கேரளாவில்..

இளம் பெண் மருத்துவர் படுக்கையறையில் சடலமாக மீட்பு
இளம் பெண் மருத்துவர் ஒருவர் படுக்கையறையில் தூக்கில் தொங்கிய நிலையில் சடலமாக மீட்கப்பட்டார்.

கேரளாவின் கொல்லம் மாவட்டம் அஞ்சல் பகுதியில் கிளினிக் உரிமையாளர் டாக்டர். அரவிந்தனின் மகள் டாக்டர் அர்பிதா அரவிந்த் (30) தூக்கில் தொங்கிய நிலையில் காணப்பட்டார்.

நேற்று இரவு, அகஸ்தியகோட்டில் உள்ள வீட்டின் படுக்கையறையில் சடலம் கண்டெடுக்கப்பட்டது. அர்பிதா, அரவிந்த், தேவிகா தம்பதியின் ஒரே மகள் ஆவார். எம்.பி.பி.எஸ் படிப்புக்குப் பிறகு பிஜியும் முடித்தார். இது குறித்து, அஞ்சல் போலீசார் தீவிர விசாரணை நடத்தி வருகின்றனர்.

இந்தியாவில்..

இந்தியாவை சேர்ந்த மிதிவண்டியை பழுதுபார்க்கும் சிறிய கடை வைத்திருக்கும் நபரின் மகளை அவுஸ்திரேலிய குடிமகன் திருமணம் செய்து கொண்டுள்ளார். இந்தியாவின் மத்தியபிரதேச மாநிலத்தை சேர்ந்தவர் சாதிக் ஹுசைன்.

இவர் பேருந்து நிறுத்தத்தின் அருகே சிறிய மிதிவண்டி பழுதுபார்க்கும் கடை வைத்துள்ளார். சாதிக்கின் மகள் பெயர் தபாசும் ஹுசைன். இவர் அவுஸ்திரேலியாவின் பிரிஸ்பேனுக்கு சென்று கடந்த 2017ல் கல்வி பயின்றார்.

அவர் படித்த கல்லூரியில் ஆஷ் ஆன்சைல்ட் என்ற மாணவரும் படித்தார். அப்போது தபாசும், ஆஷும் நண்பர்களாகி பின்னர் அவர்களுக்குள் காதல் மலர்ந்தது. இது குறித்து குடும்பத்தாரிமும் கூறி சம்மதம் பெற்றனர்.

தபாசும் திருமணம் செய்து கொள்வே மாட்டார் என அவர் தாயார் ஜுலுகா நினைத்திருந்த நிலையில் ஆஷ் குறித்து அறிந்து அவர் மகிழ்ச்சியடைந்து திருமணத்திற்கு சம்மதித்துள்ளார்.

இருவருக்கும் கடந்த ஆகஸ்டில் அவுஸ்திரேலியாவில் திருமணம் நடைபெற்றது. பின்னர் ஆஷ் இந்தியாவுக்கு வந்த நிலையில் இந்திய கலாச்சாரம், உணவு வகைகள் மற்றும் விருந்தோம்பல் என அனைத்தும் அவரை கவர்ந்தது.

இதையடுத்து பாரம்பரிய முறைப்படி மீண்டும் ஆஷ் – தபாசும் திருமணம் சமீபத்தில் நடைபெற்றுள்ளது. இந்த திருமணத்திற்காக ஆஷின் தாயார் ஜெனிபர் பெர்ரி உள்ளிட்ட உறவினர்களும் இந்தியா வந்தனர். கடந்த 2016 ஆம் ஆண்டில், உயர் கல்விக்காக தபாசுக்கு ரூ. 45 லட்சம் மானியத்தை இந்திய அரசு வழங்கியது குறிப்பிடத்தக்கது.

பெங்களூரில்..

இந்தியாவில் ஒரே குடும்பத்தை சேர்ந்த மூவர் வீட்டில் சடலமாக கிடந்த சம்பவம் அதிர்ச்சியை ஏற்படுத்தியுள்ளது. பெங்களூரில் வசித்து வந்தவர் மருத்துவ சத்யநாராயணா.

இவர் மனைவி யசோதா (70) தம்பதிக்கு அபர்னா, சுமன் (41) என்ற மகள்களும், நரேஷ் (36) என்ற மகனும் இருந்தனர். சத்யநாராயணா இரண்டாண்டுகளுக்கு முன்னர் இறந்துவிட்டார்.

அபர்னாவுக்கு திருமணமாகி வேறு பகுதியில் கணவருடன் வசிக்கிறார். மற்ற மூவரும் ஒரே வீட்டில் வசித்து வந்தனர். இந்த நிலையில் யசோதா, சுமன், நரேஷ் ஆகிய மூவரும் நேற்று முன்தினம் வீட்டில் சடலமாக மீட்கப்பட்டுள்ளனர்.

பொலிசார் கூறுகையில், சுமனுக்கு மாப்பிள்ளை தேடியும் கிடைக்காமல் இருந்து வந்தது, அவருக்கு திருமணம் நடந்தால் நரேஷுக்கும் திருமணம் நடக்கும் என்ற நிலை இருந்தது. இந்த நிலையில் போன் செய்தால் வீட்டில் யாருமே எடுக்கவில்லை என அபர்னா தாயார் வீட்டிற்கு வந்தார்.

அப்போது வீட்டிற்குள் யசோதா, சுமன், நரேஷ் ஆகிய மூவரும் சடலமாக கிடந்துள்ளனர். தகவலின் பேரில் நாங்கள் அங்கு சென்று சடலங்களை கைப்பற்றினோம், இது தவிர ஒரு கடிதத்தையும் கைப்பற்றியுள்ளோம்.

இதில் தங்கள் இறப்புக்கு யாரும் காரணமல்ல என்று எழுதப்பட்டுள்ளது. மூவரும் மிகுந்த மன அழுத்தத்தில் இருந்தனர். உடற்கூறாய்வு அறிக்கை வந்த பின்னர்தான் கொலையைா? தற்கொலையா என்கிற முடிவுக்கு வர முடியும். இவர்கள் உடல்களின் அருகில் மாத்திரைகள் சில கிடந்துள்ளன.

இந்த மாத்திரைகளை உட்கொண்டு கூட அவர்கள் தற்கொலை செய்துகொண்டிருக்கலாம். நரேஷ் நண்பர்கள் சிலர் சம்பவத்திற்கு காரணமாக இருக்கலாம் என அபர்னா புகாரில் தெரிவித்திருக்கிறார். தொடர்ந்து சம்பவம் தொடர்பில் விசாரணை நடத்தி வருகிறோம் என கூறியுள்ளார்.

சென்னையில்..

பள்ளி, கல்லூரி மாணவர்களிடையே மன அழுத்தத்தள் அதிகரித்து வருகின்றன. இதனை களைய பள்ளி, கல்லூரிகளில் நல்லொழுக்க மற்றும் போதனை வகுப்புக்கள் நடத்தப்படுகின்றன.

இருந்த போதிலும் மாணவ, மாணவிகளின் தற்கொலை சம்பவங்கள் அதிகரித்து வருகின்றன. அந்த வகையில் சென்னை மதுரவாயல், சீமாத்தம்மன் நகரில் வசித்து வருபவர் 37 வயதான முருகன்.இவர் கூலித்தொழில் செய்து வருகிறார். இவரது மனைவி 32 வயது புனிதா .

இவரும் ஒரு தனியார் நிறுவனத்தில் பணிபுரிந்து வருகிறார். இவர்களுக்கு 12 வயதில் சர்மி என்ற மகளும், 6வயதில் கமலேஷ் என்ற மகனும் உள்ளனர். சர்மி 8ம் வகுப்பும், கமலேஷ் 2ம் வகுப்பும் படித்து வருகின்றனர். பள்ளியில் தேர்வு எழுதி விட்டு வீட்டுக்கு வந்த சர்மி, தனது தந்தைக்கு போன் செய்து, ‘தம்பி சரியாக படிக்கவில்லை.

அவனை நான் அடித்து விட்டேன்’ எனக் கூறியுள்ளார். பணிமுடிந்து இரவு முருகன் வீட்டுக்கு வந்து பார்த்தபோது வீட்டில் உள்ள அறையில் மகள் சர்மி புடவையால் தூக்குப்போட்டு தொங்கியதை கண்டு அதிர்ச்சி அடைந்தார்.

அக்கம் பக்கத்தினர் உதவியுடன் சர்மியை மீட்டு அருகில் இருந்த தனியார் மருத்துவமனைக்கு கொண்டு சென்ற போது அவரை பரிசோதனை செய்த மருத்துவர்கள், சர்மி ஏற்கனவே இறந்து விட்டதாக தெரிவித்தனர்.

இது குறித்து தகவல் அறிந்ததும் காவல்துறையினர் சர்மியின் உடலை மீட்டு பிரேத பரிசோதனைக்கு அனுப்பிவைத்தனர். தனது தம்பியை அடித்ததால், தனது தாயார் வந்து தன்னை அடிப்பாரோ என்ற பயத்தில் தூக்குப்போட்டு தற்கொலை செய்து இருக்கலாம் என காவல்துறையினர் முதல் கட்ட தகவலை வெளியிட்டுள்ளனர்.

இச்சம்பவம் குறித்து வழக்கு பதிவு செய்து மேலும் தீவிர விசாரணை மேற்கொள்ளப்பட்டு வருகிறது. தாயார் அடிப்பாரோ என்ற பயத்தில் மாணவி தற்கொலை செய்து கொண்டது அப்பகுதியில் பெரும் சோகத்தையும், அதிர்ச்சியையும் ஏற்படுத்தியுள்ளது.

திருவனந்தபுரத்தில்..

திருவனந்தபுரம் அருகே விளவூர்க்கல் பகுதியில் வீட்டில் உள்ள மின் சுவிட்ச்போர்டில் இருந்த மொபைல் சார்ஜரை அகற்றும் போது மின்சாரம் தாக்கி எஸ்.எஸ்.ஷிஜின் (23) என்பவர் உயிரிழந்தார்.

புதன்கிழமை மதியம், தந்தை ஷாஜியுடன் மாட்டுத் தொழுவத்தில் வேலை செய்து கொண்டிருந்தார். இதற்கிடையில், ஈரமான கைகளுடன் சார்ஜரை எடுக்கும்போது ஷிஜின் மீது மின்சாரம் பாய்ந்ததாக கூறப்படுகிறது. அங்கு வந்த ஷாஜி ஓடி வந்து ஷிஜியை கட்டையால் தாக்க, ஷாஜியும் மின்சாரம் பாய்ந்து கீழே விழுந்தார்.

ஷாஜியின் அலறல் சத்தம் கேட்டு ஓடிவந்த அக்கம்பக்கத்தினர் மின்சாரத்தை துண்டித்து தந்தையையும் மகனையும் தொழுவத்தில் இருந்து அப்புறப்படுத்தினர். ஷிஜியும், ஷாஜியும் தனியார் மருத்துவமனைக்கு கொண்டு செல்லப்பட்டனர், ஆனால் ஷிஜியின் உயிரைக் காப்பாற்ற முடியவில்லை.

புதுச்சேரியில் ..

எலி பேஸ்டால் தமிழகம் மற்றும் புதுச்சேரியில் தெரிந்தும் தெரியாமலும் பல்வேறு மக்கள் உயிரிழந்து வருகின்றனர். அந்த வகையில் புதுச்சேரி சாரம் வெங்கடேஸ்வரா நகர் பகுதியை சேர்ந்தவர் தினேஷ்குமார், கூலி தொழிலாளியான இவருக்கு திவ்யா என்ற 3 வயது பெண் குழந்தை உள்ளது.

இவர் வீட்டில் எலி தொல்லை அதிகமாக உள்ளதால் எலி பேஸ்ட் வாங்கி வைத்துள்ளார். இந்நிலையில், கடந்த மூன்று நாட்களுக்கு முன்பு வீட்டில் விளையாடிக் கொண்டிருந்த திவ்யா சாக்லேட் என்று நினைத்து எலிபேஸ்ட் சாப்பிட்டாள்.

இதனையடுத்து பெற்றோர்கள் அரசு பொது மருத்துவமனையில் சேர்த்துள்ளனர்.சிகிச்சை பெற்று வந்த திவ்யா சிகிச்சை பலனின்றி உயிரிழந்தாள். இச்சம்பவம் பொதுமக்களிடையே பெரும் சோகத்தை ஏற்படுத்தியுள்ளது.