முதல் கட்டமாக 47 வகை அத்தியவசிய மருந்துகளின் விலைகள் குறைக்கப்பட்டுள்ளதாக சுகாதார அமைச்சர் ராஜித சேனாரத்ன குறிப்பிட்டார்.

நேற்று (23.09) கொழும்பில் இடம்பெற்ற நிகழ்வொன்றில் கலந்துகொண்ட அமைச்சர் இவ்வாறு கூறினார்.

தேசிய ஔடத கொள்கைக்கு அமைவாக இந்த விலை குறைப்பு அமைவதாக அமைச்சர் ராஜித சேனாரத்ன குறிப்பிட்டார்.

தெரண ஊடக வலையமைப்பு ஏற்பாடு செய்திருந்த சிறந்த இலங்கையர்களை கௌரவிக்கும் “Ada Derana Sri Lankan of the Year – 2016” மா பெரும் விருதுவழங்கும் நிகழ்வு இன்று (23) கொழும்பு ஹில்டன் ஹோட்டலில் இடம்பெற்றது.

பல்வேறு துறைகளில் நாட்டிற்கு பெருமை தேடித்தந்த இலங்கையர்கள் விருதி வழங்கி கௌரவிக்கப்பட்டனர்.

ரசிகர்களின் அதிக விருப்புக்களை வென்ற இலங்கை கிரிக்கட் அணியின் முன்னாள் நட்சத்திர வீரர் குமார் சங்ககார ஆண்டின் சிறந்த பிரபலமான இலங்கையராக தெரிவு செய்யப்பட்டார்.

இந்நிகழ்வில் விருதுகளை பெற்றுக் கொண்ட ஆண்டின் சிறந்த இலங்கையர்கள் விபரம் வருமாறு,

Sports – Mathew Abeysinghe

Global Entertainer – Jacqueline Fernandez

Entrepreneur – W.K.H. Wegapitiya

Classical Entertainer – Dr. Arunthathy Sri Ranganathan

Entertainer / Popular Category- Bathiya and Santhush

Global Businessman – Merrill J. Fernando

Global Scientist – Professor Malik Peiris

Popular Award – Kumar Sangakkara

Special Award – Jayanthi Kuru-Utumpala

Special Award – Mahinda Deshapriya

Unsung Hero – Dr. Ajith C.S. Perera / Mrs Princy Mangalika / Wilbert Ranasinghe

Gallant Soldier – Personnel Representing the Tri-Forces

Icon of the Year – Kumar Sangakkara

வாழைச்சேனை பிரதேசத்தின் மருதநகர் பகுதியைச் சேர்ந்த வீரக்குட்டி ஜெயராஜ் என்பவர் புதிய தொழில் நுட்பத்தின் மூலம் மின்சாரம் மற்றும் எரிபொருள் இன்றி நீர் இறைக்கும் இயந்திரம் ஒன்றை கண்டுபிடித்துள்ளார்.

மின்சாரம் மற்றும் எரிபொருள் இன்றி நீர் இறைக்கும் இயந்திரம் ஒன்றை கண்டுபிடித்துள்ளமை தொடர்பாக ஊடக சந்திப்பு வாழைச்சேனை பிரதேச செயலகத்தில் இன்று வெள்ளிக்கிழமை நடைபெற்றது.

இச்சந்திப்பின் போது பிரதேச செயலாளர் வா.வாசுதேவன், உதவிப் பிரதேச செயலாளர் திருமதி.நிரூபா பிருந்தன், கண்டுபிடிப்பாளர் வீரக்குட்டி ஜெயராஜ் மற்றும் செயலக உத்தியோகத்தர்கள், நலன் விரும்பிகள் எனப் பலர் கலந்து கொண்டனர்.

இவ் இயந்திரமானது மின்சாரம் மற்றும் எரிபொருள் இன்றி மனிதவலு மூலம் இயங்கி 150 லீற்றர் நீர்த்தாங்கிக்கு ஏற்றி அதன் பின்பு தானாக இயங்கும்.

அதாவது பாவனையாளர் அதனை பாவிக்கும் போது சமையலறை, குளியலறை அல்லது வேறு இடமோ பாவிக்கும் போது நீர் இறைக்கும் இயந்திரம் தானாகவே சுழன்று நீரை தாங்கிக்கு ஏற்றும்.

இந்த நீர் இறைக்கும் இயந்திரம் வீட்டுப் பாவனைக்கு மட்டுமின்றி விவசாயத்திற்கும் தோட்ட செய்கைக்கும் பெரும் உதவியாக இருக்கும்.

இந்த நீர் இறைக்கும் இயந்திரம் முதலில் மனிதவலு மூலம் இயங்கியது.

அதாவது 2004.11.25ம் திகதி வடக்கு கிழக்கு கைத்தொழில் திணைக்களத்தினால் மட்டக்களப்பு சென் மைக்கல் கல்லூரியின் நடாத்தப்பட்ட கைத்தொழில் கண்காட்சியில் மாகாண மட்டத்தில் முதலாது பரிசும், சான்றிதழும் கண்டுபிடிப்பாளர் வீரக்குட்டி ஜெயராஜிக்கு வழங்கப்பட்டது.

கண்டுபிடிப்பாளர் வீரக்குட்டி ஜெயராஜ் வடக்கு கிழக்கு கைத்தொழில் துறை பணிப்பாளரால் சான்றிதழ் வழங்கி கௌரவிக்கப்பட்டார்.

இவ் நீர் இறைக்கும் இயந்திரம் தற்போது 100க்கும் 95 வீதமே பூர்த்தி செய்யப்பட்டுள்ளது. 5 வீதம் பாதுகாப்பு கருதி மறைக்கப்பட்டுள்ளது.

மறைக்கப்பட்ட 5 வீத தொழில் நுட்பமானது இவ் நீர் இறைக்கும் இயந்திரத்தை பெற்றுக் கொள்ளும் நிறுவனத்திடம் கூறப்படும் என கண்டுபிடிப்பாளர் வீரக்குட்டி ஜெயராஜ் தெரிவித்தார்.

இதன் பிற்பாடு தனது சொந்த பாவனைக்காக பாவித்துக் கொண்டிருந்த வேளை நாட்டில் ஏற்பட்ட அசாதாரண சூழ்நிலை காரணமாக இடம்பெயர்ந்தேன்.

இதன் காரணமாக இயந்திரத்தின் சில பாகங்கள் சேதமடைந்து காணப்பட்டிருந்தது. பின்னர் இந்த நீர் இறைக்கும் இயந்திரத்தை தயாரிக்க தனது சில நண்பர்களின் உதவி மூலம் மீண்டும் இயந்திரத்தை உருவாக்கினேன் என்றார்.

இவ் இயந்திரமானது 50 அடி ஆழத்தில் இருந்து 50 அடி உயரத்திற்கு நீரை உறிஞ்சி நீர் தாங்கிக்கு ஏற்றும் திறன் மிக்கது.

அத்தோடு நீர் இறைக்கும் இயந்திரம் உற்பத்தி செய்யும் நிறுவனங்களோடு ஒப்பந்தம் செய்து கொள்ளும் பட்சத்தில் குறித்த இயந்திரத்தை கச்சிதமாகவும் அளவில் சிறியதாகவும் குதிரை வலுவினையும் அதிகரித்து கொள்ள முடியும் என்றார்.

இவ்வாறு பல கண்டு பிடிப்புக்கள் என்னிடம் உள்ளதாகவும், மேலும் தன்னிடம் பல கண்டுபிடிப்புக்களை மேற்கொள்வதற்கு போதிய நிதி வசதியின்மை காணப்படுகின்றது.

எனவே உதவும் உள்ளம் கொண்டவர்கள் தனக்கு உதவிகளை வழங்கி எனது கண்டுபிடிப்புக்களை மென்மேலும் வளர்க்க உதவுமாறு வேண்டுகின்றேன் என்றார்.

இத்திட்டம் மற்றும் இவருடம் தொடர்பு கொள்வதாயின் 0773426800 அல்லது 0758863497 என்ற இலக்கத்துடன் தொடர்பு கொள்ள முடியும்.

பெற்றோர் நேர்த்தியான ஆடைகளை அணிந்து பாடசாலைக்கு செல்லும் வகையில் புதிய சுற்றுநிருபமொன்று வெளியிடப்படுமென கல்வி அமைச்சர் தெரிவித்துள்ளார்.

குறிப்பாக பாடசாலைகளுக்கு செல்லும் தாய்மார்கள் பொருத்தமான மற்றும் நாகரீகமான அடைகளை அணிந்து செல்வதற்கு புதிய சுற்றுநிருபம் கொண்டு வரப்படவுள்ளமை குறிப்பிடத்தக்கது.

ஹிக்கடுவை திரானாகம பிரதேச வீடொன்றுக்குள் நுழைந்து நாய் ஒன்றினை விழுங்குவதற்காக வந்த பெரிய மலைப்பாம்பு ஒன்றை பிரதேசவாசிகள் பிடித்துளள்னர்.

சம்பவ தினம் இரவு வீட்டுக்கு வெளியில் நாய் குரைக்கும் சத்தம் கேட்டு குறித்த வீட்டின் உரிமையாளர் வெளியில் சென்று பார்த்த போது வீட்டையொட்டி அமைக்கப்பட்டிருந்த நாய் கூண்டுக்கு அருகில் பெரிய மலைப்பாம்பு ஒன்று இருப்பதனை கண்டு கூச்சலிட்டு அயலவர்களை உதவிக்கு அழைத்துள்ளார்.

இதனையடுத்து அவ்விடத்துக்கு விரைந்த பிரதேசவாசிகள் ஒன்றிணைந்து பாம்பை பிடித்திருந்தனர்.

பின்னர் இது தொடர்பில் ஹிக்கடுவை வனஜீவராசிகள் அதிகாரிகளுக்கு அறிவித்ததனையடுத்து அவர்கள் குறித்த மலைப்பாம்பினை எடுத்துச் சென்று காலி, கொட்டவ வனப்பகுதியில் விடுவித்திருந்ததாக தெரிவிக்கப்பட்டுள்ளது.

யாழ்ப்பாணம், நீர்வேலிப் பகுதியில் சிறுமியை தாக்கிய சம்பத்துடன் தொடர்புடைய தாயை எதிர்வரும் ஒக்டோபர் மாதம் 7 ஆம் திகதி வரை விளக்கமறியலில் வைக்குமாறு யாழ் நீதிவான் நீதிமன்றம் உத்தரவிட்டுள்ளது.

யாழ்ப்பாணம், நீர்வேலி பகுதியில் வீடொன்றில் தாய் ஒருவர் சிறுமியை மூர்க்கத் தனமாக தாக்கும் காணொளி பேஸ்புக் சமூக வலைத்தளங்களில் பகிரப்பட்டது.

இதையடுத்து சம்பவம் தொடர்பில் கோப்பாய் பிரதேச செயலக சிறுவர் நன்னடத்தை பிரிவினருக்கும் , கோப்பாய் பொலிஸாருக்கும் அறிவிக்கப்பட்டது.

அதனை தொடர்ந்து சிறுவர் நன்னடத்தை பிரிவு அதிகாரி கோப்பாய் பொலிஸ் நிலையத்தில் முறைப்பாடு செய்ததன் பிரகாரம் தாக்குதல் மேற்கொண்ட தாயார் கைது கோப்பாய் பொலிஸார் கைது செய்தனர்.

இந்நிலையில் குறித்த தாயாரை பொலிஸார் இன்று யாழ் நீதிவான் நீதிமன்றத்தில் ஆஜர்செய்தபோது, அவரை எதிர்வரும் ஒக்டோபர் மாதம் 7 ஆம் திகதி வரை விளக்கமறியலில் வைக்குமாறு பதில் நீதிவான் க. அருமைநாயகம் உத்தரவிட்டார்.

ஏனைய 3 பிள்ளைகளையும் சிறுவர் இல்லத்தில் ஒப்படைக்குமாறும் தந்தை தொடர்பான நடவடிக்கை, தொழில் ஆகியவற்றை ஆராய்ந்து விசாரணை செய்யுமாறும் நீதிவான் பொலிஸாருக்கு உத்தரவிட்டுள்ளார்.

தொடர்புபட்ட செய்தி : யாழில் மூர்க்கத்தனமாக தாக்கப்பட்ட சிறுமி : வளர்ப்புத் தாய் கைது!!(காணொளி)

இம்முறை நடைபெறவுள்ள சாதாரணதரப் பரீட்சைக்கு வரலாற்றில் என்றுமில்லாதவாறு 7 இலட்சத்து பதினைந்தாயிரத்துக்கு அதிகமான மாணவர்கள் தோற்றவுள்ளதாக பரீட்சைகள் திணைக்கள ஆணையாளர் டபிள்யு.எம்.என்.ஜே.புஸ்பகுமார தெரிவித்துள்ளார்.

பரீட்சைகள் திணைக்களத்தின் வரலாற்றில் இம்முறையே அதிகமான மாணவர்கள் தோற்றவுள்ளதாகவும் அவர் குறிப்பிட்டுள்ளார்.

நாட்டின் மக்கள்தொகை விகிதத்தின் அடிப்படையில் உலகிலேயே அதிகமானோர் பரீட்சைக்கு தோற்றும் நாடு என்ற கௌரவம் இலங்கைக்கு கிடைத்துள்ளதாக அவர் தெரிவித்துள்ளார்.

இந்த வருடம் டிசம்பர் 6ஆம் திகதி தொடக்கம் 17ஆம் திகதி வரை நடைபெறவுள்ளதோடு, பரீட்சையானது புதிய மற்றும் பழைய பாடத்திட்டத்தின் அடிப்படையில் நடைபெறவுள்ளதாகவும்,பழைய பாடத்திட்டத்தின் படி 3,34,781 மாணவர்களும்,புதஜய பாடத்திட்டத்தின் படி 381,184 மாணவர்களும் பரீட்சைக்கு தோற்றவுள்ளதாகவும் ஆணையாளர் குறிப்பிட்டுள்ளார்.