முத்தையா முரளிதரன்

தனக்கு ஆளுனர் பதவி வழங்கப்பட்டதாக தெரிவிக்கப்படும் தகவல் முற்றிலும் போலியானது என இலங்கை கிரிக்கெட் அணியின் முன்னாள் வீரர் முத்தையா முரளிதரன் தெரிவித்துள்ளார்.

இது குறித்து பேஸ்புக் பக்கத்தில் போலியான தகவல் பரப்பப்பட்டுள்ளதாகவும் அவர் கூறியுள்ளார். இந்திய ஊடகம் ஒன்றுக்கு வழங்கிய விசேட செவ்வியிலேயே அவர் இதனை தெரிவித்துள்ளார். தொடர்ந்தும் கருத்து வெளியிட்டுள்ள அவர்,

“நான் எந்தவொரு சந்தர்ப்பத்திலும் அரசியலில் ஈடுபடுவதற்கு ஆர்வம் காட்டவில்லை. நான் ஒரு விளையாட்டு வீரன். அரசியல்வாதி அல்ல. நான் எனது அறக்கட்டளை மூலம் பலருக்கும் உதவி வருகின்றேன.

இந்த அறக்கட்ளை மூலம் பலருக்கு தன்னால் உதவ முடியும். இந்நிலையில், தனக்கு ஆளுனர் பதவி வழங்கப்பட்டதாக தெரிவிக்கப்படும் தகவல் முற்றிலும் போலியானது. இதனிடையே, தமிழக அரசியல்வாதிகள் இலங்கையர்களின் பிரச்சினைகளைப் புரிந்து கொள்ளவில்லை. அவர்கள் எங்கள் அரசாங்கத்தை தொடர அனுமதிக்க வேண்டும்.

ஜனாதிபதி கோட்டாபய ராஜபக்சவை நான் ஆதரிக்கிறேன், ஏனென்றால் அவர் நாட்டை வழிநடத்த சரியான நபர். அவர் ஆட்சிக்கு வருவதற்கு முன் நாட்டில் எந்த முன்னேற்றமும் இல்லை. பொருளாதாரம் வீழ்ச்சியடைந்தது,

அபிவிருத்தி திட்டங்கள் முன்னெடுக்கப்படவில்லை. ஜனாதிபதி கோட்டாபய ராஜபக்ச ஒரு நிர்வாகி, முன்னாள் பாதுகாப்பு செயலாளர் மற்றும் இராணுவ வீரர். அவர் ஒரு புத்திசாலி, அவர் சீர்திருத்தங்களைச் செய்வார், அபிவிருத்தி பாதையில் செல்வார், வாழ்க்கையை மேம்படுத்துவார், சரியானதைச் செய்வார்” என முத்தையா முரளிதரன் கூறியுள்ளார்.

மக்களுக்கு எச்சரிக்கை

இலங்கையின் பல பாகங்களில் தற்போது சீரற்ற காலநிலை நிலவி வருகின்றது. இதனால் பல்வேறு பகுதிகள் வெள்ள நீரில் மூழ்கியுள்ளதுடன், பலர் தமது தங்குமிடங்களில் இருந்து இடம்பெயர்ந்துள்ளனர்.

இவ்வாறான சந்தர்ப்பத்தில் நாட்டின் பல இடங்களில் ஒரு வகையான காய்ச்சல் பரவும் அபாயம் காணப்படுவதாக அறிவிக்கப்பட்டுள்ளது. இருமல், வயிற்றுவலி, தலைவலி, உடல் சோர்வு போன்றவையே அந்த காய்ச்சலின் அறிகுறிகள் என குறிப்பிடப்பட்டுள்ளது.

இந்த தகவலை தொற்று நோய்கள் ஒழிப்பு பிரிவின், தொற்று நோய்கள் தொடர்பான பிரதான வைத்தியர் சுதத் சமரவீர குறிப்பிட்டுள்ளார். அத்துடன் இவ்வாறான அறிகுறிகள் காணப்படுமாயின் உடனடியாக வைத்திய ஆலோசனைகளை பெற்றுக் கொள்ளுமாறும் அவர் எச்சரிக்கை விடுத்துள்ளார்.

மின்சார நெருக்கடி

எதிர்வரும் ஏப்ரல் -மே மாதங்களில் இலங்கையில் பெரும் மின்சார நெருக்கடியை எதிர்நோக்க நேரிடும் என மின்வலு எரிசக்தி அமைச்சில் நடைபெற்ற பேச்சுவார்த்தை ஒன்றில் தெரியவந்துள்ளது.

இந்த நெருக்கடியானது மின்சாரம் துண்டிப்பு வரை செல்லக் கூடும் என கூறப்படுகிறது. இந்த பேச்சுவார்த்தை அமைச்சர் மகிந்த அமரவீர தலைமையில் நடைபெற்றது.

அண்மைய காலத்தில் மின்சார தேவை அதிகரித்துள்ளதுடன் இதற்கு தேவையான மின்சார உற்பத்தி கட்டமைப்பு சேர்க்கப்படவில்லை என்பதால் இந்த நிலைமை ஏற்பட்டுள்ளதாக தெரிவிக்கப்படுகிறது.

-தமிழ்வின்-

இரணைமடு குளத்தின்..

கிளிநொச்சி, இரணைமடு குளத்தின் வான்கதவுகள் ஆறு அங்குலம் அளவில் மேலதிக நீரை வெளியேற்றுவதற்காக இன்று திறந்து விடப்பட்டுள்ளதுடன் இது தொடர்பில் பொதுமக்களும் அவதானமாக இருக்க எச்சரிக்கப்பட்டுள்ளனர்.

கிளிநொச்சியில் தொடர்ச்சியாக பெய்துவரும் கன மழை காரணமாக இரணைமடு குளத்தின் நீர் மட்டம் உயர்வடைந்துள்ளது. குளத்தில் தேங்கியுள்ள மேலதிக நீரை வெளியேற்றுவதற்காக குளத்தின் இரண்டு வான்கதவுகள் திறந்து விடப்பட்டுள்ளன.

இரணைமடு குளம் 36 அடி வரையில் நீரை சேமிக்க கூடியதாக இருப்பினும் தற்போது வரையில் அதன் நீர்மட்டம் 31 அடியாக உள்ளது. இருப்பினும் தொடர் மழைகாரணமாக அதிகளவு நீர் குளத்திற்கு வந்துகொண்டிருப்பதனால் 31 அடி நீர் மட்டத்தில் குளத்தின் இரண்டு வான்கதவுகளும் திறந்துவிடப்பட்டு நீர் வெளியேற்றப்பட்டுவருகின்றது.

எனவே இரணைமடு குளத்தின் வான் நீர் வெளியேறும் பகுதிகளில் வாழ்கின்ற பொது மக்கள் இது தொடர்பில் முன்னெச்சரிக்கையாக இருக்குமாறு கிளிநொச்சி அனர்த்த முகாமைத்துவ நிலையத்தினால் எச்சரிக்கப்பட்டுள்ளனர்.

கிளிநொச்சியில்..

நாட்டில் நிலவும் சீரற்ற காலநிலை காரணமாக பல பகுதிகளில் அனர்த்த நிலைமை ஏற்பட்டுள்ளது. வடக்கு, கிழக்கு மாணங்களிலும் பெய்து வரும் அடைமழை காரணமாக பல பகுதிகள் வெள்ளத்தால் மூழ்கியுள்ளது.

இந்நிலையில் கிளிநொச்சி வட்டக்கச்சி இராமநாதபுரம் பகுதியில் பாய்ந்து கொண்டிருந்த வெள்ளத்தில் சி க்குண்ட கார் ஒன்று அ டித்துச் செல்லப்பட்டுள்ளது.

எனினும் அந்தப் பகுதி இளைஞர்கள் ஒன்றிணைந்து அ டித்துச் செ ல்லப்பட்ட காரியிலிருந்த சாரதியை கா ப்பாற்றியுள்ளனர்.

அந்தப் பகுதியிலுள்ள பாலத்தில் சி க்குண்ட காரையும் இளைஞகள் நீண்ட போ ராட்டத்தின் பின்னர் மீட்டுள்ளனர். மீ ட்கப்பட்ட சாரதி வைத்தியசாலையில் அனுமதிக்கப்பட்டுள்ளார்.

நீரில் மூழ்கிய பரீட்சை நிலையங்கள்

நாட்டில் பெய்து வரும் அதிக மழை காரணமாக கிளிநொச்சி ஆனந்தபுரம் உள்ளிட்ட பல கிராமங்களில் ஏற்பட்ட வெள்ள நீர் காரணமாக 168 பேர் பல இடங்களில் சிக்குண்ட நிலையில் அவர்களை மீட்கும் பணிகள் இன்று அதிகாலை இலங்கை இராணுவத்தினரால் முன்னெடுக்கப்பட்டுள்ளது.

கிளிநொச்சி இராணுவ கட்டளையதிகாரியின் பணிப்புக்கு அமைய இந்த நடவடிக்கை முன்னெடுக்கப்பட்டுள்ளது.

அதேசமயம் கிளிநொச்சி தர்மபுரம் மகா வித்தியாலயத்திலும் கிளிநொச்சி இந்து வித்தியாலயத்திலும் காணப்படும் கல்வி பொது தராதர பரீட்சை மத்திய நிலையங்கள் வெள்ள நீரினால் பாதிக்கப்பட்டுள்ளதாக தெரிவிக்கப்படுகிறது.

குறித்த பரீட்சை மத்திய நிலையங்கள் வெள்ள நீரினால் பாதிக்கப்பட்டுள்ளதை அடுத்து கீழ் மாடிகளில் உள்ள அனைத்து மேசை மற்றும் கதிரைகளை இராணுவ வீரர்கள் மேல் மாடிகளுக்கு கொண்டு சென்று பரீட்சைக்கு எந்தவித பாதிப்புகளும் ஏற்படாமல் முன்னெடுக்க வசதிகளை செய்து கொடுத்துள்ளனர்.

மேலும் பரீட்சையில் தோற்றவுள்ள மாணவர்களை இராணுவ வீரர்கள் படகு மற்றும் ட்ரக் மூலம் பரீட்சை மத்திய நிலையங்களுக்கு அழைத்து செல்ல நடவடிக்கை எடுத்துள்ளனர்.

அவசர நிலை ஏற்படும் பட்சத்தித்தில் மாணவர்களின் பாதுகாப்பு குறித்து இராணுவத்தினர் ஆங்காங்கு சீராக வைத்துள்ளமை குறிப்பிடத்தக்கது.

ரஞ்சன் ராமநாயக்க எம்.பி

நடைபெற்று வரும் கல்வி பொதுத்தராதர சாதாரண தர பரீட்சையில் ஐக்கிய தேசிய கட்சியின் நாடாளுமன்ற உறுப்பினர் ரஞ்சன் ராமநாயக்க பரீட்சை எழுதியுள்ளார். சட்டத்தரணியாகும் எதிர்பார்ப்பில் நேற்றைய தினம் ஆங்கில பரீட்சை எழுதியுள்ளார்.

கடந்த ஒகஸ்ட் மாதம் இடம்பெற்ற க.பொ.த உயர்தர பரீட்சையில் ரஞ்சன் ராமநாயக்க தோற்றினார். அவர் சட்டத்தரணியாகும் கனவை நனவாக்கிக் கொள்ளும் நோக்கில் பரீட்சை எழுதியுள்ளார்.

சட்டத்தரணியாக கற்பதற்கு ஆங்கில பாடத்தில் குறைந்த பட்சம் “C” சித்தி பெற்றிருக்க வேண்டும். இதனடிப்படையில் ரஞ்சன் ராமநாயக்க நேற்று சாதாரண தர பரீட்சையில் ஆங்கில பரீட்சைக்கு முகம்கொடுத்துள்ளார்.

நாடாளுமன்ற உறுப்பினரும் பிரபல நடிகருமான ரஞ்சன் ராமநாயக்க, உயர்ந்த நிலையில் இருந்த போதிலும் தனது எதிர்காலத்திற்காக பரீட்சை எழுதியுள்ளார். இது பலபேருக்கு முன்னுதாரணமாக உள்ளதாக சமூக வலைத்தளங்களில் பாராட்டு தெரிவிக்கப்பட்டுள்ளது.

முல்லைத்தீவில்..

முல்லைத்தீவு – கரைதுறைப்பற்று பிரதேச செயலக பிரிவிலுள்ள தண்ணி முறிப்பு குளத்தின் வான் கதவுகள் திறக்கப்பட்டதன் காரணமாக அப்பகுதியிலுள்ளவர்கள் அனர்த்தத்தில் சிக்குண்டுள்ளதுடன், அவர்களை மீட்க முடியாத இக்கட்டான நிலை ஏற்பட்டுள்ளது.

இவ்விடயம் தொடர்பாக மேலும் தெரியவருகையில், குறித்த பகுதியில் விவசாய நடவடிக்கையில் ஈடுபட்டிருந்த 11 பேர் வெள்ளத்தில் சிக்கியுள்ளனர்.

குறித்த அனர்த்தத்தில் பாதிக்கப்பட்டவர்களை மீட்பதற்காக வருகை தந்த இராணுவமும், கடற்படையினரும், குமுழமுனை பொதுமக்களின் ஒத்துழைப்புடன் தற்போது மீட்பு பணியை மேற்கொள்ள படகு மூலம் மீட்பு பணிகளில் ஈடுபட்டுள்ளனர்.

மேற்படி விடயத்தை அனர்த்த முகாமைத்துவ பிரிவும், சம்பந்தப்பட்ட அமைச்சும் கருத்திலெடுத்து துரித பணியை மேற்கொள்ளுமாறு பொதுமக்கள் கேட்டு நிற்கின்றனர்.

கடந்த வருடமும் முல்லைத்தீவு நித்தகைகுளம் உடைப்பெடுத்தமையால் அப்பகுதியில் அனர்த்தத்தில் சிக்கியிருந்த மக்களை விமானத்தின் மூலம் மீட்டிருந்தமை குறிப்பிடத்தக்கது.