அம்பாறை மாவட்டத்திலுள்ள புதியவளத்தாப்பிட்டி எனும் பின்தங்கிய கிராம வரலாற்றில் முதற்றடவையாக ஒரு மாணவி தரம்5 புலமைப்பரிசில் பரீட்சையில் சித்தி பெற்று சாதனைபடைத்துள்ளார்.

புதியவளத்தாப்பிட்டி நாவலர் வித்தியாலயத்தில் பயிலும் யோகநாதன் ஹைனியா என்ற மாணவியே இவ்விதம் 155 புள்ளிகளைப் பெற்று வரலாற்றுச்சாதனை படைத்துள்ளார்.

இப்பாடசாலையில் 12 மாணவர்கள் 100 புள்ளிகளுக்கு மேல் பெற்று மற்றுமொரு சாதனையைப் படைத்துள்ளமையும் குறிப்பிடத்தக்கது.

சாதனை மாணவி ஹைனியாவை கடந்தவாரம் இடம்பெற்ற நாவலர் வித்தியாலய விளையாட்டுப்போட்டியில் கௌரவித்துள்ளனர்.

அமைச்சர் தயாகமகேயின் இணைப்பாளர் வி.வினோகாந்த்தின் ஏற்பாட்டில் விழாவிற்கு பிரதம அதிதியாக வருகைதந்த கிழக்குமாகாணசபை உறுப்பினர் மஞ்சுள பெர்ணாண்டோ குறித்த சாதனை மாணவிக்கு பதக்கமணிவித்து சான்றிதழ் வழங்கிக் கௌரவித்துள்ளார்.

கௌரவ அதிதியாக அமைச்சர் தயாகமகேயின் இணைப்பாளர் வி.வினோகாந்த் கலந்து சிறப்பித்தார்.

பாடசாலை அபிவிருத்திசங்கத்தினர் பொதுமக்கள் மாணவர்கள் பாடசாலைசமுகத்தினர் முன்னிலையில் பகிரங்கமாக சாதனை மாணவி ஹைனியா இவர் பாராட்டிக் கௌரவிக்கப்பட்டுள்ளமை ஏனைய மாணவர்களுக்கு முன்னுதாரணமும் ஊக்குவிக்கும் செயற்பாடாகுமென ஏற்பாட்டாளர் வி.வினோகாந்த் தெரிவித்தார்.

பின்­ன­வல பிர­தே­சத்­தி­லுள்ள பிர­பல பாட­சாலை ஒன்றின் பிரதி அதி­பரின் கையின் நடு­வி­ரலை உடைத்த மாணவர் ஒரு­வரை ரம்புக்­கனை பொலிஸார் கைது செய்­துள்­ளனர்.

இப்­பா­ட­சா­லையில் 13 ஆம் தரத்தில் கல்வி கற்­று­வரும் குறித்த மாணவர் கையில் வளையம் ஒன்றை அணிந்­த­வாறு பாட­சா­லைக்கு சென்­றுள்ளார். ஒழுக்­கத்­துக்கு முர­ணான வகையில் இவ்­வா­றான அணி­க­லன்­களை பாட­சா­லைக்கு அணிந்­து­வந்­தமை குறித்து அம்­மா­ண­வ­னிடம் பாட­சா­லையின் பிரதி அதிபர் வின­வி­யுள்ளார்.

அதன்­போது, பிரதி அதி­ப­ருடன் வாக்­கு­வா­தத்தில் ஈடு­பட்ட இம்­மா­ணவன் அவரின் கையின் விரல் உடைத்துத் தாக்­குதல் நடத்­தி­யுள்­ள­தாக சக ஆசி­ரி­யர்கள் தெரி­விக்­கின்­றனர். காய­ம­டைந்த பிரதி அதிபர் உட­ன­டி­யாக கேகாலை வைத்­தி­ய­சா­லையில் அனு­ம­திக்­கப்­பட்­ட­துடன் சத்­தி­ர­சி­கிச்­சைக்கு உட்­ப­டுத்­தப்­பட்டார்.

இவ்­வாறு தாக்­குதல் நடத்­திய மாணவன் இதற்கு முன்­ப­தா­கவும் ஒழுக்­கத்தை மீறிய சம்­ப­வ­மொன்று தொடர்­பாக 14 நாட்கள் வகுப்­புத்­த­டைக்கு உள்­ளா­கி­யி­ருந்­த­வ­ரென பாட­சாலை வட்­டா­ரங்கள் தெரிவிக்கின்றன. சம்பவம் தொடர்பில் ரம்புக்கனை வலய கல்விப்பணிமனை மற்றும் பொலிஸார் விசாரணைகளை மேற்கொண்டு வருகின்றனர்.

பிராந்­தி­யத்தின் வீதி உணவு தொடர்­பாக, புதிய பரி­ணாமம் ஒன்றை உரு­வாக்கி அதில் களி­யாட்­டங்­க­ளையும், குதூ­க­லத்­தையும் கலந்து வித்­தி­யா­ச­மான, அனு­ப­வத்தை, ‘கொழும்பு வீதி உணவுத் திரு­விழா 2017’ பெற்­றுத்­த­ர­வி­ருக்­கி­றது. பெயார்வே ஹொட்டேல் நிறு­வனம் இதனை ஏற்­பாடு செய்து அனு­ச­ர­ணை­யையும் வழங்­கு­கி­றது.

இன்று 18 ஆம் திகதி ஆரம்­ப­மாகி, மே மாதம் 20 ஆம் திகதி வரை சனிக்­கி­ழ­மைகள் தோறும் மாலை 6 மணிமுதல் நள்ளிரவு வரை இந்த உணவுத் திரு­விழா நடை­பெறும் என அறி­விக்­கப்­பட்­டுள்­ளது.

கொழும்பு கோட்­டை­யி­லுள்ள ஆஸ்­பத்­திரி வீதி, திரு­விழா களி­யாட்­டங்­க­ளுடன், பல்­வேறு இசை­நி­கழ்ச்­சி­களைக் கொண்­ட­தாக, கலை­ஞர்கள் உட்­பட பிர­மு­கர்­க­ளினால் நிறை­ய­வுள்­ளது.

நாவூறச் செய்யும் அற்­பு­த­மான சுவையின் உள்­நாட்டு மற்றும் வெளி­நாட்டு உணவு வகை­களின் ஒன்­று­தி­ரட்­டலே இங்கு பிர­தான அம்­ச­மாக அமைந்­தி­ருக்கும். உணவு வகை­களில் புதிய பரி­ணா­மத்தை அடைந்து கொள்ள வழி­வ­குக்கும் கொழும்பு வீதி உண­வுத்­தி­ரு­விழா சுவை­யி­னதும், கலை­யி­னதும் சங்­க­ம­மாக திக­ழ­வுள்­ளது.

எலிபன்ட் ஹவுஸ் நிறு­வ­னத்தின் இணை அனு­ச­ர­ணை­யுடன், Ballzy’s Entertainment நிறு­வ­னமும் இணைந்து கொள்­கி­றது. இலங்கை சுற்­றுலா அபி­வி­ருத்தி அதி­கார சபை, நகர அபி­வி­ருத்தி அதி­கார சபை என்­பன முக்­கிய பங்­கா­ளி­க­ளாக இணைந்து கொள்­கின்­றன.

பெயார்வே ஹோல்டிங்ஸ் குழும லைப்ஸ்டைல் துறையின் பிர­தம நிறை­வேற்று அதி­காரி ரஜீவ் குல­துங்க இது­பற்றி கருத்து வெளி­யி­டு­கையில், “கொழும்புப் பிர­தே­சத்தில் காணப்­படும் பல வண்ண மய­மான கலா­சா­ரங்­களின் உணவு வகை­களை உற்று நோக்­கு­கையில், உணவு வேறு­பாட்டின் உச்­சத்தை அடைந்த ஒரு நக­ர­மாக நாம் கொழும்பை அடை­யாளம் காண்­கிறோம்” என்று தெரி­வித்தார்.

“கொழும்பு வீதி உணவுத் திரு­விழா ஒரு புத்­தம்­பு­திய அனு­ப­வத்­தையும், உணவுத் தோற்­றங்­க­ளையும் பெற்­றுத்­தரும் என்று நாம் எதிர்­பார்க்­கிறோம். மேலும் எமது இணை அனு­ச­ர­ணை­யா­ளர்கள், பங்­கா­ளிகள் மற்றும் நலன்­வி­ரும்­பி­களின் ஆத­ர­வு­க­ளுக்கு எமது நன்­றி­களைத் தெரி­வித்­துக்­கொள்ள விரும்­பு­கின்றோம். பங்­கு­தா­ரர்­களின் ஆர்வம், ஒத்துழைப்பு ஆகியவற்றின் மூலம் இந்த நிகழ்வில் நாம் பெரும் வெற்றியடைவோம் என்பதில் எந்தவித சந்தேகமும் இல்லை” என்றும் அவர் மேலும் தெரிவித்தார்.

 
இலங்கையின் பிரபல நடிகை பியுமி ஹன்சமாலி பங்கேற்ற விருந்துபசார நிகழ்வொன்றில் மோதல் நிலை ஏற்பட்ட காணொளி ஒன்று வெளியாகி’யுள்ளது.

நடிகை பியுமி ஹன்சமாலியுடன் இருந்த ஊடகவியலாளர் குழுவுக்கும், விருந்தில் கலந்து கொண்ட குழுவொன்றுக்கும் ஏற்பட்ட வாய்தர்க்கம் அடிதடி மோதலாக மாறியுள்ளது.

கிரிபத்கொடவில் அமைந்துள்ள ஹோட்டல் ஒன்றில் கடந்த 15ஆம் திகதி இடம்பெற்ற விருந்தின் இறுதியில் மோதல் இடம்பெற்றுள்ளது. அது தொடர்பான சீ.சீ.டீ.வி காணொளி தற்போது வெளியாகியுள்ளது.

தாக்குதலுக்குள்ளான நபர்கள் கிரிபத்கொட பொலிஸ் நிலையத்தில் முறைப்பாடு ஒன்றை பதிவு செய்துள்ள நிலையில் சம்பவத்தில் காயமடைந்த ஒருவர் கொழும்பு தேசிய வைத்தியசாலையில் அனுமதிக்கப்பட்டுள்ளார்.

சம்பவம் தொடர்பில் ஊடகவியலாளர்களிடம் கருத்து வெளியிட்டிருந்த பியுமி ஹம்சமாலி,

அந்த தாக்குதல் சம்பவத்துடன் தனக்கு தொடர்பு இல்லை. நண்பர்கள் சிலர் மற்றும் இளைஞர் குழுவொன்றுக்கு இடையில் இடம்பெற்ற வாய்தகராறு காரணமாக இந்த மோதல் இடம்பெற்றுள்ளதாக அவர் குறிப்பிட்டுள்ளார்.

திருகோணமலையில் டெங்கு நோய் தாக்கத்தினால் 6 வயது மாணவி ஒருவர் உயிரிழந்த சம்பவம் அப்பகுதி மக்களை பெரும் சோகத்தில் ஆழ்த்தியுள்ளது.

தற்போது கிழக்கு மாகாணத்தில் அதிகளவிலானவர்கள் டெங்கு நோயால் பாதிக்கப்பட்டு உயிரிழந்துள்ளனர். இதில் சண்முகா இந்து மகளிர் கல்லூரியில் பயிலும் உதயராஜன் அஞ்சனா வயது – 6 என்ற சிறுமியே நேற்றிரவு உயிரிழந்துள்ளார்.

கடந்த 13ஆம் திகதி அன்று காய்ச்சல் காரணமாக அனுராதபுரம் வைத்தியசாலையில் அனுமதிக்கப்பட்டிருந்த சிறுமி நேற்றிரவு உயிரிழந்ததாக தெரிவிக்கப்படுகின்றது.

மேலும், திருகோணமலை கிண்ணியா பிரதேசத்தில் நேற்று முன்தினத்தில் இருந்து 23 மணிநேரத்தில் 50 இற்கும் மேற்பட்டவர்கள் உயிரிழந்துள்ளதுடன், 4 ஆயிரத்துக்கும் மேற்பட்டவர்கள் டெங்கு நோயினால் பாதிக்கப்பட்டுள்ளமை குறிப்பிடத்தக்கது.