பிளாஸ்டிக் மற்றும் பொலித்தீன்..

இன்று முதல் பிளாஸ்டிக் மற்றும் பொலித்தீன் வகைகள் சிலவற்றின் பாவனை தடை செய்யப்படும் என்று சுற்றுச்சூழல் அமைச்சு தெரிவித்துள்ளது.

அதன்படி ஒருமுறை மாத்திரம் பயன்படுத்திவிட்டு அகற்றப்படுகின்ற பொலித்தீன், பிளாஸ்டிக் போத்தல், மைக்ரோ இருபதுக்கும் குறைவான பொலித்தீன், பெட் போத்தல் , சம்போ பைக்கெட், கொட்டன் பட் மற்றும் காற்று நிரப்பப்பட்ட பிளாஸ்டிக் விளையாட்டுப் பொருள்கள் என்பன தடைசெய்யப்படும்.

இந்த பிளாஸ்டிக் மற்றும் பொலித்தீன் பொருள்கள் அதிகமானவை சூழலுடன் சேர்வதால் இந்நாட்டில் அதிகமாக சூழல் மாசடைவு ஏற்படுவதுடன், குடி தண்ணீர் மற்றும் நீர் மாசடைவதாகவும் தெரியவந்துள்ளது.

எனவே, இவ்வாறான பிளாஸ்டிக் மற்றும் பொலித்தீன் உற்பத்திகள் சிலவற்றை மார்ச் 31 முதல் இலங்கையில் உற்பத்தி செய்ய மற்றும் விநியோகிக்கத் தடை செய்யப்பட்டுள்ளதுடன் அதற்கு பதிலாக சூழலுக்கு உகந்த பொருள்களை அறிமுகப்படுத்தவும் சுற்றுச் சூழல் அமைச்சகம் நடவடிக்கை எடுத்துள்ளது.

யாழில்..

யாழ்ப்பாணம் சாவகச்சேரியில் நேற்று மாலை த.ற்.கொ.லை.க்.கு மு.யற்சித்த மா.ணவி ஒருவர் சிகிச்சை பலனின்றி உ.யிரிழந்துள்ளதாக பொலிஸார் தெரிவித்துள்ளனர்.

சாவகச்சேரி இந்து கல்லூரியில் உயர்தரத்தில் கல்வி பயிலும் மாணவி ஒருவரே இவ்வாறு உ.யிரிழந்துள்ளதாக தெரிவிக்கப்பட்டுள்ளது. மா.ணவியின் சடலம் சாவகச்சேரி வைத்தியசாலையில் வைக்கப்பட்டுள்ளதுடன், பி.ரேத ப.ரிசோதனைகளின் பின் உறவினர் களிடம் ஒப்படைக்கப்படவுள்ளது.

இந்நிலையில், த.ற்.கொ.லை.க்.கா.ன காரணம் இதுவரையில் தெரியாத நிலையில், சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.

பொலிஸ்..

கம்பஹா மாவட்ட பொலிஸ் நிலைய அதிகாரி ஒருவர் இலஞ்சமாக பெற்றுக் கொண்ட 10 ஆயிரம் ரூபாய் பணத்தை விழுங்கியமையால் மூச்சுத்திணறல் ஏற்பட்டுள்ளது.

இதனால் குறித்த பொலிஸ் அதிகாரி வைத்தியசாலையில் அனுமதிக்கப்பட்டுள்ளார். அந்த பொலிஸ் அதிகாரி போக்குவரத்து சிக்கலை தீர்ப்பதற்காக லஞ்ச பணத்தை பெற்றுள்ளார்.

இலஞ்ச ஒழிப்பு ஆணைக்குழு அதிகாரி அவ்விடத்திற்கு வந்தமையினால் குறித்த பொலிஸ் அதிகாரி 5 ஆயிரம் ரூபாய் பணத்தாள் இரண்டினை விழுங்கியுள்ளார். பின்னர் அவர் கம்பஹா வைத்தியசாலையில் அனுமதிக்கப்பட்டுள்ளார் என தெரிவிக்கப்படுகின்றது.

வெலிவேரி பொலிஸ் நிலையத்தியத்தின் முறைப்பாட்டு பிரிவு பொறுப்பதிகாரியினால் இந்த பணம் இலஞ்சமாக பெறப்பட்டுள்ளதாக குறிப்பிடப்படுகின்றது.

கோவிட் – 19 வைரஸ் தொற்றினால் பாதிக்கப்பட்டுள்ளதாகக் கண்டறியப்பட்ட அதிகமான நபர்களுடன் யாழ்ப்பாணக் கொத்தணி தொடர்ந்து வளர்ந்து வருவதாக தெரிவிக்கப்படுகின்றது.

நேற்று காலை நிலவரப்படி மேலும் 17 பேர் கோவிட் – 19 தொற்றினால் பாதிக்கப்பட்டிருந்தாக, கோவிட் -19 தடுப்புக்கான தேசிய செயல்பாட்டு மையம் அறிவித்துள்ளது.

நேற்று பகலில் அதிகமான மக்கள் தொற்று இருப்பது கண்டறியப்பட்டதாகவும், இன்று காலை சரியான எண்ணிக்கை எதிர்பார்க்கப்படுவதாகவும் யாழ்ப்பாண அதிகாரிகள் தெரிவித்தனர்.

பல பி.சி.ஆர் சோதனைகளின் முடிவுகள் வெளிவர இருப்பதாக யாழ்ப்பாண பிரதேச செயலாளர் எஸ்.சுதர்சன் கொழும்பு ஆங்கில ஊடகம் ஒன்றிடம் தெரிவித்துள்ளார்.

யாழ்ப்பாணத்தின் சில பகுதிகளில் கடைகளும் மூடப்பட்டிருப்பதால், அதிகமான மக்கள் பாதிக்கப்பட்டுள்ளதாக அவர் கூறினார். யாழ்ப்பாணத்தின் சில பகுதிகளில் வசிப்பவர்கள் தனிமைப்படுத்தப்பட்டுள்ளனர்.

முன்னெச்சரிக்கை நடவடிக்கையாக யாழ்ப்பாணத்தில் 1,000 க்கும் மேற்பட்ட குடும்பங்கள் தனிமையில் வைக்கப்பட்டுள்ளதாக அதிகாரிகள் தெரிவித்தனர்.

யாழ்ப்பாணத்தில் மேலும் 63 பேர் நோய் தொற்றினால் பாதிக்கப்பட்டுள்ளதாக அதிகாரிகள் நேற்று தெரிவித்திருந்தனர். இதில் சுன்னாகத்தைச் சேர்ந்த 29 பேரும், யாழ்ப்பாண நகரப் பகுதியைச் சேர்ந்த 23 பேரும், கோப்பாயை சேர்ந்த 23 பேரும் அடங்குவதாகக் கூறினர்.

கோவிட் – 19 வைரஸ் வேகமாக பரவி வருவதால் யாழ்ப்பாணத்தில் உள்ள அனைத்து பாடசாலைகளுகம் தற்காலிகமாக மூடப்பட்டுள்ளன. யாழ். கல்வி வலயத்தில் உள்ள பாடசாலைகள் திங்கள்கிழமை முதல் ஒரு வாரமாக மூடப்பட்டுள்ளன.

கடந்த சனிக்கிழமையன்று யாழ்ப்பாணத்தில் 88 பேர் கோவிட் – 19 வைரஸால் பாதிக்கப்பட்டிருந்தனர். கடந்த வெள்ளிக்கிழமை 23 பேர் பாதிக்கப்பட்டிருந்ததாகவும், வியாழக்கிழமை அந்த எண்ணிக்கை 77 ஆகவும் இருந்ததாகவும் தெரிவிக்கப்பட்டுள்ளது.

மேலதிக அறிவிப்பு வரும் வரை திருமணங்கள், கூட்டங்கள் மற்றும் பிற நிகழ்வுகளையும் உள்ளூர் அதிகாரிகள் தடை செய்துள்ளனர்.

யாழ்ப்பாணத்தில் இறுதிச் சடங்குகளில் கலந்து கொள்ளும் நபர்களின் எண்ணிக்கையிலும் கட்டுப்பாடுகள் விதிக்கப்பட்டுள்ளன.

இந்நிலையில், யாழ்ப்பாணத்தில் பொதுமக்கள் தேவையற்ற நடமாட்டங்களுக்கும் கட்டுப்பாடுகள் விதிக்கப்பட்டுள்ளதாக உள்ளூர் அதிகாரிகள் தெரிவித்தனர்.

விபத்து..

திருகோணமலை – கண்டி பிரதான வீதியில் நிறுத்தி வைக்கப்பட்டிருந்த மோட்டார் சைக்கிளுடன் காரொன்று மோதியதில் மோட்டார் சைக்கிள் சாரதி சம்பவ இடத்திலேயே உ.யிரிழந்துள்ளார்.

குறித்த சம்பவம் இன்று (30.03.2021) காலை 7.45 மணியளவில் இடம்பெற்றுள்ளதாக பொலிஸார் தெரிவித்துள்ளனர். கொழும்பிலிருந்து திருகோணமலை நோக்கி வந்து கொண்டிருந்த கார் ஐந்தாம் கட்டை பகுதியில் வீதியோரத்தில் நின்று கொண்டிருந்த மோட்டார் சைக்கிளுடன் மோதியதில் இந்த விபத்து நேர்ந்துள்ளதாக தெரியவருகிறது.

இதில் மூன்று பிள்ளைகளின் தந்தையான திருகோணமலை கப்பல்துறை பகுதியை சேர்ந்த கே.அந்தோணிசாமி (48 வயது) என்பவரே உ.யிரிழந்துள்ளார்.

உ.யிரிழந்தவரின் ச.டலம் தற்பொழுது திருகோணமலை பொது வைத்தியசாலை பி.ரேத அ.றையில் வைக்கப்பட்டுள்ளது. இதேவேளை, விபத்து தொடர்பில் கார் சாரதி கைது செய்யப்பட்டுள்ள நிலையில் இது தொடர்பான மேலதிக வி.சாரணைகளை சீனக்குடா பொலிஸார் முன்னெடுத்து வருகின்றனர்.

கிளிநொச்சியில்..

கிளிநொச்சி கந்தசுவாமி கோயிலுக்கு அருகில் இடம்பெற்ற வீதி விபத்தில் ஒருவர் உயிரிழந்துள்ளதுடன், இரண்டு பேர் காயமடைந்துள்ளனர். இச்சம்பவத்தில் காயமடைந்தவர்கள் கிளிநொச்சி வைத்தியசாலையில் அனுமதிக்கபட்டநிலையில் அதில் ஒருவரே சிகிச்சை பலனின்றி உயிரிழந்துள்ளதாக பொலிஸார் தெரிவிக்கின்றனர்.

ஏ9 வீதி வழியாக பரந்தன் நோக்கி பயணித்துக் கொண்டிருந்த மோட்டார் சைக்கிள் ஒன்று பாதசாரி ஒருவர் மீது மோதி விபத்துக்குள்ளாகியுள்ளது. விபத்தில் பாதசாரியே விபத்தில் உயிரிழந்துள்ளார்.

உயிரிழந்தவர் கிளிநொச்சி விவேகாநந்தாநகர் பகுதியை சேர்ந்த
செல்லப்பா சந்திரகுமார் என உறவினர்கள் தெரிவிக்கின்றனர்.
விபத்து தொடர்பான விசாரணைகளை கிளிநொச்சி பொலிஸார் முன்னெடுத்து வருகின்றனர்.

10 வயது சிறுமி..

மீகொட – வெலிசெனவத்த பகுதியில் இருந்து கடந்த வெள்ளிக்கிழமை முதல் காணாமல் போனதாகக் கூறப்படும் 10 வயது சிறுமி கண்டுபிடிக்கப்பட்டதாக மீகொட காவல்துறை தெரிவித்துள்ளது.

முன்னதாக, தேசிய குழந்தைகள் பாதுகாப்பு அதிகாரசபை, இந்த சிறுமியை கண்டுபிடிக்க பொது மக்களின் உதவியை கோரியிருந்தது. சிறுமியின் தாய், கணவரை விவாகரத்து செய்து 2 ஆண்டுகளுக்கு முன்னர் இங்கிலாந்துக்கு புறப்பட்டார். அங்கு அவர் மறுமணம் செய்து கொண்டார்.

இதனையடுத்து சிறுமியின் தந்தை 2020 நவம்பரில் இறந்துவிட்டார், இந்நிலையில், அவரது தாத்தா, பாட்டி மற்றும் மாமா ஆகியோர் சிறுமியை பராமரித்து வந்தனர்.

எனினும், குழந்தையின் தாய் இலங்கைக்குத் திரும்பி வந்ததாகவும், குழந்தையை இங்கிலாந்துக்கு அழைத்துச் செல்வதற்காக சட்டப்பூர்வ உதவியைப் பெற முயற்சித்ததாகவும் தெரிவிக்கப்பட்டுள்ளது.

இதன்போதே சிறுமி காணாமல் போனதாக அறிவிக்கப்பட்டது. இந்நிலையில், காணாமல் போனதாக கூறப்பட்ட சிறுமி தனது பாட்டியின் பராமரிப்பில் லேடி ரிட்ஜ்வே மருத்துவமனையில் சிகிச்சை பெற்று வந்தபோதே கண்டுபிடிக்கப்பட்டதாக காவல்துறை தெரிவித்துள்ளது.

புதிய வகை மீன்..

மட்டக்களப்பு மாவட்டத்தின் மண்முனைப்பற்று பிரதேசத்தின் காங்கேயனோடை பிரதேசத்திலுள்ள வாவியில் புதிய வகை மீன் இனம் ஒன்று மீனவர் ஒருவரால் பிடிக்கப்பட்டுள்ளது.

இந்த மீன் 5 அடி நீளம் உடையதாக இருப்பதுடன் வாவியில் இதுவரைக்கும் பிடிபடாத மீன் இனமாக உள்ளதாக மீனவர்கள் தெரிவித்துள்ளனர்.

பாம்பு போன்று காட்சியளிக்கும் இந்த மீனைக் குறித்த மீனவர் காங்கேயனோடையிலுள்ள தடாகம் ஒன்றில் விட்டுள்ளார். இந்த மீனைப் பொதுமக்கள் பலரும் பார்வையிட்டு வருகின்றமை குறிப்பிடத்தக்கது.