இயக்குனர் சேரனின் மகள் தாமினியின் காதல் விவகாரம் விஸ்வரூபம் எடுத்துள்ளது. சூளைமேட்டை சேர்ந்த சினிமா உதவி இயக்குனர் சந்துருவுடன் தாமினிக்கு ஏற்பட்ட காதலை ஆரம்பத்தில் சேரன் ஆதரித்தார். பின்னர் சந்துருவின் நடத்தை சரியில்லை என்று கூறி காதலக்கு சேரன் தடை போட்டார். இதனால் தாமினி பொலீஸ் கமிஷனர் அலுவலகத்துக்கு வந்து தனது தந்தை சேரன் மீது புகார் அளித்ததுடன் பரபரப்பான குற்றச்சாட்டுகளையும் கூறினார்.

காதலன் சந்துருவை கொலை செய்ய எனது தந்தை ரவுடிகளை ஏவி விடுகிறார் என்றும் தாமினி கூறினார். இதற்கு பதிலடி கொடுக்கும் வகையில் சேரன் போலீசில் அளித்த புகாரில் ‘‘தனது மகள் தாமினி, காதலன் சந்துருவின் நடத்தை சரியில்லை என்று கூறி அவனை பிரிந்து விட்டதாகவும் பின்னர் தாமினியின் மனதை மாற்றி எனக்கு எதிராக சந்துருவின் குடும்பத்தினர் திருப்பி விட்டுள்ளதாகவும் கூறியிருந்தார்.

இது தொடர்பாக பொலீசார் விசாரணை நடத்தி சேரன் மீதும், சந்துரு மீதும் தனித்தனியாக 2 வழக்குகளை பதிவு செய்துள்ளனர். இந்நிலையில் நேற்று முன்தினம் மதியம் 2 மணியில் இருந்து இரவு 12 மணி வரை தாமினி மற்றும் அவரது காதலன் சந்துரு ஆகியோரிடம் போலீசார் விசாரணை நடத்தினர்.

அப்போது தாமினி சந்த்ருவை எந்த சூழ்நிலையிலும் நான் பிரிய மாட்டேன் என்று கூறிவிட்டார். இதனால் அவரை போலீசார் காப்பகத்துக்கு அனுப்பி வைத்தனர். சந்துரு வீட்டுக்கு சென்றார். நள்ளிரவு வரை பொலீஸ் நிலையத்தில் காத்துக் கிடந்த சேரன் மற்றும் அவரது திரையுலக நண்பர்கள் ஏமாற்றத்துடன் திரும்பிச் சென்றனர்.

இந்த காதல் விவகாரத்தில் சேரன் தரப்பில் எடுத்து வைக்கப்படும் வாதங்கள் நியாயமானவையாகவே உள்ளன. ஒரு தந்தையாக, தனது மகளின் எதிர் காலத்தை கருத்தில் கொண்டு அவர் எடுத்து வரும் நடவடிக்கைகள் அனைவரது கவனத்தையும் ஈர்த்துள்ளது. பெற்று வளர்த்து ஆளாக்கிய மகள் எக்கேடு கெட்டு போனாலும் பரவாயில்லை என்று எந்த தந்தையும் நினைக்க மாட்டார்.

அப்படி ஒரு தந்தையாக கடந்த 3 நாட்களாக சேரன் பாசப் போராட்டத்தையே நடத்தி வருகிறார். மயிலாப்பூரில் காப்பகத்தில் இருக்கும் தாமினியிடம் இன்று 2வது முறையாக போலீசார் பேச்சுவார்த்தை நடத்த முடிவு செய்து இருந்தனர். அப்போது மீண்டும் அவருக்கு கவுன்சிலிங் அளிக்க திட்டமிடப்பட்டது. இதற்கிடையே சந்துரு குடும்பத்தினர் சென்னை உயர்நீதிமன்றில் ஆட்கொணர்வு மனு தாக்கல் செய்தனர்.

இதையடுத்து சந்துரு கவுன்சிலிங்குக்கு வர வில்லை. சேரன் வருவார் என எதிர்பார்க்கப்பட்டது. ஆனால் அவரும் வர வில்லை. அவரை எதிர்பார்த்து நடிகர் சந்திரசேகர், பொற்காலம் பட தயாரிப்பாளர் ஞானவேல் ஆகியோர் ஆயிரம் விளக்கு போலீஸ் நிலையத்தில் நீண்ட நேரம் காத்திருந்தனர். பின்னர் அவர்கள் திரும்பி சென்று விட்டனர். இதனால் இன்று நடைபெற இருந்த கவுன்சிலிங் ரத்தானது.

காதலன் சந்துருவிடம் விசாரணை நடத்தப்படும் என தெரிகிறது. அப்போது இந்த காதல் விவகாரத்தில் அடுத்த கட்ட நடவடிக்கை என்ன என்பது தெரிய வரும். அதே நேரத்தில் தனது மகள் தாமினி மனம் மாறி நம்மிடம் திரும்பி வந்துவிட மாட்டாளா என்கிற ஏக்கத்துடன் கண்ணீரும் கம்பலையுமாக சேரன் காத்துக் கிடக்கிறார்.

மகளின் காதல் விவகாரம் தொடர்பாக 2 முறை பேட்டி அளித்துள்ள அவர் துக்கம் தாங்காமல் கதறி அழுதது பரிதாபத்தை ஏற்படுத்தியுள்ளது. சேரனின் பாசப் போராட்டம் வெல்லுமா அவரது கண்ணீருக்கு விடை கிடைக்குமா முடிவு மகள் தாமினியின் கையில்.

இயக்குனர் சேரன் மகளை காதலித்து திடீரென என பிரபலமாகியுள்ளார் சந்துரு. இவர் தமிழ் சினிமாவில் உதவி இயக்குனராக பணியாற்றுவதாகவும் டான்சர் என்றும் எம்.பி.ஏ. பட்டதாரி என்றும் செய்திகள் வருகின்றன. சேரன் தரப்பினர் இதை மறுக்கிறார்கள். சந்துருவின் நிஜ பெயர் சந்திரசேகரன். தமிழ் இயக்குனர் யாரிடமும் உதவி இயக்குனராக பணியாற்றவில்லை. பத்தாம் வகுப்பு வரை மட்டுமே படித்துள்ளார் என்கின்றனர்.

சந்துருவின் அப்பா சினிமாவில் சில காலம் வேலை பார்த்துள்ளார். இவரது அம்மா ஈஸ்வரி ஆந்திராவை சேர்ந்தவர். இருவரும் கலப்பு திருமணம் செய்து கொண்டவர்கள். தற்போது ஈஸ்வரி இருதய நோயாளியாக இருக்கிறார். சூளைமேட்டில் வசிக்கின்றனர். இவர்களுடன் சந்துருவின் அக்கா பத்மாவும் வசிக்கிறார். இவர்கள் ஏழு வருடங்களுக்கு முன்பு சிவகங்கை மாவட்டம் மானா மதுரையில் உள்ள அன்பு நகரில் வசித்துள்ளனர். பிறகு சென்னைக்கு குடி பெயர்ந்தார்கள்.

ஆரம்பத்தில் மதுரை, விருதுநகர் மாவட்டங்களில் ஆடல்–பாடல், கலைநிகழ்ச்சிகள் நடத்தும் நடனக்குழுவில் சந்துரு நடனம் ஆடி உள்ளார். பிறகு மானாட மயிலாட நிகழ்ச்சியில் பங்கேற்கும் வாய்ப்பு கிடைத்தது. இதில் ஆடி பரிசு வாங்கியுள்ளார்.

இந்த நிகழ்ச்சியில் பங்கேற்றதை வைத்து நிறைய நிகழ்ச்சிகளில் நடனம் ஆட தொடங்கினார். இதனால் அவருக்கு பெண் ரசிகைகள் சேர்ந்தனர். அப்படி ஒரு நிகழ்ச்சியில் ஆடிய போது தான் சேரன் மகள் தாமினியின் அறிமுகம் கிடைத்தது. பிறகு காதல் மலர்ந்தது. சேரனுக்கு காதல் விவரம் தெரிந்ததும் இருவருக்கும் திருமணம் செய்து வைக்க முடிவெடுத்தார்.

ஆனால் சந்துருவின் நடவடிக்கைகள் பற்றி விசாரித்தபோது பல பெண்களுடன் அவருக்கு தொடர்பு இருப்பது தெரிந்ததாகவும், எனவே அவருக்கு மகளை கட்டி கொடுக்க மறுத்ததாகவும் கூறியுள்ளார்.
இரவு நேரங்களில் வெகுநேரம் பெண்களிடம் பேசி இருப்பது தெரிய வந்துள்ளது என்றும் மூன்று பெண்கள் சந்துருவுக்கு எதிராக போலீசில் புகார் அளித்துள்ளனர் என்றும் சேரன் குற்றம் சாட்டினார்.

தனது மூத்த மகளுக்கும் பேஸ்புக்கில் ஐலவ்யூ சொல்லியுள்ளான் என்றும் ஆத்திரப்பட்டு உள்ளார். இது குறித்து போலீஸ் விசாரணை முடுக்கி விடப்பட்டுள்ளது. இந்த நிலையில் சந்துரு சிகரெட் பிடிப்பது போன்றும், சேரன் மகளுடன் இருப்பதுபோன்றும் படங்கள் இன்டர்நெட்டில் பரவியுள்ளன.

தங்கர் பச்சான் இயக்கத்தில் பிரபுதேவா, பிரகாஷ்ராஜ், பூமிகா ஆகியோர் நடித்துள்ள படம் களவாடிய பொழுதுகள்.

காதல் கதையான இப்படம் முடிவடைந்து ஐந்து ஆண்டுகள் ஆகின்றன.

ஐங்கரன் நிறுவனம் தயாரித்த இப்படம் சில பிரச்சனைகளால் கிடப்பில் போடப்பட்டு வெளியாவதில் சிக்கல் ஏற்பட்டது.

தற்போது களவாடிய பொழுதுகள் படம் செப்டம்பர் வெளியாகிறது.

இது குறித்து தங்கர் பச்சான் கூறுகையில், இந்த படம் காதலின் வழியையும், காதலைப் பற்றியும் சொல்லும் படம்.

எனது முந்தையப் படங்களைப் போலவே எனது குறு நாவலான சருகுகள் நாவலின் கதை தான் இப்படம்.

மேலும் இப்படமானது என்னுடைய ரசிகர்களுக்க பிடிக்கும் என நம்புகிறேன் என்று கூறியுள்ளார்.

நடிகை கனகா உடல்நிலை பற்றி கடந்த வாரம் பரபரப்பு செய்திகள் வெளியானது. இதனால் மனஉளைச்சலான கனகா விளக்கம் அளித்தார். வதந்தி பரவியதற்கு தந்தைதான் காரணம் என்று அவர் வீட்டுக்கு போய் சண்டையும் போட்டார்.

இப்போது அவற்றில் இருந்து மீண்டும் சகஜ நிலைக்கு வந்துள்ளார். வீட்டில் நாய், பூனைகளுடன் வழக்கமான வாழ்க்கையை துவங்கியுள்ளார். தன்னைப் பற்றிய வதந்திகள் குறித்து கனகா அளித்த பேட்டி வருமாறு..

நான் இறந்து போனதாக யாரோ பொய் செய்தி பரப்பி உள்ளனர். சாவை பற்றி நான் கவலைப்படவில்லை. எல்லோருக்கும் ஒருநாள் அது வந்தே தீரும். என் அம்மா எனக்கு எல்லாமுமாக இருந்தார். அவர் இறந்த போது மரண வலிகளை அனுபவித்து விட்டேன்.

ஆலப்புழாவில் புற்றுநோய்க்கு சிகிச்சை எடுக்கப் போய் இறந்ததாக செய்திகள் பரவியது. நான் அந்த ஊருக்கு சமீபகாலத்தில் போகவே இல்லை. நான் தனியாக இருப்பது பற்றி பலரும் பேசுகிறார்கள். தனிமை பற்றிய சிந்தனையே எனக்கு வந்தது இல்லை. வீட்டில் பூனைகள், முயல்கள், அணில்கள் வளர்க்கின்றேன். அவைகள் என் பக்கத்தில் இருக்கின்றன. இதுபோல் ஆதரவற்ற குழந்தைகளுக்கு உதவலாம் என்ற திட்டமும் இருக்கிறது.

எனக்கு மனநிலை பாதித்துள்ளது என்றும் வதந்திகள் பரப்பப்படுகின்றன. வீட்டு வாசலில் சாமி படங்கள், தாயத்துக்கள் இருப்பது பற்றியும் பேசுகிறார்கள். கோவிலுக்கு போகும் போது வாங்கி வரும் படங்களை வாசலில் வைத்துள்ளேன். பேய், பிசாசில் எனக்கு நம்பிக்கை கிடையாது. மீண்டும் சினிமாவில் நடிக்கலாம் என்று இருக்கிறேன். நல்ல கேரக்டர்கள் அமைந்தால் நடிப்பேன். இவ்வாறு கனகா கூறினார்.

நான் நினைத்ததை முடிப்பவள் என்று பெருமிதமாக கூறுகிறார் நடிகை ஐஸ்வர்யா அர்ஜீன்.

பட்டத்து யானை என்ற திரைப்படத்தின் மூலம் தமிழ் சினிமாவுக்கு அறிமுகமான இவர் முதல் படத்திலேயே தனது அளவான நடிப்பினால் ரசிகர்களை கவர்ந்துள்ளார்.

இதில் இவருக்கு ஜோடியாக விசால் நடித்துள்ளார், மற்றும் கொமடியனாக சந்தானம் கலக்கியுள்ளார்.

இந்நிலையில் தனது திரையுலகம் குறித்து ஊடகம் ஒன்றிற்கு அளித்த பேட்டியில், தனக்கு திரையுலகில் அனைத்து நடிகர்களுடன் நடிப்பதற்கு ஆசை இருப்பதாக கூறியுள்ளார்.

மேலும் தனக்கு நடிப்பில் பிடித்தவர் தனது தந்தை என்றும் தான் ஒரு ரகசியமானவள் எனவும் கூறியுள்ளார்.

தமிழ் மொழிகள் மட்டுமல்லாது அனைத்து மொழிகளிலும் தனது நடிப்புத் திறமையினை காட்டுவதற்கு தயாராக இருப்பதாக கூறுகிறார்.