ராஜஸ்தான் மாநிலம் அல்வாரில் 21 வயது கல்லூரி மாணவியை கற்பழித்த புகாரில் சாமியார் பலாஹரி மஹாராஜ் கைது செய்யப்பட்டுள்ளார்.

ராஜஸ்தான் மாநிலம் அல்வாரில் பலாஹரி மஹாராஜ் (70) என்ற சாமியார் ஆசிரமம் நடத்தி வருகிறார்.

இந்த ஆசிரமத்திற்கு அடிக்கடி வருகை தரும் பக்தர் ஒருவரது மகளான 21 வயது கல்லூரி மாணவி கடந்த 13-ம் தேதி போலீசின் ஒரு புகார் அளித்தார்.

அந்த புகாரில், கடந்த ஆகஸ்ட் மாதம் 7-ம் திகதி இரவு சாமியார் பலாஹரி மஹாராஜ் தன்னை தனியாக அழைத்து ஆசிரமத்தில் வைத்து கற்பழித்ததாக கூறியுள்ளார்.

கடந்த மூன்று நாட்களாக இந்த புகார் குறித்து விசாரணை நடத்தி வந்த பொலிசார் நேற்று சாமியார் மஹாராஜை கைது செய்தனர்.

மாஜிஸ்திரேடு முன்னிலையில் ஆஜர் படுத்தப்பட்ட சாமியாரை 15 நாள் நீதிமன்ற காவலில் வைக்க நீதிபதி உத்தரவிட்டார்.

இதனையடுத்து, மருத்துவ பரிசோதனைக்கு பின்னர் சாமியார் சிறையிலடைக்கப்பட்டார்.

கடந்த மாதம் அரியானா சாமியார் குர்மீத் ராம் கற்பழிப்பு குற்றத்திற்காக 20 ஆண்டுகள் சிறை தண்டனை விதிக்கப்பட்டு சிறையில் அடைக்கப்பட்டார் என்பது குறிப்பிடத்தக்கது.

உத்திரப்பிரதேசத்தில் தற்கொலை செய்து கொண்ட 5ஆம் வகுப்பு மாணவனின் உருக்கமான கடிதம் சிக்கியது.

உத்திரப்பிரதேசத்தின் கோரக்பூா் மாவட்டத்தில் உள்ள தனியார் பள்ளியில் 5ஆம் வகுப்பு படிக்கும் நவநீத் இரண்டு தினங்களுக்கு முன்னர் விஷம் குடித்து தற்கொலை செய்து கொண்டார்.

நவநீத் சாரியாக படிக்காத காரணத்தால் வகுப்பு ஆசிரியை மாணவனுக்கு தண்டனை அளித்ததால், மாணவன் இந்த முடிவை எடுத்துக் கொண்டதாக கூறப்பட்டது.

இந்நிலையில் மாணவனின் புத்தக பையில் கடிதம் ஒன்று இருந்ததைக் கண்ட அவரது தந்தை, கடிதத்தில் இருப்பதை படித்துள்ளார்.

அதில் நவநீத், அப்பா இன்று என்னுடைய முதல் தோ்வு, ஆனால் எனது வகுப்பு ஆசரியை என்னை தொடா்ந்து மூன்று வகுப்புகளுக்கு நிற்க வைத்து தண்டனை அளித்ததால், நான்அழுது கொண்டே நின்றிருந்தேன்.

ஆனால் ஆசிரியர் தன்னை பொருட்படுத்தாமல் தொடா்ந்து பாடம் எடுப்பதிலேயே கவனம் செலுத்தியதால், நான் என் வாழ்க்கையை முடித்துக் கொள்கிறேன் எனவும் இது போன்ற தண்டனையை யாருக்கும் அளிக்க வேண்டாம் என்று எனது ஆசிரியை கேட்டுக் கொள்கிறேன் என்று உருக்கமாக கூறியுள்ளார்.

இதைத் தொடர்ந்து கடிதத்தின் அடிப்படையில், அவரது தந்தை அங்கிருக்கும் காவல்நிலையத்தில் புகார் அளித்ததால், இது தொடர்பாக பொலிசார் விசாரணை மேற்கொண்டு வருகின்றனர்.

 
குப்பை மேடாக காட்சியளித்த காட்டு வழிப்பாதையை ஒரு குடும்பமே சேர்ந்து சுத்தம் செய்திருப்பது ஆச்சரியத்தை ஏற்படுத்தியுள்ளது.

கர்நாடக மாநிலத்தின் மெல்லின்கொப்பா கிராமத்தை சேர்ந்தவர் ரஷ்மி ராவ் (37) இவர் தனது குடும்பத்தாருடன் ஷிவ்மோகா நகருக்கு காரில் செல்லும் போது ஒரு காட்டு வழி பாதையை கடக்க வேண்டும்.

அந்த பாதையானது அதிகளவில் குப்பைகள் மற்று காலி மது பாட்டில்கள் கொட்டப்பட்டு அசுத்தமாக காட்டியளித்துள்ளது. இதை பலமுறை பார்த்த ரஷ்மி, அரசு ஏன் இதை சுத்தம் செய்யவில்லை என தனது கணவரிடம் கேள்வியெழுப்பினார்.

பின்னர் கடந்த வாரம் தனது குடும்பத்தாருடன் சேர்ந்து அந்த பகுதியை சுத்தம் செய்ய முடிவெடுத்த ரஷ்மி அதற்கான செயலிலும் இறங்கினார்.

அதன்படி ரஷ்மி, அவர் கணவர் மற்றும் குழந்தைகள் இதை செய்ய முடிவெடுத்தனர். அவர்களுடன் மைத்துனர் மற்றும் அவர்களின் குழந்தைகளும் வந்தார்கள். எல்லோரும் கையுறை அணிந்து கொண்டு குறித்த பகுதியில் மலையளவு சேர்ந்திருந்த குப்பைகள் மற்றும் பாட்டிகளை சில மணி நேரத்தில் அப்புறப்படுத்தி பிளாஸ்டிக் டிரம்மில் அடைத்தனர்.

150-200 கண்ணாடி பாட்டில்களை அவர்கள் சேகரித்தனர். தற்போது குப்பை மேடாக இருந்த இடம் சுத்தமாக காட்சியளிக்கிறது. இது குறித்து ரஷ்மி கூறுகையில், சுற்றுலா வரும் பயணிகள் ஆங்காங்கே குப்பைகள் மற்றும் பாட்டில்களை போட்டு விட்டு சென்றுவிடுகின்றனர். பல பாட்டில்கள் உடைந்துவிடுவதால் அது இங்குள்ள மிருகங்களுக்கும், இவ்வழியே செல்லும் மனிதர்களுக்கும் ஆபத்தை விளைக்கிறது என கூறியுள்ளார்.

குடும்பத்துடன் தான் செய்த செயலை ரஷ்மி பேஸ்புக்கில் பதிவிட்டதுடன், இது போன்ற அசுத்தமான பகுதிகளை சுத்தம் செய்ய மக்கள் தங்களுடன் இணைய வேண்டும் எனவும் கோரிக்கை வைத்துள்ளார்.

 
திருவண்ணாமலை மாவட்டத்தில் உடல் எடை குறைப்பதற்கா அறுவை சிகிச்சை செய்து கொண்ட பெண் உயிரிழந்துள்ளார்.

வளர்மதி(46) என்பவர் 150 கிலோ எடையை குறைக்க ஆகஸ்ட் 23ம் திகதி கீழ்பாக்கம் தனியார் மருத்துவமனையில் அனுமதிக்கப்பட்டுள்ளார்.

இதற்கு முன்னர் வளர்மதிக்கு 8 அறுவை சிகிச்சைகள் செய்யப்பட்டுள்ளது. இந்நிலையில் நேற்று நடந்த 9வது அறுவை சிகிச்சைக்கு பின் காய்ச்சல் ஏற்பட்டுள்ளது.

காய்ச்சலால் பாதிக்கப்பட்ட வளர்மதி சிகிச்சை பலனின்றி இன்று காலை உயிரிழந்துள்ளார். மருத்துவர்களின் தவறான சிகிச்சையால் தனது மனைவி உயிரிழந்துவிட்டார் என அவரது கணவர் மற்றும் உறவினர்கள் குற்றம்சாட்டியுள்ளனர்.

மேலும், வளர்மதியின் கணவர் அழகேசன் அளித்த புகாரின் அடிப்படையில் பொலிசார் மருத்துவமனை நிர்வாகத்திடம் விசாரணை நடத்தி வருகின்றனர்.

ஆந்திராவில் 4 வயது சிறுவன் ஒருவனை நாய்கள் கடித்துக் கொண்டிருந்த போது, அங்கிருந்த பொதுமக்கள் அச்சிறுவனை காப்பாற்றமல் வீடியோ எடுத்த சம்பவம் அதிர்ச்சியை ஏற்படுத்தியுள்ளது.

ஆந்திராவின் குண்டூர் மாவட்டத்தின் புறநகர் பகுதியில், கூலி தொழில் செய்யும் தம்பதியின், 4 வயது மகன் வீட்டிற்கு வெளியே விளையாடிக் கொண்டிருந்தான்.

அப்போது அங்கு சுற்றித் திருந்த வெறிநாய்கள், திடீரென்று சிறுவன் மீது, அவனை கடித்து குதறின. இதைக் கண்ட அருகில் இருந்த பொதுமக்கள் சிறுவனை நாயிடம் இருந்து காப்பாற்றாமல், தங்களது மொபைல் போனில் வீடியோ எடுத்துள்ளனர்.

தங்களது மகன் நாயிடம் கடி வாங்குவதை அறிந்த சிறுவனின் பெற்றோர், உடனடியாக அந்த இடத்திற்கு விரைந்து நாயிடம் இருந்து காப்பாற்றி மருத்துவமனையில் அனுமதித்துள்ளனர்.

பல நாய்கள் கடித்ததில், உடல் முழுவதும் பலத்த காயம் ஏற்பட்டதால், சிறுவன் இறந்து விட்டதாக, மருத்துவர்கள் தெரிவித்துள்ளனர்.

</p><p>இது குறித்து சிறுவனின் தாயார் கூறுகையில், தங்கள் வீட்டருகே, ஏராளமான வெறி நாய்கள் சுற்றித் திரிவதாக, ஒரு வாரத்திற்கு முன்பே, நகராட்சியில் புகார் அளித்ததாகவும், ஆனால் எவ்வித நடவடிக்கையும் எடுக்காததால், சிறுவன் அநியாயமாக உயிரிழந்துள்ளான் என்று கூறியுள்ளார்.