வவுனியாவில் மீன் டின் கொள்வனவுக்கு வரிசையில் நிற்கும் பொதுமக்கள்!!

வரிசையில் நிற்கும் பொதுமக்கள்..

ஒரு கிலோ கிராம் பருப்பு 65 ரூபாய்க்கும் மீன் டின் 100 ரூபாவுக்கும் விற்பனை செய்யப்பட வேண்டும் என ஜனாதிபதி கோட்டாபய ராஜபக்ஷ வெளியிட்ட விசேட அறிவிப்பினையடுத்து நாடளாவிய ரீதியில் பொதுமக்களின் கொள்வனவு அதிகரித்துள்ளது.

அதனையடுத்து வவுனியாவில் அமைந்துள்ள பெரும்பாலான வர்த்தக நிலையங்களில் பொதுமக்கள் வரிசையில் நின்று மீன் டின் கொள்வனவில் ஈடுபட்டு வருகின்றனர்.

மேலும் சில வர்த்தக நிலையங்களில் மீன் டின் இருப்பு நிறைவடைந்துள்ளதாக தெரிவிக்கப்படுகின்ற நிலையில் வவுனியா பாவனையாளர் அலுவல்கள் அதிகார சபையினர் திடீர் சோ தனை நடவடிக்கைகளை மேற்கொண்டு வருவதுடன் மொத்த வியாபார நிலையங்களுக்கு சென்று சில்லறை வியாபாரிகளுக்கு பொருட்களை விநியோகம் செய்யுமாறும் பணிப்புரை விடுக்கப்படுகின்றது.

எங்கெங்கெல்லாம் கொரோனா வைரஸ் உயிர்வாழும் : ஆராய்ச்சித் தகவல் : அவசியம் படியுங்கள்!!

கொரோனா வைரஸ்

கொரோனா வைரஸ் பிளாஸ்டிக் அல்லது துருப்பிடிக்காத உலோகத்தில் மூன்று நாட்கள் செயலுருவில் இருக்கும் என ஆய்வுகள் மூலம் தெரிய வந்துள்ளது.

செப்பு அடுக்குகளில் நான்கு மணித்தியாலங்களும் காட்போர்ட் அடுக்குகளில் 24 மணித்தியாலங்களும் இந்த வைரஸ் நீடிக்க முடியும் என New England மருத்துவ சஞ்சியை தகவல் வெளியிட்டுள்ளது.

இது சிறிய காற்று துகள்கள் அல்லது வாயு துள்களில் 3 மணி நேரம் செயலில் இருக்கும் என்று கூறப்படுகிறது. சுத்திகரிக்கப்படாத உலோகம், கண்ணாடி அல்லது பிளாஸ்டிக் ஆகியவற்றில் COVID 19 வைரஸ் ஒன்பது நாட்கள் இருக்கக்கூடும் என்று ஆராய்ச்சியாளர்கள் முன்பு கூறியிருந்தனர்.

இந்நிலையில், கொரோனா வைரஸ் தடுப்பூசியை தயாரிக்கும் பணிகள் இலையுதிர் காலத்தில் நிறைவடையும் என்று எதிர்பார்க்கப்படுவதாக ஐரோப்பிய ஒன்றியத்தின் தலைவர் Ursula von der Leyen கூறியுள்ளார்.

அந்த தடுப்பூசியை தயாரிப்பதற்காக ஜேர்மன் ஆய்வு நிறுவனத்திற்கு 80 மில்லியன் யூரோவை வழங்குவதற்கு ஐரோப்பிய ஒன்றியம் நடவடிக்கை எடுத்துள்ளது.

இந்த தடுப்பூசியை தயாரிப்பதற்கான பூரண உரிமை மற்றும் கொள்வனவு செய்வதற்கான உரிமையை வேறு எவருக்கும் வழங்குவதில்லையென ஜேர்மன் வெளிவிவகார அமைச்சர் Heiko Maas தெரிவித்துள்ளார்.

அமெரிக்க ஜனாதிபதி டொனால்ட் ட்ரம்ப், தடுப்பூசியை தயாரிக்கும் பணியில் ஈடுபட்டுள்ள ஜேர்மன் ஆய்வு நிறுவனத்திடம் இருந்து அதனை கொள்வனவு செய்வதற்கு தயாராவதாக தகவல்கள் வெளியான பின்புலத்திலேயே ஜேர்மன் வெளிவிகார அமைச்சர் இதனைக் கூறியுள்ளார்.

அனைவரும் இணைந்து இந்த வைரஸை தோற்றகடிக்க வேண்டும் என்பதனால், இந்த தடுப்பூசியின் பிரதிபலனை வறிய நாடுகள் உள்ளிட்ட உலகின் அனைத்து மக்களுக்கும் வழங்குவதே தமது நோக்கம் என ஜேர்மன் தெரிவித்துள்ளது.

ஆசியாவில் கொரோனா வைரஸ் காரணமாக இதுவரை 3 ஆயிரத்து 384 பேர் உ யிரிழந்துள்ளனர். ஆனால் ஐரோப்பாவில் கொரோனா வைரஸ் காரணமாகா உ யிரிழந்தோர் எண்ணிக்கை 3 ஆயிரத்து 421 ஆக அதிகரித்துள்ளது.

உலகம் முழுவதும் வேகமாக பரவி வரும் கொரோனா வைரஸ் தாக்கத்தினால் இன்று மாலை நிலவரப்படி 8 ஆயிரத்து 272 பேர் உ யிரிழந்துள்ளனர். மேலும், 2 லட்சத்து 5 ஆயிரத்து 598 பேரை இந்த கொடிய வைரஸ் பாதித்துள்ளது.

யாழில் இளம் யுவதி பரிதாபமாக உ யிரிழப்பு!!

யாழில்..

யாழில் கிணற்றில் இருந்து நீர் எடுத்துக் கொண்டிருந்த இளம் யுவதியொருவர் பரிதாபமாக உ யிரிழந்துள்ளார். குறித்த சம்பவம் நேற்று மாலை செம்மணி வீதியின் நல்லூரடி பகுதியில் இடம்பெற்றுள்ளது.

யுவதி வீட்டிலுள்ள கிணற்றிலிருந்து நீர் எடுத்துக் கொண்டிருந்த போது வாளியின் கயிறு காலில் சிக்குண்டத்தில் அவர் கிணற்றுக்குள் விழுந்துள்ளதாக தெரியவருகிறது.

இதன்போது அயலவர்கள் யு வதியின் ச த்தத்தை கேட்டு அவரை கிணற்றுக்குள் இருந்து மீட்டு யாழ். போதனா வைத்தியசாலையில் அனுமதித்துள்ளனர். என்ற போதும் அவர் ஏற்கனவே இ றந்துவிட்டதாக வைத்தியசாலை தரப்பு தகவல்கள் தெரிவித்துள்ளன.

யுவதியின் இறப்பு தொடர்பான விசாரணைகளை வைத்தியசாலையின் திடீர் மரண விசாரணை அதிகாரி மேற்கொண்டுள்ளார். மேலும் சம்பவத்தில் மதுரகுமார் கஸ்தூரி என்ற 25 வயது யுவதியே உ யிரிழந்துள்ளமை குறிப்பிடத்தக்கது.

இலங்கை உட்பட அனைத்து நாடுகளுக்கு எச்சரிக்கை விடுத்த உலக சுகாதார அமைப்பு!!

உலக சுகாதார அமைப்பு

இலங்கை உட்பட அனைத்து நாடுகளும் கொரோனா வைரஸ் கட்டுப்படுத்த பல்வேறு நடவடிக்கைகள் மேற்கொள்ளப்பட்ட போதிலும் அவை போதுமானதா என்பது தொடர்பில் தெளிவில்லாத நிலைமை ஏற்பட்டுள்ளதாக உலக சுகாதார அமைப்பு குறிப்பிட்டுள்ளது.

மலேசியா, இலங்கை மற்றும் பிலிப்பைன்ஸ் நாடுகளுக்கு வருபவர்களை கட்டுப்படுத்த மேலும் நடவடிக்கை எடுக்க வேண்டும் என வலியுறுத்தப்பட்டுள்ளது.

தெற்காசிய எல்லையில் மேலும் கொரோனா தொற்றுக்குள்ளான நோயாளிகளின் எண்ணிக்கை 500க்கு குறைவாக உள்ள போதிலும், அது அதிகரித்தால் முகங் கொடுக்க முடியாத நிலைமை ஏற்படும் என எச்சரிக்கப்பட்டுள்ளது.

உலகம் முழுவதும் இதுவரையில் 185000க்கும் அதிகமான கொரோனா நோயாளர்கள் பதிவாகியுள்ள நிலையில் எட்டாயிரத்திற்கும் அதிகமான ம ரணங்கள் பதிவாகியுள்ளன.

இந்நிலையில் இலங்கை, இந்தோனேஷியா, தாய்லாந்து, பங்களாதேஷ் மற்றும் வடகொரியா போன்ற நாடுகள் தீவிர கண்காணிப்பில் இருக்க வேண்டும் என உலக சுகாதார அமைப்பு தெரிவித்துள்ளது.

பொலிஸாரால் தேடப்பட்டு வந்த வெளிநாட்டவர் விடுதியொன்றில் வைத்து சிக்கினார்!!

வெளிநாட்டவர்

பிரான்சில் இருந்து இலங்கை வந்து கொரோனா தனிமைப்படுத்தலுக்கு உட்படாது விடுதியில் தங்கிருந்த பிரான்ஸ் பிரஜையை பொலிஸார் இன்று கைது செய்துள்ளனர்.

இந்த நபரின் புகைப்படம் ஊடகங்களில் வெளியிடப்பட்டதை அடுத்து பொது மக்களின் உதவியுடன் பொலிஸார் அவரை கைது செய்துள்ளனர்.

கைது செய்யப்பட்ட நபர் தனிமைப்படுத்தலுக்காக தனிமைப்படுத்தல் நிலையத்திற்கு அனுப்பி வைக்கப்பட்டுள்ளதாக பொலிஸார் தெரிவித்துள்ளனர்.

முல்லைத்தீவில் 42 பேர் சுய தனிமைப்படுத்தலுக்கு உட்படுத்தப்பட்டுள்ளனர்!!

முல்லைத்தீவில்..

முல்லைத்தீவு மாவட்டத்தை பொறுத்தவரையில் இதுவரையில் எந்தவொரு கொரோனா வைரஸ் தொற்று நோயாளிகளும் அடையாளம் காணப்படவில்லை என முல்லைத்தீவு பிராந்திய சுகாதார சேவைகள் பணிப்பாளர் வைத்தியர் எஸ்.சுகந்தன் தெரிவித்துள்ளார்.

இன்றையதினம் முல்லைத்தீவு மாவட்ட செயலகத்தில் இடம்பெற்ற கொரோனா பா துகாப்பு தொடர்பான விசேட கலந்துரையாடலின் இறுதியில் இடம்பெற்ற ஊடகவியலாளர் சந்திப்பிலேயே அவர் இந்த விடயத்தை குறிப்பிட்டுள்ளார். தொடர்ந்து கருத்து வெளியிட்ட அவர்,

கொரோனா நோய்த்தொற்று சம்பந்தமான விழிப்புணர்வு நடவடிக்கைகள் முல்லைத்தீவு மாவட்டத்தில் எம்மால் முன்னெடுக்கப்பட்டு வருகின்றன.

மாகாண மட்டத்திலும், முல்லைத்தீவு பிராந்திய சுகாதார சேவைகள் பிரிவிலும் கொரோனா விழிப்புணர்வு கூட்டங்கள் ஏற்கனவே இடம்பெற்றிருந்த நிலையில் இன்றைய தினம் மாவட்ட மட்டத்தில் அனைத்து தரப்பினரையும் இணைத்து இந்த கொரோனா தடுப்பு விழிப்புணர்வு விசேட கூட்டத்தை நடத்தி விழிப்புணர்வு வேலைத்திட்டங்களை தொடர்ந்தும் முன்னெடுக்க தீர்மானித்துள்ளோம்.

முல்லைத்தீவு மாவட்டத்தை பொறுத்தவரையில் இதுவரையில் எந்தவொரு கொரோனா தொற்று நோயாளிகளும் அடையாளம் காணப்படவில்லை.

ஆனால் நோய் தொற்றுக்கு உள்ளாகியிருக்கலாம் என சந்தேகிக்கப்படுபவர்கள் 3 பேர் யாழ். போதனா வைத்தியசாலைக்கு முல்லைத்தீவிலிருந்து அனுப்பிவைக்கப்பட்டார்கள். அவர்களுக்கும் கொரோனா தொற்றுக்கள் எவையும் இல்லை என உறுதிப்படுத்தப்பட்டிருக்கின்றது.

மார்ச் மாதம் முதலாம் திகதிக்கு பின்னர் வெளிநாடுகளிலிருந்து முல்லைத்தீவு பகுதிக்கு வருகைதந்த 42 பேர் சுய தனிமைப்படுத்தலுக்கு உட்படுத்தி தொடர்ச்சியாக கண்காணித்து வருகின்றோம்.

நோய் நிலைமைகள் இருப்பதாக சந்தேகம் கொள்பவர்கள் ஆரம்பகட்ட பரிசோதனைக்காக முல்லைத்தீவு மாவட்ட பொதுவைத்தியசாலைக்கு வர முடியும். எமது வெளிகள சுகாதார அதிகாரிகள் மிகவும் தீவிரமாக கண்காணிப்பு நடவடிக்கைகளில் ஈடுபட்டு வருகின்றார்கள்.

கொரோனா நோய் நிலைமை சம்பந்தமாக தேவையான வளங்களையும் , தேவையான உபகரணங்களையும் , தேவையான ஆளணிகளையும் கேட்டு வேண்டுகோள் விடுத்துள்ளோம்.

கொரோனா நோய் நிலைமைகளால் ஏற்படக்கூடிய பிரச்சினைகளை சமாளிப்பதற்குரிய அனைத்து நடவடிக்கைகளையும் சுகாதார திணைக்களம் மேற்கொண்டு வருகின்றது. மக்களுக்கான விழிப்புணர்வு துண்டுப்பிரசுரம் வழங்கல், ஒலிபெருக்கி மூலமான அறிவித்தல்களையும் மேற்கொண்டு வருகின்றோம்.

எனவே மக்கள் இந்த நோய் முல்லைத்தீவு மாவட்டத்தில் பரவாமலிருக்க சுகாதார திணைக்களத்தால் வழங்கப்பட்டுள்ள அறிவுறுத்தல்களை பின்பற்றி பூரண ஒத்துழைப்பை வழங்குமாறும் கேட்டு கொள்கின்றேன் என குறிப்பிட்டுள்ளார்.

கொரோனா வைரஸ் இலகுவாக தாக்கும் இரத்தவகை இதுதான் : ஆய்வில் தகவல்!!

கொரோனா வைரஸ்

சீனாவில் கொரோனா பாதித்தவர்களை வைத்து வுகானில் இருக்கும் ஷோங்னான் மருத்துவமனை நிர்வாகம் முக்கியமான ஆராய்ச்சியைச் செய்துள்ளது.

கொரோனா பாதித்த 2500 பேரை கொண்டு மருத்துவர்கள் ஆராய்ச்சி செய்துள்ளனர். அவர்களின் உணவு பழக்கம், பணிகள், அன்றாட செயல்கள், ரத்த மாதிரி, முந்தைய நோய் தாக்கம் என்று பல வி‌ஷயங்களை எடுத்துக்கொண்டு ஆராய்ச்சி செய்துள்ளனர்.

இந்த நிலையில் இதில் ஒரு புதிய தகவல் வெளியாகி உள்ளது. அதன்படி கொரோனா பாதித்த 2500 பேரில் 65 சதவீதம் பேர் ‘A’ இரத்த வகையை சேர்ந்தவர்கள் என்று கண்டறியப்பட்டுள்ளது.

அதாவது ‘A’ பொசிட்டிவ், ‘A’ நெகட்டிவ், ‘AB’ பொசிட் டிவ், ‘AB’ நெகட்டிவ் ஆகிய இரத்த மாதிரிகளை கொண்டவர்களைத்தான் இந்த வைரஸ் எளிதாக பாதித்துள்ளது.

இன்னொரு பக்கம் ‘O’ பொசிட்டிவ் மற்றும் ‘O’ நெகட்டிவ் வகை இரத்தம் கொண்டவர்களுக்கு குறைவாக பாதித்துள்ளது.

‘O’ வகை ரத்தம் கொண்டவர்களை இந்த வைரஸ் தாக்காது என்றெல்லாம் சொல்லவில்லை. அவர்களுக்கு தாக்கம் குறைவாக ஏற்படுகிறது.

ஆனால் ‘A’ வகை இரத்தம் கொண்டவர்கள் மிக எளிதாக வைரஸ் தாகத்திற்கு உள்ளாகிறார்கள். இவர்கள் அதிக கவனமாக இருக்க வேண்டும் என்று மருத்துவர்கள் தெரிவித்துள்ளனர்.

இதற்கு முன் இதேபோல் சார்ஸ் நோய் வந்த போதும் அந்த வைரஸ் அதிகமாக ‘A’ வகை இரத்தம் கொண்டவர்களைத்தான் பாதித்தது. அதுவும் கொரோனா குடும்பத்தை சேர்ந்த வைரஸ் தான்.

எனவே ‘A’ ரத்த வகை கொண்டவர்கள் கூடுதல் கவனத்துடன் இருக்க வேண்டும் என்று கூறப்பட்டுள்ளது. இருப்பினும் ஏனையோரும் அதிக சுத்தத்துடனும் கவனமுடனும் இருக்க வேண்டும் எனவும் தெரிவிக்கப்பட்டுள்ளது.

வவுனியா மாவட்ட செயலகத்தில் தமிழ் மக்கள் தேசிய கூட்டணி வேட்புமனுத் தாக்கல்!!

தமிழ் மக்கள் தேசிய கூட்டணி

எதிர்வரும் ஏப்ரல் மாதம் நடைபெறவுள்ள பாராளுமன்ற தேர்தலில் வவுனியா, மன்னார், முல்லைத்தீவு ஆகிய மாவட்டங்களை உள்ளடக்கிய வன்னி தேர்தல் தொகுதியில் போட்டியிடுவதற்காக,

தமிழ் மக்கள் தேசிய கூட்டணி வவுனியா மாவட்ட செயலகத்தில் இன்று வேட்பு மனுவினை தாக்கல் செய்திருந்தது. இதன் போது தமிழ் மக்கள் தேசிய கூட்டணியின் முதன்மை வேட்பாளரான முன்னாள் பாராளுமன்ற உறுப்பினர் சிவசக்தி ஆனந்தன்

தலைமையிலான ஏனைய வேட்பாளர்கள வவுனியா மாவட்ட செயலகத்திற்கு வருகை தந்து வேட்பு மனுவினை தாக்கல் செய்திருந்தனர்.

வவுனியா மாவட்ட செயலகத்தில் தமிழ் தேசியக் கூட்டமைப்பு வேட்புமனுத் தாக்கல்!!

தமிழ் தேசியக் கூட்டமைப்பு

எதிர்வரும் ஏப்ரல் மாதம் நடைபெறவுள்ள பாராளுமன்ற தேர்தலில் வவுனியா, மன்னார், முல்லைத்தீவு ஆகிய மாவட்டங்களை உள்ளடக்கிய வன்னி தேர்தல் தொகுதியில் போட்டியிடுவதற்காக தமிழ் தேசியக் கூட்டமைப்பு வவுனியா மாவட்ட செயலகத்தில் இன்று (18.03.2020) வேட்பு மனுவினை தாக்கல் செய்திருந்தது.

இதன் போது தமிழ் தேசியக் கூட்டமைப்பு முதன்மை வேட்பாளரான முன்னாள் பாராளுமன்ற உறுப்பினர் செல்வம் அடைக்கலநாதன் தலைமையிலான ஏனைய வேட்பாளர்கள வவுனியா மாவட்ட செயலகத்திற்கு வருகை தந்து வேட்பு மனுவினை தாக்கல் செய்திருந்தனர்.

வன்னித் தேர்தல் தொகுதியில் செல்வம் அடைக்கலநாதன், சாள்ஸ் நிர்மலநாதன், சி.சிவமோகன், சாந்தி சிறிஸ்கந்தராஜா, வினோநோகராதலிங்கம், ப.சத்தியலிங்கம், ஜி.ரி.லிங்கநாதன், க.சிவலிங்கம், செ.மயூரன் ஆகியோர் போட்டியிடவுள்ளனர்.

வவுனியா மாவட்ட பொது வைத்தியசாலையில் கொரோனா வைரஸ் பரவாமல் விசேட நடவடிக்கை!!

விசேட நடவடிக்கை

இலங்கையில் கொரோனா வைரஸ் காரணமாக பாதிக்கப்பட்டவர்களின் எண்ணிக்கை 51 ஆக அதிகரித்துள்ள நிலையில் கொரோனா வைரஸ் பரவமால் தடுக்கும் பொருட்டு வவுனியா மாவட்ட பொது வைத்தியசாலையில் இன்று (18.03.2020) காலை தொடக்கம் விசேட நடவடிக்கைகள் முன்னெடுக்கப்பட்டுள்ளன.

நோயாளிகள் அமரும் கதிரைகள், தரை, மருந்து பெறும் இடம், வெளிநோயாளர் பிரிவு, நோயாளர் விடுதிகள், மலசலகூடம் போன்றவற்றை கிருமிநீக்கி மூலம் சுத்தப்படுத்தப்பட்டது. இன் நடவடிக்கை காலை, மாலை, இரவு என மூன்று வேளையும் தொடருமென வைத்தியசாலை நிர்வாகத்தினர் தெரிவித்தனர்.

இதைவேளை வவுனியா மாவட்ட பொது வைத்தியசாலையில் கொரோனா வைரஸ் சிகிச்சை பிரிவு இன்று (18.03.2020) காலை 9.30 மணியளவில் வைத்தியசாலையின் பணிப்பாளர் கே.நந்தகுமாரன் தலைமையில் திறந்து வைக்கப்பட்டதுடன்,

சிகிச்சைப் பிரிவில் 24 மணி நேரமும் கடமையாற்றக்கூடிய வகையில் வைத்தியர்கள், தாதியர்கள் மற்றும் ஊழியர்களையும் நியமிக்கப்பட்டுள்ளமை குறிப்பிடத்தக்கது.

வவுனியா சதொச விற்பனை நிலையில் பொருட்கள் பதுக்கல் அதிரடியாக முறியடிப்பு!!

தொச விற்பனை நிலையில்..

வவுனியா நகரினை அண்மித்துள்ள சதொச விற்பனை நிலையத்தில் அத்தியாவசிய பொருட்கள் சில பதுக்கல் மேற்கொண்டமையினையடுத்து பாவனையாளர் அலுவல்கள் அதிகார சபையினரால் முறியடிக்கப்பட்டது.

ஒரு கிலோ கிராம் 65 ரூபாய்க்கு மீன் டின் 100 ரூபாவுக்கு இன்று (18.03) அதிகாலை 12.00 மணிமுதல் விற்பனை செய்யப்பட வேண்டும் என ஜனாதிபதி கோட்டாபய ராஜபக்ஷ வெளியிட்ட விசேட அறிவிப்பினையடுத்து நாடளாவிய ரீதியில் பொதுமக்களின் கொள்வனவு அதிகரித்துள்ளது.

அந்த வகையில் வவுனியா நகரினை அண்மித்துள்ள சதொச விற்னை நிலையத்தில் காசாளர் மேசையின் கீழ்பகுதியில் மீன் டின் இருந்த போதிலும் மீன் டின் முடிவடைந்துவுள்ளதாக தெரிவிக்கப்பட்டது.

இதனையடுத்து வவுனியா மாவட்ட செயலகத்தில் அமைந்துள்ள பாவனையாளர் அலுவல்கள் அதிகார சபையினருக்கு பொதுமகனொருவர் தகவல் வழங்கியதினையடுத்து சதொச விற்பனை நிலையத்திற்கு விரைந்த பாவனையாளர் அலுவல்கள் அதிகார சபையினர் பரிசோதனை நடவடிக்கையில் ஈடுபட்டிருந்தனர்.

இதன் போது களஞ்சிய அறையிலிருந்து ஒரு பெட்டி மீன் டின் கைப்பற்றியதுடன் காசாளர் மேசையின் கீழ் பகுதியில் இருந்த மீன் டின்களும் கைப்பற்றப்பட்டன.

கைப்பற்றப்பட்ட மீன்டின்களை மக்களுக்கு விற்பனை செய்யுமாறு பாவனையாளர் அலுவல்கள் அதிகார சபையினர் சதொச உத்தியோகத்தர்களுக்கு உத்தரவு பிறப்பித்தமையினையடுத்து பொது மக்களுக்கு மீன் டின் வழங்கப்பட்டது.

எனினும் பதுக்கல் நடவடிக்கையினை மேற்கொண்ட சதொச உத்தியோகத்தர்கள் மீது பாவனையாளர் அலுவல்கள் அதிகார சபையினர் எவ்வித சட்ட நடவடிக்கையும் மேற்கொள்ளவில்லை என்பது குறிப்பிடத்தக்கது.

இலங்கையின் சில பகுதிகளில் பொலிஸ் ஊரடங்குச் சட்டம்!!

ஊரடங்குச் சட்டம்

இலங்கையின் சில பகுதிகளில் இன்று மாலை ஊரடங்கு சட்டம் அமுல்படுத்தப்படவுள்ளதாக அறிவிக்கப்பட்டுள்ளது.

புத்தளம் மாவட்டத்தின் பல இடங்களிலும், நீர்கொழும்பு கொச்சிக்கடையிலும் இன்று 4.30 முதல் மறு அறிவித்தல்வரையில் பொலிஸ் ஊரடங்குசட்டம் அமுல்படுத்தப்படவுள்ளதாக பிரதி பொலிஸ் மா அதிபர் அஜித் ரோஹன தெரிவித்தார்.

புத்தளம் மாவட்டத்தில் கொரோனா நோயாளர்களின் எண்ணிக்கை அதிகரித்து வரும் நிலையில் இந்த அறிவிப்பு வெளியிடப்பட்டுள்ளது.

இத்தாலி, தென் கொரியா உட்பட சில நாடுகளில் இருந்து வந்த ஆயிரத்திற்கும் மேற்பட்டோர் எந்தவித மருத்துவ பரிசோதனைக்கும் உட்படுத்தப்படாமல் இந்தப் பகுதியில் உள்ளதாக தெரிவிக்கப்படுகிறது.

குறித்த நபர்களை கண்டுபிடிக்கும் நோக்கில் பொலிஸ் ஊடரங்குச் சட்டம் பிறப்பிக்கப்பட்டுள்ளதாக பிரதி பொலிஸ் மா அதிபர் அஜித் ரோஹன தெரிவித்தார்.

இலங்கையில் ஒரு வார காலத்திற்குள் 51 கொரோனா நோயாளர்கள் இனங்காணப்பட்டுள்ளமை குறிப்பிடத்தக்கது.

இலங்கையில் கொரோனா நோயாளிகளின் எண்ணிக்கை 51 ஆக அதிகரிப்பு!!

இலங்கையில் கொரோனா

இலங்கையில் மேலும் 8 கொரோனா வைரஸ் தொற்று நோயாளிகள் அடையாளம் காணப்பட்டுள்ளதாக அறிவிக்கப்பட்டுள்ளது.

இதுவரை மொத்தமாக கொரோனா நோயாளிகளின் எண்ணிக்கை 51 ஆக அதிகரித்துள்ளதென சுகாதார அமைச்சர் பவித்ரா வன்னிஆராச்சி தெரிவித்துள்ளனர்.

அதற்கமைய இன்று பதிவாகிய 8 பேரும் இத்தாலியில் இருந்து நாடு திரும்பியவர்கள் என அமைச்சர் குறிப்பிட்டுள்ளார். 51 நோயாளிகள் இதுவரை அடையாளம் காணப்பட்டுள்ள நிலையில், ஒருவர் குணமடைந்த நிலையில் வைத்தியசாலையில் இருந்து வெளியேறி உள்ளார்.

தற்போது 50 நோயாளிகள் சிகிச்சை பெற்று வருகின்றனர். இதேவேளை புத்தளம் மாவட்டத்தில் அதிகளவானவர்கள் வெளிநாட்டிலிருந்து வந்த நிலையில், சிகிச்சை எதுவும் பெறவில்லை என அறிவிக்கப்பட்டுள்ளது. இவர்களை கண்டுபிடிக்கும் விசேட நடவடிக்கை இன்று மாலை முதல் முன்னெடுக்கவுள்ளதாக பொலிஸார்அறிவித்துள்ளனர்.

கொரோனா வைரஸ் : இத்தாலியில் உயிர் பிழைக்க வாய்ப்பு இருந்தால் மட்டுமே சிகிச்சை!!

இத்தாலியில்..

கொரோனா வைரசால் பாதிக்கப்பட்டவர்களுக்கு சிகிச்சை அளிக்கும் இத்தாலி மருத்துவர்கள் மிகவும் சங்கடமான சூழலில் உள்ளதாக கவலை தெரிவிக்கின்றனர்.

கொரோனாவால் பாதிக்கப்பட்டவர்களில் உ யிர் பிழைக்க வாய்ப்பு உள்ளவர்களுக்கு மட்டுமே சிகிச்சை அளிப்பதாகவும், கொரோனா தொற்று பரவிய நபர் பிழைக்க வாய்ப்பு இல்லை என்பது தெரிந்தால் அவருக்கு சிகிச்சை அளிக்காமல் விட்டுவிடும் சூழ்நிலைக்கு இத்தாலி மருத்துவர்கள் தள்ளப்பட்டுள்ளார்கள்.

இத்தாலியில் புதிதாக கொரோனா வைரசால் பாதிக்கப்பட்டவர்களின் எண்ணிக்கை நாளுக்கு நாள் அதிகரித்து வருகிறது. இத்தாலி மருத்துவமனைகளில் நோயாளிகள் பயன்படுத்த போதுமான படுக்கைகள் இல்லாத சூழல் நிலவுகிறது.

80 முதல் 95 வயதுடையவர்கள் சுவாச கோளாறு பிரச்சனைகளில் தவித்து வந்தால், அவர்களுக்கு சிகிச்சை அளிக்கப்படுவதில்லை என பெர்கமோவில் உள்ள மருத்துவமனையில் தீவிர சிகிச்சை பிரிவில் பணிபுரியும் மருத்துவர் கிறிஸ்டியன் சளரொளி, நாளிதழுக்கு அளித்த செய்தி ஒன்றில் கூறியுள்ளார்.

இது ப யங்கரமான செய்தியாக இருந்தாலும், நாம் வருந்தும் வகையில் இது உண்மை நிலைதான். ஒரு வேலை அதிஷ்டவசமாக உ யிர் பிழைப்பார்களோ என்ற எண்ணத்தில் சிகிச்சை அளிக்க முடியாத நிலை இத்தாலியில் நிலவுகிறது.

சிகிச்சை அளிப்பது அல்லது உ யிரிழக்க அனுமதிப்பது இந்த இரண்டில் ஒரு முடிவை எடுத்தே ஆக வேண்டும் என்ற நிலைக்கு இத்தாலி தள்ளப்பட்டது ஏன்?

கொரோனா வைரஸ் இத்தாலியில் மிகவும் தீவிரமாக பரவி வருகிறது. இத்தாலியில் மட்டும் 2,500க்கும் மேற்பட்டவர்கள் பேர் உ யிரிழந்துள்ள நிலையில் 28,000 பேருக்கு கொரோனா பாதிப்பு உள்ளது உறுதி செய்யப்பட்டுள்ளது.

உலகிலேயே இரண்டாவது அதிக முதியோர்கள் உள்ள நாடாக இத்தாலி அறியப்படுகிறது. முதியோர்கள் அதிகம் உள்ள முதல் நாடு ஜப்பான். கொரோனா வைரஸ் பாதிப்பு குறிப்பாக முதியோர்களை அதிகம் பாதிக்கிறது, எனவேதான் இத்தாலியில் உள்ள முதியோர்களுக்கு இந்த நோய் தீவிரமாக பரவுகிறது என்று கூறப்படுகிறது.

இந்த மாத துவக்கத்தில் இத்தாலியின் அரசாங்க மருத்துவ அமைப்பு வெளியிட்ட அறிக்கையில், நோயாளிகள் அனைவருக்கும் நெறிமுறையை கருத்தில் கொண்டு தீவிர சிகிச்சை பிரிவில் படுக்கைகள் வழங்க வேண்டும் என உத்தரவிட்டுள்ளது.

மேலும் அனுமதிக்கப்பட்டவர்களுக்கு வரிசைப்படி சிகிச்சை அளிக்காமல், உ யிர் பிழைக்க வாய்ப்புள்ளவர்களுக்கு முன்னுரிமை வழங்க வேண்டும் எனவும் அந்த அறிக்கையில் குறிப்பிடப்பட்டுள்ளது.

இந்த முடிவை இத்தாலியின் மருத்துவ அமைப்பு மட்டும் மேற்கொண்ட முடிவாகப் பார்க்க முடியாது. இவ்வாறான அவசர சூழ்நிலையில், மருத்துவர்கள் நீண்ட நேரம் பணியில் ஈடுபட வேண்டிய கட்டாயம் நிலவும்போது, தங்களின் பணி மக்களுக்கு உதவியாக இருக்க வேண்டும் என்ற நோக்கத்தில் இந்த முடிவு பரவலாக எல்லோராலும் ஏற்கப்படும்.

இத்தாலியில் ஏற்கனவே ஒரே நேரத்தில் 5,200 நோயாளிகள் ஒரே நேரத்தில் தங்கி சிகிச்சை பெற முடியும். ஆனால் அங்கு குளிர்காலம் என்பதால் பலருக்கு சுவாச பிரச்சனைகள் ஏற்பட்டு மருத்துவமனையில் அனுமதிக்கப்பட்டுள்ளனர்.

மருத்துவ ஊழியர்கள் இந்த பே ரழிவுக் காலத்தில் பணிபுரியும்போது பல கடுமையான சோ தனைகளை எதிர்கொள்கின்றனர். ஒரு கட்டத்தில் மனதளவில் வலிமையை இழந்து அழுது விடுகின்றனர் என்று டாக்டர் சளரொளி கூறுகிறார்.

தலைமை பொறுப்பில் உள்ள மருத்துவரில் இருந்து சில மாதங்களுக்கு முன்பு மருத்துவராக பொறுப்பேற்றவர் வரை அனைவருக்குமே ஒரே விதமான மன அழுத்தம்தான். 30 வருடம் செவிலியராகப் பணியாற்றிய ஒருவர் கூட க தறி அ ழுததை பார்த்ததாக மருத்துவர் சளரொளி கூறுகிறார்.

– BBC – Tamil

இலங்கையை முடக்குவதே சிறந்தது : மஹேல ஜயவர்தன!!

மஹேல ஜயவர்தன

கொரோனா வைரஸ் அ ச்சுறுத்தலுக்கு மத்தியில் இலங்கையை முடக்குவதே தற்போது சிறந்த நடவடிக்கையாக இருக்கும் என்று இலங்கை அணியின் முன்னாள் நட்சத்திர வீரரான மஹேல ஜயவர்தன தெரிவித்துள்ளார்.

அவர் தனது டுவிட்டர் பக்கத்தில் இந்தக் கருத்தை வெளியிட்டிருக்கின்றார். இலங்கையில் கொரோனா வைரஸ் வேகமாக பரவி வரும் நிலையில் அவர் இதனை கூறியுள்ளார்.

இலங்கையில் கொரோனா வைரஸ் தொற்றுக்கு இலக்கான 43 பேர் அடையாளம் காணப்பட்ட நிலையில், வைத்தியசாலையில் அனுமதிக்கப்பட்டுள்ளனர்.

கொரொனா வைரஸ் – பிரித்தானியாவில் 20000 பேர் உ யிரிழக்கும் ஆபத்து!!

பிரித்தானியாவில்..

பிரித்தானியாவில் 20 ஆயிரம் பேர் கொரோனா வைரஸ் தொற்றினால் உ யிரிழக்கும் அபாயம் உள்ளதாக பிரித்தானிய அரசாங்கத்தின் தலைமை அறிவியல் ஆலோசகர் தெரிவித்துள்ளார்.

இந்த வாரம் பிரித்தானியாவில் அறிமுகப்படுத்தப்பட்ட கடுமையான சமூக ஆய்வு நடவடிக்கைகளின் அடிப்படையில் இந்த அறிவிப்பை பிரித்தானிய அரசாங்கத்தின் தலைமை அறிவியல் ஆலோசகர் Sir Patrick Vallance தெரிவித்துள்ளார்.

அ ச்சுறுத்தும் கொரோனா வைரஸ் தொடர்பாக அமைச்சர்களுக்கு ஆலோசனை வழங்கியபோது அவர் இவ்வாறு குறிப்பிட்டுள்ளார்.

பிரித்தானியாவில் சுமார் 55,000 பேருக்கு கொரோனா வைரஸ் தொற்று ஏற்படுவதன் விளைவாக 20,000 மக்கள் உ யிரிழக்க நேரிடலாம் என அரசாங்கத்தின் தலைமை அறிவியல் ஆலோசகர் தெரிவித்துள்ளார்.

பிரித்தானிய அரசாங்கத்தால் தற்போது முன்னெடுக்கப்பட்டுள்ள சமூக திட்டங்களை மீறி சுகாதார சேவை பாரிய அளவில் பாதிக்கப்படும் என அவர் குறிப்பிட்டுள்ளார்.

அத்துடன் பாரிய இ றப்புகளை சந்திக்க நேரிடும் என அவர் கூறியுள்ளார். அத்துடன் இந்த விடயம் சுகாதார துறைக்கு பாரிய அழுத்தத்தை ஏற்படுத்தும் என அவர் எச்சரிக்கை விடுத்துள்ளார்.