தலவாக்கலை – வட்டகொட, மடக்கும்புர புதிய மிடில் பிரிவில் பாரிய மரம் ஒன்று முறிந்து விழுந்ததில் இரண்டு வீடுகள் முற்றாக சேதமடைந்துள்ளன.

குறித்த சம்பவம் நேற்று இரவு இடம்பெற்றுள்ள நிலையில், உயிர் சேதம் எதுவும் இடம்பெறவில்லை எனவும், வீடுகளில் உள்ள பொருட்கள் சேதமடைந்திருப்பதாகவும் பொலிஸார் தெரிவித்துள்ளனர்.

குறித்த இரண்டு வீடுகளிலும் உள்ள 11 பேர் தற்காலிகமாக அயலவர்களின் வீடுகளில் தங்க வைக்கப்பட்டுள்ளனர்.

மரம் முறிந்து விழுந்ததன் காரணமாக இப்பகுதிக்கான மின்சார துண்டிப்பு ஏற்பட்டுள்ளதோடு, திருத்த பணிகளை மின்சார சபையினர் மேற்கொண்டு வருகின்றனர்.

மேற்படி மரத்தை அப்புறப்படுத்தும் நடவடிக்கையில் தோட்ட நிர்வாகமும், பிரதேசவாசிகளும் ஈடுபட்டுள்ளனர்.

மூன்று வயது பெண் குழந்தையொன்றை பாலியல் துஷ்பிரயோகத்திற்கு உள்ளாக்கிய குழந்தையின் நெருங்கிய உறவினரை எதிர்வரும் 20ஆம் திகதி வரை விளக்கமறியலில் வைக்குமாறு உத்தரவிடப்பட்டுள்ளது. மாத்தளை பதில் நீதவான் வசந்தா தர்மகீர்த்தி இன்று குறித்த உத்தரவை பிறப்பித்துள்ளார்.

வீட்டில் இருந்து காணாமல்போன குழந்தையை கிராமவாசிகள் தேடி சென்றபோது அருகில் உள்ள தேயிலை தோட்டம் ஒன்றில் சந்தேகநபர் நிர்வாணமாக காணப்பட்டுள்ளார்.

அதேவேளை சற்று தொலைவில் குழந்தை இருப்பதை கிராமவாசிகள் கண்டுள்ளனர். குழந்தை வல்லுறவுக்கு உட்படுத்தப்பட்டிருக்கலாம் என சந்தேகித்த கிராமவாசிகள் சந்தேகநபரை கடுமையாக தாக்கி பற்களை உடைத்துள்ளனர்.

இதனையடுத்து கிராமவாசிகள் சந்தேகநபரை மாத்தளை பொலிஸாரிடம் ஒப்படைத்துள்ளனர்.

யாழ்ப்பாணத்தில் இரு இளைஞர்கள் குழுக்களுக்கு இடையில் ஏற்பட்ட பாரிய மோதல் காரணமாக 24 பேர் காயமடைந்துள்ளனர்.

வல்வெட்டிதுறை, நெடியகாடு பிரதேசத்தில் அமைந்துள்ள மைதானத்தில் இரு குழுக்களுக்கு இடையில் மோதல் ஏற்பட்டுள்ளது.

மோதல் காரணமாக காயமடைந்தவர்கள் வைத்தியசாலையில் அனுமதிக்கப்பட்டுள்ளதாக வல்வெட்டிதுறை பொலிஸார் தெரிவித்துள்ளனர்.

நெடின்காடு பிரதேசத்தில் அமைந்துள்ள குறித்த மைதானத்தில் தினமும் மாலை கிரிக்கெட் போட்டிகள் நடத்தப்படுகின்றன

நேற்றிரவு இரு குழுக்களுக்கும் இடையில் வாய்த்தகராறு ஏற்பட்டுள்ளது. வாய்த்தகராறு முற்றிய நிலையில் இளைஞர் மீது மற்றுமொரு இளைஞர் தாக்குதல் மேற்கொண்டுள்ளார்.

இதனால் அங்கிருந்த இளைஞர்கள் ஒருவரை ஒருவர் மோதி கொண்டுள்ளதாக பொலிஸார் தெரிவித்துள்ளனர்.

தாக்குதல் நீண்ட தூரம் சென்றமையினால் மைதானத்தில் இருந்த மட்டைகள் போன்றவை பயன்படுத்தப்பட்டுள்ளது. இதனால் படுகாயமடைந்த 21 இளைஞர்கள் யாழ், ஊரனி வைத்தியசாலையிலும், ஏனைய 3 பேர் பருத்தித்துறை, மந்திகை வைத்தியசாலையிலும் அனுமதிக்கப்பட்டுள்ளனர்.

தாக்குதல் தொடர்பில் ஒருவரும் கைது செய்யப்படாத நிலையில் பொலிஸார் விசாரணைகளை ஆரம்பித்துள்ளனர்.

கொக்குவிலில் சற்று முன்னர் வாள்வெட்டு சம்பவமொன்று இடம்பெற்றுள்ளது. இந்த சம்பவத்தில் ஒருவர் படுகாயமடைந்துள்ளதுடன், வாள்வெட்டில் ஈடுபட்ட குழுவை சேர்ந்த ஒருவர் அந்தப் பகுதி இளைஞர்களால் மடக்கிப் பிடிக்கப்பட்டுள்ளதாக தெரிவிக்கப்படுகிறது.

நான்கு மோட்டார் சைக்கிள்களில் வந்த குழுவொன்றே வாள்வெட்டை நடத்தியுள்ளது. வாள்வெட்டை நடத்திய குழுவை பிரதேச இளைஞர்கள் துரத்திச் சென்ற நிலையில் அந்தக் குழுவில் ஒருவர் மோட்டார் சைக்கிளுடன் மடக்கிப் பிடிக்கப்பட்டு பொலிஸாரிடம் ஒப்படைக்கப்பட்டுள்ளார்.

இதனால் அப் பகுதியில் சற்று பரபரப்பான சூழல் ஏற்பட்டுள்ளதாகவும், சம்பவ இடத்தை நோக்கி பொலிஸார் விரைவதாகவும் யாழ். செய்திகள் தெரிவிக்கின்றன.

விஸ்வமடு இராணுவ முகாமிலிருந்து, அம்பேபுஸ்ஸ முகாமிற்கு இடமாற்றம் பெற்றுள்ள நிலையில் இராணுவ கேர்ணல் ரத்தனபிரிய பந்துவிற்கு அப்பகுதி மக்கள் கண்ணீருடன் பிரியாவிடை கொடுத்துள்ளனர்.

இந்த சம்பவம் தொடர்பில் கபே அமைப்பின் நிறைவேற்று பணிப்பாளர் கீர்த்தி தென்னகோன் இன்று தனது முகப்புத்தகத்தில் பதிவொன்றை இட்டுள்ளார். அந்த பதிவில்,

சிவில் பாதுகாப்பு படையில் இணைத்துக் கொள்ளப்பட்டுள்ள விடுதலைப் புலிகளின் முன்னாள் போராளிகள் மற்றும் விஸ்வமடு மக்கள் ஆகியோர் கண்ணீருடன் கேர்ணல் ரத்தனபிரிய பந்துக்கு பிரியாவிடை கொடுத்துள்ளனர்.

பாதுகாப்பு படைகளில் வடக்கில் உள்ள மக்களை உண்மையில் நேசிக்கும் அதிகாரிகள் இருப்பதுடன், அவர்களை நேசிக்கும் மக்களும் இருக்கின்றனர்.

இந்த நெகிழ்ச்சி சம்பவம் தொடர்பில் அறிந்து கொள்வதற்காக தம்புள்ளையை சேர்ந்த நபரொருவர் எனக்கு இந்த புகைப்படங்களை அனுப்பியிருந்தார் என தெரிவித்துள்ளார்.

நாட்டின் பல பகுதிகளில் சீரற்ற காலநிலை நிலவி வரும் நிலையில், கடுகன்னாவவில் தென்னங் கொப்பு தலையில் வீழ்ந்து பெண் ஒருவர் உயிரிழந்துள்ளார். குறித்த சம்பவம் நேற்று இரவு கடுகன்னாவ – இலுக்குவத்த, ரம்மலக பிரதேசத்தில் இடம்பெற்றுள்ளது.

சம்பவத்தில் உயிரிழந்த பெண் ரம்மலக பிரதேசத்தினை சேர்ந்த 45 வயதுடைய இரு பிள்ளைகளின் தாய் என தெரியவந்துள்ளது. மேலும், சீரற்ற காலநிலையினால் மக்கள் பெரிதும் பாதிப்பை எதிர்நோக்கியுள்ளமை குறிப்பிடத்தக்கது.

நாட்டின் பல பகுதிகளில் சீரற்ற காலநிலை நிலவி வரும் நிலையில், கடுகன்னாவவில் தென்னங் கொப்பு தலையில் வீழ்ந்து பெண் ஒருவர் உயிரிழந்துள்ளார். குறித்த சம்பவம் நேற்று இரவு கடுகன்னாவ – இலுக்குவத்த, ரம்மலக பிரதேசத்தில் இடம்பெற்றுள்ளது.

கண்டி நாவலப்பிட்டியில் பெண் வைத்தியர் ஒருவரின் காதலால் விபரீத சம்பவம் ஒன்று ஏற்பட்டுள்ளது.

பெண் வைத்தியர் ஒருவர் இன்னுமொரு ஆண் வைத்தியருடன் மோட்டார் வாகனத்தில் பயணிப்பதனை குறித்த பெண் வைத்தியரின் கணவர் அவதானித்துள்ளார். இதனால் ஆத்திரமடைந்த கணவன், அவர்கள் பயணித்த மோட்டார் வாகனத்தை மோதிவிட்டு சென்றுள்ளார்.

பெண் வைத்தியரின் கணவரும் ஒரு வைத்தியராக பயணியாற்றுகின்ற நிலையில், மனைவியுடன் சென்ற வைத்தியருக்கு மரண அச்சுறுத்தல் விடுத்துள்ளதாக நாவலப்பிட்டி நீதவான் நீதிமன்றில் வழக்கு தாக்கல் செய்யப்பட்டுள்ளது.

சந்தேகநபரான கணவர் 10000 ரூபா பணமும், 2 லட்சம் ரூபா 2 சரீர பிணையிலும் விடுவிக்கப்பட்டுள்ளார். இந்த 3 வைத்தியர்களும் பலஹிலவ்வ பிரதேசத்தின் வைத்தியசாலையில் ஒன்றாக சேவை செய்பவர்களாகும்.

வைத்தியசாலையில் நீண்ட காலமாக சேவை செய்யும் 47 வயதுடைய வைத்தியரின் 44 வயதுடைய மனைவி திருமணமாகாத வைத்தியருடன் தொடர்பில் உள்ளதாக தெரிவிக்கப்படுகின்றது.

இது தொடர்பில் வைத்தியர்கள் மூவருக்கும் இடையில் மோதல் நிலைமை ஏற்பட்டுள்ளதாக நாவலப்பிட்டிய பொலிஸ் நிலையத்தில் பல முறைப்பாடுகள் உள்ளது.

சம்பவம் தொடர்பில் நாவலப்பிட்டிய பொலிஸார் விசாரணைகளை மேற்கொண்டு வருகின்றனர்.

இலங்கை மற்றும் அதனை சூழவுள்ள கடற் பிரதேசத்தில் கடும் காற்று வீசக்கூடும் என வளிமண்டலவியல் திணைக்களம் தெரிவித்துள்ளது. இந்த நிலைமை எதிர்வரும் 11 ஆம் திகதி வரை நீடிக்கும் என குறிப்பிடப்படுகின்றது.

இன்றைய தினம் சப்ரகமுவ மற்றும் மத்திய மாகாணத்திலும், காலி மற்றும் மாத்தறை மாவட்டத்திலும் இடைக்கிடையே மழை அல்லது இடியுடன் கூடிய மழை பெய்ய கூடும். சில இடங்களில் 50 மில்லிமீற்றருக்கு அதிகமான அடை மழை பெய்யும் என எதிர்பார்ப்பதாக வளிமண்டலவியல் திணைக்களம் வெளியிட்டு அறிக்கையில் குறிப்பிடப்பட்டுள்ளது.

இதேவேளை கடும் காற்று காரணமாக பல பிரதேசங்களுக்கு பாதிப்பை ஏற்படுத்தியுள்ளது. குருணாகல் – குடாகல்கமுவ பிரதேசத்தில் 40 வீடுகளுக்கு பாதிப்பு ஏற்பட்டுள்ளன.

நுவரெலியா, ஹட்டன் மற்றும் மாத்தறை பிரதேசங்களில் மரங்கள் விழுந்தமையினால் பல வீதிகளில் பயணிக்க முடியாத நிலை ஏற்பட்டுள்ளது.

அத்துடன் மின்சார தூண்கள் மீது மரங்கள் உடைந்து விழுந்துள்ளமையினால் மின்சாரம் தடைப்பட்டுள்ளது.

கண்டியில் இருந்து மஹியங்கனை நோக்கி பயணித்த பேருந்தில் பொருத்தப்பட்டிருந்த தொலைக்காட்சியில் ஆபாச காட்சிகள் ஒளிபரப்பு செய்யப்பட்டதாக குற்றம் சாட்டப்பட்டுள்ளது.இதன் காரணமாக பேருந்தில் பயணித்த பெண்கள் உட்பட பயணிகள் பெரும் அசௌகரியத்திற்கு முகங்கொடுத்துள்ளனர்.

பெண் ஒருவர் குறித்த பேருந்தில் ஏறிய சந்தர்ப்பத்தில் பாலியல் சம்பந்தமான படங்கள் மற்றும் ஆபாசமான காட்சிகள் ஒளிபரப்பாகியுள்ளது.

சம்பவம் தொடர்பில் தெல்தெனிய பொலிஸ் நிலையத்திற்கு தகவல் வழங்கப்பட்டது. இதனையடுத்து குறித்த பஸ்ஸின் சாரதி மற்றும் நடத்துனரிடம் பொலிஸார் விசாரணை மேற்கொண்டுள்ளனர்.

குறித்த பேருந்து ஹஸலக பிரதேசத்தை சேர்ந்த நபருக்கு சொந்தமானதென கண்டறியப்பட்டுள்ளது.