பிரேசில் நாட்டில் திருமணமான தம்பதியினர் தங்களுக்கு குழந்தை இல்லாத காரணத்தால் கர்ப்பிணி பெண்ணின் வயிற்றை கிழித்த சம்பவம் அதிர்ச்சியை ஏற்படுத்தியுள்ளது.

பிரேசிலை சேர்ந்த Silva Pinto மற்றும் Fabio Luiz Lima ஆகிய தம்பதியினருக்கு திருமணமாக 3 வருடங்கள் கடந்தும் குழந்தை இல்லை.

இந்நிலையில் Pinto கருவுற்றபோது அவரது வயிற்றில் இருப்பது குழந்தை இல்லை என்றும், அது கட்டி என்பதால் அதனை நீக்கிவிட வேண்டும் என மருத்துவர்கள் அறிவுறுத்தியுள்ளனர்.

அதன்படியே, அறுவை சிகிச்சையின் மூலம் Pinto வின் வயிற்றில் இருந்த கட்டி நீக்கப்பட்டது.

தங்களுக்கு குழந்தையே இல்லை என்ற கவலையில் இந்த Pinto மற்றும் அவரது கணவர் ஆகிய இருவரும் சேர்ந்து திட்டம் ஒன்றை தீட்டியுள்ளனர்.

அதாவது, வறுமையில் வாடும் கர்ப்பிணி பெண்கள் மற்றும் அவர்களுக்கு பிறக்கப்போகும் குழந்தைகளுக்கு ஆடை உதவிகள் செய்வதாக கூறி வாட்ஸ் அப்பில் குரூப் ஒன்றை ஆரம்பித்து அதன் மூலம் பலருடன் தொடர்பு கொண்டுள்ளார்.

இந்நிலையில் தான் 7 மாத கர்ப்பிணி பெண்ணான, ரியான் இவர்களிடம் சிக்கியுள்ளார். ரியானை சந்தித்து ஆடையை வழங்குவதற்காக ரியோவில் உள்ள ரயில் நிலையம் சென்ற இத்தம்பதியினர், அவரை கடத்திக்கொண்டு தங்களது வீட்டுக்கு கொண்டு சென்றுள்ளனர்.

ரியான் 8 மாத கர்ப்பிணியாக இருக்கிறார் என்று நினைத்துக்கொண்ட இவர்கள், கத்தியை எடுத்து ரியானின் வயிற்றை கிழித்து குழந்தையை எடுக்க முற்பட்டுள்ளனர். ஆனால் துரதிர்ஷ்டவசமாக தாய் மற்றும் சேய் ஆகிய இருவரும் உயிரிழந்தனர்.

இதனால் அதிர்ச்சியடைந்த இந்த தம்பதியினர், இரண்டு சடலங்களையும் தங்கள் வீட்டில் புதைத்துவிட்டு, கத்தியை நீச்சல் குளத்தில் போட்டுள்ளனர்.

இந்நிலையில் ரியான் காணாமல் போய் 2 வாரங்கள் கடந்துவிட்ட நிலையில் அவரது குடும்பத்தினர் அளித்த புகாரின் பேரில் பொலிசார் விசாரணை நடத்தியதில், ரியோவில் உள்ள ரயில் நிலையத்தில் வைத்து ரியான், இந்த தம்பதியனர் பேசிக்கொண்டிருந்த காட்சிகள் அங்கு பொருத்தப்பட்டிருந்த சிசிடிவி கமெராவில் பதிவாகியிருந்துள்ளது.

அதனடிப்படையில், இந்த தம்பதியினரிடம் பொலிசார் விசாரணை நடத்தியதில் மேற்கூறிய தகவல்கள் தெரியவந்துள்ளது.

இரட்டை படுகொலை மற்றும் சடலங்களை மறைத்து வைத்த குற்றத்திற்காக இவர்கள் இருவரும் கைது செய்யப்பட்டுள்ளனர்.

இவர்கள் நீதிமன்றத்தில் ஆஜர்படுத்தப்பட்டு வழக்கு விசாரணை நடைபெறும் என பொலிசார் தெரிவித்துள்ளனர்.

ஆட்டிக் பிராந்தியத்தில் சராசரியைவிட 20 டிகிரி செல்சியஸ் வரை அதிக வெப்பக்காற்று வீசுவதாக ஆராய்ச்சியாளர்கள் மதிப்பிட்டிருக்கிறார்கள்.

வழக்கமாக நவம்பர், டிசம்பர் மாதங்களில் சராசரியைவிட சுமார் 5 டிகிரி செல்சியஸ் வரை அதிக வெப்பம் இருக்கும்.

இம்முறை அந்த நிலை 20 டிகிரி செல்சியஸ் என்ற அளவில் இருப்பதாக மதிப்பிடப்பட்டிருக்கிறது.

1000 ஆண்டுகளுக்கு ஒரு முறைதான் இதுபோன்ற அரிதான நிகழ்வுகள் நடக்கும் என்றும் ஆய்வாளர்கள் தெரிவித்துள்ளனர்.
மனிதர்களால் உருவாக்கப்படும் பருவநிலை மாற்றமே இதற்குக் காரணம் என்றும் அவர்கள் கூறியுள்ளனர்.

பூமி தொடர்ந்து வெப்பமடைந்து வருவதால், வட துருவத்தின் கடல் பகுதியிலும், நிலப் பகுதியிலும் மூடியிருக்கும் பனிக்கட்டிகள் உருகி வருவதாக ஆய்வாளர்கள் நம்புகிறார்கள்.

ஸ்பெயின் நாட்டை சேர்ந்தவர் மூன் ரிபாஸ்(31), நடனக்கலைஞரான இவருக்கு இயற்கையிலேயே ஒரு சக்தி உள்ளது.

ஆம், உலகில் நடைபெறும் ஒவ்வொரு நிலநடுக்கத்தையும் அவரால் உணர முடியும். அவர் தன் கையில் சீஸ்மிக் சென்சார் என்ற சிறிய கருவியைப் பொருத்தியிருக்கிறார்.

தோலுக்கு அடியில் இருக்கும் இந்தக் கருவி, ஆன்லைன் சீஸ்மோ கிராப் உதவியுடன் இயங்க, உலகின் மூலை முடுக்குகளில் அதிரும் நிலநடுக்கங்களை துல்லியமாக சொல்லிவிடுகிறார்.

இவர் தன் அனுபவங்களை கூறுகையில், மனிதர்கள் மட்டும் அங்குமிங்கும் அசைவதில்லை. இந்த பூமி உருண்டை கூட தினமும் சுற்றுகிறது, ஆடுகிறது, இதை நாம் உணராமல் இருக்கிறோம்.

இதனுடன் சேர்ந்து செயல்ப்பட நான் விரும்பினேன். அதற்காக அசூர உயரத்தில் வளர்ந்து நிற்கும் தொழில்நுட்பத்தை பயன்படுத்தினேன்.

அந்த சென்சாரை என் உடலில் பொருத்திய பிறகு பத்து நிமிடத்துக்கு ஒரு முறை பூமி அதிர்வதை கூட என்னால் உணரமுடிகிறது.

நிலநடுக்கத்தின் தன்மையைப் பொறுத்து, என் உடலும் குலுங்கும். நேபாளத்தில் 7.8 ரிக்டர் அளவில் நிலநடுக்கம் ஏற்பட்டபோது, நள்ளிரவில் என் உடல் அவ்வளவு நடுங்கியது. நானே நேபாளத்தில் இருந்ததுபோல உணர்ந்தேன்.

நிலநடுக்கத்தால் பாதிக்கப்படும் மக்களின் உணர்வுகளை நானும் உணர்கிறேன். இரண்டாவது இதயம் போல சீஸ்மிக் சென்சார் எப்போதும் என்னுள் துடித்துக்கொண்டே இருக்கிறது.

பூமியைப் புரிந்துகொண்டு, அதற்கேற்றவாறு இயற்கையுடன் இணைந்து வாழ்ந்தால் பூமிக்கும் அதில் வாழும் மனிதர்களுக்கும் நல்லது.

பூமியை அறிந்துகொள்வதற்காகவே இன்னும் பல பரிசோதனைகளை என் உடலில் நிகழ்த்த இருக்கிறேன் என கூறியுள்ளார்.

நடனம் தான் என் தொழில் என்றாலும், என்னிடம் இந்த விசித்திர சக்தி இருப்பதால் பலர் நடன நிகழ்ச்சிக்கு என்னை கூப்பிட தயங்குகிறார்கள் என சிறிய புன்னகையுடன் கூறுகிறார் மூன் ரிபாஸ்!

பிரேசில், சாயோ போலோவை தலைமைபீடமாக கொண்டு செயற்படும் அம்பரோ மது உற்பத்தி செய்யும் நிறுவனம் இந்துக்களின் கடவுள்களான பிள்ளையார், விஷ்ணு உருவம் பொறித்த மது போத்தல்களை அறிமுகப்படுத்தியுள்ளமையால், இந்து சமயத்தவர் தரப்பில் இருந்து கடும் கண்டனங்கள் எழுந்துள்ளன.

குறித்த விடயம் தொடர்பில் அமெரிக்கா, நிவேடாவில் உள்ள இந்து இயக்க தலைவர் ராஜன் ஜெட், அறிக்கை ஒன்றினை வெளியிட்டுள்ளார்.

மது போத்தல்களில் இந்து கடவுளர்களின் உருவங்கள் அச்சிடப்பட்டுள்ளமை முறையற்ற செயல். இதனால், இந்து மதத்தை சேர்ந்தவர்களின் மனம் பெரிதும் புண்பட்டுள்ளது.

இந்து கடவுள்கள் கோவில்களிலும், இல்லத்திலும் இந்துக்களால் பூஜிக்கப்படுபவை. இந்நிலையில், அவற்றை இழிவுபடுத்தும் வகையில் மது போத்தல்களில் இந்து கடவுள்களின் உருவங்களை அச்சிடுவது மிகவும் கண்டிக்கத்தக்கது.

மேலும் கடவுள்களை மது விற்பனைக்கு பயன்படுத்தி உள்ளது மரியாதை குறைவான செயல் ஆகும். உலகின் மிகப் பழமையான மதங்களில் முதன்மையானது இந்து மதம். வளமையான ஆன்மிக, யோக தத்துவங்களை தன்னுள் அடக்கியது.

இந்நிலையில், இந்து கடவுளர்களின் உருவங்களையோ, இந்து சின்னங்களையோ சிறிய அளவிலோ, பெரிய அளவிலோ தவறாக பயன்படுத்தக் கூடாது. என அந்த அறிக்கையில் ராஜன் ஜெட் கண்டனம் தெரிவித்துள்ளார்.

மேலும் இது தொடர்பில் சமூக வலைத்தளங்களிலும் பலத்த கண்டனங்கள் தெரிவிக்கப்படுகின்றமையும் குறிப்பிடத்தக்கது.