அமெரிக்காவில் மருத்துவமனை கட்டுவதற்காக அந்நாட்டில் வாழும் இந்தியாவை சேர்ந்த தம்பதி 1307 கோடி ரூபாயை நன்கொடையாக அளித்துள்ளனர்.

இந்தியாவை பூர்வீகமாக கொண்ட கிரண் படேல் மற்றும் அவர் மனைவி பல்லவி படேல் ஆகியோர் அமெரிக்காவின் புளோரிடா மாகாணத்தில் மருத்துவ சேவை நிறுவனத்தை நடத்தி வருகிறார்கள்.

இந்நிலையில் கிரண் படேல் மற்றும் பல்லவி படேல் ஆகிய இருவரும் சேர்ந்து மியாமியைச் சேர்ந்த நோவா சவுத் ஈஸ்டன் பல்கலைக்கழகத்துக்கு 1307 கோடி ரூபாய் நன்கொடை அளித்துள்ளனர்.

நோவா சவுத் ஈஸ்டன் பல்கலைகழகம் தம்பாவில் புதிய மருத்துவமனை வளாகம் ஒன்றை கட்டவுள்ளது. இதற்கான செலவுகளை ஈடுகட்டவே தம்பதி பணத்தை நன்கொடையாக வழங்கியுள்ளார்கள்.

 
சென்னையில் வீதியில் விளையாடிய இரண்டரை வயது குழந்தையை கடத்திய சிறுவனை கைது செய்துள்ள பொலிசார் விசாரணை நடத்தி வருகின்றனர்.

சென்னை தண்டையார்பேட்டையை சேர்ந்த முகமது இலியாஸ் என்பவரின் முகமது சாது, நேற்று முன்தினம் தெருவில் விளையாடிக் கொண்டிருந்தான்.

அப்போது அங்கு சைக்கில் வந்த 9 வயது மதிக்கத்தக்க சிறுவன் சைக்கிளில் சாதுவை அழைத்துச் சென்றுள்ளான்.
இதுகுறித்து பொலிசில் புகார் அளிக்கப்பட விசாரணை நடத்திய பொலிசார், அப்பகுதி சிசிடிவி கமராவை ஆய்வு செய்ததில் சிறுவன் ஒருவன் ஒரஞ்சு நிற சைக்கிளில் குழந்தையை கடத்தியது தெரியவந்தது.

இதையடுத்து, கொருக்குப்பேட்டை பகுதியில் சிறுவன் இருப்பதைக் கண்டறிந்த தனிப்படையினர், குழந்தையைப் பத்திரமாக மீட்டனர்.

சிறுவனிடம் நடத்தப்பட்ட விசாரணையில் அவன் கூலி தொழிலாளியின் மகன் என தெரிந்தது. விளையாடுவதற்காகவே குழந்தையை சிறுவன் கடத்தியதாக பொலிசார் கூறியுள்ளார்.

ஆனால், ஒரஞ்ச் நிறத்திலான சைக்கிள் நிறத்தை கடத்தலுக்கு பின்னர் சிறுவன் மாற்றியுள்ளதால் சந்தேகத்தின் பேரில் அவனை கைது செய்து பொலிசார் விசாரித்து வருகிறார்கள்.

இதையடுத்து, நேற்றிரவு தந்தை இலியாஸிடம் குழந்தை முகமது சாதுவை பொலிசார் ஒப்படைத்தனர்.

தமிழகத்தில் கல்லூரி மாணவி ஒருவர் விடுதியின் மாடியிலிருந்து கீழே குதித்து தற்கொலை செய்து கொண்டுள்ள நிலையில், அவரின் மரணத்தில் சந்தேகம் உள்ளதாக தந்தை புகார் அளித்துள்ளார்.

தமிழ்நாட்டின் சிவகங்கையை சேர்ந்தவர் பரணிதாஸ், இவரது மகள் தாரணி (19), திண்டுக்கல் அருகே உள்ள தனியார் பொறியியல் கல்லூரியில் படித்து வந்தவர் கல்லூரி விடுதியில் தங்கியிருந்தார்.

இந்நிலையில் நேற்றிரவு 2 மணிக்கு விடுதியின் மூன்றாம் மாடியிலிருந்து கீழே குதித்து தற்கொலை செய்து கொண்டார், படுகாயமடைந்த அவரை மருத்துவமனைக்கு கொண்டு செல்லும் வழியில் பரிதாபமாக உயிரிழந்தார்.

பொலிசார் சம்பவம் குறித்து விசாரித்து வந்த நிலையில், தாரணிக்கும், விடுதி வார்டனுக்கும் தகராறு இருந்து வந்ததாக தெரிவிக்கப்படுகின்றது.

இதுகுறித்து தாரணியின் தந்தை பரணிதாஸ் கூறுகையில், கடந்த 25ம் திகதி தாரணி மற்றொருவர் செல்போனில் இருந்து என்னிடம் பேசினார்.

அப்போது நன்றாக பேசியவர், இரவு சுமார் 12 மணிக்கு மீண்டும் போன் செய்து, இங்கே ரொம்ப கொடுமை செய்றாங்க. என்னை கூட்டிட்டு போங்க என்று அழுத நிலையில் போன் திடீரென கட்டானது.

பின்னர் குறித்த நம்பருக்கு போன் செய்தால் யாரும் எடுக்கவில்லை. தாரணியின் உடலில் எலும்பு முறிவோ, பலத்த காயமோ இல்லாத நிலையில் அவர் கீழே குதித்து விட்டதாக கூறுவது பொய்.

அவரை யாரோ துன்புறுத்தி உள்ளனர், மகளின் மரணத்தில் சந்தேகம் உள்ளதால் இதுகுறித்து விசாரிக்க வேண்டும் என கூறியுள்ளார்.

தமிழகத்தில் மதுரை மாவட்டத்தின் மேலூர் அருகே உள்ளே வெள்ளளூர் என்ற கிராமத்தில் ஏழைகாத்தம்மன் கோவில் திருவிழா சமீபத்தில் நடைபெற்றது.

இந்த கோவில் திருவிழாவின் போது 15 வயதுள்ள சிறுமிகள் மேல் சட்டையில்லாமல் ஊர்வலமாக அழைத்துச் செல்லப்படுகின்றனர்.

இது கோவில் திருவிழாவில் நடத்தப்படும் சடங்கு என்று கூறப்படும் நிலையில், இது தொடர்பாக தனியார் செய்தி இணையதளம் ஒன்று வீடியோவை வெளியிட்டிருந்தது.

இது சமூக ஆர்வலர்களிடம் பெரும் அதிர்ச்சியை ஏற்படுத்தியது. இந்நிலையில் இந்த செய்தியை வெளியிட்ட பத்திரிகையாளர் மெய்யம்மை கூறுகையில், இந்த கோவிலில் நடக்கும் திருவிழாப் பற்றி எனக்குத் தெரியும் என்றும் 15 வயதுடைய சிறுமிகளை, மேல் சட்டையைக் களைந்து ஊர்வலமாக அழைத்து செல்லப்படுவார்கள்.

அதன் பின் அந்த சிறுமிகள் ஏழு நாள்களுக்குக் கோவில் பூசாரியுடன் தங்கவைப்படுவார்கள். இது தொடர்பாக கடந்த ஞாயிறு அன்று செய்தி வெளியிட்டேன். அதைத் தொடர்ந்து திங்கட் கிழமை முதல் தனக்கு போன் மற்றும் சமூகவலைத்தளமான பேஸ்புக் மூலம் பாலியல் ரீதியான மிரட்டல்களும் கொலை மிரட்டல்களும் வர ஆரம்பித்ததாக கூறினார்.

சுமார் 50,000 பேர் கூடும் திருவிழாவில், இப்படி மேலாடை இல்லாமல் சிறுமிகள் ஊர்வலமாக அழைத்துச் செல்லப்படுவது கொடுமையானது. இதை நான் நேரடியாகப் பார்த்தேன்.

அதுமட்டுமின்றி கோவில் திருவிழாவில் இருந்த சிலர் செல்போனில் அந்தச் சிறுமிகளைப் படம்பிடித்தார்கள். இது சிறுமிகளின் பாதுகாப்புக்கு உத்தரவாதம் இல்லை.

சிறுமிகளுக்கு மேலாடை போட்டு, திருவிழா நடத்துங்கள் என்று கலெக்டட் கூறிய போது, அது எங்க வழக்கத்துக்கு மாறானதுனு என்று கூறி மறுத்துவிட்டதால், இதை தான் செய்தியாக்கியதாக கூறினார்.

மேலும் குறித்த செய்தி நிறுவனத்தின் ஆசிரியர் வித்யாஸ்ரீ தர்மாராஜ் கூறுகையில், அந்த செய்திக்கு பின்னர் பல அழைப்புகள் வந்து கொண்டே இருந்ததாகவும், இரத்தம் கக்கி சாவே எனவும் உங்க இணையதளத்தையே ஹேக் செஞ்சுடுவோம் என்று மிரட்டியதாகவும் அவர் கூறினார்.

இதையடுத்து இது தொடர்பாக காவல் துறையினரிடம் புகார் அளித்துள்ளதாகவும், அவர்கள் சரியான நடவடிக்கை எடுப்பார்கள் என்று நம்புவதாகவும் கூறினார்.

தமிழகத்தின் சேலம் மாவட்டம் தம்மம்பட்டி அருகே உள்ள நாகியம்பட்டியை சேர்ந்தவர் கணேஷ்(31). கோவையில் உள்ள பேக்கரி கடையில் ஊழியராக பணியாற்றி வரும், இவர் திருச்சி மாவட்டத்தைச் சேர்ந்த மேகலா(25) என்ற பெண்ணை கடந்த 8 ஆண்டுகளுக்கு முன்னர் திருமணம் செய்துள்ளார்.

இவர்களுகு பிரியதர்ஷனி என்ற 7 வயது குழந்தை உள்ளது. இந்நிலையில் இவர்கள் இருவருக்கும் ஏற்பட்ட கருத்து வேறுபாடு காரணமாக மேகலா அவரது பெற்றோர் வீட்டில் தனது மகளுடன் சேர்ந்து வாழ்ந்து வந்துள்ளார். அதைத் தொடர்ந்து நீதிமன்றத்தில் விவாகரத்து கேட்டு வழக்கும் தொடர்ந்துள்ளார்.

இதையடுத்து நேற்று காலை இருவரும் தம்மம்பட்டி மண்கரடு மலை அடிவாரத்தில் இருக்கும் தனியார் பள்ளி அருகே அமர்ந்து பேசிக்கொண்டிருந்த போது, திடீரென்று கணேஷ் மேகலாவின் கழுத்தை கத்தியால் அறுத்ததால், அவர் அந்த இடத்திலே துடி துடித்து இறந்தார்.

அதன் பின் இது தொடர்பான தகவல் பொலிசாருக்கு தெரியவந்தால், பொலிசாருக்கு அப்பகுதிக்கு வந்தவுடன் கணேஷ் அவர்களிடம் சரணடைந்தார்.

கணேஷ் பொலிசாரிடம் அளித்த வாக்குமூலத்தில், கடந்த 4 ஆண்டுகளாக கருத்து வேறுபாடு காரணமாக நாங்கள் பிரிந்தோம். இருந்த போதிலும் அடிக்கடி இருவரும் சந்தித்துக் கொள்வோம். குடும்ப செலவுக்கு அவ்வப்போது பணம் கொடுப்பேன். அவள் படிப்பதற்கு கடந்த 2 வருடமாக நான் பணம் கொடுத்து உதவினேன்.

இதைத் தொடர்ந்து அவரிடம் பேச வேண்டும் என்று நான் அவரை அங்கு அழைத்தேன். அப்போது அவளது செல்போனை வாங்கி பார்த்ததில் அவளுடைய வட்ஸ்ஆப், பேஸ்புக்கில் வேறு இளைஞன் ஒருவருடன் தொடர்பில் இருப்பது தெரியவந்ததால், நடத்தையில் சந்தேகம் ஏற்பட்டு, அவரிடம் அறிவுரை கூறினேன்.

ஆனால் அவரோ நான் அப்படித்தான் இருப்பேன் என்றும், என் இஷ்டப்படிதான் வாழ்வேன் என்று கூறியதால், தனக்கு ஆத்திரம் ஏற்பட்டது. இதனால் மேகலாவின் கழுத்தை அறுத்து கொலை செய்தேன், அதன் பின்னர் வாழ்க்கையே நாசமாகி விட்டதே என்று கதறி அழுததாக கூறியுள்ளார்.