நடிகர் சிரஞ்சீவியின் தம்பியும், தெலுங்கு முன்னணி நடிகருமான பவன்கல்யாண் அவுஸ்திரேலிய நடிகை அன்னா லெழ்நோவாயை ரகசிய திருமணம் செய்து கொண்டார். இது அவருக்கு மூன்றாவது திருமணம் ஆகும். கடந்த செப்டம்பர் 30ம் திகதியே இவர்கள் ஐதராபாத் எர்ரட்டா இணைப் பதிவாளர் அலுவலகத்தில் பதிவு திருமணம் செய்து கொண்டார்கள். ஆனால் இப்போதுதான் அது வெளியாகி இருக்கிறது.

1997ல் விசாகபட்டினத்தை சேர்ந்த நந்தினியை பவன்கல்யாண் காதல் திருமணம் செய்து கொண்டார். இந்த திருமணத்துக்கு இரண்டு வீட்டிலுமே எதிர்ப்பு இருந்தது. பின்னர் இருவரும் கருத்து வேறுபாடு ஏற்பட்டு பிரிந்தனர். விவாரத்தும் செய்து கொண்டார்கள்.

அதன்பிறகு 2009ல் நடிகை ரேணு தேசாயை இரண்டாவது திருமணம் செய்து கொண்டார். இவர் பவன்கல்யாணுடன் இணைந்து பத்ரி, ஜானி போன்ற படங்களில் நடித்துள்ளார். இவர்களுக்கு அகிராநந்தன் என்ற மகனும், ஆத்யா என்ற மகளும் உள்ளனர்.

பிறகு ரேணுதேசாவையும் விவாகரத்து செய்து விட்டு தற்போது அவுஸ்திரேலிய நடிகையை திருமணம் செய்துள்ளார். இவர்கள் திருமணம் செய்து கொள்வதற்கு முன்பே ரகசியமாக குடும்பம் நடத்தியதாகவும் இதில் அவர்களுக்கு குழந்தை பிறந்துள்ளதாகவும் கூறப்படுகிறது.

பவன்கல்யாண் மூன்றாவது திருமணம் செய்ததால் ஆந்திராவில் அவரது இமேஜ் குறைந்துள்ளது. ரசிகர்கள் எதிர்ப்பு தெரிவித்து இணைய தளங்களில் கருத்துகள் வெளியிட்டு வருகின்றனர். பெண் ரசிகைகளும் பவன் கல்யாணை கண்டித்துள்ளனர்.

நடிகை லட்சுமிமேனன் தனது ரோல் மொடலான ஜோதிகா போல் கண்களால் நடிப்பை வெளிப்படுத்த முயற்சி செய்கிறாராம். பிரபு சாலமனின் கும்கி படம் மூலம் தமிழுக்கு அறிமுகமானவர் நடிகை லட்சுமிமேனன். ஆனால், அவரது சுந்தர பாண்டியன் படமே முதலில் திரைக்கு வந்தது.

இவர் நடித்த கும்கி, சுந்தரப் பாண்டியன், குட்டிப்புலி மற்றும் பாண்டியநாடு அனைத்தும் வெற்றிப்படங்களாகவே அமைந்தன.
மலையாள வரவான லட்சுமிமேனன், தான் இதுவரை நடித்துள்ள படங்களில் தனது திறமையான நடிப்பின் மூலம் பிரபலமானவர்.
கண்களால் உணர்ச்சிகளைக் காட்டும் அவரது ரோல் மொடல் நடிகை ஜோதிகா தானாம்.

தற்போது பதினோராம் வகுப்பு படித்து வரும் லட்சுமிமேனன், தனது முதல் படமான கும்கியில் யானையைக் கண்டு மிரண்டு ஓடும் காட்சிகளில் கண்களில் அப்படியொரு பிரமிப்பான நடிப்பை வெளிப்படுத்தி இருப்பார் லட்சுமிமேனன்.

கண்களில் உணர்ச்சிகளில் வெளிப்படுத்தும் வித்தையை நடிகை ஜோதிகாவைப் பார்த்துத் தான் கற்றுக் கொண்டாராம் லட்சுமிமேனன். அதாவது சினிமாவில் இவரது ரோல் மொடல் என்றால் அது ஜோதிகா தானாம்.

ஜோதிகாவின் நடிப்புக்காகவே காக்க காக்க, சந்திரமுகி படங்களை பலமுறை பார்த்து லயித்திருக்கிறாராம் லட்சுமிமேனன்.

கண்களிலேயே நடிப்பை காட்டி விடுகிறவர். இப்போது நான் நடிக்கும் படங்களில் கண்களின் மூலம் ஏதாவது நடிப்பை வெளிப்படுத்தினேனென்றால், அது ஜோதிவிடம் கற்றுக் கொண்டது தான் என செய்தி நிறுவனம் ஒன்றிற்கு அளித்த பேட்டியில் தெரிவித்துள்ளார்.

சமீபத்தில் வெளியாகி வெற்றி நடை போட்ட பாண்டிய நாடு படத்தில் விஷால் ஜோடியாக நடித்திருந்தார் லட்சுமிமேனன். அப்படத்தில் ஆசிரியராக வரும் லட்சுமிமேனன் அசப்பில் அப்படியே நடை, உடை பாவனைகளில் காக்க காக்க ஜோதிகாவை ஞாபகப்படுத்தியது குறிப்பிடத்தக்கது. அதேபோல் தற்போதுள்ள நடிகைகளில் ஜோதிகாவிற்குப் பிடித்த நடிகை லட்சுமிமேனன் தானாம்.

டுவிட்டர் கருத்தால் சர்ச்சையில் சிக்கியுள்ளார் கொமடி நடிகர் சூரி. கடந்த இரண்டு வாரங்களுக்கு முன் வெளியாகி வெற்றிகரமாக ஓடிக்கொண்டிருக்கிறது விக்ரம்பிரபு நடித்த இவன் வேற மாதிரி.

இந்தப்படத்தை பார்த்த சூப்பர்ஸ்டார் ரஜினி நல்ல பொழுதுபோக்கு படம். இந்தப் பட வெற்றிக்கு என் வாழ்த்துகள் என்று மனம் விட்டு பாராட்டி ஒரு வாழ்த்துக் கடிதத்தையும் வெளியிட்டார்.

இது செய்தியாக பத்திரிக்கைகளின் விளம்பரத்திலும் இடம் பெற்றது. இந்தக்கடிதம் நடிகர் சூரிக்கு தேவையில்லாத பிரச்சனையை கிளப்பிவிட்டுள்ளது.

இந்தப்படம் பற்றி டுவிட்டரில் “ஒரு பிரபலம் ஒரு படம் ஆஹா ஓஹோன்னு இருக்குதுன்ன்னு சொன்னாரு அப்படிங்கிற்துக்காக அந்தப்படங்களை பார்க்காதீங்க சில பேரு மொக்கைப்படங்களுக்கு கூட நல்ல விமர்சனம் கொடுப்பாங்க” என குறிப்பிட்டிருக்கிறாராம்.

ரஜினி இவன் வேற மாதிரி படத்திற்காக கொடுத்த பாராட்டுக் கடிதத்தைப் பற்றித்தான் சூரி இப்படி எழுதியிருக்கிறார் என சில பேர் அவர்மேல் அம்பு தொடுக்க ஆரம்பித்திருக்கிறார்கள்.

ஆனால் விசாரித்ததில் சூரிக்கு டுவிட்டர், பேஸ்புக்கில் கணக்கே கிடையாது என்பதுடன் அதை செய்யவும் அவருக்கு தெரியாதாம்.
சூரியின் மேல் வெறுப்பு கொண்ட சிலர் தான் இதனை செய்திருக்கலாம் என சந்தேகிக்கப்படுகிறது.

ஒரு காலத்தில் ரசிகர்களை தன் அழகாலும், நடிப்பாலும் கவர்ந்திழுத்தவர் நடிகை ரம்பா. தற்போதைய முன்னணி நடிகர்கள் பலருடன் இவர் ஜோடி சேர்ந்து நடித்துள்ளார். கடைசியாக இவர் நடித்த சில படங்கள் சரிவர ஓடாததால் சினிமாவுக்கு முழுக்கு போட்டு தொழிலதிபர் ஒருவரை திருமணம் செய்து கொண்டு வெளிநாட்டில் செட்டிலாகி ஒரு குழந்தைக்கும் தாயும் ஆகிவிட்டார்.

திருமணத்திற்கு பிறகு இவரை நடிக்க வைக்க பல இயக்குனர்கள் முயற்சி மேற்கொண்டும் இவர் மறுத்து வந்தார். இந்நிலையில், தற்போது மீண்டும் சினிமாவில் நடிக்க முன்வந்துள்ளார். தற்போது புதுப்படம் ஒன்றில் நடிக்க ஒப்பந்தம் செய்யப்பட்டுள்ளார்.

ரம்பா மீண்டும் நடிக்க வந்துள்ளதை அறிந்த பல இயக்குனர்கள் தங்கள் படங்களில் அக்கா, அண்ணி வேடங்களில் நடிக்க அவரை அணுகி உள்ளனர். நல்ல கதை, நல்ல சம்பளம் கொடுத்தால் நடிக்க ரெடி என ரம்பா கூறி வருகிறாராம். வெளிநாட்டிலிருந்து இந்தியா வந்ததும் மீண்டும் தமிழ் சினிமாவில் ஒரு ரவுண்ட் வருவார் என எதிர்பார்க்கப்படுகிறது.

சமுத்திரகனி இயக்கத்தில் ஜெயம் ரவி நடித்துள்ள படம் நிமிர்ந்து நில். இப்படத்தில் ஜெயம் ரவிக்கு ஜோடியாக அமலாபால் நடித்துள்ளார். இப்படத்தின் ஓடியோ வெளியிடப்பட்டுள்ள நிலையில் திரைக்கு வர தயாராக இருக்கிறது. இந்நிலையில், இப்படம் பெர்லினில் நடைபெறும் பெர்லின் சர்வதேச திரைப்பட விழாவில் திரையிடப்பட இருக்கிறது. இது படக்குழுவினரை மிகவும் மகிழ்ச்சியில் ஆழ்த்தியுள்ளது.

இந்த தகவலை ஜெயம் ரவி புத்தாண்டையொட்டி வெளியிட்டுள்ள வாழ்த்து செய்தியில் கூறியிருக்கிறார். அவர் கூறும்போது, ரசிகர்களுக்கும் நிமிர்ந்து நில் படத்தில் நடித்த சக நடிக, நடிகையருக்கும், தொழில்நுட்ப கலைஞர்களுக்கும் எனது மனமார்ந்த புத்தாண்டு வாழ்த்துக்கள். இந்த படம் என்னுடைய வாழ்க்கையில் மிக முக்கியமான படம்.

இப்படம் வருகிற பெப்ரவரி 14ம் திகதி பெர்லினில் நடைபெறும் பெர்லின் சர்வதேச திரைப்பட விழாவில் பங்கேற்க தேர்ந்தெடுக்கப்பட்டுள்ளது. இந்த படத்தின் தரத்துக்கு ஏற்ப, படத்துக்கு இத்தகைய அங்கீகாரமும், பாராட்டும் கிடைத்து இருப்பது மகிழ்ச்சி தருகிறது. புதுவருடம் எனக்கு இனிமையாக அமைய உள்ளது. மேலும் பல நல்ல செய்திகள் இந்த வருடம் வரப்போவது நிச்சயம் என்று அவர் கூறியுள்ளார்.

இந்தியாவிற்குப் பெருமைகளை அள்ளித்தந்த ஸ்லம் டோக் மில்லியனர் படத்தில் இசை அமைப்பாளரும், பாடகருமான விஜய் பிரகாஷ் பாடியிருந்த ‘ஜெய் ஹோ’ பாடலுக்கு ஒஸ்கர் விருது கிடைத்தது ரசிகர்கள் அனைவரும் அறிந்ததே.

தற்போது அவர் பாடியுள்ள மற்றொரு பாடலும் இந்த ஒஸ்கார் விருதுத் தேர்வுப் பட்டியலில் அனுப்பப்பட உள்ளது என்பது அவருக்கு மீண்டும் ஒரு உயர்வைத் தந்துள்ளது. 86வது ஒஸ்கர் அகடமி விருது பரிசீலனைக்காக அனுப்பப்பட உள்ள ஐந்து பாடல்களில் இவர் காமசூத்ரா 3டி என்ற படத்தில் கொடுத்துள்ள சாவரியா என்ற பாடலும் ஒன்றாகும்.

எனது மற்றொரு பாடல் ஒஸ்கர் விருது பரிசீலனைக்குப் போகும் என்று நான் எதிர்பார்க்கவில்லை. விருதுகளை மனதில் வைத்துக் கொண்டு இசையைப் பதிவு செய்வதில்லை. ஆனால் இந்த விருது பரிசீலனை நிகழ்ச்சியின் மூலம் உலகளாவிய ரசிகர்களை இந்தப் பாடல் சென்று சேரும் என்பது மகிழ்வைத் தருகின்றது என்று விஜய் பிரகாஷ் குறிப்பிட்டார்.

காமசூத்ரா 3டி படப்பாடல்கள் ஸ்ரீஜித் மற்றும் சச்சினால் இசையமைக்கப்பட்டன. இந்தப் பாடல் பாரம்பரியமும் கலந்து ஏராளமான சங்கதிகளையும் கொண்டிருந்தது. அவர்களுக்கு என்ன தேவை என்பதில் அவர்கள் தெளிவாக இருந்தார்கள். எனக்கும் அவர்களுடன் வேலை செய்தது சந்தோஷத்தைக் கொடுத்தது என்று விஜய் குறிப்பிட்டார்.

மலையாள பட உலகின் முன்னணி நடிகைகளில் ஒருவர் மீரா ஜஸ்மின். தமிழிலும் ரன், சண்டைக்கோழி உட்பட பல்வேறு படங்களில் நடித்து பிரபலம் ஆனவர். இவருக்கும் மாண்டலின் கலைஞர் ராஜேசுக்கும் காதல் எனவும், இருவரும் திருமணம் செய்து கொள்ள போவதாகவும் கிசு கிசுக்கள் வந்தன.

இந்நிலையில் நடிகை மீராஜாஸ்மின் திருவனந்த புரத்தைச் சேர்ந்த பொறியிலாளர் அனில் ஜோண் டைட்டஸ் என்பவரை வருகிற பெப்ரவரி மாதம் 12ம் திகதி திருமணம் செய்து கொள்ளப்போவதாக தகவல்கள் வெளியாகி உள்ளது.

இவர்களின் திருமணம் திருவனந்தபுரத்தில் உள்ள எல்.எம்.எஸ். ஆலயத்தில் நடக்க இருக்கிறது. இது இரு வீட்டாரின் சம்மதத்துடன் நடப்பதாகவும், திருமண விழாவில் மலையாளம் மற்றும் தமிழ் பட உலக முன்னணி நடிகர், நடிகைகள் மற்றும் கலைஞர்கள் பங்கேற்க இருப்பதாகவும் கூறப்பட்டுள்ளது.

பொறியிலாளர் அனில் ஜோண் டைட்டஸ், சென்னை ஐ.ஐ.டி.யில் படித்து சிடெக் பட்டம் பெற்றுள்ளார். தற்போது துபாயில் உள்ள சர்வதேச கம்பனியில் பணிபுரிகிறார். இவரது பெற்றோர் டைட்டஸ்–சுகத குமாரி. மீராஜாஸ்மினின் பெற்றோர் ஜோசப் பிலிப்– எலியம்மா. இவர்கள் திருவல்லா பகுதியைச் சேர்ந்தவர்கள்.

சில மாதங்களுக்கு முன்பே அனில் ஜோண் டைட்டஸ்–மீராஜாஸ்மின் இருவரின் பெற்றோரும் இவர்களுக்கு திருமணம் பேசி முடிவு செய்ததாகவும், பிப்ரவரி 12ம் திகதி நெருங்கி வருவதால் இந்த தகவல் இப்போது வெளியாகி இருப்பதாகவும் தெரிய வந்துள்ளது.

மீராஜாஸ்மின் தற்போது தமிழில் வி.டி.வி. கணேசுடன் இங்க என்ன சொல்லுது என்ற படத்திலும், மலையாளத்தில் நடிகர் ஜெயராம் நடிக்கும் ஒண்ணும் மிண்டாதே’என்ற படத்திலும் நடித்து வருகிறார். திருமணத்திற்கு பிறகும் இவர் திரையுலகில் நீடிப்பார் என கூறப்படுகிறது.