கோச்சடையான் படம் வெளிவருவதற்கு முன்பாக ரஜினி புதிய படம் ஒன்றில் நடிக்க திட்டமிட்டிருப்பதாக செய்திகள் வெளியாகியுள்ளன. இந்தப் படத்தை கே.எஸ்.ரவிக்குமார் இயக்கப் போவதாகவும், இதுகுறித்த ஆலோசனை தீவிரமாக நடந்து வருவதாகவும் கூறப்படுகிறது.

இந்தியத் திரையுலகின் முதல் மோஷன் கேப்சரிங் படமாக தயாராகி வருகிறது கோச்சடையான். இதில் ரஜினி இரட்டை வேடங்களில் நடிக்கிறார். அவருக்கு ஜோடியாக பாலிவுட் நாயகி தீபிகா படுகோன் நடிக்கிறார்.

படத்தின் இறுதிக்கட்ட பணிகள் நடைபெற்றுக் கொண்டிருக்கின்றன. ஆனால் படத்தின் ட்ரைலரே இன்னும் வெளியாகவில்லை. காரணம், ரஜினி எதிர்ப்பார்த்த சர்வதேச தரத்துக்கு ஏற்ப படத்தை மெருகேற்ற இன்னும் கால அவகாசம் தேவைப்படுவதாகக் கூறப்படுகிறது.

எனவே கோச்சடையான் படத்தின் வெளியீட்டுக்கு முன்பாக ஒரு புதிய படத்தில் நடிக்க திட்டமிட்டிருக்கிறாராம் ரஜினி. கோச்சடையான படம் தொடர்ந்து தள்ளிப் போவதுதால் இரசிகர்கள் சோர்ந்து போகாமலிருக்கவே இந்த முடிவு என்கிறார்கள்.

இந்தப் படத்தை ரஜினியின் ஆஸ்தான இயக்குனரான கே.எஸ்.ரவிக்குமார்தான் இயக்குகிறார். அண்மையில் இது குறித்து கே.எஸ்.ரவிக்குமார் அழைத்து பேசிய ரஜினி, முத்து, படையப்பா பாணியில் நகைச்சுவை, அதிரடி கலந்த கதையை தயார் செய்யச் சொல்லி இருக்கிறாராம்.

மேலும் படத்தை இரண்டு மாதத்தில் முடித்துவிட வேண்டும் என்றும் படப்பிடிப்பு முடிவடைந்த பிறகுதான் படம் பற்றிய தகவல்களை வெளியிட வேண்டும் என்றும் அப்போது நிபந்தனை போட்டிருக்கிறாராம்.

ஏற்கனவே இருவரும் இணைந்த படங்களான ஜக்குபாய், ராணா ஆகிய இரண்டு படங்களும் பூஜையுடன் நின்றுவிட்டன. அதனால் இந்தமுறையும் அப்படி ஆகிவிடக்கூடாது என்பதற்காக படம் பற்றிய அனைத்து தகவல்களையும் மிக இரகசியமாக வைத்திருக்க விரும்புகிறார்களாம்.

பொலிவுட்டில் “லக்” என்ற படத்தின் மூலம் முதல் முறையாக வெள்ளித் திரையில் காலடி எடுத்து வைத்தார் ஸ்ருதி ஹாசன்.

ஆனால், “லக்” திரைப்படம் ஸ்ருதிக்கு லக்கைத் தேடித் தரவில்லை. இந்தநேரத்தில் தெலுங்குத் திரையுலகில் பவர்ஸ்டார் என அழைக்கப்படும் பவன் கல்யாணுடன் நடித்த, “கப்பர் சிங்” என்ற தெலுங்கு படம் ஆந்திராவின் மூலை முடுக்குகளிலெல்லாம் வசூலை அள்ளிக் குவித்ததால் தெலுங்கில் முன்னணி நடிகையாகி விட்டார் ஸ்ருதி.

தற்போது பலுபு, யெவடு, ராமய்யா வஸ்தாவய்யா, டி-டே போன்ற படங்களில் பரபரப்பாக நடித்து வருகிறார்.

இந்நிலையில், “கப்பர் சிங்” படத்தின் இரண்டாம் பாகத்தை படமாக்க திட்டமிட்டு உள்ளனர். இதிலும் பவன் கல்யாண் தான் கதாநாயகன். காஜல் அகர்வாலை கதாநாயகியாக்க பேச்சு நடத்தப்பட்டது. ஆனால் அவர்கேட்ட சம்பள தொகையால் தலை தெறிக்க ஓடி வந்து விட்டாராம், படத் தயாரிப்பாளர்.

இதனால், மீண்டும் ஸ்ருதி ஹாசனை ஓப்பந்தம் செய்துள்ளனர்.

இயக்குனர் சுந்தர் சி.க்கு சிறந்த இயக்குனருக்கான ஒஸ்கார் விருது கிடைத்துள்ளது. சுந்தர் சி.க்கு நமக்குத் தெரியாமல் எப்பொழுது ஒஸ்கார் விருது கொடுத்தார்கள் என்று நினைக்கிறீர்களா?

அவரின் தீயா வேலை செய்யணும் குமாரு படம் ரிலீஸாகி வெற்றிகரமாக ஓடிக் கொண்டிருப்பதால் மகிழ்ச்சியில் உள்ளார். இந்நிலையில் அவரது மகிழ்ச்சி அதிகரித்துள்ளதற்கு அவரது மகள் தான் காரணம்.

சுந்தரின் மகள் சிறந்த தந்தை மற்றும் இயக்குனருக்கான ஒஸ்கார் விருதை ஒரு பேப்பரில் வரைந்து அதை அவருக்கு அளித்து சந்தோஷப்படுத்தியுள்ளார்.

இது குறித்து குஷ்பு ட்விட்டரில் கூறியிருப்பதாவது சிறந்த தந்தை மற்றும் இயக்குனருக்கான ஒஸ்கார் விருதை சுந்தர் சி. அவரது மகளிடம் இருந்து பெற்றார். இதை விட அவருக்கு வேறு எதுவும்வேண்டியதில்லை என்று தெரிவித்துள்ளார்.

கண்ணா லட்டு தின்ன ஆசையா படத்தில் ஏற்படுத்திய பரபரப்பு காரணமாக மளமளவென்று புதிய படங்களில் ஒப்பந்தமானார் பவர்ஸ்டார் என்கிற சீனிவாசன். இதில், கண்ணா லட்டு தின்ன ஆசையா படத்தை சந்தானத்துடன் இணைந்து தயாரித்த டைரக்டர் இராம.நாராயணன் பவர்ஸ்டாரை நாயகனாக்கி ஆர்யா சூர்யா என்றொரு படத்தை இயக்கினார்.

படமும் வேகமாக வளர்ந்து வந்தது. ஆனால் பாதி வழியில் சென்று கொண்டிருந்தபோது மோசடி வழக்கில் பவரை போலீசார் கைது செய்து சிறையில் அடைத்தனர்.

இதனால் இப்போது பவர்ஸ்டார் நடித்த வேடத்துக்கு டி.ஆரை ஒப்பந்தம் செய்து மீதி படத்தை படமாக்கி வருகிறார் இராமநாராயணன். சின்னத்திரை தொடர்களில் இனி அவர் வேடத்தில் இவர் நடிப்பார் என்பது போன்று, இப்படத்திலும் கார்டு போடப்படுகிறதாம். மேலும், இதில் பவர் ஆடவிருந்த ஒரு குத்துப்பாட்டு இப்போது டிஆருக்கு கிடைத்திருக்கிறது.

அவரை நடிக்க வைக்கலாம் என்று யோசித்த இராமநாராயணன். டி.ஆரே பாடலாசிரியர் பாடகர் என்பதால் அந்த பாட்டை நீங்களே எழுதி பாடிவிடுங்கள் என்று சொல்ல படு உற்சாகமாக பாட்டெழுதி பட்டைய‌‌ை‌ கிளப்பும் வகையில் பாடி அமர்க்களப்படுத்தியுள்ளாராம் தாடிக்காரர். ஆக அடுத்து, டி.ஆரின் குத்தாட்ட ரவுண்ட் ஸ்டார்ட் ஆகிறதாம்.