வீடொன்றில் கோழி திருடச்சென்ற து கால் தவறி கிணற்றில் விழுந்த நபர் திருடனென்பதை அறியாது காப்பாற்றிய சம்பவம் தென் பகுதியில் இடம்பெற்றுள்ளது.குறித்தச் சம்பவம் தொடர்பில் தெரியவருவதாவது, குறித்த நபர் கோழிகளை திருடி சாப்பிடுவதை வழக்கமாகக் கொண்டவர்.

இதனாலேயே அப்பகுதியில் அவர் கோழி திருடனென அனைவராலும் அழைக்கப்பட்டு வந்துள்ளார்.குறித்த நபர் சில தினங்களாக திருடுவதை விட்டிருந்த நிலையில், ஒரு நாள் இரவு வேளையில் கோழியொன்றை திருடுவதற்காக வீடொன்றிற்குள் சென்றுள்ளார்.

இதன் போது அவ்வீட்டிலுள்ள நாய் குரைத்துள்ளதையடுத்து பயந்து போன குறித்த நபர் வேகமாக ஓட ஆரம்பித்துள்ளார்.பயந்து ஓடியமையினால் கால் இடரி கிணற்றில் விழுந்துள்ளார்.கிணற்றில் விழுந்த குறித்த நபர் தன்னை காப்பாற்றுமாறு கத்தியுள்ளார்.குறித்த சத்தத்தால் வீட்டிலிருந்த அனைவரும் கிணற்றுப் பகுதிக்கு வந்துள்ளனர்.

இதேவேளை, குறித்த நபர் திருடிய கோழியை நீரிற்குள் அமிழ்த்தியதுடன் தான் சீட்டு விளையாடிக் கொண்டிருக்கும் போது பொலிஸார் துரத்தியதாகவும் அதனாலேயே தான் கிணற்றில் தவறி விழுந்ததாகவும் தெரிவித்துள்ளார். குறித்த நபரின் வார்த்தைகளை நம்பிய வீட்டினர் திருடனை வெளியெடுத்துள்ளதோடு மாற்று உடைகளையும் வழங்கி சூடாக பருகுவதற்கு கோப்பியும் வழங்கி வீட்டிற்கு அனுப்பி வைத்துள்ளனர்.

இதன்படி, சில நாட்களுக்குப் பின் தண்ணீரெடுப்பதற்காக கிணற்றிற்கு குறித்த வீட்டுப்பெண் சென்ற போது கோழி மிதந்த வண்ணம் இருந்துள்ளது.அதிர்ச்சியடைந்த குறித்த பெண் தனது கணவனை அழைத்து காண்பித்துள்ளார். குறித்த நபர் கோழியை திருடவே வந்துள்ளாரென்பதை அறிந்து ஆத்திரமடைந்த அவர்கள் குறித்த நபரை தீவிரமாக தேடிவந்துள்ளனர்.எனினும் குறித்த நபரை அவர்களால் கண்டுபிடிக்க முடியாமல் போயுள்ளது.

அம்பாறை – பொத்துவில் – ஹிதயாபுரம் பிரதேசத்தில் வீடொன்றின் தடுப்புச்சுவர் உடைந்து விழுந்ததில் 13 வயது சிறுவன் ஒருவர் உயிரிழந்துள்ளார்.இந்த விபத்து இன்று மதியம் இடம் பெற்றதாக ஹிதயாபுர பொலிஸார் கூறினார்.

இந்த வீட்டின் பின்புறத்தில் அமைக்கப்பட்டிருந்த தடுப்புச்சுவர் இடிந்துசிறுவனின் மீது விழுந்தமையினால் உயிரிழந்ததாக பொலிஸார் தெரிவித்தனர்.இந்த சுவர் மீது தொடர்ச்சியாக சிறுவன் ஏறி விளையாடிக்கொண்டு இருந்தமையாலேயே குறித்த விபத்து இடம்பெற்றுள்ளதாக பொலிஸார் மேலும் தெரிவித்துள்ளனர்.

பலாலி விமான நிலையமானது அபிவிருத்தி செய்யப்படவுள்ளதாக தெரிவிக்கப்பட்டுள்ளது. தற்போது பாவனையில் இல்லாமல் இருக்கும் பலாலி விமான நிலையத்தினை மேலும் 26 ஹெக்டர் நிலப்பரப்பின் மூலம் விரிவுபடுத்தி அதனை அபிவிருத்தி செய்வதற்கு சிவில் மற்றும் விமானப் போக்குவரத்து அமைச்சு திட்டமிட்டுள்ளதாக தெரிவிக்கப்பட்டுள்ளது.

மேலும் குறித்த அபிவிருத்திக்காக 750 மில்லியன் ரூபாய் நிர்ணயிக்கப்பட்டுள்ளதாகவும், சுற்றுலா பிரதேசமாக அடையாளப்படுத்தப்பட்டுள்ள கல்பிட்டி பிரதேசத்தின் சுற்றுலா வியாபாரத்தை ஊக்குவிக்கும் நோக்குடன் இந்த பலாலி விமான நிலையம் அபிவிருத்தி செய்யப்படவுள்ளதாகவும் அமைச்சு மேலும் குறிப்பிட்டுள்ளது.

அனைத்து வயதினருக்குமான ஆறாவது உலக கராத்தே சம்பியன் போட்டியானது அயர்லாந்து நாட்டில் நேற்று (19) நடைபெற்றது. இந்தப் போட்டியில் புலம் பெயர்ந்து வாழும் சிவகுமார் அனுசா தம்பதிகளின் புதல்வி செல்வி அகல்யா பங்குபற்றி இரண்டாம் இடத்தைப் பெற்று சாதனை படைத்துள்ளார்.

அகல்யா சிறு வயதிலிருந்தே கராத்தே கலையில் ஆர்வமுடன் செயற்பட்டுவரும் அவர் தாயகத்திலும் தற்பொழுது பிரித்தானியா லண்டனிலும் பலபோட்டிகளில் பங்குபற்றி பல பதக்கங்களையும் பெற்றுள்ளமை குறிப்பிடத்தக்கது.

தொலைக்காட்சி நிகழ்ச்சி ஒன்றில் நேரடி ஒளிப்பரப்பில் ரவி கருணாநாயக்கவிற்குஎதிராக அவதூறாக உரையாற்றியதன் காரணமாக இழப்பீடு கோரி ஐக்கிய மக்கள் சுதந்திரமுன்னணியின் களுத்துறை மாவட்ட நாடாளுமன்றஉறுப்பினர் பியல் நிசாந்தவுக்கு நிதி அமைச்சர் கடிதம் ஒன்றை அனுப்பியுள்ளதாகதெரிவிக்கப்பட்டுள்ளது.

இந்த கடிதத்தில் 2 பில்லியன் கோரியுள்ளதாக குறிப்பிடப்பட்டுள்ளது.

கடந்த 7ம் திகதி இடம் பெற்ற நேரடி தொலைக்காட்சி அரசியல் நிகழ்ச்சி ஒன்றில்கலந்து கொண்டு நிதி அமைச்சருக்கு எதிராக அவதூறான அறிக்கை ஒன்றை தாக்கல்செய்தமையினாலேயே இவர் மீது குற்றம்சுமத்தப்பபட்டுள்ளதாக கூறப்பட்டுள்ளது.

இவரினுடைய இந்த அறிக்கையின் காரணமாக அரசியல்வாதியான நிதி அமைச்சரின் புகழ்சேதமடைந்திருப்பதாகவும், இதற்கு எதிராக சட்ட ரீதியில் நடவடிக்கை எடுக்கவேண்டும் எனவும் நிதி அமைச்சர் தெரிவித்துள்ளார்.

-தமிழ்வின்-

நயினாதீவு கடலில் குளிக்கச் சென்ற இளைஞர்களில் ஒரே குடும்பத்தைச் சேர்ந்த இருவர் உட்பட மூவரின் சடலங்கள் கடற்படையினரால் மீட்கப்பட்டுள்ளது.

யாழ்ப்பாணம் கோண்டாவில் கிழக்கு பகுதியைச் சேர்ந்த தேவராசா பாருஜன் (வயது 23), தேசவராசா சஞ்சயன் (வயது 22) மற்றும் உதயகுமார் சசிதரன் (வயது 21) ஆகிய மூவருமே இவ்வாறு சடலமாக கண்டெடுக்கப்பட்டுள்ளனர்.

நயினாதீவு அம்மன் ஆலயத்தின் தேர்த் திருவிழாவிற்கு யாழ்ப்பாணத்தில் இருந்து சென்ற இளைஞர்கள் கடலில் குளித்துக்கொண்டிருந்த போதே இந்த விபத்துக்கு முகம்கொடுத்துள்ளனர்.

குளித்துக்கொண்டிருந்த இளைஞர்கள் மூவரையும் திடிரென காணாத நிலையில், மற்றைய இளைஞர்கள் அங்கிருந்த கடற்படையினருக்கு தகவல் வழங்கியுள்ளனர்.

தகவலின் பிரகாரம், மூவரையும் கடற்படையினர் பல மணி நேரம் தேடிய போது, மாலை 4.00 மணியளவில் மூவரின் சடலமும் மீட்கப்பட்டுள்ளது.

இது தொடர்பான விசாரணைகளை நயினாதீவு பொலிஸார் மேற்கொண்டு வருகின்றனர்.

முதியோர் இல்லங்களுக்கான தேவை படிப்படியாக அதிகரித்து வருவதாக அமைச்சர் எஸ்.பி திஸாநாயக்க தெரிவித்துள்ளார். நடுத்தர வர்த்தக குடும்பங்களிடம் இருந்தே பெரும்பாலான கோரிக்கைகள் வருவதாக அமைச்சர் குறிப்பிட்டுள்ளார்.

நாட்டின் சனத்தொகை 1.8மில்லியனுக்கும் அதிகமாகும். இந்த நிலை 2025 ஆம் ஆண்டு 3மில்லியனாக உயரும் என எதிர்ப்பார்க்கப்படுகின்றதாக தெரிவிக்கப்பட்டுள்ளது.

அத்துடன் ஆடம்பர முதியோர் இல்லங்கள் கட்டுவதற்கான நடவடிக்கைகள் அமைச்சினால் மேற்கொள்ளப்பட்டு வருவதாகவும் திஸாநாயக்க கூறியுள்ளார்.