கரூரில்..

கரூர் மாவட்டம், தரகம்பட்டி அடுத்த சுண்டுகுளிப்பட்டி கிராமத்தை சேர்ந்தவர் கோவிந்தராஜ் (46). இவரது மகன் செல்வராஜ் (23). இவர் வேலை எதுவும் இல்லாமல் இருந்ததாக கூறப்படுகிறது.

எல்லா நேரமும் மொபைல் போன் பயன்படுத்தி வந்ததால் கோவிந்தராஜ் அவரை கண்டித்ததாக கூறப்படுகிறது. இதில் மனமுடைந்த செல்வராஜ் அந்தப் பகுதியில் உள்ள தோட்டத்தில் வேப்பமரத்தில் தூக்கு போட்டு தற்கொலை செய்துள்ளார்.

மகன் செல்வராஜ் இறந்த தகவல் அறிந்த, அவரது தாய் சுமதி( 43) மன வேதனையால் விஷ விதையை குடித்ததாக கூறப்படுகிறது. மயங்கி விழுந்த அவரை மைலம்பட்டி அரசு மருத்துவமனைக்கு அழைத்துச் சென்றுள்ளனர்.

பிறகு மேல் சிகிச்சைக்காக சுமதியை கரூர் அரசு மருத்துவக்கல்லூரி மருத்துவமனையில் சேர்த்துள்ளனர். அங்கு சிகிச்சையில் இருந்தபோது பரிதாபமாக இறந்தார்.

இது குறித்து கோவிந்தராஜ் சிந்தாமணிபட்டி காவல் நிலையத்தில் புகார் செய்தார். புகாரின் பேரில் சிந்தாமணிப்பட்டி போலீசார் வழக்கு பதிவு செய்து விசாரணை மேற்கொண்டு வருகின்றனர்.

தற்கொலை செய்துகொண்ட தாய், மகன் ஆகிய இருவரின் உடல்களும் பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டுள்ளது.

சென்னையில்..

சென்னை மணலி அடுத்துள்ள ஹரி கிருஷ்ணபுரத்தில் ரவிசங்கர் என்பவர் குடும்பத்துடன் வசித்து வருகிறார். ரவி சங்கர் வெல்டிங் வேலை பார்த்து வருகிறார். இவருடைய மகள் ராஜஸ்ரீ (வயது 15) மணலி அரசு மேல்நிலைப் பள்ளியில் 10 ஆம் வகுப்பு படித்து வந்தார். தற்போது 10 ஆம் வகுப்பு அரசு பொது தேர்வு நடைபெற்று வருகிறது.

இந்த நிலையில் மாணவி கணித தேர்வுக்கு தயாராகி வந்தார். வீட்டில் இருந்து படித்துவந்த அவருக்கு பெற்றோர் உதவினர். இந்த நிலையில் தொடர்ந்து படிக்குமாறு மாணவி ராஜஸ்ரீ யிடம் கூறிவிட்டு பெற்றோர் வெளியில் சென்று விட்டனர்.

கணித பாடம் சரியாக ராஜஸ்ரீக்கு வராததால் பெற்றோர் வீட்டில் இல்லாத நேரத்தில் அறையில் இருந்த மண்ணெண்ணையை எடுத்து உடல் மீது ஊற்றி தீ வைத்து கொளுத்தி கொண்டார்.

சிறுமியின் அலறல் சத்தம் கேட்டு அக்கம் பக்கத்தினர் ஓடிவந்தனர். அப்போது வீட்டில் தீபிடித்து எரிவதும், சிறுமி அலறுவதும் பெரும் பரபரப்பை ஏற்படுத்தியது. பின்னர் அவர்கள் சிறுமியை மீட்டு கீழ்பாக்கம் அரசு மருத்துவமனைக்கு ஆம்புலன்ஸ் மூலம் கொண்டு சென்று சேர்த்தனர். அங்கு சிகிச்சை பலனின்றி சிறுமி பரிதாபமாக உயிரிழந்தார்.

இந்த சம்பவம் குறித்து மணலி போலீசார் வழக்கு பதிவு செய்து விசாரணை செய்து வருகின்றனர். கனித தேர்வுக்கு தயாரான மாணவி தற்கொலை செய்துக்கொண்ட சம்பவம் பெரும் சோகத்தை ஏற்படுத்தியுள்ளது.

தூத்துக்குடியில்..

தூத்துக்குடி அருகே திருமண முடிந்த 3வதுநாளில் புதுமணத் தம்பதி நீரில் மூழ்கி இறந்த சம்பவத்தால் கிராமமே சோகத்தில் மூழ்கி உள்ளது. தூத்துக்குடி மாவட்டம், ஆத்தூர் அருகே உள்ள மேல ஆத்தூரை சேர்ந்த வெற்றிலை வியாபாரி மாணிக்கராஜ். இவரது மூத்த மகன் பழனிகுமார் (29).

இவர், கேரளாவில் இரும்பு விற்பனை செய்யும் டீலராக உள்ளார். இவருக்கும், தூத்துக்குடி அருகே உள்ள முள்ளக்காடு நேசமணி நகரை சேர்ந்த ராமையா-மாடத்தி தம்பதியின் மகள் முத்துமாரிக்கும் கடந்த 10 ஆம் தேதி தூத்துக்குடியில் உள்ள திருமண மண்டபத்தில் திருமணம் நடைபெற்றது.

பெற்றோர்கள் வரன் பார்த்து நடத்திய இந்த திருமணத்தில் ஏராளமானோர் கலந்து கொண்டனர். இந்த நிலையில், புதுமணி தம்பதிகள் இருவரும் நேற்று வீட்டின் அருகில் உள்ள பிள்ளையார் கோயிலில் சாமி கும்பிட்டு வருவதாக கூறிவிட்டு சென்று உள்ளனர்.

கோயிலுக்கு சென்றவர்கள் நள்ளிரவு வரை வீடு திரும்பி வராததால் அதிர்ச்சி அடைந்த பெற்றோர் மற்றும் உறவினர்கள் பல்வேறு இடங்களில் தேட தொடங்கினர். இதுதொடர்பாக முத்துமாரி வீட்டாருக்கும் தகவல் தெரிவிக்கப்பட்டு அவர்களும் தேடும் பணியில் ஈடுபட்டனர்.

இதற்கிடையே பழனிகுமார் வீட்டிற்கு பின்புறம் உள்ள கோயில் அருகே உள்ள குளத்தில் இன்று காலையில் மணமக்கள் இருவரும் பிணமாக மிதந்தது கண்டறியப்பட்டது.

இதனால் இரு வீட்டாரும் அதிர்ச்சி அடைந்தனர். திருமணம் முடிந்த மூன்று நாட்களில் மணமக்கள் இறந்த சோகத்தை தாங்க முடியாமல் மணமகன்,மணமகள் வீட்டார் கதறி அழுதது காண்போரை கண் கலங்க செய்தது.

இந்த சம்பவம் குறித்த தகவல் தெரிந்ததும் ஆத்தூர் காவல் ஆய்வாளர் பாலமுருகன் தலைமையிலான போலீசார் சம்பவ இடத்திற்கு விரைந்து வந்து உடலை கைப்பற்றி பிரேதப் பரிசோதனைக்காக தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைத்தனர்.

உடற்கூறு ஆய்வுக்குப் பிறகு மணமக்கள் உடல் நாளை அடக்கம் செய்யப்படுகிறது. இதிற்கிடையே, போலீசார் மேற்கொண்ட முதல்கட்ட விசாரணையில், 10 அடிக்கு மேல் ஆழமான குளத்தின் கரையை சுற்றி வரும்போது அவர்களில் ஒருவர் தவறி விழுந்து நீச்சல் தெரியாமல் மூழ்கி இறந்திருக்கலாம் என்றும் அவரை காப்பாற்ற முயன்றபோது மற்றொருவரும் இறந்திருக்கலாம் என்றும் தகவல் தெரியவந்துள்ளதாக போலீசார் தெரிவித்தனர்.

திருமணம் முடிந்த மூன்றாவது நாளில் புதுமண தம்பதி இருந்ததால் வருவாய் கோட்டாட்சியர் முன்னிலையில் விசாரணை நடைபெற்று வருகிறது. திருமணம் நடைபெற்ற வீட்டின் முன்பு இருந்த பந்தல் மற்றும் டிஜிட்டல் போர்டுகள் அகற்றப்படாத நிலையில் மூன்றே நாட்களில் மணமக்கள் இறந்த சம்பவத்தால் அந்த கிராமமே சோகத்தில் மூழ்க்கி உள்ளது.

நெல்லூரில்..

நெல்லூரில் யூடியூடிப்பில் காணொளி பார்த்து தனது 6 மாத கர்ப்பத்தை கலைக்க முயன்ற மாணவி உயிரிழந்த சம்பவம் அதிர்ச்சியை ஏற்படுத்தியுள்ளது. இச்சம்பவத்தில் பொறியியல் கல்லூrரில் 2ஆம் ஆண்டு படித்து வந்த மரிபாடு மண்டலத்தை சேர்ந்த 19 வயது மாணவியே இவ்வாறு உயிரிழந்துள்ளார்.

இந்த நிலையில் ஒருவருடன் தொடர்பு ஏற்பட்டதால் மாணவி 6 மாத கர்ப்பமாக இருந்துள்ளதுடன், அதனை யாரும் அறிந்து கொள்ளவில்லை. அவர் வழக்கம் போல் கல்லூரிக்கு சென்று வந்துள்ள நிலையில் ஒரு நாள் வகுப்பு இடைவேளையின் போது கல்லூரி மாணவிகள் அனைவரும் விளையாட்டு மைதானத்திற்கு செல்ல இவர் மட்டும் தனியாக இருந்துள்ளார்.

நீண்ட நேரமாகியும் மாணவியை காணாமையால் அவரது நண்பர்கள் அழைத்துவர வகுப்பறைக்கு சென்ற போது கதவு தாழிட்டு இருந்துள்ளது. அதிக நேரமாகியும் கதவு திறக்கப்படாமையால் சந்தேகமடைந்து கதவை உடைத்துள்ளனர்.

அங்கு பலத்த ரத்தப்போக்குடன் மாணவி மயங்கிய நிலையிலும் மாணவியின் அருகில் 6 மாத சிசுவும் கிடந்துள்ளது. அதையடுத்து மாணவியையும் கருவையும் மீட்டு மருத்துவமனைக்கு கொண்டு செல்ல அவரும், சிசுவும் உயிரிழந்துவிட்டதாகவும் மருத்துவர்கள் தெரிவித்துள்ளனர்.

இது தொடர்பில் தகவல் அறிந்த நெல்லூர் தாலுகா போலீசார் சம்பவ இடத்துக்குச் சென்றதுடன் சிறுமியின் தந்தை அளித்த முறைப்பாட்டின் பேரில் வழக்குப்பதிவு செய்து விசாரணை நடத்திய போது மாணவி வகுப்பறையில் யூடியூப் வீடியோ பார்த்தபடி கருக்கலைப்பு செய்தமை தெரிய வந்ததுள்ளது.

அப்போது ரத்தபோக்கு ஏற்பட்டு அவர் இறந்திருக்கலாம் என்று பொலிஸார் கூறினார். குறித்த மாணவியின் செல்போனை ஆய்வு செய்ததில் கார் டிரைவர் ஒருவருடன் தொடர்பில் இருந்தது தெரியவந்ததுள்ளதுடன் அவர் மூலம் மாணவி கர்ப்பமாகியிருக்கலாம் எனவும் சந்தேகிக்கபட்டுள்ளது. பின்னர் பொலிசார் கார் டிரைவரிடம் விசாரணைகளை முன்னெடுத்துள்ளனர்.

அரூரில்..

அரூர், அம்பேத்கர் நகரைச் சேர்ந்த சூர்யா (23), மற்றும் +2 தேர்வு எழுதி முடித்த மாணவன் அம்பேத் செல்வன் ஆகிய இருவரும் அவருடைய உறவினர்களுக்கு பிறந்தநாள் விழாவை கொண்டாடுவதற்காக இருசக்கர வாகனத்தில் கேக் வாங்கிக் கொண்டு, ரவுண்டானாவில் இருந்து வீட்டிற்குச் சென்றுள்ளனர்.

அப்போது அரூர் பேருந்து நிலையத்தின் முன்பு நிறுத்தப்பட்டிருந்த சரக்கு லாரியின் மீது எதிர்பாராத விதமாக இருசக்கர வாகனம் மோதி விபத்துக்குள்ளானது.

அதன் பின்னர் இந்த விபத்து குறித்து அருகில் இருந்தவர்கள் ஆம்புலன்ஸுக்குத் தகவல் கொடுத்தனர். பின் தகவலறிந்த விரைந்து வந்த 108 ஆம்புலன்ஸ் ஊழியர்கள் சம்பவ இடத்திற்குச் சென்று, விபத்தில் சிக்கிய இருவரையும் மீட்டனர்.

பின்னர் முதலுதவிக்காக பரிசோதித்ததில் இருவரும் சம்பவ இடத்திலேயே உயிரிழந்தது தெரியவந்தது. பின்பு தனியார் ஆம்புலன்ஸ் மூலம் அரூர் அரசு மருத்துவமனைக்குப் பிரேத பரிசோதனைக்காக இருவரின் உடலும் எடுத்துச் செல்லப்பட்டது.

மேலும் விபத்தில் உயிரிழந்த இருவரின் உடலைப் பார்த்த பெற்றோர்கள் கதறி கதறி அழுத காட்சி காண்போரிடையே பெரும் சோகத்தை ஏற்படுத்தியது.

பின்னர் இந்தச் சம்பவம் அறிந்து வந்த அரூர் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர். உறவினர்களின் பிறந்தநாளை கேக் வெட்டி கொண்டாட இருந்த இரண்டு இளைஞர்கள் விபத்தில் உயிரிழந்த சம்பவம் அந்த பகுதியில் பெரும் சோகத்தை ஏற்படுத்தியது.

கோவையில்..

கோவை மாவட்டம் பொள்ளாச்சி அருகே உள்ள ஊஞ்சவேலாம்பட்டியை சேர்ந்தவர் பட்டுராஜன். இவரது மகள் சசிகலா (24). இவர் கடந்த 2013- ஆம் ஆண்டு மலுமிச்சம்பட்டியில் உள்ள ஒரு தனியார் நிறுவனத்தில் வேலை செய்து வந்தார்.

அப்போது அங்கு வேலை பார்த்த அதே பகுதியை சேர்ந்த வினோத் (28) என்ற இளைஞருடன் பழக்கம் ஏற்பட்டது. இதற்கிடையில் சசிகலாவிற்கு, அவரது உறவினர் ஒருவரை திருமணம் செய்து வைக்க ஏற்பாடுகள் நடைபெற்று வந்தது.

இதை அறிந்த வினோத், சசிகலாவை தனியாக பேச மதுக்கரை எல்.அன்.டி நெடுஞ்சாலைக்கு அழைத்துச் சென்று, கொ.டூ.ர.மா.க தா.க்.கி.யு.ம், க.ழு.த்.தை இ.று.க்.கி.யு.ம் கொ.லை செ.ய்.தா.ர். பின்னர் உடலை அருகே தனியார் கல்லூரி அருகே புறவழிச்சாலையில் புதைத்தார்.

இந்த சம்பவம் தொடர்பாக கடந்த 2013-ம் ஆண்டு டிசம்பர் மாதம் பொள்ளாச்சி மகளிர் போலீசார் வினோத்தை கைது செய்தனர். விசாரணையில் சசிகலாவை கொலை செய்த வினோத், அவரது நகைகளை திருச்சியில் உள்ள நண்பர் ஒருவர் மூலம் விற்பனை செய்துள்ளார்.

அதை தொடர்ந்து சசிகலாவின் செல்போனில் இருந்து அவரது பெற்றோர் மற்றும் திருமணம் நிச்சயிக்கப்பட்ட நபருக்கு குறுஞ்செய்தி மூலம் வினோத் என்பவரை திருமணம் செய்து கொண்டு வேறு மாவட்டத்திற்கு சென்றுவிட்டதாக அனுப்பி உள்ளார்.

இருப்பினும் போலீசார் சந்தேகத்தின் பேரில் கண்காணித்து வந்த நிலையில் வினோத் போலீசிடம் பிடிபட்டதாக கூறியுள்ளார். இதையடுத்து அவர் கூறிய அடையாளங்களை வைத்து சசிகலா புதைக்கப்பட்ட இடத்தில் ஆய்வு செய்த போது, வெறும் எழும்பு கூடுகள் மட்டும் கிடைத்துள்ளது.

அதனை கைப்பற்றிய போலீசார் ஆய்வகத்திற்கு டி.என்.ஏ பரிசோதனைக்கு அனுப்பி வைத்தனர். அதில் இறந்தது சசிகலா தான் என்பதும் உறுதியானது. மேலும் சசிகலாவின் உடலை வெறும் 2 அடி பள்ளம் தோண்டி புதைத்ததாகவும்,

ஆள் நடமாட்டம் இல்லாத இடம் என்பதால் நாய் எழும்புகளை எடுத்து சென்றால் தப்பிவிடலாம் என நினைத்ததாகவும் போலீசிடம் தெரிவித்துள்ளார். இந்நிலையில் சிறையில் அடைக்கப்பட்ட வினோத், அதன்பிறகு அவர் ஜாமீனில் விடுதலை செய்யப்பட்டார். கோவை மகிளா நீதிமன்றத்தில் வழக்கு விசாரணை நடைபெற்று வந்தது.

கடந்த 2015-ம் ஆண்டு நவம்பர் மாதம் 18-ந் தேதி வினோத், முதல் வழக்கில் ஆஜராகாமல் தலைமறைவானார். இதையடுத்து அவரை தேடப்படும் குற்றவாளியாக கோர்ட்டு அறிவித்தது. பொள்ளாச்சி அனைத்து மகளிர் போலீசார் மதுரை,

கிணத்துக்கடவு, பேரூர், மதுக்கரை, மலுமிச்சம்பட்டி ஆகிய இடங்களில் தேடி பார்த்தும் கிடைக்கவில்லை. இதையடுத்து அப்போதைய மாவட்ட செல்வநாகரத்தினம் உத்தரவின் பேரில் தனிப்படை போலீசார் கடந்த 2021ல் வினோத்தை கைது செய்து சிறையில் அடைத்தனர்.

வழக்கு விசாரணை நிறைவடைந்த நிலையில், இளம் பெண்ணை கடத்திச் சென்று கொலை செய்தது வினோத் என்பது உறுதியானதால் அவரை குற்றவாளி என்றும், கொலை குற்றத்திற்கு ஆயுள் தண்டனையும், கொலை நோக்கத்துடன் கடத்திச் சென்ற குற்றத்திற்காக 10 ஆண்டுகள் சிறை தண்டனையும் விதித்து நீதிபதி நந்தினி தேவி உத்தரவிட்டார்.

பெண்களுக்கு எதிரான குற்றங்களை கோவை மாவட்ட போலீசார் மற்றும் மகிளா நீதிமன்றத்திலும் விரைவில் வி.சாரணை செய்து கு.ற்றவாளிகளுக்கு தண்டனை வழங்கி வரும் நிலையில் சினிமா பாணியில் இளம் பெண்ணை கொலை செய்த வழக்கில் கு.ற்றவாளிக்கு த.ண்டனை வ.ழங்கப்பட்டுள்ளது.