தேங்காய் பறிக்கும் போது..

குருநாகல், இப்பாகமுவ பகுதியில், நேற்றையதினம் மின்சாரம் பாய்ந்து இளைஞரொருவர் உ யிரிழந்து ள்ளார். மட்டக்களப்பு, ஏறாவூர் பகுதியைச் சேர்ந்த ஏறாவூர் மக்காமடி ஆதம்லெப்பை குறுக்கு வீதியை அண்டி வசிக்கும் 19 வயதுடைய தாவூத் சலீம் முஹம்மது றிபான் என்ற இளைஞரே சம்பவத்தில் ப லியாகியுள்ளார்.

குறித்த இளைஞன் இளநீர் விற்கும் தொழிலை மேற்கொண்டுவருவதாகவும், இதற்காக அவர் இளநீர் உற்பத்தியாகும் குருநாகல் போன்ற பிரதேசங்களுக்குச் சென்று அங்கு தானே மரத்தில் ஏறி இளநீர்க் குலைகளைப் பறித்து வந்து விற்பனை செய்துவருவதாகவும்,

இதற்காக தென்னை மரத்தில் ஏறியபோதே அவர் எதிர்பாராத விதமாக மின்சாரம் பாய்ந்து ப லியாகியுள்ளதாக பொலிஸார் தெரிவித்துள்ளனர். மின்சாரம் பாய்ந்த இளைஞனை வைத்தியசாலைக்கு கொண்டு செல்லும்போது அவர் வழியிலேயே உ யிரிழந்து ள்ளதாக அவரது உறவினர்கள் தெரிவித்துள்ளனர்.

உ யிரிழந்த வரின் சடலத்தை உடற்கூற்றுப் பரிசோதனைகளின் பின்னர் ஏறாவூருக்கு எடுத்துவர நடவடிக்கைகள் மேற்கொள்ளப்படுவதாகத் தெரிவித்த பொலிஸார் சம்பவம்பற்றி மேலதிக வி சாரணைகளில் ஈடுபட்டுள்ளனர்.

சவுதியில்..

சவுதி அரேபியாவில் தொழில் தேடிச் சென்ற இலங்கையர்களில் 28 பேர் உ யிரிழந்து ள்ளனர். சவுதி அரேபியாவில் உள்ள இலங்கைத் தூதரக வட்டாரங்கள் இதனைத் தெரிவித்துள்ளன.

கடந்த நான்கு மாதங்களில் இந்த ம ரணங்கள் பதிவாகியுள்ளன. இந்த 28 பேரில் இரண்டு வீட்டுப் பணிப்பெண்களும் அடங்குகின்றனர். உ யிரிழந்தவர்களின் சடலங்கள் அந்த நாட்டினதும், சர்வதேசத்தின் சட்டத்தின்படியும் அடக்கம் செய்யப்பட்டுள்ளதாகவும் கூறப்படுகின்றது.

இதேவேளை, இலங்கையில் கொரோனாவினால் பாதிக்கப்பட்டவர்களின் மொத்த எண்ணிக்கை 3,287 ஆக அதிகரித்துள்ளதுடன் 185 பேர் மருத்துவமனைகளில் சிகிச்சை பெற்று வருகின்றனர். இதற்கிடையில் கொரோனாவில் இருந்து குணமானோரின் எண்ணிக்கை 3,088 ஆக உயர்வடைந்துள்ளது.

இருளில்..

அண்மையில் இலங்கை முழுவதும் ஏற்பட்டதை போன்று மீண்டும் மின் தடை ஏற்படக் கூடும் என இலங்கை மின்சார சபையின் பொது மேலாளரினால் எச்சரிக்கை விடுக்கப்பட்டுள்ளது.

தேசிய மின்சார கட்டமைப்பில் உள்ள ஒழுங்கற்ற திட்டம் காரணமாக எதிர்வரும் நாட்களில் ஏற்படவுள்ள முழுமையான மின் தடையை தடுக்க முடியாதென அவர் அறிவித்துள்ளார். மின்சார சபையின் பிரதி பொது மேலாளர் சுஜீவ அபயவிக்ரம இது தொடர்பில் கடிதம் மூலம் மின்சார சபைக்கு அறிவித்துள்ளார்.

மின்சார சபை கட்டமைப்பு உரிய முறையில் திட்டமிட்டிருந்தால் சிறு தவறு ஏற்பட்டாலும் கட்டமைப்பு முழுமையான செயலிழக்காது என அவர் சுட்டிக்காட்டியுள்ளார்.

இந்த விடயத்தை சரிப்படுத்தவில்லை என்றால் எதிர்வரும் காலங்களில் நாடு இந்த நிலைமைக்கு முகம் கொடுக்க நேரிடும் என அவர் எச்சரிக்கை விடுத்துள்ளார்.

-தமிழ்வின்-

கண்டி – பூவெலிகட..

கட்டிடம் இடிந்து சிறிது சிறிதாக கீழே விழுந்து கொண்டிருந்தது. என் மீதும் விழுந்தது. நானும் எனது மாமியும் ஆரம்பத்திலேயே மீட்கப்பட்டோம் என கண்டி – பூவெலிகட பகுதியில் நேற்று காலை இடிந்து விழுந்த கட்டிடத்தில் இருந்து மீட்கப்பட்ட பெண் தெரிவித்துள்ளார். இது குறித்து அவர் தொடர்ந்தும் தெரிவிக்கையில்,

அதிகாலை 5 மணி இருக்கும். எமது வீட்டிற்கு அருகிலிருந்த 5 மாடி கட்டிடம் திடீரென இடிந்து விழுந்தது. அதன்போது ஏற்பட்ட சத்தத்தில் எழுந்து பார்க்கும் போது எனது சித்தப்பா மற்றும் அவரது மனைவி உறங்கிக்கொண்டிருந்த எமது வீட்டின் ஒரு பகுதியின் மீதே குறித்த கட்டிடம் விழுந்திருந்ததுடன் நாமிருந்த அறை பக்கமும் கட்டிடத்தின் சிறு பகுதிகள் சிதறி கிடந்தன.

கட்டிடம் இடிந்து சிறிது சிறிதாக கீழே விழுந்து கொண்டிருந்தது. என் மீதும் விழுந்தது. நானும் எனது மாமியும் ஆரம்பத்திலேயே மீட்கப்பட்டோம்.

மற்றைய அறையில் எனது சித்தப்பாவும் சித்தியும் அவர்களது ஒன்றரை மாத குழந்தையும் உறங்கிக் கொண்டிருந்தார்கள். அவர்களது தொலைபேசிக்கு அழைத்த போதும் தொலைபேசி இயங்கவில்லை என குறிப்பிட்டுள்ளார்.

இதன்போது குறித்த அனர்த்தத்தில் இருந்து மீட்கப்பட்ட மற்றுமொரு தாய் குறிப்பிடுகையில், அதிகாலை 5 மணியளவில் பாரிய சத்தமொன்று கேட்டதைத் தொடர்ந்து ஜன்னல் வழியாகவே பார்த்தோம்.

நாம் பார்க்கும் போது கட்டிடம் முழுமையாக இடிந்திருந்தது. நாம் கூச்சலிட்ட போதும் அருகில் வசித்தவர்களுக்கு சத்தம் கேட்கவில்லை. 119 அவசர தொலைபேசி இலக்கத்திற்கு அழைத்ததன் பின்னர் பொலிஸார் உடனடியாக வந்து எம் இருவரையும் மீட்டனர்.

எனினும் மற்றைய அறையிலேயே குழந்தையுடன் அதன் தாய் தந்தை உறங்கிக் கொண்டிருந்தனர் என தெரிவித்துள்ளார்.

5 மாடிக் கட்டடம்..

கண்டி பூவெலிகட பிரதேசத்தில் இன்று (20.09) அதிகாலை 5 மாடி கட்டடம் இடிந்து விழுந்த சம்பவத்திற்கும் இதற்கு முன்னர் கண்டியில் ஏற்பட்ட நில அதிர்வு ஒரு காரணமாக இருக்கலாம் என பேராதனை பல்கலைக்கழகத்தின் புவியியல் கல்வித்துறையின் சிரேஷ்ட பேராசிரியர் அத்துல சேனாரத்ன தெரிவித்துள்ளார்.

கண்டியில் நடந்த கோர சம்பவம் குறித்து ஊடகங்களிடம் கருத்து வெளியிடும் போதே அவர் இதனைக் கூறியுள்ளார்.

கட்டடம் இடிந்து விழுந்த இடத்தில் மண் அடுக்குகள் சரிந்து சென்றுள்ளமை சம்பவ இடத்தை பார்வையிடும் போது தெளிவாகியுள்ளது. அந்த நிலப்பகுதியில் உள்ள பாறை அடுக்குகளில் இருக்கும் மண் அடுக்குள் தளர்ந்து போயுள்ளன.

இரண்டு வாரங்களுக்கு முன்னர் கண்டியில் ஏற்பட்ட நில அதிர்வு மற்றும் தற்போது பெய்துவரும் கனமழையால் அதிகளவான தண்ணீர் மண் அடுக்குகளில் சேர்ந்து, மண் அடுக்குள் சரிந்துள்ளதை காணமுடிக்கின்றது.

எனினும் புவியியல் ஆய்வுகளை மேற்கொண்டு கட்டடத்தின் அடித்தளத்தை கற்பாறையுடன் பொறியலாளர்கள் இணைந்து நிர்மாணித்திருந்தால், இப்படியான விபத்துக்கள் ஏற்படாது. இப்படியான ஆய்வுகளை மேற்கொள்ளாது 10 வருடங்களுக்கு முன்னர் இந்த கட்டடம் நிர்மாணிக்கப்பட்டிருக்கலாம்.

மலைகளில் வீடுகளை நிர்மாணிக்கும் போது புவியியல் ஆய்வுகளை மேற்கொண்டு புவியியலாளர்களின் பரிந்துரைகளை பெற்று கட்டடங்களை நிர்மாணிக்க வேண்டும். இப்படியான பரிந்துரைகளை வழங்கும் செயற்பாடுகள் 10, 15 ஆண்டுகளுக்கு முன்னர் இருக்கவில்லை.

தற்போது கட்டாயம் இப்படியான நடைமுறைகளை பின்பற்ற வேண்டும் எனவும் பேராசிரியர் அத்துல சேனாரத்ன குறிப்பிட்டுள்ளார்.