மகளுடன் சேர்ந்து தூக்கில் தொங்கிய பெற்றோர்

சேலம் மாவட்டத்தில் ஒரே குடும்பத்தை சேர்ந்த 3 பேர் தூக்கு போட்டு தற்கொலை செய்துகொண்டுள்ள சம்பவம் பரபரப்பை ஏற்படுத்தியுள்ளது. சேலம் மாவட்டத்தில் தனியார் டிராவல்ஸ் நிறுவனம் ஒன்றில் கார் ஓட்டுநராக பணிபுரிந்து வருபவர் ரவிக்குமார் (45). இவரது மனைவி சாந்தி (35). இந்த தம்பதியினருக்கு ரம்யாலோஷினி என்கிற மகளும், தீனதயாளன் என்கிற மகனும் உள்ளனர்.

தீனதயாளனை மட்டும் நேற்று இரவு பாட்டி வீட்டுக்கு சென்று உறங்குமாறு ரவிக்குமார் கூறியுள்ளார். அங்கு உறங்கி எழுந்த தீனதயாளன் அதிகாலை தன்னுடைய வீட்டிற்கு திரும்பி கதவை தட்டியுள்ளார்.

நீண்ட நேரமாகியும் கதவு திறக்கப்படாததால் உறவினர்களை அழைத்து கொண்டு வீட்டின் கதவை உடைத்துள்ளார். அப்போது ரவிக்குமார் சேலையிலும், அவருடைய மனைவி மற்றும் மகள் கயிற்றில் தூக்கில் தொங்கியவாறே சடலமாக கிடந்துள்ளனர்.

இதனை பார்த்து அதிர்ச்சியடைந்த தீனதயாளன் கதறி அழ ஆரம்பித்துள்ளார். பின்னர் சம்பவம் அறிந்து வந்த பொலிஸார் 3 பேரின் உடல்களையும் மீட்டு பிரேத பரிசோதனைக்காக அனுப்பி வைத்தனர். மேலும் தற்கொலைக்கான காரணம் குறித்து பொலிஸார் தீவிர விசாரணை மேற்கொண்டு வருகின்றனர். ஒரே குடும்பத்தை சேர்ந்த 3 பேர் தூக்கில் தொங்கியபடி மீட்கப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மகளின் கண்முன்னே சரமாரியாக சுட்டுக்கொல்லப்பட்ட தாய்

பஞ்சாப் மாநிலத்தில் மகளின் கண்முன்னே அலுவலகத்தில் வைத்து பெண் அதிகாரி ஒருவர் சுட்டுக்கொலை செய்யப்பட்டுள்ள சம்பவம் பரபரப்பை ஏற்படுத்தியுள்ளது.

பஞ்சாப் மாநிலத்தில் சுகாதாரத்துறை அதிகாரியாக பணியாற்றி வரும் நேஹா ஷோரே (36), என்பவர் நேற்று காலை அவருடைய அலுவலகத்தில் வைத்து மர்ம நபரால் சுட்டுக்கொலை செய்யப்பட்டுள்ளார்.

சத்தம் கேட்டு ஓடிவந்த சக அதிகாரிகள் தப்பி ஓட முயன்ற மர்ம நபரை சுற்றிவளைத்தனர். உடனே அந்த நபர் கையில் வைத்திருந்த துப்பாக்கியை கொண்டு தன்னைத்தானே சுட்டு தற்கொலை செய்துகொண்டார்.

இந்த சம்பவம் அறிந்து விரைந்து வைத்த பொலிஸார், இருவரின் உடல்களையும் கைப்பற்றி பிரேத பரிசோதனைக்காக அனுப்பி வைத்தனர். பின்னர் மேற்கொள்ளப்பட்ட விசாரணையில், தாக்குதல் நடத்திய நபரின் பெயர் பல்விந்தர் சிங் என்பது தெரியவந்தது.

கடந்த சில வருடங்களுக்கு முன்பு பல்விந்தர் சிங் கடையில் சோதனை மேற்கொண்டு, காலாவதியான மருந்துகள் விற்பனை செய்வதாக கூறி நேஹா கடைக்கு சீல் வைத்துள்ளார். இதனால் ஆத்திரமடைந்த பல்விந்தர், துப்பாக்கி வைத்திருப்பதற்கான உரிமம் வாங்கும் வேலைகளில் ஈடுபட்டுள்ளார். சரியான சந்தர்ப்பத்திற்காக காத்திருந்த பல்விந்தர், நேற்று காலை துப்பாக்கியால் சுட்டுக்கொலை செய்திருப்பது தெரியவந்துள்ளது.

மேலும், துப்பாக்கி சூடு நடந்த சமயம் நேஹாவின் 6 வயது மகளும் அங்கு இருந்ததாக பொலிஸார் தெரிவித்துள்ளார். இந்த சம்பவம் அறிந்த பஞ்சாப் முதலமைச்சர் அமீர்ந்தர் சிங், விரிவான விசாரணைக்கு உத்தரவிட்டுள்ளார்.

மூன்று பேர் தற்கொலை

தமிழகத்தில் ஒரே குடும்பத்தைச் சேர்ந்த மூன்று பேர் தற்கொலை செய்து கொண்ட சம்பவத்தின் முதற்கட்ட விசாரணையில் சில முக்கிய தகவல்கள் கிடைத்துள்ளன. சேலம் அருகேயுள்ள பூலாவரி கிராமம் ஆத்துக்காடு பகுதியை சேர்ந்தவர் ராஜ்குமார். தனியார் பேருந்து ஓட்டுனரான இவருக்கு சாந்தி என்ற மனைவியும், ரம்யலோட்சனி என்ற மகளும், 12-ஆம் வகுப்பு படிக்கும் மகனும் உள்ளனர். ரம்யலோட்சனி திருச்சங்கோட்டில் இருக்கும் விவேகானந்தா கல்லூரியில் 2ம் ஆண்டு படித்து வந்தார்.

இந்நிலையில் நேற்றிரவு மகனை தனது தாயின் வீட்டிற்கு ராஜ்குமார் அனுப்பியுள்ளார். அதன் பின் மறுநாள் காலை வீட்டிற்கு திரும்பிய போது வீடு பூட்டப்பட்டிருப்பதைக் கண்டு கதவை தொடர்ந்து தட்டியுள்ளான். ஆனால் கதவு திறக்காததால், வீட்டின் ஜன்னலை திறந்து பார்த்த போது, தாய், தந்தை, சகோதரி மூவரும் தூக்கில் தொங்குவதை கண்டு அதிர்ச்சியடைந்து சத்தம் போட்டுள்ளார்.

அதன் பின் இந்த தகவல் பொலிசாருக்கு தெரியவந்ததால், விரைந்து வந்த பொலிசார் மூன்று பேரின் உடலையும் மீட்டு பிரதே பரிசோதனைக்கு அனுப்பி வைத்துள்ளனர்.

அதன் பின் நடத்தப்பட்ட முதற்கட்ட விசாரணையில், ரம்யலோட்சனியின் காதல் விவகாரமே இதற்கு காரணம் என்பது கண்டுபிடிக்கப்பட்டுள்ளது. மாற்று சமூக இளைஞனை ரம்யா காதலித்து வந்ததாகவும், இதற்கு பெற்றோர் தொடர்ந்து எதிர்ப்பு தெரிவித்து சண்டையிட்டு வந்ததாகவும் கூறப்படுகிறது.

நேற்றிரவு பேசி சமாதானம் செய்யும் முயற்சியின்போது சண்டை ஏற்பட்டு மகளை கொலை செய்துவிட்டு, பெற்றோரும் தூக்கில் தொங்கியிருக்கலாம் என சந்தேகிக்கப்படுவதாக போலீசார் கூறியுள்ளனர்.

இளம்பெண் கொலை

இந்தியாவின் கேரள மாநிலத்தில் வரதட்சணை கேட்டு இளம்பெண்ணை, ஒன்றரை மாதம் பட்டினி போட்டு கொலை செய்த கணவன் மற்றும் மாமியாரை பொலிசார் கைது செய்தனர். கேரள மாநிலம் கொல்லம் மாவட்டம் கருநாகப்பள்ளியைச் சேர்ந்த தம்பதி துளசிதாஸ்-விஜயலட்சுமி. இவர்களது மகள் துசராவுக்கும்(27), அதே பகுதியைச் சேர்ந்த சந்துலால்(30) என்பவருக்கும் கடந்த ஓர் ஆண்டுக்கு முன்பு திருமணம் நடந்துள்ளது.

இந்த திருமணத்தின்போது பேசப்பட்ட வரதட்சணையை, பெண்ணின் தந்தை துளசிதாஸ் கொடுக்கவில்லை என்று கூறப்படுகிறது. இதனால் ஆத்திரமடைந்த சந்துலால் மற்றும் அவரது தாயார் இருவரும் துசராவை அடித்து துன்புறுத்தி வந்துள்ளனர்.

கடந்த ஒன்றரை மாதமாக புதுப்பெண் துசராவின் நடமாட்டம் இல்லை. இந்நிலையில், உயிருக்கு ஆபத்தான நிலையில் துசராவை கருநாகப்பள்ளியில் உள்ள அரசு மருத்துவமனையில் சந்துலாலும், அவரது தாயாரும் சேர்த்துள்ளனர்.

அங்கு சிகிச்சைப் பலனின்றி துசரா இறந்தார். அதனைத் தொடர்ந்து, துசாராவின் சாவில் சந்தேகம் இருப்பதாக மருத்துவர்கள் பொலிசாரிடம் புகார் செய்துள்ளனர். அதன் பின்னர் சந்துலால் மற்றும் அவரது தாய் கீதாலால் ஆகியோரிடம் பொலிசார் விசாரணை நடத்தினர்.

அப்போது திடுக்கிடும் தகவல்கள் வெளிவந்துள்ளன. அவர்கள் கூறுகையில், ‘போதிய வரதட்சணை கிடைக்காத ஆத்திரத்தில் துசராவை வீட்டில் அடைத்து வைத்து பட்டினி போட்டோம். திருமணத்தின்போது 60 கிலோ எடை இருந்தார்.ஒன்றரை மாதமாக தண்ணீர் மட்டுமே கொடுத்ததால் 40 கிலோ எடை குறைந்து, இறக்கும்போது 20 கிலோ எடை மட்டுமே இருந்தார். பட்டினி போட்டே கொலை செய்தோம்’ என்று விசாரணையில் ஒப்புக் கொண்டனர்.

துசராவுக்கு காலையில் ஒரு தம்ளர் சர்பத், மதியம் ஒரு தம்ளர் தண்ணீர், இரவு மீண்டும் ஒரு தம்ளர் சர்பத் மட்டுமே ஜன்னல் வழியாக இருவரும் கொடுத்து வந்துள்ளனர். இதனைத் தொடர்ந்து, தாய்-மகனை கைது செய்த பொலிசார் கருநாகப்பள்ளி நீதிமன்றத்தில் ஒப்படைத்தனர்.

உயிரைவிட்ட பெண்

நாகை மாவட்டம் மயிலாடுதுறை கிட்டப்பா நகரை சேர்ந்தவர் சுரேஷ். கொத்தனார் வேலை செய்து வரும் மனைவி லலிதா லட்சுமி. இவர்களுக்கு திருமணம் ஆகி 8 ஆண்டுகள் ஆகிறது. 4 வயதில் பிரியதர்ஷிணி என்ற பெண் குழந்தையும், ஆதீஸ்வரா என்ற 7 மாத ஆண் குழந்தையும் உள்ளனர்.

மகளிர் சுய உதவி குழு தலைவியாக இருந்து வந்த லலிதா லட்சுமி, மயிலாடுதுறையில் உள்ள ஒரு தனியார் வங்கியில் கடன் வாங்கி இருந்தார். சுரேசுக்கு கடந்த சில நாட்களாக சரிவர வேலை கிடைக்காததால் லலிதா லட்சுமி தான் வாங்கிய கடனுக்கான கடைசி மாத நிலுவை தொகையை செலுத்துவதற்கு சில நாட்கள் தாமதம் ஆகி விட்டதாக தெரிகிறது.

ஒவ்வொரு மாத நிலுவையையும் சரியான நேரத்தில் திரும்ப செலுத்தி வந்த லலிதா லட்சுமியால் குடும்ப சூழ்நிலை காரணமாக கடைசி மாத நிலுவை தொகையை செலுத்த முடியவில்லை என்று தெரிகிறது.

இந்த நிலையில் அந்த நிதி நிறுவனத்தை சேர்ந்த சிலர் லலிதா லட்சுமி வீட்டிற்கு சென்று கடன் நிலுவையை கேட்டு மிரட்டி தகாத வார்த்தைகளால் அவரை திட்டி சத்தம் போட்டு உள்ளனர். மேலும் அவரை செல்போனில் படம் எடுத்து உள்ளனர். அக்கம், பக்கத்தினர் முன்னிலையில் நிதி நிறுவனத்தினர் தன்னை தகாத வார்த்தைகளால் திட்டியதையும், செல்போனில் படம் எடுத்ததையும் லலிதா லட்சுமியால் ஜீரணிக்க முடியவில்லை.

இதனால் மிகுந்த அவமானம் அடைந்த லலிதா லட்சுமி, தான் இனிமேல் ஒரு நிமிடம் கூட உயிர் வாழக்கூடாது என்று முடிவு செய்து வீட்டில் இருந்த மண்எண்ணெய்யை எடுத்து வந்து தனது உடல் மீது ஊற்றிக்கொண்டு தீ வைத்துக்கொண்டார். அதைப்பார்த்த அக்கம், பக்கத்தினர் ஓடி வந்து அவரை மீட்டு சிகிச்சைக்காக மயிலாடுதுறை அரசு மருத்துவமனைக்கு அனுப்பி வைத்தனர்.

பின்னர் அவரை மேல் சிகிச்சைக்காக திருவாரூர் மருத்துவக்கல்லூரி மருத்துவமனைக்கு அனுப்பி வைத்தனர். அங்கு சிகிச்சை பலனின்றி நேற்று முன்தினம் இரவு லலிதா லட்சுமி பரிதாபமாக இறந்தார்.

லலிதா லட்சுமி தற்கொலை செய்து கொண்டதால் அவரது இரண்டு குழந்தைகளும் தாயை இழந்து தவித்து வருகின்றனர். அந்த குழந்தைகளை பார்த்து உறவினர்கள், கிராம மக்கள் கதறி அழுதது காண்போரின் கண்களையும் குளமாக்கியது. மகளிர் குழுவில் வாங்கிய கடனுக்காக அவமானப்படுத்தியதால் 2 குழந்தைகளின் தாய் தீக்குளித்து தற்கொலை செய்து கொண்ட சம்பவம் அந்த பகுதியில் மிகுந்த சோகத்தை ஏற்படுத்தி உள்ளது.

கணவரை கொன்று தண்ணீர் தொட்டியில் மறைத்த மனைவி

தமிழகத்தில் கணவரை கொலை செய்துவிட்டு உடலை கழிவுநீர் தொட்டிக்குள் மறைத்து வைத்து நாடகமாடிய மனைவியின் செயல் அதிர்ச்சியை ஏற்படுத்தியுள்ளது. கடலூர் மாவட்டத்தை சேர்ந்த அய்யாப்பிள்ளை, மனைவி பரிமளாவுடன் வசித்து வந்தார். பரிமளாவுக்கு இவர் 2ஆவது கணவர் ஆவார். குடிப்பழக்கத்துக்கு அடிமையான அய்யாப்பிள்ளை கடந்த 13ஆம் திகதி மாயமானார்.

அவர் மதுபோதையில் எங்காவது மயங்கி கிடப்பார் என நினைத்த உறவினர்கள், விரைவில் வீடு திரும்புவார் என நம்பியிருந்தனர். இரண்டு வாரங்கள் ஆகியும் அய்யாபிள்ளை வீட்டிற்கு வராததால் சந்தேகமடைந்த அவரின் சகோதரர் பொலிஸ் புகார் அளித்தார்.

இதையடுத்து பொலிசார் பரிமளாவிடம் விசாரித்தனர். அவர் முரணான பதில்களைத் தெரிவித்ததால், பொலிசாருக்கு சந்தேகம் வலுத்தது. பின்னர் கிடுக்குப்பிடி விசாரணையில் கணவரை கொன்றதை ஒப்புகொண்டார்.

அய்யாபிள்ளை, அடிக்கடி குடித்துவிட்டுவந்து பரிமளாவிடம் சண்டையிடுவார் என கூறப்படுகிறது. சம்பவம் நடந்த அன்றும் மதுபோதையில் இருந்த அய்யாபிள்ளை, வழக்கம்போல் பிரச்னை செய்துள்ளார். ஆத்திரமடைந்த பரிமளா, திடீர் தாக்குதல் நடத்தியதில் நிலைகுலைந்த அவர், அங்கேயே மயங்கிவிழுந்துள்ளார்.

அய்யாபிள்ளை போதை தெளிந்து எழுந்து விடுவார் என பரிமளா நினைத்த நிலையில் அவர் எழவில்லை. பதறிப்பேன பரிமளாவோ முகத்தில் தண்ணீர் தெளித்து பார்த்தபோது, பேச்சு மூச்சு இல்லாமல் கிடந்துள்ளார் அய்யாபிள்ளை. பின்னர் நள்ளிரவு நேரத்தில், வீட்டின் பின்புறம் உள்ள கழிவுநீர் தொட்டியை திறந்த பரிமளா, அதில் அய்யாபிள்ளையின் சடலத்தை போட்டு மூடியுள்ளார்.

மேலும் தொட்டியை திறக்கும் பகுதியை சிமெண்ட் பூசி மறைத்த பரிமளா, அக்கம் பக்கத்தினரிடம் ஒன்றும் தெரியாதது போலவே நடந்து கொண்டதாக காவலர்கள் கூறுகிறார்கள். தகவலறிந்து சென்ற தீயணைப்புத்துறையினர், கழிவுநீர் தொட்டியை உடைத்து அய்யாபிள்ளையின் சடலத்தை எலும்புக் கூடாக மீட்டனர். இதையடுத்து பரிமளாவை பொலிசார் கைது செய்துள்ளனர்.