வெளிநாட்டில் இருந்து பணம் வந்தமையினால் நபர் ஒருவர் தற்கொலை செய்து கொண்டுள்ளதாக வைத்தியசாலைத் தகவல்கள் தெரிவிக்கின்றன.

மறவன்புலவைச் சேர்ந்த 47 வயதான சிவராசா சிவரூபன் என்பவரே இவ்வாறான விபரீத முடிவால் நேற்று முன்தினம் தன் உயிரை மாய்த்துள்ளார்.

வெளிநாட்டிலிருந்து பணம் வருவதால் மனைவி தன்னுடன் சந்தோசமாக இருப்பதில்லை என்று கடிதம் எழுதிவிட்டு அவர் தற்கொலை செய்து கொண்டதாக ஆரம்பகட்ட விசாரணையின் மூலம் தெரியவந்துள்ளது.

நான்கு பிள்ளைகளின் தந்தையான சிவரூபன் இவர் கொடிகாமம் பலநோக்குக் கூட்டுறவுச் சங்கத்தில் பணிபுரிகிறார்.

சம்பவம் தொடர்பில் சாவகச்சேரிப் பொலிஸார் விசாரணை நடத்தினர். பிரதேச திடீர் இறப்பு விசாரணை அதிகாரி மேலதிக விசாரணைகளை நடத்தினார். யாழ்ப்பாணம் போதனா மருத்துவமனையில் உடற்கூற்றுப் பரிசோதனையின் பின்னர் சடலம் உறவினர்களிடம் ஒப்படைக்கப்பட்டது.

வெளிநாடுகளிலுள்ள உறவுகள் அனுப்பும் பணம் இங்குள்ள பலருக்கும் சாதகமாகவே அமைகின்ற போதும், சில இளையோர் அத்தகைய பணத்தால் தறிகெட்டுச் செல்கிறார்கள். சமூகவிரோதச் செயல்களில் ஈடுபடுகிறார்கள் என்று வடக்கு மாகாண முதலமைச்சர் உட்பட பலரும் கூறி வருகின்றமை குறிப்பிடத்தக்கது.

மட்டக்களப்பு – வெல்லாவெளி, விவேகானந்தபுரம் பகுதியில் 17 வயது யுவதியொருவர் தூக்கிட்டு தற்கொலை செய்து கொண்டுள்ளார்.

அரியநாயகம் நிருலக்ஷனி என்பவரே நேற்று மாலை தற்கொலை செய்து கொண்டுள்ளதாக பொலிஸார் தெரிவித்துள்ளனர்.

வீட்டில் யாருமில்லாத போது தனது அறையில் குறித்த யுவதி தூக்கிட்டுக் கொண்டுள்ளார்.

இந்த சந்தர்ப்பத்தில், வீட்டிற்கு வந்த பெற்றோர் மகள் தூக்கில் தொங்குவதை அவதானித்து அறையின் கதவை உடைத்து உள்ளே சென்று அவரை மீட்டுள்ளனர்.

இருப்பினும், வைத்தியசாலைக்கு கொண்டு வரப்பட்ட போது மாணவியின் உயிர் பிரிந்திருந்ததாக வைத்தியர்கள் தெரிவித்துள்ளனர்.

சம்பவம் தொடர்பான மேலதிக விசாரணைகளை பொலிஸார் மேற்கொண்டு வருவதுடன், மாணவியின் சடலம் பிரேத பரிசோதனைக்காக வைத்தியசாலையில் வைக்கப்பட்டுள்ளது.

இதேவேளை குறித்த சம்பவமானது அந்த பகுதியையே சோகத்தில் ஆழ்த்தியுள்ளது.

வீட்டிலிருந்த சிறுமி ரெஜினாவின் பாடசாலை சீருடையொன்றையும், பாதணியொன்றையும் பொலிஸார் வாங்கிச் சென்றதாக ரெஜினாவின் தந்தை குறிப்பிட்டுள்ளார்.

யாழ். சுழிபுரத்தில் படுகொலை செய்யப்பட்ட சிறுமி ரெஜினாவுக்கு நீதி கோரி நேற்று காலை முதல் தொடர் போராட்டமொன்று மேற்கொள்ளப்பட்டது. இந்த போராட்டத்தில் வைத்து ரெஜினாவின் தந்தை இந்த விடயத்தை தெரிவித்து கதறியழுதுள்ளார்.

எமது வீட்டில் உடுப்பு காயப்போடும் கொடியில் ரெஜினாவின் இன்னொரு பாடசாலை சீருடை இருந்தது. அதனையும், ஒரு பாதணியையும் பொலிஸார் வாங்கிக் கொண்டு போனதாக என் மகன் கூறினார்.

ரெஜினா பாடசாலைக்கு அணிந்து சென்ற சீருடை வழமையாக போடப்படும் துணியில் தைக்கப்பட்ட சட்டை. ஆனால் வீட்டிலிருந்த சட்டை பட்டர் சில்க் துணியால் தைக்கப்பட்டது.

வீட்டிலிருந்த குறித்த சட்டை வெளியிலிருந்த கொடியில் காயப் போடப்பட்டிருந்தது. அந்த சீருடையை தான் பொலிஸார் வந்து எடுத்துக் கொண்டு போனார்கள்.

அத்துடன் வீட்டிலிருந்த பழைய பாதணியையும் எடுத்துச் சென்றுள்ளனர். ரெஜினாவுக்கு குறித்த பாதணி போட முடியாது போய்விட்டதால் அதை வைத்து விட்டு வேறு பாதணியொன்றை வாங்கிக் கொடுத்தோம் என குறிப்பிட்டுள்ளார்.

இதேவேளை சம்பவம் தொடர்பில் 3 குழுக்கள் விசாரணைகளை மேற்கொண்டு வரும் போதும் சிறுமியின் வீட்டிற்குச் சென்று வேறு சீருடையையும் பாதணியையும் பொலிஸார் பெற்றதாக கூறும் விடயம் இடம்பெறவில்லை என வட்டுக்கோட்டை பொலிஸ் நிலைய பொறுப்பதிகாரி தெரிவித்துள்ளார்.

இதேவேளை யாழ். பொலிஸ் சிரேஸ்ட அத்தியட்சகர் இந்த விடயம் தொடர்பில் ஆராய்வதற்காக பொலிஸ் அதிகாரியொருவரை அப்பகுதிக்கு அனுப்புவதாக தெரிவித்துள்ளார் என கொழும்பு ஊடகமொன்று குறிப்பிட்டுள்ளது.

பிரித்தானியாவில் வாழும் இலங்கையர் ஒருவர் திடீர் சுகயீனம் காரணமாக உயிரிழந்துள்ளார் என அறிவிக்கப்பட்டுள்ளது.

லண்டனில் விளையாட்டு பயிற்சியில் ஈடுபட்டிருந்த போது ஏற்பட்ட தீடீர் சுகயீனம் காரணமாக வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

நைனமடு பிரதேசத்தில் பிறந்து வளர்ந்து பல வருடங்களுக்கு முன்னர் பிரித்தானியா சென்ற 43 வயதான ரொஷான் சுரங்க பெரேரா என்பவரே இவ்வாறு உயிரிழந்துள்ளார் என தெரிவிக்கப்படுகின்றது.

உயிரிழந்த ரொஷான் சுரங்க பாடசாலை காலம் முதல் தேசிய மட்ட விளையாட்டு போட்டிகளில் திறமையான ஒருவராக திகழ்ந்துள்ளார். தொழிலுக்காக முதலாவதாக இத்தாலி சென்றவர் பின்னர் பிரித்தானியாவில் குடியேறினார்.

கடந்த இரண்டு வாரங்களுக்கு முன்னர் லண்டனில் தனது குடும்பத்தினருடன் வாழும் வீட்டிற்கு அருகில் உள்ள மைதானத்தில் விளையாட்டு பயிற்சியில் ஈடுபட்ட போது போது திடீர் சுகயீனமடைந்துள்ளார்.

இதன் காரணமாக வைத்தியசாலையில் அனுமதிக்கப்பட்டவர் உயிரிழந்துள்ளார். அவரது இறுதி அஞ்சலி நடவடிக்கைகள் பிரித்தானியாவில் நடைபெறவுள்ளதாக அறிவிக்கப்பட்டுள்ளது.

முல்லைத்தீவு – செல்வபுரத்தில் 80 வயது மூதாட்டி ஒருவரின் துணிகரமான செயல் அப்பகுதியில் பெரிதும் பேசப்படுகின்றது.

குறித்த மூதாட்டி அவரது மகளுடன் வாழ்ந்து வந்துள்ளார். மகள் ஆசிரியர் தொழில் செய்து வருகின்றார். இந்த நிலையில் மூதாட்டி தனது மகனை பார்க்க செல்வதற்கு மகள் அனுமதி கொடுப்பதில்லை என தெரியவருகின்றது.

இதனால் மகள் பாடசாலை சென்ற சந்தர்ப்பத்தில் மூதாட்டி மகளுடைய வீட்டை விட்டு வெளியேறி நடக்க முடியாத நிலையில் வீதியில் இருந்து சிரமப்பட்டுள்ளார்.

இதன்போது வீதியால் சென்றவர்களிடம் தனது மகனின் வீட்டிற்கு செல்வதற்கு உதவிசெய்யுமாறு கோரிக்கை விடுத்துள்ளார்.

மேலும், அப்பகுதியில் சென்ற ஒருவர் குறித்த மூதாட்டியின் மகனை அழைத்துவந்து மூதாட்டியை மகனிடம் ஒப்படைப்பதற்கு உதவியுள்ளமை குறிப்பிடத்தக்கது.

அரசாங்கம் முன்னெடுத்து வரும் பொருளாதார கொள்கைகள் காரணமாக அமெரிக்க டொலரின் பெறுமதி 200 ரூபாய் வரை அதிகரிப்பதை தவிர்க்க முடியாது என கூட்டு எதிர்க்கட்சியின் நாடாளுமன்ற உறுப்பினர் பந்துல குணவர்தன தெரிவித்துள்ளார்.

நிதியமைச்சு மக்களின் பணத்தை வரை முறையின்றி பயன்படுத்து தொடர்பான தகவல்களை தகவல் அறியும் சட்டத்தின் கீழ் பெற்றுக்கொள்ள இன்று நிதியமைச்சு வந்திருந்த பந்துல குணவர்தன, ஊடகங்கவியலாளர்கள் எழுப்பிய கேள்விக்கு பதிலளிக்கும் போதே இதனை கூறியுள்ளார்.

சிங்கப்பூருடனான சுதந்திர வர்த்தக உடன்படிக்கை செயற்படுத்தப்பட்டால், இந்த நிலைமை மேலும் அதிகரிக்கும்.

தற்போதைய அரசாங்கம் பதவிக்கு வரும் போது கடனை செலுத்த போதுமான வருமானம் இருக்கவில்லை என பிரதமர் ரணில் விக்ரமசிங்க கூறியது உண்மைக்கு புறம்பானது என்றும் தெரிவித்துள்ளார்.

இதேவேளை, கடந்த அரசாங்கம் கடன்களுக்கான தவணை பணத்தை செலுத்திய பின்னர் வருமானத்தில் ஓரளவு பணம் சேமிக்கப்பட்டிருந்தது எனவும் பந்துல குணவர்தன குறிப்பிட்டுள்ளார்.

யாழ். மானிப்பாயில் பிச்சை எடுக்க வந்தவர்களாலேயே குறித்த பெண்மணி கொலை செய்யப்பட்டுள்ளதாக விசாரணைகளில் இருந்து தெரியவந்துள்ளது.

குறித்த சம்பவத்தில் சந்தேகத்தின் பேரில் 35வயதுடைய நபர் ஒருவர் மானிப்பாய் பொலிஸாரினால் கைது செய்யப்பட்டுள்ளார்.

இன்று காலை சுமார் 8 மணியளவில் பிச்சைக்காரன் ஒருவர்வீட்டிற்குச் சென்று பிச்சை கேட்டுள்ளார். அப்போது, அந்த மூதாட்டி 100 ரூபாய் காசுகொடுத்துள்ளார்.

அந்த காசினை வாங்கிக் கொண்டு போன பிச்சைக்காரன் 30நிமிடங்களின் பின்னர் மீண்டும் அந்த வீட்டிற்குச் சென்று மூதாட்டியை கத்தியால்குத்திக் கொலை செய்துள்ளான்.

பின்னர் வீட்டிலுள்ள மற்றைய வயோதிபப் பெண் மூதாட்டியை வந்து பார்த்த போது, மூதாட்டிகழுத்து அறுக்கப்பட்ட நிலையில், இரத்தத்துடன் காணப்பட்டுள்ளார்.

பதறிய வயோதி பெண், பொலிஸாருக்கு தகவல் வழங்கியுள்ளார்.அந்த தகவலின் பிரகாரம் சம்பவ இடத்திற்குச் சென்ற மானிப்பாய் பொலிஸார்விசாரணைகளை முன்னெடுத்தனர்.

அதன்போது, மல்லாகம் நீதிமன்ற நீதிபதி சம்பவஇடத்திற்கு வந்து சடலத்தினைப் பார்வையிட்டதுடன், சடலத்தினை யாழ்.போதனாவைத்தியசாலையில் பிரேத பரிசோதனைக்காக ஒப்படைக்குமாறு உத்தரவிட்டார்.

இதன்போது, பொலிஸாரினால் முன்னெடுக்கப்பட்ட ஆரம்ப கட்ட விசாரணையின் போது,யாழ்ப்பாணம் ஆணைக்கோட்டைப் பகுதியைச் சேர்ந்த மனநிலை பாதிக்கப்பட்ட சுமார் 35வயதுடைய ஜெயனாந்தன் சுதர்சன் என்ற நபர் கைது செய்யப்பட்டுள்ளார்.

கைதுசெய்யப்பட்ட நபரிடம் மானிப்பாய் பொலிஸார் விசாரணைகளை முன்னெடுத்துள்ளனர்.விசாரணைகளின் பின்னர் நீதிமன்றில் ஆஜர்ப்படுத்தவுள்ளதாகவும் மானிப்பாய்பொலிஸார் தெரிவித்துள்ளனர்.

மேலும், கொலைச் சம்பவம் இடம்பெற்ற வீட்டிற்கு அருகில் உள்ளவீட்டில் சி.சி.ரி.வி கெமரா பொருத்தப்பட்டுள்ளது.

அந்த வீட்டின் சி.சி.ரி.விகாணொளிகளைப் பெறுவதற்கான நீதிமன்ற அனுமதிகளைப் பெறும் நடவடிக்கைகள்முன்னெடுக்கப்பட்டு வருகின்றதாகவும் மானிப்பாய் பொலிஸார் மேலும் தெரிவித்தனர்.

யாழ்ப்பாணம் – மானிப்பாய், லோட்டன் வீதி இந்துக் கல்லூரிக்கு முன்பாக உள்ள வீட்டுக்குள் புகுந்த கும்பல், பெற்றோல் குண்டுத் தாக்குதல் மற்றும் வாள்வெட்டு என பெரும் அட்டூழியத்தில் ஈடுபட்டு தப்பிச் சென்றுள்ளது. இந்த சம்பவம் இன்று அதிகாலை இடம்பெற்றுள்ளது.

வாள்வெட்டுக் கும்பலால் அந்த வீட்டின் மீது நடத்தப்படும் இரண்டாவது பெரும் தாக்குதல் இதுவாகும். இது தொடர்பில் மேலும் தெரியவருவதாவது,

10 பேர் கொண்ட கும்பல் வாள்களுடன் வந்து, அந்த வீட்டில் பெற்றோல் குண்டு தாக்குதலை மேற்கொண்டது. அதனால் வீட்டின் முன் நிறுத்தி வைக்கப்பட்டிருந்த மோட்டார் சைக்கிள் தீப்பற்றி எரிந்துள்ளது.

வீட்டில் பொருத்தப்பட்டிருந்த கண்காணிப்புக் கமராக்களையும் அடித்து நொருக்கியுள்ளது.

கதவை கொத்தி சேதப்படுத்தி, வீட்டின் குடும்பத் தலைவருக்கு வாளால் வெட்டியுள்ளனர். இதனால் அவரது வயிறுப் பகுதியில் வெட்டு விழுந்துள்ளது.

மேலும், வீட்டின் தளபாடங்களை நொருக்கிய கும்பல் நீண்ட நேர அட்டூழியத்தை அரங்கேற்றி அங்கிருந்து வாள்களுடன் அச்சமின்றி வீதியால் சென்றுள்ளதாக சம்பவத்தை நேரில் கண்டவர்கள் தெரிவித்துள்ளனர்.

இதற்கு முன்னரும் அந்த வீட்டுக்குள் புகுந்த கும்பல், மாணவியின் புத்தகங்களை தீயிட்டு எரித்து பெரும் அட்டூழியத்தில் ஈடுபட்டு தப்பித்திருந்தது.

அந்த குடும்பத்தலைவரின் மகன், ஆவா குழுவைச் சேர்ந்தவர்களைக் காட்டிக்கொடுத்தார் என்பதை பழிதீர்க்கும் வகையிலேயே இவ்வாறு அந்த குடும்பத்தை இலக்கு வைத்து தாக்குதல்கள் நடத்தப்படுவதாகவும் தெரிவிக்கப்பட்டது.

சம்பவம் தொடர்பில் மானிப்பாய் பொலிஸாருக்கு உடனடியாக தகவல் வழங்கப்பட்டது. எனினும் அவர்கள் சம்பவ இடத்துக்கு வருவதில் தாமம் ஏற்பட, வாள்வெட்டுக் கும்பல் அங்கிருந்து தப்பித்தது சென்றிருந்தமை குறிப்பிடத்தக்கது.