கர்நாடகாவில்..

இந்திய மாநிலம் கர்நாடகாவில், தாவணகெரே மாவட்டத்தில், 6 மாத கர்ப்பிணி மனைவியைக் கொன்று, அவரது உடலை காட்டில் புதைத்ததாகக் கூறப்படும் நபரை பொலிஸார் இன்று (வியாழக்கிழமை) கைது செய்தனர்.

தாவணகெரே அருகே சன்னகிரி அருகே உள்ள கங்கொண்டனஹள்ளியை சேர்ந்தவர் மோகன் குமார் (25). அவர் கடந்த ஆண்டு சந்திரகலா என்கிற ரஷ்மியை (21) திருமணம் செய்துகொண்டார்.

ஆரம்ப நாட்களில் இருந்தே இருவருக்கும் இடையே தகராறு ஏற்பட்டுள்ளது. மோகன்குமார் சந்திரகலாவின் நடத்தையில் சந்தேகம் கொண்டார், தனது மனைவி யாரிடமும் பேசுவதையும் வெறுத்தார். மேலும் அவரை வரதட்சணை தரும்படி வற்புறுத்தி வந்ததாக கூறப்படுகிறது.

சந்திரகலா மற்றவர்களிடம் பேசும் போதெல்லாம், மோகன் அவரை விசாரித்து, அவருக்கு தவறான உறவுகள் இருப்பதாக குற்றம் சாட்டிவந்துள்ளார். சித்திரவதை தாங்க முடியாமல் சந்திரகலா தனது பெற்றோருக்கு திருட்டுத்தனமாக அடிக்கடி போன் செய்து பேசி வந்துள்ளார்.

பின்னர் தனது பெற்றோர் வீட்டுக்கு மீண்டும் வந்துள்ளார், ஆனால் அவர்கள் அப்பெண்ணை திருப்பி அனுப்பியுள்ளனர். கடந்த ஒன்றரை மாதங்களுக்கு முன் மோகன்குமார், மனைவியுடனான தகராறில் கழுத்தை நெரித்து கொன்றார்.

பின்னர், சிக்கமகளூர் மாவட்டம் அஜ்ஜாம்புரா அருகே உள்ள ஹுனகட்டா வனப் பகுதிக்கு சடலத்தை எடுத்துச் சென்று புதைத்துள்ளார். அப்போது, கொலை செய்யப்பட்ட சந்திரகலா 6 மாதம் கர்ப்பமாக இருந்துள்ளார்.

பின்னர் சந்திரகலா காணாமல் போனதாக அவரது பெற்றோரிடம் தெரிவித்த அவர், அவர் யாரோ ஒருவருடன் சென்றுவிட்டதாக கூறி அக்டோபர் 10-ஆம் திகதி பொலிஸில் புகார் அளித்தார்.

இதையடுத்து, சந்திரகலாவின் பெற்றோர்கள் பொலிஸாரிடம் சென்று, மருமகனால் தங்கள் மகளுக்கு பாதிப்பு ஏற்பட்டிருக்கலாம் என சந்தேகிப்பதாக கூறினார். காணாமல்போன தினத்தன்று, மோகன் தனது காரை எடுத்துக்கொண்டு அதிகாலை 2 மணியளவில் வெளியில் சென்றுள்ளதாக பொலிஸ் விசாரணைகளில் தெரியவந்துள்ளது.

பொலிஸார் அவரை கைது செய்து விசாரணை நடத்தியபோது, ​​அவர் தனது குற்றத்தை ஒப்புக்கொண்டார். பின்னர் அதிகாரிகள் சடலத்தை தோண்டி எடுத்து பிரேத பரிசோதனைக்கு அனுப்பி வைத்தனர்.

விசாரணையில் மோகன், ஒரு மாதத்திற்கு முன்பே தனது மனைவியை கொல்ல திட்டமிட்டது தெரியவந்தது. அவர் உடலை அப்புறப்படுத்துவது மற்றும் அனைத்து ஆதாரங்களையும் அழிப்பது குறித்தும் திட்டமிட்டுவந்துள்ளார். பொலிஸாரின் விசாரணையில், மனைவியை புதைக்க காட்டில் முன்கூட்டியே குழி தோண்டி வைத்திருந்ததாக தெரிவித்துள்ளார்.

மதுரையில்..

மதுரை திருப்பாலை ஜி.ஆர் நகரை சேர்ந்தவர்கல் செந்தில் குமார் – வைஷ்ணவி தம்பதியினர். இவர்களுக்கு ஒரு பெண் குழந்தை உள்ளது. இன்ஜினியராக செந்தில் கடந்த சில ஆண்டுகளாக வெளிநாட்டில் வேலை பார்த்து வந்துள்ளார்.

வெளிநாட்டில் வேலை பார்த்து வந்த செந்தில்குமார் கடந்த மாதம் ஊருக்கு வந்திருந்தபோது தனது மகளை பள்ளியில் சென்று விட்டுவிட்டு தன்னுடைய இருசக்கர வாகனத்தில் வீடு திரும்பி கொண்டிருந்தார்.

அப்போது பொன்விழா நகர் அருகே வந்து கொண்டிருந்தபோது இருசக்கர வாகனத்தில் தலைக்கவசம் அணிந்து வந்த இரண்டு பேர் அவரை பின் தொடர்ந்து வந்தனர்.

இந்நிலையில், செந்தில்குமாரின் வாகனத்தின் மீது மோதி கீழே சாய்த்து பட்டகத்தியால் அவரை வெட்டி விட்டு தப்பினர். படுகாயம் அடைந்த செந்தில்குமாரை அருகில் இருந்தவர்கள் மீட்டு அரசு மருத்துவமனையில் சேர்த்தனர்.

சம்பவம் குறித்து திருப்பாலை போலீசார் வழக்குப்பதிவு செய்து செந்தில்குமார் மற்றும் அவரது மனைவியின் செல்போன் எண்களை வைத்து விசாரணை மேற்கொண்டனர். அதில் வைஷ்ணவிக்கும், அவருடைய உறவினரான சிவகங்கையை சேர்ந்த வெங்கடேசனுக்கும் கள்ளத்தொடர்பு இருந்தது தெரியவந்தது.

பின்னர் விசாரணையில் கணவர் செந்தில்குமார் கள்ளக்காதலுக்கு இடையூறு ஏற்படுத்துவார் என கருதி நகையை அடமானம் வைத்து ரூ.1 லட்சம் கொடுத்து வெங்கடேசன் மூலமாக கூலிப்படையை ஏவி கொலை முயற்சி செய்ததாக ஒப்புக்கொண்டுள்ளார்.

இதனையடுத்து, வைஷ்ணவிக்கு உடந்தையாக இருந்த வெங்கடேசனை காவல்துறையினர் கைது செய்து சிறையில் அடைத்தனர். கள்ளக்காதல் தகராறில் கூலிப்படையை ஏறி கணவனை கொலை செய்ய முயன்ற மனைவி கள்ளக்காதலனுடன் கைதான சம்பவம் பரபரப்பை ஏற்படுத்தியது.

கேரளாவில்..

கேரளா மாநிலம் திருச்சூர் மாவட்டத்தை சார்ந்த நிஷாத் மற்றும் மலப்புரம் மாவட்டத்தை சார்ந்த ராஷிதா தம்பதியினர், ஆடம்பரமாக வாழ வேண்டும் என்ற ஆசையில் யூட்யூபில் வீடியோக்கள் போட்டு வருமானம் பார்க்கலாம் என முயற்சித்துள்ளனர்.

ஆனால் இவர்களுடைய வீடியோக்களுக்கு சரியான வரவேற்பு கிடைக்காததால், பணம் சம்பாதிக்க யோசித்து இருவரும் பக்காவாக பிளான் போட்டு முகநூல் பக்கத்திலிருந்து வயதான வசதியான ஆட்களை தேட துவங்கி உள்ளனர்.

அந்த வகையில் சிக்கியவர் தான் மலப்புறம் கல்பாகம்சேரி பகுதியை சார்ந்த வசதி படைத்த 68 வயது முதியவர். இவருக்கு ஸ்கெட்ச் போட தொடங்கிய ராஷிதா, தன்னை ஒரு டிராவல் Vlogger எனக்கூறி முதியவருடன் பழக்கத்தை ஏற்படுத்தியுள்ளார்.

பின்பு கணவரின் உதவியுடன் முதியவருடன் அடிக்கடி தனிமையில் இருந்துள்ளார். இதனை கணவரும் வீடியோவாக பதிவு செய்துள்ளார். தொடர்ந்து தனது கணவருக்கு தொழில் தொடங்க வேண்டும் என அவ்வப்போது முதியவரிடம் பணம் வாங்கியுள்ளார்.

தான் ஏமாற்றப்படுவதை உணர்ந்த முதியவர் ஒரு கட்டத்தில் பணத்தை தர மறுத்துள்ளார். இதனால் இருவரும் எடுத்து வைத்திருந்த வீடியோவை காட்டி மிரட்டி ஒரு வருடத்திற்குள் முதியவரிடம் இருந்து 23 லட்சம் ரூபாய் வரை பறித்துள்ளனர்.

இந்த பணத்தை வைத்து தம்பதியினர் இருவரும் ஒரு கார் வாங்கி நாடு நாடாக சுற்றி திரிந்து அதனை வீடியோ எடுத்து malay mallus என்ற யூடியூப் பக்கத்தில் பதிவிட்டு வந்தனர்.

இதனை தொடர்ந்து அவர்களது யூடியூப் வாசகர்கள் அதிகமானதால் முதியவரை தொடர்ச்சியாக மிரட்டி பணம் வசூலித்து வாழ்க்கையை ஓட்டி வந்துள்ளனர். இருவருக்கும் சமீபத்தில் இரட்டை குழந்தை பிறந்துள்ளது.

இந்த வீடியோக்களை அவர்களது யூடியூப்பில் பதிவிட்டுள்ளனர். நாட்கள் செல்ல செல்ல பணம் குறைந்து வருவது குறித்து முதியவரின் உறவினர்கள், அவரிடம் கேட்டுள்ளனர்.

இதையடுத்து முதியவரும் நடந்த சம்பவத்தை அவர்களிடம் எடுத்துரைத்துள்ளார். இதனை கேட்டு அதிர்ச்சியடைந்த உறவினர்கள், போலீசாரிடம் புகார் அளித்துள்ளனர்.

தொடர்ந்து இருவரையும் கைது செய்த போலீசார் அவர்களை நீதிமன்றத்தில் ஆஜர்படுத்தினர். ஆறு மாத கைக்குழந்தைகள் இருப்பதை கருத்தில் கொண்ட நீதிபதிகள், ராஷிதாவுக்கு மட்டும் முன் ஜாமீன் வழங்கி, நிஷாதை சிறையில் அடைக்க உத்தரவிட்டனர்.

ஆல்பர்ட்டாவில்..

கார் விபத்தொன்றில் சிக்கிச் சிதைந்த இளம்பெண் ஒருவருக்கு சிகிச்சையளித்த கனேடிய பெண்ணுக்கு, பின்னர் தெரியவந்த பயங்கர உண்மையால் அதிர்ச்சியில் உறைந்துபோனார் அவர்.

ஆல்பர்ட்டாவில் இம்மாதம் (நவம்பர்) 15ஆம் திகதி, அதாவது கடந்த வாரம், கார் விபத்தொன்றில் சிக்கியவர்களுக்கு உதவ, மருத்துவ உதவிக்குழுவினரான Jayme Ericksonக்கு அழைப்பு வந்துள்ளது.

முதல் ஆளாக ஓடோடிச் சென்ற Jaymeம், நண்பரும் சக மருத்துவ உதவிக்குழுவினருமான Richard Reedம் இணைந்து, விபத்தில் சிக்கி அடையாளம் தெரியாத அளவுக்கு சிதைந்துபோன இளம்பெண் ஒருவருக்கு 20 நிமிடங்களுக்கும் அதிகமாக சிகிச்சையளித்துள்ளார்கள்.

பின்னர் அந்த இளம்பெண் மருத்துவமனைக்கு ஏர் ஆம்புலன்ஸ் மூலம் கொண்டு செல்லப்பட்டுள்ளார். அந்த இளம்பெண்ணுக்கு சிகிச்சையளித்துவிட்டு Jayme வீடு திரும்ப, சிறிது நேரத்தில் பொலிசார் அவரைத் தேடிவந்துள்ளார்கள். அவர்கள் கூறிய செய்தியைக் கேட்ட Jayme, அதிர்ச்சியில் உறைந்துபோனார்.

ஆம், அவர் சற்று முன் சிகிச்சையளித்துவிட்டு வந்த இளம்பெண் வேறு யாரும் இல்லை, Jaymeஉடைய மகளான Montana Dobry (17) தான். பெற்ற தாய்க்கே அடையாளம் தெரியாத அளவுக்கு முகம் சிதைந்துபோயிருக்கிறது Montanaவுக்கு! பின்னர், காயங்கள் காரணமாக Montana உயிரிழந்துவிட்டார்.

தாயும் தந்தையும் கத்திக் கதறித் துடித்து அடங்கியபின், தங்கள் மகளுடைய உடல் உறுப்புகளை தானம் செய்வதென முடிவு செய்துள்ளார்கள் Jaymeஉடைய குடும்பத்தினர்.

வாழ்வு துவங்கும் நேரத்தில் வாழ்விழந்தாலும், இறந்தும் தன் மகள் யார் உடலிலோ வாழ்கிறாளென்ற திருப்தி மட்டுமே மீதமிருக்கிறது Montanaவின் தாய்க்கு. இதற்கிடையில் Montanaவின் மரணம், Jaymeயுடன் பணியாற்றும் மருத்துவ உதவிக் குழுவினரை கடும் அதிர்ச்சியில் ஆழ்த்தியுள்ளது.

ரூபாலி..

டாக்டர் ரூபாலி அம்பேகாஒன்கார் (Rupali Ambegaonkar ) தனது எம் பி பி எஸ் பட்டப்படிப்பை மும்பையில் பூர்த்தி செய்தார், மருத்துவ பட்டப்படிப்பை பூர்த்தி செய்த டாக்டர் ரூபாலி தனது மகளின் உடல் நிலை காரணமாக மருத்துவ தொழிலில் இருந்து விலக நேரிட்டது.

இறுதியில் அவர் தேயிலை வியாபாரத்தை தேர்ந்தெடுத்தார் கடந்த 2010 ஆம் ஆண்டு ரூபாய் 100 சதுர அடி பரப்பை கொண்ட ஓர் அலுவலகத்தையும் 20000 சதுர அடி கொண்ட போர் தொழிற்சாலையையும் சுமார் 30 லட்சம் ரூபாய் முதலீட்டில் மும்பை முள்ளான் பகுதியில் ஆரம்பித்தார்.

ரூபாலி தனது நிறுவனத்திற்காக சீனாவில் இருந்து தேயிலை கொழுந்துகளை இறக்குமதி செய்து அவற்றை பதப்படுத்தி பல்வேறு வித்தியாசமான பிளேவர்களை சேர்த்து மும்பையில் அதனை பொதியிட்டு விற்பனை செய்தார்.

டீ கல்ச்சர் வேர்ல்ட் (Tea Culture of the World (TCW) என்ற பெயரில் குறித்த தேயிலை விற்பனை செய்யப்பட்டது. ஜப்பான், சீனா, வியட்நாம், தென்னாப்பிரிக்கா மற்றும் இந்தியாவின் பல பாகங்களிலிருந்து கைகளினால் பறிக்கப்பட்ட தேயிலை கொழுந்துகளை கொண்டு சுமார் 80 வகையான வித்தியாசமான ஃப்ளேவர்களைக் கொண்ட தேயிலை வகைகளை உற்பத்தி செய்கின்றார்.

இந்த தேயிலை ஆன்லைனிலும், நாட்டின் பல்வேறு பகுதிகளில் காணப்படும் 37 கிளைகள் வழியாகவும் விற்பனை செய்யப்படுகின்றது. “இந்த நிறுவனம் தொலைபேசி அழைப்புகளை பதிலளிப்பதற்கு ஒரு யுவதியும் தேயிலையை டெலிவரி செய்வதற்கு ஒரு சாரத்தையும் என்ற அடிப்படையில் மிகச்சிறிய அளவில் ஆரம்பிக்கப்பட்டது தற்பொழுது இந்த நிறுவனத்தில் சுமார் 110 பணியாளர்கள் பணியாற்றி வருகின்றனர்” என 45 வயதான ரூபாய் கூறுகின்றார்.

மும்பையின் நடுத்தர வர்க்கத்தை சேர்ந்த குடும்பப் பின்னணியை கொண்ட டாக்ட ரூபாலி இன்று வியாபார துறையில் கொடிகட்டி பறக்கும் ஓர் பெண்மணியாக பரிணமித்துள்ளார்.

தனது பாட்டனார் ஓர் சுதந்திரப் போராட்ட வீரர் என ரூபாலி பெருமிதத்துடன் கூறுகின்றார். மருத்துவ பட்டப்படிப்பை பூர்த்தி செய்த பின்னர் மருத்துவர் ஒருவரை மணம் மடித்த ரூபாலி கணவரின் மருத்துவ சிகிச்சை நிலையத்தில் பணியாற்றி வந்தார்.

எனினும் அவர்களுக்கு குழந்தை பிறந்ததும் அவர்களுடைய வாழ்க்கையில் திடீர் திருப்பம் ஏற்பட்டது. “எனது மகளுக்கு இருதயத்தில் துளை ஏற்பட்டுள்ளது அவருக்கு அடிக்கடி சிகிச்சை அளிக்க வேண்டிய சூழ்நிலை காணப்படுகின்றது எனது மகள் டயலாக்ஸியா நோயினாலும் பாதிக்கப்பட்டுள்ளார் அவரினால் சாதாரண பிள்ளைகளைப் போல் வேகமாக சரளமாக பேச முடியவில்லை இதனால் நான் எனது மருத்துவ தொழிலை கைவிட்டுவிட்டு வீட்டில் எனது மகளை பராமரித்துக் கொள்வதில் கூடுதல் கவனம் செலுத்தினேன்” என ரூபாலி கூறுகின்றார்.

அதன் பின்னர் தேயிலை வியாபாரத்தில் காட்டிய நாட்டத்தினால் பெரு வெற்றிகளை ரூபாலி பெற்றுக் கொண்டார். இந்த நிறுவனத்தின் சில ப்ளேவர்களைக் கொண்ட ஒரு கிலோ தேயிலை 60000 ரூபா, 50000 ரூபா என விற்பனை செய்யப்பட்டு வருகின்றமை குறிப்பிடத்தக்கது.

வாழ்க்கை முடிந்து விட்டது என தோல்வியில் துவண்டு போகும் பலருக்கு டொக்டர் ரூபாலி அல்லது பிரபல வர்த்தகர் ரூபாலியின் வாழ்க்கை ஒர் சிறந்த எடுத்துக்காட்டு என்றால் பிழையாகாது.

டெல்லியில்..

இந்தியாவின் தலைநகர் டெல்லியில் இளைஞர் ஒருவர் தனது மொத்த குடும்பத்தையும் படுகொலை செய்த சம்பவம் அதிர்ச்சியை ஏற்படுத்தியுள்ளது. டெல்லியின் பாலம் பகுதியைச் சேர்ந்தவர் கேசவ் (25). போதைக்கு அடிமையான இவர் மறுவாழ்வு மையம் ஒன்றில் சிகிச்சை பெற்று வந்துள்ளார்.

சில நாட்களுக்கு முன்பு தனது வீட்டிற்கு திரும்பிய கேசவ், தன் குடும்பத்தினரிடம் தகராறு செய்ததாக கூறப்படுகிறது. கேசவ் மது அருந்த பணம் கேட்டுள்ளார். ஆனால் அவரது குடும்பத்தினர் பணம் கொடுக்க மறுத்ததால் ஆத்திரமடைந்த கேசவ், தனது தந்தை தினேஷ் (50), தாய் தர்சனா, தங்கை சைனி மற்றும் பாட்டி தேவானா தேவி (75) ஆகிய நான்கு பேரையும் குத்திக் கொலை செய்துள்ளார்.

அவரது வீட்டில் அலறல் சத்தம் கேட்டு அக்கம்பக்கத்தினர் ஓடி வந்து பார்த்தபோது, கேசவ்வின் குடும்பத்தினர் அனைவரும் ரத்த வெள்ளத்தில் பிணமாக கிடந்துள்ளனர். அதனைத் தொடர்ந்து தப்பியோடிய கேசவை மடக்கிப் பிடித்த பொதுமக்கள் மற்றும் அவரது உறவினர் பொலிஸாரிடம் ஒப்படைத்தனர்.

அவரிடம் பொலிஸார் நடத்திய முதற்கட்ட விசாரணையில், போதையில் இருந்த கேசவ் மேலும் மது வாங்க பணம் கேட்டுள்ளார். குடும்பத்தினர் மறுக்கவே அவர்களை படுகொலை செய்துள்ளார் என்பது தெரிய வந்தது.

இதற்கிடையில் கொலை செய்யப்பட்ட நான்கு பேரின் உடல்களையும் கைப்பற்றிய பொலிஸார், பிரேத பரிசோதனைக்காக மருத்துவமனைக்கு அனுப்பி வைத்தனர். இளைஞர் ஒருவர் தனது மொத்தம் குடும்பத்தையும் கொலை செய்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

கர்நாடகாவில்..

கர்நாடக மாநிலம், தட்சினகன்னடா மாவட்டத்திற்குட்பட்ட புதுவெட்டு கிராமத்தைச் சேர்ந்தவர் 80 வயது முதியவர் குருவா மேரா. இவரது மகன் ஒடியப்பா. இவர்கள் இருவரும் நேற்று முன்தினம் அருகே உள்ள காட்டுப்பகுதிக்குச் சென்றுள்ளனர்.

அப்போது, காட்டில் விளைந்திருந்த காளான்களை பறிந்து வீட்டிற்கு எடுத்து வந்துள்ளனர். பிறகு அந்த காளான்களை சமைத்துச் சாப்பிட்டுள்ளனர். பிறகு நேற்று வெளியே சென்றிருந்த குருவா மேராவின் மற்றொரு மகன் வீட்டிற்கு வந்துள்ளார்.

அப்போது தந்தை மற்றும் சகோதரன் சடலமாக இருந்ததைக் கண்டு அதிர்ச்சியடைந்துள்ளார். இது குறித்து போலிஸாருக்கு தகவல் தெரிவிக்கப்பட்டுள்ளது.

பிறகு அங்கு வந்து போலிஸார் விசாரணை செய்தனர். மேலும் வீட்டிற்குள் சென்று பார்த்தபோது பாத்திரத்தில் காளான் சமைத்து வைக்கப்பட்டிருந்தது தெரிந்தது. அதோடு காட்டிற்குச் சென்று காளான் பறிந்து வந்ததும் விசாரணையில் தெரிந்தது.

இதனால் காளான் சமைத்து சாப்பிட்டதால் உயிரிழந்தார்களா அல்லது உணவில் யாராவது விஷம் கலந்துள்ளார்களா? என போலிஸார் விசாரணை நடத்தி வருகின்றனர்.

மேலும் உடற்கூறு ஆய்வு அறிக்கை வந்தபிறகே உண்மை என்ன வென்று தெரியவரும் என போலிஸார் தெரிவித்துள்ளனர். காளான் சமைத்துச் சாப்பிட்டு தந்தை, மகன் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

ராணிப்பேட்டையில்..

ராணிப்பேட்டை அருகே, இதய அறுவைசிகிச்சைக்கு பின் படுத்த படுக்கையாய் அவதிப்பட்டு வந்த தாய் தற்கொலை செய்து கொண்டதால், மகளும் தற்கொலை முயற்சி செய்துள்ளார்.

ராணிப்பேட்டை மாவட்டம் காவேரிப்பாக்கம் அடுத்த கரிவேடு கிராமத்தை சேர்ந்த மகாலிங்கம், ஓட்டுநராக வேலை பார்த்து வருகிறார். இவருக்கு திருமணமாகி மனைவி ஜோதிலட்சுமி, மகள்கள் வைஷ்ணவி, பவித்ரா மற்றும் பவானிசங்கர் என்ற மகனும் உள்ளனர்.

இந்த நிலையில், கடந்த சில மாதங்களுக்கு முன்பாக ஜோதிலட்சுமிக்கு இதய அறுவை சிகிச்சை செய்யப்பட்டுள்ளது. அறுவை சிகிச்சைக்கு பின் படுத்த படுக்கையாய் ஆன ஜோதிலட்சுமியை அவரது மகள்கள் கவனித்து வந்துள்ளனர்.

ஆனால் நாட்கள் செல்ல செல்ல படுக்கை புண்ணால் அவதிப்பட்டு வந்த ஜோதிலட்சுமி மிகுந்த கவலையில் இருந்து வந்துள்ளார். இந்த மனவேதனையில் அவர் எடுத்த விபரீத முடிவு குடும்பத்தின் நிலையை தலைகீழாக மாற்றியுள்ளது.

மூத்த மகளான வைஷ்ணவிக்கு ஆற்காடு வளவனூர் கிராமத்தை சேர்ந்த இளைஞர் ஒருவருடன் திருமணம் நிச்சயிக்கப்பட்டு வருகின்ற டிசம்பர் 5ம் தேதி திருமணம் நடைபெறவிருந்தது.

டோல்கேட்டில்..

இணையத்தில் நாம் அதிக நேரம் உலவிடும் போது நம்மை சுற்றி நடக்கும் ஏராளமான விஷயங்களை குறித்து நம்மால் தெரிந்து கொள்ள முடியும். அதிலும் குறிப்பாக, சில விஷயங்கள் தொடர்பான வீடியோக்கள் நம்மிடையே ஒருவித தாக்கத்தையே உருவாக்கி செல்லும்.

அந்த வகையில் ஒரு வீடியோ தான், தற்போது இணையத்தில் அதிகம் வைரலாகி பலரையும் மனம் உருக வைத்திருந்தது. டோல்கேட்டில் கல்லூரி மாணவி ஒருவர், அதிகாலையில் சிரித்த முகத்துடன் தின்பண்டங்கள் விற்பனை செய்யும் வீடியோ ஒன்று வெளியாகி இருந்தது.

மிகவும் புன்னகைத்த படி, ஒரு பாசிடிவ் Vibe கிடைக்கும் அளவுக்கு அவர் விற்பனை செய்து வந்தது தொடர்பான வீடியோ அதிகம் வைரலாகி இருந்தது. ஆனால், அந்த சிரிப்பிற்கு பின்னால் உள்ள கஷ்டம் தான் தற்போது பலரையும் கலங்கடித்து வருகிறது.

விருத்தாச்சலத்தில் உள்ள கிராமம் ஒன்றில் வசித்து வந்த தம்பதி சண்முகம் – குப்பு. இவர்கள் கடந்த 10 ஆண்டுகளாக, உளுந்தூர்பேட்டை சுங்கச்சாவடி அருகே ரயிலடி அருகேயுள்ள மோட்டார் அறை ஒன்றில் குடும்பமாக தங்கி வருகின்றனர்.

கூலித்தொழில் செய்யும் சண்முகம் மற்றும் குப்பு ஆகியோர், மோட்டார் அறைக்கு பின்புள்ள நிலத்தில் பணிபுரிந்து வருவதாகவும் கூறப்படுகிறது. மேலும் சண்முகம் அப்பு தம்பதியினருக்கு நான்கு பெண் குழந்தைகள் உள்ளதாகவும் சொல்லப்படுகிறது.

இதில் முதல் இரண்டு குழந்தைகளும் அப்புவின் தாய் வீட்டில் தங்கி பள்ளி படிப்பை முடித்த நிலையில் மூத்த மகளுக்கு திருமணம் முடிந்துள்ளதாகவும் கூறப்படுகிறது. மேலும் மூத்த மகளின் நர்சிங் கனவை அவரது கணவர் நிறைவேற்றி வருவதாக தெரிகிறது. இவர்களின் இரண்டாவது மகள் தான் வசந்தி.

இவர் கடலூர் மாவட்டம் வடலூர் அருகேயுள்ள மேட்டுக்குப்பத்தில் தனியார் கல்லூரி ஒன்றில் டிப்ளமோ இரண்டாம் ஆண்டு படித்து வருகிறார். ஆனால், தற்போது கல்லூரி கட்டணம் செலுத்தவில்லை என்றும் கூறப்படுகிறது.

அது மட்டுமில்லாமல் போக்குவரத்து கட்டணத்திற்கும் பெரிய அளவில் பணம் இல்லாததால் கடந்த ஒரு மாதமாக கல்லூரிக்கு செல்லாமல் இருந்து வருகிறார் வசந்தி. இதனைத் தொடர்ந்து உளுந்தூர்பேட்டை சுங்கச்சாவடியில் தின்பண்டங்களை விற்று, குடும்பத்தின் கஷ்டத்திற்கு பங்கேற்க தொடங்கியுள்ளார் வசந்தி.

இது பற்றி பேசும் வசந்தி, கல்லூரிக்கு தினந்தோறும் மூன்று பேருந்துகள் ஏறி செல்வதற்கு சுமார் 200 ரூபாய் வரை ஒரு நாளைக்கு ஆவதாக கூறி உள்ளார்.

டோல்கேட்டில் வேலை பார்த்துக் கொண்டு பெற்றோருக்கு உதவி செய்து வருவதாக கூறும் வசந்தி, பெற்றோர் வற்புறுத்தல் பேரில் டோல்கேட்டில் வேலை செய்யவில்லை என்றும், அவர்கள் கஷ்டத்தை பார்த்து தானாக வேலை செய்து வருவதாகவும் தெரிவித்துள்ளார்.

வசந்தி அதிகாலையில் சிரித்த முகத்துடன் வேலை செய்யும் வீடியோ பலரது மனதையும் கவர்ந்திருந்தாலும் அவர் பின்னால் உள்ள குடும்ப சூழ்நிலை ஏராளமானோரை மனம் நொறுங்க வைத்துள்ளது.

மத்தியப் பிரதேசத்தில்..

மத்தியப் பிரதேசத்தில் இளைஞர் ஒருவர், காதல் தோல்வியுற்றவர்களுக்கு மட்டும் ரூ.5க்கு ஸ்பெஷல் டீ கொடுத்து வரும் நிகழ்வின் பின்னணி குறித்து பார்க்கலாம். மத்திய பிரதேச மாநிலம் ராஜ்கரில் பகுதியைச் சேர்ந்தவர் அந்தார் குர்ஜர் (Antar Gurjar).

இவர் அந்த பகுதி கல்லூரி ஒன்றில் பி.ஏ இறுதியாண்டு படித்து வருகிறார். இந்த நிலையில் இவருக்கும், அவரது உறவினர் பெண் ஒருவருக்கும் காதல் ஏற்பட்டுள்ளது.

கடந்த 5 ஆண்டுகளுக்கு முன்பு திருமண நிகழ்ச்சியில் சந்தித்த இருவரும், பின்னர் தொலைபேசி வாயிலாக நண்பர்களாக பழகி பேசிக்கொண்டனர். இவர்களது பழக்கம் நாளடைவில் காதலாக மாற, இருவரும் கடந்த இரண்டு ஆண்டுகளாக காதலித்து வந்துள்ளனர்.

இப்படி இருக்கையில் ஒரு நாள் அந்த பெண், இவரிடம் பிரேக் அப் செய்துகொள்வதாக கூறியுள்ளார். மேலும் தனக்கு வீட்டில் மாப்பிள்ளை பார்த்துவிட்டதாகவும், உன்னை திருமணம் செய்துகொள்ள முடியாது என்றும்,

உனக்கு வருமானம் எதுவும் இல்லை என்றும் கூறி அவரை விட்டு வேறொருவரை திருமணம் செய்துகொண்டுள்ளார். அதோடு அவரிடம் பேசுவதையும் தவிர்த்து வந்துள்ளார்.

இதனால் மிகவும் மன உளைச்சலுக்கு உள்ளான அந்தர், தற்கொலை செய்துகொள்ள முற்பட்டுள்ளார். பின்னர் அவரது நண்பர்கள் அவரை மீட்டு அறிவுரை வழங்கினர்.

இதில் மனம் மாறிய அந்தர், தனது காதலி முன் கெத்தாக வாழ வேண்டும் என்று நினைத்து தற்போது அந்த பகுதி கில்ஜிபூர் பேருந்து நிலையம் அருகே டீ கடை அமைத்து நடத்தி வருகிறார்.

இந்த டீ கடைக்கு அவரது காதலியின் பெயரின் முதல் எழுத்தான ‘M’ என்பதை சேர்த்து ‘M Bewafa Chaiwala’ என்று பெயர் வைத்துள்ளார். ஏனென்றால் ஒரு முறை இவரது காதலி, ஏதேனும் கடை திறந்தால் அதற்கு தனது பெயரை வைக்கும்படி கேட்டுக்கொண்டுள்ளார். எனவே அதன்படி தற்போது அவரது பெயரை இதில் சேர்த்துள்ளார்.

இந்த கடையின் ஸ்பெஷல் என்னவென்றால், சாதாரண நபர்களுக்கு ஒரு டீ-யின் விலை ரூ.10 என்றும், காதல் தோல்வியடைந்தவர்களுக்கு மட்டும் இங்கு ரூ.5-க்கு டீ என்றும் விற்கப்படுகிறது.

இது தற்போது அந்த பகுதியில் பெரும் வரவேற்பை பெற்று பேசுபொருளாக அமைந்துள்ளது. மேலும் சமூக வலைதளங்களிலும் வைரலாகி அனைவரது கவனத்தையும் ஈர்த்து வருகிறது.

प्यार में धोका खाने वाले को चाय आधे दाम में !

मिलिए मध्य प्रदेश के बेवफ़ा चाय वाले अंतर गुर्जर से !

बेरोज़गारी की वजह से जब दिल टूटा तो चाय दुकान खोल ली। pic.twitter.com/2hvEHXSvCS

— काश/if Kakvi (@KashifKakvi) November 22, 2022