இலங்கை தொடர்பில் பிரித்தானியா ஏனைய நாடுகளுடன் கலந்துரையாடும் – பிரித்தானிய அமைச்சர்..!

brஇலங்கையில் நிலவரம் தொடர்பில் தொடர்ந்தும் பிரித்தானியா, பொதுநலவாய நாடுகள் மற்றும் சர்வதேச நாடுகளுடன் கலந்துரையாடும் என்று அறிவிக்கப்பட்டுள்ளது.

பிரித்தானியாவின் பொதுநலவாய அலுவலக நாடாளுமன்ற உறுப்பினர் ஹுகோ சுவைர் இந்த தகவலை வெளியிட்டுள்ளார்.

ஏற்கனவே இலங்கை தொடர்பான ஐக்கிய நாடுகள் மனித உரிமைகள் பேரவை வாக்கெடுப்பின் போது பிரித்தானியா, பிரேரணைக்கு ஆதரவாக வாக்களித்தது.

இந்தநிலையில் எதிர்வரும் மார்ச்சில் நடைபெறவுள்ள ஐக்கிய நாடுகள் மனித உரிமைகள் ஆணைக்குழு அமர்வின்போதும் பிரித்தானியா, உரிய செயற்பாட்டை வழங்கும் என்று ஹுகோ சுவைர் குறிப்பிட்டுள்ளார்.

பிரித்தானிய பிரதமர் டேவிட் கமரூன், பொதுநலவாய நாடுகள் மாநாட்டின் போது மனித உரிமைகள் விடயம் தொடர்பில் தெளிவான கொள்கையை வெளிப்படுத்தியதாக ஹுகோ தெரிவித்துள்ளார்.

இதேவேளை மனித உரிமைகள் தொடர்பில் இலங்கை உரிய விசாரணைகளை நடத்தாது போனால், நவநீதம்பிள்ளையின் சர்வதேச விசாரணை கோரிக்கைக்கு பிரித்தானியாவும் தமது ஒத்துழைப்பை வழங்கும் என்று பிரித்தானிய அமைச்சர் குறிப்பிட்டுள்ளார்.

யாசூசி அகாஷி நாளை இலங்கை வருகிறார்..!

yasoorshiஜப்பானின் இலங்கைக்கான விசேட சமாதான பிரதிநிதியான யாசூசி அகாஷி நாளை இலங்கைக்கான விஜயத்தை மேற்கொள்ளவுள்ளார்.

இலங்கை வரும் அகாஷி போரின் புன்னதான புனர்வாழ்வு மற்றும் நல்லிணக்க விடயங்கள் குறித்து ஆராயவுள்ளார்.

இலங்கையில் தங்கியிருக்கும் காலத்தில் ஜனாதிபதி மகிந்த ராஜபக்ஷ, வெளிவிவகார அமைச்சர் ஜீ.எல்.பீரிஸ், அரச அதிகாரிகள், எதிர்க்கட்சிகளின் பிரதிநிதிகள் மற்றும் சிவில் அமைப்புகளின் பிரதிநிதிகளை சந்தித்து பேச்சுவார்த்தை நடத்த உள்ளார்.

2002 ஆம் ஆண்டு முதல் இலங்கைக்கு விஜயம் செய்து வரும் யசூசி அகாஷியின் இந்த இலங்கை விஜயம் அவரது 23 வது விஜயம் என்பது குறிப்பிடத்தக்கது.

நாளை இலங்கை வரும் அகாஷி 13 ஆம் திகதி வரை இலங்கையில் தங்கியிருப்பார்.

கடன் தொல்லை காரணமாக மனைவியை விபச்சாரத்தில் ஈடுபடுமாறு வற்புறுத்திய கணவன் : யாழில் சம்பவம்!!

abuseயாழ்.அரியாலை கிராமத்தில் வங்கி கடனை செலுத்துவதற்காக ஊர் மக்களிடம் பெற்ற கடனை மீளவும் செலுத்துவதற்காக மனைவியை விபச்சாரத்தில் ஈடுபடுமாறு வற்புறுத்திய கணவரை யாழ்.பொலிஸார் கைது செய்துள்ளதாக தெரிவிக்கப்படுகின்றது.

அரியாலை கிராமத்திலுள்ள ஒருவர் தான் வங்கியில் பெற்ற கடனை மீளச் செலுத்துவதற்காக ஊர் மக்களிடம் கடன் பெற்று செலுத்தியுள்ளார். இந்நிலையில் ஊர் மக்களிடம் பெற்ற கடனை செலுத்துவதற்காக மனைவியை விபச்சாரத்தில் ஈடுபட்டு பணம் சம்பாதிக்குமாறு வற்புறுத்தியுள்ளார்.

இதனையடுத்து மனைவி யாழ்.பொலிஸ் நிலையத்தில் கொடுத்த முறைப்பாட்டின் படி கணவர் கைது செய்யப்பட்டுள்ளார்.

மேலும் குறித்த குடும்பஸ்தரின் வீட்டில் வெளிமாவட்டத்திலிருந்து வருகை தந்திருந்த உறவுமுறை பெண் ஒருவர் விபச்சார தொழிலில் ஈடுபட்டு வருவதாகவும் அவருடன் சேர்ந்து விபச்சாரத்தில் ஈடுபடுமாறு தன்னை வற்புறுத்தியதாக, மனைவி தனது முறைப்பாட்டில் தெரிவித்துள்ளதாக யாழ்.பொலிஸார் மேலும் தெரிவித்துள்ளனர்.

இலங்கையில் இவ்வாண்டில் 500 பேர் சுட்டுக்கொலை!!

piஇலங்கையில் 2013ம் ஆண்டு துப்பாக்கி சூட்டுச் சம்பவத்தால் 500 பேர் கொலை செய்யப்பட்டுள்ளனர் என யாழ். மாவட்ட பொலிஸ் அத்தியட்சகர் தமயந்த விஜயசிறி தெரிவித்துள்ளார். யாழ். தலைமைப் பொலிஸ் நிலையத்தில் நடைபெற்ற வாராந்த பத்திரிகையாளர் சந்திப்பின் போதே அவர் இதனைத் தெரிவித்தார்.

2012ம் ஆண்டு 700 பேரும், 2013ஆம் ஆண்டு 500 பேரும் கொலை துப்பாக்கிச் சூட்டில் கொலை செய்யப்பட்டுள்ளனர். முப்படைகளைத் தவிர்ந்த சட்டவிரோதமாக ஏனையவர்களிடம் இருக்கும் துப்பாக்கிகளைக் களைவதற்கு இம்மாதம் 15ஆம் திகதி வரை காலக்கேடு வழங்கப்பட்டுள்ளது.

குறித்த காலத்துக்குள் துப்பாக்கிகள் வைத்திருப்பவர்கள் தகுந்த அதிகாரிகளிடம் துப்பாக்கிகளைக் கையளிக்க வேண்டுமென்றும், அவ்வாறு துப்பாக்கிகள் கையளிக்காதவர்களுக்கு எதிராக அரசாங்கத்தினால் நடவடிக்கை எடுக்கப்படும் என்றும் அவர் மேலும் தெரிவித்தார்.

கடல் நீரை உறிஞ்சிய மேகம் : புகைப்படம் எடுத்த மீனவர்!!

megamகடல் நீரை மேகம் உறிஞ்சும் அதிசய நிகழ்வான நீர்த்தாரை எனப்படும் டோர்னடோவை தனது செல்போன் உதவியுடன் புகைப்படம் எடுத்துள்ளார் தமிழக மீனவர் ஒருவர்.

கடலூர் சிங்காரத்தோப்பைச் சேர்ந்த மீனவர்களான மதியழகனும் அவரது தம்பியும் மரக்காணம் அருகே ஆலம்பாறை என்ற இடத்தில் இருந்து கடலுக்குள் 5 கிலோ மீட்டர் தொலைவில் பெரிய விசைப்படகில் தங்கியிருந்து மீன் பிடித்துக்கொண்டு இருந்துள்ளனர்.

அப்போது திடீரென மேகங்கள் வானில் இருந்து தாழ்வாக கடல் அருகே இறங்கியும் கடல் நீர் சுழல் போல் மேலெழுந்து மேகங்களுக்குள் இழுக்கப்படும் அதிசய காட்சியை அவர்கள் கண்டுள்ளனர்.

சுமார் அரை மணிநேரம் நீடித்த இந்த அதிசய நிகழ்வை உடனடியாக தனது செல்போனில் படம் எடுத்துள்ளார் மதியழகன். மதியழகனின் படகிற்கு மிக அருகில் இந்த நிகழ்வு நடந்ததாக தெரிவித்துள்ளார் அவர்.

மீனவர்கள் மொழியில் இந்த நிகழ்வை யானை தும்பிக்கையை இறக்கி இருக்கிறது எனச் சொல்வார்களாம். ஆனால், அறிவியல் மொழியில் இதனை டோர்னடோ என பெயரிட்டு அழைக்கிறார்கள்.

அதாவது தமிழில் நீர்த்தாரை. மீனவர்கள் கண்ட இந்த டோர்னடோ குறித்து, கடலூர் துறைமுக அதிகாரி கேப்டன் அன்பரசன் கூறுகையில் கடலின் மேல் வீசும் காற்று குளிர்ந்த காற்றாகவும், கடலின் காற்று சற்று வெப்பமாகவும் இருந்தால் கடலில் நீர்த்தாரைகள் எனப்படும் அதிசய நிகழ்வு ஏற்படும்.

பொதுவாக பருவநிலை மாற்றம் ஏற்படும் போது இதுபோன்ற நிகழ்வுகள் நடைபெறும். மீண்டும் இரண்டு காற்றுகளின் வெப்பநிலையும் சமமாக மாறும் போது, நீர்த்தாரைகள் மறைந்து விடும். இந்த விநோத நிகழ்வின் போது கடலின் நீர் அதிவேகமாக உறிஞ்சப்பட்டு மேகமாக மாறி விடும்.

இதன் வேகம் பல கிலோ மீட்டராக இருக்கும். இதற்கு ஆங்கிலத்தில் டோர்னடோ என்று பெயர். இவைகள் ஐரோப்பா போன்ற பகுதிகளில் அதிகம் காணப்படும். இவை அனைத்தும் பருவகாலம் மாறும் போது நடைபெறும் நிகழ்வுகள் என இவ்வாறு அவர் தெரிவித்துள்ளார்.

குடும்பத் தகராறு: ஒரே குடும்பத்தைச் சேர்ந்த 5 சிறுமிகள் சுட்டுக் கொலை!!

pistolபீகாரில் நேற்று ஒரே குடும்பத்தைச் சேர்ந்த 5 சிறுமிகள் மர்ம நபர்கள் சிலரால் சுட்டுக் கொல்லப்பட்டுள்ளனர். பீகாரின் கயா மாவட்டத்தில் உள்ள ஒரு கிராமத்தை சேர்ந்த குடும்பத்தினர் மீது அங்குள்ள ஒருவர் புகார் அளித்திருந்தார்.

அதனடிப்படையில் சம்பந்தப்பட்ட குடும்பத்தைச் சேர்ந்த 3 சகோதரர்கள் தலைமறைவானதாகச் சொல்லப்படுகிறது.
அதனைத் தொடர்ந்து நேற்றிரவு அவர்களது வீட்டிற்குள் புகுந்த மர்ம நபர்கள் அங்கு உறங்கிக் கொண்டிருந்த குழந்தைகளை சரமாரியாகச் சுட்டுள்ளனர். இதில் 5 பெண் குழந்தைகள் சம்பவ இடத்திலேயே பரிதாபமாகப் பலியானார்கள்.

ஆனால் சிறுமிகளின் சகோதரர்கள் அதிர்ஷ்டவசமாக உயிர்தப்பினர். தனிப்பட்ட விரோதம் காரணமாக தங்களின் தூரத்து உறவினர்கள் இந்த கொலையை செய்திருப்பதாக குழந்தைகளின் குடும்பத்தார் புகார் அளித்துள்ளனர்.

புகாரின் அடிப்படையில் பொலிசார் விசாரணை நடத்தி, குற்றவாளிகளைத் தேடி வருகின்றனர்.

மன்டேலாவின் மறைவு குறித்து ஜனாதிபதி கவலை!!

Mahindaதென்னாபிரிக்காவின் முன்னாள் ஜனாதிபதி நெல்சன் மன்டேலாவின் மறைவிற்கு ஜனாதிபதி மஹிந்த ராஜபக்‌ஷ கவலை தெரிவித்துள்ளார்.

பொதுநலவாய நாடுகளின் தலைவர் என்ற வகையில் தென்னாபிரிக்காவின் ஜனாதிபதி ஜேக்கப் சூமாவிற்கு அனுதாப செய்தியொன்றை ஜனாதிபதி மஹிந்த ராஜபக்‌ஷ அனுப்பி வைத்துள்ளதாக ஜனாதிபதி ஊடகப் பிரிவு தெரிவித்துள்ளது.

புதிய தென்னாபிரிக்காவின் தந்தையான நெல்சன் மண்டேலாவின் மறைவு குறித்து தென்னாபிரிக்க குடியரவு மற்றும் அந்நாட்டு மக்களுக்கும் தனது அனுதாபங்களை தெரிவிப்பதாக பொதுநலவாய நாடுகளின் தற்போதைய தலைவர் என்ற வகையில் ஜனாதிபதி விடுத்துள்ள அனுதாபச் செய்தியில் தெரிவிக்கப்பட்டுள்ளது.

சிரிக்க மறுத்ததால் 25வது மாடியில் இருந்து வீசப்பட்ட 18 மாத குழந்தை!!

babyசீனாவில் உள்ள சொங்குயிங் நகரில் 25 அடுக்கு மாடி கட்டிடம் உள்ளது. சம்பவத்தன்று இங்கு தங்கியிருக்கும் 10 வயது மாணவி பள்ளியில் இருந்து வீட்டுக்கு திரும்பி வந்தார்.

அப்போது பால்கனியில் 18 மாத ஆண் குழந்தை ஒன்று விளையாடிக் கொண்டிருந்தது. அதைப் பார்த்த மாணவி சிரித்தாள்.

ஆனால் அந்த குழந்தை சிரிக்கவில்லை. இதனால் ஆத்திரம் அடைந்த அவள் அந்த குழந்தையை தூக்கி 25வது மாடியில் இருந்து கீழே வீசினாள்.

இதனால் தரையில் விழுந்த அக்குழந்தை அதிசயமாக உயிர் தப்பியது. ஆனால் உடலில் படுகாயம் ஏற்பட்டது. எனவே அக்குழந்தைக்கு வைத்தியசாலையில் தீவிர சிகிச்சை அளிக்கப்படுகிறது.

வரலாற்று நாயகன் நெல்சன் மன்டேலாவின் உடல் 15ம் திகதி நல்லடக்கம்!!

Nelson Mandelaதென்னாபிரிக்க மக்களை மாத்திரமன்றி உலகெங்கும் உள்ள பல கோடிக்கணக்கானோரை சோகத்தில் ஆழ்த்தியபடி வரலாற்று நாயகன் நெல்சன் மண்டேலா தனது 95வது வயதில் இயற்கை எய்தினார்.

எதிர்வரும் 15ம் திகதி ஞாயிற்றுக்கிழமை அரச மரியாதையுடன் மண்டேலாவின் இறுதிச் சடங்கு நடத்தப்படவுள்ளதாக தென்னாப்பிரிக்க ஜனாதிபதி ஜேக்கப் ஸூமா அறிவித்துள்ளார்.
அவரது மறைவை முன்னிட்டு தென்னாபிரிக்காவில் எல்லாக் கொடிகளும் 10 நாட்களுக்கு அரைக்கம்பத்தில் பறக்க விடப்படும்.

துக்க அனுஷ்டிப்புக் காலம் தென்னாபிரிக்காவில் தொடங்கிய நிலையில் அந்நாட்டின் அனைத்துப் பொது, அரசு கட்டிடங்கள் மற்றும் உலகெங்கும் உள்ள தென்னாபிரிக்கத் தூதரகங்கள் அனைத்திலும் அஞ்சலிக் குறிப்புகளை மக்களும் பிரமுகர்களும் எழுத உதவும் வகையில் அஞ்சலிப் புத்தகங்கள் வைக்கப்படுகின்றன.

ஜோஹனஸ்பர்கின் புறநகர்ப்பகுதியில் உள்ள எப்.என்.பி அரங்கத்தில் தேசிய துக்கப் பிரார்த்தனை நிகழ்வு ஒன்று நடத்தப்படவிருக்கிறது. அதன் பின்னர், பிரிட்டோரியாவில் மூன்று நாட்கள் நெல்சன் மண்டேலாவின் உடல் மக்கள் அஞ்சலிக்காக வைக்கப்பட்டிருக்கும்.

தொடர்ந்து எதிர்வரும் 15ம் திகதி நெல்சன் மண்டேலாவின் உடல் கிழக்கு கேப் பகுதியில் அவர் வளர்ந்த குனு கிராமத்தில் அரச மரியாதைகளுடன் அடக்கம் செய்யப்படும்.

புறக்கோட்டையில் புதிதாக கட்டப்பட்ட கடைத் தொகுதியில் தீ விபத்து!!

fireபுறக்கோட்டை – போதிராஜமாவத்தையில் புதிதாக கட்டப்பட்ட கடைத் தொகுதியொன்றில் தீவிபத்து ஏற்பட்டுள்ளது. தீயினால் கடைத் தொகுதி பாரியளவில் சேதமடைந்துள்ளது.

சுமார் 15 தற்காலிக வர்த்தக நிலையங்கள் இதனால் முற்றாக அழிவடைந்துள்ளதாகவும் தெரியவந்துள்ளது.

 

ஐரோப்பிய ஒன்றியத்தின் 28 நாடுகளிக்கு விமானத் தடை!!

flightநேபாள நாட்டின் விமானங்களின் பாதுகாப்பின்மை கருதி ஐரோப்பிய ஒன்றியத்தின் கீழ்வரும் 28 நாடுகளிலும் நேபாள விமானங்களை இயக்க இன்று முழு தடை விதிக்கப்பட்டது.

கடந்த 2004 மற்றும் 2005ம் ஆண்டுகளில் நடைபெற்ற விமான விபத்துகளில் நூற்றுக்கணக்கான ஐரோப்பியர்கள் பலியாகினர். இதனால் ஐரோப்பிய யூனியனைச் சேர்ந்த உறுப்பினர் நாடுகள் பாதுகாப்பற்ற விமானப் பயணங்களைத் தடை செய்ய ஏகமனதாக முடிவெடுத்தன.

பாதுகாப்பு அடிப்படையில் ஒன்றியம் தயாரிக்கும் கருப்பு பட்டியல் பொதுவாக வருடத்திற்கு இரண்டுமுறை சரிபார்க்கப்படுகின்றது. ஐரோப்பிய விமான நிலையங்களில் வெளிநாட்டு விமானங்கள் சரி பார்க்கப்படும்போது குறைகள் தென்பட்டாலோ அல்லது பிற விமான கட்டுப்பாட்டு நிறுவனங்கள் விமானங்களின் தரத்தில் குறையிருப்பதாக அறிவித்தாலோ அந்த விமான நிறுவனங்கள் ஐரோப்பிய யூனியனின் கருப்புப் பட்டியலில் இடம்பெற்று அவற்றின் பயணங்களுக்குத் தடை விதிக்கப்படும்.

பயணிகள் விமானங்கள் மட்டுமில்லாமல் சரக்கு விமானங்களின் பாதுகாப்பும் இந்த நாடுகளால் சோதிக்கப்படுகின்றன.
தற்போது 22 ஆவது முறையாக மேம்படுத்தப்பட்டுள்ள கருப்பு பட்டியலின்படி நேபாள நாட்டு விமானங்களுக்கு ஐரோப்பிய யூனியன் நாடுகளின்மீது பறக்க தடை விதிக்கப்பட்டுள்ளது.

இதனைத் தொடர்ந்து அந்த நாட்டு விமானங்களில் முன்பதிவு செய்துள்ள ஐரோப்பிய பயணிகளுக்கு அவர்களின் பணத்தை திரும்பப் பெற்றுத்தரவும், இந்தத் தகவலை சுற்றுலா பயணிகளுக்குத் தெரிவிக்கும்படியும் ஐரோப்பிய பயண முகவர்களும், ஏற்பாட்டாளர்களும் கேட்டுக் கொள்ளப்பட்டுள்ளனர்.

நேபாள விமான நிறுவனங்கள் மற்றும் அதிகாரிகளிடமிருந்து பெற்ற தகவல்களின் அடிப்படையில் பாதுகாப்பு காரணம் கருதி ஐரோப்பிய யூனியன் இந்த முடிவை எடுத்துள்ளதாக தெரிவித்துள்ளது.

கடற்பிரதேசங்களில் கடும் காற்று வீசக்கூடும் : வானிலை ஆய்வுமையம் தகவல்!!

kattruகாலியில் இருந்து யாழ்ப்பாணம் வரையான மட்டக்களப்பு ஊடான கடற்பகுதிகளில் கடும் காற்று வீசக்கூடும் என்பதால், ஆபத்து மிக்கதாக இருக்கக் கூடும் என இடர்முகாமைத்துவ மத்திய நிலையம் தெரிவித்துள்ளது.

இந்தப் பகுதிகளில் காற்றின் வேகம் மணித்தியாலத்திற்கு 80 கிலோமீற்றர் வரை அதிகரிக்கும் எனவும் குறிப்பிடப்பட்டுள்ளது

என் குழந்தைகளை பாகிஸ்தானுக்கு அழைத்துச் செல்ல விருப்பப்படுகின்றேன் : ஷாருக்கான்!!

Saruk47 வயதாகும் இந்தி திரையுலக நடிகரான ஷாருக்கான் டெல்லியில் பிறந்திருந்தாலும் மறைந்த அவரது தந்தையார் தாஜ் முகமதுகானின் பூர்வீகம் பாகிஸ்தானில் உள்ள பெஷாவராகும். அவர் ஒரு சுதந்திரப் போராட்ட வீரராவார்.

தன்னுடைய பதினாறாவது வயதில் தந்தையுடன் பெஷாவருக்குச் சென்றதாக குறிப்பிடும் ஷாருக்கான் பெஷாவர், கராச்சி மற்றும் லாகூர் போன்ற ஊர்களின் இனிமையான நினைவுகள் இன்னமும் தன்னுடைய மனதில் இருப்பதாகக் கூறினார்.

தன்னுடைய உறவினர்கள் அங்கே வாழ்ந்து வருவதாகவும், தன்னுடைய மூன்று குழந்தைகளையும் தான் பாகிஸ்தானுக்கு அழைத்துச் செல்ல விரும்புவதாகவும் அவர் குறிப்பிட்டார்.

பொது நிகழ்ச்சி ஒன்றில் பாகிஸ்தானின் முன்னாள் வெளியுறவுத்துறை அமைச்சரான ஹினா ரப்பானி கர் ஷாருக்கானை பாகிஸ்தானிற்கு வருமாறு அழைப்பு விடுத்தார். அப்போது ஷாருக்கான் தன்னுடைய ஆசைகளை இவ்வாறு வெளியிட்டார்.

மேலும் இரு நாடுகளும் தங்களிடையே உள்ள வேற்றுமைகளை மறந்து ஒற்றுமையாக, நட்புணர்வுடன் ஒரு குடும்பம்போல் ஒன்றாக செயல்படவேண்டும் என்ற தனது விருப்பத்தினையும் அவர் தெரிவித்தார். இரு நாட்டு மக்களும் மற்றவர்களிடத்தில் எந்த வெறுப்புணர்வும் கொண்டிருக்கவில்லை என்று தான் நம்புவதாக அவர் குறிப்பிட்டார்.

வெளிநாடுகளுக்கு செல்லும்போது அங்கு மக்களிடையே கலாச்சார வேற்றுமைகள் காணப்படுவதில்லை. அதுபோல் கடந்த காலத்தை மறந்து நாம் இயல்பாக இருக்கவேண்டும் என்றும் ஷாருக்கான் தெரிவித்தார்.

டுவிட்டரில் இணைந்த விவேக், வடிவேலு!!

vadiveluதமிழ் திரையுலகில் முன்னணி காமெடியர்களாக இருந்து தொழில் போட்டியில் மோதிக்கொண்ட விவேக்கும், வடிவேலும் டுவிட்டரில் சண்டையிட வருகிறார்கள்.

விவேக் ஏற்கனவே டுவிட்டரில் இருக்கிறார். தனது பட விவரங்கள், மரக்கன்றுகள் நடும் திட்டம் போன்றவை குறித்து டுவிட்டரில் பதிவு செய்து ரசிகர்களுடன் தொடர்பு வைத்துள்ளார். 4 ஆயிரத்துக்கும் மேற்பட்ட ரசிகர்கள் இவரது டுவிட்டரில் சேர்ந்துள்ளனர்.

தற்போது வடிவேலுவும், விவேக்கை பின்பற்றி டுவிட்டருக்கு வந்துள்ளார். இவர் இதில் சேர்ந்த சில தினங்களிலேயே ஆயிரக்கண்கான ரசிகர்கள் தொடர்பில் வந்தார்கள். தனது பட விவரங்களை உடனுக்குடன் இதில் வெளியிட இருக்கிறார்.
காமெடியர்களில் சந்தானம் மட்டுமே இதுவரை டுவிட்டரில் சேரவில்லை.

விவேக்கும் வடிவேலும் ஆரம்ப காலங்களில் பல படங்களில் இணைந்து நடித்தார்கள். அதன் பிறகு பிரிந்தனர். முன்னணி கதாநாயகர்களுடன் தனித்தனியாக நடித்தார்கள். சந்திரமுகியில் ரஜினியுடன் வடிவேலு நடித்தார். அடுத்து வந்த ரஜினியின் சிவாஜி படம் விவேக் கைக்கு மாறியது. விக்ரமின் கந்தசாமி படத்தில் விவேக் நடிப்பதாக இருந்தது. பிறகு அவரை மாற்றிவிட்டு வடிவேலுவை சேர்த்தனர்.

தனுசின் படிக்காதவன் படத்தில் நடிக்க முதலில் வடிவேலுவை தேர்வு செய்தனர். பிறகு அவரை நீக்கி விட்டு விவேக்கை அழைத்தார்கள். விவேக் நடிப்பதாக இருந்த ஆதவன் பட வாய்ப்பை வடிவேலு தட்டி பறித்தார். இப்படி பட வாயப்புகள் பெறுவதில் கடும் போட்டி நிலவியது.

சூர்யாவுடன் சிங்கம் ஹிட் படத்தில் நடித்த பிறகு விவேக் பத்தாயிரம் கோடி என்ற படத்தில் முக்கிய கரக்டரில் வந்தார். தற்போது பாலக்காட்டு மாதவன், பேசும்படம் உள்ளிட்ட சிலபடங்களில் நடித்து வருகிறார்.

வடிவேலு கடந்த சட்டமன்ற தேர்தலில் தி.மு.க.வுக்கு ஆதரவாக பிரசாரம் செய்து அரசியலில் ஈடுபட்டதால் சினிமாவில் இடைவெளி விழுந்தது. நடிக்காமல் ஒதுங்கி இருந்தார். நீண்ட இடைவெளிக்கு பிறகு தற்போது ஜகஜால புஜபல தெனாலிராமன் என்ற படத்தில் நடித்து வருகிறார்.

பொங்கலுக்கு இப்படம் ரிலீசாகிறது. இரு காமெடியர்களும் டுவிட்டரில் தங்கள் படங்களை விளம்பரபடுத்த திட்டமிட்டு உள்ளனர். ஆனால் இருவரது ரசிகர்களும் இதில் மோதிக் கொள்ளும் சூழல் ஏற்படலாம் என எதிர்பார்க்கப்படுகிறது. அப்போது இவர்களுக்குள்ளும் மீண்டும் மோதல் வெடிக்கலாம் என்கின்றனர்.

அதிரடியாக சம்பளத்தை உயர்த்திய பரோட்டா சூரி!!

sooriசுசீந்திரன் இயக்கிய வெண்­ணிலா கப­டிக்­குழு படத்தில் அறிமுகமானவர் சூரி. அந்தப் படத்தில் 50 பரோட்­டாக்­களை சளைக்­காமல் வெளுத்துக் கட்­டி­ அப்ளாஸ் வாங்கினார். அதனாலேயே அவரின் பெயர் பரோட்டா சூரி என்­றாகிவிட்­டது.

ஆனாலும் பரோட்டா சூரி என்று அழைப்பது சூரிக்கு சுத்தமாகப் பிடிக்காது. எனக்கு பரோட்டாவே பிடிக்காதுண்ணே என வெள்ளந்தியாக சிரிப்பார். இப்போது சந்தானத்துக்கு அடுத்து காமெடி ரேஸில் சூரிக்கு அதிக வேல்யூ இருக்கிறது.

வருத்­தப்­ப­டாத வாலிபர் சங்கம் படத்தில் இவர் செய்த காமெடி ரசி­கர்­களின் ஆத­ரவைப் பெற்­றது. குறைந்த சம்­பளம், பந்தா இல்­லாத நடிப்பு என்ற பிளஸ் பாயின்டால் சந்­தா­னத்தின் கால்ஷீட் கிடைக்­கா­த­வர்கள் சூரியை மொய்க்கத் துவங்­கினர்.

அதனால்தான் சிம்பு, விஜய் படங்களில் சூரி பிஸியாக இருக்கிறார். தற்போது சூரியின் கால்ஷீட் டயரி நிரம்பி வழி­கி­றது. இதைப் பயன்­ப­டுத்தி தன் சம்­ப­ளத்­தையும் அதி­ர­டி­யாக உயர்த்தி விட்­டாராம் சூரி.

ஒரு நாளைக்கு ஒரு லட்சம் ரூபாய் வாங்கிக் கொண்­டி­ருந்த சூரி இப்போது மூன்று லட்சம் சம்பளம் கேட்கிறாராம்.

சென்னை சர்வதேச திரைப்பட விழாவில் அனிருத்துக்கு விருது!!

anirudh11வது சர்வதேச திரைப்பட விழா டிசம்பர் 12 முதல் 19 வரை சென்னையில் நடக்கிறது. இவ்விழாவை கமல், அமீர்கான் துவக்கி வைக்கின்றனர்.

இவ்விழாவை முன்னிட்டு உலக அளவில் விருதுகளை வென்ற பல திரைப்படங்கள் உள்ளிட்ட 50 நாடுகளைச் சேர்ந்த 150 திரைப்படங்கள் திரையிடப்பட உள்ளன.

தமிழ்த் திரைப்படங்களுக்கு மட்டும் போட்டி நடத்தப்பட்டது. இதில் பெஸ்ட் யூத் ஐகன் விருது அனிருத்துக்குக் கிடைத்துள்ளது.

எதிர்நீச்சல், வணக்கம் சென்னை, இரண்டாம் உலகம் படங்களில் பணியாற்றி சிறப்பாக இசை அமைத்ததற்காக இவ்விருது வழங்கப்படுகிறது.

19ம் தேதி நடக்கும் நிறைவு விழாவில் அமிதாப் பச்சன் கலந்துகொண்டு போட்டியில் வென்ற கலைஞர்களுக்கு விருதுகளை வழங்க இருக்கிறார்.

1...4,4234,4244,425...4,739Page 4,424 of 4,739