யூடியூபர் அர்மான்..

யூடியூபர் அர்மான் மாலிக் சமூக வலைதளங்களில் பிரபலமானவர். குறிப்பாக தனது வீடியோக்கள் மற்றும் இரு மனைவிகளால் அவர் பிரபலமடைந்தார். அர்மான் மாலிக்-க்கு பயல் மாலிக் மற்றும் கிருத்திகா மாலிக் ஆகிய இரு மனைவிகள் உள்ளனர்.

அன்மையில் தனது இரு மனைவிகளின் புகைப்படங்களை அர்மான் சமூக வலைதளங்களில் பகிர்ந்தார். அதில் அவரது இரு மனைவிகளும் கர்பமாக இருந்தது தெரியவந்தது. இந்த நிலையில் தற்போது அவரது மற்றொரு வீடியோ வைரலாகியுள்ளது.

அதில், அர்மான் மாலிக் தனது மூன்றாவது மனைவியை, கர்ப்பிணி மனைவிகள் இருவருக்கும் அறிமுகம் செய்வதும், அதன்பிறகும் நடப்பபதும் தான் வைரலாகி வருகிறது.

பயலும் கிருத்திகாவும் வீட்டின் சோபாவில் அமர்ந்த போது அர்மான் மாலிக் மாலை அணிந்தபடி வருகிறார். அப்போது, கிருத்திகாவையும் பயலையும் கண்களை மூடச் சொன்னார்.

பின்னர் அர்மான் மாலிக் தனது மூன்றாவது மனைவி லக்ஷ்யாவை வீட்டிற்குள் அழைத்து வந்து, பயல்-கிருத்திகாவை அறிமுகப்படுத்தி, அவர்கள் திருமணம் செய்து கொண்டதாகக் கூறுகிறார்.

இதனால் பார்த்து அதிர்ச்சி அடைந்த பயலும் கிருத்திகாவும் பின்னர் ஆத்திரமடைந்தனர். அப்போது அர்மான் மாலிக் அவர்களிடம் இது ஒரு பிராங்க் என்றார். ஆனால் அவரது இரு மனைவிகளும் அதனை நம்பவில்லை. தற்போது இந்த வீடியோ இணையத்தில் வைரலாகி வருகிறது.

குஜராத்தில்..

குஜராத் மாநிலத்தை சேர்ந்த பெண்ணை தமிழக இளைஞர் திருமணம் செய்த கொண்டதாக தகவல் வெளியாகி இருந்த சூழலில், அந்த சம்பவத்தில் அடுத்தடுத்து பல்வேறு அதிர்ச்சியூட்டும் தகவல்கள் வெளியான வண்ணம் உள்ளது.

தென்காசி மாவட்டத்தை சேர்ந்த வினித் என்ற இளைஞர் மென்பொருள் நிறுவனத்தில் பணிபுரிந்து வருகிறார். அதே பகுதியில் குஜராத் மாநிலத்தை சேர்ந்த கிருத்திகாவும் குடும்பத்தினருடன் வசித்து வந்துள்ளார்.

இதனிடையே, வினித் மற்றும் கிருத்திகா ஆகிய இருவரும் காதலித்து பெண் வீட்டார் எதிர்ப்பை மீறி திருமணமும் செய்து கொண்டதாக தகவல் வெளியாகி இருந்தது.

இதனையடுத்து, கிருத்திகாவின் வீட்டார், வினித் வீட்டிற்கு வந்து கிருத்திகாவை தூக்கி சென்றதாகவும் இது தொடர்பான சிசிடிவி காட்சிகளும் வெளியாகி அதிக பரபரப்பை ஏற்படுத்தி இருந்தது.

இது பற்றி வினித் தரப்பில் புகார் ஒன்றும் போலீசாரிடம் அளிக்கப்பட்டிருந்ததாகவும் தகவல் வெளியாகி இருந்தது. இதனைத் தொடர்ந்து, இந்த சம்பவம் பற்றி விசாரிக்க தனிப்படைகள் அமைக்கப்பட்டு விசாரணை மேற்கொள்ளப்பட்டு வந்தது.

அப்படி இருக்கையில், கிருத்திகாவின் வீடியோ ஒன்று வெளியானது. அதில், தான் பாதுகாப்பாகவும், நன்றாகவும் இருப்பதாகவும் கிருத்திகா கூற, ஏற்கனவே தனக்கு திருமணம் ஆனதாகவும் தெரிவிக்கிறார்.

என்னை பற்றி ஏதாவது பிரச்சனை அங்கே ஏற்பட்டால் அது வேண்டாம் என்றும் இது தொடர்பாக யாரையும் தொந்தரவு செய்ய வேண்டாம் என்றும், இந்த விஷயத்தில் யாருக்கும் சம்மந்தம் இல்லை என்றும் கூறும் கிருத்திகா, நடந்தது அனைத்தும் தன்னுடைய விருப்பத்துடன் தான் நடந்தது என்றும் கூறி உள்ளார்.

அதே போல, கிருத்திகாவுக்கு வேறொருவருடன் திருமணம் ஆனது பற்றியும் அவரது தந்தை சான்றிதழ் ஒன்றை சமர்ப்பித்துள்ளதாக தகவல்கள் தெரிவிக்கின்றது. இந்த நிலையில், கிருத்திகா வீடியோவில் பேசியுள்ளது குறித்து வினித்தும் சில கருத்துக்களைத் தெரிவித்துள்ளார்.

“ஜனவரி 20 ஆம் தேதி நாங்க கல்யாணம் பண்ணோம். அதுக்கு முன்னாடியே என் வீட்டுல இருந்து பிரச்சனைகள் வரலாம்ன்னு கிருத்திகா சொன்னாங்க. அதுனால போலீஸ் கம்பளைண்ட் எல்லாம் குடுத்திருந்தோம். அதுக்கப்புறம் அவங்கள கடத்திட்டு போய்ட்டாங்க. அவங்க கடத்திட்டு போய் ஒரு வாரம் ஆகுது.

இப்ப என் மனைவி கிருத்திகா பேசுற மாதிரி வீடியோ ஒண்ணு ரிலீஸ் பண்ணி இருக்காங்க. எனக்கு அவங்க சொன்னது எதுலையுமே நம்பிக்கை இல்ல. ஏன் 1 வாரம் கழிச்சு பண்ணனும்.

அந்த விஷயம் உண்மைன்னா, அவங்க போலீஸ்க்கோ, கோர்ட்க்கோ நேரா போயிருக்கலாம். இங்க தனிப்படை போலீஸ் வந்து தேடிட்டு இருக்காங்க. இன்னும் அவங்க சிக்கல. இதுல இருந்து தப்பிக்க அப்படி பண்ணி இருப்பாங்களோன்னு தோணுது” என தெரிவித்துள்ளார்.

விழுப்புரத்தில்..

விழுப்புரம் மாவட்டம் கஞ்சனூர் அருகே கொட்டியாம்பூண்டி கிராமத்தைச் சேர்ந்தவர் கோவிந்தன். இவர், பசுமாடு, கன்றுக்குட்டியை தனக்கு சொந்தமாக உலகலாம்பூண்டி கிராமத்திலுள்ள மாட்டு கொட்டகையில் மாலை கட்டிவிட்டு வீட்டிற்கு சென்றுள்ளார்.

இரவு மீண்டும் மாட்டு கொட்டகைக்கு சென்ற போது மாட்டுக்கொட்டகையில் இருந்த பசு காணாமல் போய் இருந்தததை கண்டு அதிர்ச்சி அடைந்துள்ளார். ஆனால் கன்றுக்குட்டி நின்றுள்ளது.

இதனையடுத்து எங்கு தேடியும் பசுமாட்டை காணவில்லை. பின்னர் பசுவை மர்ம நபர்கள் திருடி சென்றது குறித்து கஞ்சனூர் காவல் நிலையத்தில் கோவிந்தன் கடந்த 19ம் தேதி புகார் அளித்தார்.  ஆனால், புகார் மீது போலீசார் எந்த நடவடிக்கை எடுக்காமல், பசுவை மீட்டு தராமல் கடந்த 14 நாட்களாக காலம் தாழ்த்தி வருவதாக அவர் வேதனை தெரிவித்துள்ளார்.

இதனையடுத்து, தாய் பசுவை தேடி கண்டு பிடித்து தரக்கோரி கோவிந்தன் மற்றும் அவரது மனைவி சுபாஷினி நூதன முறையில் பசுவின் கன்றின் கழுத்தில் அம்மாவை கண்டுபிடித்து தரக்கோரி பதாகையை கழுத்தில் அணிய வைத்து கன்றுடன் விழுப்புரம் ஆட்சியர் அலுவலகத்தில் மனு அளித்தார்.

கன்று குட்டியுடன் வந்த கோவிந்தனிடம் விரைவில் தாய் பசுவை கண்டுப்பிடித்து தருகிறோம் என கூறியதை தொடர்ந்து அவர் தனது கன்று குட்டியை அழைத்து சென்றார்.

எனினும், மாவட்ட வருவாய் அலுவலர் பரமேஸ்வரியிடம் அவர்கள் புகார் மனு அளித்தனர். இச்சம்பவத்தால் விழுப்புரம் ஆட்சியர் அலுவலகத்தில் சிறிது நேரம் பரபரப்பு ஏற்பட்டது.

இந்தியாவில்..

உத்தரப் பிரதேச மாநிலத்தை சேர்ந்தவர் பிரியங்ஷி திரிபாதி. இவர் கர்நாடகா மாநிலம் பெங்களூருவில் உள்ள த.னியார் ம.ருத்துவமனையில் ப.ல் ம.ருத்துவராக ப.ணியாற்றி வ.ருகிறார்.

இ.வ.ரு.ட.ன் ப.ணி.பு.ரி.யு.ம் ச.க ம.ரு.த்.து.வ.ரா.ன சு.மி.த், பெ.ண் ம.ரு.த்.து.வ.ரை தொ.ட.ர்.ச்.சி.யா.க தொ.ல்.லை கொ.டு.த்.து வ.ந்.து.ள்.ளா.ர்.

த.ன்.னை கா.த.லி.க்.க வே.ண்.டு.ம் தி.ரு.ம.ண.ம் செ.ய்.து கொ.ள்.ள வே.ண்.டு.ம் எ.ன பி.ரி.ய.ங்.ஷி.யை சு.மி.த் து.ன்.பு.று.த்.தி.ய நி.லை.யி.ல் பெ.ண் ம.ரு.த்.து.வ.ர் கா.த.லை ஏ.ற்.க.வி.ல்.லை.

இதோடு பிரியங்ஷியை பு.கை.பி.டி.க்.க வே.ண்டும், ம.து அ.ரு.ந்.த வே.ண்டும் எ.ன சுமித் க.ட்..டாயப்படுத்தியதாகக் கூ.றப்படுகிறது. சுமித்தின் பேச்சுக்கு பெ.ண் ம.ருத்துவர் செவி கொ.டுக்காததால் ஆ.த்.தி.ரத்தில்,

பெ.ண்ணின் ந.ட.த்தையை ப.ற்றி சுமித் அ.வ.தூ.று ப.ர.ப்பினார். இ.தனால் ம.ன.மு.டை.ந்.த பிரியங்ஷி த.ற்.கொ.லை செ.ய்.து கொ.ண்.டா.ர். இ.ச் ச.ம்பவம் ஜனவரி 25ஆம் திகதி ந.டந்துள்ளது.

இ.து கு.றித்து பெ.ண் ம.ருத்துவரின் பெ.ற்றோர் கொ.டுத்த பு.கா.ரி.ல் பொ.லிசார் வி.சாரணையை த.ற்போது து.ரி.தப்படுத்தியுள்ளனர்.

செங்கல்பட்டில்…

செங்கல்பட்டு மாவட்டம் புதுப்பட்டினம் மீனவர் குப்பத்தை சேர்ந்தவர் ஸ்ரீதர் (33), இவருக்கும், அங்காளம்மன் குப்பத்தை சேர்ந்த சுபா(28) என்பவருக்கும் கடந்த 6 வருடங்களுக்கு முன்பு திருமணம் நடந்தது. திருமணம் ஆனது முதல் இவர்களுக்கு குழந்தைகள் இல்லை.

இதனால் இருவருக்கும் இடையே தகராறு ஏற்பட்டு வந்தது. இதனிடையே, வரதட்சணை கேட்டு ஸ்ரீதர் தனது மனைவியிடம் அடிக்கடி தகராறில் ஈடுபட்டு வந்ததாக கூறப்படுகிறது. அதேபோல் நேற்று இரவும் கணவன், மனைவிக்கிடையே தகராறு ஏற்பட்டுள்ளது. இதையடுத்து ஸ்ரீதர் வெளியில் சென்றிருந்தார்.

இந்நிலையில், வீட்டிற்கு திரும்பிய ஸ்ரீதர் அறையின் உள்ளே சென்று பார்த்தபோது சுபா தூக்கில் தொங்கிய நிலையில் சடலமாக கிடந்துள்ளார். இதையடுத்து, உடனடியாக ஸ்ரீதர் தனது மனைவிக்கு இறுதி சடங்கு செய்ய ஏற்பாடுகள் செய்தார்.

இதனால் சந்தேகமடைந்த சுபாவின் பெற்றோர் தனது மகளின் தற்கொலையில தங்களுக்கு சந்தேகம் இருப்பதாக கூறி கல்பாக்கம் போலீசில் புகார் அளித்தனர். அதன்பேரில் போலீசார் சம்பவ இடத்திற்க வந்து சுபாவின் உடலை மீட்டு பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர்.

இதுகுறித்து சுபாவின் உறவினர்கள் கூறுகையில், “திருமணம் ஆன நாள் முதலே இருவருக்கும் இடையே வரதட்சணை காரணமாக அடிக்கடி தகராறு ஏற்பட்டு வந்தது. நேற்று இரவும் அதேபோல் தகராறு ஏற்பட்டுள்ளது.

இதனால் ஆத்திரத்தில் சுபாவின் கழுத்தை இறுக்கி கொலை செய்து விட்டு தனது மனைவியை தூக்கிட்டு தற்கொலை செய்து கொண்டதாக ஸ்ரீதர் நாடகமாடுகிறார்” என குற்றச்சாட்டினர். மேலும் கணவன் ஸ்ரீதரை கைது செய்யாமல் சுபாவின் உடலை வாங்க போவதில்லை என உறவினர்கள் கூறினர்.

இதையடுத்து, செங்கல்பட்டு சார் ஆட்சியர் சஜீவனா சம்பவ இடத்திற்கு வந்து சுபாவின் உடலை பார்வையிட்டு இதுகுறித்து உரிய விசாரணை நடத்தப்படும் என தெரிவித்தார். இதையடுத்து சுபாவின் உடலை பெற்றுக்கொண்டு உறவினர்கள் அங்கிருந்து கலைந்துசென்றனர். இச்சம்பவத்தால் அப்பகுதியில் பரபரப்பு ஏற்பட்டது.

நாமக்கல்லில்..

நாமக்கல் அருகே தங்களது வளர்ப்பு நாய்க்கு வளைகாப்பு நடத்தி அனைவரையும் ஆச்சரியப்பட செய்திருக்கிறார்கள் ஒரு தம்பதியர். இந்நிலையில், இந்த புகைப்படங்கள் சமூக வலைதளங்களில் வைரலாக பரவி வருகின்றன.

பொதுவாக பலருக்கும் செல்லப் பிராணிகளை வளர்ப்பது பிடித்திருக்கும். அந்த வகையில் பலரும் நாய், பூனை உள்ளிட்டவற்றை தங்களது வீட்டில் வளர்த்து வருகின்றனர்.

இந்த பழக்கம் ஆதிகாலத்தில் இருந்தே மனிதர்களிடத்தில் இருந்ததாக வரலாற்று ஆய்வாளர்கள் கருதுகின்றனர். அந்த வகையில் நாய்களுக்கும் மனிதர்களுக்கும் இடையேயான இணைப்பு மிக நீண்ட வரலாற்றைக் கொண்டதாகும். தங்களது வீட்டில் வளரும் நாயை குடும்பத்தில் ஒருவராகவே சிலர் கருதுவதும் உண்டு.

அப்படியானவர் தான் நாமக்கல் மாவட்டம் ராசிபுரம் அருகே உள்ள பட்டணம் குச்சிக்காடு பகுதியை சேர்ந்த ரமேஷ். 35 வயதான இவர் கட்டிட தொழிலாளியாக பணிபுரிந்து வருகிறார். இவருடைய மனைவி தேன்மொழி.

இவர்கள் தங்களது வீட்டில் கடந்த சில ஆண்டுகளாக ஒரு ஆண் மற்றும் ஒரு பெண் நாயை வளர்த்து வருகின்றனர். ஆண் நாய்க்கு பைரவன் எனவும் பெண் நாய்க்கு பைரவி எனவும் இந்த தம்பதி பெயர்சூட்டியிருக்கின்றனர். இந்த சூழ்நிலையில் பைரவி கர்ப்பம் தரித்திருக்கிறது. இதனால் மகிழ்ச்சியடைந்த ரமேஷ் – தேன்மொழி தம்பதி அதற்கு வளைகாப்பு நடத்த திட்டமிட்டிருக்கின்றனர்.

இதனை தொடர்ந்து பைரவிக்கு வளைகாப்பு நடத்துவதற்கான ஏற்பாடுகள் செய்யப்பட்டிருக்கின்றன. இந்த விழாவிற்கு அக்கம் பக்கத்தினர் மற்றும் உறவினர்களுக்கு அழைப்பு விடுத்திருக்கிறார் ரமேஷ்.

இந்நிலையில் சில தினங்களுக்கு முன்னர் பைரவிக்கு வளைகாப்பு நடத்தப்பட்டு இருக்கிறது. அப்போது புத்தாடை, வளையில், சந்தனம், குங்குமம் ஆகியவை பைரவிக்கு அணிவிக்கப்பட்டு ஒன்பது வகையான உணவுகளை தலைவாழை இலையில் பைரவிக்கு அளித்திருக்கின்றனர்.

மேலும் இந்த விழாவிற்கு வந்திருந்த உறவினர்கள் மற்றும் நண்பர்கள் அனைவரும் மலர் தூவி பைரவியை வாழ்த்தி இருக்கின்றனர். அத்துடன் உறவினர்கள் மொய் செலுத்தி தங்களது அன்பை பரிமாறி இருக்கின்றனர். தங்களது வளர்ப்பு நாய்க்கு தம்பதியர் ஒருவர் வளைகாப்பு நடத்திய நிகழ்வு பலரையும் ஆச்சரியப்படுத்தி இருக்கிறது.

ராணிப்பேட்டையில்..

ராணிப்பேட்டை மாவட்டம் வாலாஜாபேட்டை அடுத்த ஒழுகூர் கிராமத்தை சேர்ந்தவர் கட்டிட தொழிலாளி ஏழுமலை. இவரது மனைவி கலைச்செல்வி. இவர்களது மகன் சரவணன் கல்லூரி பட்டப்படிப்பு படித்து வரும் நிலையில், மகள் நந்தினி திருமணமாகி சென்னையில் வசித்து வருகிறார்.

கட்டிட தொழிலாளியான ஏழுமலை குடிக்கு அடிமையான நிலையில், நாள்தோறும் குடித்துவிட்டு வந்து மனைவியுடன் தகராறில் ஈடுபட்டு வந்ததாக கூறப்படுகிறது. இதனால் குடும்பத்தை நடத்த வழியில்லாமல் கலைச்செல்வி மாந்தாங்கல் பகுதியில் உள்ள ஒரு தனியார் தோல் தொழிற்சாலையில் பணிக்கு சென்றுள்ளார்.

மேலும் மாலை நேரங்களில் கூடுதல் நேரம் பணியாற்றியும் வந்தார். இப்படி பணிக்கு சென்றுவிட்டு காலதாமதாக வரும்போதெல்லாம் மதுபோதையில் இருக்கும் ஏழுமலை தனது மனைவியின் நடத்தையில் சந்தேகப்பட்டு பிரச்சனை செய்துள்ளார்.

அதேபோல் இன்று அதிகாலையும் மதுபோதையில் இருந்த ஏழுமலை கலைச்செல்வியுடன் வாக்குவாதத்தில் ஈடுபட்டுள்ளார். அப்போது வாக்குவாதம் முற்றியதில் ஆத்திரமடைந்த கலைச்செல்வி வீட்டில் இருந்த அரிவாள்மனையால் ஏழுமலையின் தலையில் சரமாரியாக வெட்டினார்.

மேலும் சுத்தியலை கொண்டு ஏழுமலையின் தலையில் பலமாக தாக்கியுள்ளார். இதில் நிலைகுலைந்து கீழே விழுந்த ஏழுமலை சம்பவ இடத்திலேயே பரிதாபமாக உயிரிழந்தார்.

இந்த சம்பவம் குறித்து தகவல் அறிந்து விரைந்து வந்த வாலாஜாபேட்டை போலீசார், உயிரிழந்த ஏழுமலையின் உடலை மீட்டு பிரேத பரிசோதனைக்காக வாலாஜாபேட்டை அரசு தலைமை மருத்துவமனைக்கு அனுப்பி வைத்தனர்.

மேலும் புகாரின்பேரில் வழக்குப்பதிவு செய்து கணவனை வெட்டி கொலை செய்த மனைவி கலைச்செல்வியை கைது செய்து சிறையில் அடைத்தனர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

மதுரையில்..

மதுரையில் பட்டப்பகலில் இளம்பெண் ஒருவர் காதல் கணவனால் வெட்டிப்படுகொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. மதுரை தெற்கு வெளிவீதியை சேர்ந்தவர் மீனாட்சி சுந்தரம். இவரது மகள் வர்ஷா (வயது 19).

கீரைத்துறை பகுதியை சேர்ந்த பழனி (வயது 28) – வர்ஷா இருவரும் காதலித்து வந்துள்ளனர். இவரது காதல் விவகாரம் தெரிந்தநிலையில் வர்ஷா வீட்டில் கடுமையான எதிர்ப்பு கிளம்பியுள்ளது. இந்நிலையில் கடந்தாண்டு செப்டம்பர் மாதம் வீட்டைவிட்டு வெளியேறி இருவரும் பெற்றோர்கள் சம்மதம் இன்றி திருமணம் செய்துக்கொண்டனர்.

திருமணத்துக்கு பின்னர் இருவரும் ஜெய்ஹிந்த்புரத்தில் தனியாக வீடு எடுத்து வசித்து வந்துள்ளனர். சில நாள்களிலே காதல் திருமணம் கசந்துள்ளது. இந்நிலையில் கருத்து வேறுபாடு காரணமாக பழனியுடன் வாழமுடியாது என முடிவு எடுத்த வர்ஷா தனது பெற்றோர் வீட்டுக்கே திரும்பியுள்ளார்.

காதல் திருமணம் செய்த சில மாதங்களில் பொருளாதார ரீதியிலாக இருவரும் கடும் சிரமத்தை சந்தித்துள்ளனர். அப்போது பொருளாதார தேவைக்காக நகைகளை விற்றும், அடகு வைத்தும் குடும்பம் நடத்தியுள்ளனர்.

இந்த தகராறில் தான் இருவரும் பிரிந்ததாக கூறப்படுகிறது. இந்நிலையில் வர்ஷாவை தன்னுடன் மீண்டும் சேர்ந்து வாழ்வருமாறு பழனி வற்புறுத்தியுள்ளார். பழனியுடன் மீண்டும் இணைந்து வாழ இளம்பெண்ணுக்கு விருப்பம் இல்லை எனத் தெரிகிறது.

இந்நிலையில் இன்று பிற்பகல் 1.50 மணியளவில் தனது வீட்டின் அருகே உள்ள கடைக்கு வர்ஷா சென்றுள்ளார். அப்போது இருசக்கரவாகனத்தில் ஹெல்மெட் அணிந்துக்கொண்டு வேகமாக வந்த பழனி கண்ணிமைக்கும் நேரத்தில்,

தான் மறைத்து வைத்திருந்த கத்தியால் வர்ஷாவின் கழுத்து முகம் உள்ளிட்ட இடங்களில் சரமாரியாக குத்திவிட்டு தப்பியோடியுள்ளார். காதல் கணவனின் திடீர் தாக்குதலில் நிலைக்குலைந்த இளம்பெண் இரத்த வெள்ளத்தில் துடிதுடித்து சம்பவ இடத்திலே பரிதாபமாக உயிரிழந்தார்.

இந்த சம்பவம் குறித்து தெற்குவாசல் காவல்துறையினருக்கு தகவல் தெரிவிக்கப்பட்டது. இதனையடுத்து அங்கு விரைந்த போலீஸார் இளம்பெண்ணின் உடலை மீட்டு பிரேத பரிசோதனைக்காக ராஜாஜி அரசு மருத்துவமனைக்கு அனுப்பி வைத்தனர்.

இந்த சம்பவம் தொடர்பாக வழக்குப்பதிவு செய்த போலீசார் விசாரணை மேற்கொண்டு வந்தனர். மேலும் தலைமறைவான பழனியை தேடி வந்த நிலையில் கீரைத்துறை பகுதியில் வைத்து அவரை கைது செய்தனர்.