தங்கத்தின் விலை…

யாழ்ப்பாணத்தில் இன்றைய தினம் தங்கத்தின் விலையானது ஒரு இலட்சத்து இருபதாயிரம் ரூபாவாக பதிவாகியுள்ளதாக தகவல்கள் தெரிவிக்கின்றன.

உலகில் பல நாடுகளை கோவிட் தொற்று ஆட்டிப்படைத்து வரும் நிலையில் தொற்று பரவல் ஆரம்பித்ததை தொடர்ந்து தங்கத்தின் விலையிலும் தொடர்ச்சியாக அதிகரிப்பு பதிவாகி வருகிறது.

கோவிட் வைரஸ் பரவலால் சர்வதேச பங்குச் சந்தையில் நிலையற்ற தன்மை காணப்படுவதுடன் உலகப் பொருளாதாரமும் சரிவைச் சந்தித்து வருகிறது. இதனால் முதலீட்டாளர்கள் பாதுகாப்பான முதலீடான தங்கத்தில் முதலீடு செய்து வரும் நிலையில் தங்கத்தின் தேவை அதிகரித்து வருவதால் உலக சந்தையில் தங்கத்தின் விலையில் நிலையற்ற தன்மை காணப்படுகிறது.

இவ்வாறான சந்தர்ப்பத்திலேயே இலங்கையில் அதிலும் குறிப்பாக யாழ்ப்பாணத்தில் தங்கத்தின் விலை இன்று மேலும் 3500 ரூபாவால் அதிகரித்து ஒரு இலட்சத்து இருபதாயிரம் ரூபாவை எட்டியுள்ளது.

24 கரட் தங்கத்தின் விலை (ஒரு பவுண்) – ஒரு இலட்சத்து இருபதாயிரம் ரூபா, 22 கரட் தங்கத்தின் விலை (ஒரு பவுண்) – ஒரு இலட்சத்து பத்தாயிரம் ரூபா.

வார இறுதியில்…

தனிமைப்படுத்தப்பட்ட விதிகள் மற்றும் விதிமுறைகளை மீறும் தரப்பினர் மற்றும் நிகழ்வுகளை நடத்துவோரை கைது செய்ய வார இறுதியில் பொலிஸார் நாடு முழுவதும் சிறப்பு நடவடிக்கைகளை மேற்கொள்வார்கள் என்று தெரிவிக்கப்பட்டுள்ளது.

சுகாதார சேவைகள் பணிப்பாளர் வெளியிட்டுள்ள சுகாதார வழிகாட்டுதல்களின்படி சினிமாக்கள், விடுதிகள், கேளிக்கையகங்கள், உடற்பயிற்சிக் கூடங்கள் மற்றும் பிற பொதுக்கூட்டங்களும் கண்டிப்பாக தடை செய்யப்பட்டுள்ளன என்று பொலிஸ் பேச்சாளர் அஜித் ரோஹன தெரிவித்துள்ளார்.

எனவே சுகாதார அதிகாரிகள் பிறப்பிக்கும் சுகாதார வழிகாட்டுதல்களை பொது மக்கள் கடைப்பிடிக்க வேண்டும் என அவர் கோரியுள்ளார். தனிமைப்படுத்தப்பட்ட விதிகள் மற்றும் விதிமுறைகளை மீறுவது தொடர்பாக நடவடிக்கைகளை மேற்கொள்ள பொலிஸ் நிலையங்களுக்கு பொறுப்பான அதிகாரிகளுக்கு அறிவிக்கப்பட்டுள்ளது என்றும் அவர் கூறியுள்ளார்.

பொலிஸ் புலனாய்வு பிரிவு மூலம் தகவல்களை சேகரிக்குமாறும் பொலிஸ் நிலையங்கள் கேட்கப்பட்டுள்ளன. இந்த நிலையில் பொது மக்களை வீட்டுக்குள் தங்கியிருந்து தேவையற்ற பயணங்களைத் தவிர்க்குமாறு அஜித் ரோஹன கோரியுள்ளார்.

பேருந்தில்…

ஹொரவிபத்தான பிரதேசத்தில் தனியார் பேருந்தில் பயணித்த 19 வயதுடைய யு.வதியை து.ஷ்.பி.ர.யோ.க.ம் செய்த இருவர் பொலிஸாரால் கைது செய்யப்பட்டுள்ளனர்.

பேருந்தின் சாரதி மற்றும் நடத்துனர்களே இவ்வாறு கைது செய்யப்பட்டுள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.

பேருந்தில் வேறு பயணிகள் இல்லாத சந்தர்ப்பத்தை தங்களுக்கு சாதகமாக பயன்படுத்திக் கொண்ட சாரதி மற்றும் நடத்துனர் குறித்த யுவதியை பா.லி.ய.ல் து.ஷ்.பி.ர.யோ.க.ம் செ.ய்துள்ளதாக தெரியவந்துள்ளது.

கை.து செய்யப்பட்ட ச.ந்தேக நபர்கள் இருவரும் எதிர்வரும் 6ஆம் திகதி வரை வி.ளக்கமறியலில் வைக்கப்பட்டுள்ளனர். சம்பவம் தொடர்பான மேலதிக வி.சாரணைகளை பொலிஸார் மேற்கொண்டு வருவதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.

கொரோனா..

மாகாணங்களுக்கிடையிலான பயணத்தடையை மீறி கொழும்பிலிருந்து மட்டக்களப்பு நோக்கி பயணித்த மூன்று சொகுசு பேருந்துகளில் இருந்தவர்களுக்கு மேற்கொள்ளப்பட்ட அன்டிஜன் பரிசோதனையில் மூவருக்கு கோவிட் தொற்று உறுதிப்படுத்தப்பட்டுள்ளது.

இந்த விடயத்தை ஏறாவூர்ப்பற்று பிரதேச சுகாதார வைத்திய அதிகாரி இ.சிறிநாத் தெரிவித்துள்ளார். குறித்த பேருந்துகளில் 49 பேர் இருந்துள்ள நிலையில் இவர்கள் அனைவருக்கும் அன்டிஜன் சோதனை மேற்கொள்ளப்பட்டுள்ளது.

இந்த பேருந்துகள் கடந்த இரண்டு தினங்களுக்கு முன்னர் மட்டக்களப்பிலிருந்து நான்கு மாகாணங்களை கடந்து கொழும்பிற்கு சென்று திரும்பி வரும் வழியில் பாதுகாப்பு தரப்பினரால் சோதனைக்கு உட்படுத்தப்பட்ட போது அவர்களிடம் விசேட அனுமதிப்பத்திரங்கள் அல்லது பாதை அனுமதி இருக்கவில்லை என தெரியவந்துள்ளது.

இந்த நிலையில் பேருந்துகளின் சாரதிகள் மற்றும் நடத்துநர்களை நீதவான் முன்னிலையில் ஆஜர்செய்ய நடவடிக்கை எடுக்கப்பட்டுள்ள அதேவேளை கோவிட் தொற்று உறுதி செய்யப்பட்டவர்கள் கரடியனாறு கோவிட் சிகிச்சை நிலையத்தில் அனுமதிக்கப்பட்டுள்ளதாக எமது செய்தியாளர் தெரிவித்தார்.

இதில் பயணித்த ஏனைய பயணிகள் அன்டிஜன் பரிசோதனையினையடுத்து வீட்டிற்குச் செல்ல அனுமதிக்கப்பட்டுள்ளமை குறிப்பிடத்தக்கது.

பொது முடக்கத்திற்கு தயாராகிறதா இலங்கை?

கோவிட் தீவிரத்திற்கு மத்தியில் இந்தியாவில் அடையாளம் காணப்பட்ட டெல்டா திரிபு இலங்கையில் பல பிரதேசங்களில் பரவியிருக்கலாமென அஞ்சப்படுவதால் உடனடி பொது முடக்கம் ஒன்றுக்கு செல்வது குறித்து அரச உயர்மட்டத்தில் ஆராயப்படவுள்ளதாக அறியமுடிவதாக தமிழ் பத்திரிகையொன்று,

இன்றைய தினம் செய்தி வெளியிட்டுள்ளது. அரச உயர்மட்டததில் இன்று விசேட கூட்டம் இடம்பெறவுள்ளதாகவும் இதன்போது இந்த விடயம் குறித்து ஆழமாக ஆராயப்பட்டதன் இறுதி முடிவு எடுக்கப்படவுள்ளதாகவும் அறியமுடிவதாக சுட்டிக்காட்டப்பட்டுள்ளது.

நாட்டின் பல பகுதிகளிலும் டெல்டா திரிபு என்ற சந்தேகத்தில் பல கோவிட் நோயாளர்கள் அடையாளம் காணப்படுள்ள நிலையில் நாட்டின் ஏனைய பகுதிகளுக்கு பரவாதிருக்கும் நோக்கத்தில் இவ்வாறு பொது முடக்கம் ஒன்றுக்கு செல்வது குறித்து ஆராயப்படவுள்ளதாக அறிய முடிந்துள்ளது.

மேலும் தற்போதுள்ள தரவுகளை கொண்டு நாட்டின் கோவிட் நிலைமைகளை மூடி மறைக்க நினைத்தாலும் அடுத்த இரண்டு வாரங்களின் பின்னர் நாட்டின் உண்மையான நிலைமை என்னவென்பது வெளிப்பத்தான் போகின்றதென பொது சுகாதார பரிசோதகர் சங்கத்தின் தலைவர் வைத்தியர் உபுல் ரோஹண தெரிவித்துள்ளார்.

-தமிழ்வின்-

தங்கம்..

நாட்டில் தங்கத்திற்கு கடுமையான தட்டுப்பாடு நிலவி வருவதாக அகில இலங்கை தங்க ஆபரண சங்கம் தெரிவித்துள்ளது. தங்கத்தை இறக்குமதி செய்வதற்கு கடுமையான வரையறைகள் பிறப்பிக்கப்பட்டுள்ள காரணத்தினால் இவ்வாறு தங்கத்திற்கு கடுமையான தட்டுப்பாட்டு நிலைமை உருவாகியுள்ளது.

தங்கத்திற்கான தட்டுப்பாடு காரணமாக தங்க ஆபரணத்துறையில் ஈடுபட்டுள்ளவர்கள் பெரும் நெருக்கடிகளை எதிர்நோக்கி வருவதுடன் ஆயிரக் கணக்கானவர்கள் தொழில் வாய்ப்புக்களை இழந்துள்ளனர்.

அகில இலங்கை தங்க ஆபரண சங்கத்தின் தலைவர் ஏ.விஜேகுமார் இந்த விடயத்தை ஊடகங்களிடம் தெரிவித்துள்ளார். நான்கு ஐந்து ஆண்டுகளுக்கு முன்னர் தங்கம் இறக்குமதி செய்ய பிறப்பிக்கப்பட்ட வரையறைகள் தொடர்ந்தும் அமுலில் உள்ளது என அவர் தெரிவித்துள்ளார்.

ஒரு பவுண் தங்கத்தின் விலை 116500 ரூபாவாகவும் செய் கூலியுடன் ஒரு பவுண் நகையை 124000 ரூபாவிற்கு விற்பனை செய்யப்படுவதாகவும் விஜயகுமார் குறிப்பிட்டுள்ளார்.

-தமிழ்வின்-

21 பேர் கைது…

15 வயது சி.றுமியை பா.லி.ய.ல் து.ஷ்.பி.ர.யோ.க.ம் செ.ய்.த சம்பவம் தொடர்பில் மிஹிந்தலை பிரதேச சபையின் பிரதி தலைவர் மற்றும் ஒரு முன்னணி தொழிலதிபர் உட்பட மேலும் 3 பேர் கைது செய்யப்பட்டுள்ளனர்.

மூன்று மாதங்களுக்கும் மேலாக இந்த சி.று.மி மீதான பா.லி.ய.ல் து.ஷ்.பி.ர.யோ.க.ம் தொடர்பாக இதுவரை 21 பேரைக் கு.ழந்தைகள் மற்றும் பெ.ண்கள் பொலிஸ் பிரிவு கைது செய்துள்ளதாக பொலிஸ் பேச்சாளர் அஜித் ரோஹன தெரிவித்துள்ளார்.

35 வயதான ஒருவர் கைது செய்யப்பட்டமையை தொடர்ந்து, இந்த செயலுக்குப் பணம் செலுத்திய பலரைக் கைது செய்ய காவல்துறை வி.சாரணையை ஆரம்பித்தது.

முன்னதாக, இந்த 15 வயது சி.றுமியை பா.லி.ய.ல் வேலைக்காக ஈடுபடுத்தியதற்காகக் கொழும்பு கல்கிசையில் பிரதான சந்தேக நபரை பொலிஸார் கைது செய்தனர்.

இவர் சி.றுமியை பா.லி.ய.ல் தொ.ழிலில் ஈடுபடுத்துவதற்காக சமூக ஊடகங்களில் ஏராளமான விளம்பரங்களை வெளியிட்டிருந்தமை தெரியவந்தது.

சம்பவம் தொடர்பில் சி.றுமியின் தாய், முச்சக்கரவண்டி ஓட்டுநர், கார் ஓட்டுநர் மற்றும் விளம்பரத்திற்காக வலைத்தளத்தை வடிவமைத்தவர் உட்பட 17 சந்தேக நபர்களை பொலிஸார் செவ்வாய்க்கிழமை கைது செய்தனர்.

இந்த வி.ப.ச்.சா.ர விடுதி கல்கிஸ்ஸையில் உள்ள ஒரு அடுக்குமாடிக் குடியிருப்பில் செயல்பட்டு வந்தது. இங்கு வைத்தே 15 வயது சி.றுமி பா.லி.ய.ல் தொழிலில் ஈடுபடுத்தப்பட்டுள்ளார்.

பயணத்தடை…

கோவிட் – 19 வைரஸ் பரவலை கட்டுப்படுத்தும் மிகச்சரியான வேலைத்திட்த்தை அரசாங்கம் முன்னெடுக்க தவறி வருகிறது. பொதுமக்களை கட்டுப்படுத்தும் நடவடிக்கைகளை எடுக்காவிட்டால் அல்லது சுகாதார வழிமுறைகளை மீறும் விதத்தில் செயற்பட அனுமதித்தால்,

அடுத்த பத்து வாரங்களில் நாட்டில் பிரதான வைரஸ் தொற்றாக டெல்டா வைரஸ் தொற்று காணப்படுமென்று வைத்திய நிபுணர்கள் அரசாங்கத்திடம் எடுத்துக் கூறியுள்ளனர்.

இதேவேளை வைத்திய நிபுணர்களின் தொடர்ச்சியான எச்சரிக்கை உண்மையென ஏற்றுக் கொண்டுள்ள சுகாதாரப் பணியகம், கோவிட் 19 “டெல்டா” வைரஸ் பரவலுக்கு அதிக வாய்ப்பு உள்ளதாகவும் தெரிவித்துள்ளது.

இதேவேளை, மாகாணங்களுக்கு இடையிலான பயணத்தடை கட்டாயமாக அமுல்படுத்தப்பட்டு வருவதாக தெரிவித்த பதில் சிரேஷ்ட பிரதி பொலிஸ் மா அதிபர் அஜித் ரோஹண, அது தொடர்பில் தீவிர கவனம் செலுத்தப்பட்டு வருவதாகவும் குறிப்பிட்டுள்ளார்.