தர்மபுரியில் காதல் மனைவியை தன்னிடம் இருந்து பிரித்துவிட்டதால், விரக்தியில் கடிதம் எழுதிவைத்துவிட்டு இளைஞர் தற்கொலை செய்துகொண்டுள்ள சம்பவம் சோகத்தை ஏற்படுத்தியுள்ளது.

தர்மபுரி மாவட்டத்தை சேர்ந்த சசிகுமார் (26) என்பவர் தன்னுடைய கல்லூரி காலத்தின் போது, ஜெயபிரியா என்பவரை காதலித்துள்ளார்.

இவர்களுடைய திருமணத்திற்கு பெண் வீட்டார் கடும் எதிர்ப்பு தெரிவித்துள்ளனர். ஆனால் இருவரும் வீட்டை விட்டு வெளியேறி திருமணம் செய்துகொண்டு பொலிஸ் நிலையத்தில் தஞ்சம் அடைந்தனர்.

இதனையடுத்து பெண் வீட்டாரை அழைத்து பேச்சு வார்த்தை நடத்திய பொலிஸார் வீட்டிற்கு பத்திரமாக அனுப்பி வைத்தனர்.

இந்த நிலையில் கிருஷ்ணகிரியில் தங்கி படித்து வந்த தம்பியின் அறைக்கு சென்ற சசிகுமார், ஆள் இல்லாத சமயம் பார்த்து பூச்சி மருந்து குடித்து தற்கொலை செய்துகொண்டார்.

இந்த சம்பவம் குறித்து வழக்கு பதிவு செய்துள்ள பொலிஸார் விசாரணை மேற்கொள்ளும்போது சசிகுமார் எழுதிய வைத்த கடிதத்தை கைப்பற்றினர்.

அந்த கடிதத்தில், நானும் எனது மனைவி ஜெயபிரியா என்பவரும் 4 வருடங்களாக காதலித்து 17.7.2017 அன்று திருமணம் நடந்தது.

அந்த திருமணம் பல பிரச்சினைகளை கடந்த காதல் திருமணம். எங்கள் திருமண வாழ்க்கை மிகவும் சந்தோசமாகவும், நிம்மதியாகவும் இருந்தது.

திருமண வாழ்க்கை 2 வருடம் அதில் ஒரு குழந்தை உருவாகி அந்த குழந்தை 4 மாதம் இருந்து இதயதுடிப்பு இல்லை என்று கருக்கலைப்பு செய்யப்பட்டது.

அதற்கு பின்பு எனது மனைவியை இன்னும் அதிகமாக நேசித்தேன். எனக்கும், ஜெயபிரியாவுக்கும் எந்தவித சண்டையும் வந்தது இல்லை. அவள் கோபப்படுவாள் ஆனால், 5 நிமிடத்தில் சரியாகிவிடும்.

எனது வாழ்க்கையில் மறக்க முடியாத நாள் 4.2.2019 தான். அன்று வேலையின் காரணமாக நான் வெளியூருக்கு சென்று விட்டேன். எனது மனைவி 6.2.2019 அன்று எனக்கு செல்போனில் தொடர்புக் கொண்டு தனது தாயார் வீட்டுக்கு செல்வதாக கூறினாள். திருமணம் முடிந்து 2 வருடம் ஆகிறது. எனவே, அங்கு உள்ள பள்ளி, கல்லூரி சான்றிதழ்களை எடுத்து வருவதாக கூறிவிட்டு சென்றாள். நான் அப்போது வேண்டாம் என்று கூறினேன்.ஆனால் தாயாருக்கு போன் செய்து விட்டாள் என்று கூறினாள்.

அதன் பின்பு என்னையும் எனது மனைவியையும் அவரது தாயார் ஜோதி பேச அனுமதிக்கவில்லை.

இதுகுறித்து அனைத்து மகளிர் போலீஸ் நிலையத்தில் புகார் கொடுத்தேன். அதற்குள் அவளை அவரது சொந்த ஊரான சின்னமட்டாரபள்ளிக்கு அழைத்து சென்றுவிட்டனர்.

அங்கு ஊர் பெரியவர்கள் முன்னிலையில் பஞ்சாயத்து வைத்தேன். ஆனால் அங்கு எனக்கு உரிய மரியாதை தரவில்லை. பின்பு தான் அவர் வீட்டிற்கு சென்று பேசலாம் என்று கருதி நான் அங்கு சென்றேன். அங்கு எனது மனைவியின் தாயார் என்னை செருப்பால் அடித்து விரட்டினார்.

எனது மனைவியை பார்த்து 3 மாதம் ஆகிறது. மீண்டும் எனது நண்பர்களை அழைத்து கொண்டு மனைவியின் தாயார் வீட்டிற்கு சென்றேன். அப்போது எனது மாமியார், மாமனார் ஆகியோர் என்னை செருப்பால் அடித்து விரட்டி அனுப்பினர். மேலும் என் மீது 3½ பவுன் நகை திருடியதாக பொய் புகார் பொலிஸில் கூறினர்.

அப்போது நான் நடத்த உண்மையை பொலிஸாரிடம் வாக்குமூலமாக கூறியதால் அவர்கள் என்னை திருப்பி அனுப்பி வைத்து விட்டனர்.

ஆகையால் நான் எனது மனைவிக்காக எல்லாத்தையும் இழந்து விட்டேன். இனி என்னால் எனது பெற்றோர் மற்றும் நண்பர்களுக்கு அதிக கஷ்டம் கொடுத்துவிட்டேன். மேலும் நான் அவமானப்பட்டேன்.

இது எனது வாழ்க்கையின் இறுதி கடிதம். எனது மரணத்திற்கு முக்கிய காரணம் ஜோதி, ஓம் சக்தி மற்றும் மனைவியின் சித்தி ஆகியோர் ஆவர். எனது மனைவியிடம் என்னைபற்றி தவறாக கூறி என்னை பிரித்து விட்டனர்.

நான் எனது மனைவி மீது அளவு கடந்த பாசம் வைத்திருந்தேன். அதனால் என்னால் அவளை மறக்க முடியாது. அவள் இல்லாமல் என்னால் இந்த உலகத்தில் வாழ முடியாது. இனி என் மனைவியின் குடும்பம் சந்தோசமாக இருக்கும். எனது குடும்பத்துக்கு என்னை பெற்றதற்காக அவமானத்தை பெற்று கொடுத்துவிட்டேன்.

எல்லாருக்கும் சாரி என்னை மன்னித்து கொள்ளுங்கள். ஜெய் மட்டும் தான் எப்பவும் நான் நினைப்பேன். நாம் சுத்தின காலங்கள் நினைவுக்கு வரும் அப்போது நான் இருக்க மாட்டேன் என எழுதியுள்ளார்.

தமிழகத்தில் பிறந்த குழந்தையை அமுதா என்பவர் இலங்கைக்கு விற்றுள்ள சம்பவம் விசாரணயில் தெரியவந்துள்ளது.

நாமக்கல் மாவட்டம் ராசிபுரம் பகுதியைச் சோ்ந்தவா் அமுதா. ஓய்வு பெற்ற மருத்துவ தாதியான இவர் குழந்தைகள் விற்பனை தொடா்பாக பேரம் பேசிய ஓடியோ இணையத்தில் வெளியாகி பரபரப்பை ஏற்படுத்தியது.

அந்த ஓடியோவில், ஆண் குழந்தை என்றால் 4 லட்சம் ரூபாய் என்றும், பெண் குழந்தை என்றால் ரூ. 3 லட்சம் என்றும், கருப்பு நிறத்தில் குழந்தை என்றால் ஒரு விலை, நிறமான குழந்தை என்றால் தனி விலை எனவும் அவா் பேசுகிறார்.

அதுமட்டுமின்றி, 30 ஆண்டுகளாக கடவுளின் ஆசியுடன் எந்த குறையும் இல்லாமல் இந்த தொழில் நடக்கிறது. அரசு அதிகாரிகளிடம் உங்களுக்கு அந்த குழந்தை பிறந்ததாகவே சான்றிதழ் வாக்கித் தருகிறேன்.

அதற்கு தனியாக 70 ஆயிரம் ரூபாய் தாருங்கள். 70 ஆயிரம் கொடுத்தால் போதும் அரசு அலுவலகத்தில் அந்த குழந்தை உங்களுக்கு பிறந்தது போன்ற அனைத்து சான்றிதழ்களையும் ஒரு மாதத்திற்குள் நான் பெற்றுத் தருகிறேன் என்று கூறியிருந்தார்.

அதை தொடர்ந்து அவர்களிடம் பொலிசார் நடத்திய விசாரணையில் பல திடுக்கிடும் தகவல்கள் வெளியாகிக் கொண்டிருக்கின்றன.

அதில், அவர் 3 குழந்தைகளை விற்பனை செய்ததை ஒப்புக் கொண்டுள்ளார். மேலும் அரசு அலுவலகங்களில் இருந்து சான்றிதழ் பெற லஞ்சம் கொடுத்தது தொடா்பாகவும் அமுதாவிடம் விசாரணை நடைபெற்றது.

சுமார் 11 மணிநேர விசாரணைக்கு பிறகு அமுதா மற்றும் அவரது கணவர் ரவிச்சந்திரனை பொலிசார் கைது செய்தனர்.

அமுதாவிடம் நடத்தப்பட்ட விசாரனையில் தமிழகம் முழுவதும் பலரும் குழந்தைகளை கடத்தி விற்பனையில் ஈடுப்பட்டிருப்பது தெரியவந்துள்ளது.

இந்த விவகாரத்தில் அரசு ஊழியர்கள், மருத்துவமனை நிர்வாகிகள் என பலருக்கும் தொடர்பு இருக்கலாம் என்று கூறப்படும் நிலையில், கடந்த 2014-ஆம் ஆண்டு சேலம் அரசு மருத்துவமனையில் பிறந்த குழந்தையை அவர் இலங்கைக்கு விற்றுள்ளார் என்பது தெரியவந்துள்ளது.

இதை அவர் ஈரோடு குழந்தைகள் விற்பனை கும்பல் மூலம் செய்துள்ளதாக தகவல் வெளியாகியுள்ளது.

தன்னை துபாய் பாரில் ஆபாசமாக ஆட வைத்து தனது பெற்றோர் பணம் சம்பாதித்ததோடு தன்னை கொடுமைப்படுத்துவதாக சென்னையை சேர்ந்த பெண் புகார் கூறியுள்ளது பரபரப்பை ஏற்படுத்தியுள்ளது.

கோட்டூர்புரம் சிபிசிஐடி இன்ஸ்பெக்டராக பணிபுரிந்து வந்தவர் ஆர்.விஜயலட்சுமி. சமீபத்தில் தேர்தல் நடந்ததால், இதற்காக இவர் இடமாற்றம் செய்யப்பட்டார். இந்நிலையில், விஜயலட்சுமி மீது ஒரு புகார் எழுந்துள்ளது. பெற்ற மகளே விஜயலட்சுமி மீது அந்த புகாரை அளித்துள்ளது அதிர்ச்சியை ஏற்படுத்தி உள்ளது.

விஜயலட்சுமி மகள் கேண்டி கூறுகையில், என்னுடைய அம்மா இன்ஸ்பெக்டரா இருக்காங்க. என்னுடைய அம்மாவும், அப்பாவும் என்னை வற்புறுத்தி ஒரு வருஷமாக துபாய் பார்-ல் டான்ஸ் ஆட வைத்து பணம் சம்பாதித்தார்கள்.

ஆனால் எனக்கு அதில் சுத்தமாக உடன்பாடு இல்லை. அதனால அங்கிருந்து வெளியேறி என் அண்ணன் வீட்டில் தங்கி இருந்தேன். கடந்த 23ம் தேதி அன்று என் அம்மாவும், அப்பாவும் அடியாட்களுடன் வந்து அடித்து கொடுமைப்படுத்தி இழுத்து சென்றார்கள்.

இதை அப்பகுதி மக்கள் எல்லாருமே பார்த்தாங்க. அவங்க கிட்ட இருந்து என்னை காப்பாத்தி காவல் நிலையத்தில் ஒப்படைத்து, பின்னர் மருத்துவமனையில் அனுமதித்தார்கள்.

என் அம்மா பொலிஸ் என்பதால் அவரை பற்றி யாரும் புகார் எடுக்க மறுக்கிறார்கள். இதனால என் உயிருக்கு ஆபத்து உள்ள நிலையில் என்னையும் என் அண்ணன் குடும்பத்துக்கும் பாதுகாப்பு அளிக்க வேண்டும் என கண்ணீர் மல்க கூறியுள்ளார்.