மனைவியை கொன்றுவிட்டு நாடகமாடிய கணவன்

ஹரியானாவை சேர்ந்த நபர் ஒருவர், தனது முன்னாள் மனைவியை கொன்று விட்டு நாடகமாடியது அம்பலமாகியுள்ளது. ஹரியானாவை சேர்ந்த மருத்துவர் தர்மேந்திர பிரதாப், இவரது மனைவி ராக்கி ஸ்ரீவஸ்தவா, வேறொரு பெண்ணுடன் ஏற்பட்ட தொடர்பின் காரணமாக 2ம் திருமணம் செய்து கொண்டார்.

இதனால் குடும்பத்தில் பிரச்சனை எழ ராக்கியை பிரிந்தார் தர்மேந்திர பிரதாப், தனியாக இருந்த ராக்கி மனிஷ் என்பவரை கரம்பிடித்தார். இந்நிலையில் சில மாதங்களுக்கு முன் இருவரும் நேபாளம் சென்ற நிலையில், மனிஷ் மட்டும் நகரத்திற்கு திரும்ப ராக்கி அங்கேயே இருந்துள்ளார்.

வெகு நாட்கள் ஆகியும் ராக்கி திரும்பி வராததால் சந்தேகம் அடைந்த அவரது குடும்பத்தினர் பொலிசில் புகார் அளித்தனர். மனிஷ் தான் குற்றவாளியாக இருக்கலாம் என பொலிசார் நினைத்த நிலையில், தர்மேந்திர பிரதாப்பை கைது செய்துள்ளனர்.

விசாரணையின் போது ராக்கியின் செல்போனை ஆய்வு செய்ததில், அவரது எண்ணுக்கு தர்மேந்திர பிரதாப் தொடர்பு கொண்டது தெரியவந்தது. மேலும் இருநாட்கள் நேபாளத்தில் அவர் இருந்ததும் தெரியவந்ததால், அவரை கைது செய்து விசாரித்ததில் ஒப்புக்கொண்டார்.

அதாவது நண்பர்களுடன் சேர்ந்து குளிர்பானத்தில் மயக்க மருந்து கொடுத்து, குன்றில் இருந்து ராக்கியை தள்ளி கொலை செய்துள்ளார். மேலும் அவரது பேஸ்புக்கை தொடர்ந்து பயன்படுத்தி யிருடன் இருப்பதாக நம்பவைத்துள்ளதும் தெரியவந்துள்ளது. சொத்து பிரச்சனை காரணமாகவே தர்மேந்திர பிரதாப் இச்செயலை செய்ததாக பொலிசார் தெரிவித்துள்ளனர்.

மகளை எரித்துக் கொன்ற பெற்றோர்

தெலுங்கானா மாவட்டத்தில் மகள் சாதி மீறி திருமணம் செய்துகொண்டது பிடிக்காத காரணத்தால் அவளை உயிரோடு எரித்துக்கொலை செய்தேன் என தந்தை பொலிசில் வாக்குமூலம் அளித்துள்ளார்.

சக்தி அண்ணா என்பவரின் மகளான அனுராதா வேறு சாதி இளைஞரான லட்சுமி ராஜன் என்பவரை காதலித்து திருமணம் செய்து கொண்டார். திருமணம் முடிந்து 3 மாதங்கள் கடந்துவிட்ட நிலையில், தனது மகனை அவரது கணவரிடம் இருந்து பிரித்து அழைத்து வந்த சக்தி, வீட்டில் வைத்திருந்துள்ளார்.

இந்நிலையில், தனது மகளை காணவில்லை என பொலிசில் புகார் அளித்துள்ளார், இதற்கிடையில், அங்குள்ள காட்டுப்பகுதியில் அனுராதாவின் உடல் எரிக்கப்பட்ட நிலையில் கண்டெடுக்கப்பட்டது. இதனைத்தொடர்ந்து அனுராதாவின் பெற்றோரை அழைத்து விசாரித்தனர். அப்போது பல அதிர்ச்சி தகவல்கள் வெளியாகி உள்ளன. தனது மகள் அனுராதா, வேறு சாதியைச் சேர்ந்த லட்சுமி ராஜனை காதலித்தது தனக்கு பிடிக்காததால் அவரை கண்டித்தேன்,

திருமணத்துக்கு பின் லட்சுமி ராஜன் வீட்டில் இருந்த அனுராதாவை, சமாதானப்படுத்தி தங்கள் வீட்டுக்கு அழைத்து வந்துள்ளனர். தங்கள் விருப்பத்திற்கு மாறாக திருமணம் செய்தது ஏன் எனக் கேட்டு மகன்களுடன் சேர்ந்து அனுராதாவை தாக்கியதாகவும், ஒரு கட்டத்தில் அடி, உதை தாங்க முடியாமல் அனுராதா சனிக்கிழமை இரவு உயிரிழந்தார்.

இதனையடுத்து அனுராதாவின் உடலை சாக்குப்பையில் மூட்டைகட்டி அருகிலுள்ள வயலுக்கு எடுத்துச் சென்றுள்ளனர். அங்கு பெட்ரோல் ஊற்றி தீ வைத்து எரித்துவிட்டதாக பொலிசில் வாக்குமூலம் அளித்துள்ளார்.

இதை தொடர்ந்து, முதற்கட்டமாக அனுராதாவின் தந்தை மற்றும் சகோதரரை பொலிசார் கைது செய்துள்ளனர். இதனிடையே, காதலை ஏற்க கட்டாயப்படுத்துவதாக, லட்சுமி ராஜன் மீது புகார் கொடுக்கும் படி, அனுராதாவை, அவரது பெற்றோர்கள் வலியுறுத்தியுள்ளனர்.

அப்போது அனுராதாவிடம் விசாரணை நடத்திய பொலிசார், மகளை காதலனிடமிருந்து பிரிப்பதற்காக பெற்றோர் ஆடிய நாடகத்தை தெரிந்துகொண்டு, அனுராதாவின் பெற்றோருக்கு அறிவுரை கூறி அனுப்பி வைத்தனர்.

இந்த நிலையில், தங்களுக்கு பெற்றோர்கள் தொடர்ந்து கொலை மிரட்டல் விடுப்பதாகவும், தங்கள் உயிருக்கும் ஆபத்து ஏற்பட்டால் தனது பெற்றோரே காரணம் என்று அனுராதா இறப்பதற்கு முன் வீடியோவும் வெளியிட்டுள்ளார். இந்த ஆதாரங்கள் அனுராதாவின் தந்தை சக்திக்கு எதிராக திரும்பியுள்ளன.

அதிர வைக்கும் சம்பவம்

சென்னையில் 3 வயது மகனுக்கு அசிட் ஊற்றி கொலை செய்துவிட்டு தாயும் தற்கொலை செய்துகொண்டது சோகத்தை ஏற்படுத்தியுள்ளது. அரியானா மாநிலத்தை சேர்ந்தவர் தினேஷ் (36). இவரது மனைவி ரக்சிதா. தம்பதியின் 3 வயது மகன் ருத்ரா. இவர்கள், குடும்பத்துடன் கோடம்பாக்கத்தில் தங்கியிருந்தனர். சேத்துப்பட்டில் உள்ள ஒரு ஆராய்ச்சி மையத்தில் தினேஷ் விஞ்ஞானியாக பணிபுரிந்து வருகிறார்.

இந்நிலையில் வேலைக்கு சென்றுவிட்டு வீட்டுக்கு திரும்பிய தினேஷ், நீண்ட நேரமாக கதவை தட்டியும் திறக்கப்படாததால் சந்தேகமடைந்த அவர், அக்கம் பக்கத்தினர் உதவியுடன் கதவை உடைத்து உள்ளே சென்றார்.

அப்போது, வீட்டின் படுக்கை அறையில் அவரது மனைவி ரக்சிதா தூக்கில் தொங்கிய நிலையில் சடலமாக கிடந்தார். அவரது மகன் ருத்ரா முகம் வெந்த நிலையில் கட்டிலில் பிணமாக கிடந்ததை கண்டு அதிர்ச்சியடைந்தார்.

முதற்கட்ட விசாரணையில், ரக்சிதா சிறிது மனநலம் பாதிக்கப்பட்டவர் என்றும், அவர்தான் குழந்தையின் வாயில் ஆசிட் ஊற்றி கொலை செய்துவிட்டு, தானும் தற்கொலை செய்து கொண்டதும் தெரியவந்தது.

புதுமணப்பெண்

தெலுங்கானா மாநிலத்தில் வேறு சமூகத்தை சேர்ந்த இளைஞரை காதலித்து திருமணம் செய்துகொண்ட பெண்ணை நடுரோட்டில் வைத்து அடித்து, எரித்துக்கொலை செய்துள்ள அதிர்ச்சி சம்பவம் நடந்துள்ளது.

தெலுங்கானா மாநிலம் காலமடகு கிராமத்தை சேர்ந்த பிண்டி அனுராதா என்கிற 22 வயது இளம்பெண் கடந்த சில வருடங்களாக, அதேகிராமத்தை சேர்ந்த லக்ஷ்மன் (26) என்கிற இளைஞரை காதலித்து வந்துள்ளார். இருவரும் வேறு சமுதாயத்தை சேர்ந்தவர்கள் என்பதால், அனுராதாவின் வீட்டில் கடும் எதிர்ப்பு கிளம்பியுள்ளது.

கடந்த 3ம் தேதியன்று வீட்டை விட்டு வெளியேறிய காதல் ஜோடி, ஐதராபாத்தில் உள்ள கோவில் ஒன்றில் திருமணம் செய்துகொண்டு அங்கேயே 3 வாரம் தங்கியிருந்துள்ளனர். இந்த நிலையில் நேற்று வீடு திரும்பிய ஜோடி, தங்கள் உயிருக்கு ஆபத்து இருப்பதாக பொலிஸ் நிலையத்தில் புகார் அளித்துவிட்டு லக்ஷ்மன் வீட்டிற்கு சென்றுள்ளனர்.

இந்த தகவலை அறிந்து கொண்ட அனுராதாவின் பெற்றோர் சத்னா மற்றும் லட்சுமி, தங்களுடைய உறவினர்களை அழைத்துக்கொண்டு லக்ஷ்மன் வீட்டிற்கு சென்றுள்ளனர். அங்கு வீட்டினுள் இருந்த அனுராதவை வெளியில் இழுத்து வந்து நடுரோட்டில் பொதுமக்கள் மத்தியில் வைத்து சரமாரியாக தாக்கியுள்ளனர்.

இதில் அனுராதா சம்பவ இடத்திலேயே பலியாகியுள்ளார். பின்னர் அவருடைய உடலை எடுத்துக்கொண்டு நிர்மல் மாவட்டத்தில் மல்லபூர் கிராமத்தில் நள்ளிரவில் எரித்து சாம்பலாக்கிவிட்டு இன்று அதிகாலை வீடு திரும்பியுள்ளனர். இதற்கிடையில் லக்ஷ்மன் கொடுத்த புகாரின் அடிப்படையில் பொலிஸார் வழக்கு பதிவு செய்து அனுராதாவின் பெற்றோரை கைது செய்து விசாரணை மேற்கொண்டு வருகின்றனர்.

அம்பானி வீட்டு திருமண விழா

அம்பானி வீட்டு திருமண விழாவில் 12 லட்சத்திற்கும் அதிகமான புகைப்படங்கள் எடுக்கப்பட்டதாகஎடுக்கப்பட்டதாகவும், அதை சேமிக்க 30 டிபி அதாவது 30 ஆயிரம் ஜிபி இடம் தேவைப்பட்டதாகவும் தகவல் வெளியாகியுள்ளது.

இந்தியாவின் பெரும் பணக்காரரான முகேஷ் அம்பானியின் மகள் இஷா அம்பானியின் திருமணம் சமீபத்தில் மிகவும் ஆடம்பரமாக நடைபெற்றது.

அனைவரையும் வியந்து பார்க்க வைக்கும் அளவிற்கு நடந்த இத்திருமணம் உலகின் இரண்டாவது ஆடம்பர வீடான அம்பானியின் அன்டிலா வீட்டில் நடைபெற்றது. திருமணத்திற்கான பேச்சு ஆரம்பித்திலிருந்தே பல்வேறு செய்திகள் பரபரப்பாக வெளிவந்த வண்ணமே இருந்தன.

இத்தகைய திருமண விழாவில் விவேக் செய்க்காரா என்ற 47 வயதுடைய நபர் தான் புகைப்படம் எடுக்கும் வேலைகளை கவனித்துள்ளார். இவர் கர்நாடகா மாநிலம் மங்களூருவில் திருமண போட்டோகிராபராக இருந்து வருகிறார். 2010,2011,2012 மற்றம் 2014ம் ஆண்டுகளுக்கான சிறந்த திருமண புகைப்படகாரர் விருதையும் இவர் வாங்கியிருப்பது குறிப்பிடத்தக்கது.

இதுகுறித்து பேசியுள்ள விவேக், கடந்த ஜூன் மாதம் இந்த நிகழ்விற்காக எனக்கு போன் செய்து, டிசம்பர் மாதம் 1-15ம் தேதி வரை வேறு யாருக்கும் எந்த வேலையையும் ஒப்புக்கொள்ளாதீர்கள். ஒரு பெரிய வேலை காத்திருக்கிறது என கூறினார்கள்.

அதன்படி அக்டோபர் மாதம் போன் செய்து எனது ப்ரோபைல் மற்றும் சாம்பிள்களை கேட்டனர். அதன் பின்னர் தான் இந்த காண்ட்ராக்டர் கிடைத்தது என கூறியுள்ளார்.