் உள்ளவர் என்பதால் சந்தேகமடைந்த அவரது பெற்றோர் இது குறித்து காவல்துறையினரிடம் புகார் அளித்துள்ளனர்.
அங்கிருந்த சிசிடிவி காட்சிகளை ஆய்வு செய்ததோடு, சியா கோயலிடம் நடத்திய தீவிர விசாரணையில் சியா கோயல் தனது காதலனுடன் சேர்ந்து கேத்தன் அகர்வாலை மலையில் இருந்து தள்ளி கொலை செய்தது தெரிய வந்துள்ளது.
சியா கோயல், புனேவின் கோந்த்வா பகுதியைச் சேர்ந்த சேத்தன் சௌத்ரி(Chetan Chaudhry) (22) என்பவருடன் காதலில் இருந்து வந்துள்ளார்.
கேத்தன் அகர்வாலை அவருக்கு திருமணம் செய்ய விருப்பம் இல்லாத நிலையில் இருவரும் சேர்ந்து அவரை கொலை செய்ய திட்டமிட்டுள்ளனர்.
முன்னதாக திருமணத்திற்கு முந்தையை வீடியோ எடுக்க பாலி தீவுக்கு செல்ல திட்டமிட்டிருந்த போது, செல்லும் வழியிலே தனது பாஸ்போர்ட் தொலைந்துவிட்டதாக சியா கோயல் கூறியதால் பயணம் ரத்து செய்யப்பட்டது. ஆனால் விசாரணையில் அவர் வேண்டுமென்றே பாஸ்போர்ட்டை கிழித்து விட்டு நடகமாடியது தெரிய வந்தது.
கடந்த மே 31ஆம் திகதி கேதன் அகர்வாலை ஷியா லோஹாகட் மலை உச்சியில் இருந்து தள்ளிவிட்டு கொல்ல முயற்சித்துள்ளார் சியா கோயல். ஆனால் அவர் புதரை பிடித்துக்கொண்டு தப்பிவிட்டார்.
உடனே நிலைமையை சமாளிக்க ஷியா பாம்பு, பாம்பு என்று கத்தி, பாம்பிடமிருந்து காப்பாற்றுவதற்காக தள்ளிவிட்டதாகவும் கூறி தப்பித்துக்கொண்டார். கேதனுக்கும் தனது வருங்கால மனைவி மீது சந்தேகம் வரவில்லை.
மீண்டும் ஜூன் 4 ஆம் திகதி மீண்டும் கேதனை ஷியா லோஹாகட் கோட்டைக்கு வருமாறு அழைத்துள்ளார். ஆனால் கேதனை அவரது தாயார் அனுப்பாததால் அப்போது உயிர் தப்பியுள்ளார்.
அதன் பின்னர் மீண்டும் ஜூன் 14 ஆம் திகதி மீண்டும் கேதனை ஷியா லோஹாகட் கோட்டைக்கு அழைத்து சென்றுள்ளார். அன்று கோட்டையை பார்க்க அதிக கூட்டம் வந்திருந்ததால், அன்றைய தினமும் அவரது திட்டத்தை நிறைவேற்ற முடியவில்லை.
கடைசியாக தனது பிறந்தநாளைக் கொண்டாட வேண்டும் என கட்டாயப்படுத்தி, லோஹாகட் கோட்டைக்கு அழைத்துள்ளார்.
பிறந்தநாளை தனியார் ரிசார்ட்டில் கொண்டாடலாம் என கேதன் தெரிவித்த நிலையில், அவரது பெற்றோரிடமும் கோரிக்கை வைத்து லோஹாகட் கோட்டைக்கு அழைத்து சென்றுள்ளார்.
அதன் பின்னர் தனது காதலன் சேத்தன் சௌத்ரியை அங்கு வரவழைத்து இருவரும் கேதன் அகர்வாலை பள்ளத்தில் தள்ளி கொலை செய்துள்ளனர்.
இருவரும் கைது செய்யப்பட்டுள்ள நிலையில், இந்த கொலையில் வேறு யாருக்கும் தொடர்பு உள்ளதா என்ற ரீதியில் விசாரணை மேற்கொள்ளப்பட்டு வருகிறது.
வீட்டிலுள்ள தீய ஆவிகளையும் பேய்களையும் வெளியேற்றி, புதையல் ஒன்றை தருவதாகக் கூறி ஒரு பெண்ணிடம் 4.2 மில்லியன் ரூபாயையும் ஒரு பவுண் தங்கத்தையும் மோசடி செய்த ஐந்து நபர்களை சிறப்பு குற்றப் புலனாய்வுப் பிரிவு கைது செய்துள்ளது.
கோட்டாவெர, திகன்வெவவில் வசிக்கும் ஒரு பெண், சிலாபம் பிரதேச பொறுப்பு சிரேஷ்ட பொலிஸ் கண்காணிப்பாளரிடம் அளித்த முறைப்பாட்டின் அடிப்படையில் நடத்தப்பட்ட நீண்ட விசாரணைக்குப் பிறகு குறித்த சந்தேக நபர்கள் கைது செய்யப்பட்டதாக தெரிவிக்கப்படுகின்றது.
பொலிஸாரால் கைது செய்யப்பட்ட நபர்கள் வனத்தவில்லுவ மற்றும் கேகல்லவைச் சேர்ந்தவர்கள். அவர்களில் ஒருவர் சூனியக்காரர் என்று பொலிஸ் விசாரணைகளில் தெரிய வந்ததாக தெரிய வருகின்றது.
சந்தேக நபர்களிடமிருந்து 1.4 மில்லியன் ரூபாயும் ஒரு பவுண் உருக்கப்பட்ட தங்கமும் மீட்கப்பட்டுள்ளன. மேலும், இந்த மோசடிக்கு அவர்கள் பயன்படுத்திய கார், ஒரு போலி இரத்தினக்கல் மற்றும் புதையலிலிருந்து எடுப்பதாகக் கூறி அவரிடம் கொடுக்கப்பட்ட இரண்டு போலி புத்தர் சிலைகளையும் பொலிஸ் பறிமுதல் செய்துள்ளது.
பொலிஸ் விசாரணையில் தெரியவந்தபடி, இந்தச் சம்பவத்தின் முக்கிய சந்தேக நபர், கோட்டவெஹெரா பகுதியில் உள்ள அந்தப் பெண்ணின் வீட்டிற்குச் சென்று, ஒரு ஸ்கேனரின் உதவியுடன் தோட்டத்தை ஆய்வு செய்துள்ளார்.
அங்கு, வீட்டில் ஒரு பேய் இருப்பதாகவும், அதனால் குடும்ப உறுப்பினர்கள் அடிக்கடி நோய்வாய்ப்படுவதாகவும் கூறி, அவர் அங்கிருந்தவர்களைப் அச்சுறுத்தியுள்ளார்.
மேலும், வீட்டில் உள்ள பேயால் பாதுகாக்கப்படும் ஒரு மதிப்புமிக்க புதையலுக்கு இந்தப் பெண் தான் உண்மையான உரிமையாளர் என்று கூறி, அவரது நம்பிக்கையைப் பெறவும் அவர் நடவடிக்கை எடுத்துள்ளார்.
இந்த பேயை நீக்கி, புதையலை மீட்க அந்தப் பெண்ணின் சம்மதத்தைப் பெற்ற முக்கிய சந்தேக நபர், அதற்கான செலவுகளுக்காக அவரிடமிருந்து 4.2 மில்லியன் ரூபாயையும் ஒரு பவுண்ட் தங்கத்தையும் பெற்றுள்ளார்.
பின்னர், ஒரு மந்திரவாதியும் மேலும் மூன்று பேரும் வீட்டிற்கு வரவழைக்கப்பட்டு, ஒரு சிறப்பு பூஜை நடத்தப்பட்டது. அந்த நிகழ்வுகளின் போது, புதையலிலிருந்து இரண்டு உலோக புத்தர் சிலைகளையும் பல இரத்தினக் கற்களையும் மீட்டெடுத்ததாகக் கூறி, சந்தேக நபர்கள் அவற்றை அவரிடம் கொடுத்துள்ளனர்.
தொடர்ந்து, பிரதான சந்தேக நபர், இந்தச் சிலைகளையும் இரத்தினக்கற்களையும் சிலாபம், முனேஸ்வரத்தில் உள்ள சோஹோன் காளி தேவாலயத்திற்கு எடுத்துச் சென்று,
அங்கு சிறப்புப் பூஜைகள் செய்ய வேண்டும் என்று அவரிடம் தெரிவித்துள்ளார். அதன்படி, அவர் அங்கு சென்றபோதிலும், சந்தேக நபர்கள் வாக்குறுதியளித்தபடி வரவில்லை.
இதனால் சந்தேகம் எழுந்ததால், அவர் பெற்ற பொருட்களைப் பரிசோதித்துள்ளார். புத்தர் சிலைகள் மதிப்பற்ற ஒரு சாதாரண உலோகத்தால் செய்யப்பட்டிருந்ததும், இரத்தினக்கற்கள் போலியானவை என்பதும் தெரியவந்துள்ளது.
தன்னிடம் இருந்து பெரும் தொகை மோசடி செய்யப்பட்டதை உணர்ந்த அப்பெண், உடனடியாக சிலாபம் பிரிவு பொலிஸில் முறைப்பாடு அளித்துள்ளார்.
கோடை கால சீசன் பழங்களுள் தனித்துவமான இடம் பலாப்பழத்துக்கு உண்டு. இது வெப்பமண்டலப் பழம் மட்டுமல்ல, எண்ணற்ற ஆரோக்கிய நன்மைகளை வழங்கும் ஊட்டச்சத்துக்களின் களஞ்சியமாகும். ஏனெனில் வியக்கத்தக்க வகையில் அத்தியாவசிய ஊட்டச்சத்துக்களால் நிறைந்துள்ளது.
இந்த பழத்தில் அதிக நார்ச்சத்து இருப்பதால், மலச்சிக்கலைத் தடுக்கவும். சீரான குடல் இயக்கத்தை ஊக்குவிக்கவும். குடல் ஆரோக்கியத்தை வலுப்படுத்தவும் உதவும்.
செரிமானம் சீராக நடைபெறவும் வழிவகை செய்வதுடன் நீண்ட நேரம் வயிறு நிறைந்த உணர்வையும் தருகின்றது. விட்டமின் சி அதிகம் கொண்டுள்ள இது, நோய் எதிர்ப்பு மண்டலத்தை வலுப்படுத்த உதவும்.
நோய்த் தொற்றுகளுக்கு எதிராக போராடுவதில் முக்கிய பங்கு வகிக்கக்கூடியது. இதில் இருக்கும் பொட்டாசியம் இரத்த அழுத்தத்தை சீராக்க உதவும். இதயத்திற்கு அழுத்தம் ஏற்படுவதை குறைப்பதன் மூலம் இதய நோய் அபாயத்தை குறைக்க துணை புரியும்.
மேலும் பலாப்பழத்தில் உள்ள இயற்கையான நார்ச்சத்துக்கள் சர்க்கரை உறிஞ்சப்படுவதை மெதுவாக்குகின்றது. மிதமாக உண்ணும்போது, இரத்த சர்க்கரை அளவு வேகமாக உயர்வதை தடுக்க உதவுகின்றது.
குறிப்பாக, இளம் பலாப்பழத்திலுள்ள சத்துக்கள், சைவம் மற்றும் பன்றி அல்லது கோழி இறைச்சிக்கு மாற்றாகவும் அமைகின்றது.
பலாப்பழத்தில் கரோட்டினாய்டுகள் மற்றும் பிளாவனாய்டுகள் போன்ற ஆன்டி ஆக்சிடென்டுகள் உள்ளன. இவை செல்களை ஆன்டி ஆக்சிடென்ட் அழுத்தத்தில் இருந்து பாதுகாப்பதுடன், முதுமையை தடுக்கவும் துணை புரிகிறது.
விசேடமாக பொட்டாசியம், மெக்னீசியம், கல்சியம் மற்றும் இரும்புச் சத்து ஆகியவற்றையும் பலாப்பழம் கொண்டுள்ளதால், இவை இதயம் மற்றும் எலும்புகளின் ஆரோக்கியத்திற்கு உதவும்.
கண்டி தெல்தெனியவில் அண்மையில் கார் ஒன்றிற்குள் சடலமாகக் கண்டெடுக்கப்பட்ட பெண்ணின் மரணம் தொடர்பாகக் கைது செய்யப்பட்ட சந்தேகநபர்,
பல்வேறு நீதிமன்றங்களில் நிலுவையில் உள்ள பல நிதி மோசடி வழக்குகளிலும் தேடப்பட்டு வருபவர் என இலங்கை பொலிஸார் தெரிவித்துள்ளனர்.
இது தொடர்பாக பொலிஸ் ஊடகப் பிரிவு வெளியிட்டுள்ள அறிக்கையில், 2026.06.17 அன்று தெல்தெனிய வைத்தியசாலை அருகே நிறுத்தப்பட்டிருந்த காருக்குள்,
33 வயதுடைய வெலிகம பகுதியைச் சேர்ந்த பெண் ஒருவரின் சடலம் கண்டெடுக்கப்பட்ட சம்பவம் தொடர்பில் சந்தேகிக்கப்பட்ட, மரணமடைந்தவரின் காதலனாக அடையாளம் காணப்பட்ட நபர், 2026.06.24 அன்று அதிகாலை யாழ்ப்பாணம் பகுதியில் வலான மத்திய ஊழல் ஒழிப்பு பிரிவு அதிகாரிகளால் கைது செய்யப்பட்டுள்ளார்.
கைது செய்யப்பட்டபோது, அவரது சட்டப்பூர்வ மனைவி எனக் கருதப்படும் 35 வயதுடைய பெண்ணும் அவருடன் இருந்த நிலையில் கைது செய்யப்பட்டுள்ளார்.
கைது செய்யப்பட்ட சந்தேகநபர் 43 வயதுடையவர் எனவும், சந்தேகநபரான பெண் 35 வயதுடையவர் எனவும் தெரிவிக்கப்பட்டுள்ளது.
இருவரும் கண்டி – பல்லேகலே பகுதியைச் சேர்ந்தவர்கள் ஆவர். விசாரணையில் வெளிப்பட்ட தகவல்கள் சந்தேகநபர் தொடர்பாக மேற்கொள்ளப்பட்ட மேலதிக விசாரணையில் பல முந்தைய மோசடி சம்பவங்கள் தொடர்பான வழக்குகள் நிலுவையில் இருப்பது தெரியவந்துள்ளது.
திருமணம் செய்வதாக கூறி ரூ. 11,873,000/- மோசடி செய்தல் மற்றும் காரை சட்டவிரோதமாக பயன்படுத்துதல் தொடர்பான வழக்கு – கம்பஹா நீதவான் நீதிமன்றம்
திருமணம் செய்வதாக கூறி ரூ. 1,721,000/- மோசடி – கொழும்பு புதுக்கடை நீதவான் நீதிமன்றம் (எண் 05)
திருமணம் செய்வதாக கூறி ரூ. 1,376,000/- மோசடி – கொழும்பு புதுக்கடை நீதவான் நீதிமன்றம் (எண் 05)
வெளிநாட்டில் இருந்து வாகனங்கள் இறக்குமதி செய்வதாக கூறி ரூ. 2,200,000/- மோசடி – திஸ்ஸமஹாராம நீதவான் நீதிமன்றம்
குற்றவியல் விசாரணைத் திணைக்களத்தினால் கொழும்பு புதுக்கடை, ஹொரண, கடுவெல ஆகிய நீதிமன்றங்களில் 04 வழக்குகள் நிலுவையில் உள்ளன.
வெளிநாடு அனுப்புவதாக கூறி ரூ. 4,200,000/- மோசடி – கொழும்பு புதுக்கடை நீதவான் நீதிமன்றம்
சந்தேகநபர் மற்றும் சம்பவம் தொடர்பாக மேலதிக விசாரணைகள் தொடர்ந்து நடைபெற்று வருகின்றன.
சர்வதேச சந்தையில் தங்கம் மற்றும் வெள்ளி விலைகள் இன்று வீழ்ச்சியை பதிவு செய்துள்ளமை நகைப்பிரியர்களுக்கு மகிழ்ச்சியை ஏறபடுத்தியுள்ளது.
அதன்படி ஒரு அவுன்ஸ் தங்கத்தினுடைய விலை 4,083.88 அமெரிக்க டொலராக சரிந்துள்ளது. அத்துடன் ஒரு அவுன்ஸ் வெள்ளியின் விலை 60.96 அமெரிக்க டொலராக பதிவாகியுள்ளமை குறிப்பிடத்தக்கது.
இலங்கையில் தங்கத்தின் விலை இன்று (24) குறைவடைந்துள்ளதாக அகில இலங்கை நகையக வியாபாரிகள் சங்கம் தெரிவித்துள்ளது. இன்று தங்கத்தின் விலை 2,000 ரூபாயால் குறைந்து 380,000 ரூபாயாக பதிவாகியுள்ளது.
தற்போதைய சந்தை நிலவரப்படி, 22 கரட் தங்கம் ஒரு பவுண் 349,600 ரூபாயாக விற்பனை செய்யப்படுகிறது. அதேவேளை, 24 கரட் தங்கத்தின் ஒரு கிராமின் விலை 47,750 ரூபாயாகவும், 22 கரட் தங்கத்தின் ஒரு கிராமின் விலை 43,700 ரூபாயாகவும் நிர்ணயிக்கப்பட்டுள்ளது.
சர்வதேச தங்க சந்தையில் ஏற்பட்டுள்ள விலை மாற்றங்கள் மற்றும் அமெரிக்க டொலரின் பெறுமதியில் காணப்படும் ஏற்றத் தாழ்வுகள், உள்ளூர் தங்க விலையிலும் தாக்கத்தை ஏற்படுத்தியுள்ளது.
ருஹுணு பல்கலைக்கழகத்தைச் (Ruhuna University) சேர்ந்த 23 வயதுடைய மாணவி சடலி (Sadali) டெங்கு காய்ச்சல் காரணமாக உயிரிழந்துள்ளதாக தெரிவிக்கபப்டுகின்றது.
பல்கலைக்கழகச் சுற்றுப்பயணம் மற்றும் கள விஜயங்கள் (Field visit) செல்லவிருந்த நிலையில், டெங்கு காய்ச்சல் காரணமாக செல்லவிலை என கூறப்படுகின்றது.
அவர் தனது நண்பர்களுக்கு அனுப்பிய இறுதி வாட்ஸ்அப் செய்தியில் தான் டெங்கு தொற்றால் பாதிக்கப்பட்டுள்ளதாகவும், “நான் இறக்காவிட்டால் கண்டிப்பாக உங்களைப் பார்க்க வருவேன் நண்பர்களே” என்றும் உருக்கமாகக் குறிப்பிட்டுள்ளார்.
இந் நிலையில் மாணவியின் எதிர்பாராத இந்த மரணம் அவரது குடும்பத்தினரிடையேயும், சக பல்கலைக்கழக மாணவர்கள் மத்தியிலும் பெரும் சோகத்தை ஏற்படுத்தியுள்ளது.
அதேவேளை டெங்கு நோய் பரவும் அபாயம் அதிகமாகக் காணப்படும் 06 மாகாணங்களில், இன்று (24) முதல் வரும் 26ஆம் திகதி வரை மூன்று நாட்களுக்கு விசேட டெங்கு ஒழிப்புத் திட்டம் ஒன்று செயற்படுத்தப்படவுள்ளதாக தேசிய டெங்கு ஒழிப்புப் பிரிவு தெரிவித்துள்ளது.
நாட்டில் வேகமாக அதிகரித்து வரும் டெங்கு நோயாளர்களின் எண்ணிக்கையைக் கட்டுப்படுத்தும் நோக்கில் இந்த வேலைத்திட்டம் முன்னெடுக்கப்படுவதாக தெரிவிக்கப்பட்டுள்ளது.
சுகாதார அதிகாரிகள், உள்ளூராட்சி அமைப்புகள் மற்றும் தொடர்புடைய தரப்பினரின் ஒத்துழைப்புடன் இந்த நடவடிக்கை முன்னெடுக்கப்படவுள்ளதாகவும் குறிப்பிடப்பட்டுள்ளது.
பிரான்சில், 26 வயதான இலங்கை தமிழ் இளைஞன் நீரில் மூழ்கி உயிரிழந்துளதாக பிரான்ஸ் தகவல்கள் தெரிவிக்கின்றன. குறித்த இளைஞன் நேற்று நீரீல் மூழ்கியதை அடுத்து உடன் மருத்துவ மணையில் அனுமதிக்கப்பட்டிருந்தும் சிகிச்சை பலனின்றி உயிரிழந்ததாக உறவுகள் தெரிவித்துள்ளனர்.
அதேவேளை பிரான்சில் கடந்த வியாழக்கிழமை (18) முதல் வெப்ப அலை காரணமாக நாற்பது பேர் நீரில் மூழ்கி உயிரிழந்துள்ளனர் என பிரான்சின் பிரதமர் செபாஸ்டியன் லெகோர்னு தெரிவித்துள்ளார்.
இந்த உயிரிழப்புகள் பெரும்பாலும் மேற்பார்வையற்ற நீர் நிலைகளில் ஏற்பட்டுள்ளன. அபாயங்களைக் கருத்தில் கொள்ளாமல்,
அதிகமான மக்கள் ஆறுகளிலும் கால்வாய்களிலும் குளித்து குளிர்ச்சியடைய முயற்சிப்பதாக பிரான்சின் விளையாட்டுத்துறை அமைச்சர் தெரிவித்தார்.
பிரான்சின் பெரும்பாலான பகுதிகளில் உள்ள சிவப்பு எச்சரிக்கை, புதன்கிழமை பிற்பகலில் நாட்டின் 96 பெருநகர மாவட்டங்களில் 54-லிருந்து 58-ஆக நீட்டிக்கப்படும் என்றும், இதில் வடமேற்குப் பகுதியில் உள்ள பல பகுதிகளும் அடங்கும் என்றும் பிரான்ஸ் வானிலை ஆய்வு மையம் தெரிவித்துள்ளது.
கால்பந்து உலகக் கோப்பையின் போது நிகழவிருக்கும் ‘பெரும் அழிவு’ குறித்த பாபா வங்காவின் தீர்க்கதரிசனம் தற்போது மீண்டும் பேசுபொருளாகியுள்ளது.
பிரபல தீர்க்கதரிசி பாபா வங்கா கூறியதாகக் கூறப்படும், ‘உலகளாவிய விளையாட்டுப் போட்டியின் போது வேற்றுக்கிரகவாசிகள் படையெடுப்பார்கள்’ என்ற தீர்க்கதரிசனம் மீண்டும் வெளிச்சத்திற்கு வந்துள்ளது.
தன்னை ஒரு ஆன்மீக ஆலோசகராக அடையாளப்படுத்திக் கொள்ளும் ‘வோ பஹியானா’ (Vó Bahiana) என்ற பிரேசிலியப் பெண்மணி,
ஜூன் 24 அன்று புளோரிடாவில் நடைபெறவுள்ள உலகக் கோப்பை கால்பந்து போட்டியில் வேற்றுக்கிரகவாசிகள் திடீரென நுழைந்து, வீரர்கள் மற்றும் பார்வையாளர்களைக் கடத்திச் செல்வார்கள் என்று கூறுகிறார்.
மியாமி நகரில் பிரேசில் மற்றும் ஸ்காட்லாந்து அணிகளுக்கு இடையே நடைபெறவுள்ள இந்தப் போட்டியின் போது,
நேரடித் தொலைக்காட்சி ஒளிபரப்பு நடந்து கொண்டிருக்கும்போதே ஆயிரக்கணக்கான மக்கள் வேற்றுக்கிரகவாசிகளால் கடத்தப்படுவார்கள் என்றும் அவர் எச்சரிக்கிறார்.
சமூக ஊடகங்களில் 23 மில்லியனுக்கும் அதிகமான பின்தொடர்பவர்களைக் கொண்ட பஹியானா, இந்த மாதம் இருமுறை இது குறித்துக் கனவு கண்டதாகக் கூறுகிறார்.
மியாமி மைதானத்திற்குப் பல வேற்றுக்கிரக விண்கலங்கள் வருவதையும், அவற்றில் உள்ள பிரம்மாண்டமான ‘தாய் விண்கலம்’ (mothership) இயந்திரக் கைகள் போன்ற பெரிய சாதனங்களைப் பயன்படுத்தி மக்களைக் கடத்திச் செல்வதையும் தான் கண்டதாக அவர் வீடியோ ஒன்றில் கண்ணீருடன் தெரிவித்தார்.
வீரர்கள் மற்றும் பார்வையாளர்கள் கடும் அச்சத்தில் அலறுவதைத் தெளிவாகக் கண்டதாகவும் அவர் கூறினார். மேலும் இதை விளக்கும் வகையில் செயற்கை நுண்ணறிவு (AI) மூலம் உருவாக்கப்பட்ட வீடியோ ஒன்றையும் அவர் சமூக ஊடகங்களில் வெளியிட்டுள்ளார்.
அவரது கூற்றுப்படி, அந்த முக்கிய விண்கலத்தைத் தவிர, பூமியில் மனிதர்களிடையே வாழ்வதாகச் சதிக்கோட்பாட்டாளர்களால் நம்பப்படும் ‘ரெப்டிலியன்ஸ்’ (Reptilians – ஊர்வன போன்ற தோற்றம் கொண்ட வேற்றுக்கிரகவாசிகள்) குழுவைக் கொண்ட இரண்டாவது விண்கலமும் அன்று வருகை தரும் என்று எதிர்பார்க்கப்படுகிறது.
இருப்பினும், இந்த மர்மமான தீர்க்கதரிசனத்தின் காரணமாக, பெரும்பாலான சமூக ஊடகப் பயனர்கள் அவரைக்கடுமையாகக் கேலி செய்வதோடு விமர்சனங்களுக்கும் உள்ளாக்கியுள்ளனர்.
இத்தகைய விமர்சனங்கள் இருந்தபோதிலும், பிரேசிலில் அவர் கணிசமான பிரபலத்தைப் பெற்றுள்ளார்; ஏனெனில் அவரது முந்தைய தீர்க்கதரிசனங்களில் சில உண்மையாகியதாகக் கூறப்படுகிறது.
பிரேசிலின் ரியோ கிராண்டே டோ சுல் (Rio Grande do Sul) மாநிலத்தில் ஏற்பட்ட பேரழிவு தரும் வெள்ளம் மற்றும் கிறிஸ்டியன் (Christian), ஜோவா கார்னீரோ (João Carneiro) போன்ற பிரபல இசைக்கலைஞர்களின் திடீர் மரணங்கள் குறித்தும் அவர் முன்பே பேசியிருந்ததாக அவரது ஆதரவாளர்கள் கூறுகின்றனர்.
இருப்பினும், இத்தகைய வேற்றுகிரகவாசிகளின் படையெடுப்பு சாத்தியம் குறித்து, அமெரிக்காவின் புலனாய்வு அமைப்பான எஃப்.பி.ஐ (FBI) மற்றும் உள்நாட்டுப் பாதுகாப்புத் துறை (DHS) ஆகியவை,
அத்தகைய நிகழ்வு குறித்த எந்த ஆதாரமும் அல்லது தகவலும் தங்களிடம் இல்லை என்பதை வலியுறுத்திக் கூறுகின்றன.
தனிநபர் குடியிருப்பு மற்றும் வாகன விற்பனை மீதான வரி விதிப்பு குறித்து உள்நாட்டு இறைவரித் திணைக்களம் முக்கிய விளக்கமளித்துள்ளது. ஒருவர் தனது குடியிருப்பு சொத்தை விற்பனை செய்யும் போது, அந்த சொத்தை குறைந்தபட்சம் மூன்று ஆண்டுகள் தனது சட்டப்பூர்வ உடைமையில் வைத்திருந்திருக்க வேண்டும்.
அத்துடன், அந்த மூன்று ஆண்டுகளில் இரண்டு ஆண்டுகளுக்கும் மேலாக அங்கு வசித்திருக்க வேண்டும். இந்த நிபந்தனைகள் பூர்த்தியாகும் பட்சத்தில், அந்த விற்பனைத் தொகையானது வரி விலக்கு அளிக்கப்படும்.
மேலும், குடும்ப உறுப்பினர்களுக்கு சொத்துக்களைப் பரிமாற்றம் செய்வதற்கு எவ்வித வரியும் கிடையாது. மூன்றாம் தரப்பினருக்கு விற்பனை செய்யும் போது மட்டுமே வரி பொருந்தும்.
கடந்த ஏப்ரல் 1, 2024 முதல் தனிநபர் வாகனங்களை விற்பனை செய்வதற்கான பழைய வரிமுறை நீக்கப்பட்டுள்ளது.
இதன்படி, வாகனத்தின் வயது, நிலை அல்லது மாதிரி எதுவாக இருந்தாலும், தனிநபர் வாகன விற்பனையிலிருந்து கிடைக்கும் முழு இலாபமும் வரிச் சுமையின்றி முற்றிலும் வரி விலக்கு அளிக்கப்படுகிறது.
வவுனியா வடக்கு கல்வி வலயத்தின் புதிய வலயக் கல்விப் பணிப்பாளராக திருமதி தட்ஷாஜினி வஜிகரன் இன்று (24.06.2026) தனது கடமைகளைப் பொறுப்பேற்றுக்கொண்டார்.
இதுவரை காலம் வவுனியா தெற்கு வலயக் கல்வி அலுவலகத்தில் பிரதிக் கல்விப் பணிப்பாளராகக் கடமையாற்றி வந்த அவர், தற்போது கல்வி நிர்வாக சேவை பிரமாணக் குறிப்பிற்கு அமைவாக வலயக் கல்விப் பணிப்பாளராகப் பதவி உயர்வு பெற்றுள்ளார்.
இதனைத் தொடர்ந்தே, அவர் இன்று வவுனியா வடக்கு கல்வி வலய அலுவலகத்தில் உத்தியோகபூர்வமாகத் தனது புதிய பதவியை ஏற்றுக்கொண்டார்.
இவருக்கு வலயக் கல்வி அலுவலக அதிகாரிகள், அதிபர்கள் மற்றும் ஆசிரியர்கள் பலரும் தமது வாழ்த்துகளைத் தெரிவித்து வருகின்றனர்.
