தமிழகத்தில்..

தமிழகத்தில் மாற்றுத்திறனாளி கணவன் மனைவிக்கு வாட்ஸ்அப் குழு மூலம் நிதி திரட்டி வளைகாப்பு நடத்தி வைத்த சம்பவம் நெகிழ்ச்சியை ஏற்படுத்தியுள்ளது.

திருவண்ணாமலை மாவட்டம் புதுப்பாளையம் கிராமத்தைச் சேர்ந்த மாற்றுத்திறனாளி குமார் (28) அவரது மனைவி மாற்றுத்திறனாளி தமிழ்ச்செல்வி (24) ஆகிய இருவருக்கும் கடந்த ஒரு வருடத்துக்கு முன்பு காதல் திருமணம் நடைபெற்றது.

ஏற்றுக்கொள்ளாததால் தற்பொழுது குமார் மற்றும் தமிழ்ச்செல்வி ஆகிய இருவரும் தனியாக வாழ்ந்து வருகின்றனர். குமார் புதுப்பாளையத்தில் ஒரு ஜெராக்ஸ் கடையில் குமாஸ்தாவாக வேலை செய்து வருகிறார். போதிய அளவில் வருமானம் இல்லாததால், குமார் அவரது மனைவி தமிழ்ச்செல்வி ஆகிய இருவரும் வாடகை வீட்டில் மிகவும் வறுமையில் வாடி வந்தனர்.

இந்நிலையில் குமாரின் மனைவி தமிழ்ச்செல்வி தற்பொழுது கர்ப்பமாக உள்ளார். இவர்களது வறுமையை பற்றி ஒரு சிலர் அன்னை தெரசா என்ற ஒரு வாட்ஸப் குழுவில் பதிவிட்டுள்ளனர்.

வாட்ஸ்அப் குழுவில் கண்ட அனைவரும் உதவி தர முன்வந்த பின்னர் நிதி திரட்டி இன்று ஆரணி அருகே சந்தவாசல் பகுதியில் ஃபீனிக்ஸ் சிறப்பு பள்ளியில், குமாரின் மனைவி தமிழ்ச்செல்விக்கு அன்னை தெரசா வாட்ஸ்அப் குழுவை சேர்ந்தவர்கள் சிறப்பாக வளைகாப்பு நடத்தி வைத்தனர்.

இந்த வளைகாப்பு நிகழ்ச்சியில் அந்த வாட்ஸ்அப் குழுவைச் சேர்ந்த நண்பர்கள் சீர்வரிசை வைத்து வளைகாப்புக்கு வந்தவர்களுக்கு அறுசுவை உணவும் வழங்கப்பட்டது. இந்நிகழ்வில் சிறப்பு அம்சமாக 50க்கும் மேற்பட்ட மாற்றுத்திறனாளி மாணவர்களுக்கு உணவு வழங்கப்பட்டது.

மஞ்சமேட்டில்..

கழிவறைக்கு சென்ற சிறுமியை நாய் கடித்ததால் தற்போது பார்வை இழப்பு ஏற்பட்டு கஷ்டப்படும் காட்சி கண்கலங்க வைத்துள்ளது. மஞ்சமேடு கிராமத்தைச் சேர்ந்த பழனி, மாற்று திறனாளியான அவர் இரண்டு கால்கள் செயலிழந்து வீட்டிலேயே உள்ள நிலையில் இவருடைய மனைவி கூலிவேலை சென்று குடும்பத்தை நடத்தி வருகின்றார்.

இந்த தம்பதிகளுக்கு இரண்டு பெண் குழந்தைகள் உள்ள நிலையில், கிருஷ்ணகிரி மாவட்டம் அரசம்பட்டி அருகே உள்ள அரசு மகளிர் பள்ளியில் படித்து வருகின்றனர்.

இந்நிலையில் கடந்த 1ம் தேதி 8ம் வகுப்பு படிக்கும் ஆசினி பள்ளியில் கழிவறைக்கு சென்ற நிலையில், அங்கு வெறிநாய் தாக்குதலுக்கு ஆளாகியுள்ளார். மாணவியின் உடலில் பல இடங்களில் கடித்த நிலையில், கண் பகுதியிலும் பலமாக கடித்துள்ளது.

இதனால் கண்ணில் வீக்கம் ஏற்பட்ட நிலையில், படுகாயமடைந்த மாணவி போச்சம்பள்ளி அரசு பொது மருத்துவமனையில் சிகிச்சைக்காக அனுமதிக்கப்பட்டு அங்கிருந்து மேல் சிகிச்சைக்காக தருமபுரி அரசு மருத்துவமனையில் அனுமதிக்கப்பட்டார்.

அங்கு பரிசோதித்த மருத்துவர்கள் மாணவி ஆசினிக்கு வெறிநாய் கடித்ததில் கண்பார்வை பாதிக்கப்பட்டுள்ளது என பெற்றோரிடம் கூறியுள்ளார்.

சென்னையில் பல மருத்துவமனைகளில் சிகிச்சை பெற்ற நிலையில், எந்தவொரு முன்னேற்றம் இல்லாமல் பார்வை இழப்பு ஏற்பட்டுள்ளது. ஏழ்மையான குடும்பத்தைச் சேர்ந்த குறித்த சிறுமியின் காணொளி இணையத்தில் வெளியாகி கண்கலங்க வைத்துள்ளது.

கன்னியாகுமரியில்..

காதலை நிரூபிக்க மார்பில் பச்சை குத்த சொல்லி வற்புறுத்திய மிரட்டிய காதலனை போலீசார் கைது செய்து விசாரணை நடத்தி வருகின்றனர். கன்னியாகுமரி மாவட்டம் மார்த்தாண்டம் பகுதியை சேர்ந்தவர் அபினேஷ். இவரை அதே பகுதியை சேர்ந்த கல்லூரி மாணவி ஒருவர் காதலித்து வந்ததாக கூறப்படுகிறது.

தொடர்ச்சியாக காதலை வளர்க்க, பல்வேறு இடங்களுக்கு சென்று இருவரும் ஜோடியாக செல்பி புகைப்படமும் எடுத்துள்ளனர். இந்நிலையில், எங்கே நாம் காதலி நம்மைவிட்டு சென்றுவிடுவார் என்ற பயத்தில் என்று காதலன் அபினேஷ் ஒரு முடிவுக்கு வந்துள்ளார்.

அதன்படி, தனது பெயரை நெஞ்சில் பச்சை குத்த வேண்டும், அப்போது தான் நீ உண்மையாக காதலிக்கிறாய் என நம்புவேன் என்று அந்த மாணவியை கட்டாயப்படுத்தியுள்ளார்.

இதைகேட்டு அதிர்ச்சியடைந்த அந்த மாணவி பச்சை குத்த மறுத்துள்ளார். இதனால் ஆத்திரமடைந்த அபினேஷ், ஒருகட்டத்தில் செல்போனில் நாம் பேசிய வாய்ஸ் ரெக்கார்ட், ஜோடியாக எடுத்த செல்பி புகைப்படங்கள் அனைத்தையும் உன் பெற்றோர் மற்றும் அனைவருக்கும் காண்பித்து விடுவேன் என்று மிரட்டியுள்ளார்.

இதனால், அவரை தவிர்த்து வந்துள்ளார். இதனால், ஆத்திரமடைந்த அபினேஷ் மாணவியின் வீட்டுக்கு சென்று மிரட்டியுள்ளார். இதனையடுத்து, மாணவியின் தந்தை இது குறித்து மார்த்தாண்டம் காவல் நிலையத்தில் புகார் அளித்தார்.

இதையடுத்து, வழக்குபதிவு செய்த காவல்துறையினர் காதலன் அபினேஷை கைது செய்தனர். மேலும், அவரிடம் இருந்து செல்போனை பறிமுதல் செய்து அதில் இருந்த புகைப்படங்கள் மற்றும் வாய்ஸ் ரெக்கார்ட்டை கைப்பற்றி விசாரணை நடத்தி வருகின்றனர்.

நாமக்கல்லில்..

தமிழக மாவட்டம் நாமக்கல்லில் ஒன்லைன் ரம்மி விளையாட்டில், 5 லட்சத்திற்கும் மேல் பணத்தை இழந்த இளைஞர் தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

நாமக்கல் மாவட்டம் ராசிபுரத்தை அடுத்த பட்டணம் கிராமத்தைச் சேர்ந்தவர் சுரேஷ். ஒன்லைன் ரம்மி விளையாட்டில் அதிக ஆர்வம் கொண்ட இவர், வெளிநாடு செல்ல வைத்திருந்த பணத்தை வைத்து விளையாடியுள்ளார்.

அதில் பணத்தை இழந்த சுரேஷ், இழந்ததை மீட்க வேண்டும் என்று எண்ணி நண்பர்களிடம் கடன் பெற்றுள்ளார். அதனை வைத்து தொடர்ந்து விளையாடிய அவர் மேலும் நஷ்டமடைந்ததால் விரக்தி அடைந்துள்ளார். 5 லட்சத்திற்கும் மேல் பணத்தை இழந்த சுரேஷ் தற்கொலை முடிவை எடுத்துள்ளார்.

கடிதம் ஒன்றை எழுதிய சுரேஷ் அதில், வெளிநாடு செல்ல வைத்திருந்த பணம் மற்றும் உறவினர்களிடம், நண்பர்களிடம் பணம் வாங்கி முழுமையாக ரம்மியில் இழந்து விட்டேன்.

மேலும், ஒன்லைன் ரம்மியில் இருந்து மீள முடியவில்லை, Bye Bye Miss U ரம்மி என குறிப்பிட்டுவிட்டு தூக்கிட்டு தற்கொலை செய்துகொண்டார். ஒன்லைன் ரம்மி உள்ளிட்ட சூதாட்ட விளையாட்டுகளில் ஈடுபட்டு பணத்தை இழப்பதால் பலர் தற்கொலை செய்துகொள்வது நாளுக்கு நாள் அதிகரித்து வருகிறது.

திருவனந்தபுரத்தில்..

கன்னியாகுமரி முதல் காஷ்மீர் வரை சாகச பயணம் மேற்கொண்டவர் அந்த இலக்கை அடையும் தருணத்தில் சாலை விபத்தில் உயிரிழந்துள்ளது சோகத்தை ஏற்படுத்தியுள்ளது.

திருவனந்தபுரம் அருகே உள்ள வெஞ்சாரமூடு புல்லம்பாறை பகுதியை சேர்ந்தவர் அனஸ் ஹஜாஸ் (வயது 31). ஹாலிவுட் படங்களில் வரும் ஹீரோக்கள் ஸ்கேட்டிங் போர்டில் செல்வதை போல சிறுவயது முதல் எப்போதும் ஸ்கேட்டிங் போர்டிலே எங்கும் சுற்றிவந்துள்ளார்.

மேலும் பல ஸ்கேட்டிங் போர்டு போட்டிகளிலும் இவர் வெற்றியை பதிவு செய்துள்ளார். அதைத் தொடர்ந்து இவருக்கு ன்னியாகுமரி முதல் காஷ்மீர் வரை ஸ்கேட்டிங் போர்டில் சென்று சாதனை படைக்க முடிவு செய்துள்ளார்.

இவரின் இந்த முடிவை பெற்றோர்கள், நண்பர்கள் ஆகியோரும் ஊக்கப்படுத்தியுள்ளனர். இது வரை இது போன்ற சாதனையை யாரும் செய்யாததால் இந்த அவர் மிகவும் ஆர்வமாக இருந்துள்ளார்.

அதன்படி கடந்த மே மாதம் 29ம் தேதி உறவினர்கள், நண்பர்கள் சூழ கன்னியாகுமரியில் இருந்து காஷ்மீருக்கு ஸ்கேட்டிங் போர்டு பயணத்தை தொடங்கியுள்ளார். தமிழ்நாடு, கர்நாடகா, போன்ற மாநிலங்களை ஸ்கேட்டிங் போர்டு மூலம் கடந்து சில நாட்களுக்கு முன்னர் ஹரியானாவை அடைந்துள்ளார்.

பின்னர் அங்குள்ள அம்பலா என்ற இடத்தில் இருந்து சமூக வலைத்தளத்தில் வீடியோ ஒன்றை வெளியிட்டுள்ளார். அதில், “64வது நாளான இன்று ஹரியானா மாநிலத்தை அடைந்துள்ளேன். இன்னும் 10 அல்லது 15 நாட்களில் காஷ்மீரை அடைந்து விடுவேன். அனைவரும் எனக்காக பிரார்த்திக்க வேண்டும்” என்று கூறியிருந்தார்.

இந்த நிலையில், அங்கு இருந்து மீண்டும் தனது பயணத்தை தொடங்கியவர் ஹரியானா மாநிலம் பஞ்சகுலா அருகே சென்றபோது லாரி மோதியதில் தூக்கி வீசப்பட்டு உயிரிழந்தார்.

இந்த தகவல் அவரது பெற்றோர், மற்றும் உறவினர்களுக்கு தெரியவர அவர்கள் அதிர்ச்சியடைந்துள்ளனர். சாகச பயணம் மேற்கொண்டவர் அந்த இலக்கை அடையும் தருணத்தில் சாலை விபத்தில் உயிரிழந்துள்ளது சோகத்தை ஏற்படுத்தியுள்ளது.

விழுப்புரத்தில்..

விழுப்புரம் மாவட்டம் விக்கிரவாண்டி அருகிலுள்ள வி.பிரம்மதேசம் கிராமத்தை சேர்ந்தவர் ஸ்ரீதர் மகன் கோபிநாத் (25). இவர் அதே பகுதியை சேர்ந்த முருகன் மகள் கலைசெல்வி(20) என்பவரை 4 வருடமாக காதலித்து வந்தார். இந்நிலையில் இருவரும் வீட்டைவிட்டு வெளியேறி கடந்த ஜூன் 26 ஆம் தேதி சென்னையில் உள்ள ஒரு கோயிலில் திருமணம் செய்து கொண்டுள்ளார்.

இந்நிலையில் கலைச்செல்வியின் தந்தை முருகன் கொடுத்த புகாரின் பேரில் கடந்த ஜூலை 2ஆம் தேதி பெரியதச்சூர் காவல் நிலையத்திற்கு போலீசார் அழைத்து வந்து விசாரணை செய்து கலைச்செல்வியை அவரது விருப்பத்தின் பேரில் கணவர் கோபிநாத்துடன் வீட்டுக்கு அனுப்பி வைத்தனர்.

இந்நிலையில் நேற்று முன்தினம் வீட்டில் இருந்த கலைச்செல்வி தனது தாய் வீட்டுக்கு செல்வதாக கூறி சென்றதாக கூறப்படுகிறது. தாய் வீட்டுக்குச் சென்ற பெண்ணை காணவில்லை என கோபிநாத் மற்றும் அவரது உறவினர்கள் அங்கு சென்று பார்த்த போது அங்கும் காணவில்லை. இதனால் தெரிந்த இடங்களில் தேடியும் கிடைக்கவில்லை.

கேரளாவில்..

கேரளாவின் மலப்புரம் மாவட்டத்தில் சகோதரர்கள் 2 பேர் தங்களது வீட்டை சுத்தம் செய்யும் பணியில் ஈடுபட்டனர். அப்போது தம்பி வீட்டின் மாடியில் ஏறி சுத்தம் செய்துகொண்டிருந்தபோது, அண்ணன் கீழ்தளத்தில் வேலை செய்துகொண்டிருந்தார்.

அப்போது திடீரென மாடியில் இருந்து தம்பி தவறி விழுந்தார். உடனே அவரது அண்ணன் அவரை லாவகமாக பிடித்து காப்பாற்றி காப்பாத்தினார். இதில் தம்பியின் எடை தாங்காமல் அண்ணனும் கீழே விழுந்தார். இந்த விபத்தில் இருவருக்கும் சிறு காயம் கூட ஏற்படவில்லை.

இந்த காட்சிகள் அங்கிருந்த கண்காணிப்பு கேமரா வில் பதிவாகி இருந்தது. நொடிப்பொழுதில் தம்பியை காப்பாற்றிய அண்ணனின் இந்த வீடியோ காட்சி வைரலாகி வருகிறது.