ஆசியாவில் 10ல் ஒரு ஆண் பெண்களை பாலியல் பலாத்காரம் செய்கின்றனர் என ஐ.நா சபை மேற்கொண்ட ஆய்வு ஒன்றில் தெரிய வந்துள்ளது. ஆசியாவை சேர்ந்த வங்காளதேசம், சீனா, கம்போடியா, இந்தோனேஷியா, பப்புவா நியூ கினியா, இலங்கை என 6 நாடுகள் இந்த ஆய்வில் பங்கேற்றனர். கடந்த ஜனவரி 2011-டிசம்பர் 2012 வரையில் சுமார் 10,178 ஆண்களிடம் ஆசியா மற்றும் பசிபிக் பகுதிகளில் ஒன்பது இடங்களில் கேள்விகள் கேட்கப்பட்டன. ஆனால் அவற்றில், கற்பழிப்பு என்ற வார்த்தை பயன்படுத்தப்படவில்லை.

சிறுமியை பலாத்காரம் அதிக போதையில் அல்லது அதிகமாக குடித்திருக்கும்போது, ஒரு பெண் அல்லது சிறுமி, அவள் விரும்புகிறாளா அல்லது இல்லையா என்பதை தெரிவிக்க இயலாத நிலையில், நீங்கள் செக்சில் ஈடுபட்டதுண்டா? என மற்றொரு கேள்வி இருந்தது. இக்கேள்விகளுக்கு பதிலளித்தவர்களில், பப்புவா நியூ கினியாவை சேர்ந்த 10ல்6 பேர் வலுக்கட்டாயமாக ஒரு பெண்ணை செக்சிற்கு உட்படுத்தியதாக தெரிவித்துள்ளனர்.

இது வங்காளதேசத்தின் நகர்ப்புறங்களில் மிக குறைந்த அளவாக 10ல் ஒருவருக்கும் கீழ் என்றும் இலங்கையில் 10ல் ஒருவருக்கு மேல் என்றும் உள்ளனர். அதுவே, கம்போடியா, சீனா மற்றும் இந்தோனேஷியா நாடுகளில் 5ல் ஒருவர் என்ற அளவில் உள்ளதாக தெரிய வந்துள்ளது. ஆய்வில்24 சதவீதத்தினர் நெருங்கிய உறவுகளை பலாத்காரமாக ஈடுபடுவதாகவும், இது வங்காளதேசத்தில் 13 சதவீதமாகவும் மற்றும் பப்புவா நியூ கினியாவில் 59 சதவீதமாகவும் உள்ளதாக தெரிவிக்கப்பட்டு உள்ளது. நெருங்கிய உறவுகள் என கருதப்படும் மனைவி மற்றும் பெண் தோழியரை பாலியல் பலாத்காரம் செய்ததாக ஆய்வுக்கு எடுத்து கொள்ளப்பட்டவர்களில் 4ல் ஒரு பங்கினர் தெரிவித்துள்ளனர்.

ஜேர்மனியில் உள்ள பல்கலைக்கழகம் ஒன்று 37000மாணவர்களின் பெயர்களை ஒரே நேரத்தில் நீக்கம் செய்தது பரபரப்பை ஏற்படுத்தியுள்ளது.

ஜேர்மனியில் உள்ள Dresden என்ற பல்கலைக்கழகம் தனது மாணவர்கள் மற்றும் பணியாளர்களுக்கு மின்னஞ்சல் ஒன்றை அனுப்பியது.

அதில், உங்களது லொகினை லொக் செய்ய இன்னும் 12 நாட்கள் மட்டுமே இருக்கிறது, நீங்கள் மாணவர் பட்டியலில் இருந்து பெயர் நீக்கம் செய்யப்பட்டுள்ளீர்கள், உங்களது கான்ட்ராக்ட் ஒப்பந்தம் முடிவடைந்துள்ளது என்று தெரிவிக்கப்பட்டுள்ளது.

இதனை படித்து பார்த்த அனைவரும் அதிர்ச்சி அடைந்தனர்.

சிலர், பல்கலைகழக கட்டணம் கட்டியதற்கான ரசீதுகள், சான்றிதழ்கள் போன்றவற்றை இணைத்து பதில் அனுப்பி இருந்தனர்.

குறிப்பாக பல்கலைகழகத்தின் விக்கிபீடியா பக்கத்திலும், மாணவர்களின் எண்ணிக்கை 0 என்ற இருந்துள்ளது.

இதுகுறித்து பல்கலைக்கழகத்தில் பணிபுரியும் அதிகாரி ஒருவர் கூறுகையில், மென்பொருள் மூலம் அனுப்பப்பட்ட மின்னஞ்சலில் தவறு ஏற்பட்டுள்ளது.

இதற்காக வருந்துகிறோம், தவறுகள் சரிசெய்யப்பட்டு விட்டது என்று தெரிவித்துள்ளார்.

இங்கிலாந்தை சேர்ந்த நபர் ஒருவர் 135 நாட்களாக கடலில் நீந்தி சாதனை படைத்துள்ளார். இங்கிலாந்தின் கிளவுஸ்டர்ஷெயர் பகுதியில் உள்ள லெக்காம்டான் என்ற இடத்தை சேர்ந்தவர் சீன் கான்வே(வயது 32).

இவர் கடந்த ஜூன் மாதம் 30ம் திகதி, இங்கிலாந்தில் உள்ள லேண்ட் எண்ட் என்ற இடத்தில் இருந்து தனது நீச்சல் பயணத்தை தொடங்கினார்.

சுமார்4 மாதங்கள் மிகவும் குளிரான இங்கிலாந்து கடல் பகுதியில் நீந்தி சென்று, சுமார்1450 கிமீ தொலைவில் இருக்கும் ஜான் ஓ க்ரோட்ஸ் என்ற துறைமுகத்தை நேற்று வந்தடைந்தார். இதற்காக இவர் எடுத்து கொண்ட காலம் 135 நாட்கள்.

கடலில் நீந்தி வரும் போது,ஜெல்லி மீன்களின் தாக்குதல், கடல் நோய் பாதிப்பு, குளிர் என எதை பற்றியும் கவலைப்படாமல் அவர் இந்த சாதனையை செய்துள்ளார்.

இதுகுறித்து சீன் கான்வே கூறுகையில்,இதற்கு முன்பு இதே பகுதியை சைக்கிளிலும், நடந்து சென்றும் பலர் இந்த சாதனையை செய்துள்ளனர்.

முதல் முறையாக இந்த பகுதியை கடலில் நீந்தி கடந்துள்ளேன் என்று தெரிவித்துள்ளார்.

இருப்பினும் இவரது சாதனையை கின்னஸ் புத்தகம் பதிவு செய்ய மறுத்து விட்டது, இதற்கு கடும் குளிரின் காரணமாக கடலுக்கு வெளியே செலவிட்டுள்ளதே காரணமாகும்.

மேலும் பாதுகாப்பான நீச்சல் உடையும்,காலில் எளிதில் நீந்தி செல்வதற்கான நீச்சல் ஷூவும் அணிந்திருந்தார் என்ற காரணத்துக்காகவும் சாதனை புத்தகத்தில் பதிவு செய்ய மறுப்பு தெரிவிக்கப்பட்டுள்ளது.

குண்டான இளைஞனுக்கு விமானத்தில் ஏற அனுமதி மறுக்கப்பட்டதால் கப்பலில் செல்ல முடிவு செய்துள்ளார்.

கடந்த ஒன்றரை வருடங்களுக்கு முன்னால் மருத்துவக் காரணங்களுக்காக பிரான்ஸ் நாட்டிலிருந்து கெவின் செனைஸ் என்ற இளைஞனும், அவனது பெற்றோரும் அமெரிக்கா வந்தனர்.

மேயோ மருத்துவமனையில் சிகிச்சை பெற்று வந்த கெவின், சிகிச்சை முடிந்ததும் தனது பெற்றோருடன் தங்கள் நாட்டிற்கு திரும்பிச் செல்வதற்காக பிரிட்டிஷ் விமான நிறுவனத்தில் முன்பதிவு செய்திருந்தனர்.

இந்நிலையில் 20 வயதான கெவினுக்கு உடலில் ஏற்பட்ட ஹார்மோன் கோளாறால் உடல் எடை கூடியது.

அதன் விளைவாக கெவினின் எடை 500 பவுண்டானதால் விமான பயணத்திற்கு பிரிட்டிஷ் விமான நிறுவனம் அனுமதி மறுத்துள்ளது.

மேலும் கெவினுக்கு எந்த நேரமும் மருத்துவ உதவியும், பிராணவாயுக் கருவியும் தேவைப்படும் என்பதால் பயணம் செய்யும்போது ஏதாவது பிரச்சினைகள் ஏற்பட்டால் சமாளிக்க முடியாது எனவும் காரணம் தெரிவித்துள்ளனர்.

இதனைத் தொடர்ந்து ஒரு வாரம் ஒட்டலில் தங்கியிருந்த கெவினின் குடும்பம் மேற்கொண்டு செலவு செய்வதற்கு இயலாமல் ரயில் மூலம் நியூயார்க் சென்று அங்கிருந்து கப்பல் மூலமாக பிரான்ஸ் செல்ல முடிவு செய்தனர்.

இதனையடுத்து நேற்று நியூயார்க்கு வந்த இளைஞன் கெவின், வருகிற 19ம் திகதி இங்கிலாந்து செல்கின்ற கப்பலில் திரும்ப உள்ளார்.

மேலும் பிரிட்டிஷ் விமான நிறுவனம் மறுத்த போது, ஏர் பிரான்ஸ் மற்றும் சுவிஸ் ஏர் போன்ற விமான நிறுவனங்கள் போட்டி போட்டு கொண்டு உதவி செய்ய முன் வந்ததாகவும், பணம் இல்லாத காரணத்தால் இவற்றை நிராகரித்ததாகவும் கெவினின் தந்தை கூறியுள்ளார்.

இங்கிலாந்தின் டார்சட் அருகேயுள்ள விம்போர்ன் நகரை சேர்ந்தவர் ஜாக் ஹேக் (93).

70 ஆண்டுகளாக இவருடன் இணைபிரியாமல் வாழ்ந்த மனைவி வெரோனிக்கா சமீபத்தில் காலமானார்.

அதன் பின்னர், உடல் நலம் பாதிக்கப்பட்டு தனிமையில் வாடிய ஜாக் ஹேக் முதுமையை விரட்டிவிட்டு இன்னும் கொஞ்ச காலம் பூமியில் வாழ விரும்பினார்.

ஏற்கனவே 3 முறை இருதய சத்திர சிகிச்சை செய்து கொண்ட இவருக்கு நான்காவதாக மேலும் ஒரு சத்திர சிகிச்சை செய்ய வேண்டியுள்ளது. அதற்கு ஆயிரம் பவுண்கள் வரை செலவாகும் என்று வைத்தியர்கள் தெரிவித்தனர்.

இதற்கான பணத்தை திரட்டவும், உலக மக்களின் கவனத்தை ஈர்க்கவும் முடிவெடுத்த அவர் 10 ஆயிரம் அடி உயரத்தில் இருந்து ‘ஸ்கை டைவிங்’ செய்யப் போவதாக அறிவித்தார்.

நடக்கவே இயலாத ஜாக் ஹேக்கை சிலர் கைதாங்கலாக விமானத்தில் ஏற்றி விட்டனர்.

விமானம் மேலே எழும்பியதும் தன்னிடம் இருந்த பெரிய பையை முதுகில் கட்டிக் கொண்டு குதிப்பதற்கு தயாரானார்.

‘இது எதற்கு தேவை இல்லாத பாரத்தையும் சுமந்துக் கொண்டு ஸ்கை டைவிங் செய்ய போகிறீர்கள் ?’ என்று விமானத்தில் இருந்தவர்கள் கேட்டபோது சோகமான ஒரு புன்னகையை மட்டுமே உதிர்த்த அவர் 10 ஆயிரம் அடி உயரத்தில் இருந்து கீழே குதித்து பத்திரமாக தரையிறங்கினார்.

இவரது சாகசத்தை கண்டு மெய்சிலிர்த்த பலர் 600 பவுண்கள் வரை நன்கொடை வழங்கியுள்ளனர். இன்னும் 400 பவுண்களையும் விரைவில் சேர்த்து விடுவேன் என்று நம்பிக்கை தெரிவித்த ஜாக் தனது முதுகில் இருந்த பை பற்றிய ரகசியத்தை வெளியிட்டார்.

உங்கள் உயிர் இருக்கும் வரை எப்போதும் நான் உங்கள் பக்கத்திலேயே இருக்க வேண்டும் என்று 95 வயதில் என்னை விட்டு பிரிந்த வெரோனிக்கா கூறினார்.

நானும், அப்படியே ஆகட்டும் என்று வாக்குறுதி அளித்து விட்டேன்.

இந்த ஸ்கை டைவிங் மூலம் நான் பத்திரமாக தரையில் கீழே வந்து சேர்வேனா..? அல்லது, மேல் லோகம் போய் விடுவேனா..? என்பது பற்றி எனக்கு உறுதியாக தெரியாது.

எப்படி ஆனாலும் சரி..என் மனைவிக்கு கொடுத்த வாக்குறுதியை காப்பாற்றியே தீரவேண்டும் என்ற வைராக்கியத்தில் இவ்வளவு காலமாக பாதுகாத்து வந்த அவளது சாம்பல் அடங்கிய பையையும் முதுகில் கட்டிக் கொண்டு குதித்து விட்டேன் என்று கூறி திகைப்பை ஏற்படுத்தினார், இந்த 93 வயது இளைஞர்.

இந்தோனேசியாவில் உள்ள வடக்கு சுமத்ரா தீவில் 8,120 அடி உயரம் உடைய எரிமலை ஒன்று கடந்த சில மாதங்களாக குமுறிக் கொண்டிருந்தது.

சினபாங் என்ற அந்த எரிமலை தற்போது சீற்றம் அடையத் தொடங்கியது.

இதனால் எரிமலையில் இருந்து வெப்ப குழம்புகளும், கரும்புகையும் வெளியேறிவருகிறது.

இதுகுறித்து தேசிய பேரிடர் மேலாண்மை அதிகாரி சுதோர்போ கூறுகையில், எரிமலை சீற்றம் அடைந்துள்ளதால் கரோ மாவட்டத்தில் உள்ள சினபாங் அடிவாரத்தில் இருக்கும் ஏராளமான கிராமங்களில் வசிக்கும் சுமார் 6000 பேரை பாதுகாப்பான இடங்களுக்கு வெளியேற்றியுள்ளோம்.

மேலும் சுற்றி உள்ள இடங்களுக்கும் எச்சரிக்கை விடப்பட்டுள்ளது. எரிமலையைச் சுற்றி சுமார் 3 கிமீ சுற்றளவுக்கு ஆட்கள் நுழைய தடை விதிக்கப்பட்டுள்ளது என்று தெரிவித்தார்.

ஸ்விட்சர்லாந்து நாட்டில் உள்ள ஜெனிவா நகரில் அரிய வகை வைரங்களின் ஏலம் நடைபெற்றது.

59.60 கேரட் எடை கொண்ட ‘பிங்க் ஸ்டார்’ என்றழைக்கப்படும் இந்த அரியவகை வெளிர்சிவப்பு நிற வைரம் சுமார் 6 கோடி அமெரிக்க டொலர்கள் வரை ஏலம் போகலாம் என எதிர்ப்பார்க்கப்பட்டது. ஆனால், அந்த எதிர்ப்பார்ப்பை முறியடித்து 8.3 கோடி அமெரிக்க டொலர்களுக்கு (இந்திய மதிப்புக்கு சுமார் 500 கோடி ரூபாய்) இந்த வைரம் விற்பனையானது.

தொடக்க விலையாக சுவிட்சர்லாந்து நாட்டு ‘பிராங்க்’கில் 48 மில்லியன் பிராங்காக ஏலம் போன இந்த வைரத்தின் விலை படிப்படியாக 10 லட்சம் பிராங்குகளாக உயர்ந்தது. இறுதியாக 6.7 கோடி பிராங்குகளுக்கு (8.3 கோடி அமெரிக்க டொலர்) ஏலம் முடிவடைந்தது.

தனது பெயர், இருப்பிடம் பற்றிய தகவல்களை வெளியிட மறுத்துவிட்ட ஏலம் எடுத்த நபர், வேறொருவர் சார்பாக இந்த ஏலத்தில் பங்கேற்றதாக தெரிவித்தார்.