இலங்கையில் கொரோனா வைரஸ் தாக்கம் காரணமாக நாடளாவிய ரீதியில் தற்போது ஊரடங்கு சட்டம் அமுல்படுத்தப்பட்டுள்ளது.
இந்த நிலையில் அத்தியாவசிய தேவைகளுக்காக வீட்டை விட்டு வெளியே வர வேண்டிய சூழ்நிலையில் உள்ளவர்களுக்கு அனுமதி பத்திரங்கள் வழங்கப்பட்டுள்ளன. எனினும் சிலர் இந்த அனுமதி பத்திரங்களை தவறாக உபயோகித்து வருவதாக தெரியவருகிறது.
இவ்வாறான சந்தர்ப்பத்தில் ஊரடங்கு உத்தரவு காலத்தில் அத்தியாவசிய தேவைகளுக்காக வழங்கப்பட்டுள்ள அனுமதி பத்திரங்களை தவறான முறையில் பயன்படுத்தும் நபர்களுக்கு கடும் எச்சரிக்கை விடுக்கப்பட்டுள்ளது.
அனுமதி பத்திரங்களை தவறாக பயன்படுத்தி சிக்கும் பட்சத்தில் கடுமையான நடவடிக்கை எடுக்கப்படும் என பொலிஸ் ஊடகப்பிரிவின் செய்தித் தொடர்பாளர் ஜாலிய சேனாரத்ன அறிவித்துள்ளதாக தெரியவருகிறது.
வவுனியாவில் நேற்றயதினம் சேகரிக்கப்பட்ட 14 பேரின் இரத்தமாதிரிகளில் கொரோனோ தொற்று இல்லை என உறுதி செய்யப்பட்டுள்ளது.
வவுனியாவில் கொரோனோ வைரஸ் தொற்று தொடர்பான இரத்த மாதிரிகள் சேகரிக்கும் செயற்பாடு பிராந்திய சுகாதாரசேவைகள் பணிமனை மற்றும் சுகாதாரவைத்திய அலுவலகத்தால் நேற்றயதினம் முன்னெடுக்கப்பட்டது.
யாழ்பாணத்தில் இடம்பெற்ற மத ஆராதனையில் கலந்துகொண்ட மற்றும் வேறு பகுதிகளில் தொடர்புகளை கொண்டிருந்த வவுனியாவை சேர்ந்தவர்களிற்கு கொரோனோ வைரஸ்தாக்கம் இருக்கின்றதா எனசோதனை செய்வதற்கான இரத்தமாதிரிகள் சேர்க்கும் நடவடிக்கை கடந்தவாரம் முன்னெடுக்கப்பட்டிருந்தது.
இந்நிலையில் குறித்த சோதனை நடவடிக்கையின் இரண்டாம் கட்ட பணிகள் நேற்றயதினமும் முன்னெடுக்கப்பட்டது.
வவுனியாவின் காத்தான்கோட்டம் மற்றும் ஓமந்தை, புளியங்குளம் ஆகிய இடங்களில் தனிமைப்படுத்தி வைக்கப்பட்ட 8 பேரிடம் குறித்த இரத்தமாதிரிகள் சேர்ககப்பட்டதுடன்,
அவை மேலதிக ஆய்வுகூட பரிசோதனைக்களிற்காக அனுராதபுரத்திற்கு அனுப்பிவைக்கப்பட்டிருந்தது. பரிசோதனை முடிவில் ஒருவருக்கும் கொரோனா தொற்று இல்லையென உறுதி செய்யப்பட்டுள்ளது.
எதிர்வரும் 20 ஆம் திகதி தொடக்கம் இரண்டு வாரங்களுக்கு பொதுப் போக்குவரத்துச் சேவையை அத்தியாவசிய தேவைக்காக மாத்திரம் பயன்படுத்துவதற்கு போக்குவரத்து அமைச்சு தீர்மானித்துள்ளது.
போக்குவரத்து அமைச்சர் மஹிந்த அமரவீரவுடன் ரயில்வே திணைக்களம், இலங்கை போக்குவரத்துச் சபை, தேசிய போக்குவரத்து ஆணைக்குழு உள்ளிட்ட போக்குவரத்து அதிகாரிகள் இன்று வெள்ளிக்கிழமை இணைந்து நடாத்திய கலந்துரையாடலின்போது இந்தத் தீர்மானம் எடுக்கப்பட்டுள்ளது.
பொதுப் போக்குவரத்து சேவையைப் பயன்படுத்தும்போது, சுகாதார மற்றும் பாதுகாப்புத் துறையினரால் வழங்கப்பட்டுள்ள ஆலோசனைகளைக் கடுமையாக அமுல்படுத்தவும் இந்தக் கலந்துரையாடலின்போது தீர்மானிக்கப்பட்டுள்ளது.
அதற்கமைய, அனைத்து ரயில் நிலையங்களிலும் பயணிகளின் உடல் வெப்பநிலையைப் பரிசோதித்தல், எவரேனும் ஒருவருக்கு காய்ச்சல், தடிமல் காணப்பட்டால் சுகாதாரத் துறையினரின் ஆலோசனைக்கு அமைய செயற்படவும் தீர்மானிக்கப்பட்டுள்ளது.
ரயில் பெட்டிகள் மற்றும் மார்க்கங்களில் எச்சில் துப்புதல், வர்த்தக நடவடிக்கைகளில் ஈடுபடுதல், யாசகம் எடுத்தல் ஆகியனவும் முழுமையாகத் தடை செய்யப்பட்டுள்ளது. ரயில் மற்றும் பஸ்களில் பயணிக்கும் அனைத்துப் பயணிகளும் முகக்கவசங்கள் அணிவதையும் ஒரு மீற்றர் இடைவௌியைப் பேணுவதையும் கட்டாயமாக்குவதற்குத் தீர்மானிக்கப்பட்டுள்ளது.
ரயில் நிலையங்கள், ரயில் பெட்டிகள் மற்றும் பஸ்களை 2 நாட்களுக்கு ஒரு தடவை கிருமித் தொற்று நீக்கம் செய்வதற்கும் இந்தக் கலந்துரையாடலின்போது தீர்மானிக்கப்பட்டுள்ளது.
இதற்குத் தேவையான கிருமி நாசினிகளைபி பெற்றோலியக் கூட்டுத்தாபனத்தினூடாகப் பெற்றுக்கொள்ளவும் தீர்மானிக்கப்பட்டுள்ளது எனப் போக்குவரத்து அமைச்சு வௌியிட்டுள்ள அறிக்கையில் குறிப்பிடப்பட்டுள்ளது.
அத்தியாவசிய சேவையில் ஈடுபடுவோர் தவிர்ந்த ஏனைய நபர்களை பஸ்கள் மற்றும் ரயில்களில் ஏற்றாதிருப்பதற்கும் தீர்மானிக்கப்பட்டுள்ளது அந்த அறிக்கையில் சுட்டிக்காட்டப்பட்டுள்ளது.
2020 மார்ச் 10ஆம் திகதியன்று காலாவதியான சாரதி அனுமதிப்பத்திரத்தை கொண்டிருப்பவர்கள் அதனை கொரோனா வைரஸ் கட்டுப்பாட்டுக்குள் கொண்டு வரப்படும் வரை பயன்படுத்த முடியும் என்று அறிவிக்கப்பட்டுள்ளது.
போக்குவரத்துறை அமைச்சர் மஹிந்த அமரவீர இதனை தெரிவித்துள்ளார். ஏற்கனவே இந்த அனுமதிபத்திரங்களை புதுப்பிக்க ஏப்ரல் 15 வரை கால அவகாசம் வழங்கப்பட்டிருந்தது.
எனினும் கொரோனா வைரஸ் தொற்றுக் காரணமாக அந்த திகதியில் மாற்றம் செய்யப்பட்டு தற்போது அந்த சாரதி அனுமதிப்பத்திரங்களின் செல்லுப்படி காலம் கொரோனா வைரஸ் கட்டுப்பாட்டுக்குள் வரும் வரை நீடிக்கப்பட்டுள்ளது.
இங்கிலாந்தின் வாடகை டக்ஸி செலுத்துனரான தமிழர் ஒருவரின் மரணம் பற்றிய தகவல்கள் வெளியாகியுள்ளன. டாக்ஸி சாரதிகள் கொரோனாவினால் பாதிக்கப்பட வாய்ப்புள்ளதாக தெரிவித்து, அவரது வீட்டு உரிமையாளர் அவரை வீட்டை விட்டு வெளியேற்றியிருந்த நிலையில், கொரொனா தா க்கத்துடன் காருக்குள்ளேயே அவர் வாழ்ந்த துயரத் தகவல்கள் வெளியாகியுள்ளன.
இந்தியாவின் பெங்களூரை பூர்வீகமாக கொண்ட ராஜேஷ் ஜெயசீலன் என்பவரே கடந்த 11ஆம் திகதி உயிரிழந்துள்ளார். மேற்கு லண்டன் பகுதியில் வசித்த இவர், உபேர் டக்ஸி ஓட்டுனராக பணிபுரிந்து வந்துள்ளார்.
அவர் ஹீத்ரோ விமான நிலையத்திற்கு பயணிகளை அழைத்துச் சென்ற சிறிது நேரத்திலேயே கொரோனா வைரஸின் அறிகுறிகளை உணர்ந்துள்ளார். பின்னர், 11ஆம் திகதி நோர்த்விக் பார்க் மருத்துவமனையில் உயிரிழந்துள்ளார்.
ஹாரோவில் வசித்து வந்த ராஜேஷ் ஜெயசீலன், இந்த மாத தொடக்கத்தில் கோவிட் -19 க்கு தொற்றுக்குள்ளானது உறுதியானது. 45 வயதான இவர், இந்தியாவின் பெங்களூரைச் சேர்ந்தவர். அவரது மனைவி, இரண்டு பிள்ளைகள் பெங்களூரிலேயே வசித்து வருகிறார்கள்.
சுமார் 10 வருடங்களுக்கு முன்பு இங்கிலாந்திற்கு குடிபெயர்ந்தார். அவர் இறப்பதற்கு நான்கு மணி நேரத்திற்கு முன்பு மருத்துவமனை படுக்கையில் இருந்தபடி தனது குடும்பம் மற்றும் நண்பர்களுடன் பேசினார். மார்ச் 25 அன்று ஹீத்ரோ விமான நிலையத்தில் அவர் கடைசியாக பயணிகளை அழைத்துச் சென்றார்.
அவரது நண்பரான சுனில் குமார் தெரிவித்தபோது, அந்த பயணத்திற்கு அடுத்தடுத்த நாட்களில் கொரோனா அறிகுறிகளை ஜெயசீலன் உணர்ந்தார். ஏப்ரல் 3 ஆம் திகதி அவர் மருத்துவமனைக்கு சென்றுள்ளார். டக்ஸி சாரதியாகன ஜெயசீலன் பணிபுரிவதால், வைரஸால் பாதிக்கப்படுவதற்கான அதிக வாய்ப்பு இருப்பதாக அவர் குடியிருந்த வீட்டின் உரிமையாளர் தெரிவித்து, அவரை வீட்டை விட்டு வெளியேற்றியுள்ளார்.
இறப்பதற்கு இரண்டு வாரங்களின் முன்னர்தான் அவர் தனது பிளாட்டை விட்டு வெளியேற்றப்பட்டார். உடனடியாக புதிய வீட்டைக் கண்டுபிடிக்க முடியாமல் ஓரிரு நாட்கள் அவர் தனது காரில் தூங்க வேண்டிய கட்டாயம் ஏற்பட்டது. அது ஹாரோவிலும் தங்கியிருந்தார்“ என்றார்.
அவர் வைரஸால் பாதிக்கப்பட்டதாக கருதப்படும் சமயத்தில், ஹீத்ரோ விமான நிலையத்திலிருந்து தனது காரில் பயணிகளை அழைத்துச் சென்றிருந்தார். கோவிட் -19 இன் அறிகுறிகளைக் காட்டிய பின்னர், ஜெயசீலன் வேலைக்குத் திரும்பவில்லை. சுயமாக தனிமைப்படுத்தப்பட்டார்.
பிரித்தானிய சுகாதார சேவைகள் இந்த நடைமுறையைத்தான் பரிந்துரைக்கிறது.ஜெயசீலனின் நிலை மோசமடைந்தது. அவரது வாழ்க்கையின் கடைசி வாரங்களில் நிறைய போ ராடினார். சமைக்கவோ அல்லது வெளியே செல்லவோ அவருக்கு சக்தியிருக்கவில்லை“ என்று குமார் கூறினார்.
அவர் உண்மையில் ஒரு வாரம் பட்டினி கிடந்தார். அவர் கஷ்டப்பட்டார். ஏப்ரல் 3 ஆம் திகதி, அவர் சிரமப்பட்டு மூச்சு விடுவதில் சிரமம் இருந்ததால் நோர்த்விக் பார்க் மருத்துவமனைக்கு அழைத்துச் சென்று அனுமதிக்கப்பட்டார். அவர் குணமடைந்து விடுவார் என்று நம்பினார். ஆனால் ஏப்ரல் 11 அன்று மருத்துவர்கள் நம்பிக்கையை இழந்து வருவதாக மருத்துவமனையால் எனக்குத் தெரிவிக்கப்பட்டது.
அவர் மருத்துவமனை படுக்கையிலிருந்து தனது மனைவியுடன் பேசினார். நானும் அவருடன் பேசினேன். ஆனால் நான்கு மணி நேரம் கழித்து அவர் இறந்துவிட்டார் என்பதை தெரிவிக்க மருத்துவமனையிலிருந்து எனக்கு அழைப்பு வந்தது.” என்றார்.
ஜெயசீலன் இந்தியாவில் உள்ள தனது குடும்பத்தினரை சென்று சந்தித்து வந்துள்ளார். கடந்த ஆண்டு கிறிஸ்மஸ் சமயத்திலும் இந்தியா சென்றிருந்தார். ஜனவரி மாதம் மீண்டும் லண்டனுக்கு வந்த அவர் தனது மனைவி மற்றும் குழந்தைகளுடன் வீடியோ அழைப்பு மூலம் தவறாமல் பேசினார்.
தனது இரண்டு குழந்தைகளின் எதிர்காலத்தை உருவாக்குவது, ஒரு வீடு கட்டுவதே அவரது நோக்கமாக இருந்தது. அவரது இறப்பின் மூலம் அந்த குடும்பத்தின் எதிர்காலம் இருண்டு விட்டது. அவர்களிற்கு உதவுவதற்காக, குமார் ஒரு பேஸ்புக் பக்கத்தை உருவாக்கியுள்ளார்.
அந்த பக்கத்தின் மூலம் இதுவரை 14,500 பவுண்ட்ஸ் வரையான பணம் சேகரிக்கப்பட்டுள்ளது.அவரது குடும்பத்தினருக்கு உதவ விரும்புவர்களை நிதியுதவி செய்ய அழைப்பு விடுத்துள்ளார்.
நாட்டில் கொரனா தொற்று தீவிரம் அடைந்ததையடுத்து நாடு முழுவதும் ஊரடங்குச் சட்டம் அமுல்படுத்தப்பட்டது. இந்நிலையில் வவுனியாவில் ஊரடங்கு சட்டம் அமுலில் உள்ள சமயத்தில் மக்களின் நலனை கருத்தில் கொண்டு மருந்தகங்கள், சதொச விற்பனை நிலையம், மொத்த வியாபார நிலையங்கள், கோப்சிட்டி ஆகியன திறந்துள்ளன.
வவுனியா உள்ளிட்ட வடமாகாணத்தின் யாழ்ப்பாணம் தவிர்ந்த பகுதிகளில் ஊரடங்கு சட்டம் நேற்று (16.04.2020) காலை 6.00 மணிக்கு தளர்த்தப்பட்டு பிற்பகல் 4.00 மணிக்கு மீண்டும் அமுலுக்கு வந்து மீண்டும் 20ம் திகதி காலை 6.00 மணிக்கு தளர்த்தப்படவுள்ளது.
ஊடரங்கு அமுலில் உள்ள காலப்பகுதியில் அரச உத்தியோகத்தர்கள், வங்கி ஊழியர்கள், பாதுகாப்பு உத்தியோகத்தர்கள் ஆகியோரின் நலனை கருத்தில் கொண்டு சதொச விற்பனை நிலையம் மற்றும் கோப்சிட்டி போன்றன திறந்துள்ளதுடன் நோயாளர்களின் நலனை கருத்தில் கொண்டு மருந்தகங்களும் திறக்கப்பட்டுள்ளது.
கொரோனா வைரஸ் பரவலுக்கு மத்தியில் உலகம் முழுவதும் வாழும் சுமார் 100 மில்லியன் பிள்ளைகளுக்கு தட்டம்மை நோய் ஏற்படும் ஆபத்து இருப்பதாக ஐக்கிய நாடுகள் அமைப்பு மற்றும் சர்வதேச சுகாதார விசேட நிபுணர்கள் எ ச்சரித்துள்ளனர்.
கொரோனா வைரஸ் பரவலை தடுக்க மேற்கொள்ளப்பட்டு வரும் நடவடிக்கைகளுக்கு மத்தியில் பல நாடுகள் நோய் எ திர்ப்பு சக்தியை மேம்படுத்தும் நடவடிக்கைகள் சீர்குலைந்துள்ளன.
இதன் பிரதிபலனாக பிள்ளைகள் தட்டம்மை நோய்க்கு உள்ளாகும் ஆபத்து ஏற்பட்டுள்ளதாக சுகாதார நிபுணர்கள் எச்சரித்துள்ளனர்.
குறிப்பாக கொரோனா வைரஸ் பரவல் காரணமாக குறைந்த மற்றும் நடுத்தர வருமானம் பெரும் நாடுகளே நோய் எதிர்ப்பு சக்தியை மேம்படுத்தும் நடவடிக்கைகளில் சீர்குலைவை எதிர்நோக்கி வருகின்றன.
இவ்வாறான 24 நாடுகள் தற்போது அடையாளம் காணப்பட்டுள்ளன. மெக்சிகோ, கம்போடியா, நைஜீரியா ஆகிய நாடுகள் இதில் அடங்குகின்றன.
வவுனியாவில் விசேட அதிரடிப் படையினரால் சிறுவர் மற்றும் முதியோர் இல்லங்களில் தொற்று நீக்கல் செயற்பாடுகள் முன்னெடுக்கப்பட்டது.
விசேட அதிரடிப் படையினரும், வவுனியா நகரசபையும் இணைந்து இன்று காலை இந்த நடவடிக்கையை முன்னெடுத்திருந்தனர்.
கொரனா தாக்கம் அதிகரித்து வரும் நிலையில் அதனைக் கட்டுப்படுத்தி தொற்றை தடுக்கும் வகையில் வவுனியா சிவன் சிறுவர் இல்லம், சிவன் முதியோர் இல்லம், அன்பகம் உள்ளிட்ட சிறுவர் மற்றும் முதியோர் இல்லங்களில் இவ்வாறு தொற்று நீக்கல் செயற்பாடுகள் முன்னெடுக்கப்பட்டது.
குறித்த இல்லங்கள் நீர்பம்பி மூலம் கழுவப்பட்டு தொற்று நீக்கும் மருந்துகளும் விசிறப்பட்டன.
கொரோனா வைரஸ் தொற்றியதாக அடையாளம் காணப்பட்ட 6764 நோயாளர்களில் சுமார் ஆயிரத்து 297 பேருக்கே அந்த நோய்க்கான அறிகுறிகள் தென்பட்டதாக சீனாவின் தேசிய சுகாதார ஆணைக்குழுவின் தலைவர் மீ பென்ங் தெரிவித்துள்ளார்.
நேற்று முன்தினம் நடத்திய செய்தியாளர் சந்திப்பில் அவர் இதனை கூறியுள்ளதாக சிங்கள ஊடகமொன்று தெரிவித்துள்ளது. இது தொடர்பில் மேலும், இதனடிப்படையில் கொரோனா வைரஸ் தொற்றிய நோயாளர்களில் 5 இல் 4 வீதமான நோயாளிகளுக்கு வைரஸ் தொற்றியமைக்கான அறிகுறிகள் தென்படவில்லை.
இந்த நிலைமையானது கொரோனா வைரஸ் பரவுவதை கட்டுப்படுத்துவதில் மிகப் பெரிய அச் சுறுத்தல். அத்துடன் இது வைரஸ் பரவலை வேகப்படுத்தும் என்பதுடன் அது விரிவடைய காரணமாகவும் அமையும். இதனால், பொதுமக்களை பரிசோதிப்பது மிகவும் முக்கியமானது என மீ பென்ங் குறிப்பிட்டுள்ளதாக தெரிவிக்கப்பட்டுள்ளது.
“கொரோனா வைரஸை ஒழிப்பதற்கான பாதையில் இலங்கை” என்ற பெயரில் சமூக மருத்துவ நிபுணர்கள் சங்கம் ஜனாதிபதி கோட்டாபய ராஜபக்ஷவுக்கு அறிக்கை ஒன்றை சமர்ப்பித்துள்ளது.
ஊரடங்கு சட்டத்தை தளர்த்தல், நாட்டின் வழமையான நடவடிக்கைகளை ஆரம்பித்தல் தொடர்பான தமது யோசனை அடங்கிய அறிக்கையை ஜனாதிபதியிடம் ஒப்படைத்துள்ளதாக சங்கத்தின் ஊடக இணைப்பாளர் கபில ஜயரத்ன தெரிவித்துள்ளார்.
“மூன்று கட்டமாக இந்த வேலைத்திட்டத்தை முன்னெடுக்க தீர்மானிக்கப்பட்டுள்ளது. இந்த ஊரடங்கு சட்டத்தை எப்படி நடத்தி செல்வது என்பது தொடர்பிலேயே பிரதானமாக நாங்கள் இங்கு ஆராய்ந்துள்ளோம்.
ஊரடங்கு சட்டத்தை தளர்த்தினால் எப்படி வீட்டிலிருந்து ஒருவர் மாத்திரம் வெளியில் வருவதற்கு மட்டுப்படுத்த முடியும்,? அனுமதி பத்திரம் வழங்க முடியுமா? அந்த காலப்பகுதியை குறிப்பிட்ட நேரத்திற்கு மட்டுப்படுத்தல் போன்றவை தொடர்பில் ஆராயப்பட்டுள்ளது.
அடுத்ததாக போக்குவரத்து வசதிகளை மேற்கொள்வது குறித்து அவதானம் செலுத்தப்பட்டுள்ளது. ஆரம்பத்தில் தனியார் வாகனங்கள் மாத்திரமே பயன்படுத்த வேண்டும். பொது போக்குவரத்து வசதிகள் தளர்த்தப்படாது. இரண்டாவது சந்தர்ப்பத்திலேயே பொது போக்குவரத்தினை மட்டுப்படுத்தி தளர்த்த நடவடிக்கை மேற்கொள்ளப்படும்.
அதன் பின்னர் வர்த்தக நிலையங்கள், உணவு வழங்கும் இடங்களை முன்பு போலவே நடத்தி செல்ல திட்டமிடப்பட்டுள்ளது. மேலும் வங்கி வாடிக்கையாளர்களுக்கு தூர இடைவெளியில் சேவை வழங்குவதற்கு எதிர்பார்க்கப்படுகின்றது.
பாடசாலை மற்றும் ஏனைய கல்வி நிறுவனங்களை சற்று தாமதமாகவே ஆரம்பிக்க திட்டமிடப்பட்டுள்ளது. இந்த சந்தர்ப்பத்தில் அவை ஆரம்பிக்கப்படாது. அதனை தொடர்ந்து தொழிற்சாலைகள் திறப்பதற்கு எதிர்பார்க்கப்படுகின்றது.
50 சதவீத திறனில் இயங்க வைப்பதற்கு நடவடிக்கை மேற்கொள்ளப்படும். நாங்கள் குறிப்பாக மேல் மாகாணத்தின் தேவைகளை அடையாளம் கண்டுள்ளோம் மற்றும் மேல் மாகாணத்திற்கு தனித்துவமான ஒரு திட்டத்தை செயல்படுத்தவுள்ளோம்” என அவர் மேலும் தெரிவித்துள்ளார்.
த னது க ணவர் கு டும்பத்தினரால் சி த்திரவ தைக்கு உ ள்ளாகியுள்ள பெ ண் ஒ ருவர் த ன்னை கா ப்பாற்றுமாறு ச மூக ஊ டகங்களில்வாயிலாக கோ ரிக்கை வி டுத்துள்ளார்.
முல்லைத்தீவில் இ ருந்து இரத்தினபுரி – இறம்புக்கந்தை ப குதிக்கு தி ருமணமாகி வ ந்த சுதர்சனி எ ன்ற பெ ண்ணே இ வ்வாறு கோ ரிக்கை வி டுத்துள்ளார்.
கு றித்த பெ ண் மீ து வ ன்மு றை ந டத்தப்பட் டுள்ள நி லையில், த ற்போது வை த்தியசாலையில் அ னுமதிக்க ப்பட்டு சி கிச்சை பெ ற்று வ ருகின்றார்.
இந்நி லையில், ச மூக ஊ டகங்கள் வா யிலாக த ன்னை கா ப்பாற்றுமாறு கோ ரிக்கை வி டுத்துள்ளார். த ன்னை கா ப்பாறாவிட்டால் தூ க்கிலி ட்டு கொ லை செ ய்துவிடு வார்கள் எ னவும் அ வர் கூ றியுள்ளார்.
தா ன் க ணவர் வீ ட்டாரால் தொ டர்ந்தும் சி த்திரவ தைக்கு உ ள்ளாகி வ ருவதாகவும், ஆ கையால், த ன்னையும் த னது கு ழந்தையையும் கா ப்பாற்றுமாறு அ வர் கோ ரிக்கை வி டுத்துள்ளார்.
நோயாளியின் அருகாமையில் செல்லாது மருத்துவ பரிசோதனை நடாத்த கூடிய கருவியொன்றை இலங்கையைச் சேர்ந்த மருத்துவர் ஒருவர் கண்டு பிடித்துள்ளார்.
சிலாபம் வைத்தியசாலையில் மூக்கு, காது மற்றும் தொண்டை ஆகியன தொடர்பான விசேட மருத்துவ நிபுணராக கடமையாற்றி வரும் டொக்டர் ரிஸ்னி சகாப்பினால் இந்த கருவி கண்டு பிடிக்கப்பட்டுள்ளது.
தொண்டை, காது மற்றும் மூக்கு போன்ற உடலின் உறுப்புக்களுக்குள் சிறிய ரக கெமரா ஒன்றை உட்செலுத்தி கணினியின் உதவியுடன் நோய் தொடர்பில் கண்டறிய இந்த கருவி உதவும் என தெரிவிக்கப்படுகிறது.
நோயாளிக்கு அருகாமையில் செல்லாது மருத்துவ பரிசோதனை செய்யப்படுவதனால் மருத்துவர்கள் பாதுகாப்பு அங்கிகள் எதனையும் அணிந்து பரிசோதனை நடாத்த வேண்டியதில்லை என தெரிவிக்கப்படுகிறது.
மருத்துவர்களுக்கு நோய் தொற்று பரவக்கூடிய ஆபத்து காணப்படுவதனால் இவ்வாறான ஓர் கருவியை கண்டு பிடித்து பாதுப்பான முறையில் சிகிச்சைகளை வழங்க திட்டமிட்டுள்ளதாக மருத்துவர் சகாப் தெரிவித்துள்ளார்.
வீட்டில் இருந்து கொண்டே நோயாளியை பரிசோதனைக்கு உட்படுத்தக் கூடிய வகையிலான கருவியொன்றை உருவாக்கும் திட்டம் உள்ளது எனவும், வெளிநாடுகளிலிருந்து மூலப் பொருட்களை பெற்றுக்கொள்ள முடியாத காரணத்தினால் இந்த கருவியை உருவாக்குவதில் கால தாமதம் ஏற்படுவதாகவும் அவர் குறிப்பிட்டுள்ளார்.
மலேசியாவுக்கு படகு வழியாக சென்றடையும் முயற்சியில் க டலில் த த்தளித்த 396 ரோஹிங்கியா அகதிகள், வங்கதேச கடற்படையினரால் மீ ட்கப்பட்டுள்ள நிலையில் 32 அகதிகள் உ யிரிழந்திருக்கின்றனர்.
பெ ண்கள், கு ழந்தைகள் உள்ளிட்ட 396 அகதிகள் மோ சமான- மிகவும் ஆள் நெருக்கடிமிக்க படகில் இரண்டு மாதங்களை கழித்ததாகக் கூறப்படுகின்றது. மீட்கப்பட்ட போது அகதிகள் மிகவும் சோர்வாக இருந்தாக அதிகாரிகள் தெரிவித்திருக்கின்றனர்.
ஒரு புறம் மலேசியா அருகே இப்படகு சென்ற நிலையில் இரண்டு முறை திருப்பி அனுப்பப்பட்டதாகவும், ஒரு கட்டத்தில் படகோட்டிகளுக்கும் அகதிகளுக்கும் ச ண்டை ந டந்ததாகவும் ஓர் அகதி தெரிவிக்கிறார். இன்னொரு புறம், கொரோனா வைரஸ் அ ச்சம் காரணமாக மலேசியா இந்த அகதிகளை திருப்பி அனுப்பியதாகக் கூறப்படுகின்றது.
கடந்த பல ஆண்டுகளாக நவம்பர் முதல் மார்ச் வரையிலான காலக்கட்டத்தில் வங்கதேசம் மற்றும் மியான்மர் ஆகிய நாடுகளிலிருந்து வெளியேறும் ரோஹிங்கியா அகதிகள், மலேசியாவில் படகு மூலம் தஞ்சமடையும் முயற்சிகளை மேற்கொண்டு வருகின்றனர்.
தற்போது மீட்கப்பட்டவர்கள், மீன்படி படகில் வந்ததாகக் கூறும் வங்கதேச கடலோர காவல்படையின் பேச்சாளர் ஷா ஹியா ரகுமான், “அவர்கள் 58 நாட்கள் கடலில் த த்தளித்திருக்கின்றனர். கடந்த ஏழு நாட்களாக வங்கதேச கடல் எல்லைக்குள் இவர்கள் இருந்ததாக அறிகிறோம்,” எனக் கூறியிருக்கிறார்.
கரை ஒதுங்கிய அகதிகள் கொரோனா தொற்றால் பா திக்கப்பட்டிருக்கலாம் என்ற அ ச்சம் இருப்பதால், இவர்களிடையே இது வரை எந்த வி சாரணையும் மேற்கொள்ளப்படவில்லை.
இந்த அகதிகள் மோ சமான உ டல்நிலையுடன் காணப்படுவதாகக் குறிப்பிட்டுள்ள ஐ.நா. அகதிகள் முகமை, தனிமைப்படுத்தப்படும் இடங்களுக்கு இந்த மக்களை நகர்த்த வங்கதேச அரசுக்கு தேவையான உதவிகள் செய்யப்படும் என்று தெரிவித்துள்ளது.
அதே சமயம், ரோஹிங்கியா அகதிகள் படகு வழியாக வழக்கமாக த ஞ்சமடையக் கூடிய நாடுகளாக உள்ள தாய்லாந்து மற்றும் மலேசியாவில் கொரோனா காரணமாக மக்கள் நடமாட்டத்திற்கு கட்டுப்பாடு விதிக்கப்பட்டுள்ளதால், மேலும் பல படகுகள் கடலில் இருக்கக்கூடும் எனச் சொல்லப்படுகின்றது.
மியான்மரின் ரக்ஹைன் மாநிலத்தில் உ யிர் அ ச்சுறுத் தலை சந்தித்துவரும் ரோஹிங்கியா முஸ்லிம்கள், பல ஆண்டுகளாக அந்நாட்டை விட்டு வெளியேறும் சம்பவங்கள் நிகழ்ந்து வருகின்றன.
ரோஹிங்கியா முஸ்லிம்களை கு றிவைக்கும் வ ன்முறை ச ம்பவங்களை இ னச் சு த்தரிகரிப்போடு ஒப்பிட்ட ஐக்கிய நாடுகள் சபை ‘இ னச்சுத்திக ரிப்பை எவ்வாறு மேற்கொள்ளலாம் என்பதை வெளிப்படுத்தும் பாடப்புத்தகம் இது’ என முன்பு குறிப்பிட்டிருந்தது.
இன்றைய நிலையில் சுமார் 10 லட்சம் ரோஹிங்கியா அகதிகள் வங்கதேசத்தில் உள்ள அகதி முகாம்களில் வாழ்ந்து வருகின்றனர். மேலும் ஆயிரக்கணக்கான ரோஹிங்கியா அகதிகள் மலேசியா, இந்தியா போன்ற நாடுகளிலும் வசித்து வருகின்றனர்.
வவுனியா ஒமந்தை நகரப்பகுதியில் கசிப்புடன் அரசியல் கட்சி ஒன்றின் முக்கியஸ்தர் ஒருவரை நேற்றையதினம் பொலிஸார் கைது செய்துள்ளனர்.
ஒமந்தை பகுதியில் சிவப்பு நிற காரில் கசிப்பு இருப்பதாக ஒமந்தை பொலிஸாருக்கு கிடைத்த இரகசிய தகவலின் அடிப்படையில் ஒமந்தை நகரப்பகுதியில் குறித்த காரினை மறித்து சோதனைக்குட்படுத்திய சமயத்தில்,
வாகனத்திலிருந்து 1500 மில்லிலீற்றர் கசிப்பினை பொலிஸார் கைப்பற்றியதுடன் கசிப்பினை வைத்திருந்த குற்றச்சாட்டில் வாகனத்தின் சாரதியான ஒமந்தை பகுதியினை சேர்ந்த 37வயதுடைய அரசியல் கட்சியின் முக்கியஸ்தரை பொலிஸார் கைது செய்யதுடன் வாகனத்தினையும் கைப்பற்றியுள்ளனர்.
கைப்பற்றப்பட்ட கசிப்பினையும் குறித்த நபரையும் வவுனியா மாவட்ட நீதவான் முன்னிலையில் ஆஜர்படுத்திய சமயத்தில் பிணையில் செல்வதற்கு நீதவான் உத்தரவு வழங்கியுள்ளார். கொரோனா அச்சம் காரணமாக தற்போது கைது செய்யப்படும் பெரும்பானவர்களுக்கு பிணை வழங்கப்படுகின்றமை குறிப்பிடத்தக்கது.
கொரோனா வைரஸ் கட்டுப்படுத்தலுக்காக உரிய தலைமைத்துவம் வழங்கிய 10 நாடுகளில் இலங்கையும் இடம்பிடித்துள்ளது. தொற்று நோய்களுக்கான உலகளாவிய சுட்டெண்ணில் இந்த தகவல் வெளியாகியுள்ளது.
அவுஸ்திரேலியாவில் உள்ள முகாமைத்து கணக்காளர் நிறுவனம் வழங்கிய கொவிட் -19 நெருக்கடிக்கு உலகளாவிய தலைமைத்துவ பதிலைக் கண்டறிதல்’ என்ற தலைப்பில், வெளியிடப்பட்ட பட்டியலில் இலங்கை 9வது இடத்தை பிடித்துள்ளது.
கொவிட் -19 தொற்று நோயை எதிர்ப்பதில் நாட்டின் தலைமைத்துவம் மற்றும் அதன் சுகாதார அமைப்பின் தயார் நிலை எவ்வளவு திறமையாகவும் பயனுள்ளதாகவும் உள்ளது என்பதை அடிப்படையாகக் கொண்டு இந்த பட்டியல் தயாரிக்கப்பட்டுள்ளது.
இலங்கையில் இலவச சுகாதாரம் மற்றும் கல்வி கட்டமைப்பு உள்ளது என்றும், நாட்டில் ஒரு வலுவான சுகாதார சேவை உள்ளது என்றும் இது வைரஸை அகற்ற உதவியது என்றும் அந்த அறிக்கை மேலும் தெரிவிக்கப்பட்டுள்ளது.
இதேவேளை கொரோனா வைரஸை கட்டுப்படுத்த தீவிர முயற்சி மேற்கொண்ட உலக அரச தலைவர்கள் பட்டியலில் ஜனாதிபதி கோட்டாபய ராஜபக்ஷவின் பெயரும் உள்ளடக்கப்பட்டுள்ளமை குறிப்பிடத்தக்கது.
நாட்டில் ஏற்பட்டுள்ள கொரனா தொற்றையடுத்து வவுனியா உட்பட நாட்டின் பல பாகங்களில் ஊரடங்கு சட்டம் அமுல்படுத்தப்பட்டுள்ள நிலையில் வவுனியாவில் இன்றையதினம் (17.04.2020) வங்களிகளில் தன்னியக்க இயந்திரங்களில் பணம் மீளப்பெறல் , வைப்பிடல் போன்ற செயற்பாடுகளுக்காக மக்கள் வரிசையில் நின்றனர்.
வவுனியா உள்ளிட்ட வடமாகாணத்தின் யாழ்ப்பாணம் தவிர்ந்த பகுதிகளில் ஊரடங்கு சட்டம் நேற்று (16.04.2020) காலை 6.00 மணிக்கு தளர்த்தப்பட்டு பிற்பகல் 4.00 மணிக்கு மீண்டும் அமுலுக்கு வந்து மீண்டும் 20ம் திகதி காலை 6.00 மணிக்கு தளர்த்தப்படவுள்ளது.
தற்போது ஊரடங்கு நேரத்திலும் வங்கிகளில் தன்னியக்க இயந்திரங்களில் பணம் மீளப்பெறல் , வைப்பிடல் போன்ற செயற்பாடுகளுக்காக ஊரடங்கு அனுமதி பெற்றவர்கள், மொத்த வியாபாரிகள், அரச உத்தியோகத்தர்கள் என பலரும் வங்கிகளில் வரிசையில் காத்திருந்தமையினை காணக்கூடியதாகவிருந்தது.