வாகனங்களுக்கு..

மோட்டார் வாகன இறக்குமதியை நிறுத்துவதற்கு அரசாங்கம் தீர்மானம் எடுத்துள்ளமையினால் பாரிய வாகன தட்டுப்பாடு ஏற்பட்டுள்ளதாக இலங்கை வாகன இறக்குமதியாளர்கள் சங்கத்தின் தலைவர் ரஞ்சன் பீரிஸ் தெரிவித்துள்ளார்.

வாகனங்கள் விற்பனை செய்யும் இடங்களில் இதுவரையில் பதிவு செய்யப்படாத மூவாயிரம் வாகனங்கள் கூட இல்லை என அவர் குறிப்பிட்டுள்ளார்.

சில விற்பனை நிலையங்களில் இரண்டு அல்லது மூன்று வாகனங்களே மீதமாக உள்ளதாகவும், கோரிக்கைக்கு அமைய வாகனங்கள் இல்லாமையினால் மீதமாக உள்ள வாகனங்களை விற்பனை செய்ய முடியாமல் உள்ளதாக குறிப்பிடப்படுகின்றது.

மக்கள் அதிகமாக கொள்வனவு செய்யும் Suzuki Wagon R, Toyota Passo, Toyota Vitz, Toyota CHR, Wasal, Crase ஆகிய வாகனங்களுக்கு பாரிய தட்டுப்பாடு ஏற்பட்டுள்ளதாக வாகன இறக்குமதியாளர்கள் சங்கத்தின் தலைவர் குறிப்பிட்டுள்ளார்.

Toyota Axio, Toyota Premio, Toyota Raize ஆகிய மோட்டார் வாகனங்கள் மாத்திரமே விற்பனை நிலையங்களில் உள்ளதாகவும் அந்த வாகனங்களும் பாரியளவு விலை அதிகரித்துள்ளதாக அவர் கூறியுள்ளார்.

அதற்கமைய டொயடா எக்ஸியோ வாகனம் ஒன்று 79 லட்சம் ரூபாய்க்கும் அதிக விலையிலும், டொயடா பிரிமியோ வாகனம் 100 லட்சம் ரூபாய் வரையிலும், டொயமா ரைஸ் வாகனம் 80 லட்சம் ரூபாய் வரையிலும் விற்பனை செய்யப்பட்டுள்ளதாக குறிப்பிடப்படுகின்றது.

மோட்டார் வாகனங்கள் இறக்குமதி செய்வதற்கு அரசாங்கம் அனுமதி வழங்காமையினால் ஊழியர்களின் சம்பளம் வழங்க முடியாமல் போயுள்ளதாகவும், வங்கி கடன் செலுத்த முடியாமல் போயுள்ளதாகவும், வாகன விற்பனையாளர்கள் பாரிய நிதி நெருக்கடிக்குள்ளாகியுள்ளதாகவும் அவர் குறிப்பிட்டுள்ளார்.

இதன் காரணமாக பல வாகன விற்பனை நிலையங்கள் மூடப்பட்டுள்ளதாகவும் இது தொடர்பில் அரசாங்கம் நிவாரணம் ஒன்றை வழங்குமாறும் அவர் கேட்டுக்கொண்டுள்ளார்.

தங்கத்தின் விலையில்..

உலக சந்தையில் தங்கத்தின் விலையில் வீழ்ச்சி நிலை ஏற்பட்டுள்ளதாக புள்ளிவிபரங்கள் தெரிவிக்கின்றன. கடந்த ஒரு வாரகாலமாக தங்கத்தின் விலையில் வீழச்சி ஏற்பட்டுள்ளதாக நகை விற்பனையாளர்கள் தெரிவித்துள்ளனர்.

இதற்கமைய கடந்த வாரத்தில் தங்கம் ஒரு அவுன்ஸின் விலை 1862 அமெரிக்க டொலராக காணப்பட்டதாக குறிப்பிடப்பட்டுள்ளது.

இந்த வருடத்தில் மார்ச் மாத்திற்கு பின்னர் உலக சந்தையில் தங்கத்தின் விலை உயர்வடைந்து வந்தமை குறிப்பிடத்தக்கது. அதன் பின்னர் இம்மாதமே தங்கத்தின் விலை குறைவடைந்துள்ளதாக தெரிவிக்கப்பட்டுள்ளது.

யாழில் இருந்து..

யாழில் இருந்து கொழும்பு நோக்கி சென்ற புகையிரதம் மீது மர்ம நபர்கள் சிலர் கல்வீச்சு நடத்தியுள்ளனர். குறித்த சம்பவம் நேற்று இடம்பெற்றுள்ளது.

பெலியத்த என்னும் ஊரில் இருந்து வடக்கு – கிழக்கு ஆஸிர்வாதாத்மக பிரித் சுற்றுலா வருடம்தோறும் யாழ். நோக்கி வருகை தந்து நன்கொடையாக பாதிக்கப்பட்ட மக்களுக்கு பாடசாலை உபகரணங்கள் கர்ப்பிணித் தாய்மார்கான பொருட்கள் என்பனவற்றை வழங்கியுள்ளனர்.

இதன் அடிப்படையில் இந்த வருடமும் பெலியத்தயிலிருந்து இருந்து ஊர்காவற்துறை நோக்கி மதகுருமார்களும், நன்கொடையாளர்களுமாக சுமார் 520 பேரைக் கொண்ட புகையிரதம் நேற்றைய தினம் காங்கேசன்துறை புகையிரத நிலையத்தில் வைத்து நன்கொடை பொருட்களை வழங்கிவிட்டு அங்கிருந்து புறப்பட்ட நிலையில் மாலை 5.15 மணி அளவில் மீசாலையை கடக்கும்போது இனந்தெரியாதவர்களால் கல்வீச்சு நடத்தப்பட்டுள்ளது. இச் சம்பவத்தில் முதியவர் ஒருவர் காயமடைந்துள்ளார்.

உடனடியாக பளை புகையிரத நிலையத்தில் புகையிரதம் நிறுத்தப்பட்டு காயமடைந்த காயமடைந்த முதியவரை மருத்துவமனைக்கு கொண்டு சென்றுள்ளனர். பளை பொலிசாருக்கும் இராணுவத்தினருக்கும் தகவல் கொடுக்கப்பட்டுள்ளது.

சம்பவ இடத்திற்கு விரைந்த பொலிஸார் மற்றும் இராணுவத்தினர் பாதுகாப்பு கடமையில் ஈடுபட்டுள்ளனர்.

பளை வைத்தியசாலையில் சிகிச்சை அளிக்கப்பட்டு அந்த முதியவர் மீண்டும் அந்த புகையிரதத்தில் ஏற்றி அனுப்பி வைக்கப்பட்டுள்ளார். இது தொடர்பான மேலதிக விசாரணைகளை பளை பொலிஸார் மேற்கொண்டுவருகின்றனர்.

சுனாமியில்..

16 வருடங்களுக்கு முன்னர் ஏற்பட்ட சுனாமி பேரனர்த்தத்தினால் காணாமல் போன மகனை மீண்டும் தாயொருவர் கண்டுபிடித்துள்ளார். 5 வயதில் காணாமல் போன றஸீன் முஹம்மட் அக்ரம் றிஸ்கான் தனது மகனை 21 வயதில் தன்னுடன் மீட்டு வந்துள்ளார் அபுசாலி சித்தி ஹமாலியா என்ற தாய்.

அம்பாறை மாவட்டம் சம்மாந்துறை பொலிஸ் பிரிவிற்கு உட்பட்ட மாளிகைக்காடு பகுதியில் சுனாமி அனர்த்தத்தினால் தனது 5 வயது மகனை இழந்து மனநோயாளியாக தினமும் வாழ்ந்து வந்த நிலையில் தனது அதீத முயற்சியினால் மீண்டும் மகனுடன் இணைந்துள்ளார்.

சுனாமி அனர்த்தம் இடம்பெற்றவேளை வைத்தியசாலையில் சிற்றூழியராக கடமையாற்றி கொண்டிருந்தேன். சம்பவத்தை அறிந்து எனது வீட்டிற்கு சென்று பார்த்தேன்.

எனது 5 வயதான மகனை காணவில்லை. எங்கும் அழுகுரல் கேட்ட வண்ணம் இருந்தது. நானும் அழுது அழுது எனது மகனை தேடிச் சென்றேன், கிடைக்கவில்லை.

பின்னர் அம்பாறை வைத்தியசாலையில் காயமடைந்தவர்கள் அனுமதிக்கப்பட்டுள்ளதாக சிலர் கூறியதை அடுத்து அங்கு சென்று நோயாளிகள் வரவு புத்தகத்தில் மகனின் பெயரை தேடி கண்டுபிடித்தேன்.

ஆனால் ஏமாற்றமே எஞ்சியது. காரணம் மகனை பெற்றோர் என கூறி யாரோ அழைத்து சென்றிருந்தனர். அதனை அறிந்து கதறி அழுதேன். வைத்தியசாலையில் இருந்தவர்கள் எனக்கு ஆறுதல் கூறினார்கள்.

ஆனாலும் மகன் உயிருடன் தான் இருக்கின்றார் என அறிந்து அவரை தேடும் முயற்சியில் இறங்கினேன். இதற்கமைய சம்மாந்துறை பொலிஸ் நிலையத்திற்கு சென்று முதற்கட்டமாக முறைப்பாடு ஒன்றினை செய்திருந்தேன்.

அடுத்து கல்முனை பகுதியில் உள்ள மனித உரிமை ஆணைக்குழுவிற்கு சென்று தகவல்களை வழங்கி இருந்தேன். ஆனால் எவ்வித நடவடிக்கையும் அங்கு மேற்கொள்ளவில்லை என கூற விரும்புகின்றேன்.

எனது முயற்சியை கைவிடாது அம்பாறை மாவட்டத்தின் புற நகர் பகுதிகளில் மகனை தேடி அலைந்தேன்.

மிகுந்த நம்பிக்கையுடன் எனது மகனின் சிறுபாராய புகைப்படத்தை தேடி எடுத்து மனநோயாளி போன்று தெரிந்தவர்கள் முதல் தெரியாதவர்கள் வரை கேட்டறிந்து மகன் இருக்கும் பாடசாலையை கண்டறிந்தேன்.

சிங்கள பாடசாலை ஒன்றில் நான் பெயரிட்ட மகன் அதே பெயருடன் அப்பாடசாலையில் கல்வி கற்றுக் கொண்டிருந்தார். அங்கு அதிபரை அணுகி இரகசியமாக எனது மகனின் விடயத்தை அவரிடம் தெரிவித்தேன். ஆனால் அவர் என்னை அவமதித்து வெளியேற்றினார்.

எனது மகனை வளர்த்து வந்தவர்களுக்கு விடயம் தெரிய வந்தது. இருந்தாலும் எனது முயற்சினை கைவிடாது பொருள் வியாபாரி மற்றும் ஆடை வியாபாரி போன்று வேடமிட்டு மகன் வளர்க்கப்பட்டு வந்த வீட்டினை அடையாளப்படுத்தி கொண்டேன்.

இருந்த போதிலும் மகனை அடைந்து கொள்ள பல்வேறு மட்டங்களை சந்தித்து உதவிகளை கேட்டேன். ஜனாதிபதி செயலகத்திற்கும் கூட கடிதம் ஒன்றினை எழுதி இருந்தேன்.

இருந்தும் பதில் எதுவும் கிடைக்கவில்லை. உடனடியாக எனது மகனை சென்று பார்வையிட்டு நான் தான் தாய் என்னுடன் வருகின்றாயா என வளர்த்தவரின் வீட்டிற்கு சென்று மகனிடம் கேட்டேன்.

உடனே மகன் என்னுடன் வர சம்மதித்தார். உடனே எனது வீட்டிற்கு கூட்டி வந்தேன். சந்தோசமாக இருக்கின்றேன்.

அல்லாஹ் என்னை கைவிடவில்லை. எனது மகனை 16 வருடங்களுக்கு பின்னர் அடைந்து விட்டேன். இன்று எனது மகன் ஹிந்தி நடிகர் போன்று வளர்ந்திருக்கின்றார் என 5 வயதில் காணாமல் சென்ற றஸீன் முஹம்மட் அக்ரம் றிஸ்கான்(வயது 21) என்பவரின் தாய் கண்ணீருடன் தெரிவித்தார்.

இவ்வாறு கூறி முடிந்த பின்னர் தனது மகனை வளர்த்தவர்கள் எப்போது எந்த நேரமும் மகனை சந்தித்து பார்ப்பதற்கு வருகை தந்தாலும் நான் ஆட்சேபனை செய்ய போவதில்லை என மேலும் குறிப்பிட்டார்.

கொவிட் – 19 வைரஸ் பரவலைத் தடுக்கும் வகையில் ஓட்டமாவடி சித்தீக் றிப்ஹா என்பவரால் கண்டுபிடிக்கப்பட்ட Immunity Herbal எனும் மூலிகை மருந்து இலங்கை புத்தாக்குனர் ஆணைக்குழுவின் அங்கீகாரத்தை பெற்றுள்ளது.

கொரோனாவை இலங்கையில் கட்டுப்படுத்தும் நோக்கில் இலங்கை புத்தாக்குனர் ஆணைக்குழு “Fight Against COVID 19” எனும் திட்டத்தில் புதிய கண்டுபிடிப்புக்களை வகைகளைக் கோரியிருந்தது.

இதனடிப்படையில், ஓட்டமாவடி சித்தீக் றிப்ஹா Immunity Herbal எனும் மூலிகைகள் அடங்கிய ஆயுர்வேத மருந்தொன்றை கண்டுபிடித்திருந்தார்.

சுமார் 28 மூலிகைகளை ஒரு மாத காலமாக பரிசீலனை செய்து, அதிலிருந்து அனைத்து வயதினர் மற்றும் அனைத்து வித நோயாளர்களுக்கும் ஏற்ற வகையில் அவர்களது உடலில் நோயெதிர்ப்பு சக்தியை அதிகரிக்கும் மூலக்கூறுகள் அடங்கிய 8 வகையான மூலிகைகளிலிருந்து,

தயாரிக்கப்பட்ட மருந்து மற்றும் சூத்திரங்களை வைத்திய ஆலோசனை மற்றும் சில பயனாளர்களின் பாவனைக்குப்பின் ஏற்பட்ட மாற்றம் என்பவற்றை பரீட்சித்து தயாரித்த மருந்தொன்றை சுமார் இரு மாதங்களுக்கு முன் இலங்கை புத்தாக்குனர் ஆணைக்குழுவிற்கு சமர்ப்பித்திருந்தார்.

குறித்த மருந்தை கொரோனா தொற்றுள்ளவர்களுக்கு வழங்கிய போது நோயெதிர்ப்பு சக்தியும் அதிகரிக்கப்பட்டுள்ளதுடன்,

இதன் காரணமாக கொரோனா நோயினைக் கட்டுப்படுத்தவும் வாய்ப்பாக அமைந்தனை கருத்திற் கொண்டு, இலங்கை புத்தாக்குனர் ஆணைக்குழுவின் அங்கீகாரத்தைப் பெற்றுள்ளதுடன், அதற்கான சான்றிதழ் அனுப்பி வைக்கப்படுமென அறிவித்துள்ளமை குறிப்பிடத்தக்கது.

ஓட்டமாவடி பாத்திமா பாலிகா மகா வித்தியாலயத்தின் பழைய மாணவியான றிப்ஹா, கடந்த 2016இல் புத்தாக்க அமைச்சினால் தேசிய ரீதியான போட்டிக்குத் தெரிவு செய்யப்பட்டு, முன்னாள் ஜனாதிபதி மைத்திரிபால சிறிசேனவினால் கௌரவிக்கப்பட்டமை குறிப்பிடத்தக்கது.

அத்துடன் குறித்த மாணவியை வழி நடாத்திய ஆசிரியர் ஆர்.ஜுனைதீன், ஆலோசனை வழங்கிய அஜீமுஸான் மற்றும் அதிபர் ஸாபிர் அஹ்மத், மட்டக்களப்பு மத்தி கல்வி வலயத்தைச் சேர்ந்த ஜாபிர் கரீம் ஆகியோருக்கு நன்றிகளையும், பாராட்டுக்களையும் பாடசாலை சமூகம் தெரிவிக்கின்றது.

–தமிழ்வின்-

யாழில்..

யாழ்ப்பாணம் – நெல்லியடி, இ ராஜகி ராமம் ப குதியில் க ர்ப்பிணிப் பெ ண்ணொ ருவர் நே ற்று தூ க் கி ட் டு த ற் கொ லை செ ய் து கொ ண்டுள் ளதாக நெல்லியடி பொ லிஸார் தெ ரிவித்து ள்ளனர்.

இ ச் ச ம்பவத்தில் இ ரண்டு பி ள்ளைக ளின் தா யான 29 வ ய தா ன க ஜேந்திரன் து சேந்தினி எ ன்பவரே உ யிரி ழந்து ள்ளதாக பொ லிஸார் தெ ரிவித்து ள்ளனர்.

வீ ட்டில் தூ க் கி ல் தொ ங் கி ய நி லையில் கா ணப்பட்ட அ வரை உ றவினர்கள் பருத்தித்துறை ஆ தார வை த்தியசா லையில் அ னுமதித்த போ து அ வர் ஏ ற்கனவே உ யிரிழ ந்துவி ட்டதாக ம ருத்துவர்கள் தெ ரிவித்து ள்ளனர். ச ம்பவம் தொ டர்பில் மே லதிக வி சாரணைகளை நெ ல்லியடி பொ லிஸார் மே ற்கொண்டு ள்ளனர்.

கொரோனா..

ஜேர்மன் வாழ் புலம்பெயர் தமிழர்கள் மத்தியில் கொரோனா தொற்று அதிகரித்து வருவதாக செய்திகள் வெளியாகியுள்ளன. முறையான பாதுகாப்பு வசதிகள் மற்றும் பாதுகாப்பு இடைவெளிகள் இல்லாது குடும்ப நிகழ்வுகளில் கலந்துகொண்டதால் அதிகமானோருக்கு நோய்த்தொற்று ஏற்பட்டுள்ளதாக தெரியவந்துள்ளது.

ஜெர்மன் நாட்டில் உள்ள பீலவில்ட் ( Bielefeld) நகரில் 22.09.20 அன்று நடைபெற்ற குடும்ப நிகழ்வில் கலந்து கொண்ட 40 இற்கும் மேற்பட்டோருக்கு கொரோனா இருப்பதாக உறுதிப்படுத்தப்பட்டுள்ளனர்.

அத்தோடு இந்நிகழ்வில் கலந்துகொண்ட மேலதிகமாக 50 இற்கும் மேற்பட்டோர் தனிமைப்படுத்தப்பட்டுள்ளனர். அதேவேளை குமமெர்ஸ்பாஹ் (Gummersbach) நகரிலும் தொடர்ச்சியாக பலர் கொரோனாத்தொற்றுக்கு உள்ளாகியுள்ளது. உறுதிப்படுத்தப்பட்டுள்ளது.

கொரோனா தொற்று இருப்பதாக உறுதிப்படுத்தப்பட்டவர்கள் சமீபத்தில் பல குடும்ப நிகழ்வுகளில் கலந்துள்ள நிலையில், இக்குடும்ப நிகழ்வுகளில் கலந்துகொண்ட அனைவரும் பரிசோதனைக்கு அழைக்கப்படவுள்ளனர் என மேலும் செய்திகள் வெளியாகியுள்ளன.

இந்நிகழ்வுகளில் கலந்துகொண்டவர்கள், அல்லது கலந்துகொண்டவர்களுடன் கடந்த வாரத்தில் நேரடியாக பழகியவர்கள் உடனடியாக தங்களை தனிமைப்படுத்துமாறும், பரிசோதனைக்கு உட்படுத்துமாறும் ஜேர்மனிய சுகாதாரத்துறையால் அறிவுறுத்தப்பட்டுள்ளனர்.

நாடுகள் ரீதியாக மீண்டும் கொரோனா தொற்று அதிகரித்துவரும் நிலையில், இப்படியான குடும்ப நிகழ்வுகளின் அத்தியாவசியத்தினை ஆராய்ந்து முழு முற்பாதுகாப்பு நடவடிக்கைகளை கட்டாயம் கடைபிடிக்க வேண்டிய கடமை அனைவருக்கும் உள்ளது என புலம்பெயர் தமிழர் பிரதிநிதிகள் தெரிவித்துள்ளனர்.