நிர்ப்பந்தத்துக்கு பயந்து தனது முதல்வர் பதவியை பன்னீர் செல்வம் ராஜினாமா செய்திருந்தால் அவர் ஒரு பயந்தாங்கொள்ளி என பாஜக மூத்த தலைவர் சுப்பிரமணிய சுவாமி கூறியுள்ளார்.

அவர் கூறியுள்ளதாவது, ‘அ.தி.மு.க. பொதுச்செயலாளர் வி.கே.சசிகலாவை தமிழக ஆளுநர் சட்டப்படி முதல்வராக்க வேண்டும்

எல்லாம் சட்டப்படி தான் நடக்க வேண்டும். சசிகலாவைப்பற்றி எனக்கு நல்ல அபிப்ராயம் இல்லை. ஆனால் அவரது உரிமையை சட்டத்தை மீறி பறிக்க வழியில்லை.

வி.கே.சசிகலாவை ஆளுநர் சட்டப்படி முதல்வராக்க வேண்டும். தமிழகத்தில் நடக்கும் அரசியல் பிரச்சனைகளை கருத்தில் கொண்டு அவர் சென்னையில் இருந்திருக்க வேண்டும்.

ஆனால், அவர் தவறு செய்திருக்கிறார். நிர்ப்பந்தத்துக்குப் பயந்து ராஜினாமா செய்திருந்தால், ஓ.பன்னீர்செல்வம் ஒரு பயந்தாங்கொள்ளி. முதலமைச்சர் ஆவதற்கு அவருக்குத் திறமை கிடையாது. அவருக்கு அந்த அந்தஸ்து கிடையாது.

ஓ.பன்னீர்செல்வம் அளித்த ராஜினாமா கடிதத்தைத் திரும்பப்பெற்றால் ஆளுநர் ஒரு முட்டாள் எனத் தெரிவித்துள்ளார்

அதிமுகவில் தொடர்ந்து பிரச்சனைகள் நிலவி வந்தால் அதிரடி முடிவு எடுக்க வேண்டி வரும் என அதிமுகவின் மூத்த உறுப்பினரும், பிரச்சாரளருமான நடிகை லதா கூறியுள்ளார்.

அவர் கூறியதாவது, ஜெயலலிதா மறைவிற்குப்பிறகு கட்சியின் கழக பொதுச்செயலாளர் யார் என்ற குழப்பம் நீடித்தாலும், ஆட்சிமுறை என்று வந்தபோது ஜெயலலிதா வழிகாட்டுதலின்படி ஓ.பன்னீர்செல்வம் திறம்பட செயல்பட்டு வந்தார்.

திறம்பட ஆட்சி நடத்திக்கொண்டிருக்கும் ஒருவரை ராஜினாமா செய்ய வைத்து, தற்போதைய கழக பொதுச்செயலாளர் முதல்வராக அவசரப்படுவதற்கு என்ன காரணம்?

அதற்கான அவசியம் என்ன?, அந்த அவசரத்தின் விளைவு தான் இன்று ஆட்சியில் இருக்கும் நம் கட்சி உடையக்கூடிய சூழ்நிலை உருவாகி இருக்கிறது.

மக்களின் பேராதரவுடன் இரண்டாம் முறையும் ஆட்சியில் அமர்ந்த நம் கட்சியினை ஆச்சரியத்துடன் பார்த்த அனைவரும், இன்று கட்சியின் நிலையையும், ஒற்றுமையின்மையும் அதிர்ச்சியில் பார்த்துக்கொண்டிருக்கிறார்கள்.

தமிழகம், இந்தியாவைத் தாண்டி உலகமே நம் கட்சியினை கேலிக்கூத்தாக பார்க்கும் நிலையை உருவாக்கிவிட்டார்களோ என எண்ணத் தோன்றுகிறது.

எம்.ஜி.ஆர். உருவாக்கிய கட்சிக்கு வந்த இந்த நிலையை என்னால் சகித்துக்கொள்ள முடியவில்லை.

மூத்த நிர்வாகிகள், முக்கியப் பொறுப்பாளர்களிடம் இருந்த நம்பிக்கையில் தான் அறிக்கையின் வாயிலாக வேண்டுகோள் மட்டும் வெளியிட்டு வந்தேன்.

இந்த கட்சியைக் காப்பாற்றும் கடமை எனக்கும் இருக்கிறது. இதே நிலை நீடித்தால் கட்சிக்கு என் கடமையை செய்யும் பொருட்டு, அதிரடி முடிவினை எடுக்கவும் தயங்க மாட்டேன் என்று கூறியுள்ளார்.

காஞ்சிபுரத்தில் 7 வயது சிறுமியை பலாத்காரம் செய்து எரித்து கொலை செய்த நபருக்கு தூக்கு தண்டனை வழங்க வேண்டும் என கோரிக்கை விடுத்து பெண்கள் உட்பட பொதுமக்கள் சாலை மறியலில் ஈடுபட்டுள்ளனர்.

காஞ்சிபுரம் மாவட்டம் மாங்காட்டில் உள்ள தனியார் பள்ளி ஒன்றில் ஹாசினி என்ற சிறுமி 2 ஆம் வகுப்பு பயின்று வருகிறார்.
அதே பகுதியை சேர்ந்த தஷ்வந்த்(23) என்ற மென்பொறியாளர், ஹாசினியை தனது வீட்டுக்கு அழைத்து சென்று பலாத்காரம் செய்ய முயன்றதும், அச்சிறுமி சத்தம்போட்டு கத்தியதால் போர்வையால் அந்த சிறுமியை சுற்றியுள்ளார். இதில் அச்சிறுமி மூச்சடைத்து இறந்துவிட்டதால், அவரது உடலை பற்றைக்குள் வீசி தீவைத்து எரித்துள்ளார்.

இதையடுத்து தஷ்வந்தை பொலிசார் கைது செய்தனர். அவர் மீது கொலை, பலாத்காரம் உள்ளிட்ட 4 பிரிவுகளின் கீழ் வழக்குப்பதிவு செய்தனர். பின்னர் அவரை புழல் சிறையில் அடைத்தனர்.

இந்தநிலையில் சிறுமியை கொலை செய்த தஷ்வந்துக்கு பிணை வழங்கக்கூடாது. அவருக்கு ஆதரவாக வக்கீல்கள் யாரும் கோர்ட்டில் ஆஜராகக்கூடாது.

அதிகபட்ச தண்டனையாக அவருக்கு தூக்குத்தண்டனை வழங்கக்கோரி மதனந்தபுரம் மாதா நகரில் நேற்று 200–க்கும் மேற்பட்ட பெண்கள் உள்பட பொதுமக்கள் சாலையில் அமர்ந்து மறியல் போராட்டத்தில் ஈடுபட்டனர்.

அப்போது அந்த வழியாக வந்த விடுதலை சிறுத்தைகள் கட்சி தலைவர் திருமாவளவன், சாலை மறியலில் ஈடுபட்டவர்களுக்கு ஆதரவு தெரிவித்தார்.

மேலும் அவர்களிடம் பேச்சுவார்த்தை நடத்தி அவர்களை சமரசம் செய்து வைத்தார். அதன் பின்னர் சாலை மறியலை கைவிட்டு பெண்கள் உள்பட அனைவரும் கலைந்து சென்றனர்.

இதற்கிடையில் பிரேத பரிசோதனை முடிந்து சிறுமி ஹாசினியின் உடல் அவரது பெற்றோரிடம் ஒப்படைக்கப்பட்டது.

பொதுமக்கள் மற்றும் பள்ளி ஆசிரியைகள், மாணவர்கள் என அனைவரும் சிறுமியின் உடலுக்கு அஞ்சலி செலுத்தினார்கள்.

ஏன் இப்படி வெறித்து பார்க்கிறாய் என்று கேட்டதால் கழுத்தை இறுக்கி கொன்றேன் என பெண் பொறியலாளர் கொலை வழக்கில் கைதான கொலையாளி வாக்குமூலம் அளித்துள்ளதாக இந்தியாவின் புனே பகுதி பொலிஸார் தெரிவித்துள்ளனர். இந்த கொலை சம்­பவம் தொடர்­பாக கேரள பொலிஸ் தரப்பில் தெரி­வித்­துள்­ள­தா­வ­து,

இந்­தி­யாவின் கேரள மாநிலத்தைச் சேர்ந்தவர் ரசிலா ராஜூ (வய­து 25) வயதான இவர் புனே பகுதியிலுள்ள இன்போஸிஸ் நிறுவனத்தில் பணிபுரிந்து வந்துள்ளார். கடந்த வாரம் விடுமுறை நாளான ஞாயிறன்று தனது பணியை செய்வதற்காக ரசிலா அலுவலகம் சென்­றுள்ளார்.

சம்­ப­வத்­தன்று பகல் 2 மணியளவில் அலுவலகத்துக்கு ­சென்ற ரசிலாவை அவரது மேலாளர் பலமுறை தொலைபேசியில் தொடர்பு கொள்ள முயற்சித்துள்ளார்.

பதில் இல்லாததால், பாதுகாவலரை பார்த்து வரும் படி கூறியுள்­ளார். பாதுகாவலர் சென்று பார்த்தபோது ரசிலா வேலை செய்யும் 9ஆவது மாடியில் வையரால் கழுத்து நெரிக்க பட்ட நிலையில் மயக்கமாக கிடந்துள்­ளா­ர்.

இதுகுறித்து பொலி­ஸா­ருக்­கு தகவல் அளிக்கப்பட்தையடுத்து, சம்பவ இடத்திற்கு ­வி­ரைந்த பொலிஸார் உடனடியாக ரசிலாவை மருத்துவமனைக்கு கொண்டு சென்றுள்­ள­னர். அங்கு அவரை பரிசோதித்த மருத்துவர்கள் ரசிலா ஏற்கனவே உயிரிழந்து விட்டதாக தெரிவித்­துள்­ள­னர்.

இந்த கொலை குறித்து பொலி­ஸார் விசாரணை மேற்கொண்டு வந்த நிலை­யில், குறித்த நிறு­வ­னத்­தின் பாதுகாப்புக் காவலர் பாபின் என்ற இளைஞர் (வயது 25) அந்தப் பெண்ணை கொலை செய்துள்ளமை தெரிய வந்துள்­ளது.

இந்தநிலையில் கொலையாளியை மும்பையிலுள்ள ரயில் நிலையத்தில் பொலிஸார் கைது செய்துள்ளனர். கொலை குறித்து பாபினிடம் விசாரித்ததில், “ஏன் வெறித்து பார்க்கிறாய் என்று கேட்டதாகவும் இது குறித்து நிறுவன மேலாளரிடம் புகார் தெரிவித்தார். இதில் ஆத்திரமடைந்து கழுத்தை வயரால் இறுக்கி கொன்றேன்” என வாக்குமூலம் அளித்துள்ளதாக பொலிஸார் தெரிவித் துள்ளனர்.

சசிலாவின் சடலம் பிரேத பரிசோதனை செய்யப் பட்டதையடுத்து ரசிலாவின் உறவினரான அஞ்சலி நந்தகுமார் பொலிஸில் கூறியதாவது, “சம்பவத்தன்று ரசிலா என்னிடம் ‘நான் இன்று சமர்ப்பிக்கும் வேலையைப் பொறுத்துதான், நான் பெங்களூருக்கு பணியிடமாற்றம் பெறுவதற்கான சாத்தியங்கள் நிறுவனத்திடமிருந்து பெப்ரவரி முதல் வாரத்தில் கிடைக்குமா என்பது தெரியும்”, என கூறிய சில நிமிடங்களிலே, “என் அறைக்குள் யாரோ நுழைவதுபோல் தெரிகிறது.

நான் சற்று நேரத்திற்குப்பின் அழைக்கிறேன்”, என்று அவசர அவசரமாக அலைபேசியைத் துண்டித்திருக்கிறார். இவைதான் அவர் பேசிய கடைசி வார்த்தைகள்!

அதன்பின், இரவு 8:30 மணியளவில், கழுத்தை நெரித்து கொல்லப்பட்டு இருந்த அவரின் உயிரற்ற உடல் மட்டுமே அவரது பணியறையில் காணப்பட்டது. மேலும், ரசிலாவுக்கு ஞாயிறுக்கிழமை அன்று அலுவலகத்தில் தனியாக வேலை செய்வதில் உடன்பாடில்லை.

அவரது மேலதிகாரிக்கு, அவர் மீது இருக்கும் காழ்ப்புணர்ச்சியின் காரணமாகவே, தன்னை அதிக நேரம் வேலை வாங்குவதாக தனது குடும்பத்தாரிடம் அவ்வப்போது புலம்பி இருக்கிறார். கொலையான ரசிலாவின் கடைசி நிமிடங்கள் போராட்டமாக கழிந்தது என்பதை பிரேத பரிசோதனைநிருபித்துள்ளது. ‘கொலையாளி அவரை ஏதோ ஒரு பொருளை வைத்து தாக்கியிருக்கிறார்.

அவரது இடது தோள்பட்டையில் பல் கடித்த காயங்கள் இருக்கின்றன. முகத்திலும் மார்பிலும் இருக்கும் காயங்களை பரிசோதித்ததில், அவர் கொலையாளியுடன் மிகவும் போராடி இருக்கிறார். அப்போது அவர் கழுத்தை நெரிக்கப்பட்டு, வாய் மற்றும் மூக்கு வழியாக இரத்தம் சிதறியிருக்கிறது” என்றிருக்கிறார்கள்.

ரசிலாவுக்கும் அவரது மேலதிகாரிக்கும், பணியிட மாற்றம் குறித்து வாக்குவாதம் நடந்ததாக ரசிலா கூறினார். இதன்போது ‘உனக்கு வெகுவிரைவில் பாடம் கற்பிக்கிறேன்’ என்று கூறியதாகவும் தெரிவித்தார்.

ரசிலாவின் மரணத்தை குறித்த நிறுவனமே பெறுப்பேற்க வேண்டும். இந்த மரணத்தில் மேலதிகாரிக்கும் சம்பந்தமுள்ளது என்றும் பொலிஸார் இதுகுறித்து விசாரித்து விரைவில் நட வடிக்கை எடுக்குமாறும் கோரி­யுள்ளார்.

முதலமைச்சர் ஆசனத்தில் அமர்வதற்கு, ஜெயலலிதாவுடனான நட்பு மட்டுமே போதுமான தகுதி அல்ல என்று நடிகர் கமல்ஹாசன் தெரிவித்துள்ளார். அரசியல் மற்றும் சமூகப் பிரச்சினைகள் குறித்து வெளிப்படையாகக் கருத்துத் தெரிவிக்கும் வழக்கமுடைய நடிகர் கமல்ஹாசன், தமிழகத்தின் தற்போதைய அரசியல் சூழ்நிலை குறித்து இவ்வாறு தெரிவித்துள்ளார்.

ஆங்கிலத் தொலைக்காட்சி நிறுவனம் ஒன்றுக்கு அளித்த பேட்டியின்போதே அவர் இதனைத் தெரிவித்தார்.

தமிழகத்தின் தற்போதைய முதல்வர் ஓ.பன்னீர்செல்வம், இதுவரை முதல்வர் என்ற பதவிக்குக் களங்கம் விளைவிக்கவோ அல்லது அந்தப் பதவிக்குத் தகுதியின்மையையோ இதுவரை வெளிப்படுத்தவில்லை என்றும், இதனால் அவரே தொடர்ந்து முதல்வர் பதவியில் இருக்கலாம் என்றும், ஜனநாயகத்தை நிரூபிக்கும் ஒரு கருவியாகவே அவரைத் தான் கருதுவதாகவும் கமல்ஹாசன் குறிப்பிட்டுள்ளார்.

ஒருவருடன் நீண்ட காலம் பழகினார் என்பதற்காக அவருடைய தொழிலை இன்னொருவர் திடீரெனச் செய்துவிட முடியாது. எனது தந்தை ஒரு சட்டத்தரணி. அவருடனேயே பல வருடங்கள் வாழ்ந்திருக்கிறேன் என்பதற்காக நீதிமன்றில் போய் நான் வாதிட முடியாது. நான் ஒரு நடிகன். நடிப்பதற்குப் பயிற்றுவிக்கப்பட்டிருக்கிறேன்.

பன்னீர்செல்வம் எனக்கு நண்பரும் கிடையாது, எதிரியும் கிடையாது. எனினும், ஜனநாயகத்தை மலரச் செய்வதற்கான கருவியாக அவரைப் பார்க்கிறேன். மேலும், மக்கள் தம்மை ஆள்பவரைக் கட்டுப்படுத்தக்கூடியவர்களாக இருக்கவேண்டும் என்றும் விரும்புகிறேன்.

சசிகலாவின் தகுதியையோ, தமிழ்நாட்டு மக்களின் தகுதியையோ நான் அறியேன். எனினும் ஊழலின் மொத்த வடிவாக விளங்கும் சசிகலா, மக்களின் விருப்புக்கு மதிப்புக் கொடுக்கத் தெரிந்திருக்க வேண்டும் என்று அந்தப் பேட்டியில் நடிகர் கமல்ஹாசன் தெரிவித்திருந்தார்.

மேலும் தமிழகத்தின் தற்போதைய நிலை குறித்துக் குரல் கொடுக்கும்படி நடிகர் மாதவனுக்கும் கமல்ஹாசன் ட்விட்டர் மூலம் அழைப்பு விடுத்திருந்தமை குறிப்பிடத்தக்கது.