என்னதான் நடிப்பில் கவனம் செலுத்தினாலும், தமிழ் ஹீரோக்கள் குடும்ப பொறுப்புகளை கண்ணும் கருத்துமாய் செய்து வருகிறார்களாம்.
அல்டிமேட் ஸ்டார் அஜித், இளைய தளபதி விஜய், சூர்யா, ஜீவா உட்பட பல முண்ணனி ஹீரோக்கள் பலரும் பிஸியாக வலம் வந்து கொண்டிருக்கின்றனர்.

இருப்பினும் உள்ளூரில் ஷூட்டிங் நடந்தால் குழந்தைகளுடன் அதிகளவு பொழுதை கழித்து வருகின்றனர். மேலும் குழந்தைகளை காரிலோ அல்லது பைக்கிலோ அழைத்து சென்று பள்ளியில் விட்டு வருகின்றனராம்.

அத்துடன் அவர்கள் விரும்பி பார்க்கும் படங்களுக்கும் அழைத்து சென்று வருகின்றனர். சமீபத்தில் ஜீவா தன் குழந்தையை பசிபிக் ரிம் என்ற ஹாலிவுட் படத்துக்கு அழைத்து சென்றாராம் ஜீவா. அவரைவிட குழந்தைதான் படத்தை ரொம்பவே ரசித்ததாம்.

இதேபோன்று ஐஸ்வர்யா ராயும் தன்னுடைய மகளை பள்ளிக்கு அழைத்து சென்று வருகிறாராம்.

நடிகை கனகா ஆலப்புழாவில் புற்றுநோய்க்கு சிகிச்சை அளிக்கும் மருத்துவமனை ஒன்றில் சிகிச்சை பெற்று வருகிறார். அவர் புற்றுநோய்க்கு சிகிச்சை பெறுவதாகக் கூறப்படுகிறது.

முன்னாள் நடிகை தேவிகாவின் மகள் கனகா. அவர் ராமராஜனுடன் சேர்ந்து நடித்த கரகாட்டக்காரன் படம் சூப்பர் ஹிட்டானது. இதையடுத்து படு பிசியான நடிகையாக ஆன கனகா ரஜினி, பிரபு, கார்த்திக் உள்ளிட்ட முன்னணி நடிகர்களுடன் நடித்தார்.

ஆனால் 90ம் ஆண்டு இறுதிகளில் அவரை அவ்வளவாக படங்களில் பார்க்க முடியவில்லை. திருமணம் செய்து கொள்ளாத கனகா 2000ம் ஆண்டில் தனது தாய் இறந்த பிறகு யாரும் இல்லாமல் தனியாக வாழ்ந்து வருகிறார். இந்நிலையில் அவர் உடல் நலக்குறைவால் அவதிப்படுவதாக செய்திகள் வந்தன.

பின்பு அவரைப் பற்றி எந்த தகவலும் இல்லை. இந்நிலையில் தமிழ் மற்றும் மலையாள திரையுலகைச் சேர்ந்த பழைய பிரமுகர் ஒருவர் கேரள மாநிலம் ஆலப்புழாவில் உள்ள தனியார் மருத்துவமனை ஒன்றில் சிகிச்சை பெற அங்கு சென்றார்.

அந்த மருத்துவமனையில் அனாதைகள் மற்றும் கவனிக்க ஆளில்லாமல் அவதிப்படுவோருக்கு சிகிச்சை அளிக்கப்படும். அங்கு புற்றுநோயால் அவதிப்படுவோருக்கு சிகிச்சை அளிக்கப்படுகிறது. அந்த மருத்துவமனையில் கனகா சிகிச்சை பெறுவதைப் பார்த்த அந்த பிரமுகர் அதிர்ச்சி அடைந்தார்.

இது குறித்து அவர் தனது நண்பர்களிடம் கூற விஷயம் அப்படியே பரவியது. கனகா புற்றுநோய்க்கு தான் சிகிச்சை பெறுகிறார் என்று கூறப்படுகிறது. இப்படி கவனிக்கக் கூட ஆளில்லாமல் தன்னந்தனியாக கனகா சிகிச்சை பெறுவது அவரது ரசிகர்களை அதிர்ச்சி அடைய வைத்துள்ளது.

ஹன்சிகா, சமந்தா, அமலாபால், காஜல் அகர்வால், லட்சுமிராய் ஆகிய ஐந்து நடிகைகள் காதலில் சிக்கியுள்ளனர். இதில் சிலருக்கு திருமண ஏற்பாடுகள் நடக்கிறது. ஹன்சிகா தமிழ், தெலுங்கில் முன்னணி நடிகையாக வளர்ந்துள்ளார். அவர் நடித்து சமீபத்தில் ரிலீசான தீயா வேலை செய்யனும் குமாரு, சிங்கம் 2 படங்கள் வெற்றிகரமாக ஓடின.

இந்த நிலையல் சிம்புவுடன் காதல் வயப்பட்டு உள்ளார். இருவரும் காதலை பகிரங்கமாக அறிவித்து உள்ளனர். சிம்பு உடனடியாக திருமணம் செய்து கொள்ள அவசரப்படுகிறார் என்கின்றனர். ஹன்சிகாவோ ஐந்து வருடத்துக்கு பிறகு திருமணம் செய்து கொள்ளும் முடிவில் இருக்கிறார்.

சமந்தாவும், சித்தார்த்தும் காதல் வயப்பட்டு உள்ளனர். இருவரும் கோவில்களுக்கு ஜோடியாக சென்று பூஜைகளில் பங்கேற்றார்கள். விழாக்களுக்கு ஜோடியாக வருகிறார்கள். இருவருக்கும் விரைவில் திருமணத்தை முடிக்க குடும்பத்தினர் திட்டமிட்டு உள்ளனர். சமந்தா படங்களில் நடிப்பதை குறைத்துக் கொண்டு வருகிறார்.

லட்சுமி ராயும் காதலில் விழுந்துள்ளார். அவர் கூறும் போது நான் காதலிக்கிறேன். அவர் தொழில் அதிபராக இருக்கிறார். அவரைப்பற்றி வேறு விஷயங்கள் எதையும் இப்போது சொல்ல விரும்பவில்லை என்றார்.

அமலாபாலும் முன்னணி டைரக்டர் ஒருவரை காதலிப்பதாக கிசு கிசுக்கள் வெளியாகியுள்ளன. அது பற்றி வெளிப்படையாக எதுவும் அறிவிக்கவில்லை. ஆனால் ரகசியமாக சந்தித்து காதல் வளர்ப்பதாக கூறுகின்றனர்.

காஜல் அகர்வாலுக்கும் தெலுங்கு தயாரிப்பாளர் ஒருவருக்கும் காதல் மலர்ந்துள்ளதாக தகவல் வெளியாகியுள்ளது. கமல், பவன் கல்யாண் ஜோடியாக நடிக்க வந்த வாய்ப்புகளை சமீபத்தில் புறக்கணித்து விட்டார். தயாரிப்பாளரை மணப்பதற்காகவே சினிமாவில் நடிப்பதை குறைப்பதாக கூறப்படுகிறது.

கொலிவுட்டில் வேல்முருகன் போர்வெல்ஸ் படத்தை தயாரித்து வரும் கொமடி நடிகர் கஞ்சா கருப்பிற்கு மனுக்கள் குவிந்து வருகிறதாம்.
அங்காடி தெரு மகேஷ் நாயகனாகவும் ஆருஷி நாயகியாகவும் நடிக்கும் இப்படத்தில் கஞ்சா கருப்பு முக்கிய கதாபாத்திரத்தில் வருகிறார்.

இப்படத்தின் படப்பிடிப்பு சிவகங்கை, காரைக்குடி, நாட்டரசன் கோட்டை ஆகிய இடங்களில் நடந்து வருகிறது. இப்படத்திற்காக ரூ.20 லட்சம் செலவில் ஒரு புது போர்வெல் லொரியை கஞ்சா கருப்பு வாங்கி இருக்கிறாராம்.

படப்பிடிப்பு இல்லாத நேரங்களில் தண்ணீர் இல்லாத ஊர்களுக்கு லொரியைக் கொண்டு சென்று போர்வெல் போட்டுக் கொடுக்கிறாராம்.
இதுவரை 12 ஊர்களில் 50 போர்வெல் போட்டுக் கொடுத்திருக்கும் கஞ்சா கருப்பிற்கு மேலும் போர்வெல் போடச் சொல்லி 100க்கும் மேற்பட்ட மனுக்கள் குவிந்து வருகிறதாம்.

கொலிவுட்டில் 555 என்ற படத்தில் நடித்து முடித்திருக்கும் பரத், விரைவில் திருமணம் செய்யப் போவதாக அறிவித்துள்ளார்.
சசி இயக்கத்தில் தற்போது நடித்திருக்கும் இப்படத்தில் பரத் முற்றிலும் வித்தியாசமான கதாபாத்திரத்தில் நடித்துள்ளார்.

இப்படத்தில் 6 பேக் உடற்கட்டுடன் தோன்றும் இவர் ஜக்பாட் என்ற இந்தி படத்திலும் நடித்து வருகிறார். இந்த இந்தி படத்தில் பரத்துடன், நசிருதீன்ஷா முக்கிய கதாபாத்திரத்தில் நடிக்கிறார்.

நசிருதீன்ஷாவுடன் நடித்த அனுபவம் குறித்து பரத் கூறுகையில், சிறந்த நடிகர்களில் ஒருவரான நசிருதீன்ஷாவுடன் நடிப்பது, பெருமையாக இருக்கிறது. நடிப்பை பொருத்தவரை அவருடைய பாணி வித்தியாசமாக இருக்கிறது. அவரிடமிருந்து நிறைய கற்றுக் கொண்டேன்.

தற்போது நடித்து முடித்திருக்கும் 555 படம் வெளியான பின்பே புதிய படங்களை ஒப்புக்கொள்வேன். எனது வீட்டில் பெண் பார்க்கத் தொடங்கி விட்டார்கள். மிக விரைவில் திருமணம் செய்து கொள்வேன் என்று தெரிவித்துள்ளார்.

பொலிவுட்டின் சூப்பர் ஸ்டாரும், பழம்பெரும் நடிகருமான அமிதாப் பச்சன் மிகச் சிறந்த நடிகராக தெரிவு செய்யப்பட்டுள்ளார்.
இந்திய சினிமாவின் நூற்றாண்டு விழாக் கொண்டாட்டத்தை முன்னிட்டு இங்கிலாந்தில் சமீபத்தில் ஒரு கருத்துக் கணிப்பு நடத்தப்பட்டது.

அதில் இந்தி திரையுலகின் பழம்பெரும் நடிகர் அமிதாப் பச்சன் சிறந்த நடிகராக தெரிவு செய்யப்பட்டுள்ளார். இங்கிலாந்தில் வெளிவரும் ஆசிய வாரப் பத்திரிகை, இந்தியாவின் சிறந்த 100 பாலிவுட் நட்சத்திரங்கள் என்ற தலைப்பில் இக்கருத்துக் கணிப்பை நடத்தியுள்ளது.

இதில் அமிதாப்பச்சன் விமர்சகர்கள், ரசிகர்கள், திரையுலக சக கலைஞர்கள் போன்ற ஏராளமானவர்களின் வாக்குகளைப் பெற்று முதல் இடம் பிடித்தார். முதுபெரும் நடிகர் திலிப் குமாருக்கு இரண்டாவது இடமும், ஷாருக்கான் மூன்றாவது இடத்தையும், நடிகை ஸ்ரீதேவி 10வது இடத்தை பிடித்துள்ளனர்.

மேலும் இதில் சல்மான் கான்-11, அமீர்கான்-14, தர்மேந்திரா- 15, ஹேமா மாலினி -18, மதுபாலா -24, கஜோல் -30, ஹிரித்திக் ரோஷன் -32, ராணி முகர்ஜி -38, கரீனா கபூர் -43, பிரியங்கா சோப்ரா -86, கேத்ரீனா கைப் – 93 இடத்தைப் பிடித்துள்ளனர் என்பது குறிப்பிடத்தக்கது.

கர்நாடக சங்கீதத்தை உருவாக்கியவர்களில் முக்கியமானவர் புரந்தர தாசர். கர்நாடக இசையின் தந்தை என்று இவர் அழைக்கப்படுகிறார். புரந்தரதாசர் அறக்கட்டளை சார்பில் பெங்களூரில் குரு வணக்க நிகழ்ச்சியொன்றுக்கு ஏற்பாடு செய்யப்பட்டு இருந்தது.

இதில் ரஜினி பங்கேற்க வேண்டும் என்று அழைப்பு விடுக்கப்பட்டது. ஆனால் கோச்சடையான் பட வேலைகளில் பிசியாக இருந்ததால் அவரால் போக முடியவில்லை. தனக்கு பதில் தன்னுடைய நண்பர் ராவ்பகதூரை அனுப்பி வைத்தார்.

விழாக்குழுவினர் புரந்தரதாசர் உருவத்தில் ரஜினியை ஓவியமாக வரைந்து ராவ்பகதூரிடம் வழங்கினர். பெங்களூரை சேர்ந்த பிரபல ஓவியர் ஒருவர் இந்த படத்தை வரைந்து இருந்தார். ரஜினி நிஜமாகவே புரந்தரர் தோற்றத்தில் இருப்பதாக ஓவியத்தை பார்த்தவர்கள் பாராட்டினர்.

புரந்தரதாசர் வாழ்க்கையை சினிமா படமாக எடுக்க வேண்டும் என்றும் அப்படத்தில் புரந்தரதாசர் வேடத்தில் ரஜினி நடிக்க வேண்டும் என்றும் விழாவில் வற்புறுத்தப்பட்டது. ரஜினி ஏற்கனவே ஸ்ரீராகவேந்திரர் வேடத்தில் நடித்துள்ளார். எனவே புரந்தரதாசர் வேடத்திலும் அவர் நடிக்க வேண்டும் என்று வலியுறுத்தப்பட்டு உள்ளது.

ரஜினி சார்பில் விழாவில் பங்கேற்ற அவரது நண்பர் ராவ்பகதூர் பேசும்போது விழாக்குழுவினர் அளித்த ஓவியத்தை ரஜினியிடம் ஒப்படைப்பேன். அத்துடன் புரந்தரதாசர் வேடத்தில் நடிக்க வேண்டும் என்றும் ரஜினியிடம் வலியுறுத்துவேன் என்றார்.