நாடளாவிய ரீதியில் இன்புலுவென்சா நோய்த் தாக்கம் அதிகரித்து வருகின்ற காரணத்தினால் பொது மக்கள் மிக அவதானத்துடன் இருக்குமாறு சுகாதார சேவைகள் பணியகம் தெரிவிக்கின்றது.

காய்ச்சல், தலைவலி, உடல் வலி, தடுமல் உள்ளிட்ட நோய் தாக்கங்கள் முன்னறிகுறியாக தென்படும் பின்னர் நோய் தாக்கம் படிப்படியாக அதிகரிக்கும் எனவும் இதிலிருந்து பாதுகாப்பு பெறுவதற்கான வைத்திய ஆலோசனைகளை உரிய விதத்தில் பின்பற்றுமாறும் சுகாதார அமைச்சு வேண்டுகோள் விடுத்துள்ளது.

அதன் பிரகாரம் இந்த நோய் தொற்று உள்ளதாக அறிந்துக்கொண்டவர்கள் அதின சன நடமாட்டம உள்ள பகுதியிலி சென்று நிற்பதை தவிர்க்க வேண்டும், தடுமல் அல்லது தும்மல் ஏற்படுகின்ற போது மூக்கை துவாய் ஒன்றினால் மறைத்துகொள்ள வேண்டும், தரமான ஒரு வைத்தியரை உடனடியாக நாடி உரிய சிகிச்சைகளை பெற்றுக்கொள்ள வேண்டும் என்ற அறிவுறுத்தல்களை சுகாதார அமைச்சு விடுத்துள்ளது.

கொட்டகலை ரயில்வே கடவைக்கு அருகில் ஒருவர் ரயில் முன் பாய்ந்து தற்கொலை செய்து கொண்டுள்ளதாக திம்புள்ள பத்தனை பொலிஸார் தெரிவித்தனர். இச்சம்பவம் நேற்று மாலை 3 மணியளவில் இடம்பெற்றுள்ளது

கொழும்பில் இருந்து பதுளை நோக்கி சென்ற ரயில் முன் பாய்ந்தே குறித்த நபர் தற்கொலை செய்துகொண்டுள்ளார்.
இவ்வாறு தற்கொலை செய்து கொண்டவர் 2 பிள்ளைகளின் தந்தையான வேலு சந்திரபோஸ் (வயது 40) கொட்டகலை டிரேட்டன் கே.ஓ பிரிவை சேர்ந்தவர் என அடையாளம் காணப்பட்டுள்ளதாக பொலிஸார் தெரிவித்தனர்.

சடலம் மரண விசாரணைகளின் பின் கொட்டகலை வைத்தியசாலைக்கு பிரேத பரிசோதனைக்காக கொண்டு செல்லப்படவுள்ளதாக விசாரணைகளை முன்னெடுத்து வரும் திம்புள்ள பத்தனை பொலிஸார் தெரிவித்தனர்.

இச்சம்பவம் குறித்து மேலதிக விசாரணைகளை திம்புள்ள பத்தனை பொலிஸார் மேற்கொண்டு வருகின்றனர்.

இலங்கைக்கு மேலாக சூரியன் நேரடியாக உச்சம் கொடுப்பதும். காற்றின் அளவு குறைந்தமையும் காரணமாகவே நாட்டில் கடும் வெப்ப காலநிலை நிலவுகிறது.

இந்த நிலையில் குறித்த காலநிலை எதிர்வரும் 15ஆம் திகதி வரை நீடிக்கும் என்று காலநிலை அவதான நிலையம் தெரிவித்துள்ளது.

இதேவேளை, சூரியனின் உச்சம் இலங்கைக்கு மேல் தொடர்வதே இதற்கான காரணமாகும். இன்று சூரியன் இலங்கையின் பங்கதெனிய, வாரியபொல உட்பட்ட வடமேற்கு பகுதிகளின் சில இடங்களுக்கு மேலாக நேரடியாக உச்சம் கொடுத்தது.

எனினும் இந்தியாவை போன்று 40 செல்சியஸ் அளவிலான வெப்ப அளவீடு இருக்கவில்லை. பொலநறுவையில் ஆகக்கூடுதலாக 35 செல்சியஸ் வெப்பமே பதிவானது.

யாழ்ப்பாணம், கொழும்பு, ரத்தினபுரி வவுனியா ஆகிய இடங்களிலும் 35 செல்சியஸ் வெப்பம் பதிவானது. இந்தநிலையில் இன்று கொழும்பின் சில இடங்களில் சிறிய மழைப்பொழிவு நிகழ்ந்தது.

இலங்கையில் உரிய கல்வி முறை இல்லாமையினால் உயர்தரத்தில் 3A சித்திகளை பெற்ற இளைஞர்கள் முச்சக்கரவண்டி ஓட்டும் தொழில் ஈடுபடுவதாக தொழிலாளர் மற்றும் தொழிற்சங்கங்களின் இராஜாங்க அமைச்சர் ரவிந்திர சமரவீர தெரிவித்துள்ளார்.

இதனால் மாணவர்கள் கல்வி நடவடிக்கைகளில் இருந்து விலகிய பின்னர் அவர் செல்ல கூடிய தொழில்களுக்கான பயிற்சியை அறிமுகப்படுத்தி வைப்பதற்கு அரசாங்கம் திட்டமிட்டுள்ளதாக அமைச்சர் குறிப்பிட்டுள்ளார்.

கொழும்பில் இடம்பெற்ற ஊடக சந்திப்பில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

இலங்கையில் தொழில் பற்றாக்குறை உள்ளதாக கூறப்படும் குற்றச்சாட்டில் உண்மையில்லை. சுதந்திர வர்த்தக மையத்தில் இலட்சத்திற்கும் அதிகமான வெற்றிடங்கள உள்ளன.

நாட்டில் 11 இலட்சம் முச்சக்கர வண்டிகள் உள்ளது. உயர்தரத்தில் 3ஏ சித்திகளை பெற்றுக் கொண்டு முச்சக்கர வண்டி ஓட்டுவோர் அதிகமானோரும் உள்ளனர்.

சிலர் 3 ஏ சித்திகளை பெற்ற போதும் பல்கலைகழகம் செல்ல முடியாத நிலை ஏற்பட்டமையினால் முச்சக்கர வண்டி ஓட்டுகின்றனர். இதனால் அரசாங்கம் உரிய வேலைத்திட்டம் ஒன்றை ஆரம்பித்துள்ளதாக அவர் மேலும் தெரிவித்துள்ளார்.

வருடத்தின் இதுவரையான காலப்பகுதியில் 30,486 டெங்கு நோயாளர்கள் பதிவாகியுள்ளனர். கடந்த மார்ச் மாதத்திலேயே அதிகளவிலான நோயாளர்கள் பதிவாகியுள்ளதாக சுகாதார அமைச்சு தெரிவித்துள்ளது.

கடந்த மாதத்தில் மாத்திரம் 11,547 பேர் டெங்கு காய்ச்சலால் பீடிக்கப்பட்டுள்ளதாக அமைச்சு மேலும் சுட்டிக்காட்டியுள்ளது.

ஜனவரி மாதம் 10,464 பேரும் பெப்ரவரி மாதத்தில் 8,475 பேரும் டெங்கு காய்ச்சலால் பீடிக்கப்பட்டுள்ளனர்.

மேல் மாகாணத்திலேயே அதிகளவான டெங்கு நோயாளர்கள் பதிவாகியுள்ளதாகவும் சுகாதார அமைச்சு சுட்டிக்காட்டியுள்ளது.

மூன்று வருடங்களுக்கு முன்னரே கண்டுபிடிக்கப்பட்ட பாரிய விண்கல் ஒன்று பூமிக்கு அருகாமையில் கடந்து செல்லவுள்ளதாக நாஸா தெரிவித்துள்ளது.

2014JO25 என்று பெயரிடப்பட்டுள்ள சுமார் இரண்டாயிரம் அடி நீளம் கொண்ட இந்த விண்கல், எதிர்வரும் பத்தொன்பதாம் திகதி புதன்கிழமையன்று பூமிக்கு பதினெட்டு இலட்சம் கிலோமீற்றர் தொலைவில் கடந்துசெல்லவுள்ளது. இது, பூமியில் இருந்து நிலவுக்கான தூரத்தின் நான்கு மடங்காகும்.

இம்மாதம் 19ஆம் திகதி பின்னிரவில் இந்த விண்கல்லை மக்கள் காணலாம் என்று தெரியவருகிறது.

சிறு சிறு விண்கற்கள் பூமிக்கு அருகாமையில் கடந்து செல்வது வழக்கமானதே என்றபோதும் இதுபோன்ற பாரிய விண்கல் பூமிக்கு மிக அருகாமையில் கடந்து செல்லும் முதல் சந்தர்ப்பம் இது என்றும், இந்த விண்கல்லால் பூமிக்கு எந்தப் பாதிப்பும் இல்லை என்றும் நாஸா குறிப்பிட்டுள்ளது.

இதற்கு அடுத்தபடியாக, எதிர்வரும் 2027ஆம் ஆண்டு 1999AN10 என்ற பாரிய விண்கல் பூமியைக் கடக்கும் என்றும், சுமார் 2 ஆயிரத்து 600 அடி நீளமுள்ள இந்த விண்கல், பூமியில் இருந்து நிலவுக்கான தொலைவில் மிக நெருக்கமாகக் கடந்து செல்லும் என்றும் நாஸா தெரிவித்துள்ளது. இந்நிகழ்வு சுமார் 400 வருடங்களுக்குப் பிறகே இடம்பெறவுள்ளது என்றும், இதற்கு அடுத்தபடியாக 500 வருடங்களுக்குப் பின்னரே இதுபோன்ற நிகழ்வு இடம்பெறும் என்றும் நாஸா கூறியுள்ளது.

ஊழல் மோசடிக்காரர்களை தண்டிக்க வேண்டிய கட்டத்தில் ஜனாதிபதி உள்ளார். குற்றவாளிகளை தண்டிப்பதாக கூறுகின்றாரே தவிர குற்றகாளிகளை தண்டிக்க எந்த நடவடிக்கையும் முன்னெடுக்கவில்லை என ஸ்ரீலங்கா சுதந்திர கட்சியின் ஊடகப்பேச்சாளர் டிலான் பெரேரா தெரிவித்தார். ஜனாதிபதியின் அதிகாரங்களுக்கு மேலாக செயற்படும் பிரதமர் ரணில் விக்கிரமசிங்கவிற்கு முதலில் ஜனாதிபதி சிவப்பு எச்சரிக்கை விட வேண்டும் எனவும் அவர் வலியுறுத்தினார்.

பதுளையில் நேற்று இடம்பெற்ற மக்கள் சந்திப்பின் போதே அவர் இதனைக் குறிப்பிட்டார். இது குறித்து அவர் மேலும் கூறுகையில்,

நாட்டில் இடம்பெறும் ஊழல் மோசடிகள் தொடர்பில் குற்றவாளிகளை தண்டிப்பதில் ஜனாதிபதி மிகவும் அமைதியாக செயற்பட்டு வருகின்றார். குற்றவாளிகளை தண்டிப்பதாக கூறுகின்றாரே தவிர குற்றகாளிகளை தண்டிக்க எந்த நடவடிக்கையும் முன்னெடுக்கவில்லை. மத்திய வங்கி ஊழல் விடயத்திலும், ஹம்பாந்தோட்டை துறைமுக விவகாரங்களிலும் ஜனாதிபதி சிவப்பு எச்சரிக்கை விடுக்க வேண்டிய நேரம் வந்துள்ளது. இப்போது அவர் தனது அதிகாரங்களை கையாண்டு நாட்டில் நடக்கும் ஊழல் மோசடிகள் அனைத்திற்கும் முற்றுப்புள்ளி வைக்க வேண்டும்.

அதேபோல் சிவப்பு எச்சரிக்கை விடுக்க வேண்டியது வேறு யாருக்கும் அல்ல. பிரதமர் ரணில் விக்ரமசிங்கவிற்கே தற்போது ஜனாதிபதி சிவப்பு எச்சரிக்கை விடுக்க வேண்டும். அரசாங்கம் கொள்ளையடித்தாலும் பரவாயில்லை. ஆனால் மக்களுக்கான வேலைத்திட்டங்களை சரியாக மேற்கொள்ள வேண்டும் என மக்கள் எதிர்பார்க்கும் நிலைமை ஏற்பட்டுள்ளது.

ஆனால் வேலைத்திட்டங்களை முன்னெடுக்காது மக்களின் சொத்துக்களை சூறையாடி வருவதே இன்று நாட்டில் மிகப்பெரிய பிரச்சினையாக அமைந்துள்ளது. இன்று ஜனாதிபதி ஒரு கட்டளை பிறப்பிக்கும் போது அதற்கு மேலாக பிரதமர் ஒரு கட்டளையை விடுகின்றார். ஜனாதிபதி அதிகாரங்களை தாண்டிய வகையில் பிரதமர் தனது அதிகாரங்களை பயன்படுத்தி வருகின்றார். ஆகவே இந்த செயற்பாடு நிறைவேற்று ஜனாதிபதி முறைமைக்கு பாரிய அவமானமாக அமைந்துள்ளது.

பிரதமர் ரணில் விக்கிரமசிங்கவிற்கும் பசில் ராஜபக்ஷவிற்கும் இடையில் பாரிய டீல் ஒன்று உள்ளது என்பதை நான் ஆரம்பத்தில் இருந்தே தெரிவித்து வருகின்றேன். இப்போதும் அது உறுதியாக வெளிப்பட்டு வருகின்றது. பொது எதிரணியின் மேதின கூட்டம் காலி முகத்திடலில் இடம்பெற வேண்டும் என்பது பிரதமர் ரணில் விக்கிரமசிங்கவின் தேவையே. அதற்கான பசில் ராஜபக்ஷவை சரியாக பயன்படுத்தி வருகின்றார். அவர்களின் மே தினக் கூட்டத்திற்கு சகல வசதிகளையும் ஏற்படுத்திக்கொடுத்து அதன் மூலம் ரணில் விக்கிரமசிங்க சுயநல அரசியலை மேற்கொண்டு வருகின்றார்.

ஸ்ரீலங்க சுதந்திர கட்சியை இரண்டாகுவதன் மூலம் ஐக்கிய தேசியக் கட்சியை பலப்படுத்தவே இவர்கள் முயற்சித்து வருகின்றனர். இதற்கு நாம் ஒருபோதும் இடமளிக்கக் கூடாது. ஸ்ரீலங்கா சுதந்திர கட்சியின் ஒற்றுமையே கட்சியின் பலமாகும். அதை பொது எதிரணியினர் விளங்கிக்கொள்ள வேண்டும். அதேபோல் தனித்து பயணித்தாலும் இறுதியில் நாம் இருவரும் ஒரு இலக்கையே அடைய வேண்டும் என்பதை உணர்ந்து பொது எதிரணியினர் செயற்பட வேண்டும்.

தேசிய அரசாங்கத்தில் நாம் இப்போது அங்கம் வகித்த போதிலும் அதன் மூலம் நாட்டை பலப்படுத்த வேண்டும் என்ற ஒரு நோக்கம் மட்டுமே உள்ளது. அதை தவிர்ந்து தொடர்ந்தும் தேசிய அரசாங்கமாக செயற்பட வேண்டும் என்ற நிலைப்பாட்டில் ஸ்ரீலங்கா சுதந்திர கட்சி இல்லை. வெகு விரைவில் நாம் ஜனாதிபதி மைத்திரபால சிறிசேன தலைமையில் ஸ்ரீலங்கா சுதந்திர கட்சியின் தனித்த ஆட்சியை அமைப்போம் என அவர் தெரிவித்தார்.

6அநு­ரா­த­புரம் விஹார கல்­லஞ்­சிய 50 வீட்­டுத்­திட்ட குடி­யி­ருப்பு பகு­தியைச் சேர்ந்த 30 வய­தான பெண் ஒருவர் தனது மகள்மார் இரு­வரை வீட்­டுக்­கி­ணற்றில் வீசி கொலை செய்­து­விட்டு தற்­கொலை செய்து கொண்­டுள்­ள­தாக அநு­ரா­த­புரம் பொலிஸார் தெரி­விக்­கின்­றனர்.

இச் ­சம்­பவம் கடந்த 7 ஆம் திகதி இரவு இடம்­பெற்­றுள்­ளது. சம்­பவம் இடம்­பெற்றபோது நுவ­ரெ­லியா பிர­தே­சத்­தி­லுள்ள இரா­ணுவ முகாம் ஒன்றில் கட­மை­யாற்­றி­வரும் உயி­ரி­ழந்த பெண்ணின் கணவர் வீட்டில் இருந்­தி­ருக்­க­வில்லை எனவும், அவ் ­வே­ளையில் வீட்­டி­லி­ருந்த குறித்த பெண்ணின் மூத்த மக­னான 7 வயது சிறு­வ­னுக்கு எவ்­வித பாதிப்­பு­களும் ஏற்­பட்­டி­ருக்­க­வில்லை என்றும் தெரி­ய­வந்­துள்­ளது.

இவ்­வாறு உயி­ரி­ழந்­த­வர்கள் நதீகா மது­ரங்கி குண­சே­கர (30), புவனீ நுவன்­ஞனி ( 4) மற்றும் ஒன்­றரை வய­தான பிகுன்யா செவ்­வந்தி ஆகிய மூவ­ரு­மாவர்.

பிள்­ளைகள் மூவரும் நித்­தி­ரைக்கு சென்­றதன் பின்னர் இப் பெண் கடி­த­மொன்றை எழுதி, அக்­ க­டி­தத்தை குடும்பப் படங்கள் அடங்­கிய புகைப்­பட அல்­ப­மொன்­றினுள் வைத்து அதனை சமை­ய­ல­றையை அடுத்து இருந்த அறை­யி­லி­ருந்த மேசை மீது வைத்­து­விட்டு, மகள்மார் இரு­வ­ரையும் கிணற்றில் வீசி­விட்டு வீட்டு சமை­ய­ல­றை­யினுள் தூக்­கிட்டு தற்­கொலை செய்­து­கொண்­டுள்­ள­தாக விசா­ர­ணை­களில் தெரி­ய­வந்­துள்­ளது.

ஏழு வய­தான மகன் மறுநாள் சனிக்­கி­ழமை காலை 7 மணி­ய­ளவில் நித்­திரை விட்­டெ­ழும்பி சமை­ய­ல­றைக்கு சென்று பார்த்­த­போது. தனது தாய் தூக்கில் தொங்­கு­வ­தனை கண்டு அதிர்ச்­சி­ய­டைந்து இவ் ­வி­ட­யத்தை அய­ல­வர்­க­ளுக்கு தெரி­யப்­ப­டுத்­தி­ய­த­னை­ய­டுத்து அவர்கள் இது தொடர்பில் பொலி­ஸா­ருக்கு அறி­வித்­துள்­ளனர்.

தனது பிள்­ளைகள் இரு­வரும் நித்­தி­ரையில் இருக்­கும்­போதே கிணற்றில் போடப்ப ட்டிருக்­கலாம் எனவும் தனது மகன் சற்று பெரி­யவன் என்­ப­தனால் அவன் விழித்துக் கொள்­ளக்­கூடும் என்ற எண்­ணத்தில் அப் பெண் அவனை விட்­டு­வைத்­தி­ருக்­கலாம் என்றும் பொலி ஸார் சந்­தேகம் வெளி­யிட்­டுள்­ளனர்.

சம்­பவ இடத்தில் மேற்­கொண்ட விசா­ர­ணை­க­ளுக்­க­மைய, குறித்த பெண் தற்­கொலை செய்து கொள்­வ­தற்கு முன்னர் எழு­தி­யி­ருந்த கடி­தத்தை பொலி ஸார் மீட்­ட­துடன் உயி­ரி­ழந்த பெண்­ணினால் அவ­ரது மரணம் குறித்து உற­வி­னர்­க­ளுக்கு அறி­விப்­ப­தற்கு இல­கு­வாக இருப்­ப­தற்­காக அவ­ரது நெருங்­கிய உற­வி­னர்கள் இரு­வரின் தொலை­பேசி இலக்­கங்கள் எழு­தப்­பட்­ட­வாறு சமை­ய­லறை கதவில் ஒட்­டப்­பட்­டி­ருந்த காகி­த­மொன்­றி­னையும் மீட்­டி­ருந்­தனர்.

இதே­வேளை, அநு­ரா­த­புரம் பதில் நீதிவான் நதீ ஆகாஷ் குரே முன்­னி­லையில், உயி­ரி­ழந்த சிறு­மிகள் இரு­வ­ரி­னது சட­லங்­களும் மீட்­கப்­பட்டு நீதிவான் விசா­ர­ணைகள் மேற்­கொள்­ளப்­பட்­டன.

இம் மூன்று சட­லங்­க­ளையும் அநு­ரா­த­புரம் போதனா வைத்­தி­ய­சா­லையின் சட்ட வைத்­திய பிரி­வுக்கு மரண விசா­ர­ணை­க­ளுக்கு அனுப்பி வைக்­கு­மாறும் அப்­ப­ரி­சோ­தனை அறிக்­கை­களை நீதி­ மன்­றுக்குச் சமர்ப்­பித்­ததன் பின்னர் சட­லங்­களை உயி­ரி­ழந்­த­வர்­க­ளுக்கு நெருக்­க­மான உற­வி­னர்­க­ளிடம் ஒப்­ப­டைக்­கு­மாறும் நீதிவான், பொலி­ஸா­ருக்கு உத்­த­ர­விட்டார்.

இந்­நி­லையில், சம்­பவம் தொடர்பில் மேல­திக விசா­ர­ணை­களை அநுராதபுரம் பொலிஸார் மேற்கொண்டு வருகின்றனர்.

மோட்டார் சைக்கிள் தலைக்கவசம் அணியும் போது 10 விதிகளை கட்டாயம் பின்பற்ற வேண்டும் என அரசாங்கத்தால் வெளியிடப்பட்ட வர்த்தமானி தற்காலிகமாக இரத்துசெய்யப்பட்டுள்ளது.

குறித்த விடயத்தினை வீதி பாதுகாப்பு தொடர்பான தேசிய சபையின் தலைவர் சிசிர கொதாகொட தெரிவித்தார்.

குறித்த வர்த்தமானியில் வெளியிடப்பட்ட சில விதிமுறைகள் தொடர்பில் பிரச்சினைகள் நிலவுவதால் குறித்த தீர்மானம் எடுக்கப்பட்டுள்ளது.

இந்நிலையில் குறித்த விதிமுறைகளில் திருத்தங்களை மேற்கொள்ள வேண்டுமென கோரிக்கைகள் முன்வைக்கப்பட்டுள்ளதாக அவர் மேலும் சுட்டிக்காட்டினார்.