இந்தியாவில் மாமியாரை, திருநங்கை உதவியுடன் கொலை செய்த மருமகளின் செயல் அதிர்ச்சியை ஏற்படுத்தியுள்ளது. ராஜஸ்தான் மாநிலம் ஜெய்ப்பூரை சேர்ந்தவர் பீனா சர்மா (62). இவரின் மருமகள் பிரியங்கா.

பீனா வீட்டுக்கு பின்பக்கத்தில் சுனிதா என்ற இளம் திருநங்கை குடியிருந்தார். இந்நிலையில் நேற்று முன்தினம் இரவு பீனா தனது படுக்கையறையில் தூங்கி கொண்டிருந்தார்.

அப்போது சுனிதாவுடன் அங்கு வந்தார் பிரியங்கா. பின்னர் பிரியங்கா தனது மாமியார் பீனாவின் கால்களை கெட்டியாக பிடித்து கொண்ட நிலையில் சுனிதா அவர் முகத்தில் தலையணையை வைத்து அழுத்தி கொலை செய்தார்.

பின்னர் பீரோவில் இருந்த நகைகளை பிரியங்கா எடுத்து கொண்டு எதுவும் தெரியாதது போல இருந்துள்ளார். இதையடுத்து காலையில் பீனா சடலமாக இருப்பதை பார்த்த பிரியங்காவின் கணவரும், பீனாவின் மகனுமான விஷாந்த் அதிர்ச்சியடைந்தார்.

இது குறித்து பொலிசுக்கு தகவல் தரப்பட்ட நிலையில் சம்பவ இடத்துக்கு வந்த பொலிசார் விசாரித்தனர். அப்போது பிரியங்கா மணிக்கட்டில் அணிந்திருந்த நகையின் ஒரு பகுதி பீனா சடலம் அருகில் இருந்ததை கண்டுபிடித்த பொலிசார் பிரியங்காவிடம் விசாரித்தனர்.

அப்போது மாமியார் பீனாவை கொன்றதை அவர் ஒப்பு கொண்டார். அவர் அளித்த வாக்குமூலத்தில், பீனா என்னை தொடர்ந்து அடித்து துன்புறுத்தியதோடு, என் பெற்றோர் வீட்டுக்கு செல்ல கடந்த 3 ஆண்டுகளாக அனுமதிக்கவில்லை.

இதோடு கடந்த சில வருடங்களில் பல முறை என்னை கருக்கலைப்பு செய்ய வைத்தார். இதனால் அவர் மீது ஆத்திரம் ஏற்பட்டது, இதையடுத்தே சுனிதா உதவியுடன் பீனாவை கொலை செய்தேன் என கூறியுள்ளார். இதை தொடர்ந்து கொலையாளி இருவரையும் பொலிசார் கைது செய்துள்ளனர்.

திருமணத்திற்கு சில மாதங்களே இருந்த நிலையில் இளைஞன் ஒருவர் அம்மாவின் புடவையில் தூக்கிட்டு தற்கொலை செய்து கொண்ட சம்பவம் குடும்பத்தினரிடையே மிகுந்த சோகத்தை ஏற்படுத்தியுள்ளது.

சென்னை வண்ணாரப்பேட்டையில் உள்ள பரசுராமன் 5- வது தெருவைச் சேர்ந்தவர் அன்சர் பாஷா (55). இவரது மகன் மன்சூர் (25). இவர் மாடன் லைன் பகுதியில் சிக்கன் பக்கோடா கடை ஒன்றில் வேலை பார்த்து வந்தார்.

ஏழ்மையான குடும்பத்தைச் சேர்ந்த மன்சூருக்கு அவரது பெற்றோர் பெண் பார்த்து திருமணத்துக்கு நிச்சயம் செய்தனர். வரும் ஆகஸ்ட் மாதம் இவருக்கு திருமணம் நடக்கவிருந்தது.
இந்நிலையில் இவர் நேற்று திடீரென்று தூக்கிட்டு தற்கொலைசெய்து கொண்டார்.

இந்த சம்பவம் குறித்து வெளியான தகவலில், நண்பர்களுடன் பேசிக்கொண்டிருந்த மன்சூர், பணம் இருந்தால் தான் மனிதனுக்கு மதிப்பு, இல்லாவிட்டால் பிணம் என்று விரக்தியில் பேசியுள்ளார். ஏதோ கவலையில் பேசுகிறார் என நண்பர்கள் சாதாரணமாக இருந்துள்ளனர்.

அதன் பின் வீட்டிற்கு வந்த அவர் தனியாக அறையில் படுத்து உறங்கியுள்ளார். அதன் பின் மறுநாள் காலை வெகு நேரம் ஆகியும் கதவை திறக்காததால், பெற்றோர் வீட்டின் கதவை உடைத்து பார்த்த போது, தாயின் சேலையில் தூக்கிட்ட நிலையில் மன்சூர் பிணமாகத் தொங்கியதைக் கண்டு அதிர்ச்சியடைந்தனர்.

இந்த தகவல் பொலிசாருக்கு தெரிவிக்கப்பட்டதால், விரைந்து வந்த பொலிசார் அவரின் உடலை மீட்டு பிரேத பரிசோதனைக்காக அனுப்பி வைத்துள்ளனர்.

அவர் என்ன காரணத்திற்காக தற்கொலை செய்துகொண்டார் எனத் தெரியாத நிலையில் அவரது வாட்ஸ் அப் ஸ்டேட்டஸ் நண்பர்களின் வாட்ஸ் அப்பில் ஷேர் ஆனது. அதில் அவர் எழுதியிருந்த வாசகத்தைப் பார்த்து நண்பர்கள் அதிர்ச்சியடைந்தனர்.

அவரது வாட்ஸ் அப்பில், என்ன வாழ்க்கைடா இது. காசு இல்லைன்னா யாரும் நம்மல மதிக்கமாட்டாங்க இந்த வாழ்க்கைக்கு குட் பை… டியர் ஆல் லவ் யூ ஸோ மச் என்ற வாசகங்கள் இருந்தன. இதைப் பார்த்த நண்பர்கள் துயரமடைந்துள்ளனர்.

வாழ்க்கைக்குப் பணம் தேவைதான். ஆனால் பணத்தை வைத்து மட்டும் வாழ்வதல்ல வாழ்க்கை என்பதைப் புரியாமல் மன்சூர் வாழ்க்கையை முடித்துக்கொண்டாரே என அவரது உறவினர்கள், நண்பர்கள் சோகத்தில் ஆழ்ந்தனர்.

இந்தியாவில் இளம்பெண் மருத்துவர் வீட்டில் கழுத்தறுக்கப்பட்டு சடலமாக கிடந்த சம்பவத்தில் ஆண் மருத்துவரை பொலிசார் கைது செய்துள்ளனர்.

புதுடெல்லியை சேர்ந்தவர் கரிமா மிஸ்ரா (25). மருத்துவரான இவர் அடுக்குமாடி குடியிருப்பில் வசித்து வந்தார். இந்நிலையில் இரு தினங்களுக்கு முன்னர் தனது வீட்டில் கழுத்தறுக்கப்பட்ட நிலையில் இரத்த வெள்ளத்தில் கரிமா சடலமாக கிடந்தார்.

சம்பவ இடத்துக்கு வந்து பொலிசார் விசாரித்த நிலையில் கரிமா அருகில் காய்கறிகளை வெட்ட பயன்படுத்தப்படும் கத்தி உடைக்கப்பட்ட நிலையில் இரத்தம் படிந்து இருந்தது.

மேலும் கரிமா வீட்டுக்கு பக்கத்து வீட்டில் வசிக்கும் மருத்துவர் சந்திர பிரகாஷ் மாயமானதும் தெரியவந்துள்ளது. சிசிடிவி கமெராவை ஆய்வு செய்த போது சந்திர பிரகாஷ் வீட்டிலிருந்து பையுடன் வெளியில் சென்றது உறுதியானது.

இதையடுத்து சந்திர பிரகாஷின் செல்போன் சிக்னலை வைத்து உத்தரகாண்டில் அவரை பொலிசார் இன்று கைது செய்தனர்.
பொலிசார் கூறுகையில், நாங்கள் சந்திர பிரகாஷை பிடிக்க முயன்ற போது அருகில் இருந்த கால்வாயில் குதித்து அவர் தற்கொலைக்கு முயன்றார்.

பின்னர் அவரை மீட்டு கைது செய்தோம், கரிமாவை கொலை செய்ததை சந்திர பிரகாஷ் ஒப்பு கொண்டுள்ளார். கொலைக்கான காரணம் குறித்து அவரிடம் விசாரணை நடைபெற்று வருகிறது.

கரிமா, சந்திர பிரகாஷை நல்ல நண்பராகவே பார்த்துள்ளார், சம்பவத்தன்று இருவருக்கும் ஏதோ ஒரு விடயம் தொடர்பாக வாக்குவாதம் ஏற்பட்டுள்ளது. இதில் ஏற்பட்ட ஆத்திரத்தில் கரிமாவை சந்திர பிரகாஷ் கொன்றிருக்கலாம் என பொலிசார் கூறியுள்ளனர்.

சிங்கப்பூரில் இருந்தபடி ஜாதி ரீதியாக அவதூறு வீடியோ வெளியிட்ட தமிழக பெண் திருச்சி விமான நிலையத்தில் கைது செய்யப்பட்டுள்ளார்.

தமிழகத்தின் தஞ்சாவூரின் பாப்பாநாடு காவல் சரகம் திருமங்கலக்கோட்டை மாதவன் குடிகாட்டை சேர்ந்தவர் கனிமொழி (40). இவர் சிங்கப்பூரில் 10 ஆண்டுகளாக வீட்டு வேலை செய்கிறார்.

கடந்த 23ஆம் திகதியன்று கனிமொழி சிங்கப்பூரில் இருந்தபடி ஜாதி ரீதியாக கடுமையாக விமர்சனம் செய்து வீடியோ ஒன்றை வெளியிட்டார். இது தொடர்பாக பாபாநாடு காவல் நிலையத்தில் கனிமொழி மீது 7 பிரிவுகளில் வழக்குப்பதிவு செய்யப்பட்டது.

இந்நிலையில் சிங்கப்பூரில் இருந்து நேற்று திருச்சிக்கு வந்த கனிமொழியை பொலிசார் விமான நிலையத்தில் கைது செய்தனர். அவரிடம் ரகசிய இடத்தில் வைத்து விசாரணை நடத்தப்படுகிறது.

தெலுங்கானா மாநிலத்தில் 3 சிறுமிகள் மற்றும் ஒரு பாலியல் தொழிலாளியின் சடலங்கள் கண்டெடுக்கப்பட்ட வழக்கில் பொலிசார் மெத்தனம் காட்டுவதாக பொதுமக்கள் குற்றஞ்சாட்டியுள்ளனர்.

தெலுங்கானா மாநிலத்தின் ஹாஜிபூர் கிராமத்தில் 4 நாட்களுக்கு முன்னர் சிராவனி என்னும் இன்டர்மீடியட் இரண்டாம் ஆண்டு படித்து வந்த மாணவி காணாமல் போனார்.

இது குறித்து பொலிஸ் புகார் அளிக்கப்பட்டு விசாரணை மேற்கொள்ளப்பட்டது. அப்போது சிராவனியின் பை சீனிவாச ரெட்டிக்கு சொந்தமான பாழடைந்த கிணற்றில் கண்டுபிடிக்கப்பட்டது. அதே கிணற்றில் சிராவனின் சடலமும் கண்டெடுக்கப்பட்டது. இதனால், சீனிவாச ரெட்டியிடம் தீவிர விசாரணை மேற்கொள்ளப்பட்டது.

விசாரணையில் சீனிவாச ரெட்டி அந்த பெண்ணை கற்பழித்து கொலை செய்தி கிணற்றில் வீசியதாக ஒப்புக்கொண்டான். அதோடு, கிணற்றில் இருந்து மேலும் ஒரு எலும்புக்கூடு தோண்டி எடுக்கப்பட்டது. அது அதே பகுதியை சேர்ந்த ஒரு மாதத்திற்கு முன்னர் காணாமல் போன மணீஷா என்னும் மாணவியின் எலும்புக்கூடு என கண்டிபிடிக்கப்பட்டது.

இதுவரை மொத்தமாக 3 சிறுமிகள் மற்றும் 1 பாலியல் தொழிலாளியை சீனிவாச ரெட்டி கொலை செய்தது கண்டறியப்பட்டுள்ளது.

மேலும், சீனிவாச ரெட்டி மீது ஏற்கனவே பல வழக்குகள் இருக்கும் நிலையில், அவனது சமூக வலைத்தளபக்கத்தை ஆராய்ந்த பொலிசார் அதிர்ந்தனர். காரணம் அதில் 600-க்கு மேற்பட்ட பெண் நண்பர்கள் மட்டுமே அவனுக்கு இருந்தது தெரியவந்துள்ளது.

மேலும் பல பெண்கள் அந்த பகுதியில் காணாமல் போனதாக தெரியவந்துள்ள நிலையில் பொலிசார் அவர்களை தேடி வருகிறார்கள். ஆனால் வழக்கில் பொலிசார் மெத்தனம் காட்டுவதாகவும், தீவிரமாக விசாரிக்கவில்லை என்றும் பொது மக்கள் குற்றஞ்சாட்டியுள்ளனர்.

இதை தொடர்ந்து காவல்துறையினர் காணாமல் போன பெண்களை கண்டுப்பிடிப்பதில் துரிதமாக செயல்படவேண்டும் என உயர் அதிகாரிகள் கண்டிப்புடன் உத்தரவிட்டுள்ளனர்.

இந்தியாவில் தன்னுடைய சாவிற்கு யார் காரணம் என்று இன்ஜினியர் ஒருவர் பிரிட்ஜில் எழுதி வைத்துவிட்டு தற்கொலை செய்து கொண்ட சம்பவத்தின் பின்னணி எத்தனை சோகம் இருக்கிறது என்பது தற்போது தெரியவந்துள்ளது.

அஸ்ஸாமில் ஹிந்துஸ்தான் பேப்பர் கார்ப்பரேஷன் கீழ் நாகோன் என்ற ஆலை இயங்கி வந்தது. இந்த ஆலை கடந்த 2015-ஆம் ஆண்டு மூடப்பட்டது.

இந்த ஆலை மூடப்பட்ட போது காங்கிரஸ் கட்சி ஆட்சியில் இருந்தது. அதன் பின் 2016-ஆம் ஆண்டு நடந்த சட்டமன்றத் தேர்தலின் போது மூடப்பட்ட ஆலை திறக்கப்படும் என்று பா.ஜ.க வாக்குறுதி கொடுத்தது.

ஆனால் பா.ஜ.க ஆட்சியையும் கைப்பற்றியும் அந்த ஆலை திறக்கப்படவில்லை. மாறாக 2017-ஆம் ஆண்டு எந்த ஒரு அறிவிப்பும் இன்றி மற்றொரு யூனிட் மூடப்பட்டது.

இதனால் ஏராளமான குடும்பங்கள் தங்களது வாழ்வாதாரத்தை இழந்தனர். 2018-ம் ஆண்டு மிகப்பெரிய போராட்டத்தை ஊழியர்கள் நடத்தினர்.

குடியரசுத் தலைவர் ராம்நாத் கோவிந்துக்கு, எங்கள் வாழ்க்கையைக் கண்ணியமாக வாழ முடியவில்லை என்றால் இறப்பதே மேல் என்று கடிதம் எல்லாம் அனுப்பியிருந்தனர்.

இந்நிலையில் பிஸ்வாஜித் மஜும்தார் என்பவர் இதே பேப்பர் நிறுவனத்தில் சீனியர் இன்ஜினீயராக பணியாற்றி வந்துள்ளார்.
கடந்த 28 மாதங்களாக இவருக்கு ஊதியம் கொடுக்கப்படாத காரணத்தினால், கடுமையான பொருளாதார நெருக்கடியில் சிக்கித் தவித்து வந்துள்ளார்.

மேற்கு வங்கத்தைச் சேர்ந்தவரான இவர் நாகோன் ஆலைக்குச் சொந்தமான ஊழியர்களின் குடியிருப்பில் வசித்து வந்துள்ளார். கடந்த மாதம் 29-ஆம் தேதி நீண்ட நேரமாகியும் இவரது வீட்டின் கதவு திறக்காததால் அக்கம்பக்கத்தினர் சென்று பார்த்துள்ளனர்.

அப்போது அங்கிருந்த மின்விசிறியில் தூக்கில் தொங்கிய நிலையில் இருந்துள்ளார். இந்த தகவல் உடனடியாக பொலிசாருக்கு தெரிவிக்கப்பட்ட நிலையில், அவர் வீட்டில் இருந்த ப்ரிட்ஜ் கதவில் தற்கொலைக்காக காரணத்தை எழுதியுள்ளார்.

அதில் நான் செல்கிறேன், எனது மரணத்துக்கு இந்திய அரசாங்கம்தான் காரணம் என எழுதியிருந்தார். இதுதொடர்பாக பொலிசார் வழக்கு பதிவு செய்து விசாரித்து வருகின்றனர். அவரது உடல் பிரேதப் பரிசோதனை செய்யப்பட்டு அடக்கம் செய்யப்பட்டது.

இவரது மரணத்துக்கு முந்தைய நாள் தான் அதே காகித ஆலையில் பணியாற்றிய டெக்னீசியன் ஒருவர் கல்லீரல் நோய்க்கு சிகிச்சை பெற முடியாமல் இறந்துள்ளார்.

இதுகுறித்து அங்கு பணியாற்றிய ஊழியர்கள் கூறுகையில், நிதி சிக்கலே இந்த மரணத்துக்குக் காரணமாக உள்ளன.

கடந்த 28 மாதங்களாகச் சம்பளம் இல்லை. எங்களுக்குக் கிடைக்கவேண்டிய தொகைகள் எல்லாம் நிறுத்தப்பட்டு விட்டது. எங்களுடன் பணியாற்றிய சக ஊழியர்கள் கண்முன்பே மரணிப்பது வேதனையாக உள்ளது என்று கூறியுள்ளனர்.

மேலும் இந்த பேப்பர் மில்லால் நேரடியாகவோ, மறைமுகமாகவோ 51 மரணங்கள் நிகழ்ந்துள்ளதாகக் கூறப்படுகிறது.