தவமாய் தவமிருந்து, செங்காத்து பூமியிலே, வெண்ணிலா வீடு போன்ற படங்களில் செந்தில் நடித்துள்ளார். கேரளாவை சேர்ந்த ஸ்ரீஜா 30க்கும் மேற்பட்ட தொடர்கள், சில வெப் சீரிஸ்களிலும் நடித்துள்ளார்.
நடிகர் செந்தில் – ஸ்ரீஜா தம்பதி வளைகாப்பு புகைப்படங்களை பகிர்ந்துள்ளது. சரவணன் மீனாட்சி தொடர் மூலம் பிரபலமானவர் ஸ்ரீஜா. இதில் அவருக்கு ஜோடியாக செந்தில் நடித்திருந்தார்.
இந்த ஜோடிக்கு ரசிகர்கள் இடையில் பெரும் வரவேற்பு இருந்த நிலையில், இருவரும் 2014ஆம் ஆண்டு காதலித்து திருமணம் செய்து கொண்டனர். இந்த நிலையில் திருமணமாகி 8 ஆண்டுகளுக்கு பிறகு நடிகை ஸ்ரீஜா கர்ப்பம் ஆகியுள்ளார்.
அவருக்கு வளைகாப்பு நடந்துள்ள முடிந்துள்ளதாக, அவரது கணவர் செந்தில் புகைப்படங்களை சமூக வலைதளத்தில் வெளியிட்டுள்ளார்.
அத்துடன் அவர், ‘நாங்கள் விரைவில் பெற்றோராக போகிறோம், எங்களுக்கு பிரார்த்தனை செய்யுங்கள்’ என குறிப்பிட்டுள்ளார். இந்த பதிவைப் பார்த்த ரசிகர்கள் நட்சத்திர தம்பதிக்கு வாழ்த்துக்களை தெரிவித்து வருகின்றனர்.
ஒருவரது வாழ்க்கை என்பது எப்போதுமே நினைத்தது போல முன்னேறி சென்று விடாது. எதிர்பாராத நேரத்தில், எதிர்பாராத சம்பவங்கள் அரங்கேறிக் கொண்டு தான் இருக்கும்.
அப்படி தான், அசாம் மாநிலத்தை சேர்ந்த நிர்மலி என்ற பெண்ணின் வாழ்க்கையும் இருந்துள்ளது. நிர்மலியின் முதல் திருமணம் அவருக்கு சிறந்த ஒன்றாக அமையவில்லை என கூறப்படுகிறது.
இதனைத் தொடர்ந்து, தன்னுடைய 20 ஆவது வயதில் தனது மகளோடு கணவரின் வீட்டை விட்டும் வெளியேறி உள்ளார் நிர்மலி. மிகவும் இளம் வயதிலேயே நிர்மலிக்கு இப்படி ஒரு நிலை வந்ததால், அதைக் கடந்து வாழ்வில் முன்னேறுவும் நிர்மலி முடிவு செய்துள்ளார்.
அதன் படி, ஒரு பக்கம் வேலை செய்து கொண்டே மறுபக்கம் அவர் படிக்கவும் ஆரம்பித்ததாக தகவல்கள் தெரிவிக்கின்றது. இப்படியே பல ஆண்டுகள், நிர்மலியின் வாழ்க்கையும் கடந்து விட்டது.
அதே போல, நிர்மலிக்கு பைக் ஓட்டுவது என்பது மிகவும் பிடித்தமான விஷயமாக இருந்துள்ளதாகவும் சொல்லப்படுகிறது. மேலும், பைக்கில் பல இடங்களில் அவர் பயணம் மேற்கொண்டதையும் வழக்கமாக கொண்டு வந்ததாக தெரிகிறது.
அப்படி ஒரு பயணத்தின் போது, வாலிபர் ஒருவரை நிர்மலி சந்தித்துள்ளார். மேலும், அவருடன் நிர்மலிக்கு காதலும் உருவாகி உள்ளதாக தகவல்கள் தெரிவிக்கின்றது. இருவருக்கு இடையே பின் காதலும் உருவாகி உள்ள நிலையில், அவர்கள் திருமணம் செய்து கொள்ளவும் விரும்பி உள்ளனர்.
மறுபக்கம், தனது 20 வயதான மக்களிடம் நிர்மலி தனது திருமணத்திற்கான சம்மதத்தையும் கேட்டுள்ளார். தாயின் இரண்டாவது திருமணத்திற்கு எந்தவித தயக்கமும் இன்றி சம்மதமும் கூறி உள்ளார் நிர்மலியின் மகள். இதன் பின்னர், அவர் காதலித்த வாலிபருடன் நிர்மலியின் மகள் முன்பு வைத்தே திருமணம் நிகழ்ந்துள்ளது.
தனது தாயின் திருமணத்தில் மகள் இருக்கும் புகைப்படமும் இணையத்தில் அதிகம் வைரலாகி வருகிறது. தாய்க்கு இரண்டாம் திருமணம் செய்து வைத்த மகளை பலரும் பாராட்டியும் வருகின்றனர். அதே வேளையில், இத்தனை துயர்கள் கடந்து தனக்கு பிடித்தது போல வாழ்க்கையை மாற்றி உள்ள நிர்மலியின் திறனையும் பலர் பாராட்டி வருகின்றனர்.
வரலாறு காணாத விலை உயர்வை அடைந்திருந்த தங்கத்தின் விலை தற்போது படிப்படியாக குறைவடைந்து வருகின்றது. இந்த நிலையில், உலக சந்தையில் நாளுக்கு நாள் தங்கத்தின் விலை ஏற்ற, இறக்கத்துடன் பதிவாகி வருகின்றது.
இதன்படி, இன்றையதினம் ஒரு அவுன்ஸ் தங்கத்தின் விலை இலங்கை ரூபாவின் படி 605,891 ரூபாவாக பதிவாகியுள்ளது. இலங்கையில் கடந்த மாதங்களை விட தற்போது தங்கத்தின் விலையில் நாளுக்கு நாள் பாரிய வீழ்ச்சி பதிவாகி வருகின்றது.
கடந்த காலங்களை விட தற்போது தங்கத்தின் விலை கணிசமான அளவு குறைந்துள்ளதாக உள்ளூர் தங்க விற்பனையாளர்களும் தெரிவித்துள்ளனர். இலங்கையில் தங்க நிலவரத்தின்படி, 24 கரட் தங்கப் பவுண் ஒன்று 171,000 ரூபாவாக பதிவாகியுள்ளது. அதேபோல 22 கரட் தங்கப் பவுண் ஒன்று 156,800 ரூபாவாக பதிவாகியுள்ளது.
எனினும், ஆபரணத் தங்கத்தின் விலை இந்த விலைகளில் இருந்து மாற்றம் பெறும் என அறிவிக்கப்பட்டுள்ளது. இதேவேளை, கடந்த மாதங்களில் 22 கரட் தங்கப் பவுண் ஒன்று வரலாறு காணாத வகையில் உயர்ந்து 200,000 ரூபாவை எட்டியிருந்தது.
எனினும், அடுத்து வந்த சில நாட்களில் 20 தொடக்கம் 40 ஆயிரம் ரூபாவால் இலங்கையில் தங்கத்தின் விலை குறைவடைந்து தற்போது 160,000 என்பதை அண்மித்த விலையில் விற்பனை செய்யப்படுகின்றது.
ஈரானில் ஹொட்டலில் ஹிஜாப் அணியாமல் உணவு சாப்பிட்ட பெண் கைது செய்யப்பட்டுள்ளார். ஈரானில் ஹிஜாப் அணிய எதிர்ப்பு தெரிவித்து பெண்கள் போராட்டம் நடத்தி வருகின்றனர்.
கடந்த சில நாட்களுக்கு முன்பு ஹிஜாப் அணிய மறுத்த மாஷா அமினி என்ற இளம்பெண்ணை பொலிசார் கைது செய்தனர். விசாரணையின் போது அவர் திடீரென இறந்தார்.
பொலிசார் அவர் மாரடைப்பால் இறந்ததாக தெரிவித்தனர். ஆனால் அவரை அடித்து கொன்றதாக குற்றச்சாட்டு எழுந்துள்ளது. இதையடுத்து ஈரான் முழுவதும் போராட்டம் வெடித்து உள்ளது.
இந்தநிலையில் ஈரானை சேர்ந்த டோனியோ ராட் என்ற பெண் தனது தோழி பணிபுரியும் கம்பெனியில் உள்ள உணவகத்துக்கு காலை சிற்றுண்டி சாப்பிட சென்றார்.
அப்போது அவர் தலையில் முக்காடு அணியாமல் சாப்பிட்டார். இந்த படங்களை அவர் சமூக வலைதளங்களில் வெளியிட்டார். இது வைரலாக பரவியது. இது தொடர்பாக பொலிசார் அவரிடம் விளக்கம் கேட்டனர். ஆனால் அதற்கு அவர் எந்த பதிலும் தெரிவிக்கவில்லை.
தனது 4 வயது மகளை மீட்க 7 மாத கைக்குழந்தையோடு தாய் ஒருவர் ஆற்றில் குதித்ததால், இரண்டு குழந்தைகளும் சம்பவ இடத்திலேயே உயிரிழந்துள்ள சம்பவம் நெல்லையில் சோகத்தை ஏற்படுத்தியுள்ளது.
நெல்லை மாவட்டம் சுத்தமல்லி பகுதியைச் சேர்ந்தவர் கண்ணன் – மாரியம்மாள் தம்பதியினர். இவர்களுக்கு மாதுரி தேவி (வயது 4) மற்றும் நிரஞ்சனி (வயதி 7) என்று இரண்டு பெண் குழந்தைகள் உள்ளனர்.
நெல்லை டவுன் ஜவுளிக்கடை ஒன்றில் ஊழியராக வேலை பார்த்து வரும் கண்ணன், தனது தாய், தந்தை, மனைவி, குழந்தைகள் என கூட்டு குடும்பமாக வாழ்ந்து வருகிறார்.
இந்த நிலையில் இன்று காலை மாரியம்மாள் தனது இரு குழந்தைகளை ஆட்டோவில் கூட்டிக்கொண்டு சுத்தமல்லி அணைக்கட்டினை பார்க்க சென்றுள்ளார். அப்போது 4 வயதுடைய சிறுமி அங்கிருந்த அணைக்கட்டு பகுதியில் ஆற்றினை பார்த்தவாறு சென்றபோது நிலை தடுமாறி தவறி விழுந்ததாக கூறப்படுகிறது.
இதனை கண்ட தாய் மாரியம்மாள், உடனே மகளை காப்பாற்ற தனது கைக்குழந்தையோடு ஆற்றில் இறங்கியுள்ளார். அப்போது நீரில் மூழ்கி மூச்சு திணறி கைகுழந்தையும் பரிதாபமாக பலியானது.
இதையடுத்து இதுகுறித்து பேட்டை, சேரன்மகாதேவி தீயணைப்பு நிலையத்திற்கு தகவல் தெரிவிக்கப்பட்டதையடுத்து விரைந்து வந்த அவர்கள் சிறுமியை தேடும் முயற்சியில் ஈடுபட்டனர்.
நீண்ட நேரம் தேடிய பிறகே ஆற்றில் விழுந்த சிறுமி மாதுரிதேவியின் உடல் சுத்தமல்லி அணைக்கட்டு மதகின் அருகே 100 மீட்டர் தொலைவில் இறந்த நிலையில் மீட்கப்பட்டது.
பின்னர் மீட்கப்பட்ட உடல்களை உடற்கூறாய்வுக்கு அனுப்பப்பட்டு விசாரணை மேற்கொண்டு வருகின்றனர். இந்த சம்பவம் அந்த பகுதியில் பெரும் சோகத்தை ஏற்படுத்தியுள்ளது.
லிட்ரோ எரிவாயு விலை குறைப்பு தொடர்பில் சற்றுமுன் அறிவிப்பொன்று வெளியாகியுள்ளது. அதன்படி சமையல் எரிவாயு விலையை குறைப்பதற்கு தீர்மானிக்கப்பட்டுள்ளதாக லிட்ரோ நிறுவனம் அறிவித்துள்ளது.
எதிர்வரும் அக்டோபர் 5ஆம் திகதி முதல் நடைமுறைக்கு வரும் வகையில் இந்த விலை குறைப்பு மேற்கொள்ளப்படவுள்ளதாக தெரிவிக்கப்பட்டுள்ளது.
லிட்ரோ நிறுவனம் வெளியிட்டுள்ள அறிக்கையில் சுட்டிக்காட்டப்பட்டுள்ளமை குறிப்பிடத்தக்கது. மேலும், குறைக்கப்பட்ட விலை தொடர்பான விபரங்கள் பின்னர் அறிவிக்கப்படும் எனவும் சுட்டிக்காட்டப்பட்டுள்ளது.
கல்விப்பொதுத் தராதர உயர்தர பரீட்சை திகதியை பிற்போட்டால் 10ஆயிரம் பாடசாலைகளை ஒரு மாத காலத்துக்கு மூடவேண்டிய நிலைமை ஏற்படும் என கல்வி அமைச்சர் சுசில் பிரேமஜயந்த தெரிவித்தார். நாடாளுமன்றத்தில் இன்றைய தினம் கருத்து தெரிவிக்கும் போதே அவர் இந்த விடயத்தை கூறியுள்ளார்.
மேலும் தெரிவிக்கையில், க.பொ.த உயர்தர பரீட்சையை இரண்டு மாதங்களுக்கு பிற்படுத்தினால் 10ஆயிரம் பாடசாலைகள் ஒரு மாதகாலத்துக்கு மூடவேண்டி ஏற்படுகின்றது. மாணவர்களுக்கு ஏற்கனவே பாடசாலை நாட்கள் குறைவாகவே காணப்படுகின்றன.
ஒரு மாதத்துக்கு பாடசாலைகளை மூடிவிடுவதால் மாணவர்களின் பாடத்தவணைகளை உரிய காலத்துக்கு முடித்துக் கொள்ள முடியாமல் போகின்றது. அதேநேரம் பாடசாலை நேர அட்டவணைக்கும், பரீட்சை நேர அட்டவணைக்கும் இடையில் முரண்பாடு ஏற்படுகின்றது.
அத்துடன் உயர்தர பரீட்சையை இரண்டு மாதங்களுக்கு பிற்போடுவதனால் அடுத்து இடம்பெற ஏற்பாடாகி இருக்கின்ற க.பொ.த சாதாரண தர பரீட்சையை நடத்த முடியாமல் போகின்றது. இவ்வாறு சென்றால் ஒரு நிலைமைக்கு கொண்டுவர முடியாமல் போகும்.
கோவிட் தொற்று காரணமாக அனைத்து பரீட்சைகளும் பிற்போடப்பட்டிருந்தன, அதனால் ஏற்பட்ட இந்த பிரச்சினையை தற்போதுதான் ஓரளவுக்கு சரி செய்து வருகின்றோம்.
அத்துடன் உயர்தர பரீட்சையை டிசம்பர் மாதத்தில் நடத்துவதால் குறிப்பிட்ட சில மாணவர்களுக்கே கஷ்டமான நிலை ஏற்படுகின்றது. முதல் தடவையாக பரீட்சை எழுதும் மாணவர்களுக்கு எந்த பிரச்சினையும் இல்லை.
இரண்டாம் முறை பரீட்சை எழுதுவதற்கு எதிர்பார்த்திருக்கும் மாணவர்களுக்கு பரீட்சைக்கு தயாராவதற்கு 3 மாதம் வரை காலம் இருக்கின்றது.
அவர்கள் பரீட்சைக்கான பாடநெறியை பூரணப்படுத்தி இருக்கின்றனர். என்றாலும் பரீட்சை விடயதானங்களை மாற்றி பரீட்சைக்கு முகம்கொடுப்பவர்களுக்கு சற்று சிரமம் ஏற்படலாம்.
அத்துடன் பரீட்சைகளை பிற்படுத்தும்போது அடுத்த வருட புதிய பாடசாலை தவணையை மார்ச் மாதம் 28ஆம் திகதி ஆரம்பிக்க முடியாமல் போகும்.
கடந்த வருடம் புதிய பாடசாலை தவணை ஏப்ரல் மாதத்திலேயே ஆரம்பிக்கப்பட்டது. அதனால் இரண்டு தவணைகளையே எமக்கு பூரணப்படுத்த முடிந்தது. அடுத்த வருடமும் இந்த நிலையே ஏற்படும்.
என்றாலும் நாடாளுமன்ற உறுப்பினர்களின் கோரிக்கைக்கு அமைய, உயர்தர பரீட்சை திகதியில் மாற்றத்தை செய்ய முடியுமா என பரீட்சை திணைக்களத்திடம் முன்வைக்கின்றேன்.
திகதியில் மாற்றம் ஏற்படும் போது ஏனைய மாணவர்களுக்கும் அநீதி ஏற்படக்கூடாது என்பதையும் கவனத்தில் கொள்ள வேண்டி இருக்கின்றது என குறிப்பிட்டுள்ளார்.
தமிழகத்தில் அழகு நிலைய பெண்ணை கடத்தி சென்று அடைத்து வைத்து சித்ரவதை செய்வதாக அவர் வெளியிட்ட வீடியோவால் பரபரப்பு ஏற்பட்டுள்ளது. திருப்பூர் மாவட்டம் பல்லடம் அருகே வடுகபாளையம் பகுதியை சேர்ந்தவர் சேகர். இவரது மனைவி பிரவீனா. கணவர் வெளியூரில் வேலை பார்த்துவருகிறார்.
பிரவீனா மங்கலம் சாலை பகுதியில் பியூட்டி பார்லர் அழகு நிலையம் நடத்தி வந்தார். இந்த நிலையில் பிரவினாவின் தாய் சிலோ மீனா என்பவர் பல்லடம் பொலிசில் தனது மகளை இரண்டு நாட்களாக காணவில்லை அவளை கண்டுபிடித்து தரும்படி புகார் செய்தார்.
புகாரின் அடிப்படையில் பொலிசார் வழக்குப்பதிவு செய்து காணாமல் போன பிரவீனாவை தேடி வந்தனர். பொலிசார் பிரவீனாவை தேடி வரும் நிலையில் ஒரு வீடியோ ஒன்று சமூக வலைதளங்களில் வைரலானது, அதில் பிரவீனா பேசியிருப்பதாவது, தமிழ்செல்வி என்பவரது கணவர் சிவகுமார் டெக்ஸ்டைல்ஸ் தொழில் செய்யலாம் என்று என்னிடம் வீட்டை வங்கி கடன் வைத்து ரூ.75000 வரை பெற்று கொண்டார்.
மேலும் சுமார் 3 கோடி ரூபாய் பணம் வரை பெற்றுக்கொண்டார். தனது வீட்டு சொத்து பத்திரம் ஏலத்துக்கு வந்த நிலையில் பணத்தை திருப்பி கேட்க முயன்ற போது தொழில் விஷயமாக வெளியூர் அழைத்துச் செல்வதாக கூறி அழைத்துச் சென்று திருச்சி பகுதியில் தன்னை அடைத்து வைத்து சில பத்திரங்களில் கையெழுத்து பெற்றுக்கொண்டதாகவும், மேலும் தன் தாய் தந்தையிடம் தனக்கு அவப்பெயரை ஏற்படுத்தி விட்டார்.
என்னை எப்படியாவது சிவக்குமாரிடம் இருந்து காப்பாற்றி விடுங்கள். நான் உங்களை சொந்த அண்ணனாக நினைத்து கேட்கிறேன். அவன் என்னை ரொம்ப சித்ரவதை செய்கிறான்.
தினம் தினம் என்னை கெஞ்ச வைக்கிறான் என கண்ணீர்மல்க பேசியிருந்தார். இதையடுத்து பிரவீனாவை காப்பாற்றும் நடவடிக்கையில் பொலிசார் ஈடுபட்டுள்ளனர்.
புதுச்சேரி வினோபா நகர் பொய்யாகுளம் பகுதியை சேர்ந்தவர் மதிவாணன் (வயது 38). ஆட்டோ டிரைவர். இவருக்கு 2 மனைவிகள் உள்ளனர். இதில் 2-வது மனைவி லட்சுமி என்ற வள்ளியம்மை (32). இவர் கொக்கு பார்க் பகுதியில் பூ வியாபாரம் செய்து வந்தார்.
இவர்களுக்கு 2 மகன்கள் உள்ளனர். முதல் மனைவி மேட்டுப்பாளையம் பகுதியில் 2 மகள்களுடன் வசித்து வருகிறார். இந்தநிலையில் மதிவாணனுக்கு 2-வது மனைவி லட்சுமியின் நடத்தையில் சந்தேகம் ஏற்பட்டது. இதனால் கணவன், மனைவி இடையே அடிக்கடி தகராறு ஏற்பட்டு வந்தது.
இதற்கிடையே மதிவாணன், லட்சுமிக்கு இடையே மீண்டும் தகராறு ஏற்பட்டு உள்ளது. இதில் ஆத்திரமடைந்த மதிவாணன் வீட்டில் இருந்த மரக்கட்டையால் லட்சுமியை தலையில் பலமாக அடித்தார். இதில் அவர் ரத்தவெள்ளத்தில் சரிந்து விழுந்த சம்பவ இடத்திலேயே பரிதாபமாக இறந்தார்.
இதனால் பயந்துபோன மதிவாணன் அங்கிருந்து தப்பி ஓடிவிட்டார். இதுகுறித்து தகவல் அறிந்தவுடன் கோரிமேடு போலீஸ் இன்ஸ்பெக்டர் பாலமுருகன் தலைமையிலான போலீசார் சம்பவ இடத்திற்கு விரைந்து வந்தனர்.
பின்னர் லட்சுமியின் உடலை மீட்டு பிரேத பரிசோதனைக்காக கதிர்காமம் அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து தப்பிஓடிய மதிவாணனை கைது செய்தனர்.
தமிழகத்தின் ஒரே பெண் நான்கு ஆண்களை மணந்து கொண்டு பண மோசடி செய்த சம்பவத்தின் அதிரவைக்கும் பின்னணி வெளியாகியுள்ளது. இதோடு அப்பெண் சுழற்சி முறையில் நான்கு பேருடன் குடும்பம் நடத்தியதும் தெரியவந்துள்ளது.
ஈரோடு மாவட்டத்தை சேர்ந்தவர் சரவணன் (35). இவருக்கு திருமணம் செய்வதற்காக தரகர் மூலம் பெண் பார்த்துள்ளனர். அப்போது தஞ்சாவூர், அய்யம்பேட்டையை சேர்ந்த சரிதா என்ற பெண் இருப்பதாக தகவல் வந்துள்ளது.
மேலும் சரிதா ஏழை குடும்பத்தை சேர்ந்தவர் என்றும், அவரது பெற்றோர் இறந்து விட்டதாகவும் தரகர் மூலம் தெரியவந்தது. இந்த திருமணத்திற்கு தரகர் ரூ 1 லட்சத்து 20 ஆயிரம் கமிஷன் கேட்டுள்ளார். பின்னர் கடந்த 20-ம் திகதி இருவருக்கும் ஒரு கோயிலில் வைத்து திருமணம் நடந்தது.
ஒருநாள் மனைவி சரிதாவின் மொபைலுக்கு வாட்சப்பில் ஒரு வாய்ஸ் மெசேஜை சரவணன் பார்த்த போது அவருக்கு அதிர்ச்சி காத்திருந்தது. அதில், இங்கு இருந்து வெளியே வரமுடியவில்லை என்றும், சரவணனிடம் பெரிய தொகை எதுவும் இல்லை என்றும் சரிதா கூறியுள்ளார்.
தனக்கு அடுத்ததாக வயதான ஒருவரை திருமணம் செய்ய ஏற்பாடு செய்யுமாறும், அந்த திருமணம் முடிந்தபின் அவரிடமிருந்து பிரிந்து வந்து மீண்டும் சரவணணிடமே இருக்க விரும்புவதாகவும் தெரிவித்தார்.
இது குறித்து சரவணன் தனது நண்பர்களிடம் கூற, அவர்கள் கொடுத்த ஐடியா படி தனது நண்பர் ஒருவருக்கு பெண் பார்ப்பதாகவும், எதாவது பெண் இருந்தால் கூறுமாறும், தனது மனைவியிடம் கூறியுள்ளார்.
அவர் தனது பெரியம்மாவிடம் கூறி அவர் வேறொரு பெண்ணை அறிமுகம் செய்துள்ளார். பின்னர் அவரை இங்கே அழைத்து வர சரவணன் கூறியதையடுத்து பெண் தரகர் உள்ளிட்ட அனைவரும் வந்துள்ளனர். அப்போது மனைவி உள்ளிட்ட அனைவரையும் கையும் களவுமாக பிடித்து காவல்துறையில் ஒப்படைத்தனர்.
விசாரணையில் சரிதா என்பவர் இதுவரை நான்கு பேரை திருமணம் செய்து அவர்களுடமிருந்து விலகி வந்து, தற்போது சரவணனை திருமணம் செய்தது அம்பலமாகியது.
அவர்களுடன் சுழற்சி முறையில் குடும்பம் நடத்தியிருக்கிறார் எனவும் தெரியவந்தது. மோசடி கும்பலை கைது செய்த பொலிசார் தொடர்ந்து விசாரித்து வரும் நிலையில் மேலும் பல பகீர் தகவல்கள் வெளியாகும் என எதிர்பார்க்கப்படுகிறது.
கொழும்பு – வத்தளை தனியார் வைத்தியசாலையொன்றில் வைத்தியரின் அலட்சியத்தால் இளம் பெண் ஒருவர் உயிரிழந்தமை பெரும் சர்ச்சையை ஏற்படுத்தியுள்ளது.
இந்நிலையில், தனியார் வைத்தியசாலை ஒன்றின் கவனயீனம் காரணமாக உயிரிழந்ததாக கூறப்படும் ஹர்ஷனி தர்மவிக்ரமவின் உறவினர்கள் நேற்று (01.10) பொலிஸில் முறைப்பாடு செய்துள்ளனர்.
இதன்போது சட்டத்தரணிகளுடன் வத்தளை பொலிஸ் நிலையத்திற்கு வந்த அவரது குடும்பத்தினர் இது தொடர்பான முறைப்பாட்டை பதிவு செய்துள்ளனர்.
வத்தளையில் உள்ள தனியார் வைத்தியசாலையொன்றில் மேற்கொள்ளப்பட்ட சத்திரசிகிச்சையின் போது கவனக்குறைவால் உயிரிழந்துள்ளதாக அவர்கள் குற்றம் சுமத்தியுள்ளனர்.
கடந்த மாதம் 13ஆம் திகதி ஜா-எல, தெலத்துர பகுதியைச் சேர்ந்த புத்திகா ஹர்ஷனி தர்மவிக்ரம என்ற பெண் திருமணமாகி 17 நாட்களில் ஏற்பட்ட சிறு நோய்க்கு சிகிச்சை பெற மருத்துவமனைக்கு சென்றிருந்தார்.
இதன்போது வத்தளையில் உள்ள பிரபல தனியார் மருத்துவமனையில் பித்தப்பை கல் அகற்றும் அறுவை சிகிச்சைக்காக அனுமதிக்கப்பட்டுள்ளார். எனினும் அறுவை சிகிச்சையில் ஏற்பட்ட தவறு காரணமாக அவர் தீவிர சிகிச்சை பிரிவில் பல நாட்கள் உயிருக்கு போராடி வந்துள்ளார்.
அதன் பின்னர் ராகம போதனா வைத்தியசாலையின் அதிதீவிர சிகிச்சைப் பிரிவில் அனுமதிக்கப்பட்டிருந்த நிலையில் கடந்த 25ஆம் திகதி அவர் உயிரிழந்துள்ளார்.
இந்நிலையில், தனியார் மருத்துவமனையில் அவருக்கு அறுவை சிகிச்சை செய்த வைத்தியரின் அலட்சியத்தால் இந்த மரணம் நிகழ்ந்ததாக குடும்பத்தினர் குற்றம் சுமத்தியுள்ளனர்.
குறித்த பெண்ணின் மரணத்திற்கு பின்னர் அறுவை சிகிச்சை செய்த வைத்தியர் குறித்து சமூக வலைதளங்களில் பல்வேறு செய்திகள் பரவி வரும் நிலையில்,உறவினர்கள் பொலிஸில் முறைப்பாடு செய்துள்ளனர்.
கம்பஹா – மீரிகம,தங்ஹோவிட பிரதேசத்தில் இன்று அதிகாலை பொலிஸார் நடத்திய துப்பாக்கி பிரயோகத்தில் குறி தவறியதில் அனுராபுரத்தில் இருந்து கொழும்பு நோக்கி சென்ற பயணிகள் பேருந்தில் பயணித்துக்கொண்டிருந்த யுவதியொருவர் உயிரிழந்த சம்பவம் பெரும் பரபரப்பை ஏற்படுத்தியுள்ளது.
இந்நிலையில், பொலிஸாரின் துப்பாக்கி பிரயோகத்தில் உயிரிழந்த யுவதி தொடர்பில் பல தகவல்கள் வெளியாகியுள்ளன. பெந்தோட்ட – ஹபுருகல பிரதேசத்தைச் சேர்ந்த 29 வயதுடைய இரேஷா ஷியாமலி என்ற பட்டதாரியான யுவதியே இவ்வாறு உயிரிழந்துள்ளார்.
சம்பவத்தில் உயிரிழந்த யுவதி தனது சகோதரர் மற்றும் சகோதரியுடன் கம்பஹா பகுதியிலுள்ள ஆலயமொன்றிற்கு சென்று பூஜை வழிபாடுகளில் ஈடுபட்டு வீடு திரும்பிய போதே இந்த சம்பவம் இடம்பெற்றுள்ளதாக உயிரிழந்த யுவதியின் தாயார் தெரிவித்துள்ளார்.
குறித்த யுவதி பேருந்தின் பின் பக்க ஆசனத்தில் அமர்ந்திருந்த நிலையில் இவ்வாறு துப்பாக்கி சூட்டுக்கு இலக்காகி உயிரிழந்துள்ளமை விசாரணையில் தெரியவந்துள்ளது.
கம்பஹா – தங்கொவிட்டவில் உள்ள மதுபானசாலையொன்றில் கொள்ளையிடும் நோக்கில் காரில் சிலர் வந்துள்ளதாக பொலிஸாருக்கு கிடைத்த தகவலின் பிரகாரம் தங்கொவிட்ட பொலிஸ் உத்தியோகத்தர் குழுவொன்று குறித்த இடத்திற்கு வந்துள்ளது.
இதன்போது தப்ப முயன்ற கொள்ளையர்களை பிடிக்க பொலிஸார் துப்பாக்கி பிரயோகம் மேற்கொண்ட நிலையில்,அருகில் சென்ற பேருந்தில் பயணித்த யுவதி அங்கு துப்பாக்கிச் சூட்டுக்கு இலக்காகி வைத்தியசாலைக்கு கொண்டு செல்லும் போது உயிரிழந்திருந்தமை குறிப்பிடத்தக்கது.
இதன்போது துப்பாக்கிச்சூட்டுக்கு இலக்கான இரண்டு கொள்ளையர்களும் காயமடைந்த நிலையில் ராகம வைத்தியசாலையில் சிகிச்சை பெற்று வருகின்றனர்.
இலங்கையின் பிரபல நடிகர் தர்ஷன் தர்மராஜ் (Darshan Dharmaraj) மாரடைப்பு காரணமாக திடீர் சுகவீனமுற்ற நிலையில் தமது 41 ஆவது வயதில் காலமானார்.
இரத்தினபுரி, இறக்குவானை பிரதேசத்தை பிறப்பிடமாகக் கொண்ட அவர், திடீர் சுகயீனம் காரணமாக வைத்தியசாலையில் அனுமதிக்கப்பட்ட நிலையில் உயிரிழந்ததாக தகவல்கள் தெரிவிக்கின்றன.
சிட்னி சந்திரசேகர என்பவரினால் 2008 ஆம் ஆண்டு இயக்கப்பட்ட சிங்கள சின்னத்திரை நாடகமான ஏ9 மூலம் தர்ஷன் தர்மராஜ் அறிமுகமானார். அவர் தமது சினிமா பயணத்தை அதே ஆண்டில் ‘பிரபாகரன்’ என்ற சிங்கள மொழித் திரைப்படத்தில் ஆரம்பித்தார்.
இலங்கை தமிழர்கள் மத்தியில் பிரபலமடைந்த சிங்கள திரைப்படங்களான இனியவன், சுனாமி போன்ற திரைப்படங்களிலும் அவர் நடித்துள்ளார். அத்துடன், இலங்கையில் உருவான கோமாளி கிங்ஸ் என்ற பிரபல தமிழ் மொழி திரைப்படத்திலும் தர்ஷன் தர்மராஜ் நடித்துள்ளார்.
இந்தநிலையில் அவரது பூதவுடல் பிரேத பரிசோதனைகளுக்காக கொழும்பு தேசிய வைத்தியசாலையில் வைக்கப்பட்டுள்ளது. இதனையடுத்து இன்று மாலை 6 மணி முதல் அவரது பூதவுடல் சுதர்ஷி கலைஞர் மண்டபத்தில் அஞ்சலிக்காக வைக்கப்படும் என அறிவிக்கப்பட்டுள்ளது.
பின்னர் நாளை மாலை 6 மணியளவில் அவரது பிறப்பிடமான இறக்குவானைக்கு எடுத்து செல்லப்படும். அத்துடன் இறுதி கிரியை தொடர்பான அறிவித்தல் பின்னர் அறிவிக்கப்படும் என அவரது உறவினர்கள் தெரிவித்தனர்.
யாழ்ப்பாணம் வல்வெட்டித்துறையில் இன்றுகாலை தம்பதிகள் உயிரிழந்த நிலையில், அதன் அதிர்ச்சி காரணம் வெளியாகியுள்ளது. அறையில் வைக்கப்பட்டிருந்த பெற்றோலில் தீ பற்றியதால் தூக்கத்திலிருந்த கணவனும் மனைவியும்,
தீக்காயங்களுக்கு உள்ளாகி உயிரிழந்துள்ளதாக கூறப்படுகின்றது. இவ்வாறு சம்பவ இடத்தில் இடம்பெற்ற தடயவியல் விசாரணை மற்றும் உடற்கூற்று பரிசோதனையின் பின் அறிக்கையிடப்பட்டுள்ளது.
வல்வெட்டித்துறை நெடியகாடு பகுதியில் உள்ள வீடொன்றில் கணவனும் மனைவியும் தீக்காயங்களுக்கு உள்ளாகிய நிலையில் சடலமாக இன்று அதிகாலை கண்டறியப்பட்டனர்.
இன்று அதிகாலை 4.15 மணியளவில் இந்தச் சம்பவம் இடம்பெற்றதாக பொலிஸார் தெரிவித்தனர். சம்பவத்தில் வல்வெட்டித்துறை நெடியகாடு, ஏஜிஏ ஒழுங்கையைச் சேர்ந்த சரவணபவா ரஞ்சித்குமார் (வயது -30) அவரது மனைவி கிருசாந்தினி (வயது -26) என்ற இருவருமே சடலமாக மீட்கப்பட்டனர்.
தம்பதி உறங்கிய அறையில் தீ பற்றி எரிவதைக் கண்ட வீட்டிலிருந்தவர் அறையை உடைத்து உள்நுழைந்த போது இருவரும் தீயில் எரிந்து சடலமாகக் காணப்பட்டனர் என்று விசாரணையில் தெரிவிக்கப்பட்டது.
சம்பவ இடத்தில் இடம்பெற்ற தடயவியல் விசாரணையில் அறையில் மின் ஒழுக்கு ஏற்பட்டமை மற்றும் பெற்றொல் பரவியமை தொடர்பில் கண்டறியப்பட்டன. அத்துடன் உயிரிழந்த மனைவியின் கையில் அலைபேசி சார்ஜர் வயர் இருந்துள்ளமை மீட்கப்பட்டது.
இதையடுத்து இன்று மாலை மந்திகை ஆதார மருத்துவமனையில் இடம்பெற்ற உடற்கூற்று விசாரணையில் தீக் காயங்களுக்கு உள்ளாகியமையினால் உயிரிழந்துள்ளனர் என்று அறிக்கையிடப்பட்டுள்ளது.
கணவனின் அலைபேசி கொழும்பில் தவறவிடப்பட்டுள்ளது. அதனால் அவர் சீனாவின் தயாரிப்பிலான அலைபேசி ஒன்றை கொள்வனவு செய்துள்ளார். அந்த அலைபேசி வெப்பமாகி அல்லது சார்ஜர் வெப்பமாகி தீ விபத்து ஏற்பட்டிருக்கலாம் என சந்தேகம் வெளியிடப்பட்டுள்ளது.
மேலும் படுக்கை அறையில் பெரிய கேனிலும் மற்றும் போத்தலிலும் பெற்றோல் சேமித்து வைக்கப்பட்டிருந்துள்ளன என்று தடயவியல் விசாரணையில் அறிக்கையிடப்பட்டுள்ளது.
தந்தையால் அழைத்துச் செல்லப்பட்ட 9 வயது சிறுமி 2 மாதங்களாக காணாமல் போயுள்ளதாகவும், சிறுமியை கண்டுபிடிப்பதற்கு பொதுமக்களின் ஒத்துழைப்பை வழங்குமாறும் தாயார் கோரிக்கை விடுத்துள்ளார்.
முல்லைத்தீவு – ஆரோக்கியபுரம் பகுதியைச் சேர்ந்த துஸ்யந்தன் பூமிகா என்ற 9 வயது சிறுமியே தந்தையால் அழைத்துச் செல்லப்பட்டுள்ளார். இந்நிலையில் கடந்த 29.08.2022 அன்று யாழ்.பருத்தித்துறை பகுதியில் இருந்து சட்டவிரோதமாக அவுஸ்திரேலியா செல்ல முயன்றார்கள்.
இதன்போது, குறித்த சிறுமி மற்றும் அவரது தந்தை சண்முகநாதன் துஸ்யந்தன் வயது 31 என்பவரும் கைது செய்யப்பட்டு, பொலிஸாரால் வழக்குப் பதிவு செய்யப்பட்டது.
இந்நிலையில் மீண்டும் சட்டவிரோதமான முறையில் நாட்டை விட்டு வெளியேற முயற்சிப்பதாக தெரியவந்துள்ளதுடன், தனது மகளை மீட்டுத்தர நடவடிக்கை எடுக்குமாறும் கோரிக்கை விடுத்துள்ளார்.
சிறுமி காணாமல் போனமை தொடர்பில் பருத்தித்துறை, ஐயன்குளம், அக்கராயன் ஆகிய பொலிஸ் நிலையங்களில் முறைப்பாடுகள் செய்யப்பட்ட போதும் பொலிஸார் சிறுமியை மீட்டெடுப்பதில் அக்கறை செலுத்தவில்லை என குறித்த தாய் கவலை வெளியிட்டுள்ளார்.
முல்லைத்தீவு ஆரோக்கியபுரம் தமிழ் வித்தியாலயத்தில் 4ஆம் ஆண்டு கல்வி கற்கும் மாணவியின் எதிர்காலம் கருதி 074 2747603 என்ற இலக்கத்திற்கு தகவல் வழங்குமாறு பொது மக்களின் உதவியை அம்மா நாடியுள்ளதாக தெரியவந்துள்ளது.
உத்திர பிரதேச மாநிலம், அலிகார் பகுதியை சேர்ந்தவர் ஆர்த்தி. இவருக்கும், டெல்லியை சேர்ந்த அனுபம் என்பவருக்கும் கடந்த எட்டு மாதங்களுக்கு முன்பாக திருமணம் நடைபெற்றுள்ளது. திருமணத்திற்காக பல லட்சம் ரூபாய் அனுபமிற்கு வரதட்சணையாக கொடுக்கப்பட்டதாகவும் தகவல்கள் தெரிவிக்கின்றது.
தொடர்ந்து கணவருடன் டெல்லி பகுதியில் குடியேறி உள்ளார் ஆர்த்தி. இதனிடையே, சமீபத்தில் தனது சொந்த ஊருக்கு சென்றிருந்த ஆர்த்தி, பத்து லட்ச ரூபாய் பணமும், கார் ஒன்றை வாங்கித் தருமாறும் கேட்டு தனது கணவர் அனுபம் தன்னை துன்புறுத்துவதாக வேதனையுடன் தனது சகோதரி மற்றும் பெற்றோர்களிடம் தெரிவித்துள்ளார்.
கல்யாணத்துக்கான கடனையே தனது தந்தை இன்னும் முற்றிலுமாக அடைத்து முடிக்காத நிலையில் மீண்டும் கணவர் இப்படி கேட்பது ஆர்த்தியை மிகுந்த வேதனைக்கு உள்ளாக்கியது.
இதன் காரணமாக மீண்டும் கணவருடன் வாழ வேண்டாம் என்றும் குடும்பத்தினர் கூறி உள்ளனர். ஆனால், அதனை கேட்காமல் மீண்டும் டெல்லி சென்ற ஆர்த்தி, கணவரது கொடுமையை மீண்டும் தாங்கிக் கொண்டு வாழ்ந்து வந்ததாக கூறப்படுகிறது.
அப்படி இருக்கையில், கணவர் வீட்டை விட்டு வெளியேறியதாக கூறப்படும் நிலையில், போலீஸ் நிலையத்தை நாடி உள்ளார் ஆர்த்தி. தனது மொபைல் எண்ணை கணவர் பிளாக் செய்து விட்டதாகவும், அவர் எங்கே என்பதை கண்டுபிடித்து தருமாறும் கோரி உள்ளார்.
அப்போது, அனுபமிற்கு போலீசார் அழைத்து விசாரித்த போது, மனைவியுடன் வாழ விருப்பமில்லை என அவர் கூறியதாக தகவல்கள் தெரிவிக்கின்றது. இதன் காரணமாக தன்னை வரதட்சணை கொடுமை செய்யும் கணவர் மீது புகார் அளிக்கவும் போலீசார் கூறியுள்ளனர்.
ஆனாலும் தனது கணவர் மீது எந்தவித புகாரை கொடுக்கவும் மறுப்பு தெரிவித்துள்ளார் ஆர்த்தி. தொடர்ந்து, மீண்டும் ஆர்த்தியை அவரது வீட்டிற்கு கொண்டு போலீசார் சேர்த்துள்ளனர்.
இதனிடையே, சம்பவம் முடிந்த அடுத்த நாள் மதியம், விபரீத முடிவை எடுத்து ஆர்த்தி உயிரிழந்து விட்டதாக போலீசாருக்கு அழைப்பு வந்துள்ளது. இதன் பின்னர் சம்பவ இடத்திற்கு சென்ற போலீசார், ஆர்த்தியின் உடலை மீட்டு பிரேத பரிசோதனைக்காக அனுப்பி வைத்துள்ளனர்.
ஆர்த்தி மொபைல் போனை போலீசார் எடுத்து ஆய்வு மேற்கொண்டனர். அதில் சுமார் 30 முதல் 40 வினாடிகள் ஓடக்கூடிய ஆடியோ ஒன்றில் தனது வாழ்க்கை முடிந்து விட்டது என்றும் கணவர் கொடுமைப்படுத்தியது தொடர்பாகவும் சில கருத்துக்களை ஆரத்தி குறிப்பிட்டுள்ளார்.
இதன் பெயரில் மனைவி விபரீத முடிவை எடுக்க தூண்டியதன் பெயரில், அவரது கணவர் அனுபமை போலீசார் அழைத்துச் சென்று விசாரணை மேற்கொண்டு வருகின்றனர். மறுபுறம் ஆர்த்தியின் குடும்பத்தினர், அவரது மறைவில் மர்மம் இருப்பதாகவும் தீவிரமாக இதனை விசாரிக்க வேண்டும் என்றும் கோரிக்கை வைத்துள்ளனர்.
