கொரோனா..

வவுனியாவில் இன்று (11.01.2021) இரவு 8 மணியளவில் வெளியான பி.சி.ஆர் முடிவுகளின் பிரகாரம் மேலும் 27 கொரோனா தொற்றாளர்கள் அடையாளம் காணப்பட்டுள்ளனர்.

பட்டாணிச்சூர் பகுதியில் ஒரே குடும்பத்தினை சேர்ந்த 7 நபர்களுக்கு கொரோனா தொற்று உறுதி செய்யப்பட்டதினையடுத்து பட்டானிச்சூர் உட்பட சில கிராமங்கள் முடக்கப்பட்டதுடன் குறித்த தொற்றாளர்களுடன் தொடர்புடைய நகர வர்த்தக நிலைய உரிமையாளர்கள் , ஊழியர்களுக்கு பி.சி.ஆர் பரிசோதனை மேற்கொள்ளப்பட்டது.

பகுதி பகுதியாக முடிவுகள் வெளியாகிய நிலையில் வவுனியா நகரில் 54 கொரோனா தொற்றாளர்கள் இனங்காணப்பட்டனர். இதனையடுத்து பசார் வீதி, தர்மலிங்கம் வீதி, சந்தை வீதி என்பன பொலிஸாரின் கட்டுப்பாட்டுக்குள் கொண்டு வரப்பட்டு அப்பகுதி வர்த்தக நிலைய ஊழியர்கள், உரிமையாளர்களுக்கு பி.சி.ஆர் பரிசோதனை மேற்கொள்ளப்பட்டது.

வவுனியா நகரப் பகுதிகளை சேர்ந்த வியாபார நிலையங்களில் பணியாற்றும் ஊழியர்களிற்கு  நேற்றுமுன்தினம் முன்னெடுக்கப்பட்ட பிசிஆர் பரிசோதனைகளில் 106 பேருக்கு தொற்று உறுதிப்படுத்தப்படாத நிலையில் 36 பேரது மாதிரிகள் மீளவும் பரிசோதனைக்கு அனுப்பப்பட்டிருந்தது.

அதன் முடிவுகள் இன்று (11.01.2021) 8 மணியளவில் வெளியானதில் 25 கொரோனா தொற்றாளர்கள் இனங்காணப்பட்டுள்ளமையுடன் வவுனியா வைத்தியசாலையிலும் 2 கொரோனா தொற்றாளர்கள் அடையாளம் காணப்பட்டுள்ளனர்.

இதன் பிரகாரம் வவுனியா மாவட்டத்தில் கடந்த இரு வாரத்தினுள் பட்டானிச்சூர் பகுதியில் 13 நபர்களும் நகர வர்த்தக நிலைய பரிசோதனையில் 79 நபர்களும் வவுனியா வைத்தியசாலையில் 7 நபர்களும் புளியங்குளத்தில் ஒருவர் என 100 கொரோனா தொற்றாளர்கள் இனங்காணப்பட்டுள்ளனர்.

இன்று மட்டும் வெளியான முடிவுகளின் அடிப்படையில் மொத்தமாக 30 கொரோனா தொற்றாளர்கள் இனம்காணப்பட்டுள்ளனர். இதன் மூலம் வவுனியா மாவட்டம் அபாய கட்டத்தில் உள்ளமையை உணர முடிகின்றது.

ஓமந்தை அரசமுறிப்பு பகுதியில்..

வவுனியாவில் து.ப்.பா.க்.கி.யா.ல் சு.ட.ப்.ப.ட்.ட நி.லை.யி.ல் ஆ.ண் ஒ.ரு.வ.ர் வ.வு.னி.யா வை.த்.தி.ய.சா.லை.யி.ல் அ.னு.ம.தி.க்.க.ப்.ப.ட்.டு.ள்.ளா.ர்.

வவுனியாவில் ஓமந்தை அரசமுறிப்பு ப.குதியில் க ணவன் ம னைவிக்கு இடையில் இ டம்பெற்ற ச.ண்.டை.யி.ன் போ து அ ங்கு வ ந்த ம னைவியின் சி.த்தப்பாவினால் கு றித்த பெ ண்ணின் க ணவன் மீ து து.ப்.பா.க்.கி பி.ர.யோ.க.ம் மே ற்கொண் டதோடு க.ட்.டை.யி.னா.லு.ம் ச.ர.மா.ரி.யா.க தா.க்.கு.த.ல் ந.டா.த்.தி.யு.ள்.ளா.ர்.

இச்சம்பவம் தொடர்பாக அக்கிராம மக்களினால் ஓமந்தை பொலிஸாருக்கு தெரிவிக்கப்பட்டதையடுத்து அவ்விடத்திற்கு விரைந்த பொலிஸாரால் கு ற்றவாளியை கை து செ ய்துள்ளதுடன், கு.ற்.ற.த்.தி.ற்.கு.ப் பயன்படுத்திய நா.ட்டுத் து.ப்.பா.க்.கி.யை.யு.ம் மீ.ட்.டு.ள்.ள.ன.ர்.

சூ.ட்.டு.க் கா.ய.த்.தி.ற்.கு.ள்.ளா.ன.வ.ர் 29 வயதான தேவராசா ஜெயசுதன் என்பவர் வவுனியா வைத்தியசாலை அ.தி.தீ.வி.ர சி.கி.ச்.சை.ப் பிரிவில் அனுமதிக்கப்பட்டுள்ளார். இச்சம்பவம் தொடர்பான மேலதிக வி.சாரணையினை வவுனியா ஓமந்தை பொலிசாரால் மேற்கொள்ளப்பட்டு வருகின்றது.

கொரோனா..

வவுனியாவில் இன்று மாலை வெளியாகிய பிசீஆர் முடிவுகளில் மேலும் இருவருக்கு கொரோனா தொற்று உறுதி செய்யப்பட்டுள்ளது.

வவுனியா, பட்டாணிச்சூர் மற்றும் நகர வர்த்தக நிலைய பகுதியில் கடந்த வாரம் 62 பேரும், நேற்றைய (10.01) தினம் பட்டாணிச்சூர் பகுதியில் 6 பேரும், ஈச்சங்குளம், கெப்பற்றிக்கொல்லாவ பகுதியைச் சேர்ந்த தலா ஒருவரும் கொரோனா தொற்றாளர்களாக இனங்காணப்பட்டனர்.

இதையடுத்து வவுனியாவின் பல பகுதிகளும் முடக்கப்பட்டன. அத்துடன் அவர்களுடன் தொடர்புடைய பலரிடமும் பிசீஆர் பரிசோதனைகள் மேற்கொள்ளப்பட்டு வருகின்றன.

இந்நிலையில் இன்று காலை (11.01) வெளியாகிய பிசீஆர் முடிவுகளின் படி வவுனியா வடக்கில் ஆசிரியர் ஒருவருக்கு கொரோனா தொற்று உறுதி செய்யப்பட்டிருந்தது.

இன்று மாலை (11.01) வெளியாகிய பிசீஆர் முடிவுகளில் வவுனியா வைத்தியசாலை சிற்றூழியர் ஒருவருக்கும், நெஞ்சுவலி காரணமாக வவுனியா வைத்தியசாலையில் அனுமதிக்கப்பட்டிருந்த பட்டாணிச்சூர் பகுதியைச் சேர்ந்த ஒருவருக்குமாக மேலும் இரண்டு பேர் கொரோனா தொற்றாளர்களாக இனங்காணப்பட்டுள்ளனர்.

இந்நிலையில் கடந்த வாரம் முதல் வவுனியாவில் 73 கொரோனா தொற்றாளர்கள் இதுவரை அடையாளம் காணப்பட்டுள்ளனர். அவர்களுடன் தொடர்புடையவர்களை தனிமைப்படுத்தி பிசீஆர் எடுக்கும் நடவடிக்கைகளில் சுகாதார துறையினர் ஈடுபட்டுள்ளனர்.

வவுனியா நகரில் அதிகரித்துள்ள கொரோனா தொற்றாளர்களின் எண்ணிக்கை காரணமாக நகரின் சில பகுதிகள் முடக்கப்பட்டு பொலிஸாரின் கட்டுப்பாட்டிற்கு கீழ் கொண்டு வரப்பட்டுள்ளதுடன் குறித்த பகுதியில் வர்த்தக நடவடிக்கைக்கும் சுகாதார பிரிவினர் மறு அறிவித்தல் வரை தடை விதித்துள்ளனர்.

இந்நிலையில் மரக்கறி வியாபாரிகளின் நலனை கருத்து கொண்டு வவுனியா மாவட்ட அரசாங்க அதிபரினால் மன்னார் வீதியில் அமைந்துள்ள காமினி மகா வித்தியலாய மைதானத்தில் மரக்கறி மொத்த கொள்வனவு மற்றும் விற்பனையினை மேற்கொள்ள இடம் ஒதுக்கிட்டு வழங்கப்பட்ட போதிலும்,

தற்போது வவுனியாவில் நிலவி வரும் மழையுடன் கூடிய காலநிலையினால் இவ்விடத்தினை பயன்படுத்த முடியாத நிலை வியாபாரிகளுக்கு ஏற்பட்டுள்ளது.

இதனை கருத்தில் கொண்டு வவுனியா கமநல அபிவிருத்தி திணைக்களத்தின் பிரதி ஆணையாளர் இ.விஜயகுமார் ஆலோசனைக்கமைய வவுனியா அரசாங்க அதிபரின் உத்தரவின் அடிப்படையில் 291 மில்லியன் ரூபாய் செலவில் வவுனியா கண்டி வீதியில் அமைக்கப்பட்டு,

பயன்பாடற்ற நிலையில் காணப்படும் பொருளாதார மத்திய நிலையத்தினை தற்காலிகமாக மரக்கறி மொத்த கொள்வனவு மற்றும் விற்பனையினை மேற்கொள்ள அனுமதி வழங்கப்பட்டுள்ளது.

எனவே வியாபாரிகள், விவசாயிகள் அனைவரும் மரக்கறி மொத்த கொள்வனவு மற்றும் விற்பனையினை நாளை காலை முதல் வவுனியா பொருளாதார மத்திய நிலையத்தில் மேற்கொள்ளுமாறு வவுனியா கமநல அபிவிருத்தி திணைக்களத்தின் பிரதி ஆணையாளர் இ.விஜயகுமார் கோரிக்கை விடுத்துள்ளார்.

தொடரும் மழை..

வவுனியாவில் இன்று (11.01.2021) காலை 5.30 மணி தொடக்கம் தொடர்ச்சியாக பெய்துவரும் கடும் மழை காரணமாக மக்களின் இயல்பு வாழ்க்கை பாதிப்படைந்துள்ளதுடன் பல மக்களின் வீடுகளிலும் வெள்ள நீர் உட்புகுந்துள்ளது.

சுமார் 8 மணித்தியாலங்கள் நீடித்த மழையினால் வவுனியா – மன்னார் வீதி, நூலக வீதி, வைரவப்புளியங்குளம், பூந்தோட்டம் உட்பட பல பகுதிகளில் வெள்ள நீர் வீதிகளில் தேங்கி நிற்பதுடன் தாழ்நில பிரதேசங்களும் நீரில் மூழ்கியுள்ளன. வடிகான்கள் சீர் செய்யப்படாமையாலேயே மழை நீர் வீதியில் தேங்கி நிற்பதனை அவதானிக்க கூடியதாகவுள்ளது.

அத்துடன் பூந்தோட்டம் ஸ்ரீநகர், உக்கிளாங்குளம், நெளுக்குளம் ஆகிய பகுதிகளில் உள்ள 20க்கு மேற்பட்டவர்களின் வீடுகளின் வெள்ள நீர் உட்புகுந்துள்ளமையினால் அவர்களின் இயல்பு நிலையும் பாதிப்படைந்து நிர்கதிக்குள்ளாகியுள்ளனர்.

பி.சி.ஆர் பரிசோதனைகள்..

வவுனியா நகரில் இன்றும் பி.சி.ஆர் பரிசோதனைகள் முன்னெடுக்கப்பட்டுள்ளது. இதன்போது வர்த்தகர்கள் தமது வர்த்தக நிலையங்களை மூடி பூரண ஒத்துழைப்புக்களை வழங்கி பி.சி.ஆர் பரிசோதனை நடவடிக்கைக்குப் பூரண ஒத்துழைப்புக்களை வழங்கியுள்ளனர்.

வவுனியாவில் இன்று காலை முதல் கடும் மழை பெய்து வருகின்றது.
இதனையும் பொருட்படுத்தாமல் சுகாதார அதிகாரிகளினால் நேற்று விடுக்கப்பட்ட அறிவுறுத்தல்களுக்கு அமைவாக இன்று காலை நகரில் பல்வேறு பகுதிகளில் பி.சி.ஆர் பரிசோதனைகள் முன்னெடுக்கப்பட்டுள்ளது.

இதில் பழைய பேருந்து நிலைய வர்த்தகர்கள் கலந்து கொண்டு பரிசோதனைகளை மேற்கொண்டு சுகாதாரத்துறையினருக்கு ஒத்துழைப்புக்களையும் வழங்கியுள்ளனர்.

இதேவேளை இன்றைய கடையடைப்பு முடக்கம் காரணமாக நகரின் இயல்பு நிலை பாதிக்கப்பட்டுள்ளதுடன் அரச திணைக்களங்களில் ஊழியர்கள் வரவு மிகவும் குறைந்தளவில் காணப்படுகின்றனர்.

இன்றைய வடகிழக்கு கடையடைப்பு காரணமாக அரச திணைக்களங்கள் அனைத்தும் முடக்கப்பட்டு மக்கள் நடமாட்டம் இன்றி வெறிச்சோடி காணப்படுகின்றன.

கொரோனா அச்சம்..

2021ம் ஆண்டு முதலாம் தவணைக்காக நாடு முழுவதும் இன்று (11.01) பாடசாலைகள் ஆரம்பிக்கப்பட்ட போதிலும் கடந்த ஒரு வாரத்தில் மாத்திரம் 69 கொரோனா தொற்றாளர்கள் வவுனியா மாவட்டத்தில் இனங்காணப்பட்ட நிலையில் வவுனியா பாடசாலைகளில் மிகக் குறைந்தளவு மாணவர்களே பாடசாலைக்கு வருகைதந்துள்ளனர்.

கொரோனா தொற்று அச்சம் காரணமாக வவுனியா நகரின் பசார் வீதி, தர்மலிங்கம் வீதி, சந்தை வீதி கந்தசுவாமி கோவில் வீதி , முதலாம் குருக்குத்தெரு, சூசைப்பிள்ளையார் குள வீதி, ஹொரவப்பொத்தானை வீதி, மில் வீதி என்பன நேற்று காலை முதல் முடக்கப்பட்டு பொலிஸாரின் கட்டுப்பாட்டுக்குள் கொண்டு வரப்பட்டுள்ளமையுடன் இன்றையதினமும் நகர வர்த்தக நிலைய உரிமையாளர்கள், ஊழியர்களுக்கு பி.சி.ஆர் பரிசோதனையும் முன்னெடுக்கப்பட்டு வருகின்றன.

அத்துடன் கொரோனா அச்சம் காரணமாக நகர பாடசாலைகளான வவுனியா தமிழ் மத்திய மகா வித்தியாலயம், சைவப்பிரகாச மகளிர் வித்தியாலயம், இறம்பைக்குளம் மகளிர் மகா வித்தியாலயம், இலங்கை தமிழ் கலவன் பாடசாலை,

காமினி மகா வித்தியாலயம் போன்றன மறு அறிவித்தல் வரை மூடப்படுள்ளமையுடன் மாவட்டத்தின் ஏனைய பாடசாலைகளின் கற்றல் நடவடிக்கைகள் இன்றையதினம் ஆரம்பிக்கப்பட போதிலும் கொரோனா அச்சம் காரணமாக மிக குறைந்தளவிலான மாணவர்களே பாடசாலைக்கு சமூகமளித்திருந்தனர்.

கொரோனா..

வவுனியா வடக்கு நெடுங்கேணி கல்வி வலயத்திற்குட்பட்ட அதிபர்கள் ஆசிரியர்களுக்கு கடந்த சில நாட்களுக்கு முன்னர் மேற்கொள்ளப்பட்ட பி.சி.ஆர் பரிசோதனையில் ஒர் ஆசிரியருக்கு கொரோனா தொற்று உறுதி செய்யப்பட்டுள்ளதுடன் மேலும் ஒர் ஆசிரியரின் பி.சி.ஆர் முடிவு சந்தேகத்தின் அடிப்படையில் மீள் பரிசோதனைக்கு அனுப்பப்பட்டுள்ளது.

வவுனியா வடக்கு நெடுங்கேணி கல்வி வலயத்திற்குட்பட்ட அதிபர்கள் ஆசிரியர்கள் என 276 பேருக்கு மேற்கொள்ளப்பட்ட பி.சி.ஆர் பரிசோதனையின் சில முடிவுகள் இன்று (11.01) காலை வெளியாகின.

இந் நிலையில் நெடுங்கேணி பகுதியினை சேர்ந்த ஒர் ஆசிரியருக்கு கொரோனா தொற்று உறுதி செய்யப்பட்டதுடன் மேலும் ஒர் ஆசிரியரின் பி.சி.ஆர் முடிவு சந்தேகத்திற்கிடமான முறையில் உள்ளதாக சுகாதார பிரிவினர் தெரிவித்தனர்.

இதன் பிரகாரம் வவுனியா மாவட்டத்தில் கடந்த இரு வாரத்தினுள் பட்டானிச்சூர் பகுதியில் 13 நபர்களும் நகர வர்த்தக நிலைய பரிசோதனையில் 54 நபர்களும் வவுனியா வைத்தியசாலையில் 2 நபர்களும் புளியங்குளத்தில் ஒருவர் என 70 கொரோனா தொற்றாளர்கள் இனங்காணப்பட்டுள்ளனர்.

வவுனியா..

யாழ் பல்கலைகழக வளாகத்தில் அமைக்கப்பட்டிருந்த முள்ளிவாய்க்கால் நினைவு தூபி அழிக்கப்பட்டமைக்கு எதிர்ப்புத் தெரிவித்து இன்று வடக்கு கிழக்கு தழுவிய ரீதியில் மேற்கொள்ளப்பட்ட ஹர்த்தால் காரணமாக வவுனியா மாவட்டமும் முடங்கியது.

வவுனியா நகரில் பொதுச் சந்தை, மருந்தகங்கள், உணவகங்கள் என அனைத்து வர்த்தக நிலையங்களும் மூடப்பட்டிருந்தன. மேலும் அரச போக்குவரத்து சபைக்கு சொந்தமான பேரூந்துகள் மாத்திரமே போக்குவரத்தில் ஈடுப்பட்டிருந்தன.

வங்கிகள் மற்றும் அரச நிறுவனங்கள் திறக்கப்பட்டிருந்த போதும் போது மக்கள் இன்றியே காணப்பட்டன.

அத்தோடு பாடசாலைகள் நீண்ட இடைவெளிக்கு பின் ஆரம்பிக்கப்பட்ட போதும் மாணவர்களின் வரவில் மிக மிக குறைவாக இருந்தமையால் பாடசாலைகளின் செயற்பாடுகளும் முற்றாக பாதிக்கப்பட்டிருந்தன.

அறிவித்தல்..

PCR பரிசோதனை மேற்கொள்ளாத வர்த்தக நிலைய உரிமையாளர்கள் மற்றும் ஊழியர்கள் நாளை (11.01.2021) காலை 8.30 மணி முதல் கீழ் குறிப்பிட்ட இடங்களில் பரிசோதனை மேற்கொள்ளுமாறு கேட்டுக்கொள்ளப்படுகின்றீர்கள்.

1. பழைய பஸ் நிலையம்
2. 2ம் குறுக்குத்தெரு ( Nelly Star Hotel ) அருகில்
3. கொரவப்பொத்தான வீதி (Royal Garden Hotel) அருகில்
4. புகையிரத நிலைய வீதி (சுத்தானந்த இந்து இளைஞர் சங்கம்)

குறிப்பு : PCR பரிசோதனை மேற்கொண்டு பரிசோதனைச் சான்றிதழ் வைத்திருக்கும் உரிமையாளர்கள் மற்றும் ஊழியர்கள் மாத்திரமே வர்த்தக நடவடிக்கைகளில் ஈடுபட அனுமதிக்கப்படுவர்கள் என சுகாதாரப் பிரிவினரால் அறிவுறுத்தப்பட்டுள்ளது.

வர்த்தகர் சங்கம்,
வவுனியா.
தலைவர் 774048920
செயலாளர் 777585929
பொருளாளர் 773017779
அலுவலகம் 766628386

கொரோனா தொற்று..

வவுனியாவில் மேலும் 8 பேருக்கு கொரோனா தொற்று உறுதி செய்யப்பட்டுள்ளது. இத்துடன் கடந்த ஒரு வாரத்தில் மட்டும் 69 கொரோனா தொற்றாளர்கள் அடையாளப்படுத்தப்பட்டுள்ளனர்.

வவுனியா, பட்டானிச்சூர் பகுதியைச் சேர்ந்த 7 பேர் கொரோனா தொற்றாளர்களாக இனங்காணப்பட்டதையடுத்து அவர்களுடன் தொடர்புடையவர்களிடம் கடந்த வெள்ளிக்கிழமை மேற்கொள்ளப்பட்ட பிசீஆர் பரிசோதனையில் ஒரு தொகுதியினரின் முடிவுகள் இன்று மாலை வெளியாகிய நிலையில் 6 பேருக்கு கொரோனா தொற்று உறுதி செய்யப்பட்டுள்ளது.

அத்துடன், வவுனியா வைத்தியசாலையில் சிகிச்சைக்காக அனுமதிக்கப்பட்ட நிலையில் மேற்கொள்ளப்பட்ட பிசீஆர் பரிசோதனையில் வவுனியானின் ஈச்சங்குளம் உள்ளிட்ட பகுதியைச் சேர்ந்த இருவருக்கு கொரோனா தொற்று உறுதி செய்யப்பட்டுள்ளது.

வவுனியா பட்டாணிசூர் பகுதியில் 7 பேருக்கு கோரோனா தொற்று பீடித்திருந்தமை கடந்த வாரம் உறுதிசெய்யப்பட்டது. இந் நிலையில் பட்டானிச்சூர் கிராமம் கடந்த ஒருவாரமாக முடக்கப்பட்டிருந்ததுடன் குறித்த நபர்களுடன் தொடர்புகளை பேணிய பலருக்கு பிசீஆர் பரிசோதனை முன்னெடுக்கப்பட்டிருந்தது.

இதேவேளை வவுனியா பட்டாணிசூர் பகுதியை சேர்ந்த 146 பேரில் நேற்றுமுன்தினம் பிசிஆர் பரிசோதனைகள் முன்னெடுக்கப்பட்ட நிலையில் 100 பேருக்கு தொற்று இல்லை என்று உறுதிப்படுத்தப்பட்டுள்ளது.

எனினும் அவர்களில் 40 பேரின் முடிவுகள் மீளவும் பரிசோதனைக்கு உட்படுத்தப்பட்டது அவர்களில் பட்டாணிசூர் பகுதியை சேர்ந்த 6 பேருக்கு தொற்று உறுதிசெய்யப்பட்ட நிலையில் ஒருவரது மாதிரிகள் மீளவும் பரிசோதனைக்கு அனுப்பபட்டுள்ளது.

இதேவேளை வவுனியா நகர வியாபார நிலையங்களில் நேற்று முன்னெடுக்கப்பட்ட பிசிஆர் பரிசோதனைகளில் 106 பேருக்கு தொற்று உறுதிப்படுத்தப்படாத நிலையில் 36 பேரது மாதிரிகள் மீளவும் பரிசோதனைக்கு அனுப்ப்படவுள்ளது.

இதேவேளை வவுனியா வைத்தியசாலையில் அனுமதிக்கப்பட்ட இருவருக்கு கொரோனா தொற்று உறுதிப்படுத்தப்பட்ட நிலையில் மொத்தமாக 8 பேருக்கு இன்றையதினம் தொற்று உறுதிப்படுத்தப்பட்டுள்ளது.

இதேவேளை கடந்த ஒருவாரத்தில் வவுனியாவின் கொரோனா தொற்றாளர்கள் எண்ணிக்கை 69ஆக அதிகரித்துள்ளமை குறிப்பிடத்தக்கது.