போராட்டம்

வவுனியா வடக்கு பிரதேச செயலாளரை இடமாற்றக் கோரி வவுனியா மாவட்ட செயலகத்திற்கு முன்பாக இன்று (21.08.2019) காலை 10 மணியளவில் வவுனியா வடக்கு பிரதேச செயலாளர் பிரிவுக்குட்பட்ட மக்களினால் போராட்டம் ஒன்று முன்னெடுக்கப்பட்டது.

வவுனியா வடக்கு பிரதேச செயலாளர் நியமன காலத்திலிருந்து இன்று வரை 16 ஆண்டு காலமாக வவுனியா வடக்கு பிரதேச செயலகத்தின் பிரதேச செயலாளராக கடமையாற்றி வருகின்றார். அந்த வகையில் பொதுமக்களிடம் இருந்து பல முறைப்பாடுகள் அரசாங்க அதிபர் மற்றும் உள்நாட்டலுவல்கள் அமைச்சுக்கு அனுப்பி வைக்கப்பட்ட போதிலும் இதுவரையும் எந்தவொரு நடவடிக்கையோ விசாரணைகளோ முன்னெடுக்கப்பட்டு தீர்வு வழங்கப்படவில்லை,

எனவே காலம் தாழ்த்தாது விரைவாக வவுனியா வடக்கு பிரதேச செயலாளரை இப் பிரதேச செயலக பிரிவிலிருந்து வேறு பிரதேச செயலகத்திற்கு இடமாற்றம் செய்யுமாறும் இவர் தொடர்பிலான முறைகேடுகளையும் உரியமுறையில் நேர்மையாகவும் நீதியாகவும் விசாரணை செய்யுமாறும் தெரிவித்தும்,

பரசன்குளம் பகுதியில் அமைந்துள்ள வயல்காணி பிரித்து வழங்குதலில் முறைகேடு இடம்பெற்றுதாகவும் தெரிவித்து குறித்த போராட்டம் இடம்பெற்றிருந்தது.

வவுனியா மாவட்ட செயலகத்திற்கு முன்பாக முன்னெடுக்கப்பட்ட போராட்டத்தில் அரசே வவுனியா வடக்கு பிரதேச செயலாளரை இடமாற்றம் செய், எமக்காக குளத்தினை கட்டி பருந்துகளிடம் கொடுத்தது யார்? ஏழைகளின் வயிற்றில் அடிக்காதீர்கள் , 15 வருடகாலம் வவுனியா வடக்கு மக்களுக்கு வவுனியா வடக்கு பிரதேச செயலாளர் செய்த அநீதி போதும்,

சஞ்சீவிக் காட்டுக்கு யார் காணி உறுதி கொடுத்தது போன்ற பல்வேறு வாசகங்களை தாங்கிய பதாதைகளை ஏந்திவாறு போராட்டக்காரர்கள் போராட்டத்தில் ஈடுபட்டிருந்தனர்.

போராட்டகாரர்கள் வவுனியா மாவட்ட செயலக வாசலிருந்து பேரணியாக வவுனியா மாவட்ட செயலகத்தின் அரசாங்க அலுவலகத்தினை சென்றடைந்து வவுனியா மாவட்ட அரசாங்க அதிபர் ஐ.எம். ஹனீபா அவர்களிடம் பல்வேறு கோரிக்கைகள் உள்ளடங்கிய மகஜரினையும் கையளித்தனர். அரசாங்க அதிபருக்கு வழங்கப்பட்ட மகஜரில் குறிப்பிடப்பட்டுள்ளதாவது,

ஒர் அரச உத்தியோகத்தரின் கடமைக்காலம் 5வருட காலமாகும் ஆனால் வவுனியா வடக்கு பிரதேச செயலாளர் 16 ஆண்டு காலமாக இப்பிரதேச செயலகத்தில் கடமையாற்றுக்கின்றார்.

அரசினால் வழங்கப்பட்ட நிரந்தர வீட்டுத்திட்டத்தில் யுத்தத்தில் பாதிக்கப்பட்ட மக்களை புறம்தள்ளி முறையற்ற விதத்தில் வெளிமாவட்டத்தினை சேர்ந்தவர்களுக்கும் வெளிநாட்டினை சேர்ந்தவர்களுக்கும் வழங்கி வருதல், புளியங்குளம், கனகராயன்குளம் ஏ9 வீதியில் உள்ள அரசகாணிகளை முறையற்ற விதத்தில் குத்தகை அடிப்படையிலும் குடியிருப்பு காணிகளாவும் வழங்குதல்,

வவுனியா வடக்கு பிரதேச செயலக பிரிவு காட்டுப்பகுதியில் முறையற்ற விதத்தில் கிரவல் அகழ்விற்கு அனுமதி வழங்குதல், வவுனியா வடக்கு பிரதேச செயலகப் பிரிவில் கட்டுமான பணிகளுக்கான மணல் அகழ்விற்கான அனுமதியினை குறைத்து முகவர்கள் ஊடாக வெளிமாவட்டங்களுக்கு விற்பனை செய்தல், வவுனியா வடக்கு பிரதேசத்தில் கால்நடைகளை ஒரு நபர் ஊடாக ஒப்பந்த அடிப்படையில் கொள்ளவனவு செய்வதற்கான அனுமதிப்பத்திரம் வழங்கல்,

வீட்டுதிட்டம் என்ற பெயரில் காடுகளை அழித்து பயனாளிகளை பயன்படுத்தி விறகு விற்பனையில் ஈடுபடுதல், பிரதேச செயலாளரின் ஊழல் மோசடிகளுக்கு துணைபுரியும் அரச ஊழியர்களுக்கு காணி வீடு வழங்குதல், துணைபோகாத ஊழியர்களை பழிவாங்குதலும் வெளியேற்றலும் என்று பல்வேறு குற்றச்சாட்டுக்கள் வவுனியா வடக்கு பிரதேச செயலாளர் மீது வவுனியா வடக்கு மக்களினால் முன்வைக்கப்பட்டுள்ளதுடன்,

மேற்குறிப்பிட்ட காரணங்களின் அடிப்படையில் விசாரணைகளை முன்னெடுக்குமாறும் பிரதேச செயலாளரை இடமாற்றம் செய்து வவுனியா வடக்கு பிரிவுக்கு புதிய பிரதேச செயலாளரை நியமிக்குமாறு குறித்த மகஜரில் தெரிவிக்கப்பட்டுள்ளது.

இ றந்து மிதக்கும் மீன்கள்

வவுனியா நகரில் உள்ள வவுனியா குளத்தில் மீன்கள் இ றந்து மிதக்கின்றமையால் அப்பகுதியில் சுகாதார பிரச்சனை எழுந்துள்ளது.

வவுனியாயில் கடந்த சில மாதங்களாக நிலவிய வறட்சி காரணமாக வவுனியா குளத்தின் நீர்மட்டம் சடுதியாக குறைவடைந்து குளத்தின் பெரும் பகுதி உலர்ந்து காணப்படுகின்றது.

குறுகிய பகுதிலேயே நீர் காணப்படுகின்றது. இந்நிலையில் குறித்த நீர்ப்பகுதியில் பரவலாக மீன்கள் இறந்து நீரில் மிதக்கின்றன. இதனால் அப்பகுதியில் துர்நாற்றம் வீசுவதுடன், சுகாதார பிரச்சனையும், சுவாசம் சம்மந்தமான பிரச்சனைகளும் எழுந்துள்ளது.

நீரில் மீன்கள் இறந்து மிதக்கின்ற போதும் குறித்த குளத்தில் மீன்பிடியில் ஈடுபடுவோர் தொடர்ந்தும் தமது மீன்பிடித் தொழிலை மேற்கொண்டு வருகின்றனர். இதனால் இக்குளத்து மீனை உண்பவர்களுக்கும் நோய் ஏற்படக் கூடிய வாய்ப்புக்கள் ஏற்பட்டுள்ளது.

மகஜர் கையளிப்பு

வவுனியா அரசாங்க அதிபரிடம் தமது கிராமத்தின் குறைபாடுகளை சுட்டிக்காட்டி மகஜரொன்றினை கற்பகபுரம் கிராம மக்கள் இன்று கையளித்துள்ளனர்.

புதிய கற்பகபுரம் கிராமத்தில் கிராம அபிவிருத்தி சங்கம் கடந்த 3 வருடங்களாக செயற்படாமல் உள்ளது என்றும் அதனை புதுப்பித்து தருமாறு தெரிவித்த மக்கள், கிராமத்திற்கு வீதிகள் புனரமைப்பு செய்யப்படவில்லை, வீதியால் மக்கள் பயணிக்க முடியாதுள்ளது. எனவே இவற்றை சரிசெய்து தருமாறு கேட்டுக்கொண்டனர்.

மக்களின் பிரச்சனைகளை கேட்டறிந்த அரசாங்க அதிபர் பிரதேச செயலாளருடன் தொலைபேசியில் தொடர்பு கொண்டு புதிய கற்பகபுரம் கிராமத்தவர்களின் விடங்களை கேட்டு அதற்கான நடவடிக்கைகளை மேற்கொள்ளுமாறு பணித்ததுடன். கிராம மக்களை பிரதேச செயலாளரிடம் சென்று குறித்த விடயங்களை தெரிவிக்குமாறும் அறிவுறுத்தியிருந்தார். இதனையடுத்து பிரதேச செயலாளாரிடம் சென்ற கிராமத்தவர்கள் பிரதேச செயலாளரிடமும் தமது கிராமத்தின் பிரச்சனைகளை எடுத்தியம்பியிருந்ததுடன் தமக்கான தீர்வை பெற்றுத்தருமாறும் கிராம அபிவிருத்தி சங்கத்தின் பொதுக்கூட்டத்தினை கூட்டி நிர்வாகத் தெரிவை செய்யுமாறும் கோரியிருந்தனர்.

யுவதியை க டத்த முயற்சி

வவுனியா வடக்கு, காஞ்சிராமோட்டை பகுதியில் 17 வயது யுவதி ஒருவரை க டத்திச் சென்ற 11 பேரை கிராம மக்களின் உதவியுடன் நேற்று (19.08) இரவு 12.30 மணியளவில் கைது செய்துள்ளதாக புளியங்குளம் பொலிஸார் தெரிவித்துள்ளனர்.

குறித்த யுவதி உட்பட அவரது குடும்பத்தினர் கொழும்பு கிராண்ட்பாஸ் பிரதேசத்தில் இடம்பெயர்ந்து வசித்து வந்துள்ளதுடன் மூன்று வருடங்களுக்கு முன்னர் வவுனியா வடக்கு காஞ்சிராமோட்டை, நாவலர் பாம் பகுதியில் மீள் குடியேறியுள்ளனர்.

இந்த நிலையில் நேற்றிரவு (19.08) 11 மணியளவில் திடீரென வெள்ளை ஹயஸ் ரக வான் மற்றும் முச்சக்கர வண்டிகளில் வந்த சந்தேக நபர்கள் யுவதியை க டத்திச் செல்ல முயற்சித்துள்ளனர்.

17 வயதான யுவதியை வானில் ஏற்றிக்  கடத்திச் சென்ற போது, உடனடியாக செயற்பட்ட கிராமவாசிகள் வானை பின்தொடர்ந்து சென்றதுடன், புளியங்குளம் பொலிஸாருக்கும் தகவல் வழங்கியுள்ளனர்.

உடனடியாக செயற்பட்ட புளியங்குளம் பொலிசார் கிராம மக்களுடன் இணைந்து வாகனத்தை மடக்கிப் பிடித்து யுவதியை மீட்டதுடன், வான் மற்றும் முச்சக்கர வண்டிகளில் இருந்த 10 பேரையும், இக் க டத்தலுக்கு உடந்தையாக செயற்பட்ட சாரதியையும் கைது செய்தனர்.

கைது செய்யப்பட்ட போது குறித்த நபர்கள் ம து போ தையில் இருந்துள்ளனர். இதன்போது சந்தேக நபர்கள் மீது மக்கள் தா க்க முயற்சித்ததுடன் வாகனத்தையும் தா க்க முயற்சித்தனர். இருப்பினும் பொலிசார் நிலமையை கட்டுப்படுத்தியுள்ளனர்.

யுவதியை கடத்திச் செல்ல முயற்சித்தவர்களின் பிரதான சந்தேக நபர், யுவதியின் வீட்டை நிர்மாணித்த மேசன் என அடையாளம் காணப்பட்டுள்ளார். சந்தேக நபர்கள் வவுனியா ஆச்சிபுரம் பகுதியைச் சேர்ந்தவர்கள் எனவும், க டத்தல் சந்தேக நபர்களில் ஓருவர் குறித்த யுவதியை காதலித்துள்ளார் எனவும் தெரிவித்ததுடன், காதல் விவகாரமே க டத்தலுக்கு காரணம் என புளியங்குளம் பொலிஸார் தெரிவித்துள்ளனர்.

அத்துடன் குறித்த நபர்களை நீதிமன்றில் முற்படுத்த நடவடிக்கை எடுத்துள்ளதாகவும் பொலிசார் மேலும் தெரிவித்தனர்.

தாண்டிக்குளத்தில்..

வவுனியா தாண்டிக்குளம் பகுதியில் புகையிரதம் மோதி இரண்டு கன்றுக்குட்டிகள் உ யிரிழந்ததுடன் கன்றுக்குட்டி ஒன்று காயமடைந்துள்ளது. இன்று காலை யாழ்ப்பாணம் நோக்கி சென்ற புகையிரத்திலேயே தண்டவாளத்தில் நின்ற மூன்று பசுக்கன்றுகள் மோதுண்டுள்ளன.

இதன் காரணமாக இரு கன்றுகள் சம்பவ இடத்திலேயே உ யிரிழந்ததுடன்
காயமடைந்த கன்றுக்கு அப்பகுதி மக்கள் சிகிச்சை அளித்திருந்தனர். தாண்டிக்குளம் பகுதியில் அண்மைல் 10 மாடுகள் புகையிரத்தில் மோதுண்டு ப லியாகியிருந்திருந்தன.

இதேவேளை யாழ்.தென்மராட்சி, எழுதுமட்டுவாழ், பகுதியில் நேற்று புகையிரதம் மோதி 5 கால்நடைகள் உ யிரிழந்துள்ளன. புகையிரதத்தில் கால்நடைகள் மோதி உ யிரிழக்கும் சம்பவங்கள் அதிகரித்துள்ளன.

கால்நடை வளர்ப்போர் அவைகளைக் கட்டாக்காலிகளாக விடுவதாலேயே விபத்துக்கள் இடம்பெறுகின்றன என்று சுட்டிக்காட்டப்படுகின்றன. இவ்வாறான உ யிரிழப்புக்களைத் தவிர்ப்பதற்கு மக்கள் தமது கால்நடைகளைக் கட்டி வளர்க்க வேண்டும் என்றும் கோரிக்கை விடுக்கப்பட்டுள்ளது.

வவுனியா கச்சேரியில் உள்ள தேசிய போக்குவரத்து வைத்திய நிலையத்தில் பணியாற்றும் ஊழியர்களின் செயற்பாடு குறித்து பாதிக்கப்பட்ட மக்கள் கடும் விசனம் தெரிவித்துள்ளனர்.

புதிதாக சாரதி அனுமதிப்பத்திரம் எடுப்பவர்களும் காலாவதியான அனுமதிப்பத்திரத்தை புதுப்பிப்பதற்கும் மருத்துவச் சான்றிதழ் பெறுவதற்காக செல்லும் மக்களை அங்கு பணியாற்றும் ஊழியர்கள் மிகவும் உதாசீனமாக நடத்தி வருவதுடன் அவர்களை அலைக்கழிக்கும் வகையிலும் நடந்து கொள்வதாக குற்றம் சாட்டப்பட்டுள்ளது.

90 வீதமான தமிழ்மக்கள் சேவை பெறும் அலுவலகத்தில் தமிழை கொச்சையாகவும் தவறாகவும் பேசும் பெரும்பான்மை இனத்தவர்கள் பணியாற்றுவதால் அவர்கள் சொல்வது மக்களுக்கு புரிவதுமில்லை மக்கள் சொல்வது அவர்களுக்கு புரிவதுமில்லை. இதனால் பலர் மருத்துவச்சான்றிதழ் பெறுவதற்காக இரண்டு மூன்று நாட்கள் நேரத்தை செலவுசெய்ய வேண்டியுள்ளது.

அங்கு பொறுப்பான பதவி வகிக்கும் பெண் அதிகாரி ஒருவர் சேவைபெற வரும் மக்களுடன் அதிகார தோரணையில் நடந்து கொள்வதுடன் தூர இடங்களிலிருந்து அலுவலக நேரமான காலை 9.00 மணிக்கு வருபவர்களையும் திருப்பி அனுப்பி அவர்களை அலைய விடுவதாக பலர் ஆதங்கப்படுகின்றனர்.

இன்று காலை 8.20 மணிக்கு பாலூட்டும் தாயொருவரும் இரண்டு குழந்தைகளும் கணவரும், பெண்ணின் சாரதி அனுமதிப்பத்திரத்தை புதிப்பிப்பதற்காக மருத்துவச்

சான்றிதழ் பெற்றுக்கொள்ள அலுவலகத்திற்கு சென்றிருந்தனர். 9.00 மணிவரை காத்திருந்துவிட்டு குறித்த தாய் குழந்தைக்கு பாலூட்டுவதற்காக அருகில் உள்ள உறவினர் வீட்டுக்கு சென்ற நேரம், அலுவலகத்தில் இலக்கமிடப்பட்ட விண்ணப்ப படிவங்கள் விநியோகிக்கப்பட்டது. இதன்போது குறித்த பெண்ணுக்கு பதிலாக அவரின் கணவர் மனைவிக்கான விண்ணப்ப படிவத்தை பெற முயன்ற போது உரியவர் இல்லாமல் படிவம் தரமுடியாதென கூறி அங்கிருந்த ஊழியர் அலுவலகத்திற்கு பொறுப்பான பெண் ஒருவரிடம் அனுப்பி வைத்தார்.

அவரிடம் தாய் பாலூட்ட சென்ற விடத்தை சொல்லி கேட்கவும் அப்படி தரமுடியாது. உரியவர் வரவேண்டும் என கூறி அனுப்பி விட்டார். கணவர் உடனடியாக சென்று குழந்தைக்கு பாலூட்டிக் கொண்டிருந்த மனைவியை ஐந்து நிமிடங்களுக்குள் அலுவலகத்திற்கு அனுப்பி வைத்தார். அங்கு வந்த தாய்க்கு இன்று சாரதி அனுமதிப் பத்திரத்தை புதுப்பிப்பதற்கான விண்ணப்பங்கள் வழங்கப்பட மாட்டாது என திருப்பி அனுப்பியுள்ளனர்.

இன்றைய நாளை மருத்துவச் சான்றிதழ் பெறுவதற்காக வீணடித்தும் எந்தப் பயனுமின்றி குறித்த குடும்பம் உள்ளிட்ட பலர் வீடு திரும்பியுள்ளனர்.

நாளாந்தம் இவ்வாறு பல மக்கள் இந்த அலுவலகத்தில் உதாசீனப்படுத்தப்படுவதாக பலர் குற்றச்சாட்டு முன்வைத்துள்ளனர்.

அரச அதிகாரிகள் அனைவரும் மக்களின் வரிப்பணத்தில் ஊதியம்பெறும் மக்கள் சேவகர்கள் என்பதை மறந்து மக்கள் மீது அதிகாரத்தையும் அடாவடித்தனத்தையும் காட்ட முயல்வதை அவர்களின் மேலதிகாரிகள் கவனத்தில் எடுத்து நடவடிக்கை எடுப்பதன் மூலம் சரியான மக்கள் சேவையை வழங்க ஆவண செய்ய வேண்டும்.