கிருஷ்ணகிரியில்..

கிருஷ்ணகிரி மாவட்டம் மத்தூர் அருகே உள்ளது என்.மோட்டூர் மேட்டு கொட்டாய் என்ற கிராமம். இங்கு கணேசன் என்ற 60 வயது முதியவர் தனது குடும்பத்தோடு வசித்து வருகிறார். கூலி வேலை பார்க்கும் இவர், தனது மனைவி மாதம்மாள் (50), மற்றும் மருமகள், 2 வயது பேரக்குழந்தையுடன் வாழ்ந்து வருகிறார்.

இந்த சூழலில் நேற்றைய முன்தினம் இரவு கணேசன் வேலை முடிந்து வீடு திரும்பியுள்ளார். அப்போது உறங்க பசியில் இருந்த கணேசன், தனது மனைவி மாதம்மாளிடம் தோசை சுட்ட தரும்படி கூறியுள்ளார்.

எனவே அவரும் சுட்டு கொடுத்துள்ளார். முதல் 3 தோசை சுட்டு கொடுத்த மனைவி, 4-வது தோசை சுட்டுக்கொண்டிருக்கும்போதே கேஸ் காலியாகியுள்ளது. இதனால் கேஸ் காலி என்று கணவரிடம் கூறியுள்ளார்.

இதில் எரிச்சலைடைந்த கணேசன், தனக்கு மேலும் 3 தோசை வேண்டும் என்று கேட்கவே, அவர் இல்லை என்று மறுத்துள்ளார். அதோடு விறகு அடுப்பி வைத்து சுட்டுக்கொடுக்கும்படியும் கூறியுள்ளார். அதற்கு மனைவி மாதம்மாள் தனக்கு களைப்பாக உள்ளதாகவும், அதனால் முடியாது என்றும் கூறியுள்ளார்.

இதனால் இருவருக்குமிடையே கடும் வாக்குவாதம் ஏற்பட்டுள்ளது. இதில் ஆத்திரமடைந்த கணேசன் தனது அருகில் இருந்த கத்தியை கொண்டு மனைவியின் தலையிலும், கைகளிலும் வெட்டியுள்ளார்.

இதனை தடுக்க வந்த மருமகள் மற்றும் 2 வயது பேத்தியையும் கணேசன் தாக்கியுள்ளார். இந்த தாக்குதலில் அனைவரும் கத்தி கூச்சலிடவே அலறல் சத்தம் கேட்டு அக்கம்பக்கத்தினர் வந்து பார்த்தனர்.

அப்போது அனைவரும் இரத்த காயங்களுடன் காணப்பட்டனர். இதையடுத்து அவர்கள் அனைவரையும் மீட்ட அக்கம்பக்கத்தினர் உடனே மருத்துவமனைக்கு கொண்டு சென்றனர்.

அங்கே அனைவர்க்கும் தீவிர சிகிச்சை அளிக்கப்பட்டு வரும் நிலையில், இதுகுறித்து காவல்துறைக்கும் தகவல் கொடுத்தனர். அதன்பேரில் விரைந்து வந்த அவர்கள் வழக்குப்பதிவு செய்து குற்றவாளி 60 வயதுடைய கணேசனை அதிரடியாக கைது செய்தனர்.

தொடர்ந்து மேல் சிகிச்சைக்காக கொண்டு செல்லப்பட்ட மனைவி மாதம்மாள் சிகிச்சை பலனின்றி பரிதாபமாக உயிரிழந்தார். இதையடுத்து இதனை அதிகாரிகள் கொலை வழக்காக மாற்றி அவரை சிறையில் அடைத்தனர். தற்போது 2 வயது குழந்தைக்கு மருத்துவமனையில் தீவிர சிகிச்சை அளிக்கப்பட்டு வருகிறது.

ஒரு தோசை சுட்டு தரவில்லை என்ற ஆத்திரத்தில் 60 வயது கணவர், 50 வயது மனைவியை கத்தியால் குத்தி கொலை செய்ததோடு, தடுக்க வந்த மருமகள், 2 வயது குழந்தையையும் தாக்கியுள்ள சம்பவம் பெரும் அதிர்ச்சியை ஏற்படுத்தியுள்ளது.

கன்னியாகுமரியில்..

கன்னியாகுமரியில் அமைந்துள்ள லூர்து மாதா தெருவில் வசித்து வருபவர் ஆரோக்கிய செல்வியஸ். இவர் தனது குடும்பத்துடன் அங்கு வசித்து வருகிறார். இவருக்கு 4 வயதில் ஜாபி என்ற மகள் உள்ளார்.

இந்த சிறுமி வழக்கமாக எதையாவது வைத்து விளையாடி வந்துள்ளார். அந்த வகையில் சம்பவத்தன்று சிறுமி, சமயலறையில் இருக்கும் இட்லி தட்டை வைத்து விளையாடியுள்ளார்.

அப்போது அவர் அதில் இருக்கும் ஓட்டையில் தனது விரலை விட்டு, பின்னர் அதனை வெளியே எடுத்து விளையாடியுள்ளார். அந்த வகையில் இட்லி தட்டுக்குள் விரலை விட்ட சிறுமி, அதனை எடுக்க முயன்றபோது வரவில்லை.

இதனால் பெரும் பதற்றப்பட்ட சிறுமி கத்தி கூச்சலிட்டார். இதனை கேட்டு பதறிப்போன பெற்றோர், சிறுமியின் விரலை வெளியே எடுக்க முயன்றார். அப்படியும் அது தோல்வியிலேயே முடிந்தது.

உறவினர்கள் முயன்றும் வரவில்லை. இதையடுத்து தீயணைப்புத் துறையினருக்கு தகவல் கொடுத்தனர். அதன்பேரில் விரைந்து வந்த அவர்கள் முதலில் விரலை எடுக்க முயன்றனர்.

அப்படியும் அது முடியவில்லை என்பதால் கட்டிங் பிளேடு மூலம் இட்லி தட்டை வெட்டினர். சிறிது சிறிதாக பொறுமையாக வெட்டி சில மணி நேர முயற்சிக்கு பிறகு சிறுமியின் விரலை பத்திரமாக மீட்டனர்.

இதனிடையே சிறுமியின் விரல் உள்ளே சிக்கி கொண்டதில் வலியால் அலறி துடித்தார். இதனை கண்டு பெற்றோர் பெரும் பதற்றத்தில் இருந்தனர். ஆனால் இட்லி தட்டின் ஓட்டைக்குள் மாட்டிக்கொண்டிருந்த சிறுமியின் விரலை பத்திரமாக மீட்டுள்ள மீட்புக்குழுவுக்கு பொதுமக்கள் பாராட்டை தெரிவித்து வருகின்றனர்.

முன்னதாக இதே போல் பல்வேறு பகுதிகளில் சிறுவர்கள் வீட்டில் இருக்கும் சமையல் பாத்திரங்களை வைத்து விளையாடும்போது அதன்மூலம் அவர்களுக்கு ஏதேனும் சிக்கல் ஏற்பட்டிருக்கிறது. பாத்திரத்தை தலையில் வைத்து விளையாடும்போது, அதில் மாட்டிக்கொள்வது உள்ளிட்ட பல்வேறு சம்பவங்கள் நடந்துள்ளது.

இதனால் பெற்றோர்கள் தங்கள் குழந்தைகளிடம் இதுபோன்ற பொருட்களை விளையாட கொடுக்க கூடாது என்று பலரும் எச்சரித்து வருகின்றனர். இதுபோன்ற சம்பவங்கள் ஏதேனும் நிகழ்ந்தால் உடனடியாக தீயணைப்புத்துறைக்கு தகவல் கொடுக்க வேண்டும் என்பது குறிப்பிடித்தக்கது.

உத்தரப் பிரதேசத்தில்..

உத்தரப் பிரதேசத்தைப் பொறுத்தவரை சட்டம் ஒழுங்கு எத்தகைய கொடூர நிலையில் இருக்கிறது என்பது ஊரறிந்த விஷயம். உத்தரப்பிரதேசத்தில் பாஜக ஆட்சியில் மக்களின் அடிப்படை விருப்பங்களைக்கூடப் பூர்த்தி செய்ய முடியாத லட்சணத்தில்தான் சட்டம் – ஒழுங்கு இருக்கிறது.

மேலும் சிறுபான்மையினர், பெண்கள், எதிர்க்கருத்து சொல்பவர்கள், தலித்துகள் எனப் பலர் மீது பா.ஜ.க அரசு அராஜகப் போக்கைக் கையாண்டுள்ளது. இந்நிலையில் ரவுடிகளின் அராஜகங்களும் உ.பியில் தலைவிரித்தாடுகிறது.

கடந்த இரண்டு நாட்களுக்கு முன்பு கூட ஐந்து முறை எம்.எல்.ஏ.வாகவும் ஒருமுறை எம்.பியாகவும் பதவி வகித்த அத்திக் அகமது மற்றும் அவரது சகோதரர் அஸ்ரஃப் அகமது ஆகியோர் மீது துப்பாக்கிச்சூடு தாக்குதல் நடத்தப்பட்டது.

இதில் அத்திக் அகமதுவும், அவரது சகோதரர் அஸ்ரஃபும் சம்பவ இடத்திலேயே உயிரிழந்தனர். இந்த சம்பவம் அம்மாநிலத்தில் பெரும் அதிர்ச்சியை ஏற்படுத்திய நிலையில், மற்றொரு சம்பவம் அரங்கேறியுள்ளது.

தேர்வு எழுதிவிட்டு வீடு திரும்பிய கல்லூரி மாணவியை இரண்டு பேர் சுட்டுக்கொன்ற சம்பவம் மேலும் பெரும் அதிர்ச்சியை ஏற்படுத்தியுள்ளது. உத்தரப் பிரதேசத்தின் ஜலான் மாவட்டத்தில் கல்லூரி மாணவி ரோஷ்னி அஹிர்வார் என்பவர் தேர்வு எழுதிவிட்டு வீடு திரும்பியுள்ளார்.

அப்போது இருசக்க வாகனத்தில் வந்த மர்ம நபர்கள் இரண்டு பேர் கல்லூரி மாணவியை நோக்கி துப்பாக்கியால் சுட்டுவிட்டு அங்கிருந்து தப்பியோடியுள்ளனர். கை மற்றும் தலையில் குண்டு பாய்ந்து சம்பவ இடத்திலேயே ரோஷ்னி பரிதாபமாக உயிரிழந்தார்.

மேலும் துப்பாக்கியால் சுட்ட நபர்களை அங்கிருந்தவர்கள் பிடிக்க முயன்றபோது அவர்களை அச்சுறுத்தி அவர்கள் மீது துப்பாக்கியை வீசிவிட்டு அங்கிருந்து இருவரும் தப்பியோடியுள்ளனர்.

மதிய வேளையில், கூட்டம் நெரிசலான சாலையில் இந்த சம்பவம் நடத்தால் அப்பகுதியில் பெரும் பரபரப்பு ஏற்பட்டது. இதனையடுத்து சம்பவ இடத்திற்கு வந்த போலிஸார் மாணவியின் உடலை மீட்டு உடற்கூறாய்வுக்காக அனுப்பி வைத்தனர்.

மேலும் இதுதொடர்பாக வழக்குப்பதிவு செய்த போலிஸார் சிசிடிவு காட்சிகளை கொண்டு ஆய்வு செய்துவருகின்றனர். இந்த சம்பவம் தொடர்பான வீடியோ சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ளது. பலரும் இந்த வீடியோவை பகிர்ந்து யோகி அரசை கடுமையாக சாடி வருகின்றனர்.

செஞ்சியில்..

விழுப்புரம் மாவட்டம், செஞ்சி அருகேயுள்ள காரை கிராமத்தைச் சேர்ந்த 20 வயது இளைஞர் தணிகைவேல். வெல்டிங் கடை ஒன்றில் வேலை செய்து வந்திருக்கிறார். இவர் நேற்று இரவு வீட்டுக்கு வராமல் இருந்தாராம்.

இதனால் அதிர்ந்துபோன பெற்றோர் மற்றும் உறவினர்கள் பல்வேறு இடங்களில் அவரை தேடி பார்த்திருக்கின்றனர். இந்த நிலையில், காரை கிராம விளையாட்டு மைதானத்தில் உள்ள வாலிபால் கம்பத்தில், தணிகைவேல் தூக்கில் தொங்கியபடி இருப்பதாக இன்று காலையில் அப்பகுதியினர் பெற்றோர் மற்றும் காவல்துறையினருக்குத் தகவல் தெரிவித்துள்ளனர்.

அதன்படி சம்பவ இடத்திற்குச் சென்ற செஞ்சி டி.எஸ்.பி பிரியதர்ஷினி தலைமையிலான காவல்துறையினர், தணிகைவேலின் உடலை மீட்டு பிரேத பரிசோதனைக்காக மருத்துவமனைக்கு அனுப்பும் முயற்சியில் ஈடுபட்டுள்ளனர்.

அப்போது அவர்களை முற்றுகையிட்ட தணிகைவேலின் பெற்றோர் மற்றும் உறவினர்கள், தணிகைவேலின் மரணத்தில் சந்தேகம் இருப்பதாகவும், அவரைக் கொலைசெய்த குற்றவாளிகளை கண்டுபிடிக்க வேண்டும் எனவும் வாக்குவாதத்தில் ஈடுபட்டனர்.

அவர்களிடம் பேச்சுவார்த்தை நடத்திய டி.எஸ்.பி பிரியதர்ஷினி, இது குறித்து உரிய முறையில் விசாரணை மேற்கொள்ளப்படும் எனத் தெரிவித்தார். அதனைத் தொடர்ந்து இளைஞரின் உடல் மீட்கப்பட்டு முண்டியம்பாக்கம் அரசு மருத்துவமனைக்கு உடற்கூறாய்விற்காக அனுப்பிவைக்கப்பட்டது.

தன்னுடைய மகனின் மரணத்தில் சந்தேகம் இருப்பதாக இளைஞரின் தந்தை சர்க்கரை, அனந்தபுரம் போலீஸாரிடம் புகார் அளித்தார். அதன்படி வழக்கு பதிவுசெய்த போலீஸார், இந்தச் சம்பவம் குறித்து தீவிர விசாரணை மேற்கொண்டு வருகின்றனர்.

சென்னையில்..

வாயில் நுரை தள்ளியபடி கீழே இறந்து கிடக்கும் கர்ப்பிணி மனைவி. மின்விசிறியின் ஊக்கில், தூக்கில் தொங்கியபடி கணவன். என்ன செய்வது என தெரியாமல் காவல் நிலையத்திற்கு தகவல் தெரிவித்தனர் அப்பார்ட்மெண்ட் வாசிகள்.

சென்னை வானகரத்தில் உள்ள அடுக்குமாடி குடியிருப்பு ஒன்றில் நேற்று முழுவதும் அதிர்ச்சியைக் கிளப்பியிருந்தது இந்த மரணம். இது கொலையா? தற்கொலையா? இருவரின் இறப்புக்கான காரணம் என்ன? என்று போலீசார் விசாரணை நடத்தி வருகின்றனர்.

சென்னை வானகரத்தில் உள்ள அடுக்குமாடி குடியிருப்பு ஒன்றில் நேபாளத்தைச் சேர்ந்தவர் பிரேம்(24) என்பவர் காவலாளியாக வேலைப் பார்த்து வருகிறார். இவரது காதல் மனைவி கமலா(18).

இவர்கள் இருவரும் அதே அபார்ட்மெண்டில் கீழே உள்ள அறையில் வசித்து வந்தனர். கடந்த ஒன்றரை வருடங்களுக்கு முன்பு இருவரும் காதலித்து வந்த நிலையில், திருமணம் செய்து கொண்டனர்.

கடந்த மாதம் தான் வானகரம் பைபாஸ் சாலையோரம் உள்ள அடுக்குமாடி குடியிருப்பில் காவலாளியாக பிரேம் வேலைக்கு சேர்ந்ததாக கூறப்படுகிறது. பிரேம் மனைவி கமலா 3 மாத கர்ப்பிணியாக இருந்துள்ளார்.

இந்நிலையில், நேற்று காலை குடியிருப்பின் கேட் திறக்காமல் இருக்கவே, பிரேம் வசித்த அறையின் கதவு திறக்காததால் ஜன்னல் வழியே பார்த்த போது, மின்விசிறியில் தூக்கு மாட்டி பிரேம் இறந்து கிடந்தார்.

கமலா வாயிலும், மூக்கிலும் நுரை தள்ளிய நிலையில் தரையில் படுத்த நிலையில் இறந்து கிடந்தார். தகவல் அறிந்த மதுரவாயல் போலீசார் சம்பவ இடத்திற்கு விரைந்து இருவரின் சடலத்தையும் கைப்பற்றி கீழ்பாக்கம் அரசு மருத்துவமனைக்கு அனுப்பி வைத்தனர்.

குடும்பத் தகராறில் மனைவியை கொலை செய்துவிட்டு பிரேம் தற்கொலை செய்து கொண்டாரா? அல்லது இருவருமே தற்கொலை செய்து கொண்டார்களா? என்பது பிரேத பரிசோதனை அறிக்கையில் தெரியவரும் என போலீசார் தெரிவித்தனர்.

சந்தேக மரணம் என வழக்குப்பதிவு செய்து விசாரணை நடத்தி வருகின்றனர். சென்னை அண்ணா நகரில் வசிக்கும் பிரேமின் தாயார் சொப்னாதேவியிடமும் போலீசார் விசாரணை நடத்தி வருகின்றனர்.

கிருஷ்ணகிரியில்..

தமிழக மாவட்டம் கிருஷ்ணகிரியில் ஒன்லைன் செயலியில் கடன் பெற்ற இளைஞர், விடுதியில் தூ.க்.கி.ட்.டு த.ற்.கொ.லை செ.ய்.து கொ.ண்ட ச.ம்பவம் அ.திர்ச்சியை ஏற்படுத்தியுள்ளது.

கிருஷ்ணகிரி மாவட்டத்தைச் சேர்ந்த 22 வயது பொறியாளர் வசந்த். இவர் செங்கல்பட்டு மாவட்டம் பள்ளியகரம் அருகே உள்ள தனியார் நிறுவனத்தில் பணியாற்றி வந்தார்.

இந்த நிலையில் வசந்த் தங்கியிருந்த விடுதியில் அறையில் திடீரென தூ.க்.கி.ட்.டு த.ற்.கொ.லை செ.ய்.து கொ.ண்டார். இதுகுறித்து தகவல் அறிந்த பொலிஸார் அவரது உடலைக் கைப்பற்றி வி.சாரணையை தொடங்கினர்.

அப்போது அவர் தனது சிம்கார்டை உடைத்து இருப்பது தெரிய வந்தது. அதன் பின்னர் விடுதியில் தங்கியிருந்த நபர்களிடம் நடத்தப்பட்ட வி.சாரணையில், வசந்த் ஒன்லைன் செயலி மூலம் கடன் வாங்கியிருந்தது தெரிய வந்தது.

அதனை செலுத்த முடியாமல் தவித்த வசந்த், தனது குடும்பத்தினரிடம் இருந்து அடிக்கடி பணம் பெற்று வந்துள்ளார். இவ்வாறாக ஒரு லட்சம் ரூபாய் வரை அவர் வாங்கியுள்ளார்.

இந்த நிலையில் அவர் த.ற்.கொ.லை செ.ய்.து.கொ.ண்டுள்ளார். வசந்த்தின் செல்போனில் உள்ள தகவல்களை டிராக் செய்து அதில் இருக்கக்கூடிய தகவல்களை சேகரிக்கும் பணியில் பொலிஸார் ஈடுபட்டு வருகின்றனர். இச்சம்பவம் செங்கல்பட்டில் பரபரப்பை ஏற்படுத்தியுள்ளது.

கிருஷ்ணகிரியில்..

கிருஷ்ணகிரியில் மூன்று வாரங்களுக்கு முன்பு, சொந்த சாதியில் திருமணம்செய்த இளைஞரை, சொத்து இல்லை என்பதற்காக மாமனாரே கழுத்தறுத்து கொலைசெய்த சம்பவத்தின் தாக்கம் இன்னமும் குறையவில்லை.

அதற்குள், கிருஷ்ணகிரி ஊத்தங்கரை அருகே, பட்டியலினப் பெண்ணை திருமணம்செய்ததற்காக, ஈவு இரக்கமின்றி தன்னுடைய மகனையும், தாயையும் அரிவாளால் வெட்டிக் கொன்றுவிட்டு, மருமகளைக் கொல்ல முயன்ற தந்தையின் வெறிச்செயல், பதற்றத்தை ஏற்படுத்தியிருக்கிறது.

தந்தையின் வெறியாட்டம் குறித்து, ஊத்தங்கரை இன்ஸ்பெக்டர் பார்த்திபன் நம்மிடம், ‘‘கிருஷ்ணகிரி மாவட்டம், ஊத்தங்கரை தாலுகா கதவணி ஊராட்சிக்குட்பட்ட அருணபதி கிராமத்தைச் சேர்ந்தவர் தண்டபாணி (50). தையல் தொழிலாளியான இவருக்கு இரண்டு மகள்கள், ஒரு மகன்.

மகன் பெயர் சுபாஷ் (25). தண்டபாணி குடும்பத்துடன், 6 ஆண்டுகளாக திருப்பூரில் வசித்துவருகிறார். அவருடைய, தாய் கண்ணம்மா (62), அருணபதி கிராமத்திலுள்ள வீட்டில் தங்கியிருக்கிறார். தண்டபாணி பிற்படுத்தப்பட்ட பிரிவைச் சேர்ந்தவர்.

எம்.காம் பட்டதாரியான சுபாஷ் (25), திருப்பூரில் பனியன் கம்பெனியில் பணியாற்றி வந்தபோது, அவரது வீட்டுக்கு அருகில் வாடகை வீட்டில் தங்கியிருந்த, அரியலூரைச் சேர்ந்த பட்டியலினப் பெண் ஒருவரைக் காதலித்து வந்திருக்கிறார். மாற்றுச் சாதி என்பதால், இவர்களது காதலுக்கு தண்டபாணி கடும் எதிர்ப்பு தெரிவித்து வந்திருக்கிறார்.

இந்த நிலையில், பெண் வீட்டார் சம்மதத்துடன், இருவரும் மார்ச் 27-ம் தேதி, திருமணம் செய்துகொண்டனர். மாற்றுச் சாதியில் மகன் திருமணம் செய்ததால், ஆத்திரமடைந்த தண்டபாணி மகன், மருமகளைக் கொலைசெய்ய திட்டமிட்டிருக்கிறார்.

அதையடுத்து, தாய் கண்ணமாவிடம் போனில் பேசிய தண்டபாணி, ‘பையனுக்கு கறி சோறு ஆக்கிப்போடலாம், வீட்டுக்கு வரச்சொல்லு’ எனக் கூறியிருக்கிறார். அதை கண்ணம்மா தன்னுடைய பேரனிடம் கூற, அப்பா தனது திருமணத்தை ஏற்றுக்கொண்டார் என்ற எண்ணத்தில், சுபாஷ், தன்னுடைய மனைவியை அழைத்துக்கொண்டு, பாட்டி வீட்டுக்கு கடந்த 14-ம் தேதி வந்திருக்கிறார்.

கறி விருந்து முடிந்து அன்று இரவு, மகன் சுபாஷ், மருமகள், தாய் கண்ணம்மா வீட்டுக்குள் உறங்க, தண்டபாணி அந்த வீட்டுக்கு வெளியில் படுத்திருந்தார். 15-ம் தேதி அதிகாலை, 4:00 மணிக்கு, பனை மரத்தில் நுங்கு சீவப் பயன்படுத்தும் அதீத பதம் உள்ள அரிவாளை எடுத்துக்கொண்டு வீட்டுக்குள் நுழைந்த தண்டபாணி, முதலில் தூங்கிக்கொண்டிருந்த தனது மகனை, அரிவாளால் கழுத்தில் பலமாக இருமுறை வெட்டியிருக்கிறார்.

சத்தம் கேட்டு எழுந்த தன்னுடைய தாய் கண்ணம்மாவையும் கழுத்தில் சரமாரியாக வெட்டியிருக்கிறார். மரண ஓலம் கேட்டதும், தூக்கத்திலிருந்து எழுந்த சுபாஷின் மனைவி, தண்டபாணியின் செயலைப் பார்த்து அதிர்ந்து, அங்கிருந்த தப்ப முயன்று வீட்டைவிட்டு வெளியே ஓடியிருக்கிறார்.

அப்போது, அவரையும் துரத்திச்சென்று கழுத்து, முகத்தில் வெட்டியதும், அந்தப் பெண் நிலை தடுமாறி விழுந்திருக்கிறார். மூவரும் இறந்துவிட்டனர் எனக் கருதி, தண்டபாணி அங்கிருந்து, நடந்தே ஊத்தங்கரை – திருப்பத்தூர் ரோட்டுக்கு வந்திருக்கிறார்.

இந்தக் கோர கொலைவெறித் தாக்குதலில், சுபாஷ், கண்ணம்மா சம்பவ இடத்திலேயே இறந்துவிட்ட நிலையில், உயிர் பிழைத்திருந்த இளம்பெண் தன்னுடைய கணவரின் சட்டையை எடுத்து, கழுத்தைச் சுற்றி கட்டிக்கொண்டு உதவி கேட்டு, அவர்களின் வீட்டுக்கு அருகில், 400 மீட்டர் தொலைவிலுள்ள உலர் களத்துக்கு நடந்து சென்று அங்கு மயங்கி விழுந்திருக்கிறார். அந்த வழியாக வந்த மக்கள் அவரை மீட்டு, போலீஸ் ஸ்டேஷனுக்குத் தகவல் கொடுத்திருக்கின்றனர்.

அங்குள்ள மெயின் ரோட்டுக்கு வந்த தண்டபாணி, பஸ் பிடித்து, மக்கள் திதி கொடுக்கும் அனுமன் தீர்த்தம் கேயிலுக்குச் சென்று, தலைமுழுகிவிட்டு, மீண்டும் அங்கிருந்து தீர்த்தமலை கோயிலுக்குச் சென்றுவிட்டு அங்கும் தலை முழுகியிருக்கிறார்.

பிறகு, மனவிரக்தியில் அரிவாளால் கழுத்தை அறுத்து தற்கொலைக்கு முயன்றார் தண்டபாணி. காயங்களுடன் ஊத்தங்கரை பஸ் ஸ்டாண்டு அருகே இருந்தபோது, அவரைக் கைதுசெய்து சிகிச்சைக்காக மருத்துவமனைக்கு அனுப்பியிருக்கிறோம்.

கழுத்தில் படுகாயம், மூன்று விரல்கள் துண்டான நிலையில் சேலம் மருத்துவமனையில் இளம்பெண்ணும், காயங்களுடன் கிருஷ்ணகிரி மருத்துவமனையில் தண்டபாணியும் சிகிச்சை பெற்று வருகின்றனர். சிகிச்சை முடிந்ததும், இருவரிடமும் முழு விசாரணை நடத்தப்படும். மாற்றுச் சாதி என்ற ஒற்றை காரணத்துக்காக, மகன், தாயைக் கொன்றிருக்கிறார் தண்டபாணி’’ என்றார், விரிவாக.

மருத்துவமனையிலுள்ள தண்டபாணியிடம் போலீஸார் பேசியபோது, ‘‘அந்தப் பொண்ணு நம்ம குடும்பத்துக்கு ஆகாதுனு, நான் ரொம்ப நாளா சொல்லியும் என் பையன் கேட்கல. ஊருக்குள்ள எல்லாரும் ஒரு மாதிரி பேசுனாங்க, அதான் கோபத்துல கொன்னுட்டேன்” என வாக்குமூலம் அளித்திருக்கிறார்.

ஊரிலுள்ள மக்களிடம் நாம் பேசியபோது, ‘‘ஏரிக்கரையோரம் இருக்கும் கண்ணம்மா வீட்டைச் சுற்றி, 400 மீட்டருக்கு வேறு வீடுகள் இல்லாததால், கொலை நடந்தது யாருக்கும் தெரியவில்லை. தண்டபாணி குடும்பம் ஊருக்குள் அமைதியாக வாழும் குடும்பம். அமைதியாகவே இருக்கும் தண்டபாணி, மாற்று சாதியில் திருமணம் செய்ததால் தன்னுடைய மகனையே கொலைசெய்தது அதிர்ச்சியாகவே இருக்கிறது.

ஆனால், சுபாஷின் தங்கை சமீபத்தில், மிகவும் பிற்படுத்தப்பட்ட பிரிவிலுள்ள ஒருவரை காதல் திருமணம் செய்திருக்கிறார். அதை ஏற்றுக்கொண்ட தண்டபாணி, மகன் பட்டியலினப் பெண்ணை திருமணம் செய்ததை ஏற்றுக்கொள்ளாமல் கொலைசெய்தது ஆச்சர்யமாக இருக்கிறது’’ என்றனர்.