உலகளாவிய ரீதியில் கொவிட் 19 வைரஸின் சீற்றம் தணியும் அறிகுறி இல்லை : வெளியிடப்பட்டுள்ள எச்சரிக்கைகள்!!

உலகலாவிய ரீதியில் புதிய கொவிட் 19 வைரஸின் தொற்றுக்கு இலக்காகி வருபவர்களினதும் மரணம் அடைபவர்களினதும் எண்ணிக்கையை அடிப்படையாக கொண்டு நோக்கும்போது அதன் சீற்றம் தனிவதற்கான அறிகுறி இல்லை.

உலக சுகாதார நிறுவனம் நேற்று மாலை வெளியிட்ட விபரங்களின் பிரகாரம் இதுவரையில் வைரஸ் தொற்றுக்கு இலக்காகியவர்களின் எண்ணிக்கை கிட்டத்தட்ட 4 லட்சமாக அதிகரித்துள்ளது.

மரணமடைந்தவர்களின் எண்ணிக்கை 16,000 க்கும் மேல் அதிகரித்துள்ளது. சீனாவில் வைரஸின் தொற்றுக்கு இலக்காகுபவர்களின் எண்ணிக்கை ஒரு வீழ்ச்சி ஏற்பட்டிருப்பதாக பெய்ஜிங் அறிவித்திருக்கின்ற அதே வேளை ஐரோப்பிய நாடுகளிலும் அமெரிக்காவிலும் புதிதாக தொற்றுக்கு உள்ளாகுபவர்களின் எண்ணிக்கை அன்றாடம் அதிகரித்து வருகின்றது.

நியூயோர்க்கில் ஆயிரம் பேரில் ஒருவர் என்ற விகிதத்தில் அல்லது ஏனைய பகுதிகளையும் விட ஐந்து மடங்கு கூடுதலாக கொரோனா வைரஸ் தொற்று ஏற்பட்டு வருவதாக வெள்ளை மாளிகையின் வைரஸ் நெருக்கடி ஒருங்கிணைப்பாளரான டிபோரா எல். பிறிக்ஸ் கூறியிருக்கிறார்.

வைத்தியசாலைகளில் கட்டில்களின் தொகையை 50 சதவீதத்தினால் அதிகரிக்குமாறு நியூ யோர்க் ஆளுநர் உத்தரவிட்டிருக்கிறார்.

அமெரிக்காவில் சனத்தொகை செறிவு அதிகமான நகரங்களில் ஒன்றான நியூயார்க் இப்போது மூடப்பட்டிருக்கிறது.

திங்களன்று இரவோடிரவாக ஏற்பட்ட அதிகரிப்புடன் சேர்த்து அங்கு 20 ஆயிரத்து 875 பேர் வைரஸ் தொற்றுக்கு இலக்காகி இருக்கிறார்கள்.

2020 ஒலிம்பிக் பற்றிய தீர்மானம் எந்த நேரத்திலும் எடுக்கக்கூடும் என்று உலக சுகாதார ஸ்தாபனம் அறிவித்திருக்கிறது. அவுஸ்திரேலியாவும் கனடாவும் ஒலிம்பிக்ஸ் போட்டிகளில் இருந்து ஏற்கனவே விலகி விட்டன.

சீனாவுக்கு அடுத்ததாக கொவிட் 19 வைரஸினால் பெரிதும் பாதிக்கப்பட்ட நாடான இத்தாலியில் திங்களன்று மரணங்களும் ஒரு சிறு வீழ்ச்சி காணப்பட்டது.

வைரஸ் பரவலை அடுத்து உலகம் பூராவும் பெரும் குழப்பம் அடைந்திருக்கும் நிலையில் உலகின் சகல மூலைகளிலும் போர் நிறுத்தம் உடனடியாக அறிவிக்கப்பட வேண்டும் என்று அழைப்பு விடுத்திருக்கும் ஐக்கிய நாடுகள் செயலாளர் நாயகம் அந்தோனியா குட்டரஸ் ஆயுத மோதல்களை முடக்கிவிட்டு கொரோனா வைரஸ் பரவல் மீது கூட்டாக கவனம் செலுத்த வேண்டிய நேரம் வந்துவிட்டது என்று கூறியிருக்கிறார்.

வைரஸின் சீற்றம் போரின் அபத்தத்தை பிரகாசமாக வெளிக்காட்டுகிறது. மோதல்களில் இருந்து பின் வாங்குங்கள். அவன் நம்பிக்கையையும் பகைமையையும் ஒருபுறம் ஒதுக்கி வையுங்கள்.

துப்பாக்கிகளை மௌனமாக்குங்கள். நிறுத்துங்கள். தாக்குதல்களை முடிவுக்கு கொண்டு வாருங்கள். உயிரை காக்கும் உதவிக்கான வழியை திறவுங்கள். என்று போர்களில் ஈடுபட்டிருக்கும் தரப்புக்களை ஐநா செயலாளர் நாயகம் வலியுறுத்தியுள்ளார்.

அதேவேளை ஜெனிவாவில் செய்தியாளர்களை சந்தித்த உலக சுகாதார ஸ்தாபனத்தின் பணிப்பாளர் நாயகம் ரெட்ரோஸ் அதாநொம் கேப்ரிசியஸ் வைரஸ் வேகம் அடைந்து கொண்டிருக்கின்றது என்று எச்சரிக்கை விடுத்துள்ளார்.

கொரோனா தொற்றியவர்களின் எண்ணிக்கை அதிகரிக்கக் கூடும்!!

கொரோனா வைரஸ் தொற்றியதாக உறுதிப்படுத்தப்படாத நோயாளிகள் சுமார் 552 பேர் நாட்டில் இருப்பார்கள் என அறிவியல் ரீதியாக யூகிக்க முடியும் என அரச மருத்துவ அதிகாரிகள் சங்கம் தெரிவித்துள்ளது.

இன்று முதல் ஏப்ரல் 7 ஆம் திகதி வரையான காலததில் இலங்கைக்கு கொரோனா வைரஸ் தொற்றிய நோயாளர்களின் எண்ணிக்கை பெருமளவில் அதிகரிக்கக் கூடும் எனவும் மருத்துவ அதிகாரிகள் சங்கம் கூறியுள்ளது.

கொரோனா வைரஸ் நாட்டில் பரவியுள்ளது. இதனை தொடர்ந்தும் நாட்டுக்கு பரவாமல் கட்டுப்படுத்த மட்டுமே நம்மால் முடியும். 99 நோயாளிகள் வைத்தியசாலையில் சிகிச்சை பெற்று வருகின்றனர். இவர்களில் இருவர் தீவிர சிகிச்சை பிரிவில் சிகிச்சை பெறுகின்றனர். இரண்டு நோயாளர்கள் முற்றாக குணமடைந்து வெளியேறியுள்ளனர்.

இந்த நோயாளர்களுடன் தொடர்பில் இருந்தவர்கள் உட்பட 19 ஆயிரம் பேர் நாடு முழுவதும் சுகாதார மற்றும் பாதுகாப்பு நிர்வாகத்தின் கீழ் தனிமைப்படுத்தப்பட்டுள்ளனர்.

விமான நிலையம் மற்றும் துறைமுகங்கள் வழியாக நோயாளர்கள் வருவதை ஜனாதிபதி முற்றாக நிறுத்தியுள்ளார்.

நோய் தொற்றுக்கு உள்ளாகியவர்களுக்கு சிகிச்சையளிக்கவும் நோய் பரவாமல் தடுக்கவுமே தம்மால் முடியும் என அரச மருத்துவ அதிகாரிகள் சங்கம் விடுத்துள்ள அறிக்கையில் தெரிவித்துள்ளது.

வவுனியாவில் மக்களுக்காக களத்தில் இறங்கிய 50க்கு மேற்பட்ட விசேட அதிரடிப்படையினர்!!

விசேட அதிரடிப்படையினர்

கொரோனா வைரஸ் தாக்கத்திலிருந்து மக்களை காப்பாற்றும் நோக்கில் பொதுமக்கள் நடமாடும் பகுதிகளை சுத்தம் செய்யும் விசேட அதிரடிப்படையினரின் நடவடிக்கையின் இரண்டாம் கட்ட செயற்றிட்டம் இன்று (25.03.2020) காலை முன்னெடுக்கப்பட்டது.

இலங்கையில் கொரோனா வைரஸ் காரணமாக பாதிக்கப்பட்டவர்களின் எண்ணிக்கை நாளுக்கு நாள் அதிகரித்து வருகின்ற நிலையில் பொதுமக்கள் நடமாடும் பகுதிகளை சுத்தப்படுத்தி கொரோனா வைரஸிலிருந்து பொதுமக்களை காப்பற்றும் நோக்கில் மடுக்கந்தை விசேட அதிரடிப்படையினர் களத்தில் இறங்கியுள்ளனர்.

வவுனியா நகரசபை தீயணைப்பு பிரிவினர் மற்றும் வவுனியா பொதுச்சுகாதார பரிசோதகர்கள் ஆகியோருடன் இணைந்து விசேட அதிரடிப்படையினரினால் முன்னெடுக்கப்பட்ட இச் செயற்றிட்டம் வவுனியா நகரசபை முன்றலில் இன்று காலை 9.30 மணியளவில் ஆரம்பித்து வைக்கப்பட்டது.

இதன் முதற்கட்டமாக மடுக்கந்தை விசேட அதிரடிப்படையினர் நேற்றையதினம் (24.03) மாலை வவுனியா புதிய பேரூந்து நிலையம், பழைய பேரூந்து நிலையம், வங்கிகள், எரிபொருள் மீள் நிரப்பு நிலையங்களை சுத்தப்படுத்தியதுடன்,

இரண்டாம் கட்டமாக இன்றையதினம் (25.03) காலை வவுனியா புகையிரத நிலையம், வவுனியா மாவட்ட செயலகம், வவுனியா பிரதேச செயலகம், பொதுச்சந்தை, வங்கிகள், எரிபொருள் மீள் நிரப்பு நிலையங்கள் போன்றவற்றை சுத்தப்படுத்தும் செயற்றிட்டத்தில் ஈடுபட்டனர்.

கொரோனா வைரஸ் தொற்று : தமிழகத்தில் முதலாம் நபர் பலி!!

தமிழகத்தில் கொரோனா வைரஸ் தொற்றினால் பாதிக்கப்பட்டிருந்த மதுரையை சேர்ந்த நபர் உயிரிழந்துள்ளதாக தமிழக ஊடகங்கள் செய்தி வெளியிட்டுள்ளன.

குறித்த நபர் மதுரை அரசு மருத்துவமனையில் சிகிச்சை பெற்று வந்த நிலையில், சிகிச்சை பலனின்றி உயிரிழந்துள்ளதாக தெரிவிக்கப்பட்டுள்ளது.

கொரோனா வைரஸ் தொற்றினால் பாதிக்கப்பட்ட 54 வயது நபரே சிகிச்சை பலனின்றி உயிரிழந்துள்ளதாக அமைச்சர் விஜயபாஸ்கர் தெரிவித்துள்ளதாக கூறப்படுகின்றது.

உயிரிழந்த நபருக்கு சர்க்கரை நோய் மற்றும் உயர் இரத்த அழுத்த பிரச்சினை அதிகளவில் இருந்ததாக அமைச்சர் விஜயபாஸ்கர் கூறியதாகவும் அந்த செய்தியில் கூறப்பட்டுள்ளது.

எவ்வாறாயினும், உயிரிழந்தவருக்கு ஏற்கனவே நுரையீரல் தொடர்பாக பிரச்சினை இருந்ததாகவும் அமைச்சர் விஜயபாஸ்கர் கூறியுள்ளதாக அந்த செய்தியில் தொடர்ந்தும் கூறப்பட்டுள்ளது.

கொரோனாவுக்காக யாழில் களமிறங்கிய சிறப்பு அதிரடிப் படையினர்!!

யாழில்..

யாழ்ப்பாணம் மாநகர எல்லையில் பொதுமக்கள் கூடும் இடங்களில் கிருமித் தொற்றுநீக்கி விசிறும் பணி யாழ்ப்பாணம் பிரதேச செயலர் எஸ்.சுதர்சன் தலைமையில்ஆரம்பித்து வைக்கப்பட்டுள்ளது.

யாழ்ப்பாணம் மத்திய பேருந்து நிலையத்தில் இன்று காலை 8 மணிக்கு ஆரம்பித்து வைக்கப்பட்ட இந்தப் பணி மாநகரில் பொதுமக்கள் கூடும் இடங்களில் முன்னெடுக்கப்பட்டது.

சிறப்பு அதிரடிப் படையினரின் கொழும்பிலிருந்து வருகை தந்த அணியினர், மாநகர பொதுச் சுகாதார பரிசோதகர்கள், யாழ்ப்பாணம் பிரதேச செயலக கிராம சேவையாளர்கள் உள்ளிட்டோர் இந்தப் பணியில் களமிறங்கியுள்ளனர்.

கொரோனா வைரஸ் தொற்றுப் பரவலைக் கட்டுப்படுத்த நாடுமுழுவதும் ஊரடங்கு நடைமுறைப்படுத்தப்பட்டுள்ள நிலையில் பொதுமக்கள் கூடும் இடங்களில் கிருமித் தொற்று நீக்கி விசிறப்பட்டு வருகின்றமை குறிப்பிடத்தக்கது.

கொரோனா வைரஸ் பரவல் அளவிடமுடியாத அளவுக்கு சென்றுள்ளது!!

கொரோனாவைரஸ் பரவல் ஏற்கனவே அளவிடமுடியாத அளவுக்கு சென்றுள்ளது. எனவே வரையறுக்கப்பட்ட பொருளாதார பாதிப்புடன் மக்கள் அனைத்து நாடுகளும் ஒன்றிணைந்து பாதுகாக்கவேண்டும் என்று சர்வதேச நாணய நிதியம் கோரிக்கை விடுத்துள்ளது.

சர்வதேச நாணய நிதியத்தின் முகாமைப்பணிப்பாளர் கிறிஸ்டினா ஜோர்ஜீவ இந்தக் கோரிக்கையை விடுத்துள்ளார்.

ஜி20 நிதியமைச்சர்கள் மாநாடு நேற்று வோஷிங்டனில் நடைபெற்றபோது அவர் இந்தக்கோரிக்கையை விடுத்துள்ளார்.

ஏற்கனவே பல நாடுகளும் சுகாதார சேவைகளின் மூலம் மக்களை காக்க பல்வேறு நடவடிக்கைகளை எடுத்துள்ளன.

எனினும் 80 நாடுகள் தமது அமைப்பின் உதவியை கோரியுள்ளதாக கிறிஸ்டினா குறிப்பிட்டார். இந்தநிலையில் தமது அமைப்பினால் 1 ரில்லியன் அமரிக்க டொலரை இந்த திட்டத்துக்கு வழங்க எதிர்பார்த்துள்ளதாக சர்வதேச நாணய நிதியத்தின் முகாமைத்துவ பணிப்பாளர் கிறிஸ்டினா தெரிவித்துள்ளார்.

வவுனியாவில் பொதுமக்கள் நடமாடும் இடங்களை சுத்தம் செய்த விசேட அதிரடிப்படையினர்!!

விசேட அதிரடிப்படையினர்

வவுனியாவில் பொதுமக்கள் நடமாடும் பல இடங்களை இன்று (24.03.2020) மாலை 3.30 மணி தொடக்கம் மாலை 6 மணிவரையிலான காலப்பகுதியில் சுத்தம் செய்யும் நடவடிக்கையில் வவுனியா மடுக்கந்தை விசேட அதிரடிப்படையினர் ஈடுபட்டனர்.

இலங்கையில் கொரோனா வைரஸ் காரணமாக பாதிக்கப்பட்டவர்களின் எண்ணிக்கை இன்றைய (24.03) நிலமையில் 101 ஆக அதிகரித்துள்ள நிலையில் கொரோனா வைரஸ் பரவமால் தடுக்கும் பொருட்டு வவுனியா நகரசபை தீயணைப்பு படையினர் மற்றும் சுகாதார பிரிவினருடன் இணைந்து மடுக்கந்தை விசேட அதிரடிப்படையினரினால் இச் செயற்றிட்டம் முன்னெடுக்கப்பட்டது.

குறிப்பாக வவுனியா புதிய பேருந்து நிலையம், பழைய பேருந்து நிலையம், வங்கிகளிலுள்ள ஏ.ரீ.எம் இயந்திரங்கள் இவ்வாறு விசேட அதிரடிப்படையினரினால் சுத்திகரிப்பு மேற்கொள்ளப்பட்டது.

வெள்ளிக்கிழமை வரை தொடரும் 8 மாவட்டங்களுக்கான ஊரடங்கு!!

கொழும்பு,கம்பஹா, புத்தளம், யாழ்ப்பாணம், வவுனியா, மன்னார், முல்லைத்தீவு மற்றும் கிளிநொச்சி ஆகிய இடங்களில் கடந்த வெள்ளிக்கிழமை மாலை 6 மணிக்கு அமுல்செய்யப்பட்டு இன்று காலை 6 மணிக்கு நிறைவுக்கு வந்த கோவிட் 19 காவல்துறை ஊரடங்கு சட்டம் இன்று பிற்பகல் 2மணிக்கு மீண்டும் அமுல் செய்யப்பட்டிருந்தது.

இது எதிர்வரும் வெள்ளிக்கிழமை காலை 6 மணிக்கு தளர்த்தப்பட்டு மீண்டும் அதேதினத்தில் பகல் 12 மணிக்கு மீண்டும் அமுல்செய்யப்படும் என்று ஜனாதிபதி செயலகம் அறிவித்துள்ளது.

ஏனைய இடங்களில் தற்போது அமுலில் உள்ள ஊரடங்கு சட்டம் எதிர்வரும் வியாழக்கிழமை காலை 6மணிக்கு தளர்த்த்தப்படவுள்ளது.

புத்தாண்டை கொண்டாட எண்ண வேண்டாம் : மருத்துவர் அனில் ஜாசிங்க!!

எதிர்வரும் சித்திரை புத்தாண்டை கொண்டாட எண்ண வேண்டாம் என கேட்டுக்கொள்வதாக சுகாதார சேவைகள் பணிப்பாளர் மருத்துவர் அனில் ஜாசிங்க தெரிவித்துள்ளார். சிங்கள தொலைக்காட்சிக்கு வழங்கிய நேர்காணலில் அவர் இதனை கூறியுள்ளார்.

கொரோனா வைரஸ் பரவுவது முழுமையாக கட்டுப்படுத்தப்படாத நிலைமையில், புத்தாண்டை கொண்டாட தயாராக வேண்டாம் என தான் முழு நாட்டு மக்களிடமும் கோரிக்கை விடுப்பதாகவும் அவர் கூறியுள்ளார்.

பரவி வரும் வைரஸ் மேலும் சில மாதங்களுக்கு எந்த மட்டத்திலாவது நாட்டுக்குள் இருக்க முடியும் எனவும் அவர் சுட்டிக்காட்டியுள்ளார்.

இந்த நிலைமை தவிர்ப்பது மக்களின் மிகப் பெரிய பொறுப்பு எனவும் அரசாங்கம் வழங்கும் ஆலோசனைகளுக்கு அமைய தூர இடைவெளியை முடிந்தளவில் பேணுமாறும் அனில் ஜாசிங்க கோரிக்கை விடுத்துள்ளார்.

டொலருக்கு எதிராக வரலாறு காணாத வீழ்ச்சியை பதிவு செய்த இலங்கை ரூபா!!

வரலாற்றில் முதல் முறையாக அமெரிக்க டொலருக்கு எதிராக இலங்கை ரூபா பாரிய வீழ்ச்சியை பதிவு செய்துள்ளது. இலங்கை மத்திய வங்கி வெளியிட்ட நாணய மாற்று வீதத்திற்கமைய இந்த தகவல் வெளியாகியுள்ளது.

அதற்கமைய முதல் முறையாக அமெரிக்க டொலர் ஒன்றுக்கு நிகரான இலங்கை ரூபாவின் பெறுமதி 190 ரூபாவை கடந்துள்ளது. அதற்கமைய இன்றைய தினம் டொலர் ஒன்றின் விற்பனை விலை 190.61 ரூபாவாக பதிவாகியுள்ளது.

உலகளாவிய ரீதியில் கொரோனாவின் உக்கிரம் தாண்டவம் ஆடுகிறது. இதன் காரணமாக பொருளாதாரம் பாரிய வீழ்ச்சியை பதிவு செய்துள்ள. இதன் காரணமாக இலங்கை ரூபாவின் பெறுமதி திடீரென வீழ்ச்சி கண்டுள்ளமை குறிப்பிடத்தக்கது.

கொரோனாவை தொடர்ந்து புதிய ஹண்டா வைரஸ் : சீனாவில் ஒருவர் பலி : அதிர்ச்சியில் மக்கள்!!

கடந்த ஆண்டு, சிலி மற்றும் அர்ஜெண்டினா போன்ற நாடுகளில் எலியின் மூலம் பரவும் புதிய ஹண்டா வைரஸின் தா க்கம் அதிகரித்து வருவதாக செய்திகள் வெளியானது. இந்த வைரஸ் தாக்குதலில் சிலியில் 10க்கும் மேற்பட்டோர் பலியானதாகவும் கூறப்பட்டது.

ஆனால், கடந்த ஆண்டு இறுதியில் சீனாவில் இருந்து பரவிய கொரோனா வைரஸ் தா க்கம், மற்ற வைரஸ் தொ டர்பான நோய்களை பின்னுக்கு தள்ளியது. இந்த நிலையில், தற்போது சீனாவில், ஹண்டா வைரஸ் பரவி வருகிறது. இது அந்நாட்டு மக்களிடையே பீதியை ஏற்படுத்தி உள்ளது.

இந்த வைரஸ் குறித்து கூறியுள்ள மருத்துவர்கள், எலியில் இருந்து மனிதர்களுக்கு பரவும் இந்த வைரஸ் தாக்குதலுக்கு விவசாயிகளே அதிகளவில் பாதிக்கப்படுவார்கள் என்றும் ஹண்டா வைரஸ் தாக்குதல் உடலில் ஏற்பட்டால், பாதிக்கப்பட்ட நபர்களுக்கு காய்ச்சல் வறட்டு இருமல், தலைவலி ஏற்படும் பின் சுவாசக் கோளாறு இரத்தப் போக்கு ஏறபட்டும், இதையடுத்து, உடலில் உள்ள ஒவ்வொரு உறுப்பாக செயலி ழந்து மரணம் ஏற்படும் என்று தெரிவித்துள்ளனர்.

கொ ரோனா இப்போதுதான் சீனாவில் இருந்து விடைபெற்று சென்றுள்ள நிலையில், அங்குள்ள மக்கள் ஒருசில நாட்கள்தான் சுதந்திரக்காற்றை சுவாசித்து வரும் நிலையில், தற்போது ஹண்டா வைரஸ் பரவி வருவது மக்களிடையே அதிர்ச் சியை ஏற்படுத்தி உள்ளது.

கொரோனாவை தொடர்ந்து சீனாவில் புதிய ஹண்டா வைரஸ். இது மனிதனிடம் இருந்து மற்றொரு மனிதனுக்கு பரவாது என்பது சற்று ஆறுதலான விஷயம்.

சீனா கொரோனா வைரஸில் இருந்து மீண்டு வந்து கொண்டிருக்கும் நிலையில் தற்போது ஒருவர் ஹண்டா வைரஸ் தாக்கப்பட்டு உயிரிழந்துள்ளார்.

உலகையே அச்சுறுத்தி வரும் கொரோனா வைரஸால் மொத்த உலகமுமே சோகத்தில் மூழ்கி இருக்கிறது. உலகம் முழுவதும் 400000 வரை மக்கள் பா திக்க ப்பட்டுள்ளனர்.

இது சீனாவில் மேலும் தலைவலியை உண்டாக்கியுள்ளது. அவர் பேருந்தில் வந்துகொண்டிருக்கும் பொழுது உயிரழந்ததால் வந்த பேருந்தில் இருந்த மற்றவர்களுக்கும் மருத்துவப் பரிசோ தனை செ ய்யப்பட்டது. எலிகளில் இருந்து மனிதனுக்கு பரவக்கூடியது இந்த வைரஸ். இந்த வைரஸ் தற்பொழுது பிரான்சிலும் பரவியுள்ளதாக கூறப்படுகிறது.

Hantavirus Symptoms : ஹண்டா வைரஸ் அறிகுறிகள் மற்றும் பரவும் விதம்

எலிகளை தாக்கும் இந்த வைரஸ் பிற விலங்குகளை தா க்காது. மனிதர்களை மட்டும் தாக்கும் தன்மை உடையது. இதன் அறிகுறி தலைவலி, கா ய்ச்சல், வயிற்று போக்கு மட்டும் வாந்தி ஆகியவை.

இதில் ஒரு நல்ல விஷயம் என்னவென்றால் ஹாண்டா வைரஸ் ஒருவரிடம் இருந்து மற்றொரு வருக்கு பரவாது. இருந்தாலும் சீனாவுக்கு இது இன்னொரு தலைவலியாக உள்ளது.

நுண்ணுயிர் அழிப்பு மருந்து தெளிக்க நவீனமயப்படுத்தப்பட்ட உலங்கு வானூர்திகள்!!

வைரஸ் கிருமி தொற்றை அழிக்கும் அதிகளவான நுண்ணுயிர் அழிப்பு மருந்து தேவைப்படும் பிரதேசங்களில் அவற்றை தெளிப்பதற்காக விமானப் படையினரின் உலங்குவானூர்திகள் பயன்படுத்தப்படவுள்ளன.

இதற்காக கட்டுநாயக்க விமானப் படை முகாமின் பொறியியல் பிரிவினர் சில உலங்குவானூர்திகளை நவீனமயப்படுத்தியுள்ளனர்.

விமானப்படை தளபதி எயார் மார்ஷல் சுமங்கள டயஸின் ஆலோசனைக்கு அமைய இந்த நடவடிக்கை எடுக்கப்பட்டுள்ளது.

இதனடிப்படையில் பெல் 212, பெல் 412 மற்றும் எம்.ஐ.17 ஆகிய உலங்குவானூர்திகள் நவீனமயப்படுத்தப்பட்டுள்ளதுடன் அவற்றில் நுண்ணுயிர் அழிப்பு மருந்து தெளிக்கும் கருவிகளும் பொருத்தப்பட்டுள்ளன.

தேவையான நேரத்தில் பயன்படுத்தும் வகையில் நவீனமயப்படுத்தப்பட்டுள்ள இந்த உலங்குவானூர்திகளை விமானப்படை தளபதி அண்மையில் மேற்பார்வையிட்டுள்ளார்.

இத்தாலியில் 8 இலங்கையர்களுக்கு கொரோனா தொற்று : 50 பேர் தீவிர கண்காணிப்பில்!!

இத்தாலியில் வாழும் 8 இலங்கையர்களுக்கு கொரோனா தொற்று ஏற்பட்டுள்ளதாக வெளிவிவகார அமைச்சு தெரிவித்துள்ளது.

அவர்கள் தற்போது வைத்தியசாலையில் அனுமதிக்கப்பட்டு சிகிச்சை பெற்று வருவதாக குறிப்பிடப்பட்டுள்ளது.

அத்துடன் கொரோனா தொற்றியுள்ளதாக சந்தேகிக்கப்படும் 50 இலங்கையர்கள், இத்தாலி சுகாதார அதிகாரிகளினால் கண்காணிக்கப்பட்டு வருகின்றனர்.

இதேவேளை இத்தாலியில் கொரோனா வைரஸினால் இறக்கும் வீதம் கீழ் மட்டத்தை நோக்கி நகர்வதாக தெரிவிக்கப்பட்டுள்ளது. நேற்று முன்தினம் 800 பேர் உயிரிழந்துள்ள நிலையில், கடந்த 24 மணித்தியாலத்தில் 602 உயிரிழப்புக்கள் பதிவாகி உள்ளன.

விரைவில் உயிரிழப்பு வீதம் பூஜ்ஜியத்தை எட்ட வேண்டும் என்பது உலக மக்களின் பிரார்த்தனையாக உள்ளது. கொரோனா வைரஸ் பரவல் காரணமாக இத்தாலியில் இதுவரை ஆறாயிரத்து 77 பேர் உயிரிழந்துள்ளமை குறிப்பிடத்தக்கது.

வவுனியா நகரசபையினர் கொரோனா வைரஸ் தாக்கத்திலிருந்து மக்களை காப்பாற்ற அதிரடி நடவடிக்கை!!

இலங்கையில் கொரோனா வைரஸ் காரணமாக பாதிக்கப்பட்டவர்களின் எண்ணிக்கை 100 ஆக அதிகரித்துள்ள நிலையில் கொரோனா வைரஸ் பரவாமல் தடுக்கும் பொருட்டு வவுனியா நகரசபையினரினால் இன்று (24.03.2020) மதியம் விசேட நடவடிக்கை மேற்கொள்ளப்பட்டது.

8க்கு மேற்பட்ட நகரசபை சுகாதார ஊழியர்கள் வவுனியா பழைய பேரூந்து நிலையத்தில் உள்ள வர்த்தக நிலையங்கள், தரைகள், பயணிகள் நிற்கும் இடங்கள் போன்றவற்றை கிருமிநீக்கி மூலம் சுத்தப்படுத்தும் நடவடிக்கை முன்னெடுக்கப்பட்டது.

வவுனியா நகரசபை தலைவர் இ.கௌதமன் தலைமையில் ஆரம்பித்து வைக்கப்பட்ட இச் செயற்றிட்டத்தில் நகரசபை செயலாளர் ஆர்.தயாபரன் , நகரசபை உறுப்பினர்களான க.சந்திரகுலசிங்கம், ரி.கேஇராஜலிங்கம் ஆகியோர் கலந்து கொண்டு மேற்பார்வை செய்தனர்.

கொரோனா வைரஸ் என சந்தேகிக்கப்பட்ட 311 இலங்கையர் தொடர்பில் வெளியான தகவல்!!

இலங்கையில் கொரோனா வைரஸை கட்டுப்படுத்தும் நோக்கில் அமைக்கப்பட்டுள்ள தனிமைப்படுத்தல் நிலையங்களிலிருந்து 311 பேர் வீடு திரும்பியுள்ளனர்.

பொலநறுவை கந்தக்காடு தனிமைப்படுத்தும் முகாமில் இருந்து 108 பேருக்கும், மட்டக்களப்பு புணானி தனிமைப்படுத்தல் முகாமில் இருந்து 203 பேருக்கும் கொரோனா தொற்று இல்லை என உறுதி செய்யப்பட்டுள்ளது.

குறித்து 311 பேரும் இன்று பாதுகாப்பாக தமது வீடுகளுக்கு அனுப்பி வைக்கப்பட்டுள்ளதாக இராணுவ பேச்சாளர் தெரிவித்துள்ளார்.

கொழும்பு, கண்டி, மாத்தறை, காலி ஆகிய மாவடங்களை சேர்ந்தவர்கள் இன்று எட்டு பேருந்துகளில் அவர்களின் வீடுகளுக்கு அனுப்பி வைக்கப்பட்டுள்ளனர்.

மேலும் மூவாயிரத்திற்கும் அதிகமானனோர்கள் தனிமைப்படுத்தும் நிலையங்களில் தொடர்ந்தும் தங்க வைக்கப்பட்டு தீவிர மருத்துவ கண்காணிப்பு உட்படுத்தப்பட்டு வருகின்றனர். இவர்கள் இத்தாலி உட்பட பல நாடுகளிலிருந்து நாடு திரும்பியவர்கள் என்பது குறிப்பிடத்தக்கது.

கொரோனா சந்தேகத்தில் யாழ்.வைத்தியசாலையில் அனுமதிக்கப்பட்ட 6 மாத குழந்தை!!

யாழ்.போதனா வைத்தியசாலையில் நேற்றைய தினம் கொரோனா தொற்று ஏற்பட்டிருக்கலாம் என்ற சந்தேகத்தில் அனுமதிக்கப்பட்ட குழந்தைக்கு எந்தவிதமான கொரோனா தொற்றும் இல்லையென்பதை யாழ்ப்பாண போதனா வைத்தியசாலை உறுதிப்படுத்தியுள்ளது.

மன்னாரிலிருந்து 6 மாத குழந்தையொன்று கொரோனா தொற்று ஏற்பட்டிருக்கலாம் என்ற சந்தேகத்தின் அடிப்படையில் நேற்றைய தினம் யாழ்ப்பாண போதனா வைத்தியசாலையில் சிகிச்சைக்காக அனுப்பப்பட்டிருந்தது.

எனினும் அந்த குழந்தைக்கு எந்தவிதமான கொரோனா தொற்றும் இல்லையென்பது உறுதிப்படுத்தப்பட்டுள்ளது.

குறித்த குழந்தையானது இன்றைய தினம் வீடு செல்ல அனுமதிக்கப்படுமெனவும் போதனா வைத்தியசாலையின் பணிப்பாளர் சத்தியமூர்த்தி தெரிவித்தார்.

இக்குழந்தையானது மன்னாரில் இடம்பெற்ற நிகழ்வொன்றில் கலந்து கொண்டதன் காரணமாக சந்தேகத்தின் அடிப்படையில் யாழ்ப்பாண போதனா வைத்தியசாலைக்கு அனுப்பப்பட்டதே தவிர அந்த குழந்தைக்கு கொரோனா தொடர்பான எந்தவித அறிகுறியும் இல்லை என வைத்தியர் சத்தியமூர்த்தி தெரிவித்துள்ளார் .