தெலுங்கானாவில்..

தெலுங்கானாவில் மனைவியை கொடூரமான முறையில் கொலை செய்த கணவன் விபத்தில் சிக்கி பலியான சம்பவம் அப்பகுதியில் பரபரப்பை ஏற்படுத்தி உள்ளது. தெலுங்கானா மாநிலம், நிஜாமாபாத்தை சேர்ந்தவர் சவுக்கான். இவரது மகள் தீபா. பங்கர் குடவை சேர்ந்தவர் அருண்.

இவருக்கும் தீபாவுக்கும் கடந்த மே மாதம் 11ஆம் தேதி திருமணம் நடந்தது. திருமணம் நடந்த ஒரு வாரத்திலேயே மனைவியின் நடத்தை மீது சந்தேகம் கொண்ட அருண் அவரை அடித்து கொடுமைபடுத்தியதாக தெரிகிறது.

இதுகுறித்து தீபா தனது பெற்றோருக்கு தகவல் தெரிவித்தார். அவரது பெற்றோர் தீபாவுக்கு அறிவுரை வழங்கி சமாதானம் செய்து வைத்துள்ளனர். ஆனால் அருணின் கொடுமை நாளுக்கு நாள் அதிகரித்து வந்ததால் விரத்தி அடைந்த தீபா தன்னை வீட்டிற்கு அழைத்துச் செல்லுமாறு பெற்றோரிடம் தெரிவித்தார்.

இதையடுத்து கடந்த 15 நாட்களுக்கு முன்பு பெற்றோர் தீபாவை தங்களது வீட்டிற்கு அழைத்துச் சென்றனர். கடந்த மாதம் 28ஆம் தேதி மாமியார் வீட்டிற்கு வந்த அருண் மனைவியை இனிமேல் கொடுமை படுத்தாமல் நல்லபடியாக பார்த்துக் கொள்வதாக உறுதி அளித்தார்.

இதனை உண்மை என நம்பிய அவரது பெற்றோர் தீபாவை கணவருடன் அனுப்பி வைத்தனர். தீபாவை வீட்டிற்கு அழைத்து வந்த நாள் முதல் மீண்டும் கொடுமைப்படுத்த தொடங்கினார்.

நேற்று முன்தினம் இரவு கணவன் மனைவிக்கு இடையே தகராறு ஏற்பட்டது. இதில் ஆத்திரமடைந்த அருண் தீபாவின் தலையை சுவற்றில் மோதினார். இதில் அவரது மண்டை உடைந்து ரத்தம் கொட்டியது.

வலியால் அலறி துடித்த அவரை பார்த்தும் அருணுக்கு ஆத்திரம் அடங்கவில்லை. பின்னர் ரத்த வெள்ளத்தில் துடித்துக் கொண்டிருந்த தீபாவை கத்தியை எடுத்து வந்து கழுத்தை அறுத்து கொலை செய்தார். பின்னர் வீட்டில் இருந்த பைக்கை எடுத்துக் கொண்டு போலீஸ் நிலையத்தில் சரணடைய சென்றார்.

அப்போது இந்த சம்பவம் அருணின் தந்தைக்கு தெரியவரவே அவர் போலீஸ் நிலையத்தில் சரணடைய சென்ற அருணை வீட்டிற்கு அழைத்துள்ளார். இதையடுத்து அருண் தனது பைக்கில் வீட்டிற்கு வந்து கொண்டு இருந்தார்.

அப்போது முன்னால் சென்ற லாரியின் பின்புறம் அருண் ஓட்டிச் சென்ற பைக் மோதியது. இதில் பைக்கில் இருந்து தூக்கி வீசப்பட்ட அருண் ரத்த வெள்ளத்தில் துடிதுடித்து சம்பவ இடத்திலேயே பரிதாபமாக இறந்தார்.

இது குறித்து தகவல் அறிந்த போலீசார் கணவன் மனைவி 2 பேரின் உடல்களை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் போலீசார் வழக்கு பதிவு செய்து மனைவியை கொலை செய்ய உதவியதாக அருணின் பெற்றோர் ஜெயவந்த் ராவ், லட்சுமி ஆகியோரை கைது செய்தனர்.

தெலங்கானாவில்..

நகை, பணத்துடன் வீட்டில் இருந்து வெளியேறுவதை தடுத்த பெண் இன்ஜினியரை துப்பட்டாவால் கழுத்தை நெரித்துக்கொன்றுவிட்டு காதலனுடன் தலைமறைவான தங்கையை போலீசார் கைது செய்தனர்.

தெலங்கானா மாநிலம் ஜகிர்த்தியாலாவை சேர்ந்தவர் தீப்தி (22), சாப்ட்வேர் இன்ஜினியர். கடந்த 28ம்தேதி இவரது பெற்றோர் வெளியூர் சென்றுவிட்டனர். தீப்தி மற்றும் அவரது தங்கை சந்தனா (20) ஆகிய இருவர் மட்டுமே வீட்டில் தனியாக இருந்தனர்.

மறுநாள் (29ம் தேதி) வீட்டில் மர்மமான முறையில் தீப்தி இறந்து கிடந்தார். அவரது தங்கை வீட்டில் இல்லை. அவர் மாயமானது தெரியவந்தது. வீட்டில் இருந்த 70 சவரன் நகைகள் மற்றும் ₹2 லட்சம் ரொக்கமும் மாயமானது.

இதுகுறித்த தகவலின்பேரில் ஜகிர்த்தியாலா போலீசார் வழக்குப்பதிந்து விசாரித்தனர். மேலும் தீப்தியின் உடலை அரசு மருத்துவமனைக்கு பிரேத பரிசோதனைக்காக அனுப்பியிருந்தனர்.

இதன் அறிக்கை போலீசாரிடம் அளிக்கப்பட்டது. அதில் தீப்தி கழுத்து நெரித்து மூச்சுத்திணற வைத்து கொலை செய்யப்பட்டதாக தெரிவிக்கப்பட்டிருந்தது. இதையடுத்து போலீசார் தீவிரமாக விசாரித்தனர். மேலும் மாயமான சந்தனாவை தேடிவந்தனர்.

இந்நிலையில் கொலை நடந்த அன்று ஜகிர்த்தியாலா பஸ் நிலையத்தில் மாயமான சந்தனா, வாலிபர் ஒருவருடன் நடந்துசென்று பஸ் ஏறும் காட்சிகள் அங்குள்ள சிசிடிவி காட்சியில் பதிவானது தெரிந்தது. இதையடுத்து சந்தனா மற்றும் வாலிபரை போலீசார் தீவிரமாக தேடிவந்தனர்.

இந்நிலையில் ஐதராபாத்தில் உள்ள ஆர்மூர் பகுதியில் சந்தானவும் வாலிபரும் தங்கியிருந்தது தெரிந்தது. இதையடுத்து அவர்கள் இருவரையும் போலீசார் நேற்று பிடித்து விசாரித்தனர்.

விசாரணையில் சந்தானவுடன் தங்கியிருந்தவர் அவரது காதலன் உமர்ஷேக் என்பது தெரிய வந்தது. அவர்களிடம் தொடர்ந்து நடத்திய விசாரணையில் திடுக்கிடும் தகவல்கள் வெளியானது.

சந்தனாவும், ஐதராபாத்தை சேர்ந்த உமர்ஷேக் (21) என்ற வாலிபரும் கல்லூரிக் காதலர்கள். இருவரும் வெவ்வேறு சமூகம் என்பதால் வீட்டில் சம்மதிக்க மாட்டார்கள் என்பதால் வீட்டில் இருந்து வெளியேறி சென்று திருமணம் செய்ய சந்தனா திட்டமிட்டிருந்தார்.

கடந்த 28ம்தேதி இரவு தனது காதலனுக்கு சந்தனா போன் செய்து, `இருவரும் திருமணத்தை தள்ளிப்போடக்கூடாது, விரைந்து திருமணம் செய்யலாம்’ எனக்கூறியுள்ளார். அதற்கு உமர்ஷேக், நம் இருவருக்கும் இன்னும் வேலை கிடைக்கவில்லை.

எனவே வேலைக்கு சென்று சிறிது சம்பாதித்துவிட்டு அதன்பின்னர் திருமணம் செய்யலாம் எனக்கூறியுள்ளார். ஆனால் ஏற்க மறுத்த சந்தனா, தற்போது வீட்டில் பெற்றோர் யாரும் இல்ைல, உடனடியாக வந்தால் எனது அக்கா தூங்கியவுடன் நகை, பணத்துடன் வெளியேறி விடலாம் என அழைத்துள்ளார்.

இதையறியாத தீப்தி தூங்கச்சென்றுள்ளார். இதையறிந்த சந்தனா, உடனடியாக தனது காதலனை வீட்டுக்கு வரவழைத்துள்ளார். அவர் வந்தவுடன் வீட்டில் இருந்த 70 சவரன் நகை மற்றும் ₹2 லட்சம் ரொக்கம் ஆகியவற்றை எடுத்துக்கொண்டு தப்ப முயன்றனர்.

அப்போது சத்தம் கேட்ட தீப்தி, கண் விழித்தபோது தனது தங்கை வாலிபர் ஒருவருடன் நகை, பணத்துடன் வீட்டில் இருந்து வெளியேறுவதை கண்டு அதிர்ச்சியடைந்தார். தங்கையிடம் கேட்டபோது, காதல் விவகாரம் ெதரிந்தது. அதற்கு தீப்தி, `இந்த திருமணத்திற்கு நமது பெற்றோர் ஒப்புக்கொள்ள மாட்டார்கள்.

எனவே இருவரும் காதலை கைவிடுங்கள்’ எனக்கூறி நகை, பணத்தை அவர்களிடம் இருந்து பறிக்க முயன்றார். இதனால் அவர்களுக்குள் கடும் வாக்குவாதம் ஏற்பட்டுள்ளது.

அப்போது ஆத்திரமடைந்த உமர்ஷேக், சந்தனா ஆகிய இருவரும் தீப்தியை சரமாரி தாக்கி அவரது துப்பாட்டாவால் அவரது கழுத்தை நெரித்து படுக்கையறையில் தள்ளியுள்ளனர். இதில் மூச்சுத்திணறி சிறிதுநேரத்தில் தீப்தி இறந்தார்.

தீப்தி இயற்கையாக இறந்ததுபோல் காண்பிக்க துப்பாட்டாவை அகற்றிவிட்டு ஷோபாவில் தீப்தியின் சடலத்தை வைத்துவிட்டு இருவரும் தப்பியது தெரிந்தது. இதையடுத்து போலீசார் காதல்ஜோடி இருவரையும் கைது செய்தனர்.

மேலும் கொலையாளிகளுக்கு அடைக்கலம் தந்த உமர்ஷேக்கின் தாய் சையத்அலியா, உறவினர் ஷேக்அசியாபாத்திமா, அபீஸ் ஆகிய 5 பேரையும் கைது செய்தனர். அவர்களிடம் இருந்து ₹1.20 லட்சம் பணம், 70 சவரன் நகைகளை பறிமுதல் செய்தனர்.

ஆத்திரமடைந்த உமர்ஷேக், சந்தனா ஆகிய இருவரும் தீப்தியை சரமாரி தாக்கி அவரது துப்பாட்டாவால் அவரது கழுத்தை நெரித்து படுக்கையறையில் தள்ளியுள்ளனர். இதில் மூச்சுத்திணறி சிறிதுநேரத்தில் தீப்தி இறந்தார்.

கோவாவில்..

கோவாவில் இருந்து 80 கி.மீ தூரத்தில் இருக்கும் மகாராஷ்டிராவின் அம்போலி காட் என்ற பகுதி உள்ளது. இங்கிருக்கும் காட்டுப்பகுதி ஒன்றில் சாக்குமூட்டை கிடந்துள்ளது.

இதனை கண்ட அக்கம்பக்கத்தினர் உடனடியாக இதுகுறித்து போலீசுக்கு தகவல் தெரிவித்தனர். அதன்பேரில் விரைந்து வந்த அவர்கள் அதனை திறந்து பார்த்ததில், அதில் இளம்பெண் ஒருவரது சடலம் இருந்துள்ளது.

இதையடுத்து அதனை மீட்டு உடற்கூறாய்வுக்கு அனுப்பி தங்கள் விசாரணையை தொடங்கினர். அந்த பகுதியில் இருக்கும் சிசிடிவி காட்சி உள்ளிட்டவையை ஆய்வு செய்து விசாரிக்கையில் சந்தேகத்திற்குரிய வகையில் இளைஞர் ஒருவர் சென்றது தெரியவந்தது.

தொடர்ந்து அதனை வைத்து விசாரித்ததில் கோவாவில் இருக்கும் போர்வோரி பகுதியைச் சேர்ந்த பிரகாஷ் சுஞ்சவாட் (22) என்பவர் பிடிபட்டார். அவரிடம் இதுகுறித்து விசாரிக்கையில் ஆரம்பத்தில் இதனை தெரியாதது போல் பதிலளித்து வந்த அவர், போலீசார் நடத்திய கிடுக்கிப்பிடி விசாரணையில் உண்மையை ஒப்புக்கொண்டார்.

அதன்படி தனது காதலி தன்னை பிரேக் அப் செய்துவிட்ட ஆத்திரத்தில் கொலை செய்ததாக வாக்குமூலம் அளித்தார். அதாவது சாக்குமூட்டையில் கிடந்த பெண்ணின் பெயர் காமாட்சி (30). அந்த பெண்ணும் பிரகாஷும் சில ஆண்டுகளாக காதலித்து வந்துள்ளதாக தெரிகிறது.

இந்த சூழலில் இருவருக்கும் இடையே அடிக்கடி தகராறு ஏற்பட்டு வந்துள்ளது. இதில் மிகுந்த மன உளைச்சலில் இருந்த அந்த பெண் இவரை பிரேக் அப் செய்துள்ளார். மேலும் இவரது மொபைல் எண்ணையும் பிளாக் செய்துள்ளார்.

எனவே காதலன் பிரகாஷ், காமாட்சியிடம் பலமுறை பேச முயன்றும் அது பலனளிக்காமல் போனது. தொடர்ந்து தொல்லை கொடுத்ததால், காமாட்சி போலிசில் புகார் அளித்துள்ளார்.

எனவே கடந்த ஆகஸ்ட் 29-ம் தேதி காமாட்சியை சந்திக்க வேண்டும் என்று தனியே அழைத்துள்ளார். ஆரம்பத்தில் மறுத்த அவர், இதுவே கடைசி என்பதால் பிரகாஷை சந்திக்க சென்றுள்ளார்.

அப்போது இருவருக்கும் இடையே வாக்குவாதம் ஏற்பட்டுள்ளது. இதனால் கோபத்தில் தான் மறைத்து வைத்திருந்த கத்தியால் காதலியை குத்தி கொலை செய்தார். இதில் சம்பவ இடத்திலேயே உயிரிழந்த காமாட்சியின் சடலத்தை மறைக்க தனது நண்பரின் உதவியோடு 80 கி.மீ தொலைவில் உள்ள காட்டுப்பகுதியில் வீசி சென்றுள்ளார்.

இவையனைத்தும் போலீசார் விசாரணையில் தெரியவந்தது. தற்போது காதலன் பிரகாஷ் சுஞ்சவாட்டை போலீசார் கைது செய்து சிறையில் அடைத்து விசாரணை மேற்கொண்டு வருகின்றனர். இந்த சம்பவம் பெரும் அதிர்ச்சியை ஏற்படுத்தியுள்ளது.

கர்நாடகாவில்..

கர்நாடகாவில் கணவரின் முதல் மனைவிக்கு பிறந்த 5மாத பெண் குழந்தையை விஷம் வைத்து கொன்ற 4 பிள்ளைகளின் தாயை பொலிஸார் கைது செய்த சம்பவம் அரங்கேறியுள்ளது, சொத்து பறிபோகும் என்பதால் குழந்தையைக் கொன்றது தெரியவந்துள்ளது.

கர்நாடக மாநிலம் யாதகிரி மாவட்டம் வடகேரா தாலுகா பபலா கிராமத்தை சேர்ந்தவர் சித்தப்பா. இவரது முதல் மனைவி பெயர் ஸ்ரீதேவி. 11 ஆண்டுக்கு முன்பு இந்த தம்பதிக்கு திருமணம் நடந்திருந்தது.

ஸ்ரீதேவியை திருமணம் செய்து 3 ஆண்டுகள் ஆகியும் குழந்தை பிறக்கவில்லை. ஸ்ரீதேவிக்கு குழந்தை பாக்கியம் இல்லை என்று கூறி, கடந்த 7 ஆண்டுக்கு முன்பு தேவலம்மா என்பவரை சித்தப்பா 2வதாக திருமணம் செய்து கொண்டார்.

இதனால் சித்தப்பாவுடன் சேர்ந்து வாழ பிடிக்காமல் ஸ்ரீதேவி பிரிந்து சென்று தன்னுடைய பெற்றோர் வீட்டில் வசித்து வந்தார். இதனைத் தொடர்ந்து சித்தப்பா, தேவலம்மா தம்பதிக்கு 4 குழந்தைகள் பிறந்திருந்தது.

இந்த சூழலில் கடந்த 3 ஆண்டுக்கு முன்பு சித்தப்பா மற்றும் ஸ்ரீதேவியை சமாதானப்படுத்தி, அவர்களது குடும்பத்தினர் மீண்டும் சேர்த்து வைத்திருந்தனர்.

இதையடுத்து ஒரே வீட்டில் சித்தப்பாவுடன் ஸ்ரீதேவி, தேவலம்மா, குழந்தைகள் வசித்து வந்துள்ளனர்.கடந்த ஆண்டு ஸ்ரீதேவி கர்ப்பம் அடைந்தார். கடந்த 5 மாதங்களுக்கு முன்பு ஸ்ரீதேவிக்கு பெண் குழந்தை பிறந்தது.

இந்நிலையில், கடந்த மாதம் (ஆகஸ்டு) 30ம் தேதி ஸ்ரீதேவியின் 5 மாத குழந்தை திடீரென்று இறந்து விட்டது. குழந்தையின் வாயில் நுரை தள்ளி இருந்ததால் குடும்பத்தினருக்கு சந்தேகம் ஏற்பட்டது. இதுகுறித்து வடகேரா போலீசில் புகார் அளிக்கப்பட்டது.

அதன்பேரில் பொலிஸார் வழக்குப்பதிவு செய்து விசாரித்தனர். அப்போது குழந்தைக்கு வழங்கப்பட்ட பாலில் விஷத்தை கலந்து கொடுத்ததால், பச்சிளம் குழந்தை இறந்தது தெரியவந்தது.

இதையடுத்து, வடகேரா பொலிஸார் விசாரணையை தீவிரப்படுத்தினார்கள். அப்போது சித்தப்பாவின் 2வது மனைவி தேவலம்மா மீது போலீசாருக்கு சந்தேகம் ஏற்பட்டது.

இதையடுத்து, நேற்று முன்தினம் தேவலம்மாவை பிடித்து விசாரித்தனர். அப்போது தனது கணவரின் முதல் மனைவிக்கு பிறந்த 5 மாத குழந்தையைக் கொலை செய்ததை தேவலம்மா ஒப்புக் கொண்டார். இதையடுத்து, அவர் கைது செய்யப்பட்டார்.

பொலிஸாரின் விசாரணையில், தனக்கு ஏற்கனவே 4 குழந்தைகள் இருப்பதாலும், தற்போது ஸ்ரீதேவிக்கு பெண் குழந்தை பிறந்ததால் கணவர் சித்தப்பாவின் சொத்தில் அந்த பெண் குழந்தைக்கு பங்கு கொடுக்க வேண்டும்.

இதனால் தனக்கும், தன்னுடைய குழந்தைகளுக்கும் சொத்து பறிபோகும் என்பதால் 5 மாத குழந்தைக்கு பாலில் விஷத்தை கலந்து கொடுத்து கொன்றதாக வாக்குமூலம் அளித்துள்ளார்.

விசாரணைக்கு பின்பு தேவலம்மா கோர்ட்டில் ஆஜர்படுத்தப்பட்டு சிறையில் அடைக்கப்பட்டார். சொத்து பறிபோகும் என்பதால் கணவரின் முதல் மனைவியின் 5 மாத குழந்தையை, 4 பிள்ளைகளின் தாய் கொன்ற கொடூர சம்பவம் பெரும் அதிர்ச்சியை ஏற்படுத்தியுள்ளது.

மகாராஷ்டிராவில்..

மகாராஷ்டிரா மாநிலம் தானே மாவட்டம் கல்வா பகுதியில் வசித்து வருபவர் திலீப் சால்வி. இவருக்கு வயது 56. இவரது மனைவி பிரமிளா வயது 51. திலீப் சால்வே தானே மாவட்ட முன்னாள் மேயர் கணேஷ் சால்வியின் சகோதரன் .

தீலிப் சால்வே நேற்று இரவு 10 மணியளவில் வீட்டிற்கு வந்துள்ளார். அப்போது, திலீப்பிற்கும் அவரது மனைவி பிரமிளாவுக்கும் இடையே வாக்குவாதம் ஏற்பட்டுள்ளது. வாக்குவாதம் முற்றிய நிலையில் துப்பாக்கியால் தன் மனைவி பிரமிளாவை திலீப் 2 முறை சுட்டுள்ளார்.

இந்த சம்பவத்தில் பிரமிளா சம்பவ இடத்திலேயே ரத்த வெள்ளத்தில் சுருண்டு விழுந்து உயிரிழந்தார். மனைவியை சுட்டுக்கொன்ற சில நிமிடங்களில் திலீப்பிற்கு மாரடைப்பு ஏற்பட்டது.

இதனால், அவரும் சுருண்டு விழுந்தார்.துப்பாக்கிச்சூடு சத்தம் கேட்டு விரைந்து வந்த திலீப்பின் மகன் தன் தாயார் ரத்த வெள்ளத்தில் கிடப்பதையும், தந்தை மயங்கி கிடப்பதையும் கண்டு அதிர்ச்சி அடைந்தார்.

உடனடியாக போலீசாருக்கு தகவல் தெரிவிக்கப்பட்ட நிலையில் சம்பவ இடத்திற்கு விரைந்து வந்து இருவரையும் மீட்டு மருத்துவமனைக்கு அனுப்பி வைத்தனர். இருவரையும் பரிசோதித்த மருத்துவர்கள் இருவரும் ஏற்கனவே உயிரிழந்துவிட்டதாக தெரிவித்தனர்.

திலீப் மாரடைப்பால் உயிரிழந்துள்ளார் என மருத்துவர்கள் தெரிவித்தனர். மனைவியை சுட்டுக்கொன்ற கணவன் மாரடைப்பால் உயிழந்த நிலையில் இந்த சம்பவத்திற்கான காரணம் குறித்து போலீசார் விசாரணை நடத்தி வருகின்றனர்.

இங்கிலாந்தில்..காதலுக்கு சாதி, மதம், நிறம் மட்டுமல்ல, நாடுகளும், கண்டங்களும் தடையில்லை என்பதை இந்த ஜோடியின் காதல் திருமணம் நிரூபித்துள்ளது. பெரியவர்களை வற்புறுத்தி குடும்பத்தார் முன்னிலையில் இருவரும் திருமணம் செய்து கொண்டனர்.

அந்த இளைஞரின் பெயர் பென், பிரித்தானியாவைச் சேர்ந்தவர். பெற்றோர் ரோஜர் நைஜல் மற்றும் ஜீன் லைட்டோவ்லர். அந்தப் பெண்ணின் பெயர் சிந்துரா. தெலுங்கானா மாநிலம் மஞ்சிரியாலா மாவட்டம் லக்ஷெட்டிபேட் மண்டலத்தைச் சேர்ந்த கோட்டா மகேந்தர் மற்றும் சுஜாதலா தம்பதியரின் மகள்.

மேற்படிப்புக்காக இங்கிலாந்து சென்ற சிந்துரா, பிரிட்டிஷ் பல்கலைக்கழகத்தில் பென்னை காதலித்தார். இருவருக்கும் இனம், மொழி, மதம் எல்லாம் வெவ்வேறானாலும் இவர்களின் காதலை எதுவும் தடுக்கவில்லை.

இரு வீட்டாரும் இவர்களின் காதலுக்கு சம்மதம் தெரிவித்ததையடுத்து, பெரியவர்கள் முடிவு செய்த முஹூர்த்தத்தில் ஹைதராபாத்தில் உள்ள ஷமீர் பேட்டா ரிசார்ட்ஸில் இந்து பாரம்பரியத்தில் சொந்த பந்தங்கள் முன்னிலையில் இவர்களது திருமணம் நடைபெற்றது.

பிரித்தானியாவின் சேர்ந்த பென் மற்றும் லக்ஷெட்டிபேட்டையைச் சேர்ந்த சிந்துரா ஆகியோரின் திருமணத்தில் மணமகனின் பெற்றோர் மற்றும் நெருங்கிய உறவினர்கள் கலந்து கொண்டு புதுமணத் தம்பதிகளை ஆசிர்வதித்தனர்.

இங்கிலாந்தில் எம்எஸ் படிக்கும் போது சக மாணவரான பென் லைட்டவ்லரை சந்தித்த சிந்துரா அது காதலாக மாறியது. தற்போது பென் லைட்டவ்லர் ஜெர்மனியிலும், சிந்துரா இங்கிலாந்திலும் பணிபுரிந்து வருகின்றனர்.

பென்னின் பெற்றோர் கூறுகையில், இந்தியாவில் இருக்கும் பாரம்பரியங்கள் தங்களுக்கு பிடிக்கும் என்றும், தங்கள் நாட்டில் அப்படிப்பட்ட திருமண முறைகள் இல்லை என்றும், சிந்துரா தங்கள் குடும்ப உறுப்பினராக இருப்பதால் மகிழ்ச்சி அடைவதாக தெரிவித்துள்ளனர்.

இந்து மரபுகள், பழக்கவழக்கங்கள் மற்றும் திருமண நடைமுறைகள் பற்றி அறிந்த பென் ஹைதராபாத்தில் திருமணம் செய்து கொள்ள ஆர்வம் காட்டினார். பென் முதன்முதலில் தனது பெற்றோர்களான ரோஜர் நைகல் மற்றும் ஜீன் லைட்டோவ்லர் ஆகியோரிடம் தனது முடிவைக் கூறியபோது, ​​அவர்கள் உடனடியாக ஓகே சொன்னார்கள். என்ன இருந்தாலும் காதல் என்றால் இதுதான் என்பது போல பென் சிந்துராலாவின் திருமணம் நடந்தது.

திருப்பத்தூரில்..

திருப்பத்தூர் மாவட்டம் வாணியம்பாடி மேட்டுப்பாளையம் பகுதியில் வசித்து வருபவர் பார்த்திபன்.இவர் அதே பகுதியில் ஊதுபத்தி தயாரிக்கும் தொழிற்சாலை நடத்தி வருகிறார். தொழிற்சாலையில் ஆண்கள் பெண்கள் என சுமார் 20க்கும் மேற்பட்டோர் பணிபுரிந்து வருகின்றனர்.

இதில் காமராஜ்புரம் பகுதியில் வசித்து வரும் கூலி தொழிலாளி கண்ணன் என்பவரின் 17 வயது மகன் மோகன் 10 ம் வகுப்பு வரை படித்து விட்டு கடந்த சில மாதங்களாக ஊதுபத்தி தொழிற்சாலையில் பணிபுரிந்து வருகிறார்.

வழக்கம் போல் நேற்று காலை பணிக்கு வந்து மோகன் ஊதுவத்தி மாவு கலக்கும் இயந்திரத்தில் வேலை செய்து கொண்டிருந்தார். அப்போது சிறுவனின் கை இயந்திரத்தில் சிக்கி சிக்கியது. உடனடியாக அங்கு பணிபுரிந்து கொண்டிருந்த சக தொழிலாளிகள், அவரை மீட்டு வாணியம்பாடி அரசு மருத்துவமனைக்கு அழைத்து சென்றனர்.

அங்கு சிகிச்சை பலனின்றி மோகன் பரிதாபமாக உயிரிழந்தார். தகவல் அறிந்ததும் உடனடியாக சம்பவ இடத்திற்கு விரைந்து வந்த காவல்துறையினர் சிறுவனின் சடலத்தை கைப்பற்றி பிரேத பரிசோதனைக்காக வாணியம்பாடி அரசு மருத்துவமனைக்கு அனுப்பி வைத்தனர். இச்சம்பவம் குறித்த வழக்கு பதிவு செய்து போலீசார் விசாரணை மேற்கொண்டு வருகின்றனர்.